Chapter
၆
ၵူၼ်းမဵဝ်းၼႃႇၸရိ
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၂ သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ၵူၼ်းၸၢႆးသေဢမ်ႇဝႃႈ၊ၵူၼ်းယိင်းသေဢမ်ႇဝႃႈ ပေႃးၶႂ်ႈဝႆႉၵတိသႅတ်ႈၸႃႇၽေတူဝ်ၸဝ်ႈၵဝ်ႇႁႂ်ႈလႆႈပဵၼ်ပုၼ်ႈထႃႇဝရႃႉၽြႃး မိူၼ်ၼင်ႇၼႃႇၸရိၼၼ်ႉၸိုင် မၼ်းတၵ်းလႆႈဝေႈပႅတ်ႈၼမ်ႉၸပိတ်ႉတင်း လဝ်ႈဢေႃႈ။
၃ ၼမ်ႉၸပိတ်ႉသူမ်ႈတင်းလဝ်ႈသူမ်ႈၵေႃႈမၼ်းဢမ်ႇလႆႈၵိၼ်လႆႈသူတ်ႉ။ၼမ်ႉဢၼ်ဢဝ်တင်းမၢၵ်ႇၸပိတ်ႉႁဵတ်းၼၼ်ႉၵေႃႈ ဢမ်ႇလႆႈၵိၼ်လႆႈသူတ်ႉလႃးလႃး။မၢၵ်ႇၸပိတ်ႉဢၼ်လိပ်းဢၼ်ႁႅင်ႈၵေႃႈမၼ်း ဢမ်ႇလႆႈၵိၼ်လႆႈၶူပ်း။
၄ ၶိင်ႇၵႃႇလႃႉမိူဝ်ႉဝၼ်းၵႃႈဢၼ်မၼ်းပဵၼ်ၼႃႇၸရိယူႇၼၼ်ႉ မၼ်းဢမ်ႇလႆႈၵိၼ်ၸႃႉၸဵမ်ၵႅၼ်ၼႂ်းမၢၵ်ႇၸပိတ်ႉ တေႃႇထိုင်ႁွတ်ႈပိူၵ်ႇမၢၵ်ႇၸပိတ်ႉ ၵႃႈဢၼ်ဢဝ်ၵႃႈတီႈတူၼ်ႈမၢၵ်ႇၸပိတ်ႉႁဵတ်း ၼၼ်ႉ။
၅ ၼႂ်းၶိင်ႇၵႃႇလႃႉမိူဝ်ႉဝၼ်းၵႃႈဢၼ်မၼ်းပႂ်ႉၵတိသႅတ်ႉၸႃႇၽတေူဝ်ၸဝ်ႈၵဝ်ႇယူႇၼၼ်ႉ မိတ်ႈထႃၶူၼ်ႁူဝ်ဢမ်ႇလႆႈႁွတ်ႈထိုင်ၵႃႈၼိူဝ်ႁူဝ်မၼ်း။တေႃႇထိုင်ႁွတ်ႈၸူဝ်ႈဢၼ်ၶိင်ႇၵႃႇလႃႉမိူဝ်ႉဝၼ်းဢၼ်ၽတေူဝ်ၸဝ်ႈၵဝ်ႇပုၼ်ႈ ထႃႇဝရႃႉၽြႃးၼၼ်ႉ ဢမ်ႇပႆႇၸေးၼၼ်ႉၸိုင် မၼ်းတၵ်းလႆႈမူတ်းၸၢင်ႇလႄႈႁႂ်ႈမူၵ်းၶူၼ် ႁူဝ်မၼ်းလႆႈဢွၵ်ႇမႃးယၢဝ်းမႃးဢေႃႈ။
၆ ၶိင်ႇၵႃႇလႃႉမိူဝ်ႉဝၼ်းၵႃႈဢၼ်မၼ်းႁႂ်ႈတူဝ်ၸဝ်ႈၵဝ်ႇၽေဝႆႉပုၼ်ႈ ထႃႇဝရႃႉၽြႃးယူႇၼၼ်ႉ မၼ်းဢမ်ႇလႆႈသုတ်ႉၸပ်းသုတ်ႉ ၸူးတီႈတူဝ်တၢႆ။
၇ ၵွပ်ႈပိူဝ်ႈၽြႃးပဵၼ်ၸဝ်ႈမီးၵႃႈၼိူဝ်ႁူဝ်မၼ်းလႄႈ မၼ်းဢမ်ႇလႆႈၶၢမ်ႇတၢင်းဢၼ်ၵူဝ်ႈၵိူၵ်ႇၵွပ်ႈပေႃႈမေႈမၼ်း၊ ပုၼ်ႈပီႈၸၢႆးၼွင်ႉၸၢႆးမၼ်း၊ပီႈၼၢင်းၼွင်ႉယိင်းမၼ်း ၼႂ်းမိူဝ်ႈဢၼ်ၶဝ်တၢႆၼၼ်ႉ။
၈ ၶိင်ႇၵႃႇလႃႉမိူဝ်ႉဝၼ်း ၵႃႈဢၼ်မၼ်းၽေဝႆႉပုၼ်ႈထႃႇဝရႃႉၽြႃးယူႇၼၼ်ႉ မၼ်းတၵ်းလႆႈမူတ်းၸၢင်ႇပုၼ်ႈ ထႃႇဝရႃႉၽြႃးဢေႃႈ။
