Chapter
၂၆
ၸရၢင်းၵူၼ်းမိူင်းပွၵ်ႈသွင်
၁ လိုၼ်းသေၽေးၼၼ်ႉယဵၼ်ယဝ်ႉ ထႃႇဝရႃႉၽြႃးမီးဢမိင်ႉတီႈမုဝ်းသေႇတင်းဢေႇလႃႇၸႃႇ၊ လုၵ်ႈၸၢႆး ယိတ်ႉပရေႃးႁိၵ်ႈဢႃႇရုၼ်ႇ ၼၼ်ႉလႄႈဝႃႈ၊-
၂ ၸွမ်းလူၺ်ႈမဵဝ်းပူႇမဵဝ်းပေႃႈၶဝ်ၼၼ်ႉ ၼပ်ႉဢၢၼ်ႇဢဝ်ၸရၢင်းပရိၵ်ႈသၢတ်ႈ ၵူၼ်းမဵဝ်းဢိသရေႇလ ဢၼ်ဢသၢၵ်ႈလႆႈသၢဝ်းၼိုင်ႈ၊ ဢသၢၵ်ႈလိူဝ်သၢဝ်းၵႂႃႇ၊ဢၼ်တိုၵ်းသိုၵ်းလႆႈတင်းသဵင်ႈတင်းလူင်ၸိူဝ်းၼၼ်ႉတႃႉ၊ ဝႃႈ ၼင်ႇၼႆဢေႃႈ။
၃ မုဝ်းသေႇဢိၵ်ႇတင်းယိတ်ႉပရေႃးႁိၵ်ႈဢေႇလႃႇၸႃႇ သင်ႇလၢတ်ႈတီႈၶဝ်ၵႃႈၼႂ်းပၢင်ႇပဵင်းမေႃႇၽ ဢၼ်မီးႁိမ်းၼမ်ႉႁွင်ႊယေႃႇတၢၼ်ႇသိုဝ်ႈဝဵင်းယေႇရိၶူဝ်းၼၼ်ႉလႄႈဝႃႈ၊-
၄ ၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉတီႈမုဝ်းသေႇၼၼ်ႉ တၵ်းလႆႈဢဝ်ၸရၢင်း ၶဝ်ၸိူဝ်းဢၼ်ဢသၢၵ်ႈလႆႈသၢဝ်းၼိုင်ႈဢသၢၵ်ႈလိူဝ်သၢဝ်းၵႂႃႇၼၼ်ႉဢေႃႈ၊ ဝႃႈၼင်ႇၼႆဢေႃႈ။
၅ ၵူၼ်းမဵဝ်းဢိသရေႇလ ဢၼ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၸိူဝ်းၼၼ်ႉၸမ်း ရူႉပိၼ်ႇဢၼ်ပဵၼ်လုၵ်ႈၸၢႆးတူၼ်ႈဢိသရေႇလ လုၵ်ႈၸၢႆးရူႉပိၼ်ႇတင်းလၢႆၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁႃႇၼေႃႇၶိ ဢၼ်သိုပ်ႇလူင်းမႃးၵႃႈတီႈႁႃႇၼုတ်ႉ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၽႃႇလွိ
၆ ဢၼ်သိုပ်ႇလူင်းမႃးၵႃႈတီႈၽႃႇလမဵဝ်းပီႈမဵဝ်းၼွင်ႉၸိူဝ်ႉၶိူဝ်းႁေႇၸရေႃႇၼိဢၼ်သိုပ်ႇလူင်းမႃးၵႃႈတီႈႁေႇၸရူၼ်ႇ မဵဝ်းပီႈမဵဝ်းၼွင်ႉၸိူဝ်ႉၶိူဝ်းၵႃႇမိတ်ႉဢၼ်ရ သိုပ်ႇလူင်းမႃးၵႃႈတီႈၵႃႇမိၼၼ်ႉဢေႃႈ။
၇ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းရုပိၼ်ႇဢေႃႈ။ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်း ၸရၢင်းၼၼ်ႉၸမ်းမီးသီႇမိုၼ်ႇသၢမ်ႁဵၼ်ၸဵတ်းပၢၵ်ႇ သၢမ်သိပ်းဢေႃႈ။
၈ လုၵ်ႈၸၢႆးၽႃႇလုပဵၼ်ဢေႇလျႃႇ ၽ။
၉ လုၵ်ႈၸၢႆးဢေႇလျႃႇၽတင်းလၢႆပဵၼ်ၼေႇမူၺ်ႇ လတႃႇသၼ်ႇတင်းဢၽိရမ်ႇဢေႃႈ။
