Chapter
၃၁
တၢင်းဢၼ်ၶဝ်ႈပႃးၼႂ်းတၢင်းဢၼ်ႁဵတ်းဝၢတ်ႈ
၁ မိူဝ်ႈဢၼ်လွင်ႈတၢင်းၵႃႈမီးၼၼ်ႉယဝ်ႉတူဝ်ႈယဝ်ႉ
ၼၼ်ႉၸိုင်ၵူၼ်းဢိသရေႇလဢၼ်မႃးၸူႉၵၼ်တုမ်ၵၼ်ၵႃႈမီးၸိူဝ်းၼၼ်ႉဢွၼ်ၵၼ်ဢွၵ်ႇၸူးၵႃႈတီႈဝဵင်းယုတတင်းလၢႆလႄႈႁၵ်းႁိၵ်းသဝ်တီႈၵူဝ်းၵႂၢႆႇလႂ်ၽၼ်းလူမ်ႉတူၼ်ႈဢႃႇသရလႂ်ၵိူၼ်ႇယႃႉထႃႇၼႃႉတီႈသုင်လႂ်တင်းယိတ်ႉပလၢင်ႇလႂ်ပႅတ်ႈသေၵႃႈၼႂ်းမိူင်းယုတမိူင်းပိၼ်ႇယႃႇမိၼ်ႇ၊မိူင်းဢေႇၽရိမ်ႇ၊မိူင်းမၼႃႇသေႇ၊ၵူႈတီႈၵူႈလႅၼ်တေႃႇထိုင်ႁွတ်ႈထၼ်ႈပေႃးၶဝ်ယႃႉပႅတ်ႈၵႃႈမီးၼၼ်ႉမူတ်းမူတ်းသဵင်ႈသဵင်ႈဢေႃႈ။လိုၼ်းၼၼ်ႉၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ၶိုၼ်းမိူဝ်းၵႂႃႇၵႃႈတီႈဝၢၼ်ႈဝဵင်းတီႈယူႇဢၼ်ၶဝ်ပိူင်ႇၼၼ်ႉႁင်းၽႂ်ႁင်းမၼ်းသေဢေႃႈ။
၂ ႁေႇၸၵိၶၢၼ်းဝႆႉမုၵ်ႉၸိူဝ်းယိတ်ႉပရေႃးႁိၵ်ႈလႂ်၊တင်းၵူၼ်းမဵဝ်းလေႇဝိလႂ်ၸွမ်းၵႃႈၼင်ႇဢၼ်ၵူႈၵေႃႉၵူႈၵူၼ်းတၵ်းလႄႉတူၵ်းၵမ်းတီႈဢမူႉၶဝ်ႁင်းၽႂ်ႁင်းမၼ်းဢၼ်ဝႃႈယိတ်ႉပရေႃးႁိၵ်ႈလႂ်တင်းၵူၼ်းမဵဝ်းလေႇဝိလႂ်ၸိူဝ်းၼၼ်ႉပဵၼ်မုၵ်ႉပဵၼ်ၸိူဝ်းႁႂ်ႈၶဝ်လႆႈႁဵတ်းဢမူႉတၢင်းဢၼ်ပုၵ်ႉၸေႃႇယိၸ်ႉဢၼ်တုတ်ႇၽႆးလႂ်တင်းယိၸ်ႉမိၵ်ႉသႁႃႇယႃႉလႂ်၊တၢင်းဢၼ်ၵိုတ်ႈႁၢပ်ႇဢမူႉၸဝ်ႈ၊တၢင်းဢၼ်ႁပ်ႉတုင်းဢဝ်ၵျေးၸူးၸဝ်ႈ၊တၢင်းဢၼ်ႁဵတ်းၵႂၢမ်းထေႃးပၼႃႇၵႃႈတီႈၽၵ်းတူတပ်ႉထႃႇဝရႃႉၽြႃးၸိူဝ်းၼၼ်ႉဢေႃႈ။
