Chapter
၁၅
လွင်ႈတၢင်းဢၼ်တၵ်းလႆႈႁဵတ်းတၢင်းလူႇ
၁ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ လႄႈဝႃႈ ၸမ်း၊-မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-
၂ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ပဵၼ်တီႈယူႇသူဢၼ်ၵဝ်တၵ်းပၼ်ၼၼ်ႉ ပေႃးသူမီးဢ လူဝ်ႇ ၶႂ်ႈဢဝ်တင်းၽႆးပုၵ်ႉၸေႃႇတီႈထႃႇဝရႃႉၽြႃးႁႂ်ႈပဵၼ်ယိၸ်ႉဢၼ်တုတ်ႇၽႆးသေဢမ်ႇဝႃႈ ပဵၼ်တၢင်းပုၵ်ႉၸေႃႇ
၃ ဢၼ်ႁဵတ်းၵတိသႅတ်ႉၸႃႇသေဢမ်ႇဝႃႈပဵၼ်တၢင်းပုၵ်ႉၸေႃႇဢၼ်ႁဵတ်းၸွမ်းၸႂ်ၸေႇတၼႃႇ သေဢမ်ႇဝႃႈ ပဵၼ်တၢင်းဢၼ်ၶၢမ်ႇပွႆးသၽၢင်ႇလႄႈပုၵ်ႉၸေႃႇသေဢမ်ႇဝႃႈ ဢဝ်သူဝ်းဝူဝ်းႁဵတ်းဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၸိုင်
၄ ၵေႃႉဢၼ်ႁဵတ်းတၢင်းပုၵ်ႉၸေႃႇတီႈထႃႇဝရႃႉၽြႃးၼၼ်ႉ တၵ်းလႆႈပုၵ်ႉၸေႃႇတၢင်းပုၵ်ႉၸေႃႇၽေႃးၸဵၼ်ႇၽွင်ၶဝ်ႈမုၼ်းဢေႇၽႃႇသိပ်းပုၼ်ႊပုၼ်ႊၼိုင်ႈ ဢၼ်ဢဝ်ၼမ်ႉမၼ်း ႁိၼႃႉသီႇပုၼ်ႊပုၼ်ႊၼိုင်ႈသႂ်ႇလေႃးၼၼ်ႉဢေႃႈ။
၅ ၼမ်ႉၸပိတ်ႉႁီႉၼႃႉသီႇပုၼ်ႊပုၼ်ႊၼိုင်ႈ ပုၼ်ႈတၢင်းပုၵ်ႉၸေႃႇဢၼ်သွၼ်းလေႃႇၵေႃႈ မႂ်းတၵ်းလႆႈမႄးႁႅၼ်းဝႆႉပုၼ်ႈယိၸ်ႉဢၼ်တုတ်ႇၽႆး ဢမ်ႇၼၼ်ပုၼ်ႈယိၸ်ႉတၢင်ႇၸိူဝ်ႉတၢင်ႇဢၼ်ပုၼ်ႈတႃႇသူဝ်းဢွၼ်ႇယေႈတူဝ် ဢေႃႈ။
၆ ပေႃးပုၵ်ႉၸေႃႇသူဝ်းပေႃႈၸိုင်မႂ်းတၵ်းလႆႈမႄးႁႅၼ်းၽွင်ၶဝ်ႈမုၼ်းဢေႇၽႃႇသိပ်းပုၼ်ႊဢဝ်သွင်ပုၼ်ႊဢၼ်ဢဝ်ၼမ်ႉမၼ်းႁီႉၼႃႉ သၢမ်ပုၼ်ႊပုၼ်ႊၼိုင်ႈသႂ်ႇလေႃးၼၼ်ႉပုၼ်ႈ တၢင်းပုၵ်ႉၸေႃႇၽေႃးၸဵၼ်ႇဢေႃႈ။
၇ ပုၼ်ႈတၢင်းပုၵ်ႉၸေႃႇဢၼ်သွၼ်းလေႃႇၵေႃႈမႂ်းတၵ်းလႆႈဢဝ်ၼမ်ႉၸပိတ်ႉႁီႉၼႃႉ သၢမ်ပုၼ်ႊပုၼ်ႊၼိုင်ႈပုၵ်ႉၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈ ထႃႇဝရႃႉၽြႃးဢေႃႈ။