၁၀ တႃႇသၼ်ႇတင်းဢၽိရမ်ႇ ပဵၼ်ၶဝ်ၸိူဝ်းဢၼ်ပရိၵ်ႈသၢတ်ႈတင်းလၢႆလိူၵ်ႈၵဵပ်းဢဝ်ႁွင်ႉဢဝ်ႁႂ်ႈႁဵတ်းတၢင်းဢၼ်ၶတ်းၵၼ်တင်းမုဝ်းသေႇတင်းဢႃႇရုၼ်ႇ ၼႂ်းမိူဝ်ႈဢၼ်မုၵ်ႉၸိူဝ်းၵေႃႇရ ႁဵတ်းတၢင်းဢၼ်ၶတ်းၵၼ်တင်း ထႃႇဝရႃႉ ၽြႃးၼၼ်ႉဢေႃႈ။
၁၁ လိၼ်မိူင်းၽုၺ်ႇသူပ်းမၼ်းလႄႈဢိုၼ်ၶဝ်တင်းၵေႃႇရပဵတ်ႈဢေႃႈ။မုၵ်ႉၸိူဝ်းၵူၼ်းၵေႃႇရသွင်ပၢၵ်ႇႁႃႈသိပ်း၊တၢႆၵႃႈၼႂ်းၽႆးလႄႈ ႁႂ်ႈလႆႈပဵၼ် သၢၵ်ႈသေႇဢၼ်ပၼ်သတိၶဝ်ၼၼ်ႉဢေႃႈ။ၵူၺ်းၵႃႈလုၵ်ႈလၢင်းၵေႃႇရၸိူဝ်းၼၼ်ႉဢမ်ႇတၢႆ။
၁၂ လုၵ်ႈၸၢႆးသိမုၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းၼေႇမုၺ်ႇလ ဢၼ်သိုပ်ႇလူင်းမႃးၵႃႈတီႈၼေႇမုၺ်ႇလ မဵဝ်ႈပီႈမဵဝ်းၼွင်ႉၸိူဝ်ႉၶိူဝ်းယႃႇမိၼ်ႇ ဢၼ်သိုပ်ႇလူင်းမႃးၵႃႈတီႈယႃႇမိၼ်ႇ မဵဝ်ႈပီႈမဵဝ်းၼွင်ႉၸိူဝ်ႉၶိူဝ်းယႃႇ ၶိၼ်ႇ
၁၃ ဢၼ်သိုပ်ႇလူင်းမႃးၵႃႈတီႈယႃႇၶိၼ်ႇမဵဝ်ႈပီႈမဵဝ်းၼွင်ႉၸိူဝ်ႉၶိူဝ်းၸေႇရ ဢၼ်သိုပ်ႇလူင်းမႃးၵႃႈတီႈၸေႇရမဵဝ်ႈပီႈမဵဝ်းၼွင်ႉၸိူဝ်ႉၶိူဝ်းသေႃႇလ ဢၼ်သိုပ်ႇလူင်းမႃး ၵႃႈတီႈသေႃႇလၼၼ်ႉဢေႃႈ။
၁၄ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းသိမုၼ်ႇလႄႈ မီးသွင်မိုၼ်ႇသွင်ႁဵင်သွင်ပၢၵ်ႇဢေႃႈ။
၁၅ လုၵ်ႈၸၢႆးၵတ်ႉ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းၸေႇၽုၼ်ႇ ဢၼ်သိုပ်ႇလူင်းမႃးၵႃႈတီႈၸေႇၽုၼ်ႇ မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁၵ်ႉၵိ ဢၼ်သိုပ်ႇလူင်းမႃးၵႃႈတီႈႁၵ်ႉၵိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသုၼိ
၁၆ ဢၼ်သိုပ်ႇလူင်းမႃးၵႃႈတီႈသုၼိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢေႃႇၸၼိဢၼ်သိုပ်ႇလူင်းမႃးၵႃႈတီႈဢေႇၸၼိ မဵဝ်းပီႈမဵဝ်းၼွင်ႉၸိူဝ်ႉ ၶိူဝ်းဢေႇရိဢၼ်သိုပ်ႇလူင်းမႃးၵႃႈတီႈဢေႇရိ။
၁၇ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢႃႇရုတ်ႉ ဢၼ်သိုပ်ႇလူင်းမႃးၵႃႈတီႈဢႃႇရုတ်ႉ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢရေႇလိဢၼ် သိုပ်ႇလူင်းမႃးၵႃႈတီႈဢရေႇလိၼၼ်ႉဢေႃႈ။