၃ မၼ်းၸီႇယၢင်ႇဝႆႉလွင်ႈဢၼ်တၵ်းလႆႈဢဝ်ၵႃႈၼႂ်းၽၼ်ႇတႃႇၶုၼ်ႁေႃၶမ်းၼၼ်ႉပုၼ်ႊၼိုင်ႈဝႆႉပုၼ်ႈဢၼ်တၵ်းပုၵ်ႉၸေႃႇယိၸ်ႉဢၼ်တုတ်ႇၽႆးဢၼ်ဝႃႈယိၸ်ႉဢၼ်တုတ်ႇၽႆးၶိင်ႇႁူဝ်ၼႂ်၊ၶိင်ႇႁူဝ်ၶမ်ႈဢိၵ်ႇတင်းယိၸ်ႉဢၼ်တုတ်ႇၽႆးဝၼ်းၵမ်သိၼ်၊ဝၼ်းလိူၼ်မႂ်ႇ၊ဝၼ်းပွႆးထမ်ႇမၸိူဝ်းၼၼ်ႉၸွမ်းၵႃႈၼင်ႇဢၼ်တႅမ်ႈဝႆႉၼႂ်းၵျၢမ်းလိၵ်ႈပိင်းၺၢပ်ႈတိထႃႇဝရႃႉၽြႃးၼၼ်ႉဢေႃႈ။
၄ လိူဝ်သေၼၼ်ႉယိတ်ႉပရေႃးႁိၵ်ႈဢိၵ်ႇတင်းၵူၼ်းမဵဝ်းလေႇဝိၸိူဝ်းၼၼ်ႉမၼ်းမီးဢမိင်ႉလွင်ႈဢၼ်ၶဝ်ၸိူဝ်းဢၼ်ယူႇၵႃႈၼႂ်းဝဵင်းယေႇရုသလႅမ်ႇတၵ်းလႆႈဢဝ်ဢၼ်ပဵၼ်ပုၼ်ႊပုၼ်ႊၼိုင်ႈလူႇတၢၼ်းႁႂ်ႈၶဝ်လႆႈၶတ်းၸႂ်လႄႈၵိုတ်ႈႁၢပ်ႇဢမူႉၸွမ်းတြႃးထႃႇဝရႃႉၽြႃးၼၼ်ႉဢေႃႈ။
၅ မိူဝ်ႈဢၼ်ဢမိင်ႉၸဝ်ႈၼၼ်ႉဢွၵ်ႇၵႂႃႇၸွတ်ႇတူဝ်ႈယဝ်ႉၼၼ်ႉၸိုင်ၵူၼ်းမဵဝ်းဢိသရေႇလ
တင်းလၢႆဢွၼ်ၵၼ်ဢဝ်မၢၵ်ႇလိၼ်ႁူင်းလိၼ်ဢၼ်မၢၵ်ႇဢွၼ်တၢင်း၊ၶဝ်ႈပိူၵ်ႇ၊ၼမ်ႉၸပိတ်ႉ၊ၼမ်ႉမၼ်း၊ၼမ်ႉၽိုင်ႈဢိၵ်ႇတင်းၵႃႈၼႂ်းတၢင်းဢၼ်ယႂ်ႇၽႄႈတူဝ်းတွၼ်းမႃးတီႈႁႆႈတီႈၼႃးၸိူဝ်းၼၼ်ႉၼမ်ၼႃႇလႄႈဢဝ်ဢုၵ်ႉၸႃႇတၢင်ႇၸိူဝ်ႉတၢင်ႇပိူင်ၵႃႈမီးသိပ်းပုၼ်ႊပုၼ်ႊၼိုင်ႈမႃးဢေႃႈ။
၆ ၵူၼ်းမဵဝ်းဢိသရေႇလဢိၵ်ႇတင်းၵူၼ်းမဵဝ်းယုတဢၼ်ယူႇၵႃႈၼႂ်းဝဵင်းယုတၸိူဝ်းၼၼ်ႉၵေႃႈဢွၼ်ၵၼ်ဢဝ်သူဝ်းဝူဝ်းသိပ်းပုၼ်ႊပုၼ်ႊၼိုင်ႈဢိၵ်ႇတင်းၶွင်ၶူဝ်းဢၼ်ပုၵ်ႉၸေႃႇလႄႈမူတ်းၸၢင်ႇတီႈထႃႇဝရႃႉၽြႃးၽြႃးပဵၼ်ၸဝ်ႈၶဝ်ၼၼ်ႉသိပ်းပုၼ်ႊပုၼ်ႊၼိုင်ႈၸိူဝ်းၼၼ်ႉမႃးလႄႈၵွင်ႊဝႆႉႁင်းၽႂ်ႁင်းမၼ်းဢေႃႈ။
၇ ၶဝ်ဢွၼ်ၵၼ်ၸႃႉဢဝ်ၵွင်ႊဝႆႉၼႂ်းလိူၼ်တတိယၼၼ်ႉလႄႈယဝ်ႉတူဝ်ႈၼႂ်းလိူၼ်၈ သတ်ႉတမဢေႃႈ။
