Chapter
၃၁
တၢင်းဢၼ်တွပ်ႇသူၺ်ႈၼိူဝ်ၵူၼ်းမဵဝ်းမိတၢၼ်ႇ
၁ ထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊- ယူႇၽၢႆႇၵူၼ်းမဵဝ်း ဢိသရေႇလ တင်းလၢႆသေလႄႈတွပ်ႇတႅၼ်းၶိုၼ်းဢပျႅတ်ႈ တီႈၵူၼ်းမိတျၢၼ်ႇၸိူဝ်းၼၼ်ႉတႃႉ။
၂ ဢၼ်ၼၼ်ႉယဝ်ႉသေယဝ်ႉ မႂ်းတၵ်းလႆႈႁွတ်ႈထိုင်ၵႃႈတီႈ ဢၼ်ၵူၼ်းမဵဝ်းမႂ်းတင်းလၢႆၸူႉတုမ်ၼၼ်ႉ ဢေႃႈ၊ဝႃႈၼင်ႇၼႆဢေႃႈ။
၃ မုဝ်းသေႇလၢတ်ႈတီႈၵူၼ်းတင်းလၢႆလႄႈဝႃႈ၊-ႁွင်ႉႇဢဝ်ၵူၼ်းၵမ်ႈၽွင်ႈႁႂ်ႈယိပ်းၵမ်လၢၵ်ႈၼၢၵ်ႈသေလႄႈ ၶီႇသိုၵ်းၵႂႃႇၵႃႈတီႈၵူၼ်းမဵဝ်းမိတျၢၼ်ႇတင်းလၢႆ ႁႂ်ႈလႆႈႁဵတ်းတၢင်းဢၼ်ထႃႇဝရႃႉၽြႃးတွပ်ႇတႅၼ်းၶိုၼ်းဢပျႅတ်ႈ တီႈၵူၼ်းမဵဝ်းမိတျၢၼ်ႇၸိူဝ်းၼၼ်ႉသေ။
၄ ၵႃႈၼႂ်းၵူၼ်းမဵဝ်းဢိသရေႇလတင်းသဵင်ႈတင်းလူင်ၼၼ်ႉ လိူၵ်ႈဢဝ်ၵူၼ်းယေႈႁဵင်ဢွၵ်ႇ သေၵႃႈၼႂ်းၵူၼ်းယေႈမဵဝ်းလႄႈၶီႇသိုၵ်းတႃႉ၊
၅ ဝႃႈၼင်ႇၼႆသေလႄႈ လႆႈၵူၼ်းမိုၼ်ႇၼိုင်ႈသွင်ႁဵင် ဢၼ်ပႃး လၢၵ်ႈၼၢၵ်ႈတိုၵ်းသိုၵ်းၼၼ်ႉဢၢပ်ႈပၼ်လႄႈ
၆ မုဝ်းသေႇႁႂ်ႈၶဝ်ယေႈမဵဝ်းယေႈႁဵင်ဢိၵ်ႇတင်း ၽိၼႁတ်ႉလုၵ်ႈၸၢႆးယိတ်ႉပရေႃးႁိၵ်ႈဢေႇလႃႇၸႃႇ ဢၼ်ပႃးၶိူင်ႈပိူင်ထႃႇၼႃႉတီႈမူတ်းၸၢင်ႇတင်းလၢႆ ဢိၵ်ႇတင်းၼႄးၶရႃႇ ပုၼ်ႈဢၼ်တၵ်းပဝ်ႇၸိူဝ်းၼၼ်ႉလႄႈၶီႇသိုၵ်းၵႂႃႇဢေႃႈ။
၇ ၶဝ်ၼၼ်ႉတိုၵ်းတေႃးၵူၼ်းမဵဝ်းမိတျၢၼ်ႇတင်းလၢႆၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇၼၼ်ႉလႄႈ ဢဝ်ၵူၼ်းၸၢႆးတင်းသဵင်ႈတင်းလူင်တၢႆဢေႃႈ။ၼႂ်းၶဝ်ၸိူဝ်းဢၼ်လႆႈတၢႆၼၼ်ႉပႃးၶုၼ်လူင်မိတျၢၼ်ႇႁႃႈပႃးဢၼ်ပဵၼ်ဢေႇဝိ၊ ရေႇ ၵိမ်ႇ၊ၸူႉရ၊ႁုရ၊ရေႇၽၸိူဝ်းၼၼ်ႉဢေႃႈ။
