Chapter
၇
တၢင်းဢၼ်သၢၵ်ႈၵၢပ်ႈပိၵ်ႇမၢၼ်ႇၽြႃး
၁ မိူဝ်ႈဢၼ်သေႃးလမုၼ်ႇႁဵတ်းသူးတွင်းပထၼႃႇယဝ်ႉတူဝ်ႈယဝ်ႉၼၼ်ႉၸိုင်ၽႆးတူၵ်းသေၵႃႈၼိူဝ်ၵၢင်ႁၢဝ်လူင်းမႃးလႄႈမႆႈယိၸ်ႉဢၼ်တုတ်ႇၽႆးဢိၵ်ႇတင်းၶိူင်ႈပုၵ်ႉၸေႃႇတင်းလၢႆၸိူဝ်းၼၼ်ႉလႄႈမူၼ်ၽုင်းထႃႇဝရႃႉၽြႃးတဵမ်ဝႆႉၵႃႈၼႂ်းႁိူၼ်းၸဝ်ႈၼၼ်ႉဢေႃႈ။
၂ ၵွပ်ႈပိူဝ်ႈမူၼ်ၽုင်းထႃႇဝရႃႉၽြႃးတဵမ်ဝႆႉၵႃႈၼႂ်းႁိူၼ်းထႃႇဝရႃႉၽြႃးၼၼ်ႉလႄႈယိတ်ႉပရေႃးႁိၵ်ႈတင်းလၢႆဢမ်ႇၶဝ်ႈၵႃၼႂ်းႁိူၼ်းထႃႇဝရႃႉၽြႃးၼၼ်ႉလႆႈ။
၃ ၵူၼ်းမဵဝ်းဢိသရေႇလတင်းလၢႆႁၼ်လွင်ႈဢၼႆ်းတူၵ်းမႃးလႄႈမူၼ်ၽုင်းထႃႇဝရႃႉၽြႃးလူင်းႁွတ်ႈၵႃႈၼိူဝ်ႁိူၼ်းၸဝ်ႈၸိူဝ်ႉၼင်ႇၼၼ်လႄႈၶဝ်ဢွၼ်ၵၼ်ၶုပ်ႉမူပ်ႇၵူမ်ႈၵွမ်းဝၢင်းႁူဝ်ၵႃႈၼိူဝ်လိၼ်ၵႃႈတီႈဢၼ်ဢဝ်မၢၵ်ႇႁိၼ်သိူဝ်ႇဝႆႉၼၼ်ႉယူႇသေယဝ်ႉၵူဝ်းၵႂၢႆႇထႃႇဝရႃႉၽြႃးလႄႈယွင်ႈယေႃးထႃႇဝရႃႉၽြႃးလႄႈဝႃႈ၊-မၼ်းၸဝ်ႈမျၢတ်ႈလီတီႈၶႃႈဢေႃႈ။ၵရူႉၼႃႇၸဝ်ႈတႄႇယူႇတႃႇသေႇမၼ်ႈၶိူင်ႇတီႈၶႃႈဢေႃႈ၊ဝႃႈၼင်ႇၼႆဢေႃႈ။
၄ မိူဝ်ႈၼၼ်ႉၶုၼ်ႁေႃၶမ်းဢိၵ်ႇတင်းၵူၼ်းတင်းသဵင်ႈတင်းလူင်ဢွၼ်ၵၼ်ႁဵတ်းတၢင်းဢၼ်ပုၵ်ႉၸေႃႇၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၅ ၶုၼ်လူင်သေႃးလမုၼ်ႇဢဝ်ဝူဝ်းသွင်မိုၼ်ႇပၢႆသွင်ႁဵင်သူဝ်းသႅၼ်ပၢႆသွင်မိုၼ်ႇပုၵ်ႉၸေႃႇဢေႃႈ။ၼင်ႇၼၼ်လႄႈၶုၼ်ႁေႃၶမ်းဢိၵ်ႇတင်းၵူၼ်းတင်းသဵင်ႈတင်းလူင်ဢွၼ်ၵၼ်ႁဵတ်းဢၼူႉမေႃးတၼႃႇႁိူၼ်းၽြႃးပဵၼ်ၸဝ်ႈဢေႃႈ။