၁၈ ၶဝ်ၸိူဝ်းၼႆႉ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းၵတ်ႉလႄႈၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉ မီးသီႇမိုၼ်ႇႁႃႈပၢၵ်ႇဢေႃႈ။
၁၉ လုၵ်ႈၸၢႆးယုတၸမ်းပဵၼ် ဢေႇရတင်းဢေႃႇၼၼ်ႇလႄႈ ဢေႇရတင်းဢေႃႇၼၼ်ႇတၢႆၵႃႈတီႈမိူင်းၶႃႇ ၼၢၼ်ႇဢေႃႈ။
၂၀ လုၵ်ႈၸၢႆးယုတ ဢၼ်သမ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းသေႇလ ဢၼ်သိုပ်ႇလူင်းမႃးၵႃႈတီႈသေႇလ မဵဝ်းပီႈမဵဝ်းၼွင်ႉၸိူဝ်ႉၶိူဝ်းၽေႇရိတ်ႉဢၼ်သိုပ်ႇလူင်းမႃးၵႃႈတီႈၽေႇရိတ်ႉ၊မဵဝ်းပီႈမဵဝ်းၼွင်ႉၸိူဝ်ႉၶိူဝ်းၸႃႇရဢၼ်သိုပ်ႇလူင်းမႃးၵႃႈတီႈၸႃႇရၼၼ်ႉဢေႃႈ။
၂၁ လုၵ်ႈၸၢႆးၽေႇရိတ်ႉ တင်းလၢႆပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁေႇၸရုၼ်ႇ ဢၼ်သိုပ်ႇလူင်းမႃးၵႃႈတီႈႁေႇၸရုၼ်ႇ မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁႃႇမုလဢၼ်သိုပ်ႇလူင်း မႃးၵႃႈတီႈႁႃႇမုလၼၼ်ႉဢေႃႈ။
၂၂ ၶဝ်ၸိူဝ်းၼႆႉပဵၼ်ပီႈၼွင်ႉၸိူဝ်ႉၶိူဝ်းယုတလႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉမီးၸဵတ်းမိုၼ်ႇႁူၵ်းႁဵင်ႁႃႈပၢၵ်ႇဢေႃႈ။
၂၃ လုၵ်ႈၸၢႆးဢိသၶႃႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းတေႃႇလ ဢၼ်သိုပ်ႇလူင်းမႃးၵႃႈတီႈတေႃႇလ။
၂၄ မဵဝ်းပီႈမဵဝ်း ၼွင်ႉၸိူဝ်ႉၶိူဝ်းၽုဝႃႇ ဢၼ်သိုပ်ႇလူင်းမႃးၵႃႈတီႈၽုဝႃႇမဵဝ်းပီႈမဵဝ်းၼွင်ႉၸိူဝ်ႉၶိူဝ်းယႃႇသုပ်ႉ ဢၼ်သိုပ်ႇလူင်းမႃးၵႃႈတီႈယႃႇသုပ်ႉ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသိမရုၼ်ႇ ဢၼ်သိုပ်ႇလူင်းမႃးၵႃႈတီႈသိမရုၼ်ႇၼၼ်ႉဢေႃႈ။
၂၅ ၶဝ်ၸိူဝ်းၼႆႉပဵၼ်ပီႈၼွင်ႉၸိူဝ်ႉၶိူဝ်းဢိသၶႃႇလ လႄႈၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉမီးႁူၵ်းမိုၼ်ႇသီႇႁဵင်သၢမ်ပၢၵ်ႇဢေႃႈ။
