Chapter
၃၆
ယေႃႇၶတ်ႉပဵၼ်ၶုၼ်ႁေႃၶမ်းမိူင်းယုတ
၁ ၵူၼ်းဝၢၼ်ႈၵူၼ်းမိူင်းတင်းလၢႆဢွၼ်ၵၼ်ဢဝ်ယေႃႇၶတ်ႉလုၵ်ႈၸၢႆးယုဝ်ႇသိယႁႂ်ႈမၼ်းပဵၼ်ၶုၼ်ႁေႃၶမ်းတၢင်တူဝ်ၸဝ်ႈပေႃႈမၼ်းၵႃႈၼႂ်းဝဵင်းယေႇရုသလႅမ်ႇဢေႃႈ။
၂ ယေႃႇၶတ်ႉၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉဢသၢၵ်ႈမၼ်းလႆႈသၢဝ်းသၢမ်ပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသၢမ်လိူၼ်ဢေႃႈ။
၃ ၶုၼ်ႁေႃၶမ်းဢေႇၵႅပ်ႉတုဢဝ်မၼ်းတူၵ်းလူင်းႁၢင်ႈႁေႃၶမ်းၵႃႈၼႂ်းဝဵင်းယေႇရုသလႅမ်ႇသေယဝ်ႉယွၼ်းဢဝ်ၶွၼ်ႇငိုၼ်းပၢၵ်ႇတလၢၼ်ႇတၢၼ်ႇတင်းၶမ်းတလၢၼ်ႇတၢၼ်ႇတီႈမိူင်းၼၼ်ႉဢေႃႈ။
၄ ၶုၼ်ႁေႃၶမ်းဢေႇၵႅပ်ႉတုၼၼ်ႉဢဝ်ဢေႇလျႃႇၵိမ်ႇပီႈၸၢႆးယေႃႇၶတ်ႉႁဵတ်းၶုၼ်ႁေႃၶမ်းၵႃႈၼႂ်းမိူင်းယုတတင်းဝဵင်းယေႇရုသလႅမ်ႇသေလႄႈတၢင်ႇပၼ်ၸိုဝ်မႂ်ႇသဵင်မႂ်ႇဝႃႈယေႃႇယၵိမ်ႇသေဢေႃႈ။ၼေႇၶေႃႇဢဝ်ယေႃႇၶတ်ႉၼွင်ႉၸၢႆးၸဝ်ႈၵႂႃႇၵႃႈတီႈမိူင်းဢေႇၵႅပ်ႉတုသေဢေႃႈ။
ယေႃႇယၵိမ်ႇပဵၼ်ၶုၼ်ႁေႃၶမ်းမိူင်းယုတ
၅ ယေႃႇယၵိမ်ႇၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈသၢဝ်းႁႃႈပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသိပ်းဢဵတ်းပီႊဢေႃႈ။မၼ်းႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးၽြႃးပဵၼ်ၸဝ်ႈမၼ်းဢေႃႈ။
၆ ၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇၶီႇသို်ၵ်းၶိုၼ်ႈၸူးမၼ်းလႄႈဢဝ်ၸိူၵ်ႈလဵၵ်းမတ်ႉၽူၵ်ႈမၼ်းႁႂ်ႈလႆႈဢဝ်ၵႂႃႇၵႃႈတီႈဝဵင်းပႃႇပုလုၼ်ႇဢေႃႈ။
၇ ၶိူင်ႈပိူင်ႁိူၼ်းထႃႇဝရႃႉၽြႃးတင်းလၢႆၵေႃႈၼေႇပုၶတ်ႉၼေႇၸႃႇဢဝ်ၵႂႃႇၵႃႈတီႈဝဵင်းပႃႇပုလုၼ်ႇလႄႈဝႆႉၵႃႈၼႂ်းပိၵ်ႉမၢၼ်ႇၵႃႈတီႈဝဵင်းပႃႇပုလုၼ်ႇဢေႃႈ။