၈ ၶုၼ်ပႃႇလမ်ႇလုၵ်ႈၸၢႆးပေႃႇရ ၼၼ်ႉၵေႃႈၶဝ်ဢဝ်တၢႆလူၺ်ႈလၢပ်ႇ လူၺ်ႈလႅဝ်းဢေႃႈ။
၉ ၵူၼ်းမဵဝ်းဢိသရေႇလၸိူဝ်းၼၼ်ႉတီႉလႆႈမေႈယိင်းမိတျၢၼ်ႇ ဢိၵ်ႇတင်းလုၵ်ႈဢွၼ်ႇၶဝ်တင်းလၢႆလႄႈ သိမ်းဢဝ်တရိၵ်ႈသၢၼ်ႇၶဝ်ၽုင်သူဝ်းၽုင်ပေႉၶဝ်ဢုၵ်ႉၸႃႇၶဝ် ၵႃႈမီးတင်းသဵင်ႈတင်းလူင် ဢေႃႈ။
၁၀ ၶဝ်ဢဝ်ၽႆးတုတ်ႇဝဵင်းဢၼ်မီးယူႇၼႂ်းတီႈယူႇၶဝ်ၵႃႈမီးဢိၵ်ႇတင်းလမ်းဝဵင်းၶဝ် ၵႃႈမီးတင်းသဵင်ႈ တင်းလူင်ၼၼ်ႉဢေႃႈ။
၁၁ ၶဝ်သိမ်းဢဝ်ဢုၵ်ႉၸႃႇဢၼ်ႁိမ်ႁုင်လႆႈၵႃႈမီး ဢိၵ်ႇတင်း ၵႃႈဢၼ်တီႉလႆႈဢၼ်ပဵၼ်ၵူၼ်းဢိၵ်ႇတင်း တရိၵ်ႈသၢၼ်ႇတင်းလၢႆလႄႈ ဢဝ်ၵူၼ်းဢၼ်တီႉလႆႈဢိၵ်ႇတင်း
၁၂ တရိၵ်ႈသၢၼ်ႇဢၼ်တီႉလႆႈတင်းဢုၵ်ႉၸႃႇ ဢၼ်ႁိမ်ႁုင်လႆႈၼၼ်ႉမႃးၵႃႈတီႈမုဝ်းသေႇ တင်း ယိတ်ႉပရေႃးႁိၵ်ႈဢေႇလႃႇၸႃႇဢိၵ်ႇတင်းပရိၵ်ႈသၢတ်ႈၵူၼ်းမဵဝ်းဢိသရေႇလ တင်းလၢႆ တီႈဢၼ်ၶဝ်ၶျႃးတပ်ႉယူႇၵႃႈၼႂ်းပၢင်ႇပဵင်းမေႃႇၽၵႃႈတီႈႁိမ်းၼမ်ႉႁွင်ႊယေႃႇတၢၼ်ႇ သိုဝ်ႈဝဵင်းယေႇရိၶူဝ်းၼၼ်ႉဢေႃႈ။
၁၃ မုဝ်းသေႇဢိၵ်ႇတင်းယိတ်ႉပရေႃးႁိၵ်ႈဢေႇလႃႇၸႃႇဢိၵ်ႇတင်း ၵူၼ်းယႂ်ႇၵူၼ်းလူင်ပရိၵ်ႈသၢတ်ႈတင်းလၢႆတင်းသဵင်ႈတင်းလူင်ဢွၼ်ၵၼ်ဢွၵ်ႇႁႂ်ႈလႆႈႁပ်ႉႁူဝ် တၢင်းၶဝ်ၵႃႈတီႈၼွၵ်ႈတပ်ႉဢေႃႈ။
၁၄ မုဝ်းသေႇၸႂ်မႆႈၶႂ်ႈၸႃႉၼႃႇလူင်လၢင်ၵႃႈၼိူဝ်ႁူဝ်သိုၵ်းဢၼ်ပဵၼ်ပူဝ်ႇဢၼ်ဢုပ်ႉၵႃႈၼိူဝ်ၵူၼ်းယေႈႁဵင် တပ်ႉမူးဢၼ်ဢုပ်ႉၵႃႈၼိူဝ်ၵူၼ်းယေႈပၢၵ်ႇ ဢၼ်လုၵ်ႉသေၵႃႈတီႈပၢင်ႈသိုၵ်း ၶိုၼ်းမႃးၼၼ်ႉဢေႃႈ။