၂၆ လုၵ်ႈၸၢႆးၸေႇပုလုၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းသရိတ်ႉဢၼ်သိုပ်ႇလူင်းမႃးၵႃႈတီႈသရိတ်ႉ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢေႇလုၼ်ႇ ဢၼ်သိုပ်ႇလူင်းမႃးၵႃႈတီႈဢေႇလုၼ်ႇ မဵဝ်းပီႈမဵဝ်းၼွင်ႉၸိူဝ်ႉၶိူဝ်းယႃႇလေႇလဢၼ်သိုပ်ႇလူင်းမႃးၵႃႈတီႈယႃႇလေႇလ ၼၼ်ႉဢေႃႈ။
၂၇ ၶဝ်ၸိူဝ်းၼႆႉပဵၼ်ပီႈၼွင်ႉၸိူဝ်ႉၶိူဝ်းၸေႇပုလုၼ်ႇ လႄႈၸွမ်းလူၺ်ႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉမီး ႁူၵ်းမိုၼ်ႇႁႃႈပၢၵ်ႇဢေႃႈ။
၂၈ လုၵ်ႈၸၢႆးယုဝ်းသႅပ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်းပဵၼ်မၼႃႇသေတင်းဢေႇၽ ရိမ်ႇဢေႃႈ။
၂၉ လုၵ်ႈၸၢႆးမၼႃႇသေႇတင်းလၢႆၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းမႃႇၶိရ ဢၼ်သိုပ်ႇလူင်းမႃးၵႃႈတီႈမႃႇၶိရၼၼ်ႉဢေႃႈ။မႃႇၶိရမီးလုၵ်ႈၸၢႆးၵိလတ်ႉလႄႈ မဵဝ်းပီႈမဵဝ်းၼွင်ႉၸိူဝ်ႉၶိူဝ်းၵိလတ်ႉသိုပ်ႇလူင်းမႃးၵႃႈ တီႈၵိလတ်ႉဢေႃႈ။
၃၀ လုၵ်ႈၸၢႆးၵိလတ်ႉၸမ်းမဵဝ်းပီႈမဵဝ်းၼွင်ႉၸိူဝ်ႉၶိူဝ်းယေႇၸေႇရ ဢၼ်သိုပ်ႇလူင်းမႃးၵႃႈတီႈယေႇၸေႇရ မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁေႇလိၵ်ႉဢၼ် သိုပ်ႇလူင်းမႃးၵႃႈတီႈႁေႇလိၵ်ႉ
၃၁ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢႃႇသရေႇလ ဢၼ်သိုပ်ႇလူင်းမႃးၵႃႈတီႈဢႃႇသရေႇလ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသေႇၶိမ်ႇဢၼ်သိုပ်ႇလူင်း မႃးၵႃႈတီႈသေႇၶိမ်ႇ
၃၂ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသမိတဢၼ်သိုပ်ႇလူင်းမႃးၵႃႈတီႈသမိတ မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁေႇၽႃႇဢၼ်သိုပ်ႇလူင်းမႃးၵႃႈတီႈႁေႇၽႃႇၼၼ်ႉဢေႃႈ။
၃၃ ၸလေႃႇၽတ်ႉလုၵ်ႈၸၢႆးႁေႇၽႃႇၼၼ်ႉၸမ်းဢမ်ႇမီးလုၵ်ႈၸၢႆး မီးလုၵ်ႈယိင်းၵူၺ်းၵူၺ်းဢေႃႈ။ၸိုဝ်သဵင်လုၵ်ႈယိင်းၸလေႃႇၽတ်ႉၸိူဝ်းၼၼ်ႉၸမ်းပဵၼ်မႃႇလႃႇ၊ ၼေႃႇဢႃႇ၊ႁေႃႇၵလႃႇ၊မိၵလႃႇ၊ တိရၸႃႇဢေႃႈ။
၃၄ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းမၼႃႇသေႇလႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတင်းဢၼ် ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉမီးႁႃႈမိုၼ်ႇသွင်ႁဵင်ၸဵတ်းပၢၵ်ႇဢေႃႈ။