၈ မိူဝ်ႈဢၼ်ႁေႇၸၵိဢိၵ်ႇတင်းမူးမၢတ်ႈၽွင်းမိူင်းတင်းလၢႆမႃးႁၼ်ၵွင်ႊၸိူဝ်းၼၼ်ႉၸိုင်ၶဝ်ဢွၼ်ၵၼ်ပၼ်တၢင်းလီတီႈထႃႇဝရႃႉၽြႃးဢိၵ်ႇတင်းၵူၼ်းမၼ်းၸဝ်ႈၵူၼ်းမဵဝ်းဢိသရေႇလၸိူဝ်းၼၼ်ႉဢေႃႈ။
၉ ႁေႇၸၵိထၢမ်လွင်ႈၵွင်ႊၸိူဝ်းၼၼ်ႉတီႈယိတ်ႉပရေႃးႁိၵ်ႈတင်းၵူၼ်းမဵဝ်းလေႇဝိၸိူဝ်းၼၼ်ႉသေ၁၀ ယဝ်ႉၶုၼ်ယိတ်ႉပရေႃးႁိၵ်ႈဢႃႇၸရိမဵဝ်းၸႃႇတုၵ်ႉၼၼ်ႉလဝ်ႈလၢတ်ႈလႄႈဝႃႈ၊-
၁၀ ၸႃႉၸဵမ်ၵူၼ်းတင်းလၢႆၸႃႉဢဝ်ၶိူင်ႈပုၵ်ႉၸေႃႇမႃးၵႃႈတီႈႁိူၼ်းထႃႇဝရႃႉၽြႃးၼၼ်ႉလူၼ်ႉလိူဝ်သေတၢင်းဢၼ်ၶႃႈၸဝ်ႈႁဝ်းၶဝ်ၵုမ်ႇၵိၼ်ပေႃးၵိၼ်ၼၼ်ႉၵူၺ်းဢမ်ႇၵႃးယင်းၵိုတ်းယင်းၵျၢၼ်ႇဝႆႉၼမ်ၼႃႇတီႈၶႃႈဢေႃႈ။ၵွပ်ႈပိူဝ်ႈဢၼ်ထႃႇဝရႃႉၽြႃးပၼ်တၢင်းလီတီႈၵူၼ်းမၼ်းၸဝ်တင်းလၢႆလႄႈၶွင်ၶူဝ်းဢၼ်ၵွင်ႊဝႆႉၸိူဝ်းၼၼ်ႉၵိုတ်းၵျၢၼ်ႇလႄႈမီးယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။
၁၁ မိူဝ်ႈၼၼ်ႉႁေႇၸၵိမီးဢမိင်ႉႁႂ်ႈပွင်ႁဵတ်းပွင်မႄးလုၵ်းၽၼ်ႇတႃႇၵႃႈၼႂ်းႁိူၼ်းထႃႇဝရႃႉၽြႃးလႄႈၶဝ်ဢွၼ်ၵၼ်ပွင်ႁဵတ်းပွင်မႄးလႄႈဢဝ်ၶွင်ၶူဝ်းဢၼ်လူႇတၢၼ်းသိပ်းပုၼ်ႊပုၼ်ႊၼိုင်ႈ၊ၶွင်ၶူဝ်းဢၼ်ပုၵ်ႉၸေႃႇၸိူဝ်းၼၼ်ႉသႂၢင်းသႂ်ႇဝႆႉမႅၼ်ႈၸွမ်းၼင်ႇတြႃးဢေႃႈ။
၁၂ ၵေႃႇၼၼိၵူၼ်းမဵဝ်းလေႇဝိၼၼ်ႉပဵၼ်ၵေႃႉဢၼ်ဢုပ်ႉထိင်းလႄႈၼွင်ႉၸၢႆးမၼ်းသိမိပဵၼ်ၸရေးဢေႃႈ။
၁၃ ယေႇႁေႇလ၊ဢႃႇၸၸိ၊ၼႃႇႁတ်ႉ၊ဢႃႇသႁေႇလ၊ယေႇရိမုတ်ႉ၊ယေႃႇၸပတ်ႉ၊ဢေႇလျေႇလ၊ဢိသမၶိ၊မႃႇႁတ်ႉ၊ပေႇၼႃႇယ၊ၸိူဝ်းၼၼ်ႉပဵၼ်ၵေႃႉဢၼ်ၸွႆႈၵမ်ႉၸွႆႈထွၵ်ႈတႂ်ႈမိုဝ်းၵေႃႇၼၼိတင်းၼွင်ႉၸၢႆးမၼ်းသိမိၸွမ်းၵႃႈၼင်ႇဢၼ်ၶုၼ်လူင်ႁေႇၸၵိတင်းဢႃႇၸရိၵေႃႉဢၼ်ဢုပ်ႉႁိူၼ်းၽြႃးပဵၼ်ၸဝ်ႈၼၼ်ႉၶၢၼ်းဝႆႉၼၼ်ႉဢေႃႈ။
