Chapter
၂
တၢင်းဢၼ်ၶိုင်ပွင်မႄးႁဵၼ်းသုမ်ႉထဵင်
၁ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ တင်း ဢႃႇရူၼ်ႇလႄႈဝႃႈၸမ်း၊-
၂ ၵူၼ်းမဵဝ်းဢိသရေႇလၸိူဝ်းၼၼ်ႉ တၵ်းလႆႈၶျႃးတီႈယူႇႁၢင်းၽႂ်ႁၢင်းမၼ်းၵႃႈတီႈႁိမ်းလၢမ်ႇဢၼ်ၸၢပ်ႈသႅင်ႇၵၼ်တင်းၶဝ် ၵႃႈတီႈႁိမ်းလၢမ်ႇဢၼ်ၸၢပ်ႈသႅင်ႇၵၼ်တင်း မဵဝ်းပူႇပေႃႈၶဝ်ၼၼ်ႉဢေႃႈ။တၵ်းလႆႈဝၢႆႇၼႃႈတေႃႇသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈသေလႄႈ ဢွၼ်ၵၼ်ၶျႃးတီႈယူႇ ၶဝ်လဵပ်ႈႁွပ်ႈဝႆႉဢေႃႈ။
၃ ၶဝ်ၸိူဝ်းဢၼ်တၵ်းလႆႈၶျႃးတီႈယူႇ ၵႃႈတီႈၽၢႆႇၼႃႈဝၼ်းဢွၵ်ႇၼၼ်ႉၸမ်း ၸွမ်းလူၺ်ႈမုၵ်ႉၶဝ်ၸိူဝ်းၶဝ်ၼၼ်ႉလႄႈ တၵ်းလႆႈၸၢပ်ႈသႅင်ႇၵၼ်တင်းလၢမ်ႇတပ်ႉယုတ ၼၼ်ႉလႄႈ ၼႃႇသုၼ်ႇဢၼ်ပဵၼ်လုၵ်ႈၸၢႆးဢမိၼတပ်ႉ ၼၼ်ႉတၵ်းလႆႈႁဵတ်း ပူဝ်ႇၵႃႈၼႂ်းၵူၼ်းမဵဝ်းယုတၸိူဝ်းၼၼ်ႉဢေႃႈ။
၄ မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်း မီးၸဵတ်းမိုၼ်ႇသီႇ ႁဵင်ပၢႆႁူၵ်းပၢၵ်ႇဢေႃႈ။
၅ ၶဝ်ၸိူဝ်းဢၼ်ၶျႃးတီႈယူႇၵႃႈတီႈႁိမ်းမၼ်းၼၼ်ႉ တၵ်းလႆႈပဵၼ်မဵဝ်း ဢိသရေႇလလႄႈ ၼႃႇသၼေႇလ ဢၼ်ပဵၼ်လုၵ်ႈၸၢႆးၸုဢႃႇၼၼ်ႉတၵ်းလႆႈႁဵတ်းပူဝ်ႇၵႃႈၼႂ်းမဵဝ်း ဢိသၶႃႇၸိူဝ်း ၼၼ်ႉဢေႃႈ။
၆ မုၵ်ႉမၼ်းၸိူဝ်းမၼ်းဢၼ်ဝႃႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်းမီႈႁႃႈမိုၼ်ႇသီႇႁဵင်ပၢႆသီႇပၢၵ်ႇဢေႃႈ။
၇ လိုၼ်းၼၼ်ႉၸေႇပုလုၼ်ႇ တၵ်းလႆႈၶျႃးတီႈယူႇလႄႈဢေႇလျႃႇၽလုၵ်ႈၸၢႆးႁေႇလုၼ်ႇ တၵ်းလႆႈႁဵတ်းပူဝ်ႇ ၵႃႈၼႂ်းမဵဝ်းၸေႇပုလုၼ်ႇၸိူဝ်းၼၼ်ႉဢေႃႈ။
၈ မုၵ်ႉမၼ်းၸိူဝ်းမၼ်း ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်းမီးႁႃႈမိုၼ်ႇၸဵတ်းႁဵင်ပၢႆသီႇပၢၵ်ႇ ဢေႃႈ။
၉ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇဢၼ် ၸၢပ်ႈသႅင်ႇၵၼ်တင်းတပ်ႉယုတတင်းသဵင်ႈတင်းလူင်ၼၼ်ႉၸမ်း ၸွမ်းလူၺ်ႈမုၵ်ႉၶဝ်ၸိူဝ်းၶဝ်ၼၼ်ႉမီးသႅၼ်ၼိုင်ႈပႅတ်ႇမိုၼ်ႇႁူၵ်းႁဵင်ပၢႆသီႇပၢၵ်ႇဢေႃႈ။ၶဝ်ၸိူဝ်းၼႆႉ တၵ်းလႆႈၵႂႃႇဢွၼ်တၢင်းသုတ်းပိူၼ်ႈဢေႃႈ။
