Chapter
၁၀
တေႃႇလ
၁ လိုၼ်းသေဢၽိမလိၵ်ႉၼၼ်ႉ၊ တေႃႇလလုၵ်ႈၸၢႆးၽုဝႃႇလုၵ်ႈၸၢႆးတေႃႇတေႃႇ ၵူၼ်းမဵဝ်းဢိသၶႃႇၼၼ်ႉပေႃႇမႃးႁႂ်ႈလႆႈၶျွတ်ႈဢဝ်မဵဝ်းဢိသရေႇလ ၶဝ်ဢေႃႈ။မၼ်းယူႇၵႃႈတီႈဝဵင်းသမိရ ၵႃႈၼိူဝ်ႁၢၼ်ႉလွႆဢေႇၽရိမ်ႇၼၼ်ႉဢေႃႈ။
၂ ၵေႃႉၼၼ်ႉဢွၼ်ႈႁူဝ်ၵူၼ်းမဵဝ်းဢိသရေႇလ သၢဝ်းပၢႆသၢမ်ပီႊသေယဝ်ႉတၢႆလႄႈ သႂၢင်းၵျူဝ်ႇၵႃႈတီႈဝဵင်းသမိရဢေႃႈ။
ယႃႇဢိရ
၃ လိုၼ်းသေမၼ်းၼၼ်ႉ ယႃႇဢိရ၊ ၵူၼ်းမိူင်းၵိလတ်ႉ၊ပေႃႇမႃးလႄႈ ဢွၼ်ႁူဝ်ၵူၼ်းမဵဝ်းဢိသရေႇလသၢဝ်းပၢႆသွင်ပီႊတဵမ်တဵမ်ဢေႃ။
၄ ၶုၼ်ၼၼ်ႉမီးလုၵ်ႈၸၢႆးသၢမ်သိပ်းၵေႃႉ ဢၼ်ၶီႇမႃႉလီႈဢွၼ်သၢမ်ႇသိပ်းတူဝ်လႄႈဢုပ်ႉပိူင်ႇဝဵင်းသၢမ်သိပ်းဝဵင်း ဢၼ်ႁွင်ႉႁိၵ်ႈၸိုဝ်ႁႃႇဝုတ်ႉယႃႇဢိ၇ တေႃႇထိုင်ဝၼ်းမိူဝ်ႈၼႆႉလႄႈမီးၵႃႈၼႂ်းမိူင်းၵိ လတ်ႉဢေႃႈ။
၅ ယႃႇဢိရ တၢႆလႄႈၶၢမ်ႇတၢင်းဢၼ်သႂၢင်းၵျူဝ်ႇၵႃႈတီႈဝဵင်းၵႃႇမုၼ်ႇဢေႃႈ။
ယေႇၽသ
၆ ၵူၼ်းမဵဝ်းဢိသရေႇလ တင်းလၢႆသမ်ႉႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈ ႁဵတ်းဝၢတ်ႈတီႈၽြႃးပႃႇလ၊ၽြႃးဢႃႇသတရုတ်ႉ ၽြႃးမိူင်းသရိၽြႃးမိူင်းၸိတုၼ်ႇၽြႃးမိူင်းမေႃႇၽ ၽြႃးၵူၼ်းမဵဝ်းဢမ်ႇမုၼ်ႇ ၽြႃးၵူၼ်းၽိလိတ်ႉတိ ၸိူဝ်းၼၼ်ႉသေလႄႈၸုၼ်ႉပႅတ်ႈထႃႇဝရႃႉၽြႃးလႄႈ ဢမ်ႇႁဵတ်းဝၢတ်ႈတီႈ မၼ်းၸဝ်ႈ။
၇ တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇတီႈမဵဝ်းဢိသရေႇလလႄႈ မၼ်းၸဝ်ႈဢဝ်ၶဝ်ၶၢႆပၼ်ၵႃႈၼႂ်းမိုဝ်းၵူၼ်းၽိလိတ်ႉတိ ဢိၵ်ႇတင်းၵႃႈၼႂ်းမိုဝ်းၵူၼ်း ဢမ်ႇမုၼ်ႇတင်းလၢႆသေယဝ်ႉ၊
၈ ၶဝ်ၼၼ်ႉယႃႉယုၵ်ႉၼိၵ်ႈၸၢၵ်ႈငႅၼ်းသေးၵူၼ်းမဵဝ်းဢိသရေႇလတင်းလၢႆၼႂ်းပီႊၼၼ်ႉၵမ်းလဵဝ်လႄႈ သိပ်းပႅတ်ႇပီႊတဵမ်တဵမ်ၶဝ်ၼိၵ်ႉၸၢၵ်ႈငိၼ်းသေးၵူၼ်းမဵဝ်းဢိသရေႇလ ၵႃႈဢၼ်ယူႇၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇ ၵႃႈၼႂ်းမိူင်းတီႈဢၼ်ၵူၼ်းဢႃႇမေႃးရိၶဝ်ယူႇ ဢၼ်ပဵၼ်မိူင်းၵိ လတ်ႉၼၼ်ႉဢေႃႈ။
