Chapter
၈
ၸေႇၽႁတင်းၸႃႇလမုၼ်ႇၼ
၁ ၵူၼ်းဢေႇၽရိမ်ႇ ၸိူဝ်းၼၼ်ႉလၢတ်ႈတီႈမၼ်းလႄႈဝႃႈ၊-ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈယင်း ဢမ်ႇႁွင်ႉဢဝ်ႁဝ်းၶႃႈ မိူဝ်ႈဢၼ်ၸဝ်ႈၵႂႃႇတိုၵ်းၵူၼ်းမိတျၢၼ်ႇၸိူဝ်းၼၼ်ႉလႄႈ ႁဵတ်းတီႈႁဝ်းၶႃႈ ၸိူဝ်ႉၼင်ႇၼႆၶႃႈ၊ဝႃႈၼႆလႄႈ တၢင်ႇဢပျႅတ်ႈတီႈမၼ်းၼႃႇလူင်လၢင်ဢေႃႈ။
၂ မၼ်းၵေႃႈၶိုၼ်းလၢတ်ႈတီႈၶဝ်လႄႈဝႃႈ၊- ဢၼ်ၵဝ်ႁဵတ်းယဝ်ႉၸိူဝ်းၼၼ်ႉ မိူၼ်ၵၼ်တင်းဢၼ်သူ ႁဵတ်းၼၼ်ႉၸိူဝ်ႉၼင်ႇႁိုဝ်။တၢင်းဢၼ်ၵဵပ်းသိမ်းဢဝ်မၢၵ်ႇၸပိတ်ႉတီႈဢေႇၽရိမ်ႇၼၼ်ႉ လီတွၼ်းၼႃႇသေတၢင်းဢၼ်ၵဵပ်းသိမ်းဢဝ်မၢၵ်ႇၸပိတ်ႉ တီႈ ဢပျေႇ ၸႃႇၼၼ်ႉဢမ်ႇၸႂ်ႈႁိုဝ်။
၃ ၽြႃးပဵၼ်ၸဝ်ႈဢဝ်ၶုၼ်ပူဝ်ႇၶျူၵ်ႉမိတျၢၼ်ႇဢၼ်ပဵၼ်ဢေႃႇရၽ တင်း ၸေႇၽႁၼၼ်ႉဢၢပ်ႈပၼ်ၵႃႈၼႂ်းမိုဝ်းမႂ်းယဝ်ႉ။တၢင်းဢၼ်ၵဝ်ႁဵတ်းၼၼ်ႉ ႁႂ်ႈၸၢင်ႊတႅၵ်ႈၼိူင်းၵၼ်တင်းတၢင်းဢၼ်သူ ႁဵတ်းၼၼ်ႉသေဢိတ်း၊ဝႃႈၼင်ႇၼႆဢေႃႈ။မိူဝ်ႈဢၼ်ၶဝ်လႆႈငိၼ်းၵႂၢမ်းဢၼ်မၼ်းၶိုၼ်းလၢတ်ႈၸိူဝ်ႉ ၼင်ႇၼၼ်ၼၼ်ႉတင်းၸႂ်မႆႈၶႆႈၸႃႉၶဝ်ပျေႇၵႂႃႇဢေႃႈ။
၄ ၵိတိဢုၼ်ႇ ၼၼ်ႉႁွတ်ႈထိုင်ၵႃႈတီႈ ၼမ်ႉႁွင်ႊယေႃးတၢၼ်ႇ သေယဝ်ႉမၼ်းဢိၵ်ႇတင်းၵူၼ်းသၢမ်ပၢၵ်ႇဢၼ်မီးတီႈမၼ်းၸိူဝ်းၼၼ်ႉ ယၢပ်ႇၸႂ်ႁိူဝ်ႉၸႂ်ယူႇသေလႄႈ ဢွၼ်ၵၼ်ၶၢမ်ႈၼမ်ႉလိုပ်ႈလမ်း ၸွမ်းၵႂႃႇဢေႃႈ။
