Chapter
၂၇
ယုဝ်ႇထမ်ႇပဵၼ်ၶုၼ်ႁေႃၶမ်းယုတ
၁ ယုဝ်ႇထမ်ႇၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈသၢဝ်းႁႃႈပီႊလႄႈမၼ်းဢုပ်ႉပိူင်ႇၸၢမ်ႇၸႃးၵႃႈၼႂ်းဝဵင်းယေႇရုသလႅမ်ႇသိပ်းႁူၵ်းပီႊဢေႃႈ။ၸိုဝ်သဵင်မေႈၸဝ်ႈၸမ်းပဵၼ်ယေႇရုသလုၵ်ႈယိင်းၸႃႇတုတ်ႉဢေႃႈ။
၂ မၼ်းႁဵတ်းဢၼ်လီဢၼ်ငၢမ်းသိုဝ်ႈၼႃႈတႂ်ႈတႃထႃႇဝရႃႉၽြႃးၸွမ်းၵႃႈၼင်ႇဢၼ်ၸဝ်ႈပေႃႈမၼ်းဢုဝ်ႇၸိယႁဵတ်းၼၼ်ႉဢေႃႈ။ၼႂ်းဝႃႈၼၼ်သေၵေႃႈမၼ်းဢမ်ႇၶဝ်ႈၵႃႈၼႂ်းပိၵ်ႉမၢၼ်ႇထႃႇဝရႃႉၽြႃး။ၵူၼ်းဝၢၼ်ႈၵူၼ်းမိူင်းတင်းလၢႆၵေႃႈယင်းဢွၼ်ၵၼ်ႁဵတ်းဢၼ်ဢမ်ႇတြႃးယူႇဢေႃႈ။
၃ မၼ်းႁဵတ်းၽၵ်းတူႁၢၼ်ႉၼိူဝ်ႁိူၼ်းထႃႇဝရႃႉၽြႃးလႄႈတႄႇႁဵတ်းလမ်းဝဵင်းဢေႃႇၽေႇလယဝ်ႉတူဝ်ၼမ်ၼႃႇဢေႃႈ။
၄ မၼ်းတႄႇႁဵတ်းဝဵင်းတင်းလၢႆၵႃႈၼိူဝ်သၼ်လွႆယုတဢိၵ်ႇတင်းတိူၵ်ႈတီႈတိုၵ်းသိုၵ်းလႂ်လၢင်းၸီႇလႂ်ၵႃႈတီႈထိူၼ်ႇတီႈၶိူဝ်းဢေႃႈ။
၅ ၶုၼ်ႁေႃၶမ်းဢမ်ႇမုၼ်ႇၵေႃႈမၼ်းတိုၵ်းတေႃးလႄႈပႄႉၼႅင်ႇသေယဝ်ႉၼႂ်းပီႊၼၼ်ႉၵမ်းလဵဝ်ၵူၼ်းမဵဝ်းဢမ်ႇမုၼ်ႇတင်းလၢႆဢွၼ်ၵၼ်သၢၵ်ႈပၼ်ငိုၼ်းပၢၵ်ႇတလၢၼ်ႇတၢၼ်ႇ၊ၶဝ်ႈၵျုင်ႇမိုၼ်ႇၵေႃႇရႃႉ၊ၶဝ်ႈမူႉယေႃးမိုၼ်ႇၵေႃႇရႃႉၵမ်းလဵဝ်ဢေႃႈ။ၼႂ်းပီႊတုတိယတင်းပီႊတတိယၼၼ်ႉၵေႃႈၵူၼ်းမဵဝ်းဢမ်ႇမုၼ်ႇၸိူဝ်းၼၼ်ႉဢွၼ်ၵၼ်သၢၵ်ႈပၼ်မိူၼ်ၸိူဝ်ႉၼင်ႇၼၼ်ဢေႃႈ။
၆ ၼင်ႇၼၼ်လႄႈယုဝ်ႇထမ်ႇၼၼ်ႉတၼ်းၶူဝ်းယႂ်ႇၽႄႈၼမ်မႃးၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈမၼ်းၼၼ်ႉဢေႃႈ။
၇ လွင်ႈတၢင်းယုဝ်ႇထမ်ႇဢၼ်ၵိုတ်းယင်းၵျၢၼ်ႇ၊လွင်ႈတၢင်းဢၼ်မၼ်းတိုၵ်းသိုၵ်းၵႃႈမီး၊သဵၼ်ႈတၢင်းဢၼ်မၼ်းၸွမ်းတင်းလၢႆၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇဢိသရေႇလရႃႇၸဝၢင်ႇယုတၼၼ်ႉဢေႃႈ။
၈ မိူဝ်ႈဢၼ်မၼ်းၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈသၢဝ်းပၢႆႁႃႈပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသိပ်းပၢႆႁူၵ်းပီႊဢေႃႈ။
၉ ယုဝ်ႇထမ်ႇၼၼ်ႉၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆလႄႈၶဝ်ဢွၼ်ၵၼ်ဢဝ်သၢင်းၵျူဝ်ႇၵႃႈၼႂ်းဝဵင်းတႃႇဝိတ်ႉဢေႃႈ။ဢႃႇၶတ်ႉလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။