၈ လွင်ႈတၢင်းယေႃႇယၵိမ်ႇဢၼ်ယင်းၵိုတ်းယင်းၵျၢၼ်ႇ၊လွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်မၼ်းႁဵတ်းမႅၼ်ႈသၽေႃးဢၼ်ထူပ်းႁၼ်ၼႂ်းမၼ်းၸိူဝ်းၼၼ်ႉတႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇဢိသရေႇလတင်းရႃႇၸဝၢင်ႇယုတဢေႃႈ။ယေႇၶေႃႇၼိလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။
ယေႇၶေႃႇၼိပဵၼ်ၶုၼ်ႁေႃၶမ်း
၉ ယေႇၶေႃႇၼိၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈပႅတ်ႇပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသၢမ်ႇလိူၼ်ပၢႆသိပ်းဝၼ်းဢေႃႈ။မၼ်းႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးဢေႃႈ။
၁၀ မိူဝ်ႈဢၼ်ၶွပ်ႈၶူပ်ႇၼၼ်ႉၸိုင်ၶုၼ်လူင်ၼေႇပုၶတ်ႉၼေႇၸႃႇပွႆႇၸႂ်ႉသိုၵ်းၵႂႃႇဢဝ်မၼ်းဢိၵ်ႇတင်းၶိူင်ႈပိူင်ႁိူၼ်းထႃႇဝရႃႉၽြႃးဢၼ်လီဢၼ်ငၢမ်းတင်းလၢႆၵႂႃႇၵႃႈတီႈဝဵင်းပႃႇပုလုၼ်ႇလႄႈဢဝ်ဢၢဝ်ႊမၼ်းၸေႇတၵိႁဵတ်းၶုၼ်ႁေႃၶမ်းၵႃႈၼိူဝ်မိူင်းယုတတင်းဝဵင်းယေႇရုသလႅမ်ႇဢေႃႈ။
ၸေႇတၼိပဵၼ်ၶုၼ်ႁေႃၶမ်း
၁၁ ၸေႇတၵိၼၼ်ႉမိူဝ်ႈဢၼ်ၸႃႉၼင်ႈႁၢင်ၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈသၢဝ်းဢဵတ်းပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသိပ်းပၢႆဢဵတ်းပီႊဢေႃႈ။
၁၂ မၼ်းႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးၽြႃးပဵၼ်ၸဝ်ႈမၼ်းဢေႃႈ။မၼ်းဢမ်ႇၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇၵႃႈတီႈၽၢႆႇၼႃႈပရေႃးၽိတ်ႈယေႇရမိဢၼ်ဢဝ်ဢမိင်ႉထႃႇဝရႃႉၽြႃးသင်ႇလၢတ်ႈဝႆႉၼၼ်ႉ။
၁၃ မၼ်းလုၵ်ႉၽိုၼ်ႉၶုၼ်လူင်ၼေႇပုၶတ်ႉၼေႇၸႃႇဢၼ်ႁႂ်ႈမၼ်းႁႂ်ႈမၼ်းႁဵတ်းသႅတ်ႈၸႃႇၵႃႈတီႈၽြႃးပဵၼ်ၸဝ်ႈၼၼ်ႉဢေႃႈ။မၼ်းႁႂ်ႈလမ်းၶေႃးၶႅင်ႁႂ်ႈႁူဝ်ၸႂ်မၼ်းၵႅၼ်ႇလႄႈဢမ်ႇၶိုၼ်းမႃးၸူးၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလၼၼ်ႉဢေႃႈ။
