Chapter
၃၁
သေႃးလုဢဝ်တူဝ်ၸဝ်ႈၵဝ်ႇတၢႆ
၁ မိူဝ်ႈၼၼ်ႉၵူၼ်းၽိလိတ်ႉတိၸိူဝ်းၼၼ်ႉတိုၵ်းၵၼ်တင်းၵူၼ်းမဵဝ်းဢိသရေႇလတင်းလၢႆလႄႈၵူၼ်းမဵဝ်းဢိသရေႇလၸိူဝ်းၼၼ်ႉဢွၼ်ၵၼ်ဢွၵ်ႇပၢႆႈၵႃႈတီႈၽၢႆႇၼႃႈၵူၼ်းၽိလိတ်ႉတိၸိူဝ်းၼၼ်ႉသေလႄႈလူမ်ႉတၢႆၵႃႈၼိူဝ်လွႆၵိလပေႃႇဢေႃႈ။
၂ ၵူၼ်းၽိလိတ်ႉတိၸိူဝ်းၼၼ်ႉလိုပ်ႈၸွမ်းလမ်းၸွမ်းသေႃးလုဢိၵ်ႇတင်းလုၵ်ႈၸၢႆးမၼ်းတင်းလၢႆႁႅင်းယႂ်ႇၼႃႇလူင်လၢင်လႄႈၵူၼ်းၽိလိတ်ႉတိၸိူဝ်းၼၼ်ႉဢဝ်ယေႃးၼသၼ်ႇ၊ဢၽိၼတပ်ႉ၊မေႇလၶိသႂႃႉ၊လုၵ်ႈၸၢႆးသေႃးလုၸိူဝ်းၼၼ်ႉတၢႆဢေႃႈ။
၃ သိုၵ်းၼၼ်ႉပဵၼ်ဢၼ်ႁႅင်းၼႃႇႁိမ်းႁွမ်းသေႃးလုလႄႈမိူဝ်ႈဢၼ်ၵူၼ်းမေႃၵၢင်ႇၸိူဝ်းၼၼ်ႉၶိုတ်းမၼ်းမႃးလႄႈယိုင်းတိူဝ်ႉမႅၼ်ႈမၼ်းသေယဝ်ႉမၼ်းၸမ်တၵ်းတၢႆဢေႃႈ။
၄ သေႃးလုလၢတ်ႈတီႈၵူၼ်းဢွၼ်ဢၼ်ပႃးလၢၵ်ႈၼၢၵ်ႈမၼ်းၼၼ်ႉလႄႈဝႃႈ၊-မႂ်းထွတ်ႇဢဝ်လၢပ်ႇမႂ်းသေလႄႈတႅင်းၵဝ်ပွင်ႇတႃႉ။ပေႃးဢမ်ႇၼၼ်ၵူၼ်းဢၼ်ဢမ်ႇၶၢမ်ႇမၢင်ႇၵလႃႇထိူဝ်ႁိမ်းၸိူဝ်းၼၼ်ႉတၵ်းမႃးႁဵတ်းမိူၵ်ႇတေႃႇၵဝ်လႄႈဢဝ်ၵဝ်တၢႆဢိူဝ်ႈ၊ဝႃႈၼင်ႇၼႆသေၵေႃႈၵူၼ်းဢွၼ်ႇဢၼ်ပႃးလၢၵ်ႈၼၢၵ်ႈမၼ်းၼၼ်ႉဢမ်ႇႁတ်းႁဵတ်း။ၵမ်းၼၼ်ႉသေႃးလုၵေႃႈတိုတ်ႉထွတ်ႇဢဝ်လၢပ်ႇတူဝ်ၸဝ်ႈၵဝ်ႇလႄႈဢဝ်တူဝ်ၸဝ်ႈၵဝ်ႇတၢႆသေဢေႃႈ။
၅ မိူဝ်ႈဢၼ်ၵူၼ်းဢွၼ်ႇဢၼ်ပႃးလၢၵ်ႈၼၢၵ်ႈမၼ်းၼၼ်ႉႁၼ်လွင်ႈဢၼ်သေႃးလုတၢႆယဝ်ႉၼၼ်ႉၸိုင်မၼ်းၵေႃႈဢဝ်တူဝ်ၸဝ်ႈၵဝ်ႇတၢႆလူၺ်ႈၵၼ်တင်းသေႃးလုၼၼ်ႉဢေႃႈ။
၆ ၼင်ႇၼၼ်လႄႈၸႃႉၸဵမ်သေႃးလုလႄႈလုၵ်ႈၸၢႆးမၼ်းသၢမ်ၵေႃႉ၊ၵူၼ်းဢၼ်ပႃးလၢၵ်ႈၼၢၵ်ႈမၼ်းတင်းၵူၼ်းမၼ်းၸိူဝ်းၼၼ်ႉတၢႆၼင်ႇၵၼ်ၼႂ်းဝၼ်းလဵဝ်ၼၼ်ႉဢေႃႈ။