၈ ပေႃးမႂ်းမႄးႁႅၼ်းဝူဝ်းပုၼ်ႈယိၸ်ႉဢၼ်တုတ်ႇၽႆးယိၸ်ႉဢၼ်ႁဵတ်းၵတိသႅတ်ႉၸႃႇ၊ ယိၸ်ႉမိၵ်ႉသႁႃႇယႃႉပုၼ်ႈထႃႇဝရႃႉၽြႃးၸိုင်
၉ မႂ်းတၵ်းလႆႈဢဝ်ၽွင်ၶဝ်ႈမုၼ်း ဢေႇၽႃႇသိပ်းပုၼ်ႊဢဝ်သၢမ်ပုၼ်ႊ ဢၼ်ဢဝ်ၼမ်ႉမၼ်းၶိုင်ႈႁီႉၼႃႉၼိုင်ႈသႂ်ႇလေႃးၼၼ်ႉ ပုၼ်ႈတၢင်းပုၵ်ႉၸေႃႇၽေႃးၸဵၼ်ႇ ပုၵ်ႉၸေႃႇ လူၺ်ႈၵၼ်တင်းဝူဝ်းၼၼ်ႉဢေႃႈ။
၁၀ မႂ်းတၵ်းလႆႈဢဝ်ၼမ်ႉၸပိတ်ႉၶိုင်ႈႁီႉၼႃႉၼိုင်ႈ ပုၼ်ႈတၢင်းပုၵ်ႉၸေႃႇဢၼ်သွၼ်းလေႃႇၼၼ်ႉလႄႈ ပဵၼ်ပုၼ်ႈတၢင်းပုၵ်ႉၸေႃႇဢၼ်ဢဝ်ၽႆးႁဵတ်းမီးဢၢႆဢၼ်ႁွမ်ဢၼ်ႁူၺ်းပုၼ်ႈ ထႃႇဝရႃႉၽြႃးဢေႃႈ။
၁၁ တၵ်းလႆႈႁဵတ်းၸိူဝ်ႉၼင်ႇၼၼ်ပုၼ်ႈဝူဝ်းယေႈတူဝ် သူဝ်းပေႃႈယေႈတူဝ် သူဝ်းဢွၼ်ႇ ယေႈတူဝ်ပေႉဢွၼ်ႇယေႈတူဝ်ဢေႃႈ။
၁၂ ၸွမ်းၵႃႈၼင်ႇတၢင်းဢၼ်ၼပ်ႉဢၢၼ်ႇတူဝ်ဢၼ်သူမႄးႁႅၼ်းဝႆႉၼၼ်ႉသေလႄႈ တၵ်းလႆႈႁဵတ်းၸိူဝ်ႉၼင်ႇၼၼ်ပုၼ်ႈယေႈတူဝ်ယေႈတူဝ် ၸွမ်းၵႃႈၼင်ႇဢၼ်ၼပ်ႉဢၢၼ်ႇ ၼၼ်ႉဢေႃႈ။
၁၃ ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင်တၵ်းလႆႈႁဵတ်းမႅၼ်ႈၵၼ်တင်းၸိူဝ်းၼၼ်ႉၼႂ်းတၢင်းဢၼ်ပုၵ်ႉၸေႃႇတၢင်းဢၼ်ပုၵ်ႉၸေႃႇ ဢၼ်ဢဝ်တင်းၽႆးပုၵ်ႉၸေႃႇၼၼ်ႉလႄႈ မီးဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးၼၼ်ႉဢေႃႈ။
၁၄ ပေႃးၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူသေဢမ်ႇဝႃႈၵူၼ်းတၢင်ႇတီႈတၢင်ႇလႅၼ်သေဢမ်ႇဝႃႈ ပေႃးမီးဢလူဝ်ႇၶႂ်ႈပုၵ်ႉၸေႃႇတၢင်းပုၵ်ႉၸေႃႇ ဢၼ်ဢဝ်တင်းၽႆးပုၵ်ႉၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၸိုင် ၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်ႈတၢမ်ႈ မၼ်းတၵ်းလႆႈႁဵတ်းၸိူဝ်ႉၼင်ႇဢၼ်သူႁဵတ်း ၼၼ်ႉဢေႃႈ။