၁၀ ၵႃႈတီႈၼႃႈတၢင်းၸၢၼ်းၼၼ်ႉ ၸွမ်းလူၺ်ႈမုၵ်ႉၶဝ်ၸိူဝ်းၶဝ်ၼၼ်ႉလႄႈ တၵ်းလႆႈမီးလၢမ်ႇတပ်ႉ ရုပိၼ်ႇလႄႈ ဢေႇလိၸုရ ဢၼ်ပဵၼ်လုၵ်ႈၸၢႆး သေႇတုရ ၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်း မဵဝ်းရုပိၼ်ႇၸိူဝ်းၼၼ်ႉဢေႃႈ။
၁၁ မုၵ်ႉမၼ်းၸိူဝ်းမၼ်းဢၼ်ဝႃႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉ ၸမ်းမီးသီႇမိုၼ်ႇႁူၵ်းႁဵင်ပၢႆႁႃႈပၢၵ်ႇဢေႃႈ။
၁၂ ၶဝ်ၸိူဝ်းဢၼ်ၶျႃးတီႈယူႇၵႃႈတီႈႁိမ်းမၼ်းၼၼ်ႉ တၵ်းလႆႈပဵၼ်မဵဝ်းသိမုၼ်ႇလႄႈသေႇလုမျေႇလ ဢၼ်ပဵၼ်လုၵ်ႈၸၢႆးၸုရိသတ်ႉတေႇ တၵ်းလႆႈႁဵတ်းပူဝ်ႇၵႃႈၼႂ်းၵူၼ်း မဵဝ်းသိမုၼ်ႇၸိူဝ်းၼၼ်ႉဢေႃႈ။
၁၃ မုၵ်ႉမၼ်းၸိူဝ်းမၼ်းဢၼ်ပဵၼ် ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်းမီးႁႃႈမိုၼ်ႇၵဝ်ႁဵင်ပၢႆသၢမ်ပၢၵ်ႇ ဢေႃႈ။
၁၄ လိုၼ်းၼၼ်ႉမဵဝ်းၵတ်ႉတၵ်းလႆႈၶျႃးတီႈယူႇလႄႈဢေႇလျႃႇ သပ်ႉဢၼ်ပဵၼ်လုၵ်ႈၸၢႆးတုၺ်ႇလၼၼ်ႉတၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းၵတ်ႉၸိူဝ်းၼၼ်ႉ ဢေႃႈ။
၁၅ မုၵ်ႉမၼ်းၸိူဝ်းမၼ်းဢၼ်ပဵၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်း မီးသီႇ မိုၼ်ႇႁႃႈႁဵင်ႁူၵ်းပၢၵ်ႇပၢႆႁႃႈသိပ်းဢေႃႈ။
၁၆ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ဢၼ်ၸၢပ်ႈသႅင်ႇၵၼ်တင်းတပ်ႉရုပိၼ်ႇ တင်းသဵင်ႈတင်းလူင်ၼၼ်ႉၸမ်းမီး သႅၼ်ၼိုင်ႈႁႃႈမုၼ်ႇႁဵင်ၼိုင်ႈသီႇပၢၵ်ႇပၢႆႁႃႈသိပ်းဢေႃႈ။ၶဝ်ၸိူဝ်းၼႆႉတၵ်းလႆႈၶီႇတပ်ႉတုတိယၼၼ်ႉ ဢေႃႈ။
၁၇ မိူဝ်ႈၼၼ်ႉသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈဢိၵ်ႇလူၺ်ႈၵၼ်တင်းတပ်ႉလေႇဝိၼၼ်ႉ တၵ်းလႆႈၶီႇၸွမ်း ၵႃႈၼႂ်းၵႄႈဝူင်ႈၵၢင်တပ်ႉတင်းလၢႆဢေႃႈ။ၸွမ်းၵႃႈၼင်ႇဢၼ်ၶဝ်ၶျႃးတပ်ႉၼၼ်ႉလႄႈ ၵူၼ်းႁင်းၽႂ်ႁင်းမၼ်း တၵ်းလႆႈၶီႇၵႃႈၼႂ်းတီႈယူႇမၼ်းၸွမ်းလူၺ်ႈၵၼ်တင်းလၢမ်ႇၶဝ်ၼၼ်ႉဢေႃႈ။
