Chapter
၃
၁ ၵူၼ်းမဵဝ်းဢၼ် ထႃႇဝရႃႉၽြႃးဝႆႉၵိုတ်းဝႆႉၵျၢၼ်ႇႁႂ်ႈလႆႈၸၢမ်းတူၺ်းၵူၼ်းမဵဝ်းဢိသရေႇလ ဢၼ်ဢမ်ႇႁူႉဢမူႉ
၂ သိုၵ်းဢၼ်လႆႈတိုၵ်းတေႃးၵႃႈတီႈမိူင်းၶႃႇၼၼိ ဢိၵ်ႇတင်း ႁႂ်ႈၵူၼ်းမဵဝ်းဢိသရေႇလသိုပ်ႇသိုပ်ႇတၢမ်တၢမ်ဢမ်ႇပႆႇႁူႉဢမူႉသိုၵ်းၼၼ်ႉၸမ်း ပဵၼ်ၶုၼ်ၽိလိတ်ႉတိ ႁႃႈပႃး၊
၃ ၵူၼ်းၶႃႇၼၼိ၊ ၵူၼ်းၸိတုၼ်ႇ၊ၵူၼ်းႁိဝိဢၼ်ယူႇၵႃႇၼိူဝ်လွႆလေႇပၼုၼ်ႇ၊ လွႆပႃႇလႁေႇလမုၼ်ႇတေႃႇထိုင်ႁွတ်ႈသူပ်းသဵၼ်ႈတၢင်းႁႃႇမတ်ႉ ၸိူဝ်းၼၼ်ႉ ဢေႃႈ။
၄ ၶဝ်ၼၼ်ႉပဵၼ်ပုၼ်ႈဢၼ်တၵ်းဢဝ်ၸၢမ်းတူၺ်းၵူၼ်းမဵဝ်းဢိသရေႇလ ႁႂ်ႈလႆႈႁူႉလွင်ႈဢၼ်ၶဝ်တၵ်းၵမ်ၵျၢင်ႉၸွမ်း ၵႃႈၼင်ႇပိင်းၺၢပ်ႈထႃႇဝရႃႉၽြႃးဢၼ်မၼ်းၸဝ်ႈတင်းမုဝ်းသေႇ သင်ႇလၢတ်ႈဝႆႉတီႈပူႇမွၼ်ႇၶဝ်ၼၼ်ႉႁိုဝ်၊ဢမ်ႇၵမ်ၵျၢင်ႉႁိုဝ်ၼၼ်ႉဢေႃႈ။
၅ ၵူၼ်းမဵဝ်းဢိသရေႇလတင်းလၢႆ ယူႇၵႃႈၼႂ်းၵူၼ်း ၶႃႇၼၼိ၊ ၵူၼ်းႁိတ်ႉတိ၊ၵူၼ်းဢႃႇမေႃးရိ၊ၵူၼ်းၽေႇရၸိ၊
၆ ၵူၼ်းႁိဝိ၊ၵူၼ်းယေႇပုသိၸိူဝ်းၼၼ်ႉလႄႈ ႁဵတ်းတၢင်းဢၼ်ဢဝ်ၵၼ်တင်းလုၵ်းယိင်းၶဝ်ယူႇ ဢဝ်လုၵ်ႈယိင်းၶဝ်ပၼ်ၵၼ်တင်းၶဝ်ယူႇလႄႈ ဢွၼ်ၵၼ်ႁဵတ်းဝၢတ်ႈတီႈၽြႃးၶဝ်ဢေႃႈ။
ဢေႃႇထၼ်ႇယလေ
၇ ၵူၼ်းမဵဝ်းဢိသရေႇလ ၸိူဝ်းၼၼ်ႉႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈ လူင်လိုမ်းပႅတ်ႈထႃႇဝရႃႉၽြႃးၽြႃးပဵၼ်ၸဝ်ႈၶဝ်သေယဝ်ႉ၊ ဢွၼ်ၵၼ်ႁဵတ်းဝၢတ်ႈတီႈပႃႇလဢိၵ်ႇတင်းဢႃႇသရၶဝ်ဢေႃႈ။