၁၅ ပုၼ်ႈမူႇၸုမ်းၵူၼ်းတင်းသဵင်ႈတၵ်းလႆႈမီးထုင်းၾိင်ႈတြႃးပႃးလဵဝ်ၵူၺ်းဢေႃႈ။ထုင်းၾိင်ႈတြႃးၼၼ်ႉပဵၼ်ပုၼ်ႈသူဢိၵ်ႇတင်း ပုၼ်ႈၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉတႃႇသေႇ တီႈၸူဝ်ႈလုၵ်ႈပၢၼ်လၢၼ်သူ သိုပ်ႇသိုပ်ႇတၢမ်ႈတၢမ်ႈၼၼ်ႉလႄႈ ၸိူဝ်ႉၼင်ဢၼ်သူပဵၼ်ၼၼ်ႉၵူၼ်းတၢင်ႇၸိူဝ်ႉတၢင်ႇၶိူဝ်းၵေႃႈ တၵ်းလႆႈပဵၼ်ၵႃႈတီႈ ၽၢႆႇၼႃႈထႃႇဝရႃႉၽြႃးဢေႃႈ။
၁၆ တြႃးပႃးလဵဝ်ၵူၺ်းထုင်းၾိင်ႈတြႃးပႃးလဵဝ်ၵူၺ်းတၵ်းလႆႈမီးပုၼ်ႈသူဢိၵ်ႇတင်းပုၼ်ႈၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၼႂ်းသူၼၼ်ႉဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၁၇ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ လႄႈဝႃႈၸမ်း၊-
၁၈ မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ် ၵဝ်ဢဝ်သူသူင်ႇၼၼ်ႉလႄႈ
၁၉ မိူဝ်ႈဢၼ်သူၵိၼ်ၶဝ်ႈမုၼ်းဢၼ်ပဵၼ်ၵႃႈတီႈမိူင်းၼၼ်ႉၸိုင်သူတၵ်းလႆႈႁဵတ်းတၢင်းပုၵ်ႉၸေႃႇဢၼ်ယုၵ်ႉယွင်ႈလႄႈ ယုၵ်ႉယွင်ႈတီႈ ထႃႇဝရႃႉၽြႃးဢေႃႈ။
၂၀ သူတၵ်းလႆႈဢဝ်ၶဝ်ႈမုၼ်းၶႅပ်းဢၼ်ဢဝ်တင်းၽွင်ၶဝ်ႈမုၼ်းမူႉယေႃး ဢၼ်လႆႈဢွၼ်တၢင်းၼၼ်ႉႁဵတ်းတၢင်းပုၵ်ႉၸေႃႇဢၼ်ယုၵ်ႉယွင်ႈလႄႈယုၵ်ႉယွင်ႈဢေႃႈ။ၸိူဝ်ႉၼင်ႇဢၼ်ႁဵတ်းတၢင်းပုၵ်ႉၸေႃႇ ဢၼ်ယုၵ်ႉယွင်ႈၵႃႈတီႈၼႂ်းတလၢင်းယဵပ်ႇၶဝ်ႈ ၼၼ်ႉတၵ်းလႆႈယုၵ်ႉယွင်ႈၸိူဝ်ႉၼင်ႇၼၼ်ဢေႃႈ။
၂၁ သူတၵ်းလႆႈဢဝ်ၵႃႈၼႂ်းၽွင်ၶဝ်ႈမူႉယေႃး ဢၼ်လႆႈဢွၼ်တၢင်းၼၼ်ႉႁဵတ်းတၢင်းပုၵ်ႉၸေႃႇဢၼ်ယုၵ်ႉယွင်ႈလႄႈ သၢၵ်ႈၵၢပ်ႈတီႈထႃႇဝရႃႉၽြႃးတေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ် သိုပ်ႇသိုပ်ႇတၢမ်ႈတၢမ်ႈဢေႃႈ။
တၢင်းလူႇပုၼ်ႈဢပျႅတ်ႈဢၼ်ဢမ်ႇႁူႉလႄႈၽိတ်းပိူင်ႈ
