Chapter
၅
တိူၵ်ႈပတိၺိၼ်ႇၸဝ်ႈတီႈဝဵင်းဢႃႇၸုတ်ႉ
၁ ၵူၼ်းၽိလိတ်ႉတိၸိူဝ်းၼၼ်ႉဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈဢွၵ်ႇသေၵႃႈၼႂ်းဝဵင်းဢေႇပၼေႇၸႃႇၵႂႃႇၸူးၵႃႈတီႈဝဵင်းဢႃႇၸုတ်ႉဢေႃႈ။
၂ ၵူၼ်းၽိလိတ်ႉတိၸိူဝ်းၼၼ်ႉဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈသူင်ႇႁွတ်ႈၵႃႈၼႂ်းပိၵ်ႉမၢၼ်ႇတႃႇၵုၼ်ႇလႄႈဢဝ်ဝႆႉၵႃႈႁိမ်းတႃႇၵုၼ်ႇၼၼ်ႉဢေႃႈ။
၃ မိူဝ်ႈဢၼ်ၵူၼ်းဝဵင်းဢႃႇၸုတ်ႉၸိူဝ်းၼၼ်ႉလုၵ်ႉၶိင်ႇၵၢင်ၼႂ်ၸဝ်ႉၸဝ်ႉၼၼ်ႉၸိုင်ၶဝ်ထူပ်းႁၼ်တႃႇၵုၼ်ႇၼၼ်ႉလူမ်ႉဢူပ်ႇပူပ်ႇၵႃႈၼိူဝ်လိၼ်ၵႃႈတီႈၽၢႆႇၼႃႈတိူၵ်ႈပတိၺိၼ်ႇထႃႇဝရႃႉၽြႃးၼၼ်ႉဢေႃႈ။ၶဝ်သမ်ႉဢွၼ်ၵၼ်ဢဝ်တႃႇၵုၼ်ႇၼၼ်ႉၶိုၼ်းတၢင်ႇဝႆႉၵႃႈၼိူဝ်တီႈယူႇမၼ်းဢေႃႈ။
၄ လၢႆးသမ်ႉမိူဝ်ႈဢၼ်ၶဝ်လုၵ်ႉၶိင်ႇၵၢင်ၼႂ်ၸဝ်ႉၸဝ်ႉဝၼ်းမိူဝ်ႈၽုၵ်ႈၼၼ်ႉၸိုင်ၶဝ်ထူပ်းႁၼ်တႃႇၵုၼ်ႇၼၼ်ႉလူမ်ႉဢူပ်ႇပူပ်ႇၵႃႈၼိူဝ်လိၼ်ၵႃႈတီႈၽၢႆႇၼႃႈတိူၵ်ႈပတိၺိၼ်ႇထႃႇဝရႃႉၽြႃးယူႇဢေႃႈ။ၵွၵ်းႁူဝ်မၼ်းတင်းၶႅၼ်မိုဝ်းမၼ်းသွင်ၶွၼ်ၵေႃႈၶၢတ်ႇဝႆႉလႄႈတၢင်ႇဝႆႉၵႃႈၼိူဝ်ၶူင်ႇၽၵ်းတူယူႇဢေႃႈ။
၅ တူဝ်မၼ်းၵူၺ်းၸပ်းၵၼ်ဝႆႉဢေႃႈ။ၵွပ်ႈပိူဝ်ႈၸိူဝ်ႉၼင်ႇၼၼ်လႄႈတေႃႇထိုင်ႁွတ်ႈဝၼ်းမိူဝ်ႈၼႆႉယိတ်ႉပရေႃးႁိၵ်ႈသေဢမ်ႇဝႃႈၶဝ်ၸိူဝ်းဢၼ်ၶဝ်ႈၵႃႈၼႂ်းပိၵ်ႉမၢၼ်ႇတႃႇၵုၼ်ႇၼၼ်ႉသေဢမ်ႇဝႃႈ၊ၶဝ်မီးထုင်းၸၢမ်ႇဢၼ်ဢမ်ႇယဵပ်ႇဢမ်ႇၶၢမ်ႈၶူင်ႇၽၵ်းတူပိၵ်ႉမၢၼ်ႇတႃႇၵုၼ်ႇဢၼ်မီးၵႃႈတီႈဝဵင်းဢႃႇၸုတ်ႉၼၼ်ႉ။