၃၅ လုၵ်ႈၸၢႆးဢေႇၽရိမ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းသုသလ ဢၼ်သိုပ်ႇလူင်းမႃးၵႃႈတီႈသုသလမဵဝ်းပီႈမဵဝ်းၼွင်ႉၸိူဝ်ႉၶိူဝ်းပေႇၶႃႇ ဢၼ်သိုပ်ႇလူင်းမႃးၵႃႈတီႈပေႇၶႃႇ၊မဵဝ်းပီႈမဵဝ်းၼွင်ႉၸိူဝ်ႉၶိူဝ်းတႃႇႁၼ်ႇ ဢၼ်သိုပ်ႇ လူင်းမႃးၵႃႈတီႈတႃႇႁၼ်ႇၼၼ်ႉဢေႃႈ။
၃၆ လုၵ်ႈၸၢႆးသုသလၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢေႇရၼ်ႇဢၼ်သိုပ်ႇလူင်းမႃးၵႃႈတီႈဢေႇရၼ်ႇၼၼ်ႉဢေႃႈ။
၃၇ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢေႇၽရိမ်ႇလႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉမီး သၢမ်မိုၼ်ႇသွင်ႁဵင်ႁႃႈပၢၵ်ႇဢေႃႈ။ၶဝ်ၸိူဝ်းၼႆႉပဵၼ်ၸူဝ်ႈလုၵ်ႈပၢၼ်လၢၼ်ယုဝ်းသႅပ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉဢေႃႈ။
၃၈ လုၵ်ႈၸၢႆးပိၼ်ႇယႃႇမိၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းပေႇလဢၼ်သိုပ်ႇလူင်းမႃးၵႃႈတီႈပေႇလ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢႃႇသပေႇလ ဢၼ်သိုပ်ႇလူင်းမႃးၵႃႈတီႈ ဢႃႇသပေႇလ မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢႁိ ရမ်ႇဢၼ်သိုပ်ႇလူင်းမႃးၵႃႈတီႈဢႁိရမ်ႇ။
၃၉ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသုၽမ်ႇ ဢၼ်သိုပ်ႇလူင်းမႃးၵႃႈတီႈသုၽမ်ႇ မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁုၽမ်ႇဢၼ်သိုပ်ႇလူင်း မႃးၵႃႈတီႈႁုၽမ်ႇၼၼ်ႉဢေႃႈ။
၄၀ လုၵ်ႈၸၢႆးပေႇလၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢႃႇရတ ဢၼ်သိုပ်ႇလူင်းမႃးၵႃႈတီႈဢႃႇရတ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၼေႇမၼ်ႇ ဢၼ်သိုပ်ႇလူင်းမႃးၵႃႈတီႈၼေႇမၼ်ႇဢေႃႈ။