၂၂ ပေႃးသူ ယင်းဢမ်ႇႁူႉလွင်ႈတၢင်းမၼ်းလႄႈၽိတ်းပိူင်ႈပိင်းၺၢပ်ႈၵဝ်ၵႃႈမီးဢၼ်ထႃႇဝရႃႉၽြႃး မွၵ်ႇလၢတ်ႈတီႈမုဝ်းသေႇဢၼ်ဝႃႈ ၵႃႈဢၼ်ထႃႇဝရႃႉၽြႃးဢဝ် တင်းမုဝ်းသေႇသင်ႇလၢတ်ႈဝႆႉတီႈသူ
၂၃ ၸႃႉၸဵမ်မိူဝ်ႉဝၼ်းဢၼ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉလႄႈ ၵႂႃႇမိူဝ်းၼႃႈတီႈၸူဝ်ႈလုၵ်ႈပၢၼ်လၢၼ်သူ သိုပ်ႇသိုပ်ႇတၢမ်ႈ တၢမ်ႈၼၼ်ႉ။
၂၄ ပေႃးပရိၵ်ႈသၢတ်ႈယင်းဢမ်ႇႁူႉလွင်ႈမၼ်းတၢင်းမၼ်းလႄႈၽိတ်းပိူင်ႈမႅၼ်ႈၸိုင်ပရိၵ်ႈသၢတ်ႈတင်းသဵင်ႈတင်းလူင် တၵ်းလႆႈဢဝ်ဝူဝ်းဢၼ်ဢသၢၵ်ႈၼုမ်ႇတူဝ်ၼိုင်ႈ ပုၼ်ႈယိၸ်ႉဢၼ်တုတ်ႇၽႆးလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၼၼ်ႉဢိၵ်ႇတင်း တၢင်းပုၵ်ႉၸေႃႇၽေႃးၸဵၼ်ႇမၼ်းတင်း တၢင်းပုၵ်ႉၸေႃႇဢၼ်သွၼ်းလေႃႇမၼ်းၸွမ်းလူၺ်ႈထုင်းၾိင်ႈတြႃးၼၼ်ႉဢိၵ်ႇတင်း ပေႉပုၼ်ႈယိၸ်ႉဢၼ်ၽေႇဢပျႅတ်ႈၼၼ်ႉပုၵ်ႉၸေႃႇဢေႃႈ။
၂၅ ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈပရိၵ်ႈသၢတ်ႈ ၵူၼ်းမဵဝ်းဢိသရေႇလတင်းသဵင်ႈတင်းလူင်လႄႈ ၶဝ်တၵ်းလႆႈၵၢင်းလွတ်ႈတင်းဢပျႅတ်ႈၼၼ်ႉၵွပ်ႈပိူဝ်ႈၶဝ်ယင်းဢမ်ႇႁူႉလွင်ႈမၼ်းတၢင်းမၼ်းလႄႈ ၽိတ်ႈပိူင်ႈမႅၼ်ႈၼၼ်ႉဢေႃႈ။ၶဝ်ၼၼ်ႉၵွပ်ႈပိူဝ်ႈဢပျႅတ်ႈဢၼ်လိုမ်းတူဝ်လႄႈ တၵ်းလႆႈဢဝ် တၢင်းပုၵ်ႉၸေႃႇၶဝ်ဢၼ်ဝႃႈယိၸ်ႉဢၼ်ဢဝ်ႆးႁဵတ်းတီႈထႃႇဝရႃႉၽြႃးဢိၵ်ႇတင်း ယိၸ်ႉဢၼ်ၽေႇဢပျႅတ်ႈၼၼ်ႉ မႃးၵႃႈတီႈၽၢႆႇၼႃႈထႃႇဝရႃႉ ၽြႃးဢေႃႈ။
၂၆ ပေႃးႁဵတ်းၸိူဝ်ႉၼင်ႇၼၼ်ၸိုင်ပရိၵ်ႈသၢတ်ႈ ၵူၼ်းမဵဝ်းဢိသရေႇလတင်းသဵင်ႈတင်းလူင်ဢိၵ်ႇတင်း ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉတၵ်းလႆႈၵၢင်းလွတ်ႈတင်းဢပျႅတ်ႈၼၼ်ႉဢေႃႈ။လွင်ႈမၼ်းၸမ်းၵူၼ်းတင်းသဵင်ႈတင်းလူင်ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်း ပိူင်ႈမႅၼ်ႈဢေႃႈ။