၁၄ လိုၼ်းသေၼၼ်ႉၵႃႈပဵၼ်ယိတ်ႉပရေႃးႁိၵ်ႈလူင်ဢိၵ်ႇတင်းၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင်ဢွၼ်ၵၼ်ၽိတ်းပိူင်ႈၼႃႇလူင်လၢင်ၸွမ်းသဵၼ်ႈတၢင်းဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းႁဵတ်းဢၼ်လီႁင်ႈဢဵတ်ႇသဵတ်ႇၵႃႈမီးၼၼ်ႉဢေႃႈ။ၶဝ်ဢွၼ်ၵၼ်ႁႂ်ႈႁိူၼ်းထႃႇဝရႃႉၽြႃးဢၼ်မၼ်းၸဝ်ႈႁႂ်ႈမူတ်းၸၢင်ႇၵႃႈၼႂ်းဝဵင်းယေႇရုသလႅမ်ႇၼၼ်ႉၵူဝ်ႈၵိူၵ်ႇဢေႃႈ။
ဝဵင်းယေႇရုသလႅမ်ႇတူၵ်းသုမ်း
၁၅ ထႃႇဝရႃႉၽြႃးၽြႃးပဵၼ်ၸဝ်ႈပူႇမွၼ်ႇၶဝ်မီးၸႂ်ဢိတ်းလူၶဝ်လႄႈပွႆႇၸႂ်ႉတမၢၼ်ႇၸဝ်ႈတင်းလၢႆၵႂႃႇၸူးတီႈၶဝ်ၶိူဝ်းၶိူဝ်းယ်းႂယ်းႂသေၵေႃႈယႃႇၶဝ်ႁဵတ်းပျၢၵ်ႈၶူဝ်တေႃႇတမၢၼ်ႇၽြႃးပဵၼ်ၸဝ်ႈၸိူဝ်းၼၼ်ႉလႄႈႁဵတ်းဢမ်ႇပေႃးၼင်ႇႁိုဝ်တီႈဢမိင်ႉမၼ်းၸဝ်ႈၶဝ်ၼိၵ်ႉၸၢၵ်ႈငႅၼ်းသေးပရေႃးၽိတ်ႈၸဝ်ႈၸိူဝ်းၼၼ်ႉလႄႈ
၁၆ ႁႂ်ႈတၢင်းၸႂ်မႆႈၶႆႈၸႃႉထႃႇဝရႃႉၽြႃးထၼ်ႈပေႃးလႆႈဢွၵ်ႇၸူးတီႈၶုၼ်တင်းလၢႆတေႃႇထိုင်ႁွတ်ႈထၼ်ႈပေႃးဢမ်ႇထၢတ်ႇဢမ်ႇယဵၼ်လႆႈဢေႃႈ။
၁၇ ပိူဝ်ႈဢၼ်ပဵၼ်ၼင်ႇၼႆလႄႈမၼ်းၸဝ်ႈႁႂ်ႈၶုၼ်ႁေႃၶမ်းၼေႇပုၶတ်ႉၼေႇၸႃႇဢၼ်ဢဝ်ၵူၼ်းၼုမ်ႇၵူၼ်းၵမ်တၢႆလူၺ်ႈလၢပ်ႇလူၺ်ႈလႅဝ်းဢၼ်ဢမ်ႇဢိတ်းလူၵူၼ်းၸၢႆးၼုမ်ႇၵူၼ်းယိင်းၼုမ်ႇၵူၼ်းထဝ်ႈၵေႃႉဢၼ်ဢသၢၵ်ႈယႂ်ႇလႄႈလင်ၵွမ်းၸိူဝ်းၼၼ်ႉလုၵ်ႉၽိုၼ်ႉဢေႃႈ။
၁၈ မၼ်းၸဝ်ႈဢဝ်ၶဝ်ၵႃႈမီးတင်းသဵင်ႈတင်းလူင်ဢၢပ်ႈပၼ်ၵႃႈၼႂ်းမိုဝ်းၼေႇပုၶတ်ႉၼေႇၸႃႇၼၼ်ႉဢေႃႈ။မၼ်းသိမ်းဢဝ်ၶိူင်ႈပိူင်ႁိူၼ်းၽြႃးပဵၼ်ၸဝ်ႈဢၼ်ယႂ်ႇဢၼ်လဵၵ်ႉၵႃႈမီးၽၼ်ႇတႃႇႁိူၼ်းထႃႇဝရႃႉၽြႃးၽၼ်ႇတႃႇႁေႃၸဝ်ႈၽၼ်ႇတႃႇမူးမၢတ်ႈၽွင်းမိူင်းၵႃႈမီးၸိူဝ်းၼၼ်ႉၵႂႃႇၵႃႈတီႈဝဵင်းပႃႇပုလုၼ်ႇဢေႃႈ။
၁၉ ၶဝ်ဢွၼ်ၵၼ်ဢဝႆ်းတုတ်ႇႁိူၼ်းၽြႃးပဵၼ်ၸဝ်ႈပႅတ်ႈလႄႈၵိူၼ်ႇယႃႉလမ်းဝဵင်းယေႇရုသလႅမ်ႇတူၵ်းပႅတ်ႈသေလႄႈႁႂ်ႈႁိူၼ်းၶုၼ်ၵႃႈမီးမႆႆႈးပႅတ်ႈလႄႈယႃႉၽဵဝ်ႈပဵတ်ႈၶိူင်ႈပိူင်ဢၼ်လီဢၼ်မျၢတ်ႈၵႃႈမီးၼၼ်ႉဢေႃႈ။