၁၄ ၵေႃႇရလုၵ်ႈၸၢႆးဢိမၼၵူၼ်းမဵဝ်းလေႇဝိၵႄႇၽၵ်းတူၼႃႈဝၼ်းဢွၵ်ႇၼၼ်ႉပဵၼ်ၵေႃႉဢၼ်ဢုပ်ႉၵႃႈၼိူဝ်ၶိူင်ႈပုၵ်ႉၸေႃႇဢၼ်ႁဵတ်းၸွမ်းၸႂ်ၸေႇတၼႃႇပုၵ်ႉၸေႃႇတီႈၽြႃးပဵၼ်ၸဝ်ႈၼၼ်ႉလႄႈပႂ်ႉဢမူႉဢၼ်လႆႈမႅင်ႇၽႄဢုၵ်ႉၸႃႇဢၼ်လူႇဢၼ်တၢၼ်းပုၵ်ႉၸေႃႇတီႈထႃႇဝရႃႉၽြႃး၊ဢုၵ်ႉၸႃႇဢၼ်မူတ်းၸၢင်ႇၼႃႇလူင်ႇလၢင်ၸိူဝ်းၼၼ်ႉဢေႃႈ။
၁၅ ဢေႇတိၼ်ႇပိၼ်ႇယႃႇမိၼ်ႇ၊ယေႃႇသု၊သေႇမႃႇယ၊ဢႃႇမရိ၊သေႇၵၼိ၊ၸိူဝ်းၼၼ်ႉပဵၼ်ၵေႃႉဢၼ်ၸွႆႈၵမ်ႉၸွႆႈထွၵ်ႈတႂ်ႈမိုဝ်းမၼ်းၵႃႈၼႂ်းဝဵင်းတီႈယူႇယိတ်ႉပရေႃးႁိၵ်ႈတင်းလၢႆၸွမ်းၵႃႈၼင်ႇဢၼ်ၶဝ်လႆႈၶၢမ်ႇဢရႃႇႁႂ်ႈလႆႈမႅင်ႇပၼ်ၽႄပၼ်တီႈပီႈၶဝ်ၼွင်ႉၶဝ်ၸွမ်းလူၺ်ႈမုၵ်ႉၽႂ်ၸိူဝ်းမၼ်းၸဵမ်လဵၵ်ႉၸဵမ်ယႂ်ႇတင်းလၢႆၼၼ်ႉဢေႃႈ။
၁၆ လိူဝ်သေၼၼ်ႉၶဝ်မႅင်ႇပၼ်ၽႄပၼ်တီႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸွမ်းလူၺ်ႈၸရၢင်းၵူၼ်းၸၢႆးဢသၢၵ်ႈလႆႈသၢမ်ပီႊလႄႈဢသၢၵ်ႈလိူဝ်သၢမ်ပီႊၵႂႃႇၸိူဝ်းဢၼ်ၶဝ်ႈၵႃႈၼႂ်းႁိူၼ်းထႃႇဝရႃႉၽြႃးႁႂ်ႈလႆႈၶၢမ်ႇပုၼ်ႈတႃႇၶဝ်ၵူႈဝၼ်းၵူႈဝၼ်းပုၼ်ႈတၢင်းဢၼ်ၶဝ်ၵိုတ်ႈႁၢပ်ႇဢမူႉၸဝ်ႈဢၼ်ၶဝ်ႁဵတ်းၸွမ်းၵႃႈၼင်ႇဢၼ်ပဵၼ်မုၵ်ႉပဵၼ်ၸိူဝ်း
၁၇ ဢိၵ်ႇတင်းတီႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸွမ်းလူၺ်ႈၸရၢင်းယိတ်ႉပရေႃးႁိၵ်ႈၸွမ်းလူၺ်ႈမဵဝ်းပူႇမဵဝ်းပေႃႈၶဝ်ၸိူဝ်းၼၼ်ႉတင်းၵူၼ်းမဵဝ်းလေႇဝိဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈဢသၢၵ်ႈလိူဝ်သၢဝ်းၵႂႃႇၸိူဝ်းၼၼ်ႉဢၼ်ၵိုတ်ႈႁၢပ်ႇဢမူႉၸဝ်ႈၸွမ်းၵႃႈၼင်ႇဢၼ်ပဵၼ်မုၵ်ႉပဵၼ်ၸိူ်ဝ်းၼၼ်ႉၸိူဝ်းၼၼ်ႉ