၅ မၼ်းယွၼ်းတီႈၵူၼ်းဝဵင်းသုၵူတ်ႉ တင်းလၢႆလႄႈဝႃႈ၊-ပၼ်ၶဝ်ႈမုၼ်း တီႈၶဝ်ၸိူဝ်းဢၼ်ၸွမ်းလင်ၵဝ်ၸိူဝ်းၼႆႉသေၵမ်း။ၶဝ်ၼႆႉယၢပ်ႇၸႂ်ႁိူဝ်ႉၸႂ်ၼႃႇယဝ်ႉ။မိူဝ်ႈလဵဝ်ၼႆႉၵဝ်ၸွမ်းႁႃၸေႇၽႁ တင်း ၸႃႇလမုၼ်ႇၼ ဢၼ်ပဵၼ်ၶုၼ်လူင်မိတျၢၼ်ႇၸိူဝ်းၼၼ်ႉဢေႃႈ၊ဝႃႈၼင်ႇၼႆလႄႈ ၶုၼ်ဝဵင်းသုၵုတ်ႉ ၸိူဝ်းၼၼ်ႉၶိုၼ်းလၢတ်ႈလႄႈ ဝႃႈ၊-
၆ ၵွပ်ႈပိူဝ်ႈလွင်ႈတၢင်းၸိူဝ်ႉၼင်ႇႁိုဝ်လႄႈႁဝ်းတၵ်းလႆႈပၼ်ၶဝ်မုၼ်းတီႈပူဝ်ႇပႃႇၵူၼ်းသိုၵ်းမႂ်း။ၸေႇၽႁတင်းၸႃႇလမုၼ်ႇၼ ၼၼ်ႉတူၵ်းၼႂ်းမိုဝ်းမႂ်းယဝ်ႉႁိုဝ်၊ ဝႃႈၼင်ႇၼႆသေဢေႃႈ။
၇ ၵိတိဢုၼ်ႇၵေႃႈလၢတ်ႈလႄႈဝႃႈ၊- ပေႃးပဵၼ်ၼင်ႇၼၼ်ၸိုင်မိူဝ်ႈဢၼ်ထႃႇဝရႃႉၽြႃးဢဝ်ၸေႇၽတင်းၸႃႇလမုၼ်ႇၼ ဢၢပ်ႈပၼ်ၵႃႈၼႂ်းမိုဝ်းၵဝ်ၼၼ်ႉၵဝ်တၵ်းဢဝ်တင်းတူၼ်ႈၼၢမ်ထိူၼ်ႇ ဢိၵ်ႇတင်း တူၼ်ႈၼၢမ်လိၼ်ပေႃႉယႅၼ်ႉလင်သူ ႁႂ်ႈပေႃးတႅၵ်ႇပေႃးလႅဝ်ဢေႃႈ၊ဝႃႈၼင်ႇၼႆသေယဝ်ႉ၊
၈ လုၵ်ႉသေၵႃႈတီႈၼၼ်ႉ ၶိုၼ်ႈၸူးၵႃႈတီႈဝဵင်းပေႇၼုၺ်ႇလလႄႈ သမ်ႉယွၼ်းတီႈၶဝ်ၼၼ်ႉၸိူဝ်ႉ ၼင်ႇၼၼ်သေၵေႃႈၵူၼ်းဝဵင်းပေႇၼုၺ်ႇလ ၸိူဝ်းၼၼ်ႉၶိုၼ်းလၢတ်ႈမိူၼ်ၸိူဝ်ႉၼင်ႇဢၼ်ၵူၼ်းဝဵင်းသုၵုတ်ႉ လၢတ်ႈၼၼ်ႉ ဢေႃႈ။
၉ မၼ်းၵေႃႈလၢတ်ႈတီႈၵူၼ်းဝဵင်းပေႇၼုၺ်ႇလၸိူဝ်းၼၼ်ႉလႄႈဝႃႈ၊-မိူဝ်ႈဢၼ်ၵဝ်ပႄႉလႄႈၶိုၼ်ႈမႃးၼၼ်ႉ ၵဝ်တၵ်းၵိူၼ်ႇယႃႉပႅတ်ႈလမ်းမိူင်းတိုၵ်းသိုၵ်းၼႆႉပႅတ်ႈဢေႃႈ၊ဝႃႈၼင်ႇၼႆဢေႃႈ။