၈ ပိူဝ်ႈၼႆလႄႈ တၢင်းၸႂ်မႆႈၶႆႈၸႃႉထႃႇဝရႃႉၽြႃးဢွၵ်ႇႁႅင်းၼႃႇလူင်လၢင်တီႈၵူၼ်းမဵဝ်းဢိသရေႇလ လႄႈမၼ်းၸဝ်ႈဢဝ်ၶဝ်ၶၢႆပၼ်တီႈၶုသၼ်ႇရိသိမ်ႇ ၶုၼ်ႁေႃၶမ်းမေႇသေႃးပေႃးတႃႇမိသေယဝ်ႉ ၵူၼ်းမဵဝ်းဢိသရေႇလတင်းလၢႆ လႆႈၶၢမ်ႇႁဵတ်းၶႃႈတီႈၶုၼ်လူင်ၶုသၼ်ႇရိ သသိမ်ႇပႅတ်ႇပီႊတဵမ်တဵမ်ဢေႃႈ။
၉ မိူဝ်ႈၵူၼ်းမဵဝ်းဢိသရေႇလတင်းလၢႆ ဢွၼ်ၵၼ်ႁွင်ႉသႅၼ်ႇတီႈ ထႃႇဝရႃႉၽြႃးၼၼ်ႉၸိုင် ထႃႇဝရႃႉၽြႃးႁႂ်ႈၵေႃႉဢၼ်ၵႄႇသႄႇၶျွတ်ႈဢဝ်ဢၼ်ဝႃႈ ၼွင်ႉၸၢႆးၵႃႇလိပ်ႉ၊ဢေႃႇထၼ်ႇယေႇလ၊ဢၼ်ပဵၼ်လုၵ်ႈၸၢႆးၵေႇၼတ်ႉ ၼၼ်ႉပေႃႇဢွၵ်ႇပဵၼ်မႃးပုၼ်ႈၵူၼ်းမဵဝ်းဢိသရေႇလ တင်းလၢႆ ဢေႃႈ။
၁၀ ဝိၺိၺ်ႇထႃႇဝရႃႉၽြႃးတူၵ်းႁွတ်ႈၵႃႈၼိူဝ်မၼ်းၼၼ်ႉသေယဝ်ႉ မၼ်းၼၼ်ႉလႆႈၸီႇယၢင်ႇၵူၼ်းမဵဝ်းဢိသရေႇလသေလႄႈ ၶီႇသိုၵ်းလႄႈထႃႇဝႃႉရၽြႃးဢဝ်ၶုသၢၼ်ႇရိသသိမ်ႇ ၶုၼ်ႁေႃၶမ်းမေႇသေႃးပေႃးတႃႇမိဢၢပ်ႈပၼ်ၵႃႈၼႂ်းမိုဝ်းမၼ်းသေယဝ်ႉ၊ မၼ်းၼၼ်ႉပႄႉ ၼႅင်ႇၶုၼ်လူင်ၶုသၼ်ႇရိသသိမ်ႇဢေႃႈ။
၁၁ မိူင်းတင်းမိူင်းၼိမ်ႇလီယဵၼ်လီ သီႇသိပ်းပီႊတဵမ်တဵမ်လႄႈ ဢေႃႇထၼ်ႇယေႇလ လုၵ်ႈၸၢႆးၵေႇၼတ်ႉ ၼၼ်ႉတၢႆသေဢေႃႈ။
ဢေႇရုတ
၁၂ ၵူၼ်းမဵဝ်းဢိသရေႇလတင်းလၢႆသမ်ႉႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးထႅင်ႈဢေႃႈ။ထႃႇဝရႃႉၽြႃးႁႂ်ႈဢေႇၵလုၼ်ႇ ၶုၼ်ႁေႃၶမ်းမေႃႇၽတဵမ်ဝႆႉတင်းႁႅင်းတၼ်းၶူဝ်းလႄႈ ယူႇၽၢႆႇၼိုင်ႈတင်းၵူၼ်းမဵဝ်းဢိသရေႇလ ၵွပ်ႈပိူဝ်ႈဢၼ်ၶဝ်ႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉ ၽြႃးထႅင်ႈၼၼ်ႉဢေႃႈ။