၆ ယိတ်ႉပရေႃးႁိၵ်ႈတင်းလၢႆဢွၼ်ၵၼ်လုၵ်ႈၸုၵ်းလႄႈၶဝ်ၸိူဝ်းဢၼ်ၵိုတ်ႈႁၢပ်ႇဢမူႉၽြႃးႁင်းၽႂ်ႁင်းမၼ်းဢၼ်ပဵၼ်ၵူၼ်းမဵဝ်းလေႇဝိၸိူဝ်းၼၼ်ႉၵေႃႈဢွၼ်ၵၼ်ပႃးဢဝ်မဵဝ်းတူႇရိယႃႇသေယဝ်ႉၸိူဝ်ႉၼင်ႇဢၼ်ၶုၼ်လူင်တႃႇဝိတ်ႉၸီႇယၢင်ႇႁဵတ်းဝႆႉပုၼ်ႈဢၼ်တၵ်းယွင်ႈယေႃးမူၼ်ထႃႇဝရႃႉၽြႃးၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇမၼ်ႈၶိူင်ႇတႃႇသေႇၼၼ်ႉလႄႈၶဝ်ႁဵတ်းတၢင်းဢၼ်မၼ်းယွင်ႈယေႃးသေယဝ်ႉၸုၵ်းယူႇဢေႃႈ။ယိတ်ႉပရေႃးႁိၵ်ႈတင်းလၢႆၵေႃႈဢွၼ်ၵၼ်ပဝ်ႇၼႄးၶရႃႇၵႃႈတီႈၽၢႆႇၼႃႈၶဝ်လႄႈၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ၸုၵ်းယူႇဢေႃႈ။
၇ သေႃးလမုၼ်ႇႁႂ်ႈထႃႇၼႃႉၼႂ်းတမ်ႇတိူင်းဢၼ်မီးၵႃႈတီႈၽၢႆႇၼႃႈႁိူၼ်းထႃႇဝရႃႉၽြႃးၼၼ်ႉမူတ်းၸၢင်ႇလႄႈဢဝ်ယိၸ်ႉဢၼ်တုတ်ႇၽႆးတင်းၵွၼ်ႈၶႆၵွၼ်ႈမၼ်းယိၸ်ႉမိၵ်ႉသႁႃႇယႃႉတင်းလၢႆပုၵ်ႉၸေႃႇၵႃႈတီႈၼၼ်ႉဢေႃႈ။လွင်ႈမၼ်းၸမ်းယိတ်ႉပလၢင်ႇတွင်းလိူင်ဢၼ်သေႃးလမုၼ်ႇႁဵတ်းဝႆႉယဝ်ႉၼၼ်ႉဢမ်ႇၸုၵ်းဢမ်ႇၶၢမ်ႇလႆႈယိၸ်ႉဢၼ်တုတ်ႇၽႆး၊ၶိူင်ႈပုၵ်ႉၸေႃႇၽေႃးၸဵၼ်ႇတင်းၵွၼ်ႈၶႆၵွၼ်ႈမၼ်းၸိူဝ်းၼၼ်ႉ။
၈ ၼင်ႇၼၼ်လႄႈမိူဝ်ႈၼၼ်ႉသေႃးလမုၼ်ႇဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢၼ်ပဵၼ်ပရိၵ်ႈသၢတ်ႈဢၼ်ယႂ်ႇၼႃႇလူင်လၢင်ဢၼ်လုၵ်ႉသေၵႃႈတီႈၸႃႉၸဵမ်သူပ်းတၢင်းဢၼ်ၶဝ်ႈၸူးၵႃႈတီႈဝဵင်းႁႃႇမတ်ႉတေႃႇထိုင်ႁွတ်ႈၼမ်ႉႁွင်ႊဢေႇၵႅပ်ႉတုၸိူဝ်းၼၼ်ႉဢွၼ်ၵၼ်ၶၢမ်ႇပွႆးၸဵတ်းဝၼ်းတဵမ်တဵမ်ဢေႃႈ။