၁၅ မုဝ်းသေႇလၢတ်ႈတီႈၶဝ်လႄႈဝႃႈ၊- သူႁႂ်ႈမေႈယိင်းတင်းသဵင်ႈတင်းလူင်ဢသၢၵ်ႈ ၵတ်းယဵၼ်ၶျၢမ်းသႃႇယူႇႁိုဝ်း။
၁၆ တူၺ်းလူႊ။ၶဝ်ၸိူဝ်းၼႆႉၸွမ်းတၢင်းၵျၢမ်ႇတၢင်းပွင်ၶုၼ်ပႃႇလမ်ႇသေလႄႈႁႂ်ႈၵူၼ်းမဵဝ်းဢိသရေႇလ တင်းလၢႆၽိတ်းပိူင်ႈထႃႇဝရႃႉၽြႃးလူၺ်ႈဢမူႉၽြႃးပေႇၵုရၼၼ်ႉလႄႈ ႁႂ်ႈၽေးႁွတ်ႈ ထိုင်ၵႃႈတီႈပရိၵ်ႈသၢတ်ႈထႃႇဝရႃႉၽြႃးဢိူဝ်ႈ။
၁၇ ပိူဝ်ႈၼႆလႄႈ တေႃႈလဵဝ်ၼႆႉဢွၼ်ၵၼ်ဢဝ်ၵူၼ်းၸၢႆးဢွၼ်ႇတင်းသဵင်ႈတင်းလူင်တၢႆတႃႉ။မေႈယိင်းဢၼ်ယၢမ်ႈသိူၵ်ႈသမ်ႇၵၼ်တင်းၵူၼ်းၸၢႆး တင်းသဵင်ႈတင်းလူင် ၸိူဝ်းၼၼ်ႉၵေႃႈဢဝ်တၢႆတႃႉ။
၁၈ ၵူၺ်းၵႃႈမေႈယိင်းဢၼ်ဢမ်ႇပႆႇယၢမ်ႈလႆႈသိူၵ်ႈသမ်ႇၵၼ်တင်း ၵူၼ်းၸၢႆးတင်းသဵင်ႈတင်းလူင်ၼၼ်ႉၸိုင် ပၼ်ဢသၢၵ်ႈၵတ်းယဵၼ်ၶျၢမ်းသႃႇပုၼ်ႈတူဝ်သူတႃႉ။
၁၉ သူယူႇၵႃႈတီႈၼွၵ်ႈတပ်ႉၸဵတ်းဝၼ်းတဵမ်တဵမ်တႃႉ။ၵေႃႉဢၼ်ဢဝ်ၵူၼ်းတၢႆ ၵေႃႉဢၼ်တိူဝ်ႉထုၵ်ႇတူဝ်တၢႆ တင်းသဵင်ႈတင်းလူင်ၶဝ်ဢိူၺ်း ႁႂ်ႈတူဝ်သူဢိၵ်ႇတင်းၶဝ်ၸိူဝ်းဢၼ်တီႉလႆႈၸိူဝ်းၼၼ်ႉမူတ်းသႂ်ၼႂ်းဝၼ်းတတိယဢိၵ်ႇတင်း ၼႂ်းဝၼ်း သတ်ႉတမၼၼ်ႉတႃႉ။
၂၀ ႁႂ်ႈၶူဝ်းၼုင်ႈသူၵႃႈမီးၶိူင်ႈပိူင်ၼင်ၵႃႈမီးၶိူင်ႈပိူင်ဢၼ်ဢဝ်ၶူၼ်ပေႉတေႃးႁဵတ်းၵႃႈမီးၶိူင်ႈပိူင်ဢၼ်ဢဝ်မႆႉဢဝ်တွၵ်ႇႁဵတ်း ၵႃႈမီးၸိူဝ်းၼၼ်ႉမူတ်းသႂ်တႃႉ၊ဝႃႈၼင်ႇၼႆဢေႃႈ။
