Chapter
၄
ပိၵ်ႉမၢၼ်ႇၽြႃးယဝ်ႉတူဝ်လီငၢမ်း
၁ ယိတ်ႉပလၢင်ႇတွင်းလိူင်ဢၼ်ၼႃႈယၢဝ်းမၼ်းမီးသၢဝ်းသွၵ်ႇ၊ၼႃႈၼွႆႉမၼ်းမီးသၢဝ်းသွၵ်ႇ၊ဢၼ်သုင်မၼ်းမီးသိပ်းသွၵ်ႇၼၼ်ႉၵေႃႈမၼ်းႁဵတ်းဢေႃႈ။
၂ ၼမ်ႉၼွင်တွင်းလိူင်ဢၼ်ဢဝ်ၵႃႈတီႈၶွပ်ႇၽၢႆႇၼိုင်ႈတေႃႇထိုင်ႁွတ်ႈၶွပ်ႇၽၢႆႇၼိုင်ႈမီးသိပ်းသွၵ်ႇဢၼ်လိုၵ်ႉမၼ်းမီးႁႃႈသွၵ်ႇ၊ဢၼ်ဝႅင်းမူၼ်းမၼ်းမီးသၢမ်သိပ်းသွၵ်ႇၼၼ်ႉၵေႃႈမၼ်းႁဵတ်းဢေႃႈ။
၃ ၵႃႈတီႈလဵပ်ႈႁွပ်ႈၸွမ်းႁိမ်းတႂ်ႈၶွပ်ႇၵၢမ်းပၢတ်ႈၼမ်ႉၼွင်ၼၼ်ႉမီးပုင်ႇႁၢင်ႈဝူဝ်းတင်းလၢႆၼႂ်းယေႈသွၵ်ႇသိပ်းတူဝ်လႄႈလေႃႇႁဵတ်းပုင်ႇႁၢင်ႊဝူဝ်းသွင်ထႅဝ်ၸပ်းပဵၼ်ၼိူဝ်ႉလဵဝ်ၵၼ်တင်းၼမ်ႉၼွင်ဢေႃႈ။
၄ ၼမ်ႉၼွင်ၼၼ်ႉတၢင်ႇဝႆႉယူႇၵႃႈၼိူဝ်ဝူဝ်းသိပ်းပၢႆသွင်တူဝ်၊ဢၼ်သၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းႁွင်ႇ၊သၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းတူၵ်း၊သၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းၸၢၼ်း၊သၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းဢွၵ်ႇၸိူဝ်းၼၼ်ႉလႄႈၼမ်ႉၼွင်ႉၼၼ်ႉလႆႈတၢင်ႇဝႆႉမီးယူႇၵႃႈၼိူဝ်ဝူဝ်းၸိူဝ်းၼၼ်ႉလႄႈဝူဝ်းၸိူဝ်းၼၼ်ႉဝၢႆႇၵူၼ်ႈၶဝ်ၶဝ်ႈတၢင်းၼႂ်းယူႇဢေႃႈ။
၅ ၼမ်ႉၼွင်ၼၼ်ႉတၢင်းဢၼ်ၼႃမၼ်းမီးၽႃႇမိုဝ်းၼိုင်ႈလႄႈၶွပ်ႇမၼ်းၼၼ်ႉတဵမ်ဝႆႉတင်းလၢႆးမွၵ်ႇမူဝ်မိူၼ်ၸိူဝ်ႉၼင်ႇၶွပ်ႇၵွၵ်းၼၼ်ႉဢေႃႈ။သႂ်ႇလႄႈၶဝ်ပၢတ်ႉၼမ်ႉသၢမ်ႁဵင်ပၢတ်ႉဢေႃႈ။