၉ ဝၼ်းဢထမၼၼ်ႉၶဝ်ဢွၼ်ၵၼ်ႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်ဢေႃႈ။ၶဝ်ဢွၼ်ၵၼ်ႁဵတ်းဢၼူႉမေႃးတၼႃႇယိတ်ႉပလၢင်ႇၸဵတ်းဝၼ်းတဵမ်တဵမ်ဢိၵ်ႇတင်းပွႆးၸဵတ်းဝၼ်းတဵမ်တဵမ်ဢေႃႈ။
၁၀ ၼႂ်းလိူၼ်သတ်ႉတမသၢဝ်းသၢမ်ဝၼ်းၼၼ်ႉမၼ်းပွႆႇၵူၼ်းတင်းလၢႆၶိုၼ်းမိူဝ်းၵႂႃႇႁင်းၽႂ်ႁင်းမၼ်းၸူမ်းၸူမ်းသိူဝ်းသိူဝ်းၵွပ်ႈပိူဝ်ႈၵျေးၸူးၸဝ်ႈဢၼ်ထႃႇဝရႃႉၽြႃးႁဵတ်းတီႈတႃႇဝိတ်ႉတင်းသေႃးလမုၼ်ႇဢိၵ်ႇတင်းၵူၼ်းမၼ်းၸဝ်ႈၵူၼ်းမဵဝ်းဢိသရေႇလတင်းလၢႆၸိူဝ်းၼၼ်ႉဢေႃႈ။
ၽြႃးပဵၼ်ၸဝ်ႈပေႃႇမႃးတီႈသေႃးလမုၼ်ႇ
၁၁ ၼင်ႇၼၼ်လႄႈသေႃးလမုၼ်ႇႁဵတ်းႁိူၼ်းထႃႇဝရႃႉၽြႃးဢိၵ်ႇတင်းႁေႃၸဝ်ႈယဝ်ႉတူဝ်ႈလႄႈတၢင်းၵျၢမ်ႇတၢင်းပွင်ၵႃႈဢၼ်သေႃးလမုၼ်ႇၵျၢမ်ႇပွင်တၵ်းသၢင်ႈႁဵတ်းၵႃႈၼႂ်းႁိူၼ်းထႃႇဝႃႉၽြႃးဢိၵ်ႇတင်းႁေႃၸဝ်ႈၸိူဝ်းၼၼ်ႉပဵၼ်မႃးလီလီငၢမ်းငၢမ်းဢေႃႈ။
၁၂ မိူဝ်ႈၼၼ်ႉထႃႇဝႃႉၽြႃးပေႃႇမႃးတီႈသေႃးလမုၼ်ႇၼႂ်းၶိင်ႇၵၢင်ၶိုၼ်းလႄႈမီးဢမိင်ႉလႄႈဝႃႈ၊-ၵဝ်ငိၼ်းၵႂၢမ်းဢၼ်မႂ်းသူးတွင်းႁဵတ်းပထၼႃႇၼၼ်ႉယဝ်ႉ။
၁၃ ၵဝ်လိူၵ်ႈၵဵပ်းဢဝ်ထႃႇၼႃႉတီႈၼႆႉႁႂ်ႈပဵၼ်ႁိူၼ်းတီႈဢၼ်ပုၵ်ႉၸေႃႇယိၸ်ႉယဝ်ႉ။မိူဝ်ႈဢၼ်ၵဝ်ႁႂႃ်ႈႉလႅင်ႉလႄႈဢမ်ႇႁႂ်ႈၽူၼ်တူၵ်းဢမ်ႇၼၼ်မိူဝ်ႈဢၼ်ၵဝ်ပွႆႇႁႂ်ႈမႅင်းၵႅင်းတင်းလၢႆၶူပ်းၵိၼ်မၢၵ်ႇလိၼ်ႁူင်းလိၼ်၊ဢမ်ႇၼၼ်မိူဝ်ႈဢၼ်ၵဝ်ပွႆႇၵႃႇလႃႉႁႃႈလႅင်ႉမိူင်းတူၵ်းႁွတ်ႈမႃးၵႃႈတီႈၵူၼ်းၵဝ်ၼၼ်ႉၸိုင်