၄၁ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉ ၸိူဝ်ႉၶိူဝ်းပိၼ်ႇယႃႇမိၼ်ႇလႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃး ၼႂ်းၸရၢင်းၼၼ်ႉမီး သီႇမိုၼ်ႇႁႃႈႁဵင်ႁူၵ်းပၢၵ်ႇဢေႃႈ။
၄၂ လုၵ်ႈၸၢႆးတၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းသုႁမ်ႇဢၼ်သိုပ်ႇလူင်းမႃးၵႃႈတီႈသုႁမ်ႇဢေႃႈ။ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉ ၸိူဝ်ႉၶိူဝ်းတၼ်ႇၸွမ်းလူၺ်ႈမဵဝ်း ပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉဢေႃႈ။
၄၃ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသုႁမ်ႇ ဢၼ်ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၶဝ်ႈပႃးၼႂ်းၸရၢင်းၵႃႈမီးၼၼ်ႉမီးႁူၵ်းမိုၼ်ႇသီႇႁဵင်သီႇပၢၵ်ႇဢေႃႈ။
၄၄ လုၵ်ႈၸၢႆးဢႃႇသႃႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းယိမၼဢၼ်သိုပ်ႇလူင်းမႃးၵႃႈတီႈယိမၼ မဵဝ်းပီႈမဵဝ်းၼွင်ႉၸိူဝ်ႉၶိူဝ်းယေႇသဝိ ဢၼ်သိုပ်ႇလူင်းမႃးၵႃႈတီႈယေႇသဝိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းပေႇရိဢၼ်သိုပ်ႇလူင်း မႃးၵႃႈတီႈပေႇရိၼၼ်ႉဢေႃႈ။
၄၅ လုၵ်ႈၸၢႆးပေႇရိၸမ်းပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁေႇပေႇရ ဢၼ်သိုပ်ႇလူင်းမႃးၵႃႈတီႈႁေႇပေႇရ မဵဝ်းပီႈမဵဝ်းၼွင်ႉၸိူဝ်ႉၶိူဝ်းမႃႇလၶျေႇလဢၼ်သိုပ်ႇလူင်းမႃးၵႃႈတီႈမႃႇလၶျေႇလ ၼၼ်ႉ ဢေႃႈ။
၄၆ ၸိုဝ်သဵင်လုၵ်ႈယိင်းဢႃႇသႃႇ ၸမ်းပဵၼ် ၸႃႇရႃႇဢေႃႈ။
၄၇ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းဢႃႇသႃႇလႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉ မီးႁႃႈမိုၼ်ႇသၢမ်ႁဵင်သီႇပၢၵ်ႇဢေႃႈ။
၄၈ လုၵ်ႈၸၢႆးၼပ်ႉထလိ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းယႃႇၸေႇလ ဢၼ်သိုပ်ႇလူင်းမႃးၵႃႈတီႈယႃႇၸေႇလ မဵဝ်းပီႈမဵဝ်းၼွင်ႉၸိူဝ်ႉၶိူဝ်းၵုၼိဢၼ်သိုပ်ႇလူင်းမႃး ၵႃႈတီႈၵုၼိ
၄၉ မဵဝ်းပီႈမဵဝ်းၼွင်ႉၸိူဝ်ႉၶိူဝ်းယေႇၸေႇရဢၼ်သိုပ်ႇလူင်းမႃးၵႃႈတီႈယေႇၸေႇရ မဵဝ်းပီႈမဵဝ်းၼွင်ႉၸိူဝ်ႉၶိူဝ်းသိလိမ် ဢၼ်သိုပ်ႇလူင်းမႃးၵႃႈတီႈသိလိမ်ႇၼၼ်ႉ ဢေႃႈ။