၆ မေႃႈဢဵင်ႇသိပ်းလုၵ်ႈၵေႃႈမၼ်းႁဵတ်းလႄႈဢဝ်ဝႆႉၵႃႈတီႈၽၢႆႇၶႂႃႁႃႈလုၵ်ႈၵႃႈတီႈၽၢႆႇသၢႆႉႁႃႈလုၵ်ႈလႄႈၶဝ်ဢဝ်ၶိူင်ႈပိူင်ဢၼ်ၸၢပ်ႈသႅင်ႇၵၼ်တင်းယိၸ်ႉဢၼ်တုတ်ႇၽႆးၸိူဝ်းၼၼ်ႉသုၵ်ႉသီၵႃႈၼႂ်းၸိူဝ်းၼၼ်ႉဢေႃႈ။ၼမ်ႉၼွင်ၸမ်းပဵၼ်ပုၼ်ႈဢၼ်ယိတ်ႉပရေႃးႁိၵ်ႈတင်းလၢႆတၵ်းဢၢပ်ႇၼမ်ႉဢေႃႈ။
၇ ၶူင်ႇတီႈတႆႈၽႆးသိပ်းဢၼ်ၵေႃႈမၼ်းႁဵတ်းၸွမ်းလူၺ်ႈပုင်ႇဢၼ်ပဵၼ်ဢွၼ်တၢင်းၼၼ်ႉသေလႄႈဢဝ်ဝႆႉၵႃႈၼႂ်းပိၵ်ႉမၢၼ်ႇၸဝ်ႈၵႃႈတီႈၽၢႆႇၶႂႃႁႃႈလုၵ်ႈ၊ၵႃႈတီႈၽၢႆႇသၢႆႉႁႃႈလုၵ်ႈဢေႃႈ။
၈ ၶူင်ႇတီႈၵိၼ်သိပ်းဢၼ်ၵေႃႈမၼ်းႁဵတ်းလႄႈဢဝ်ဝႆႉၵႃႈၼႂ်းပိၵ်ႉမၢၼ်ႇၸဝ်ႈၵႃႈတီႈၽၢႆႇၶႂႃႁႃႈဢၼ်၊ၵႃႈတီႈၽၢႆႇသၢႆႉႁႃႈဢၼ်ဢေႃႈ။ဝၢၼ်ႇၶမ်းပၢၵ်ႇၼိုင်ႈၵေႃႈမၼ်းႁဵတ်းဢေႃႈ။
၉ တမ်ႇတိူင်းယိတ်ႉပရေႃးႁိၵ်ႈ၊တမ်ႇတိူင်းလူင်ၵႃႈၼွၵ်ႈမ်ႂၽၵ်းတူတမ်ႇတိူင်းတင်းလၢႆၵေႃႈမၼ်းႁဵတ်းလႄႈဢဝ်တွင်းလိူင်ဢုမ်ႇႁေႃႇမ်ႂၽၵ်းတူၸိူဝ်းၼၼ်ႉသေဢေႃႈ။
၁၀ ၼမ်ႉၼွင်ၸမ်းမၼ်းဢဝ်ၶျႃးတီႈယူႇဝႆႉၵႃႈတီႈၽၢႆႇၶႂႃႇႁိူၼ်းၸဝ်ႈတၢင်းဝၼ်းဢွၵ်ႇၸဵင်ႇၸၢၼ်းဢေႃႈ။
၁၁ ႁိရမ်ႇၼၼ်ႉႁဵတ်းမေႃႈဢႅင်ႇလႂ်၊ၸေႃႉလႂ်၊ဝၢၼ်ႇလႂ်ၸိူဝ်းၼၼ်ႉဢေႃႈ။
၁၂ ၼင်ႇၼၼ်လႄႈလွင်ႈတၢင်းဢၼ်ႁိရမ်ႇႁဵတ်းၵႃႈတီႈႁိူၼ်းၽြႃးပဵၼ်ၸဝ်ႈပုၼ်ႈၶုၼ်လူင်သေႃးလမုၼ်ႇၼၼ်ႉၸမ်း၊ပဵၼ်သဝ်သွင်လႅမ်ႈ၊ႁူဝ်သဝ်တင်းၸိၵ်းႁူဝ်သဝ်သွင်ဢၼ်ဢၼ်မီးၵႃႈၼိူဝ်သဝ်ၸိူဝ်းၼၼ်ႉ၊တႃႇၶေဢၼ်တၵ်းသုမ်ႇႁူမ်ႇၸိၵ်းႁူဝ်သဝ်သွင်ဢၼ်ဢၼ်မီးၵႃႈၼိူဝ်သဝ်ၸိူဝ်းၼၼ်ႉ၊
၁၃ မၢၵ်ႇၸင်ႈသီႇပၢၵ်ႇပုၼ်ႈတႃႇၶဝ်သွင်ဢၼ်၊ဢၼ်ဝႃႈမၢၵ်ႇၸင်ႈသွင်ထႅဝ်ပုၼ်ႈတႃႇၶဝ်ယေဢၼ်ႁႂ်ႈလႆႈသုမ်ႇႁူမ်ႇၸိၵ်းႁူဝ်သဝ်ဢၼ်မီးၵႃႈၼိူဝ်သဝ်ၸိူဝ်းၼၼ်ႉဢေႃႈ။