၆ မိူဝ်ႈထႃႇထႃႇဝရႃႉၽြႃးတဵၵ်းသႂ်ႇတဵင်သႂ်ၵႃႈၼိူဝ်ၶဝ်ၸိူဝ်းဢၼ်ယူႇၵႃႈတီႈဝဵင်းဢႃႇၸုတ်ႉၼၼ်ႉၼၵ်းၼႃလူင်လၢင်သေလႄႈမၼ်းၸဝ်ႈယႃႉၽဵဝ်ႈၶဝ်ပႅတ်ႈလႄႈဢဝ်တင်းမိင်းသရိူၵ်ႈပၼ်တၢမ်ႇတီႈၶဝ်ၸိူဝ်းဢၼ်ယူႇၵႃႈတီႈဝဵင်းဢႃႇၸုတ်ႉတင်းဢိူင်ႇဝဵင်းၼၼ်ႉဢေႃႈ။
၇ ၵူၼ်းဝဵင်းဢႃႇၸုတ်ႉၸိူဝ်းၼၼ်ႉႁၼ်လွင်ႈဢၼ်ပဵၼ်ၸိူဝ်ႉၼင်ႇၼၼ်သေယဝ်ႉလၢတ်ႈလႄႈဝႃႈ၊-တိူၵ်ႈပတိၺိၼ်ႇၽြႃးပဵၼ်ၸဝ်ႈမဵဝ်းဢိသရေႇလၶဝ်ၼၼ်ႉဢမ်ႇလႆႈမီးၵႃႈတီႈႁဝ်း။
၈ ၵွပ်ႈပိူဝ်ႈမိူဝ်ႈမၼ်းၸဝ်ႈတၢင်ႇသႂ်ႇတဵင်သႂ်ႇၵႃႈၼိူဝ်ႁဝ်းဢိၵ်ႇတင်းၵႃႈၼိူဝ်ၽြႃးတႃႇၵုၼ်ႇႁဝ်းၼၼ်ႉၼၵ်းၼႃႇလူင်လၢင်ၼၼ်ႉဢေႃႈ၊ဝႃႈၼင်ႇၼႆသေလႄႈၶဝ်ပွႆႇၸႂ်ႉလႄႈႁႂ်ႈၶုၼ်ၽိလိတ်ႉတိတင်းသဵင်ႈတင်းလူင်ၸူႉၵၼ်တုမ်ၵၼ်သေယဝ်ႉတွင်ႈထၢမ်လႄႈဝႃႈ၊-တၵ်းလႆႈဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈမဵဝ်းဢိသရေႇလၼၼ်ႉႁဵတ်းၸိူဝ်ႉၼင်ႇႁိုဝ်၊ဝႃႈၼင်ႇၼႆဢေႃႈ။ၶဝ်ၵေႃႈဢွၼ်ၵၼ်ၶိုၼ်းလၢတ်ႈလႄႈဝႃႈ၊-ႁႂ်ႈဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈမဵဝ်းဢိသရေႇလၼၼ်ႉၵႂႃႇဝႆႉၵႃႈတီႈဝဵင်းၵႃႇသပုၼ်ႉသေ၊ဝႃႈၼင်ႇၼႆလႄႈၶဝ်ဢွၼ်ၵၼ်ဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈမဵဝ်းဢိသရေႇလၵႂႃႇဢေႃႈ။