၁၄ ပေႃးၵူၼ်းၵဝ်ဢၼ်လႆႈၶၢမ်ႇတၢင်းဢၼ်ႁွင်ႉၸွမ်းၼႃႇမႃႉၸိုဝ်သဵင်ၵဝ်ၼၼ်ႉၶျႃးတူဝ်ၸဝ်ႈၵဝ်ႇတူၵ်းတႅမ်ႇလႄႈႁဵတ်းသူးတွင်းပထၼႃႇႁႃဢဝ်ၼႃႈၵဝ်လႄႈဝေႈပႅတ်ႈသဵၼ်ႈတၢင်းဢႃႉထမ်ႇမႃႉၸိုင်ၵဝ်တၵ်းယူႇၵႃႈၼိူဝႃ်ႉၵၢင်ႁၢဝ်သေလႄႈထွမ်ႇငိၼ်းသေယဝ်ႉပွႆႇလွတ်ႈဢပျႅတ်ႈၶဝ်လႄႈႁႂ်ႈမိူင်းၶဝ်မီးတၢင်းဢၼ်သၢၵ်ႈသႃႇၶႅၼ်းမႃးဢေႃႈ။
၁၅ ၵဝ်တၵ်းၽုၺ်ႇတႃမိုၼ်းတႃၵဝ်လႄႈႁႂ်ႈႁူၵဝ်ငိၼ်းၵႂၢမ်းပထၼႃႇဢၼ်၁၆ ၶဝ်သူးတွင်းၵႃႈတီႈၼႆႉၼၼ်ႉဢေႃႈ။
၁၆ ၵဝ်လိူၵ်ႈၵဵပ်းဢဝ်ႁိူၼ်းၼႆႉလႄႈႁႂ်ႈလႆႈမူတ်းၸၢင်ႇပုၼ်ႈဢၼ်ၼႃႇမႃႉၸိုဝ်သဵင်ၵဝ်တၵ်းတႄႇယူႇၵႃတီႈၼႆႉသေႇသေႇလႄႈတႃႇၵဝ်ဢိၵ်ႇတင်းႁူဝ်ၸႂ်ၵဝ်တၵ်းမီးယူႇၵႃႈတီႈၼႆႉသေႇသေႇဢေႃႈ။
၁၇ ပေႃးမႂ်းၵႂႃႇမႃးၵႃႈတီႈၽၢႆႇၼႃႈၵဝ်မိူၼ်ၸိူဝ်ႉၼင်ႇဢၼ်ပေႃႈမႂ်းတႃႇဝိတ်ႉၵႂႃႇမႃးၼၼ်ႉလႄႈႁဵတ်းၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈမႂ်းၼၼ်ႉလႄႈပႂ်ႉၵမ်ပႂ်ႉၵျၢင်ႉထုငိ်းင်ႈတြႃးၵဝ်ဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉၸိုင်၊ၸွမ်းၵႃႈၼင်ႇဢၼ်ၵဝ်ႁဵတ်းပတိၺိၼ်ႇလူၺ်ႈၵၼ်တင်းပေႃႈမႂ်းတႃႇဝိတ်ႉလႄႈဝႃႈ၊-
၁၈ ၸိူဝ်ႉၶိူဝ်းမႂ်းဢၼ်တၵ်းလႆႈဢုုပ်ႉပိူင်ႇမိူင်းဢိသရေႇလၼၼ်ႉတၵ်းဢမ်ႇလႆႈထၢတ်ႇ၊ဝႃႈၼင်ႇၼႆၼၼ်ႉၵဝ်တၵ်းႁႂ်ႈရႃႇၸႃႉပလၢင်ႇသိုင်ႇၸိုင်ႈဝၢၼ်ႈမိူင်းမႂ်းတႄႇယူႇသေႇသေႇဢေႃႈ။