၂၇ ပေႃးသေၵေႃႉသေၵူၼ်းယင်းဢမ်ႇႁူႉလႄႈ ၽိတ်းပိူင်ႈမႅၼ်ႈၸိုင်မၼ်းတၵ်းလႆႈဢဝ်ပေႉမေႈတူဝ်ၼိုင်ႈ ဢၼ်ဢမ်ႇပႆႇၶွပ်ႈၶူပ်ႇၼၼ်ႉ ႁဵတ်းယိၸ်ႉ ဢၼ်ၽေႇဢပျႅတ်ႈမႃးဢေႃႈ။
၂၈ ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈၵေႃႉဢၼ်ယင်းဢမ်ႇႁူႉလႄႈ ၽိတ်းပိူင်ႈမႅၼ်ႈၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ မၼ်းၼၼ်ႉတၵ်းလႆႈၵၢင်း လွတ်ႈတင်းဢပျႅတ်ႈၼၼ်ႉဢေႃႈ။
၂၉ ပဵၼ်ၵူၼ်းမဵဝ်းဢိသရေႇလသေဢမ်ႇဝႃႈ ပုၼ်ႈၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈတီႈမႂ်းၼၼ်ႉ သေဢမ်ႇဝႃႈသူတၵ်းလႆႈမီးတြႃးပႃးလဵဝ်ဢမ်ႇႁူႉလႄႈ ၽိတ်းပိူင်ႈ မႅၼ်ႈၼၼ်ႉဢေႃႈ။
၃၀ ၽူ လႂ်သေဢမ်ႇဝႃႈၵေႃႉဢၼ်သႂ်ႇၸႂ်ႁဵတ်းၽိတ်းပိူင်ႈၼၼ်ႉ ပဵၼ်တၢင်းဢၼ်ႁဵတ်းဢမ်ႇၼပ်ႉဢမ်ႇၶၢၼ်းထႃႇဝရႃႉၽြႃးလႄႈ မၼ်းတၵ်းလႆႈၶၢမ်ႇတၢင်းဢၼ်ပႄႇပႅတ်ႈသေ ၵႃႈၼႂ်းမဵဝ်းၸိူဝ်ႉၶိူဝ်းမၼ်း ဢေႃႈ။
၃၁ ၵွပ်ႈပိူဝ်ႈမၼ်းႁဵတ်းဢမ်ႇပေႃးၼင်ႇႁိုဝ်တီႈထႃႇဝရႃႉၽြႃးလႄႈ ပူၼ်ႉလိူဝ်ပိင်းၺၢပ်ႈမၼ်းၸဝ်ႈၼၼ်ႉမၼ်းတၵ်းလႆႈၶၢမ်ႇ တၢင်းဢၼ်ပႄႇပႅတ်ႈပုတ်းပုတ်းၶၢတ်ႇၶၢတ်ႇဢေႃႈ။မၼ်းတၵ်းလႆႈၶၢမ်ႇဢပျႅတ်ႈတူဝ်ၸဝ်ႈၵဝ်ႇဢေႃႈ၊ဝႃႈၼင်ႇၼႆဢေႃႈ။
ၵေႃႉဢၼ်ႁဵတ်းႁႂ်ႈဝၼ်းၵမ်သိၼ်ၵူဝ်ႈၵိူၵ်ႇတေလႆႈတၢႆ
၃၂ မိူဝ်ႈဢၼ်ၵူၼ်းမဵဝ်းဢိသရေႇလတင်းလၢႆမီးယူႇၵႃႈတီႈၼႂ်းထိူၼ်ႇၼၼ်ႉၸိုင် ၶဝ်ထူပ်းႁၼ်ၵူၼ်းၵေႃႉၼိုင်ႈ ၵဵပ်းဢဝ်ၽိုၼ်းၼႂ်းဝၼ်းၵမ်သိၼ်ၼၼ်ႉဢေႃႈ။
၃၃ ၶဝ်ၸိူဝ်းဢၼ်ႁၼ်မၼ်းၵဵပ်းဢဝ်ၽိုၼ်းယူႇၼၼ်ႉ ႁွင်ႉဢဝ်မၼ်းမႃးၵႃႈတီႈမုဝ်းသေႇတင်းဢႃႇရုၼ်ႇ ဢိၵ်ႇတင်းပရိၵ်ႈ သၢတ်ႈတင်းသဵင်ႈတင်းလူင်ဢေႃႈ။
၃၄ ၵွပ်ႈပိူဝ်ႈဢမ်ႇပႆႇမီးတၢင်းဢၼ်မွၵ်ႇလၢတ်ႈဝႆႉ တၵ်းလႆႈႁဵတ်းတီႈမၼ်းၸိူဝ်ႉ ၼင်ႇႁိုဝ်ၼၼ်ႉလႄႈၶဝ်ဢဝ်မၼ်းၶျုၵ်ႈဝႆႉဢေႃႈ။
