Chapter
၁
သေႃးလမုၼ်ႇယွၼ်းႁႂ်ႈလႆႈၺၢၼ်ႇပိင်ႇၺႃႇ
၁ သေႃးလမုၼ်ႇလုၵ်ႈၸၢႆးတႃႇဝိတ်ႉၼၼ်ႉမီးတၢင်းဢၼ်ဢႃႇၼႃႇၸဝ်ႈတႄႇယူႇမၼ်ႈၶိူင်ႇလႄႈထႃႇဝရႃႉႉၽြႃးၽြႃးပဵၼ်ၸဝ်ႈမၼ်းမီးယူႇလူၺ်ႈၵၼ်တင်းမၼ်းသေလႄႈယုၵ်ႉယွင်ႈမၼ်းၼႃႇလူင်လၢင်ဢေႃႈ။
၂ သေႃးလမုၼ်ႇႁွင်ႉဢဝ်ၵူၼ်းမဵဝ်းဢိသရေႇလတင်းသဵင်ႈတင်းလူင်ဢၼ်ပဵၼ်ၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈႁဵင်ၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈပၢၵ်ႇ၊ၵူၼ်းလူင်ဢၼ်ၸီႇယၢင်ႇတြႃးၶုၼ်ဢိသရေႇလ
၃ ၵႃႈမီး၊ၵူၼ်းဢၼ်ပဵၼ်ငဝ်ႈပဵၼ်ႁူဝ်၊မဵဝ်းၸိူဝ်ႉၶိူဝ်းပေႃႈၶဝ်ၸိူဝ်းၼၼ်ႉသေလႄႈသေႃးလမုၼ်ႇပႃးဢဝ်ပရိၵ်ႈသၢတ်ႈတင်းသဵင်ႈတင်းလူင်သေယဝ်ႉၶိုၼ်ႈၸူးၵႃႈတီႈထႃႇၼႃႉတီႈသုင်ဢၼ်မီးၵႃႈတီႈဝဵင်းၵိပွင်ႇၼၼ်ႉၵွပ်ႈပိူဝ်ႈဢၼ်သုမ်ႉထဵင်တီႈဢၼ်ပရိၵ်ႈသၢတ်ႈၽြႃးပဵၼ်ၸဝ်ႈၸူႉတုမ်ဢၼ်မုဝ်းသေႇၶႃႈထႃႇဝရႃႉၽြႃးႁဵတ်းၵႃၼႂ်းထိူၼ်ၼၼ်ႉမီးယူႇၵႃႈတီႈၼၼ်ႉဢေႃႈ။
၄ တိူၵ်ႈတႃႇၽြႃးပဵၼ်ၸဝ်ႈၼၼ်ႉၸမ်းပိၵ်ႉသမ်ႉတႃႇဝိတ်ႉဢဝ်ဢွၵ်ႇသေၵႃႈတီႈဝဵင်းၵိရယတ်ႉယႃႇရိမ်ႇမႃးၵႃႈတီႈဢၼ်တႃႇဝိတ်ႉမႄးႁႅၼ်းဝႆႉၵွပ်ႈပိူဝ်ႈဢၼ်မၼ်းလႆႈမုင်းသုမ်ႉထဵင်ၵႃႈၼႂ်းဝဵင်းယေႇရုသလႅမ်ႇၼၼ်ႉသေၵေႃႈ၊
၅ ၵွပ်ႈပိူဝ်ႈဢၼ်ယိတ်ႉပလၢင်ႇတွင်းလိူင်ဢၼ်ပေႇၸလေႇလလုၵ်ႈၸၢႆးဢုရိဢၼ်ပဵၼ်လုၵ်ႈၸၢႆးႁုရႁဵၼ်းဝႆႉၼၼ်ႉလႆႈမီးဝႆႉယူႇၵႃႈတီႈၽၢႆႇၼႃႈသုမ်ႉထဵင်ၸဝ်ႈၵႃႈတီႈဝဵင်းၵိပွင်ႇၼၼ်ႉလႄႈသေႃးလမုၼ်ႇဢိၵ်ႇတင်းပရိၵ်ႈသၢတ်ႈတင်းလၢႆလႆဢွၼ်ၵၼ်ၵႂႃႇၸူးၵႃႈတီႈၼၼ်ႉဢေႃႈ။
၆ ၼင်ႇၼၼ်လႄႈသေႃးလမုၼ်ႇၶိုၼ်ႈၸူးၵႃႈတီၽၢႆႇၼႃႈထႃႇဝရႃႉၽြႃးၵႃႈတီႈသုမ်ႉထဵင်တီႈၸူႉတီႈတုမ်ပရိၵ်ႈသၢတ်ႈၼၼ်ႉလႄႈဢဝ်ယိၸ်ႉဢၼ်တုတ်ႇၽႆးႁဵင်ၼိုင်ႈပုၵ်ႉၸေႃႇၵႃႈၼိူဝ်ယိတ်ႉပလၢင်ႇၼၼ်ႉဢေႃႈ။