၅၀ ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းၼပ်ႉထလိလႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉမီး သီႇမိုၼ်ႇႁႃႈႁဵင်သီႇပၢၵ်ႇဢေႃႈ။
၅၁ ၼင်ႇၼၼ်လႄႈၵူၼ်းမဵဝ်းဢိသရေႇလ ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉ မီးႁူၵ်းသႅၼ်ႁဵင်ၼိုင်ႈၸဵတ်းပၢၵ်ႇသၢမ်သိပ်းဢေႃႈ။
၅၂-၅၃ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-မိူင်းၼၼ်ႉ တၵ်းလႆႈၶၢမ်ႇတၢင်းဢၼ်ၽႄမႅင်ႇပၼ်ၵႃႈတီႈၶဝ်ၸွမ်းၵႃႈၼင်ႇဢၼ် ၼပ်ႉဢၢၼ်ႇၸိုဝ်ႈသဵင်ၶဝ် ၼၼ်ႉဢေႃႈ။
၅၄ ပေႃးၵူၼ်းၼမ်ၸိုင်ပၼ်လိၼ်ဢမူၺ်ႇဢၼ်ၼမ် ပေႃးၵူၼ်းၵေႇၸိုင်ပၼ်လိၼ်ဢမူၺ်ႇၵေႇတီႈၶဝ်ႁင်းၽႂ်ႁင်းမၼ်း ၸွမ်းလူၺ်ႈၶဝ်ၸိူဝ်းဢၼ်လႆႈ ၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉဢေႃႈ။
၅၅ ၼႂ်းဝႃႈၼၼ်သေၵေႃႈလိၼ်ၼၼ်ႉၸိုင်တၵ်းလႆႈၶၢမ်ႇတၢင်းဢၼ်ဢဝ်တူၵ်းၸႃႇၵွၵ်ႈသေလႄႈ ၽမေႅင်ႇပၼ်ဢေႃႈ။တၵ်းလႆႈၸွမ်းလူၺ်ႈ ၸိုဝ်သဵင်ပီႈၼွင်ႉၸိူဝ်ႉၶိူဝ်းပူႇပေႃႈ သေလႄႈၶၢမ်ႇဢမူၺ်ႇဢေႃႈ။
၅၆ ၸွမ်းလူၺ်ႈတၢင်းဢၼ်ၸႃႇၵွၵ်ႈတူၵ်းၼၼ်ႉသေလႄႈ လိၼ်ဢမူၺ်ႇၶဝ် တၵ်းလႆႈၶၢမ်ႇတၢင်းဢၼ်ၽမေႅင်ႇၸွမ်းၵႃႈၼင်ႇဢၼ်ၵူၼ်းၵေႇၵူၼ်းၼမ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။
၅၇ လုၵ်ႈၸၢႆးလေႇဝိဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်း ၸရၢင်းၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းၵေႇရသုၼ်ႇ ဢၼ်သိုပ်ႇလူင်းမႃးၵႃႈတီႈၵေႇရသုၼ်ႇမဵဝ်းပီႈမဵဝ်းၼွင်ႉၸိူဝ်ႉၶိူဝ်းႁတ်ႉ ဢၼ်သိုပ်ႇလူင်းမႃးၵႃႈတီႈႁတ်ႉ၊မဵဝ်းပီႈမဵဝ်းၼွင်ႉၸိူဝ်ႉၶိူဝ်းမေႇရႃႇရိ ဢၼ်သိုပ်ႇ လူင်းမႃးၵႃႈတီႈမေႇရႃႇရိၼၼ်ႉဢေႃႈ။