၂၀ မၼ်းသိမ်းဢဝ်ၶဝ်ၸိူဝ်းဢၼ်လွတ်ႈၽေးလၢပ်ႇၽေးလႅဝ်းၸိူဝ်းၼၼ်ႉၵႂႃႇၵႃႈတီႈဝဵင်းပႃႇပုလုၼ်ႇလႄႈၶဝ်ၼၼ်ႉလႆႈဢွၼ်ၵၼ်ၶၢမ်ႇႁဵတ်းၶႃႈတီႈမၼ်းဢိၵ်ႇတင်းၸူဝ်ႈလုၵ်ႈပၢၼ်လၢၼ်မၼ်းယူႇတေႃႇထိုင်ႁွတ်ႈသိုင်ႇၸိုင်ႈဝၢၼ်ႈမိူင်းပေႇရသိတႄႇပဵၼ်ၼၼ်ႉဢေႃႈ။
၂၁ ဢမိင်ႉထႃႇဝရႃႉၽြႃးဢၼ်ယေႇရမိသင်ႇလၢတ်ႈဝႆႉၼၼ်ႉလႆႈတဵမ်ထူၼ်ႈတေႃႇထိုင်ႁွတ်ႈမိူင်းၸဝ်ႈၼၼ်ႉလႆႈမူၼ်ႈပျေႃႇဝၼ်းၵမ်သိၼ်မၼ်းတင်းလၢႆၼၼ်ႉဢေႃႈ။မိူင်းၸဝ်ႈၼၼ်ႉၼႂ်းမိူဝ်ႈဢၼ်ယင်းတိုၵ်ႉမီးတၢင်းဢၼ်သဵတ်ႇၵူၼ်းယဵၼ်ၵူၼ်းယူႇၼၼ်ႉၸိုင်လႆႈပႂ်ႉဝၼ်းၵမ်သိၼ်ယူႇထၼ်ႈပေႃးထူၼ်ႈပေႃးတဵမ်ၸဵတ်းသိပ်းပီႊဢေႃႈ။
၂၂ ၼႂ်းပီႊဢၼ်ၵုရုၶုၼ်ႁေႃၶမ်းပေႇရသိၸၢမ်ႇႁၢင်ႈၸၢမ်ႇႁေႃပီႊပထမၼၼ်ႉလွင်ႈၼင်ႇႁိုဝ်ဢမိင်ႉထႃႇဝရႃႉၽြႃးဢၼ်ယေႇရမိသင်ႇလၢတ်ႈဝႆႉၼၼ်ႉတၵ်းတဵမ်ထူၼ်ႈၸိုင်ထႃႇဝရႃႉၽြႃးတိုၵ်းယူင်းၸူဝ်းဢဝ်ႁူဝ်ၸႂ်ၵုရုၶုၼ်ႁေႃၶမ်းပေႇရသိႁႂ်ႈမၼ်းပူင်ဢမိင်ႉပိုၼ်ၶၢဝ်ႇၵႃႈၼႂ်းသိုင်ႇၸိုင်ႈဝၢၼ်ႈမိူင်းမၼ်းၵူႈတီႈၵူႈလႅၼ်သေလႄႈတႅမ်ႈသႂ်ႇၵႃႈၼႂ်းလိၵ်ႈလၢႆးလႄႈဝႃႈ၊-
၂၃ ၵုရုၶုၼ်ႁေႃၶမ်းပေႇရသိမီးဢမိင်ႉလႄႈဝႃႈၸမ်း၊-ထႃႇဝရႃႉၽြႃးၽြႃးပဵၼ်ၸဝ်ႈၸဝ်ႈၽုင်ႇၵၢင်ႁၢဝ်ၼၼ်ႉဢဝ်သိုင်ႇၸိုင်ႈဝၢၼ်ႈမိူင်းၵႃႈဢၼ်မီးၵႃႈၼိူဝ်လိၼ်မိူင်းၼႆႉပၼ်တီႈၵဝ်လႄႈသင်ႇလၢတ်ႈဝႆႉလွင်ႈဢၼ်ၵဝ်တၵ်းလႆႈတႄႇႁဵတ်းႁိူၼ်းၸဝ်ႈပုၼ်ႈမၼ်းၸဝ်ႈၵႃႈၼႂ်းဝဵင်းယေႇရုသလႅမ်ႇမိူင်းယုတၼၼ်ႉယဝ်ႉ။ၼႂ်းၵူၼ်းမၼ်းၸဝ်ႈတင်းသဵင်ႈတင်းလူင်ၼၼ်ႉၽူႈလႂ်မီးယူႇၵႃႈၼႂ်းသူၼႆႉ။ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈမၼ်းၼၼ်ႉမီးယူႇလူၺ်ႈၵၼ်တင်းမၼ်းၼၼ်ႉသေၵမ်းလူၺ်ႈ။ႁႂ်ႈမၼ်းၼၼ်ႉၵႂႃႇၵႃႈတီႈဝဵင်းယေႇရုသလႅမ်ႇသေၵမ်းလူၺ်ႈ၊ဝႃႈၼင်ႇၼႆဢေႃႈ။