၁၈ ဢိၵ်ႇတင်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸွမ်းလူၺ်ႈၸရၢင်းလုၵ်ႈဢွၼ်ႇလၢင်းဢွၼ်ႇၶဝ်၊မေးၶဝ်၊လုၵ်ႈၸၢႆးၶဝ်လုၵ်ႈယိင်းၶဝ်ဢၼ်မီးယူႇၵႃႈၼႂ်းပရိၵ်ႈသၢတ်ႈၵူၼ်းတင်းသဵင်ႈတင်းလူင်ၵွပ်ႈပိူဝ်ႈဢၼ်ၶဝ်ပႂ်ႉသႅတ်ႈၸႃႇလႄႈႁႂ်ႈတူဝ်ၸဝ်ႈၵဝ်ႇမူတ်းၸၢင်ႇၸွမ်းၵႃႈၼင်ႇဢၼ်ၶဝ်လႆႈၶၢမ်ႇဢရႃႇၸိူဝ်းၼၼ်ႉဢေႃႈ။
၁၉ မိူၼ်ၼင်ႇၼၼ်ပုၼ်ႈၵူၼ်းမဵဝ်းဢႃႇရုၼ်ႇယိတ်ႉပရေႃးႁိၵ်ႈဢၼ်ယူႇၵႃႈၼႂ်းလိၼ်တီႈဢၼ်လဵပ်ႈႁွပ်ႈဝဵင်းၶဝ်ႁင်းၽႂ်ႁင်းမၼ်းၸိူဝ်းၼၼ်ႉၵေႃႈမီးၶဝ်ၸိူဝ်းဢၼ်ဢဝ်ၸိုဝ်ဢဝ်သဵင်သေလႄႈမၢတ်ႈမၢႆဝႆႉၸိူဝ်းၼၼ်ႉယူႇႁႂ်ႈလႆႈမႅင်ႇပၼ်ၽႄပၼ်တီႈၵူၼ်းၸၢႆးၵႃႈဢၼ်ပႃးၵႃႈၼႂ်းယိတ်ႉပရေႃးႁိၵ်ႈတင်းလၢႆဢိၵ်ႇတင်းၵႃႈဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸွမ်းလူၺ်ႈၸရၢင်းၵူၼ်းမဵဝ်းလေႇဝိၸိူဝ်းၼၼ်ႉဢေႃႈ။
၂၀ ၼင်ႇၼၼ်လႄႈႁေႇၸၵိၸီႇယၢင်ႇႁဵတ်းၵႃႈၼႂ်းမိူင်းယုတတင်းသဵင်ႈတင်းမူတ်းလႄႈႁဵတ်းတၢင်းဢၼ်လီလွင်ႈတၢင်းဢၼ်သိုဝ်ႈတေႃႇလွင်ႈတၢင်းသမ်ႇမႃႇတြႃးၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈမၼ်းဢေႃႈ။
၂၁ ၵႃႈၼႂ်းလွင်ႈတၢင်းၵႃႈဢၼ်မၼ်းၸႃႉပွင်ၸႃႉႁဵတ်းဢမူႉပုၼ်ႈႁိူၼ်းၽြႃးပဵၼ်ၸဝ်ႈ၊တြႃးၸဝ်ႈပိင်းၺၢပ်ႈၸဝ်ႈၸိူဝ်းၼၼ်ႉႁႂ်ႈလႆႈႁႃဢဝ်ၽြႃးပဵၼ်ၸဝ်ႈမၼ်းၼၼ်ႉမၼ်းပႃးဢဝ်တင်းႁူဝ်ၸႂ်သဵင်ႈသဵင်ႈသေလႄႈပွင်ႁဵတ်းလႄႈတၢင်းၵျၢမ်ႇတၢင်းပွင်မၼ်းပဵၼ်ဢေႃႈ။