၂၁ ယိတ်ႉပရေႃးႁိၵ်ႈဢေႇလႃႇၸႃႇ ၵေႃႈသင်ႇလၢတ်ႈတီႈၵူၼ်းသိုၵ်းဢၼ်တိုၵ်းသိုၵ်းၸိူဝ်းၼၼ်ႉလႄႈဝႃႈ၊-ထုင်းၾိင်ႈတြႃးဢၼ်ထႃႇဝရႃႉၽြႃး မီးဢမိင်ႉဝႆႉတီႈ မုဝ်း သေႇလႄႈဝႃႈၸမ်း၊-
၂၂ ၶမ်းငိုၼ်း၊တွင်းလိူင်၊လဵၵ်း၊လဵၵ်းၽိူၵ်ႇ၊ၸိုၼ်း၊ ၶိူင်ႈပိူင်ဢၼ်ၶၢမ်ႇၽႆးလႆႈၵႃႈမီးၸိူဝ်း ၼၼ်ႉၸိုင် သူတၵ်းလႆႈဢဝ်ႁႂ်ႈမၼ်းၶဝ်ႈၵႃႈတီႈၼႂ်းၵၢင်ၽႆးလႄႈမၼ်းတၵ်းမူတ်းသႂ်ဢေႃႈ။
၂၃ ၼႂ်းဝႃႈၼၼ်သေၵေႃႈ တၵ်းလႆႈဢဝ်တင်း ၼမ်ႉဢၼ်ႁႂ်ႈမူတ်းသႂ်ၼၼ်ႉႁႂ်ႈမၼ်းမူတ်းသႂ်ဢေႃႈ။ၶိူင်ႈပိူင်ၵႃႈဢၼ်ဢမ်ႇၶၢမ်ႇၽႆးလႆႈၼၼ်ႉ သူတၵ်းလႆႈဢဝ်ႁႂ်ႈမၼ်းၶဝ်ႈၵႃႈ ၼႂ်းၵၢင်ၼမ်ႉဢေႃႈ။
၂၄ သူတၵ်းလႆႈသၵ်ႉလွႆးၶူဝ်းၼုင်ႈသူၼႂ်းဝၼ်းသတ်ႉတမလႄႈ မီးတၢင်းဢၼ်မူတ်းသႂ်ဢေႃႈ။လိုၼ်းၼၼ်ႉၸင်ႇတၵ်းလႆႈၶဝ်ႈၵႃႈၼႂ်းတပ်ႉဢေႃႈ၊ဝႃႈၼင်ႇၼႆယဝ်ႉ၊ဝႃႈၼင်ႇၼႆဢေႃႈ။
ၽၢတ်ႇၽႄၵၼ်
၂၅ ထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-
၂၆ မႂ်းဢိၵ်ႇတင်း ယိတ်ႉပရေႃးႁိၵ်ႈဢေႇလႃႇၸႃႇတင်းၵူၼ်းယႂ်ႇၵူၼ်းလူင်မဵဝ်းပူႇမဵဝ်းပေႃႈၶဝ် ၵႃႈၼႂ်းပရိၵ်ႈသၢတ်ႈတင်းလၢႆၼၼ်ႉဢွၼ်ၵၼ်ဢဝ်တၢင်းဢၼ်တီႉလႆႈသိမ်းဢဝ်မႃးဢၼ်ပဵၼ်ၵူၼ်း
၂၇ ဢိၵ်ႇတင်းတရိၵ်ႈသၢၼ်ႇၸိူဝ်းၼၼ်ႉလႄႈ ၽႄႁဵတ်းသွင်ပုၼ်ႊသေယဝ်ႉမႅင်ႇပၼ်တီႈၶဝ်ၸိူဝ်းဢၼ်ႁၢပ်ႇဢမူႉသိုၵ်းလႄႈ ၵႂႃႇတိုၵ်းၸိူဝ်းၼၼ်ႉပုၼ်ႊၼိုင်ႈ တီႈပရိၵ်ႈသၢတ်ႈတင်းလၢႆ ပုၼ်ႊၼိုင်ႈတႃႉ။
၂၈ ၽႃႇၶႂၢႆးဢဝ်ၶွၼ်ႇၵႃႈတီႈၵူၼ်းသိုၵ်းဢၼ်ၵႂႃႇတိုၵ်းသိုၵ်းၸိူဝ်းၼၼ်ႉ ၵူၼ်း၊ဝူဝ်း၊လီႈ၊သူဝ်းတင်းလၢႆၼႂ်းႁႃႈပၢၵ်ႇတူဝ်ဢဝ်ယေႈတူဝ်လႄႈပၼ် ထႃႇဝရႃႉၽြႃးတႃႉ။