၁၃ ၶုၼ်ၼၼ်ႉႁႂ်ႈၵူၼ်းမဵဝ်းဢမ်ႇမုၼ်ႇ ဢိၵ်ႇတင်းၵူၼ်းမဵဝ်းဢႃႇမလိၵ်ႉတင်းလၢႆၸူႉၵၼ်တုမ်ၵၼ်ၵႃႈတီႈမၼ်းလႄႈ ၶီႇၵႂႃႇတိုၵ်းတေႃးယႃႉပႅတ်ႈ ၵူၼ်းမဵဝ်းဢိသရေႇလတင်းလၢႆသေလႄႈ သိမ်းဢဝ်ဝဵင်းသိမ်းဢဝ်တူၼ်ႈထၢၼ်းဢေႃႈ။
၁၄ ၵူၼ်းမဵဝ်းဢိသရေႇလတင်းလၢႆ လႆႈၶၢမ်ႇႁဵတ်းၶႃႈတီႈဢေႇၵလုၼ်ႇၶုၼ်ႁေႃၶမ်းမေႃႇၽ သိပ်းပႅတ်ႇပီႊဢေႃႈ။
၁၅ မိူဝ်ႈဢၼ် ၵူၼ်းမဵဝ်းဢိသရေႇလတင်းလၢႆႁွင်ႉသဵၼ်တီႈထႃႇဝရႃႉၽြႃးၼၼ်ႉၸိုင် ထႃႇဝရႃႉၽြႃးႁႂ်ႈၵေႃႉဢၼ်ၵႄႇသႄႇၶျွတ်ႈဢဝ်ဢၼ်ဝႃႈ ဢေႇရုတလုၵ်ႈၸၢႆးၵေႇရ၊မဵဝ်းပိၼ်ႇယႃႇမိၼ်ႇ ဢၼ်ၸၢင်ႈဢဝ်ၶွၼ်သၢႆႉယိပ်းသုင်းၼၼ်ႉပေႃႇဢွၵ်ႇပဵၼ်မႃးဢေႃႈ။ၵူၼ်းမဵဝ်းဢိသရေႇလ ၸိူဝ်းၼၼ်ႉဢဝ်လၢၵ်ႈသွင်ႇသႂ်ႇပၼ်ၼႂ်းမိုဝ်းမၼ်းလႄႈ ႁႂ်ႈမၼ်းၵႂႃႇၸူးၵႃႈတီႈဢေႇၵလုၼ်ႇ၊ ၶုၼ် ႁေႃၶမ်းမေႃၽၼၼ်ႉဢေႃႈ။
၁၆ ဢေႇရုတ ၼၼ်ႉႁဵတ်းလၢပ်ႇဢၼ်မီးၶူမ်းသွင်ၽၢႆႇ ဢၼ်တၢင်းယၢဝ်းမၼ်းမီးသွၵ်ႇၼိုင်ႈၼၼ်ႉ မတ်ႉၸပ်းသႂ်ႇဝႆႉၵႃႈတီႈၶႃၶွၼ်ၶႂႃႇမၼ်းၵႃႈၼႂ်းၶူဝ်းၼုင်ႈမၼ်းၼၼ်ႉသေယဝ်ႉ ဢဝ်လၢၵ်ႈသွင်ႇသၢၵ်ႈတီႈဢေႇၵလုၼ်ႇ၊ ၶုၼ်ႁေႃၶမ်းမေႃႇၽ ၼၼ်ႉဢေႃႈ။
၁၇ ဢေႇၵလုၼ်ႇၼၼ်ႉပဵၼ်ၵေႃႉဢၼ်ပီးပုၵ်း ၼႃႇလူင်လၢင်ဢေႃႈ။
၁၈ ဢေႇရုတၼၼ်ႉဢဝ်လၢၵ်ႈသွင်ႇသၢၵ်ႈလႄႈယဝ်ႉတူဝ်ႈယဝ်ႉၸင်ႇ ပွႆႇၶဝ်ၸိူဝ်းဢၼ်လႆႈ ႁပ်ႉလၢၵ်ႈသွင်ႇၼၼ်ႉမိူဝ်းၵႂႃႇဢေႃႈ။
၁၉ တူဝ်မၼ်းသမ်ႉလုၵ်ႉသေၵႃႈတီႈမေႃႉမၢၵ်ႇႁိၼ်တင်းလၢႆ ဢၼ်မီႈၵႃႈတီႈႁိမ်းဝဵင်းၵိလၵႃႇလၼၼ်ႉၵွၵ်ႈၶိုၼ်းမႃးလႄႈ လဝ်ႈလၢတ်ႈတီႈၶုၼ်လႄႈဝႃႈ၊-ၸဝ်ႈပဵၼ်ၸဝ်ႈတီႈၶႃႈ။ၶႃႈၸဝ်ႈမီးလွင်ႈတၢင်းဢၼ်တေလႆႈလွမ်လဝ်လွမ်လၢတ်ႈတဵတ်ႇတဵတ်ႇတီႈၸဝ်ႈႁဝ်းယူႇၶႃႈဢေႃႈ၊ ဝႃႈၼင်ႇၼႆဢေႃႈ။ၶုၼ်ၵေႃႈမီးဢမိင်ႉႁႂ်ႈယူႇတဵတ်ႇတဵတ်ႇယဵၼ်ယဵၼ်လႄႈ ၵူၼ်းၵႃႈဢၼ်ၸုၵ်းၶႃးၸႃးယူႇၵႃႈတီႈမၼ်းၸဝ်ႈၸိူဝ်းၼၼ်ႉၵေႃႈ ဢွၼ်ၵၼ်ဢွၵ်ႇၵႂႃႇသေၵႃႈ တီႈၼၼ်ႉဢေႃႈ။
၂၀ ၼႂ်းမိူဝ်ႈဢၼ်ၶုၼ်လူင်ယင်းတိုၵ်ႉၼင်ႈယူႇၵေႃႉလဵဝ်းၵူၺ်းၵႃႈတီႈႁေႃ ၵတ်းယဵၼ်ၶိင်ႇမႆႈၼၼ်ႉဢေႇရုတသုတ်ႉၸပ်းသုတ်ႉၸူးလႄႈလဝ်ႈဝႃႈ၊- ၶႃႈၸဝ်ႈပႃႈဢဝ်ဢမိင်ႉၽြႃးပဵၼ်ၸဝ်ႈမႃး တီႈၸဝ်ႈႁဝ်း တီႈၶႃႈဢေႃႈ။
၂၁ မိူဝ်ႈဢၼ်ဝႃႈၼင်ႇၼႆၸိုင်ၶုၼ်လူင်လုၵ်ႉသေၵႃႈတီႈၼင်ႈမၼ်းဢေႃႈ။ဢေႇရုတၼၼ်ႉၽႅတ်းမိုဝ်းၶွၼ်သၢႆႉမၼ်းသေလႄႈ ၸူၵ်းထွတ်ႇဢဝ်လၢပ်ႇသေၵႃႈတီႈၶႃၶွၼ်ၶႂႃမၼ်းၼၼ်ႉသေယဝ်ႉ တႅင်း သႂ်ႇပုမ်ၶုၼ်ၼၼ်ႉဢေႃႈ။
၂၂ ၵၼ်းလၢပ်ႇမၼ်းၸူမ်ၶဝ်ႈၸွမ်းမၢၵ်ႈမၼ်းလႄႈ ၵွၼ်ႈၶႆၵွၼ်ႈမၼ်းႁူမ်ႈသုမ်ႇလၢပ်ႇဝႆႉထၢၼ်ႈပေႃး ဢမ်ႇထွတ်ႇဢဝ်လႆႈသေ ၵႃႈၼႂ်းပုမ်မၼ်းၼၼ်ႉလႄႈ မၢၵ်ႈလၢပ်ႇပွင်ႇဢွၵ်ႇၵႂႃႇၽၢႆႇတၢင်း လင်မၼ်းဢေႃႈ။
၂၃ မိူဝ်ႈၼၼ်ႉဢေႇရုတၼၼ်ႉဢွၵ်ႇၸူးၵႃႈတီႈၼႃႈႁေႃသေယဝ်ႉ၊ဢိုတ်းၽၵ်းတူလုၵ်းၸိူဝ်း ၼၼ်ႉဝႆႉသေလႄႈၶတ်းသေႃးဝႆႉသေဢေႃႈ။
၂၄ လိုၼ်းသေဢၼ် မၼ်းဢွၵ်ႇၵႂႃႇယဝ်ႉၼၼ်ႉၶႃႈၶုၼ်ၼၼ်ႉၵမ်ႈၽွင်ႈမႃးလႄႈ ထူပ်းႁၼ်လွင်ႈဢၼ်ၽၵ်းတူၶတ်းသေႃးဝႆႉၼၼ်ႉ လႄႈၶဝ်လၢတ်ႈဝႃႈ၊-မၼ်းၸဝ်ႈႁူမ်ႈသုမ်ႇတိၼ်မၼ်းၸဝ်ႈ ယူႇၵႃႈၼႂ်းႁေႃၵတ်းႁေႃယဵၼ်မိူဝ်ႈၶိင်ႇမႆႈ ၼၼ်ႉယူႇယဝ်ႉ၊ဝႃႈၼင်ႇၼႆသေလႄႈ
၂၅ ဢွၼ်ၵၼ်ပႂ်ႉထႃႇယူႇတေႃႇထိုင်ႁွတ်ႈထၢၼ်ႈပေႃး ၶဝ်လီဢူၵ်းလီဢၢႆယဝ်ႉၸင်ႇ ၵွပ်ႈပိူဝ်ႈဢၼ်မၼ်းၸဝ်ႈဢမ်ႇၽုၺ်ႇၽၵ်းတူၸိူဝ်းၼၼ်ႉလႄႈ ၶဝ်ဢဝ်သေႃးၽုၺ်ႇလႄႈၶဝ်ႈၵႂႃႇထူပ်းႁၼ်ၸဝ်ႈၶဝ်ၼၼ်ႉ လူမ်ႉတၢႆဝႆႉမီးယူႇၵႃႈၼိူဝ်လိၼ်ၼၼ်ႉဢေႃႈ။