၉ ပေႃးသေၵေႃႉသေၵူၼ်းၶီႉၶႃႉတၢႆၵႃႈတီႈႁိမ်းမၼ်းၵမ်းလဵဝ်လႄႈ ႁႂ်ႈႁူဝ်မၼ်းဢၼ်မၼ်းၽေဝႆႉၼၼ်ႉၵူဝ်ႈၵိူၵ်ႇၸိုင် ၼႂ်းဝၼ်းဢၼ်ႁႂ်ႈမူတ်းသႂ်ဢၼ်ဝႃႈဝၼ်းသတ်ႉတမၼၼ်ႉမၼ်းတၵ်းလႆႈထႃ ၶူၼ်ႁူဝ်မၼ်းဢေႃႈ။
၁၀ ၼႂ်းဝၼ်းသတ်ႉတမၼၼ်ႉမၼ်းတၵ်းလႆႈဢဝ်ၼူၵ်ႉတူႈသွင်တူဝ်၊ ဢမ်ႇၼၼ်ၵေႃႈၵႃၵႄဢွၼ်ႇသွင်တူဝ် မႃးၵႃႈတီႈယိတ်ႉပရေႃးႁိၵ်ႈၵႃႈတီႈၽႆႇၼႃႈၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈ သၢတ်ႈဢေႃႈ။
၁၁ ယိတ်ႉပရေႃးႁိၵ်ႈတၵ်းလႆႈဢဝ်ပုၵ်ႉၸေႃႇပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈ ပုၼ်ႈယိၸ်ႉဢၼ်တုတ်ႇၽႆးတူဝ်ၼိုင်ႈလႄႈႁဵတ်းတၢင်းဢၼ်ၽေႇဢပျႅတ်ႈ ဢၼ်ႁွတ်ႈထိုင်ၵႃႈတီႈမၼ်းၵွပ်ႈပိူဝ်ႈတူဝ်တၢႆၼၼ်ႉသေယဝ်ႉႁႂ်ႈႁူဝ်မၼ်းမူတ်းၸၢင်ႇၼႂ်း ဝၼ်းၼၼ်ႉၵမ်းလဵဝ်ဢေႃႈ။
၁၂ မၼ်းတၵ်းလႆႈႁႂ်ႈၶိင်ႇၵႃႇလႃႉဢၼ်ၽေဝႆႉမိူဝ်ႈဢွၼ်တၢင်းၼၼ်ႉ ၶိုၼ်းသၢၵ်ႈၵၢပ်ႈတီႈထႃႇဝရႃႉၽြႃးလႄႈ ဢဝ်သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ႁဵတ်းယိၸ်ႉဢၼ်ၽေႇတူႉၸရိူၵ်ႈလႄႈပုၵ်ႉၸေႃႇတႃႉ။ၵွပ်ႈပိူဝ်ႈဢၼ်တၢင်းဢၼ်ၽေဝႆႉမိူဝ်ႈဢွၼ်တၢင်းၼၼ်ႉလူႉၵႂႃႇယဝ်ႉလႄႈ ၶိင်ႇၵႃႇလႃႉဢၼ်ပူၼ်ႉမႃးၼၼ်ႉ လႆႈပဵၼ်ဢၼ်လၢႆလၢႆလွၵ်ႇလွၵ်ႇ ၵႂႃႇဢေႃႈ။
၁၃ တြႃးၵူၼ်းၼႃႇၸရိမိူဝ်ႈၶိင်ႇၵႃႇလႃႉမိူဝ်ႉဝၼ်းဢၼ်ၽတေူဝ်ၸဝ်ႈၵဝ်ႇ ပုၼ်ႈၽြႃးထူၼ်ႈတဵမ်ယဝ်ႉၼၼ်ႉၸမ်း၊ တၵ်းလႆႈဢဝ်မၼ်းမႃးၵႃႈတီႈၽၢႆႇၼႃႈ ၽၵ်းတူသုမ်ႉထဵင်ၸဝ်ႈ
၁၄ တီႈၸူႉတီႈတုမ်ပရိၵ်ႈသၢတ်ႈလႄႈ မၼ်းတၵ်းလႆႈဢဝ်တၢင်းပုၵ်ႉၸေႃႇမၼ်းဢၼ်ပဵၼ်သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢၢင်ႇၵႃႇလူႉ ပုၼ်ႈတႃႇယိၸ်ႉဢၼ်တုတ်ႇၽႆးတူဝ်ၼိုင်ႈသူဝ်းမေႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢၢင်ႇၵႃႇလူႉၼၼ်ႉ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈ ပေႉပေႃႈဢၼ်ဢမ်ႇပႃးဢၢင်ႇ ၵႃႇလူႉပုၼ်ႈယိၸ်ႉမိၵ်ႉသႁႃႇယႃႉတူဝ်ၼိုင်ႈ