၁၄ မၼ်းႁဵတ်းၶူင်ႇတင်းလၢႆသေလႄႈဢဝ်မေႃႈဢႅင်ႇတၢင်ႇဝႆႉၵႃႈၼိူဝ်ၶူင်ႇၸိူဝ်းၼၼ်ႉဢိၵ်ႇတင်းၼမ်ႉၼွင်လုၵ်ႈၼိုင်ႈဢၼ်ဝူဝ်းသိပ်းသွင်တူဝ်ၵမ်ႉထွၵ်ႈယူႇၼၼ်ႉဢေႃႈ။
၁၅ မေႃႈလႂ်၊ၸေႃႉလႂ်၊ၶေႃၵွင်ႉၼိူဝ်ႉလႂ်၊ၶိူင်ႈပိူင်ၵႃႈတီႈႁိူၼ်းထႃႇဝရႃႉၽြႃးၸိူဝ်းၼၼ်ႉႁိရမ်ႇဢၽိ
၁၆ ဢဝ်တွင်းလိူင်ဢၼ်လုၵ်ႉႁိူဝ်ႈယူႇသၢင်းဝၢင်းၼၼ်ႉလႄႈႁဵတ်းပုၼ်ႈၶုၼ်လူင်သေႃးလမုၼ်ႇဢေႃႈ။
၁၇ ၶုၼ်ႁေႃၶမ်းလေႃႇသွၼ်းႁဵတ်းၸိူဝ်းၼၼ်ႉၵႃႈတီႈလိၼ်ၼဵဝ်ဢၼ်မီးၵႃႈၼႂ်းၵႄဝူင်ႈၵၢင်ဝဵင်းသုၵုတ်ႉတင်းဝဵင်းၸႃႇသၼ်ႇၵႃႈတီႈပၢင်ႇႁူၺ်ႈယေႃႇတၼ်ႇၼၼ်ႉဢေႃႈ။
၁၈ သေႃးလမုၼ်ႇႁဵတ်းၶိူင်ႈပိူင်ၵႃႈမီးၼၼ်ႉၼမ်ၼႃႇလူင်လၢင်လႄႈၽူႈလႂ်သေၵေႃႉသေၵူၼ်းဢမ်ႇႁူႉတၢင်းဢၼ်ၸင်ႊဢၼ်ႁိဝ်ႈတွင်းလိူင်ၼၼ်ႉလႆႈ။
၁၉ သေႃးလမုၼ်ႇႁဵတ်းၶိူင်ႈပိူင်ၵႃႈဢၼ်ၸၢပ်ႈသႅင်ၵၼ်တင်းႁိူၼ်းၽြႃးပဵၼ်ၸဝ်ႈဢၼ်ပဵၼ်ယိတ်ႉပလၢင်ႇၶမ်း၊ၶူင်ႇတီႈဢၼ်တၢင်ႇၶဝ်ႈမုၼ်းၽၢႆႇၼႃႈၸဝ်ႈ၊
၂၀ ၶူင်ႇတီႈတႆႈၽႆးၶမ်းတင်းလၢႆဝၢၼ်ႇတႆႈၽႆးၶမ်းတင်းလၢႆပုၼ်ႈဢၼ်တၵ်းၸွမ်းလူၺ်ႈထုင်းၸၢမ်ႇသေလႄႈတႆႈၵႃႈတီႈၽၢႆႇၼႃႈထႃႇၼႃႉပျႃႇတိၵ်ႈၸဝ်ႈ၊
၂၁ မွၵ်ႇၶမ်း၊ဝၢၼ်ႇတႆႈၽႆးၶမ်း၊ၵိမ်းၺၢပ်ၽႆးၶမ်းဢၼ်ဢဝ်တင်းၶမ်းလွတ်ႈငၢၼ်ႇႁဵတ်းၸိူဝ်းၼၼ်ႉ၊ၵိမ်းၵိပ်ၽႆး၊ဝၢၼ်ႇ၊ၸေႃႉ၊လၢင်ႇပၢၼ်းဢၼ်ဢဝ်ၶမ်းလွတ်ႈငၢၼ်ႇႁဵတ်းၸိူဝ်းၼၼ်ႉယဝ်ႉတူဝ်လႄႈ
၂၂ ဝႆႉတီႈဢၼ်တၵ်းၶဝ်ႈၸူးၵႃႈၼႂ်းႁိူၼ်းၸဝ်ႈဢၼ်ဝႃႈမႂ်ႊၽၵ်းတူတၢင်းၼႂ်းပုၼ်ႈထႃႇၼႃႉတီႈမူတ်းၸၢင်ႇသေပိူၼ်ႈဢိၵ်ႇတင်းႁိူၼ်းၸဝ်ႈဢၼ်ဝႃႈပိၵ်ႉမၢၼ်ႇၸိူဝ်းၼၼ်ႉဢေႃႈ။