၁၀ မိူဝ်ႈၼၼ်ႉၸေႇၽႁတင်းၸႃႇလမုၼ်ႇၼ ပႃးဢဝ်ပူဝ်ႇပႃႇၵူၼ်းသိုၵ်းမိုၼ်ႇပၢႆႇႁႃႈႁဵင်ၸမ်ၸမ် ဢၼ်ပဵၼ်ၵႃႈဢၼ်ၵိုတ်းဢၼ်ၵျၢၼ်ႇ ၵႃႈၼႂ်းၵူၼ်းၼႃႈဝၼ်းဢွၵ်ႇတင်းသဵင်ႈတင်းလူင်ၼၼ်ႉသေလႄႈမီးယူႇၵႃႈတီႈဝဵင်းၵႃႇၵေႃႇဢေႃႈ။ၵူၼ်းၶဝ်ဢၼ်ယိပ်းၵမ်လၢပ်ႇၸိူဝ်းၼၼ်ႉလူမ်ႉတၢႆပႅတ်ႈသႅၼ်ပၢႆသွင်မိုၼ်ႇယဝ်ႉဢေႃႈ။
၁၁ ၵိတိဢုၼ်ႇ ၶီႇသိုၵ်းၵႂႃႇၸူးသဵၼ်ႈတၢင်းၶဝ်ၸိူဝ်းဢၼ်ယူႇၵႃႈၼႂ်းသုမ်ႉထဵင်ၽၢႆႇဝၼ်းဢွၵ်ႇဝဵင်း ၼေႃႇပႃႇတင်းဝဵင်းယုပ်ႉပေႇႁ ၼၼ်ႉလႄႈတိုၵ်းတေႃးယႃႉပႅတ်ႈပူဝ်ႇပႃႇၵူၼ်းသိုၵ်းတင်းလၢႆဢၼ် ဢမ်ႇၽၢင်ႉလႄႈ ယူႇၼၼ်ႉဢေႃႈ။
၁၂ ၸေႇၽႁတင်းၸႃႇလမုၼ်ႇၼ ၵေႃႈဢွၵ်ႇပၢႆႈလႄႈ မၼ်းလိုပ်ႈၸွမ်းလမ်းၸွမ်းလႄႈ တီႉလႆႈၸေႇၽႁ တင်းၸႃႇလမုၼ်ႇၼၶုၼ်လူင်မိတျၢၼ်ႇသွင်ပႃးၼၼ်ႉသေယဝ်ႉ ယႃႉပူဝ်ႇပႃႇၵူၼ်း သိုၵ်းၸိူဝ်းၼၼ်ႉပႅတ်ႈဢေႃႈ။
၁၃ ၵိတိဢုၼ်ႇလုၵ်ႈၸၢႆးယေႃႇသ ၼၼ်ႉလုၵ်ႉသေၵႃႈတီႈဢၼ်တိုၵ်းသိုၵ်းၶိုၼ်းမႃး သဵၼ်ႈတၢင်းလွႆဢၼ်ၶိုၼ်ႈၵႃႈတီႈႁေႇၶႃႇရိတ်ႉလႄႈတီႉလႆႈၵူၼ်းဢွၼ်ႇၵူၼ်း ဝဵင်းသုၵုတ်ႉၵေႃႉၼိုင်ႈသေယဝ်ႉ
၁၄ ၸႅတ်ႈထၢမ်လႄႈ ၵေႃႉၼၼ်ႉတႅမ်ႈမၢႆၸိုဝ်သဵင်ၶုၼ်သုၵုတ်ႉ ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၶဝ် ၸဵတ်းပၢၵ်ႇပၢႆၸဵတ်းၵေႃႉ လႄႈပၼ်တီႈမၼ်းဢေႃႈ။