၂၉ ၼုၵ်ႈဢွၵ်ႇသေၵႃႈၼႂ်းဢၼ်ၶဝ်လႆႈၶၢမ်ႇဢဝ်ၼၼ်ႉသေလႄႈပၼ်တီႈယိတ်ႉပရေႃးႁိၵ်ႈဢေႇလႃႇၸႃႇ ပုၼ်ႈဢၼ်တၵ်းႁဵတ်းတၢင်းပုၵ်ႉၸေႃႇ ဢၼ်ယုၵ်ႉယွင်ႈထႃႇဝရႃႉၽြႃးၼၼ်ႉတႃႉ။
၃၀ ဢဝ်ၵူၼ်း၊ဝူဝ်း၊လီႈ၊သူဝ်း၊ပေႉ၊တရိၵ်ႉသၢၼ်ႇ၊ ဢွၵ်ႇၼိုင်ႈတူဝ်ၼႂ်းႁႃႈသိပ်းတူဝ်ၵႃႈတီႈၵူၼ်းမဵဝ်းဢိသရေႇလ တင်းလၢႆဢၼ်ၶဝ်လႆႈၶၢမ်ႇၼၼ်ႉလႄႈ ပၼ်တီႈၵူၼ်းမဵဝ်းလေႇဝိဢၼ်ပႂ်ႉသုမ်ႉထဵင်ထႃႇဝရႃႉၽြႃးၸိူဝ်းၼၼ်ႉတႃႉ၊ ဝႃႈ ၼင်ႇၼႆသေယဝ်ႉ၊
၃၁ မုဝ်းသေႇဢိၵ်ႇတင်း ယိတ်ႉပရေႃးႁိၵ်ႈဢေႇလႃႇၸႃႇ ႁဵတ်းၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။
၃၂ တၢင်းဢၼ်ယင်းၵိုတ်းယင်းၵျၢၼ်ႇဝႆႉယူႇ ၵႃႈတီႈဢၼ်ၵူၼ်းသိုၵ်းတင်းလၢႆ ဢၼ်တီႉၵမ်လႆႈၼၼ်ႉၸမ်း မီး၃၃-၃၄ သူဝ်းႁူၵ်းသႅၼ်ၸဵတ်းမိုၼ်ႇႁႃႈႁဵင်၊ဝူဝ်းၸဵတ်းမိုၼ်ႇ သွင်ႁဵင်၊
၃၅ မႃႉလီႈႁူၵ်းမိုၼ်ႇႁဵင်ၼိုင်ႈ မေႈယိင်းဢၼ်ဢမ်ႇပႆႇယၢမ်ႈသိူၵ်ႈသမ်ႇၵၼ်တင်းၵူၼ်းၸၢႆး သၢမ်မိုၼ်ႇ ၸဵတ်းႁဵင်ဢေႃႈ။
၃၆ ပုၼ်ႈၶိုင်ႈၼိုင်ႈဢၼ်ၶဝ်ၸိူဝ်းဢၼ်ၵႂႃႇတိုၵ်းသိုၵ်းတင်းလၢႆ လႆႈၶၢမ်ႇဢဝ်ၼၼ်ႉၸမ်းမီးသူဝ်း သၢမ်သႅၼ်သၢမ်မိုၼ်ႇၸဵတ်းႁဵင်ႁႃႈပၢၵ်ႇလႄႈ
၃၇ ၶွၼ်ႇဢၼ်ထႃႇဝရႃႉၽြႃးလႆႈၶၢမ်ႇဢဝ်ၼၼ်ႉၸမ်း မီး သူဝ်းႁူၵ်းပၢၵ်ႇၸဵတ်းသိပ်းႁႃႈတူဝ်ဢေႃႈ။
၃၈ မီးဝူဝ်းသၢမ်မိုၼ်ႇပၢႆႁူၵ်းႁဵင်တူဝ်လႄႈ ၶွၼ်ႇဢၼ်ထႃႇဝရႃႉၽြႃးလႆႈၶၢမ်ႇဢဝ်ၼၼ်ႉၸမ်း မီးဝူဝ်းၸဵတ်းသိပ်းသွင်တူဝ်ဢေႃႈ။