၃၅ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-ၵူၼ်းၵေႃႉၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆဢမၢၼ်ႇၶၢၼ်ပဵၼ်ဢေႃႈ။ပရိၵ်ႈသၢတ်ႈတင်းသဵင်ႈတင်းလူင်တၵ်းလႆႈဢဝ်မၢၵ်ႇႁိၼ်ထိမ်ႈမၼ်းၵႃႈတီႈၼွၵ်ႈတပ်ႉ ဢေႃႈ၊ဝႃႈၼင်ႇၼႆဢေႃႈ။
၃၆ ၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉတီႈမုဝ်းသေႇၼၼ်ႉ ပရိၵ်ႈသၢတ်ႈတင်းသဵင်ႈတင်းလူင် ဢွၼ်ၵၼ်ဢဝ်မၢၵ်ႇႁိၼ်ထိမ်ႈမၼ်းတၢႆဢေႃႈ။
ပူႈၼိူဝ်ၽႃႈမႆႊ
၃၇ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ လႄႈဝႃႈၸမ်း၊-
၃၈ မႂ်းလၢတ်ႈတေႃႇၵူၼ်းမဵဝ်းဢိသရေႇလတင်းလၢႆလႄႈ သင်ႇလၢတ်ႈလွင်ႈဢၼ်ၶဝ်တၵ်းလႆႈႁဵတ်းပူႈႁွႆႈၵႃႈတီႈၸဵင်ၶူဝ်းၼုင်ႈၶဝ် တေႃႇထိုင်ၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်ႈတၢမ်ႈၼၼ်ႉလႄႈ ဢဝ်တင်း သၢႆဢၼ်သွမ်ႇမတ်ႉႁွႆႈတီႈၶဝ်တႃႉ။
၃၉ တၵ်းလႆႈပဵၼ်ပူႈတီႈသူပုၼ်ႈလွင်ႈၼင်ႇႁိုဝ် သူတၵ်းလႆႈတူၺ်းႁၼ်လႄႈၶုၵ်းၸႂ်လႆႈၶႆႈၸႂ်ထူပ်း ပိင်းၺၢပ်ႈထႃႇဝရႃႉၽြႃးၵႃႈမီးတင်းသဵင်ႈတင်းလူင်လႄႈၵမ်ၵျၢင်ႉဢိၵ်ႇတင်းလွင်ႈၼင်ႇႁိုဝ်တၵ်းဢမ်ႇၸွမ်းဢလူဝ်ႇႁူဝ်ၸႂ်သူ ဢိၵ်ႇတင်း ဢလူဝ်ႇမၢၵ်ႇတႃသူလႄႈ
၄၀ ၽိတ်းပိူင်ႈၸိူဝ်ႉၼင်ႇဢၼ်သူယၢမ်ႈလႆႈၽိတ်းပိူင်ႈယဝ်ႉၼၼ်ႉ တင်းလွင်ႈၼင်ႇႁိုဝ်တၵ်းၶုၵ်းၸႂ်လႆႈၶႆႈၸႂ်ထူပ်း ၵမ်ၵျၢင်ႉပိင်းၺၢပ်ႈၵဝ်ၵႃႈမီးလႄႈ မူတ်းၸၢင်ႇပုၼ်ႈၽြႃးပဵၼ်ၸဝ်ႈသူဢေႃႈ။ၵဝ်ပဵၼ်ထႃႇဝရႃႉၽြႃး၊ ၽြႃးပဵၼ်ၸဝ်ႈ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတု မႃးႁႂ်ႈလႆႈပဵၼ်ၽြႃးပဵၼ်ၸဝ်ႈသူဢေႃႈ။ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ၊ဝႃႈၼင်ႇၼႆဢေႃႈ။