၁၈ ၵႃႈတီႈၼႃႈဝၼ်းတူၵ်းၼၼ်ႉ ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ တၵ်းလႆႈမီးလၢမ်ႇတပ်ႉဢေႇၽရိမ်ႇလႄႈဢေႇလိသမႃႇ ဢၼ်ပဵၼ်လုၵ်ႈၸၢႆးဢမိႁုတ်ႉ ၼၼ်ႉတၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းဢေႇၽရိမ်ႇ ၸိူဝ်းၼၼ်ႉဢေႃႈ။မုၵ်ႉမၼ်းၸိူဝ်းမၼ်းဢၼ်ပဵၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်း မီး သီႇမိုၼ်ႇပၢႆႁႃႈပၢၵ်ႇဢေႃႈ။
၁၉ မဵဝ်းမၼႃႇသေႇတၵ်းလႆႈမီးၵႃႈတီႈႁိမ်းမၼ်းၼၼ်ႉလႄႈၵႃႇမလျေႇလ ဢၼ်ပဵၼ်လုၵ်ႈၸၢႆးပေႇတႃႇၸုရၼၼ်ႉတၵ်းလႆႈႁဵတ်းပူဝ်ႇၵႃႈ ၼႂ်းၵူၼ်းမဵဝ်းမၼႃႇသေႇၸိူဝ်းၼၼ်ႉဢေႃႈ။
၂၀ မုၵ်ႉမၼ်းၸိူဝ်းမၼ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်းမီးသၢမ်မိုၼ်ႇသွင်ႁဵင်ပၢႆသွင်ပၢၵ်ႇဢေႃႈ။
၂၁ လိုၼ်းၼၼ်ႉ မဵဝ်းပိၼ်ႇယႃႇမိၼ်ႇတၵ်းလႆႈၶျႃးတီႈယူႇလႄႈဢၽိတၼ်ႇ ဢၼ်ပဵၼ်လုၵ်ႈၸၢႆး ၵိတေႃႇၼိၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းပိၼ်ႇယႃႇ မိၼ်ႇၸိူဝ်းၼၼ်ႉဢေႃႈ။
၂၂ မုၵ်ႉမၼ်းၸိူဝ်းမၼ်းဢၼ်ပဵၼ်ၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉ ၸမ်းမီးသၢမ်မိုၼ်ႇႁႃႈႁဵင်ပၢႆသီႇပၢၵ်ႇဢေႃႈ။
၂၃ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇဢၼ်ၸၢပ်ႈသႅင်ႇၵၼ်တင်းတပ်ႉဢေႇၽရိမ်ႇ တင်းသဵင်ႈတင်းလူင်ၼၼ်ႉၸမ်း ၸွမ်းလူၺ်ႈမုၵ်ႉၶဝ်ၸိူဝ်းၶဝ်ၼၼ်ႉမီးသႅၼ် ပႅတ်ႇႁဵင်ပၢႆပၢၵ်ႇၼိုင်ႈဢေႃႈ။
၂၄ ၶဝ်ၸိူဝ်းၼႆႉတၵ်းလႆႈၶီႇတပ်ႉတတိယၼၼ်ႉဢေႃႈ။
၂၅ ၵႃႈတီႈတၢင်းႁွင်ႇၼၼ်ႉ ၸွမ်းလူၺ်ႈမုၵ်ႉၶဝ်ၸိူဝ်းၶဝ်ၼၼ်ႉလႄႈတၵ်းလႆႈမီးလၢမ်ႇတပ်ႉတၼ်ႇလႄႈ ဢႁေႇၸႃႇဢၼ်ပဵၼ်လုၵ်ႈၸၢႆးဢမိသတ်ႉတေႇ ၼၼ်ႉတၵ်းလႆႈႁဵတ်းပူဝ်ႇ ၵႃႈၼႂ်းၵူၼ်းမဵဝ်းတၼ်ႇ ၸိူဝ်းၼၼ်ႉ ဢေႃႈ။
၂၆ မုၵ်ႉမၼ်းၸိူဝ်းမၼ်းဢၼ်ပဵၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်း မီးႁူၵ်း မိုၼ်ႇသွင်ႁဵင်ပၢႆၸဵတ်းပၢၵ်ႇဢေႃႈ။
၂၇ ၶဝ်ၸိူဝ်းဢၼ်ၶျႃးတပ်ႉယူႇၵႃႈတီႈႁိမ်းမၼ်းၼၼ်ႉတၵ်းလႆႈပဵၼ်မဵဝ်းဢႃႇသႃႇလႄႈ ပႃႇၵျေႇလဢၼ်ပဵၼ်လုၵ်ႈၸၢႆးဢွၵ်ႇရၢၼ်ႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းဢႃႇသႃႇၸိူဝ်းၼၼ်ႉဢေႃႈ။