၇ ၼႂ်းၶိုၼ်းၼၼ်ႉၽြႃးပဵၼ်ၸဝ်ႈပေႃႇမႃးတီႈသေႃးလမုၼ်ႇလႄႈမီးဢမိင်ႉလႄႈဝႃႈ၊-ယွၼ်းဢဝ်သူးဢၼ်ၵဝ်တၵ်းလႆႈပၼ်တီႈမႂ်းၼၼ်ႉတႃႉ၊ဝႃႈၼင်ႇၼႆဢေႃႈ။
၈ သေႃးလမုၼ်ႇၵေႃႈလဝ်ႈလၢတ်ႈတီႈၽြႃးပဵၼ်ၸဝ်ႈလႄႈဝႃႈ၊-ၸဝ်ႈႁဝ်းႁဵတ်းၵျေးၸူးၼမ်ၼႃႇလူင်လၢင်တီႈပေႃႈၶႃႈၸဝ်ႈႁဝ်းတႃႇဝိတ်ႉၼၼ်ႉလႄႈၶႃႈၸဝ်ႈႁဝ်းၼႆႉလႆႈပဵၼ်ၶုၼ်ႁေႃၶမ်းတၢင်ႈတူဝ်မၼ်းတီႈၶႃႈယဝ်ႉ။
၉ မိူဝ်ႈလဵဝ်ၼႆႉၸိုင်ထႃႇဝရႃႉၽြႃးၽြႃးပဵၼ်ၸဝ်ႈတီႈၶႃႈ။ၵွပ်ႈပိူဝ်ႈဢၼ်ၸဝ်ႈႁဝ်းယုၵ်ႉယွင်ႈၶႃႈၸဝ်ႈႁဝ်းၼႆႉဝႆႉႁႂ်ႈပဵၼ်ၶုၼ်ႁေႃၶမ်းၵူၼ်းဢၼ်ၼပ်ႉဢၢၼ်ႇလႄႈၼမ်ၼႃႇမိူၼ်ၸိူဝ်ႉၼင်ႇဢၼ်မုၼ်ႈလိၼ်ၼမ်ၼႃႇၼၼ်ႉလႄႈၶႅၼ်းတေႃႈႁႂ်ႈၵတိဢၼ်ၸဝ်ႈႁဝ်းဝႆႉတီႈတႃႇဝိတ်ႉၼၼ်ႉတႄႇယူႇသေၵမ်းတီႈၶႃႈ။
၁၀ ၶႅၼ်းတေႃႈဢိတ်းလူပၼ်ၺၢၼ်ႇပိင်ႇၺႃႇႁႂ်ႈၶႃႈၸဝ်ႈၶဝ်ႈဢွၵ်ႇၵႃႈတီႈၽၢႆႇၼႃႈၵူၼ်းၸိူဝ်းၼႆႉလႆႈသေၵမ်းတီႈၶႃႈ။ၽူႈလႂ်တၵ်းတတ်ႈၼိုင်ႇႁႂ်ႈလႆႈၸီႇယၢင်ႇတြႃးတီႈၵူၼ်းၸဝ်ႈႁဝ်းဢၼ်ၼမ်ၼႃႇထၢၼ်ႇၼႆႉၸိူဝ်းၼႆႉတီႈၶႃႈ၊ဝႃႈၼင်ႇၼႆဢေႃႈ။
၁၁ ၽြႃးပဵၼ်ၸဝ်ႈၵေႃႈမီးဢမိင်ႉတီႈသေႃးလမုၼ်ႇလႄႈဝႃႈ၊-ၵွပ်ႈပိူဝ်ႈဢၼ်မႂ်းၶုၵ်းၸႂ်လႆႈၶႆႈၸႂ်ထူပ်းဢၼ်ၼႆႉလႄႈဢမ်ႇယွၼ်းဢဝ်ၸေးၸိမ်ႇဢုၵ်ႉၸႃႇ၊မူၼ်သရေႇ၊ဢသၢၵ်ႈရၢၼ်ႇသူႇမႂ်း၊ဢမ်ႇယွၼ်းဢဝ်ဢသၢၵ်ႈဢၼ်ယၢဝ်းဢၼ်ယိုၼ်း၊ယွၼ်းဢဝ်ၺၢၼ်ႇပိင်ႇၺႃႇဢၼ်တတ်ႈၼိုင်ႇလႆႈႁႂ်ႈလႆႈၸီႇယၢင်ႇတြႃးတီႈၵူၼ်းၵဝ်တင်းလၢႆဢၼ်ၵဝ်ၶၢၼ်းမႂ်းဝႆႉႁႂ်ႈမႂ်းပဵၼ်ၶုၼ်ႁေႃၶမ်းၶဝ်ၼၼ်ႉၵူၺ်းပုၼ်ႈတူဝ်ၸဝ်ႈၵဝ်ႇလႄႈၵဝ်ပၼ်ၺၢၼ်ႇပိင်ႇၺႃႇတီႈမႂ်းဢေႃႈ။