ရမိူဝ်ႈဢၼ်ၵူၼ်းမဵဝ်းဢိသရေႇလဢၼ်ယူႇၵႃႈတီႈၽၢႆႇပုၼ်ႉပၢင်ႇႁူၺ်ႈဢိၵ်ႇတင်းၶဝ်ၸိူဝ်းဢၼ်မီးၵႃႈတီႈၽၢႆႇပုၼ်ႉၼမ်ႉႁွင်ႈႊယေႃးတၢၼ်ႇၸိူဝ်းၼၼ်ႉလႆႈႁၼ်လွင်ႈဢၼ်သေႃးလုတင်းလုၵ်ႈၸႆးမၼ်းတၢႆယဝ်ႉလႄႈၵူၼ်းမဵဝ်းဢိသရေႇလၶဝ်ဢွၼ်ၵၼ်ဢွၵ်ႇပၢႆယဝ်ႉၼၼ်ႉၸိုင်ၶဝ်ၵေႃႈပႅတ်ႈဝၢၼ်ႈပဵတ်ႈဝဵင်းၶဝ်သေယဝ်ႉဢွၵ်ႇပၢႆဢေႃႈ။
၈ ၵူၼ်းၽိလိတ်ႉတိၸိူဝ်းၼၼ်ႉၵေႃႈမႃးလႄႈသိမ်းဢဝ်ဝၢၼ်ႈဝဵင်းၸိူဝ်းၼၼ်ႉဢေႃႈ။ဝၼ်းမိူဝ်ႈၽုၵ်ႉမိူဝ်ႈဢၼ်ၵူၼ်းၽိလိတ်ႉတိၸိူဝ်းၼၼ်ႉမႃးႁႂ်ႈလႆႈၵဵပ်းတူဝ်တၢႆၸိူဝ်းၼၼ်ႉၸိုင်ၶဝ်ထူပ်းႁၼ်သေႃးလုဢိၵ်ႇတင်းလုၵ်ႈၸၢႆးမၼ်းသၢမ်ၵေႃႉလူမ်ႉတၢႆယူႇၵႃႈၼိူဝ်လွႆၵိလပေႃႇယဝ်ႉၼၼ်ႉဢေႃႈ။
၉ ၶဝ်တႅပ်းဢဝ်ၵွၵ်းႁူဝ်သေႃးလုလႄႈထွတ်ႇဢဝ်လၢၵ်ႈၼၢၵ်ႈမၼ်းသေယဝ်ႉပွႆႇၸႂ်ႉၽူႈပိုၼ်ၶၢဝ်ႇတၢင်းလၢႆၵႂႃႇႁႂ်ႈလႆႈပိုၼ်ၶၢဝ်ႇၵႃႈတီႈမိူင်းၽိလိတ်ႉတိၵူႈတီႈၵူႈလႅၼ်တင်းၵႃႈၼႂ်းၵျွင်းရုၵ်ႉထူႉၶဝ်ၸိူဝ်းၼၼ်ႉဢေႃႈ။
၁၀ ၶဝ်ဢဝ်လၢၵ်ႈၼၢၵ်ႈမၼ်းဝႆႉၵႃႈၼႂ်းၵျွင်းဢႃႇသႃႉတရိၵ်ႉၼၼ်ႉသေယဝ်ႉဢဝ်တူဝ်တၢႆမၼ်းႁွႆႈဝႆႉၵႃႈတီႈလမ်းဝဵင်းပိတ်ႉသၼ်ႇဢေႃႈ။
၁၁ မိူဝ်ႈဢၼ်ၵူၼ်းဝဵင်းယႃႇပိတ်ႉ၊မိူင်းၵိလတ်ႉ၊ၸိူဝ်းၼၼ်ႉငိၼ်းလွင်ႈတၢင်းဢၼ်ၵူၼ်းၽိလိတ်ႉတိၶဝ်ႁဵတ်းတီႈသေႃးလုၼၼ်ႉၸိုင်ၵူၼ်းႁတ်းၵူၼ်းႁၢၼ်
၁၂ ၶဝ်ၵႃႈမီးၸိူဝ်းၼၼ်ႉမိူဝ်ႈၶိင်ႇၵၢင်ၶိုၼ်းဢွၼ်ၵၼ်ၵႂႃႇသေယဝ်ႉပူတ်းဢဝ်တူဝ်တၢႆသေႃးလုတင်းတူဝ်တၢႆလုၵ်ႈၸၢႆးမၼ်းၸိူဝ်းၼၼ်ႉလူင်းသေၵႃႈတီႈလမ်းဝဵင်းပိတ်ႉသၢၼ်ႇသေယဝ်ႉဢဝ်ၵႂႃႇၵႃႈတီႈဝဵင်းယႃႇပိတ်ႉလႄႈတုတ်ႇၽႆးပႅတ်ႈဢေႃႈ။
၁၃ ၶဝ်ဢွၼ်ၵၼ်ဢဝ်လုပ်ႇၶဝ်ၼၼ်ႉသေလႄႈသၢင်းၵျူဝ်ႇၵႃႈတီႈတႂ်ႈတူၼ်ႈမႆႉၵႃႈၼႂ်းဝဵင်းယႃႇပိတ်ႉသေယဝ်ႉ၊ၶဝ်ၵမ်တၢင်းၵိၼ်ၸဵတ်းဝၼ်းတဵမ်တဵမ်ဢေႃႈ။