၁၅ မၼ်းၵေႃႈမႃးၸူးၵႃႈတီႈၵူၼ်းသုၵုတ်ႉၸိူဝ်းၼၼ်ႉလႄႈဝႃႈ၊-ဢွၼ်ၵၼ်တူၺ်းၸေႇၽႁတင်း ၸႃႇလမုၼ်ႇၼ ဢၼ်သူဢဝ်ၶဝ်လႄႈသေႉသွမ်းၵဝ်ဝႃႈ၊-လွင်ႈၼင်ႇႁိုဝ်ႁဝ်းတၵ်းလႆႈပၼ်ၶဝ်ႈမုၼ်းတီႈၵူၼ်းသိုၵ်းမႂ်း ဢၼ်ႁိူဝ်ႉၼူၼ်းၼႃႇတင်းလၢႆၵိၼ်ၼၼ်ႉ ၸွင်ႇၸေႇၽတင်းၸႃႇလမုၼ်ႇၼယင်းပေႃးမီးၵႃႈၼႂ်းမိုဝ်းမႂ်းယဝ်ႉႁိုဝ်၊ ဝႃႈၼင်ႇၼႆၼၼ်ႉ၊
၁၆ မၼ်းႁွင်ႉဢဝ် ၵူၼ်းဢၼ်ပဵၼ်ၵႄႇပဵၼ်ႁူဝ်ၵႃႈၼႂ်းဝဵင်းၼၼ်ႉၸိူဝ်းၼၼ်ႉမႃးလႄႈဢဝ်တင်းတူၼ်ႈၼၢမ်ထိူၼ်ႇ ဢိၵ်ႇတင်းတူၼ်ႈၼၢမ်လိၼ် သင်ႇသွၼ်သုင်း မႃႉၵူၼ်းဝဵင်းသုၵုတ်ႉၸိူဝ်း ၼၼ်ႉဢေႃႈ။
၁၇ လမ်းမိူင်းတီႈတိုၵ်းသိုၵ်းဝဵင်းပေႇၼုၺ်ႇလ ၼၼ်ႉၵေႃႈမၼ်းၵိူၼ်ႇယႃႉပႅတ်ႈလႄႈ ဢဝ်ၵူၼ်းဝဵင်း ၼၼ်ႉတင်းလၢႆ တၢႆဢေႃႈ။
၁၈ မိူဝ်ႈၼၼ်ႉမၼ်းတွင်ႉထၢမ်တီႈၸေႇၽႁ တင်းၸႃႇလမုၼ်ႇၼလႄႈဝႃႈ၊-ၶဝ်ၸိူဝ်းဢၼ်သူဢဝ်တၢႆၵႃႈၼႂ်းဝဵင်းတႃႇပေႃႇၼၼ်ႉပဵၼ်ၵူၼ်းၸိူဝ်ႉၼင်ႇႁိုဝ်၊ မိူဝ်ႈဢၼ် ဝႃႈၼင်ႇၼႆၸိုင်ၶဝ်ၼၼ်ႉၶိုၼ်းလၢတ်ႈလႄႈဝႃႈ၊-
၁၉ ၶဝ်ၵႃႈမီး ၼၼ်ႉပဵၼ်မိူၼ်ၸိူဝ်ႉၼင်ႇမူၼ်ၼင်ႇၸဝ်ႈႁဝ်းမီးႁၢင်ႊၽၢင်လုၵ်ႈၸၢႆးၶုုၼ်ႁေႃၶမ်း ၶႃႈဢေႃႈ၊ ဝႃႈၼင်ႇၼႆသေယဝ်ႉ မၼ်းၵေႃႈၶိုၼ်းလၢတ်ႈလႄႈဝႃႈ၊-ၶဝ်ပဵၼ်ၼွင်ႉၸၢႆးၵဝ်၊လုၵ်ႈၸၢႆးမေႈၵဝ်ဢိူဝ်း။ၸိူဝ်ႉၼင်ႇဢၼ်ထႃႇဝရႃႉၽြႃးဢသၢၵ်ႈလိပ်းယူႇၼၼ်ႉ၊ သင်ဝႃႈသူႁႂ်ႈၶဝ် ဢသၢၵ်ႈ ၵတ်း ယဵၼ်ၶျၢမ်းသႃႇတီႈၶဝ်ၸိုင်ၵဝ် ယင်းဢမ်ႇဢဝ်သူတၢႆၵူၺ်း၊ဝႃႈၼင်ႇၼႆသေယဝ်ႉ၊