၁၅ ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈပဵတ်ႈၼိုင်ႈ ၶဝ်ႈမုၼ်းၶႅပ်းဢၼ်ဢဝ်ၼမ်ႉမၼ်းသႂ်ႇလေႃးၽွင်မၼ်း ၶဝ်ႈမုၼ်းၶွပ်ႈဢၼ်ဢမ်ႇပႃးၸိူဝ်ႉပႅင်ႈလႄႈဢဝ်ၼမ်ႉမၼ်းတႃးၼၼ်ႉတၢင်းပုၵ်ႉၸေႃႇၽေႃးၸဵၼ်ႇ တၢင်းပုၵ်ႉၸေႃႇဢၼ်သွၼ်းလေႃႇၸိူဝ်းၼၼ်ႉသေလႄႈ သၢၵ်ႈၵၢပ်ႈတီႈထႃႇဝရႃႉႉၽြႃးဢေႃႈ။
၁၆ ယိတ်ႉပရေႃးႁိၵ်ႈၼၼ်ႉတၵ်းလႆႈဢဝ်တၢင်းပုၵ်ႉၸေႃႇၸိူဝ်းၼၼ်ႉ ၶဝ်ၸူးၵႃႈတီႈထႃႇဝရႃႉၽြႃးလႄႈ ပုၵ်ႉၸေႃႇယိၸ်ႉဢၼ်ၽေႇဢပျႅတ်ႈတင်း ယိၸ်ႉဢၼ်တုတ်ႇၽႆးၼၼ်ႉဢေႃႈ။
၁၇ ယိတ်ႉပရေႃးႁိၵ်ႈတၵ်းလႆဢဝ်ပေႉပေႃႈ ပုၼ်ႈယိၸ်ႉမိၵ်းသႁႃႇယႃႉဢိၵ်ႇတင်းၶဝ်ႈမုၼ်း ဢၼ်ဢမ်ႇပႃးၸိူဝ်ႉပႅင်ႈပဵတ်ႈၼိုင်ႈပုၵ်ႉၸေႃႇတီႈထႃႇဝရႃႉၽြႃးဢေႃႈ။တၢင်းပုၵ်ႉၸေႃႇၽေႃးၸဵၼ်ႇဢိၵ်ႇတင်း တၢင်းပုၵ်ႉၸေႃႇဢၼ်သွၼ်းလေႃႇၸိူဝ်းၼၼ်ႉၵေႃႈ ယိတ်ႉပရေႃးႁိၵ်ႈတၵ်းလႆႈပုၵ်ႉၸေႃႇ ဢေႃႈ။
၁၈ ၵူၼ်းၼႃႇၸရိတၵ်းလႆႈထႃၶူၼ်ႁူဝ်မၼ်းဢၼ်ပႅၵ်ႇပိူင်ႈၼၼ်ႉ ၵႃႈတီႈႁိမ်းၽၵ်းတူသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈလႄႈ ဢဝ်ၶူၼ်ႁူဝ်မၼ်းဢၼ်ပႅၵ်ႇပိူင်ႈၼၼ်ႉ သႂ်ႇၵႃႈၼႂ်းၽႆးဢၼ်မီးတႂ်ႈယိၸ်ႉမိၵ်ႉ သႁႃႇယႃႉၼၼ်ႉဢေႃႈ။
၁၉ ယိတ်ႉပရေႃးႁိၵ်ႈတၵ်းလႆႈဢဝ်ႁူဝ်မႃႇပေႉပေႃႈ ဢၼ်တူမ်ႈၼၼ်ႉၽၢၵ်ႇၼိုင်ႈၶဝ်ႈမုၼ်းၶႅပ်းဢၼ်ဢမ်ႇပႃးၸိူဝ်ႉပႅင်ႈၼၼ်ႉ ၶႅပ်းၼိုင်ႈတင်းၶဝ်ႈမုၼ်းၶွပ်ႈဢၼ်ဢမ်ႇပႃးၸိူဝ်ႉပႅင်ႈၼၼ်ႉ ၶႅပ်းၼိုင်ႈသေၵႃႈတီႈၼႂ်းပဵတ်ႈၼၼ်ႉလႄႈ သႂ်ႇပၼ်ၵႃႈၼႂ်းမိုဝ်းၵူၼ်းၼႃႇၸရိ လိုၼ်းသေမၼ်းထႃႇၶူၼ်ႁူဝ်မၼ်းဢၼ်ပႅၵ်ႇ ပိူင်ႈၼၼ်ႉယဝ်ႉၼၼ်ႉသေယဝ်ႉ ယိတ်ႉပရေႃးႁိၵ်ႈၼၼ်ႉတၵ်းလႆႈဢဝ်ယွင်ႊၵႂႆ ပုၼ်ႈတၢင်းပုၵ်ႉၸေႃႇဢၼ်ယွင်ႊၵႂႆၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၂၀ ဢၼ်ၸိူဝ်းၼၼ်ႉဢိၵ်ႇတင်း ႁူဝ်ဢူၵ်းဢၼ်ယွင်ႊၵႂႆတင်းႁူဝ်မႃႇဢၼ်ယုၵ်ႉယွင်ႈၼၼ်ႉ တၵ်းလႆႈမူတ်းၸၢင်ႇပုၼ်ႈယိတ်ႉပရေႃးႁိၵ်ႈဢေႃႈ။လိုၼ်းၼၼ်ႉၵူၼ်းၼႃႇၸရိၼၼ်ႉမီး ဢၶႂၢင်ႉဢၼ်လႆႈၵိၼ်ၼမ်ႉၸပိတ်ႉဢေႃႈ။
၂၁ ဢၼ်ၼႆႉၸမ်းပဵၼ်တြႃးၵူၼ်းၼႃႇၸရိ ဢၼ်ႁဵတ်းသႅတ်ႈၸႃႇဢိၵ်ႇတင်းတၢင်းပုၵ်ႉၸေႃႇ ဢၼ်မၼ်းႁဵတ်းတီႈထႃႇဝရႃႉၽြႃး ပုၼ်ႈတၢင်းဢၼ်မၼ်းသၢၵ်ႈၵၢပ်ႈၼၼ်ႉၼွၵ်ႈသေၵႃႈဢၼ်မၼ်းတတ်ႈၼိုင်ႇလႆႈၼၼ်ႉဢေႃႈ။ၸွမ်းၵႃႈၼင်ႇဢၼ် မၼ်းႁဵတ်းၵတိသႅတ်ႈၸႃႇၼၼ်ႉမၼ်းတၵ်းလႆႈႁဵတ်းမႅၼ်ႈၸွမ်းၼင်ႇတြႃးတၢင်းဢၼ်သၢၵ်ႈၵၢပ်ႈၼၼ်ႉဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
ပၼ်တၢင်းလီမင်ႇၵလႃႇ
၂၂ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၂၃ သင်ႇလၢတ်ႈတီႈဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉလႄႈဝႃႈ၊- ၵႂၢမ်းဢၼ်သူတၵ်းလႆႈဢွၵ်ႇသူပ်းလႄႈ ပၼ်တၢင်းလီတီႈၵူၼ်းမဵဝ်းဢိသရေႇ လတင်းလၢႆၼၼ်ႉၸမ်း၊-
၂၄ ႁႂ်ႈထႃႇဝရႃႉၽြႃးပၼ်တၢင်း လီတီႈမႂ်းလႄႈ၊ပႂ်ႉလူပႂ်ႉတူၺ်းမႂ်းယူႇသေၵမ်းလူၺ်ႈ။
၂၅ ႁႂ်ႈထႃႇဝရႃႉၽြႃး ပွႆႇဢၼ်လႅင်းၼႃႈမၼ်းၸဝ်ႈထွင်ႇၸူးတီႈမႂ်းလႄႈႁဵတ်းၵျေးၸူးၵရူႉၼႃႇတီႈမႂ်းသေၵမ်းလူၺ်ႈ။
၂၆ ႁႂ်ႈထႃႇဝရႃႉၽြႃးမုင်ႈတူၺ်းမႂ်းလႄႈပၼ်ၵတ်းယဵၼ်ၶျၢမ်းသႃႇတီႈမႂ်းသေၵမ်းလူၺ်ႈ၊ ဝႃႈၼင်ႇၼႆတႃႉ။
၂၇ ပေႃးၶဝ်ဢဝ်ၼႃႇမႃႉၸိုဝ်သဵင်ၵဝ်တၢင်ႇပၼ်ၵႃႈၼိူဝ်ၵူၼ်းမဵဝ်းဢိသရေႇလ တင်းလၢႆၸိူဝ်ႉၼင်ႇၼၼ်ၸိုင် ၵဝ်တၵ်းပၼ်တၢင်းလီမင်ႇၵလႃႇတီႈၶဝ်ၼၼ်ႉဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။