၉ လိုၼ်းသေဢၼ်ၶဝ်ဢဝ်ၵႂႃႇဝႆႉၼၼ်ႉယဝ်ႉၼၼ်ႉမိူဝ်ႈထႃႇဝရႃႉၽြႃးႁဵတ်းတၢင်းဢၼ်ယႃႉၽဵဝ်ႈပႅတ်ႈဢၼ်ယႂ်ႇၼႃႇတီႈဝဵင်းၼၼ်ႉလႄႈမၼ်းၸဝ်ႈပၼ်တၢမ်ႇတီႈၵူၼ်းၶုၵုၼ်ႇဝဵင်းလဵၵ်ႉလဵၵ်ႉယႂ်ႇယႂ်ႇသေယဝ်ႉၶဝ်ၼၼ်ႉလႆႈၶၢမ်ႇတၢင်းဢၼ်မႅင်းသရိူၵ်ႈယႃႉၵဝ်းၶဝ်ဢေႃႈ။
၁၀ လၢႆးသမ်ႉၶဝ်ဢွၼ်ၵၼ်ဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈၵႂႃႇသူင်ႇၵႃႈတီႈဝဵင်းဢေႇၵုၼ်ႇလႄႈမိူဝ်ႈဢၼ်တိူၵ်ႈပတိၺိၼ်ႇၽြႃးပဵၼ်ၸဝ်ႈႁွတ်ႈထိုင်ၵႃႈတီႈဝဵင်းဢေႇၵုၼ်ႇၼၼ်ႉၵူၼ်းဝဵင်းဢေႇၵုၼ်ႇဢွၼ်ၵၼ်ႁွင်ႉသႅၼ်ႇလႄႈဝႃႈ၊-ၶဝ်ဢွၼ်ၵၼ်ဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈမဵဝ်းဢိသရေႇလမႃးႁႂ်ႈလႆႈဢဝ်ႁဝ်းဢိၵ်ႇတင်းၵူၼ်းႁဝ်းတင်းလၢႆတၢႆယဝ်ႉလူင်ပေႇ၊ဝႃႈၼင်ႇၼႆသေယဝ်ႉ၊ၶဝ်ႁွင်ႉဢဝ်ၶုၼ်ၽိလိတ်ႉတိတင်းသဵင်ႈတင်းလူင်ၸူႉၵၼ်တုမ်ၵၼ်လႄႈလၢတ်ႈဝႃႈ၊-
၁၁ ဢဝ်တိူၵ်ႈပတိၺိၼ်ႇၽြႃးပဵၼ်ၸဝ်ႈမဵဝ်းဢိသရေႇလၼၼ်ႉၵႂႃႇႁႂ်ႈမၼ်းၶိုၼ်းၵႂႃႇၸူးၵႃႈတီႈဢၼ်မၼ်းယူႇၼၼ်ႉသေၵမ်း။ယႃႇပေႁႂ်ႈမၼ်းလႆႈဢဝ်ႁဝ်းဢိၵ်ႇတင်းၵူၼ်းႁဝ်းတင်းလၢႆတၢႆသေၵမ်း၊ဝႃႈၼင်ႇၼႆဢေႃႈ။လွင်ႈမၼ်းၸမ်းတၢင်းၶႆႈတၢင်းပဵၼ်ဢၼ်ၸၢင်ႊႁႂ်ႈတၢႆၼၼ်ႉၸွတ်ႇတူဝ်ႈၵႂႃႇၵႃႈၼႂ်းဝဵင်းတင်းဝဵင်းၼၼ်ႉလႄႈမိုဝ်းၽြႃးပဵၼ်ႈၸဝ်ႈပဵၼ်ဢၼ်ၼၵ်းၼႃႇလူင်လၢင်ၵႃႈတီႈၼၼ်ႉဢေႃႈ။
၁၂ ၶဝ်ၸိူဝ်းဢၼ်ဢမ်ႇတၢႆၼၼ်ႉလႆႈၶၢမ်ႇတၢမ်ႇတၢင်းၶႆႈတၢင်းပဵၼ်မႅင်းသရိူၵ်ႈလႄႈသဵင်ၵူၼ်းဝဵင်းႁွင်ႉသႅၼ်ႇၼၼ်ႉၶိုၼ်ႈႁွတ်ႈထိုင်ၵႃႈၼိူဝႃ်ႉၵၢင်ႁၢဝ်ဢေႃႈ။