၂၀ သမ်ႉလၢတ်ႈတီႈယေႇသႃႇ၊ လုၵ်ႈၸၢႆးတူၼ်ႈမၼ်းလႄႈဝႃႈ၊-လုၵ်ႉလႄႈဢဝ်ၶဝ်တၢႆတႃႉ၊ဝႃႈၼင်ႇ ၼႆသေၵေႃႈလုၵ်ႈၸၢႆးၼၼ်ႉ ယင်းဢမ်ႇထွတ်ႇဢမ်ႇဢဝ်လၢပ်ႇမၼ်းဢွၵ်ႇ။ၵွပ်ႈပိူဝ်ႈဢသၢၵ်ႈမၼ်းယင်း လဵၵ်ႉယင်း ဢွၼ်ႇလႄႈမၼ်းၵူဝ်ဢေႃႈ။
၂၁ ၸေႇၽႁတင်းၸႃႇလမုၼ်ႇၵေႃႈလၢတ်ႈလႄႈဝႃႈ၊-တူဝ်ၸဝ်ႈႁဝ်းလုၵ်ႉလႄႈၽၼ်းႁဝ်းၶႃႈတၢႆတႃႉ။ႁႅင်းတၼ်းၶူဝ်းၸင်ႇပဵၼ်ၸွမ်းၵႃႈၼင်ႇဢၼ်ၵူၼ်းပဵၼ်ၼၼ်ႉဢေႃႈ၊ဝႃႈၼင်ႇၼႆလႄႈ ၵိတိဢုၼ်ႇၵေႃႈလုၵ်ႉလႄႈဢဝ်ၸေႇၽႁ တင်းၸႃႇလမုၼ်ႇတၢႆသေယဝ်ႉ၊ထွတ်ႇဢဝ်လၢဝ်ၶမ်း ဢၼ်ႁၢင်ႈၶိူင်ႈ ၵႃႈတီႈၶေႃးၵလႃႇဢုၵ်ႉၶဝ်ၸိူဝ်းၼၼ်ႉဢေႃႈ။
သိူဝ်ႈသုပ်းၵိတိဢုၼ်ႇ
၂၂မိူဝ်ႈၼၼ်ႉ ၵူၼ်းမဵဝ်းဢိသရေႇလ တင်းလၢႆလဝ်ႈလၢတ်ႈတီႈၵိတိဢုၼ်ႇလႄႈဝႃႈ၊-ၵွပ်ႈပိူဝ်ႈ ဢၼ်ၸဝ်ႈႁဝ်းၵႄႇသႄႇၼုၵ်ႉဢဝ်ႁဝ်းၶႃႈ ဢွၵ်ႇသေၵႃႈၼႂ်းမိုဝ်းၵူၼ်းမဵဝ်းမိတျၢၼ်ႇ ၸိူဝ်းၼၼ်ႉလႄႈၸဝ်ႈႁဝ်းဢိၵ်ႇတင်းၸူဝ်ႈလုၵ်ႈပၢၼ်လၢၼ်ၸဝ်ႈႁဝ်း ဢုပ်ႉပိူင်ႇၵႃႈၼိူဝ် ႁဝ်းၶႃႈသေၵမ်းၶႃႈ၊ မိူဝ်ႈ ဢၼ်ဝႃႈၼင်ႇၼႆၸိုင် ၵိတိဢုၼ်ႇလၢတ်ႈတီႈၶဝ်လႄႈဝႃႈ၊-
၂၃ ၵဝ်တၵ်းဢမ်ႇဢုပ်ႉပိူင်ႇသူ။လုၵ်ႈၸၢႆးၵဝ်ၵေႃႈတၵ်းဢမ်ႇဢုပ်ႉပိူင်ႇသူ။ထႃႇဝရႃႉၽြႃးတၵ်းလႆႈ ဢုပ်ႉ ပိူင်ႇသူဢေႃႈ၊ဝႃႈၼင်ႇၼႆ ဢေႃႈ။
၂၄ ၵိတိဢုၼ်ႇသမ်ႉလၢတ်ႈတီႈၶဝ်လႄႈဝႃႈ၊-ၵဝ်မီးဢလူဝ်ႇ ၶႂ်ႈယွၼ်းဢဝ်တီႈသူမဵဝ်းၼိုင်ႈဢေႃႈ။သူၵႃႈမီးတင်းသဵင်ႈတင်းလူင် ဢဝ်ပေႇႁူဢၼ်သူႁိမ်ဢဝ်လႆႈမႃးၸိူဝ်းၼၼ်ႉပၼ်တီႈၵဝ်သေၵမ်း၊ ဝႃႈၼင်ႇၼႆဢေႃႈ။လွင်ႈမၼ်းၸမ်း ၶဝ်ပဵၼ်မဵဝ်းဢိသမေႇလ လႄႈတိုဝ်းပေႇႁူၶမ်းဢေႃႈ။