၂၈ မုၵ်ႉမၼ်းၸိူဝ်းမၼ်းဢၼ်ပဵၼ်ၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်းမီးသီႇမိုၼ်ႇႁဵင်ၼိုင်ႈပၢႆႁႃႈပၢၵ်ႇဢေႃႈ။
၂၉ လိုၼ်းၼၼ်ႉ မဵဝ်းၼပ်ႉထလိတၵ်းလႆႈၶျႃးတီႈယူႇလႄႈဢႁိရဢၼ်ပဵၼ်လုၵ်ႈၸၢႆးဢေႇၼၼ်ႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းၼပ်ႉထလိ ၸိူဝ်းၼၼ်ႉ ဢေႃႈ။
၃၀ မုၵ်ႉမၼ်းၸိူဝ်းမၼ်းဢၼ်ပဵၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်း မီးႁႃႈ မိုၼ်ႇသၢမ်ႁဵင်ပၢႆသီႇပၢၵ်ႇဢေႃႈ။
၃၁ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ဢၼ်ၸၢပ်ႈသႅင်ႇၵၼ်တင်းတပ်ႉတၼ်ႇတင်းသဵင်ႈတင်းလူင်ၼၼ်ႉၸမ်း မီးသႅၼ်ႁႃႈမိုၼ်ႇၸဵတ်းႁဵင်ပၢႆႁူၵ်းပၢၵ်ႇဢေႃႈ။ၶဝ်ၸိူဝ်းၼႆႉၸွမ်းလူၺ်ႈၵၼ်တင်းလၢမ်ႇၶဝ်ၼၼ်ႉလႄႈတၵ်းလႆႈၶီႇသိုၵ်းလိုၼ်းလင်သုတ်းပိူၼ်ႈဢေႃႈ။
၃၂ ၶဝ်ၸိူဝ်းၼႆႉၸမ်း ပဵၼ်ၶဝ်ၸိူဝ်းဢၼ်ၸွမ်းလူၺ်ႈမဵဝ်းပူႇမဵဝ်းပေႃႈၶဝ်သေလႄႈလႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းၵူၼ်းမဵဝ်းဢိသရေႇလ တင်းလၢႆဢေႃႈ။ၶဝ်ၸိူဝ်းဢၼ်ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၵႃႈၼႂ်းတပ်ႉၸိူဝ်းၼၼ်ႉတင်းသဵင်ႈတင်းလူင်ၼၼ်ႉၸမ်း မီးႁူၵ်း သႅၼ်သၢမ်ႁဵင်ႁႃႈပၢၵ်ႇပၢႆႁႃႈသိပ်းဢေႃႈ။
၃၃ ၵူၺ်းၵႃႈၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇ ၼၼ်ႉၵူၼ်းမဵဝ်းလေႇဝိ တင်းလၢႆဢမ်ႇၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးလူၺ်ႈၵၼ်တင်းၵူၼ်းမဵဝ်းဢိသရေႇလၸိူဝ်းၼၼ်ႉ။ၵူၼ်းမဵဝ်းဢိသရေႇလတင်းလၢႆဢွၼ်ၵၼ်ႁဵတ်းၼင်ႇၼၼ်ဢေႃႈ။
၃၄ ၶဝ်ဢွၼ်ၵၼ်ႁဵတ်းၸွမ်း ၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇၼၼ်ႉလႄႈ ၶျႃးတီႈယူႇၶဝ်ၵႃႈတီႈႁိမ်းလၢမ်ႇၶဝ်ယူႇ၊ၶီႇဢွၵ်ႇၵႂႃႇယူႇၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် ဢိၵ်ႇတင်းမဵဝ်းပူႇမဵဝ်းပေႃႈၶဝ်ႁင်းၽႂ်ႁင်းမၼ်းၼၼ်ႉဢေႃႈ။