၁၂ လိူဝ်သေၼၼ်ႉၸေးၸိမ်ႇဢုၵ်ႉၸႃႇ၊မူၼ်သရေႇဢၼ်ပဵၼ်ၶုၼ်ႁေႃၶမ်းဢွၼ်တၢင်းမႂ်းဢိၵ်ႇတင်းၶုၼ်ႁေႃၶမ်းဢၼ်တၵ်းပဵၼ်မႃးၵမ်းလိုၼ်းမႂ်းသေၵေႃႉသေၵူၼ်းဢမ်ႇတွၼ်ႉၶိုၼ်းလႆႈၼၼ်ႉၵေႃႈၵဝ်တၵ်းပၼ်တီႈမႂ်းလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။
၁၃ မိူဝ်ႈၼၼ်ႉသေႃးလမုၼ်ႇလုၵ်ႉသေၵႃႈတီႈၽၢႆႇၼႃႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈဢၼ်မီးၵႃႈတီႈထႃႇၼႃႉတီႈသုင်ၼႂ်းဝဵင်းၵိပွင်ႇၼၼ်ႉသေယဝ်ႉမိူဝ်းၵႂႃႇၵႃႈတီႈဝဵင်းယေႇရုသလႅမ်ႇလႄႈဢုပ်ႉပိူင်ႇၸၢမ်ႇၸႃးမိူင်းဢိသရေႇလလႄႈယူႇဢေႃႈ။
၁၄ လိုၼ်းၼၼ်ႉသေႃးလမုၼ်ႇၸူႉႁွမ်လေႃႉရထႃးလႂ်တင်းႁူဝ်ႁၢၼ်ၵူၼ်းသိုၵ်းၶီႇမႃႉလႂ်လႄႈမီးလေႃႉရထႃးႁဵင်ပၢႆသီႇပၢၵ်ႇႁူဝ်ႁၢၼ်ၵူၼ်းသိုၵ်းၶီႇမႃႉမိုၼ်ႇပၢႆသွင်ႁဵင်ဢၼ်မၼ်းဢဝ်ဝႆႉၵႃႈတီႈဝဵင်းဢၼ်ထိင်းလေႃႉရထႃးၸဝ်ႈဢိၵ်ႇတင်းၵႃႈတီႈမၼ်းၵႃႈၼႂ်းဝဵင်းယေႇရုသလႅမ်ႇၼၼ်ႉဢေႃႈ။
၁၅ ၶုၼ်ႁေႃၶမ်းႁႂ်ႈငိုၼ်းၶမ်းၼမ်ၼႃႇၵႃႈၼႂ်းဝဵင်းယေႇရုသလႅမ်ႇမိူၼ်ၸိူဝ်ႉၼင်ႇမၢၵ်ႇႁိၼ်မၢၵ်ႇၽႃလႄႈႁႂ်ႈတူၼ်ႈဢႃႇရိတ်ႉၼမ်ၼႃႇမိူၼ်ၸိူဝ်ႉၼင်ႇတူၼ်ႈမၢၵ်ႇလိူဝ်ႇသၢင်းၽေႃးဢၼ်ဢွၵ်ႇၵႃႈတီႈတႂ်ႈတီႈပၢင်ႇပဵင်းၼၼ်ႉဢေႃႈ။
၁၆ မႃႉသေႃးလမုၼ်ႇၼမ်ၼႃႇၸိူဝ်းဢၼ်လႆႈဢဝ်ၵႃႈတီႈမိူင်းဢေႇၵႅပ်ႉတုမႃးၸိူဝ်းၼၼ်ႉၵေႃႈၸဝ်ႈၵုၼ်ႇၸဝ်ႈသႅၼ်းၶုၼ်ႁေႃၶမ်းတင်းလၢႆဢွၼ်ၵၼ်ပၼ်ၵႃႈမၼ်းၶၼ်မၼ်းပဵၼ်ၽုင်ပဵၼ်ၽုင်သေလႄႈသိုဝ်ႉဢဝ်ဢေႃႈ။
၁၇ ၶဝ်ဢွၼ်ၵၼ်သိုဝ်ႉလေႃႉရထႃးမိူင်းဢေႇၵႅပ်ႉတုမႃးယေႈလင်ငိုၼ်းႁူၵ်းပၢၵ်ႇၵျၢပ်ႈသၶေႇလႃႉ၊မႃႉယေႈတူဝ်ပၢၵ်ႇပၢႆႁႃႈသိပ်းၵျၢပ်ႈသၶေႇလႃႉဢေႃႈ။လိုၼ်းၼၼ်ႉၶဝ်ဢွၼ်ၵၼ်ၶိုၼ်းၶၢႆပၼ်ၶုၼ်လူင်ႁိတ်ႉတိဢိၵ်ႇတင်းၶုၼ်လူင်သုရိၸိူဝ်းၼၼ်ႉဢေႃႈ။