၂၅ ၶဝ်ၵေႃႈဢွၼ်ၵၼ်ၶိုၼ်းလၢတ်ႈလႄႈဝႃႈ၊-ႁဝ်းၶႃႈတၵ်းပႃးၸေႇတၼႃႇသေလႄႈပၼ်ၶႃႈဢေႃႈ၊ဝႃႈၼင်ႇၼႆသေယဝ်ႉ ဢဝ်ၽႃႈမႆႊသိူဝ်ႇသေလႄႈၵူၼ်းတင်းသဵင်ႈတင်းလူင်ၸိူဝ်းၼၼ်ႉဢွၼ်ၵၼ် ဢဝ် ပေႇႁူ ဢၼ်ၶဝ်ႁိမ်ဢဝ်လႆႈမႃး ၸိူဝ်းၼၼ်ႉၶျူးသႂ်ႇဢေႃႈ။
၂၆ တၢင်းၼၵ်းဢၼ်ၸင်ႈဢၼ်ႁိဝ်ႈပေႇႁူၶမ်း ဢၼ်မၼ်းယွၼ်းဢဝ်ၼၼ်ႉမီးႁဵင်ပၢႆၸဵတ်းပၢၵ်ႇ ၵျၢပ်ႈ သၶေႇလဢေႃႈ။ၼွၵ်ႈသေၼၼ်ႉလၢဝ်ၶမ်း လႂ်၊ၶိူင်ႈႁွႆႈႁူ လႂ်၊ၶူဝ်းဢၼ်လႅင်ႊၵမ်ႇ ဢၼ်ၶုၼ် လူင် မိတျၢၼ်ႇ ၼုင်ႈႁၢင်ႈၶိူင်ႈၸိူဝ်းၼၼ်ႉဢိၵ်ႇတင်း ၸိူၵ်ႈၶေႃးၵလႃႇဢုၵ်ႉတင်းလၢႆၸိူဝ်းၼၼ်ႉၵေႃႈ ယင်းလႆႈ လူးၵွၼ်ႇဢေႃႈ။
၂၇ ၵိတိဢုၼ်ႇဢဝ်ၶမ်းၸိူဝ်းၼၼ်ႉ ႁဵတ်းသိူဝ်ႈသူပ်းလႄႈဝႆႉၵႃႈတီႈဝဵင်းဢေႃႇၽရ တီႈယူႇမၼ်းၼၼ်ႉဢေႃႈ။ၵူၼ်းမဵဝ်းဢိသရေႇလတင်းသဵင်ႈတင်းလူင်ၸိူဝ်းၼၼ်ႉ ႁဵတ်းၽိတ်းႁဵတ်းပိူင်ႈၵွပ်ႈပိူဝ်ႈသိူဝ်ႈသူပ်းၸဝ်ႈၼၼ်ႉဢေႃႈ။လွင်ႈတၢင်းၼႆႉပဵၼ်တူင်ႇႁဵဝ်ႉတူင်ႇၶိုမ်းၵႃႈတီႈၵိတိဢုၼ်ႇ တင်းပီႈၼွင်ႉၸိူဝ်ႉၶိူဝ်းမၼ်းဢေႃႈ။
ၵိတိၵုၼ်ႇၼွၼ်းၽေး
၂၈ ၼင်ႇၼၼ်လႄႈ ၵူၼ်းမဵဝ်းမိတျၢၼ်ႇ လႆႈၶၢမ်ႇတင်းဢၼ်တူၵ်းသုမ်းၵႃႈတီႈၽၢႆႇၼႃႈ ၵူၼ်းမဵဝ်းဢိသရေႇတင်းလၢႆလႄႈ လိုၼ်းၼၼ်ႉၶဝ်ယင်းဢမ်ႇငွၵ်းႁူဝ်ၶဝ်လႆႈဢေႃႈ။ၼႂ်းၸူဝ်ႈပၢၼ်ၵိတိဢုၼ်ႇၼၼ်ႉမိူင်းတင်းမိူင်းၼိမ်လီယဵၼ်လီသီႇသိပ်းပီႊတဵမ်တဵမ်ဢေႃႈ။