၅၈ မဵဝ်းပီႈမဵဝ်းၼွင်ႉၸိူဝ်ႉၶိူဝ်းလေႇဝိၸမ်း ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်းလိပၼိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းႁေႇပေႃႇၼိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းမႃႇလိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းမုသိ မဵဝ်းပီႈမဵဝ်းၼွင်ႉၸိူဝ်ႉၶိူဝ်းၵေႃႇရသိဢေႃႈ။
၅၉ ႁတ်ႉမီးလုၵ်ႈၸၢႆးဢႃႇမရမ်ႇဢေႃႈ။ၸိုဝ်သဵင်မေးဢႃႇမရမ်ႇၸမ်းပဵၼ် ယေႃႇၶေႇပိတ်ႉ လုၵ်ႈယိင်းလေႇဝိ၊ဢၼ်ၵိူတ်ႇၵႃႈတီႈမိူင်းဢေႇၵႅပ်ႉတုၼၼ်ႉဢေႃႈ။မေႈယိင်းၼၼ်ႉၵိူတ်ႇလဵင်ႉဢႃႇရုၼ်ႇ ဢိၵ်ႇတင်းမုဝ်းသေႇ တင်းပီႈၼၢင်းၶဝ်မိရိဢမ်ႇဢေႃႈ။
၆၀ လုၵ်ႈၸၢႆးဢႃႇရုၼ်ႇပဵၼ်ၼႃႇတပ်ႉဢၽိႁု၊ ဢေႇလႃႇၸႃႇတင်းဢိသမႃႇ ဢေႃႈ။
၆၁ ၼႃႇတပ်ႉတင်းဢၽိႁုတၢႆၼႂ်းမိူဝ်ႈဢၼ်ၶဝ်ဢဝ်ၽႆး ဢၼ်ဢမ်ႇၸၢပ်ႈသႅင်ႇၼၼ်ႉပုၵ်ႉၸေႃႇၵႃႈ တီႈၽၢႆႇၼႃႈထႃႇဝရႃႉၽြႃးၼၼ်ႉဢေႃႈ။
၆၂ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၶဝ်ႈပႃးၼႂ်းၸရၢင်းၵူၼ်းၸၢႆး ဢၼ်ဢသၢၵ်ႈလႆႈလိူၼ်ၼိုင်ႈလႄႈလိူၼ်လိူဝ်ၵႂႃႇ ၵႃႈမီးတင်းသဵင်ႈတင်းလူင်ၼၼ်ႉၸမ်းမီးသွင်မိုၼ်ႇသၢမ်ႁဵင်ဢေႃႈ။ၵွပ်ႈပိူဝ်ႈဢၼ်ဢမ်ႇပၼ်ၶဝ်ၶၢမ်ႇဢမူၺ်ႇ လူၺ်ႈၵၼ်တင်းၵူၼ်းမဵဝ်းဢိသရေႇလတင်းလၢႆလႄႈ ၶဝ်ဢမ်ႇၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်း ၵူၼ်းဢိသရေႇလတင်း လၢႆ။
၆၃ ၶဝ်ၸိူဝ်းၼႆႉၸမ်းပဵၼ်ၶဝ်ၸိူဝ်းဢၼ်မုဝ်းသေႇဢိၵ်ႇတင်းယိတ်ႉပရေႃးႁိၵ်ႈဢေႇလႃႇၸႃႇ ၼပ်ႉဢၢၼ်ႇၵူၼ်းမဵဝ်းဢိသရေႇလ ၵႃႈၼႂ်းပၢင်ႇပဵင်းမေႃႇၽ ၵႃႈတီႈႁိမ်းၼမ်ႉႁွင်ႊယေႃႇတၢၼ်ႇ သိုဝ်ႈဝဵင်းယေႇရိၶူဝ်း ၸိူဝ်းၼၼ်ႉဢေႃႈ။
၆၄ ၼႂ်းၵူၼ်းၸိူဝ်းၼႆႉၶဝ်ၸိူဝ်းဢၼ်မုဝ်းသေႇဢိၵ်ႇတင်းယိတ်ႉပရေႃးႁိၵ်ႈဢႃႇရုၼ်ႇ ၼပ်ႉဢၢၼ်ႇၵူၼ်းမဵဝ်းဢိသရေႇလ တင်းလၢႆၵႃႈၼႂ်းထိူၼ်ႇ သိၼႃႇၼၼ်ႉဢမ်ႇပႃးသေၵေႃႉသေၵူၼ်း။
၆၅ လွင်ႈမၼ်းၸမ်းထႃႇဝရႃႉၽြႃးမီးဢမိင်ႉဝႃႈ၊-ၶဝ်ၸိူဝ်းၼၼ်ႉတၵ်းလႆႈတၢႆၵႃႈၼႂ်းထိူၼ်ႇဢမၢၼ်ႇၶၢၼ်ပဵၼ်ဢေႃႈ၊ ဝႃႈၼင်ႇၼႆဝႆႉယဝ်ႉ။ၼွၵ်ႈသေၵႃႇလိပ်ႉလုၵ်ႈၸၢႆးယေႇၽုၼ်ႇၼႃႇ ဢိၵ်ႇတင်းယေႃးသုလုၵ်ႈၸၢႆးၼုၼ်ႇၼၼ်ႉၵူၼ်းၸိူဝ်းၼၼ်ႉ ဢမ်ႇၵိုတ်းဢမ်ႇၵျၢၼ်ႇဝႆႉသေၵေႃႉသေၵူၼ်း။