၁၉ ပေႃးဢမ်ႇၼၼ်ပေႃးသူၽိတ်းတၢင်းလႄႈၸုၼ်ႉပႅတ်ႈထုငိ်းင်ႈတြႃးၵဝ်ဢိၵ်ႇတင်းပိင်းၺၢပ်ႈတြႃးၵဝ်ဢၼ်ၵဝ်ဝႆႉၵႃႈတီႈၽၢႆႇ
ၼႃႈသူၼၼ်ႉလႄႈၵႂႃႇႁဵတ်းဝတ်ႈၵူဝ်းၵႂၢႆႇတီႈၽြႃးတၢင်ႇသူႇတၢင်ႇပႃးၸိုင်၊
၂၀ ၵဝ်တၵ်းထူၺ်ႈၼုၵ်ႈဢဝ်ၶဝ်ႁၵ်းၶဝ်ဢွၵ်ႇပႅတ်ႈသေၵႃႈၼႂ်းမိူင်းဢၼ်ၵဝ်ပၼ်တီႈၶဝ်ၼၼ်ႉဢေႃႈ။ႁိူၼ်းၸဝ်ႈဢၼ်ၵဝ်ႁႂ်ႈမူတ်းၸၢင်ႇပုၼ်ႈၼႃႇမႃႉၸိုဝ်သဵင်ၵဝ်ၼႆႉၵေႃႈၵဝ်တၵ်းပႄႇပႅတ်ႈသေၵႃႈတီႈသိုဝ်ႈၼႃႈတႂ်ႈတႃၵဝ်လႄႈတၵ်းႁႂ်ႈပႅၼ်တီႈဢၼ်ႁဵတ်းဢပုမ်ႇတႅၵ်ႈ၊တီႈဢၼ်သေႉသွမ်းၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းဢေႃႈ။
၂၁ ႁိူၼ်းၸဝ်ႈဢၼ်တၢင်းသုင်မၼ်းပဵၼ်ဢၼ်သုင်လီၼႆႉၵေႃႈၶဝ်ၵႃႈဢၼ်ပႆတၢင်းၸွမ်းတၢင်းၼၼ်ႉတၵ်းဢၢမ်းလႄႈၵေႃႉၼိုင်ႈလႄႈၵေႃႉၼိုင်ႈတၵ်းတွင်ႉထၢမ်ၵၼ်လႄႈဝႃႈ၊-
၂၂ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈထႃႇဝရႃႉၽြႃးႁဵတ်းတီႈမိူင်းၼႆႉတင်းႁိူၼ်းၸဝ်ႈၼႆႉၸိူဝ်ႉၼင်ႇၼႆ၊ဝႃႈၼင်ႇၼႆသေယဝ်ႉ၊ပိူၼ်ႈတၵ်းဢွၼ်ၵၼ်ၶိုၼ်းလၢတ်ႈလႄႈဝႃႈ၊-မၼ်းၸဝ်ႈႁႂ်ႈၵႃႈဢၼ်ႁုၵ်းႁၢႆႉၼႆႉႁွတ်ႈထိုင်ၵႃႈၼိူဝ်ၶဝ်ၵွပ်ႈပိူဝ်ႈဢၼ်ၶဝ်ၸုၼ်ႉပႅတ်ႈထႃႇဝရႃႉၽြႃးၽြႃးပဵၼ်ၸဝ်ႈဢၼ်ၼုၵ်ႈဢဝ်ပူႇမွၼ်ႇၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉသေလႄႈပိုင်ႈဢိင်ၽြႃးတၢင်ႇသူႇတၢင်ႇပႃးသေလႄႈႁဵတ်းဝတ်ႈၵူဝ်းၵႂၢႆႇၽြႃးၸိူဝ်းၼၼ်ႉယဝ်ႉ၊ဝႃႈၼင်ႇၼႆဢေႃႈ။