၂၉ ယေႇရုပ်ႇပႃႇလလုၵ်ႈၸၢႆးယေႃႇသ ၼၼ်ႉၵႂႃႇမိူဝ်းၶိုၼ်းႁိူၼ်းတီႈယူႇမၼ်းဢေႃႈ။ၵိတိဢုၼ်ႇၼၼ်ႉမီးမေးၼမ်လႄႈမီးလုၵ်ႈၸၢႆးၸဵတ်းသိပ်းၵေႃႉဢေႃႈ။
၃၀ လုၵ်ႈၸၢႆး ဢၼ်ၵိူတ်ႇလဵင်ႉတီႈမေးၼွႆႉမၼ်း ဢၼ်ယူႇၵႃႈတီႈ ဝဵင်းသေႇၶိမ်ႇ ၼၼ်ႉမၼ်းႁွင်ႉႁိၵ်ႈၸိုဝ်ဝႃႈ ဢၽိမလိၵ်ႉဢေႃႈ။
၃၁ ၵိတိဢုၼ်ႇလုၵ်ႈၸၢႆးယေႃႇသ ၼၼ်ႉဢသၢၵ်ႈယႂ်ႇၵႄႇထူၼ်ႈသေယဝ်ႉႁွတ်ႈဢၼိၵ်ႉၸႃႉလႄႈ လႆႈၶၢမ်ႇတၢင်းဢၼ်သႂၢင်းၵျူဝ်ႇၵႃႈၼႂ်းသၢင်းၶျႅင်းပေႃႈမၼ်း ယေႃႇသ ၵႃႈတီႈဝဵင်းဢေႃႇၽရ တီႈယူႇၵူၼ်းမဵဝ်းဢပျေႇ ၸႃႇ ၸိူဝ်းၼၼ်ႉဢေႃႈ။
၃၂ မိူဝ်ႈဢၼ်ၵိတိဢုၼ်ႇတၢႆယဝ်ႉၼၼ်ႉၵူၼ်းမဵဝ်းဢိသရေႇလ တင်းလၢႆ ၽွၵ်ႈပျၢၼ်ႇၶိုၼ်းလႄႈၽိတ်းပိူင်ႈၽြႃးၵွပ်ႈပိူဝ်ႈၽြႃးပႃႇလ တင်းလၢႆၼၼ်ႉသေယဝ်ႉ ဢဝ်ပႃႇလပေႇရိတ်ႉ ယုၵ်ႉယွင်ႈဝႆႉၼႂ်း ဢရႃႇၽြႃးၶဝ်ဢေႃႈ။
၃၃ ၵူၼ်းမဵဝ်းဢိသရေႇလတင်းလၢႆယင်းဢမ်ႇၶုၵ်းၸႂ်လႆႈၶႆႈၸႂ်ထူပ်း ထႃႇဝရႃႉၽြႃးၽြႃးပဵၼ်ၸဝ်ႈ ၶဝ် ဢၼ်ၵႄႇသႄႇၼုၵ်ႉဢဝ်ၶဝ်ဢွၵ်ႇသေၵႃႈၼႂ်းမိူင်းရၢၼ်ႇသူႇၶဝ် ဢၼ်လဵပ်ႈႁွပ်ႈၶဝ်ယူႇ ၼၼ်ႉဢေႃႈ။
၃၅ ၶဝ်ယင်းဢမ်ႇၶိုၼ်းတွပ်ႇတႅၼ်းၵျေးၸူးတီႈမဵဝ်းယေႇရုပ်ႇပႃႇလ ဢၼ်ပဵၼ် ၵိတိဢုၼ်ႇ ၼၼ်ႉလုၺ်ႈလွင်ႈ ၵႃႈဢၼ်မၼ်းလႆႈႁဵတ်းၵျေးၸူးတီႈၵူၼ်းမဵဝ်းဢိသရေႇလမႃးၼၼ်ႉဢေႃႈ။