၃၉ မႃႉလီႈမီးသၢမ်မိုၼ်ႇႁႃႈပၢၵ်ႇလႄႈၶွၼ်ႇဢၼ်ထႃႇဝရႃႉၽြႃး လႆႈၶၢမ်ႇဢဝ်ၼၼ်ႉၸမ်းမီးမႃႉလီႈႁူၵ်း သိပ်းပၢႆတူဝ်ၼိုင်ႈဢေႃႈ။
၄၀ ၵူၼ်းမီးမိုၼ်ႇၼိုင်ႈႁူၵ်းႁဵင်လႄႈၶွၼ်ႇဢၼ်ထႃႇဝရႃႉၽြႃး လႆႈၶၢမ်ႇဢဝ်ၼၼ်ႉ ၸမ်းမီးၵူၼ်းသၢမ်သိပ်းသွင်ၵေႃႉဢေႃႈ။
၄၁ မုဝ်းသေႇဢဝ်ၶွၼ်ႇဢၼ်ပဵၼ် တၢင်းပုၵ်ႉၸေႃႇဢၼ်ယုၵ်ႉယွင်ႈပုၼ်ႈထႃႇဝရႃႉၽြႃးၼၼ်ႉဢၢပ်ႈပၼ်တီႈယိတ်ႉပရေႃးႁိၵ်ႈဢေႇလႃႇၸႃႇ ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမၼ်းၼၼ်ႉဢေႃႈ။
၄၂ လႆႈသၢမ်ပုၼ်ႈၶိုင်ႈၼိုင်ႈ ဢၼ်မုဝ်းသေႇ ၽေဢဝ်ၵႃႈတီႈၶဝ်ၸိူဝ်းဢၼ်တိုၵ်းသိုၵ်းၼၼ်ႉသေလႄႈ ပရိၵ်ႈသၢတ်ႈၵူၼ်းမဵဝ်းဢိသရေႇလ တင်းလၢႆလႆႈၶၢမ်ႇဢဝ်ၼၼ်ႉၸမ်း
၄၄ မီးသူဝ်းသၢမ်သႅၼ်သၢမ်မိုၼ်ႇၸဵတ်းႁဵင်ႁႃႈပၢၵ်ႇ ဝူဝ်းသၢမ်မိုၼ်ႇႁူၵ်းႁဵင်၊
၄၅-၄၆ မႃႉလီႈသၢမ်မိုၼ်ႇႁႃႈပၢၵ်ႇ၊ၵူၼ်း မိုၼ်ႇၼိုင်ႈႁူၵ်းႁဵင်ဢေႃႈ။
၄၇ မုဝ်းသေႇဢဝ်ၵူၼ်း၊တရိၵ်ႈသၢၼ်ႇၶိုင်ႈၼိုင်ႈဢၼ်ၵူၼ်းမဵဝ်းဢိသရေႇလ တင်းလၢႆလႆႈၶၢမ်ႇဢဝ်ၼၼ်ႉ ၼႂ်းႁႃႈသိပ်းတူဝ်ဢဝ်တူဝ်ၼိုင်ႈလႄႈပၼ်တီႈၵူၼ်းမဵဝ်းလေႇဝိ ဢၼ်ပႂ်ႉသုမ်ႉထဵင်ထႃႇဝရႃႉၽြႃးၸိူဝ်းၼၼ်ႉဢေႃႈ။ၼင်ႇၼၼ်လႄႈထႃႇဝရႃႉ ၽြႃးသင်ႇလၢတ်ႈဝႆႉတီႈမုဝ်းသေႇဢေႃႈ။
၄၈ ပူဝ်ႇလူင်ဢၼ်ဢုပ်ႉဢၼ်ၶျုၵ်ႈ ၵႃႈၼႂ်းမုၵ်ႉၸိူဝ်းၵူၼ်းတင်းလၢႆဢၼ်ပဵၼ်မိုၼ်ႇပဵၼ်သႅၼ်ဢၼ်ဝႃႈ ပူဝ်ႇဢၼ်ဢုပ်ႉၵႃႈၼိူဝ်ယေႈႁဵင် တပ်ႉမူးဢၼ်ဢုပ်ႉၵႃႈၼိူဝ်ယေႈပၢၵ်ႇ ၸိူဝ်းၼၼ်ႉ ဢွၼ်ၵၼ်သုတ်ႉၸပ်းသုတ်ႉၸူးတီႈမုဝ်းသေႇသေ လႄႈလဝ်ႈလၢတ်ႈတီႈမုဝ်းသေႇလႄႈဝႃႈ၊-