၂၆ ၼႂ်းမိူဝ်ႈဢၼ်ၶဝ်ပႂ်ႉထႃႈယူႇၸိူဝ်ႉၼင်ႇၼၼ်ၼၼ်ႉဢေႇရုတ ၼၼ်ႉပူၼ်ႉမေႃႈမၢၵ်ႇႁိၼ်ၸိူဝ်းၼၼ်ႉၵႂႃႇသေလႄႈလွတ်ႈၽေးႁွတ်ႈထိုင်ၵႃႈတီႈဝၢၼ်ႈၸိရပ်ႉဢေႃႈ။
၂၇ မၼ်းႁွတ်ႈထိုင်သေယဝ်ႉဢဝ်ၼႄးၶရႃႇပဝ်ႇတိုင်ႈၵႃႈၼိူဝ်ႁၢၼ်ႉလွႆဢေႇၽရိမ်ႇ လႄႈၵူၼ်းမဵဝ်းဢိသရေႇလ တင်းလၢႆ ဢွၼ်ၵၼ်လူင်းၵႃႈၼိူဝ်ႁၢၼ်ႉလွႆၸွမ်းမၼ်းသေလႄႈ မၼ်းၵေႃႈဢွၼ်ႁူဝ်ၶဝ် ၵႂႃႇဢေႃႈ။
၂၈ မၼ်းလၢတ်ႈတီႈၶဝ်လႄႈဝႃႈ၊-ၸွမ်းပႃႈလင်ၵဝ်တႃႉ။ထႃႇဝရႃႉၽြႃးဢဝ်ရၢၼ်ႇသူႇသူၵူၼ်းမေႃႇၽတင်းလၢႆဢၢပ်ႈပၼ်ၵႃႈၼႂ်းမိုဝ်းသူယဝ်ႉ၊ ဝႃႈၼင်ႇၼႆလႄႈ ၶဝ်ဢွၼ်ၵၼ်လူင်းၸွမ်းပႃႈလင်မၼ်းလႄႈ ပႂ်ႉၶၢမ်ႈတီႈတိုဝ်ႉတႃၼမ်ႉႁွင်ႊယေႃးတၢၼ်ႇသဵၼ်ႈတၢင်း ဢၼ်ၵႂႃႇၸူးၵႃႈတီႈမိူင်းမေႃႇၽ ၼၼ်ႉသေလႄႈ ဢမ်ႇပၼ်ႁႂ်ႈၽူႈ လႂ်လႆႈၶၢမ်ႈသေၵေႃႉသေၵူၼ်း။
၂၉ မိူဝ်ႈၼၼ်ႉ ၶဝ်တိုၵ်းတေႃးယႃႉပႅတ်ႈၵူၼ်းမေႃႇၽဢၼ်ပီးလီမၼ်းလီလႄႈ ႁႅင်းယႂ်ႇၼႃႇၸိူဝ်းၼၼ်ႉမိုၼ်ႇၼိုင်ႈ ဢေႃႈ။
၃၀ ဢမ်ႇလွတ်ႈသေၵေႃႉသေၵူၼ်း။ၼင်ႇၼၼ်လႄႈ မဵဝ်းမေႃႇၽတူၵ်းသုမ်းၵႃႈတီႈမိုဝ်းမဵဝ်းဢိသရေႇလၼႂ်းဝၼ်းၼၼ်ႉလႄႈ မိူင်းတၢင်းမိူင်းၼိမ်လီယဵၼ်လီယူႇသိပ်းပီႊတဵမ်တဵမ်ဢေႃႈ။
သမ်ႇၵႃႇ
၃၁ လိုၼ်းသေဢေႇရုတ ၼၼ်ႉ သမ်ႇၵႃႇ ဢၼ်ပဵၼ်လုၵ်ႈၸၢႆးဢႃႇၼတ်ႉ ပေႃႇဢွၵ်ႇမႃးလႄႈ မၼ်းၵေႃႈၵႄႇသႄႇၶျွတ်ႈဢဝ်မဵဝ်းဢိသရေႇလ တိုၵ်းတေႃးယႃႉပႅတ်ႈၵူၼ်း ၽိလိတ်ႉတိ ႁူၵ်းပၢၵ်ႇလူၺ်ႈၶွၼ်ႉလႅမ်ဝူဝ်းၼၼ်ႉဢေႃႈ။