၄၉ ၶႃႈၸဝ်ႈႁဝ်းၶဝ်ဢွၼ်ၵၼ်ၶိုၼ်းၼပ်ႉဢၢၼ်ႇဢဝ်ၸရၢင်း ၵူၼ်းသိုၵ်းၶႃႈၸဝ်ႈႁဝ်းၸိူဝ်းၼႆႉလႄႈ ဢမ်ႇယွမ်းသေၵေႃႉ သေၵူၼ်းတီႈၶႃႈ။
၅၀ ပိူဝ်ႈၼႆလႄႈၶႃႈၸဝ်ႈႁဝ်းၸိူဝ်းၼႆႉဢွၼ်ၵၼ်ဢဝ်တင်း တၢင်းဢၼ်ပုၵ်ႉၸေႃႇတီႈထႃႇဝရႃႉၽြႃးဢၼ်ပဵၼ်ၶိူင်ႈၶမ်း လႂ်၊ ပႃးၶေႃ လႂ်၊ဝႅၼ်မို်ဝ်း လႂ်၊မွင်းၵူၺ်း လႂ်၊ပေႇႁူ လႂ်၊မၢၵ်ႇပူးတီး လႂ်၊ ၵႃႈဢၼ်လႆႈႁင်းၽႂ်ႁင်းမၼ်းၸိူဝ်းၼၼ်ႉမႃး ပုၼ်ႈဢၼ်တၵ်းၽေႇၵႃႊၶၼ်ဢသၢၵ်ႈ ၵႃႈတီႈၽၢႆႇၼႃႈထႃႇဝရႃႉၽြႃးတီႈၶႃႈ ယဝ်ႉ၊ဝႃႈၼင်ႇၼႆသေယဝ်ႉ၊
၅၁ မုဝ်းသေႇတင်းယိတ်ႉပရေႃးႁိၵ်ႈဢေႇလႃႇၸႃႇ ၶၢမ်ႇဢဝ်ၶမ်းဢၼ်ပဵၼ်ၶိူင်ႈပိူင် ဢၼ်ႁဵတ်းယဝ်ႉၵႃႈမီးၼၼ်ႉဢေႃႈ။
၅၂ ၼမ်ႉၼၵ်းၶမ်းဢၼ်ပုၵ်ႉၸေႃႇ ယုၵ်ႉယွင်ႈဢၼ်ပူဝ်ႇပႃႇဢၼ်ဢုပ်ႉၵႃႈၼိူဝ်ၸုမ်းယေႈပၢၵ်ႇၸိူဝ်းၼၼ်ႉ မႃးပုၵ်ႉၸေႃႇတီႈထႃႇဝရႃႉၽြႃးၼၼ်ႉၸမ်း မီးမိုၼ်ႇၼိုင်ႈႁူၵ်းႁဵင်ၸဵတ်းပၢၵ်ႇပၢႆ ႁႃႈသိပ်းၵျၢပ်ႈသၶေႇလဢေႃႈ။
၅၃ လွင်ႈမၼ်းၸမ်းၵူၼ်းသိုၵ်းတင်းလၢႆ လႆႈသိမ်းဢဝ်ပုၼ်ႈတူဝ်ၸဝ်ႈၵဝ်ႇဢၼ်ဢုပ်ႉၵႃႈၼိူဝ်ယေႈႁဵင်ဢိၵ်ႇတင်း တပ်ႉမူးဢၼ်ဢုပ်ႉၵႃႈၼိူဝ်ယေႈပၢၵ်ႇၸိူဝ်းၼၼ်ႉပုၵ်ႉၸေႃႇၼၼ်ႉၸိုင် မုဝ်းသေႇတင်းယိတ်ႉပရေႃးႁိၵ်ႈဢေႇလႃႇၸႃႇ ဢဝ်သႂၢင်းဝႆႉၵႃႈၼႂ်းသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈပုၼ်ႈဢၼ်ထႃႇဝရႃႉၽြႃး တၵ်းၶုၵ်းၸႂ်လႆႈၶႆႈၸႂ်ထူပ်းၵူၼ်းမဵဝ်းဢိသရေႇလတင်းလၢႆၼၼ်ႉဢေႃႈ။