၉ ၵူၼ်းမဵဝ်းဢမ်ႇမုၼ်ႇတင်းလၢႆၼၼ်ႉၵေႃႈၶၢမ်ႈၼမ်ႉႁွင်ႊယေႃးတၢၼ်ႇ ႁႂ်ႈလႆႈတိုၵ်းတေႃးၵူၼ်းမဵဝ်းယုတ၊ၵူၼ်းမဵဝ်းပိၼ်ႇယႃႇမိၼ်ႇ၊ ၵူၼ်းမဵဝ်းဢေႇၽရိမ်ႇၼၼ်ႉဢေႃႈ။ၼင်ႇၼၼ်လႄႈၵူၼ်းမဵဝ်း ဢိသရေႇလ တင်းလၢႆႁွတ်ႈထိုင်တုၵ်ႉၶႃႉတၢင်းၽၢၼ်ယႂ်ႇၼႃႇလူင်လၢင်ဢေႃႈ။
၁၀ မိူဝ်ႈၼၼ်ႉၵူၼ်းမဵဝ်းဢိသရေႇလ တင်းလၢႆဢွၼ်ၵၼ်ႁွင်ႉသဵၼ်တီႈထႃႇဝရႃႉၽြႃးလႄႈဝႃႈ၊-ၶႃႈၸဝ်ႈႁဝ်းၸိူဝ်းၼႆႉၽိတ်းပိူင်ႈၸဝ်ႈႁဝ်းတီႈၶႃႈယဝ်ႉ။ၸုၼ်ႉပႅတ်ႈၽြႃးပဵၼ်ၸဝ်ႈႁဝ်းၶႃႈၸိူဝ်းၼႆသေလႄႈ ဢွၼ်ၵၼ်ႁဵတ်းမႅၼ်ႈႁဵတ်းဝၢတ်ႈတီႈၽြႃးပႃႇလ တင်းလၢႆတီႈ ၶႃႈယဝ်ႉ၊ဝႃႈၼင်ႇၼႆဢေႃႈ။
၁၁ ထႃႇဝရႃႉၽြႃးၵေႃႈမီးဢမိင်ႉတီႈၵူၼ်းမဵဝ်းဢိသရေႇလ တင်းလၢႆလႄႈဝႃႈ၊-ၵဝ်ၵႄႇသႄႇၼုၵ်ႉဢဝ်သူ ဢွၵ်ႇသေၵႃႈၼႂ်းမိူင်းၵူၼ်းဢေႇၵႅပ်ႉတု ၵူၼ်းဢႃႇမေႃးရိၵူၼ်းမဵဝ်းဢမ်ႇမုၼ်ႇၵူၼ်း ၽိလိတ်ႉတိၸိူဝ်းၼၼ်ႉမႃးယဝ်ႉဢမ်ႇၸႂ်ႈႁိုဝ်။
၁၂ မိူဝ်ႈဢၼ်ၵူၼ်းၸိတုၼ်ႇ ၵူၼ်းဢႃႇမလိၵ်ႉ ၵူၼ်းမေႃႇၼိ ၸိူဝ်းၼၼ်ႉၼိၵ်ႈၸၢၵ်ႈငိၼ်းသေးသူၼၼ်ႉၵေႃႈ သူႁွင်ႉသဵၼ်ႇတီႈၵဝ်လႄႈ ၵဝ်ၵႄႇသႄႇၼုၵ်ႉဢဝ်သူဢွၵ်ႇသေၵႃႈၼႂ်းမိုဝ်းၶဝ်ၼၼ်ႉဢေႃႈ။
၁၃ ၵူၺ်းၵႃႈၵွပ်ႈပိူဝ်ႈသူၸုၼ်ႉပႅတ်ႈၵဝ်လႄႈ ႁဵတ်းဝၢတ်ႈတီႈၽြႃးတၢင်ႇသူႇတၢင်ႇပႃးၼၼ်ႉလႄႈ ၵမ်းလိုၼ်းၵဝ်ဢမ်ႇၵႄႇသႄႇၼုၵ်ႉဢဝ် သူ။
၁၄ ၵႂႃႇလႄႈ ဢွၼ်ၵၼ်ႁွင်ႉသဵၼ်တီႈၽြႃးဢၼ်သူလိူၵ်ႈၵဵပ်းဢဝ်ၼၼ်ႉတႃႉ။ႁႂ်ႈၶဝ်ၵႄႇသႄႇၼုၵ်ႉဢဝ်သူၼႂ်းၶိင်ႇၵႃႇလႃႉဢၼ်ဢမူႉႁွတ်ႈထိုင်ယူႇၼႆႉတႃႉ၊ ဝႃႈၼင်ႇၼႆဢေႃႈ။
၁၅ ၵူၼ်းမဵဝ်းဢိသရေႇလတင်းလၢႆၵေႃႈ လဝ်ႈယွၼ်းတီႈထႃႇဝရႃႉၽြႃးလႄႈဝႃႈ၊-ၶႃႈၸဝ်ႈႁဝ်းၸိူဝ်းၼႆႉ ၽိတ်းပိူင်ႈတီႈၶႃႈယဝ်ႉ။ၸဝ်ႈႁဝ်းၶႅၼ်းတေႃႈႁဵတ်းတီႈၶႃႈၸဝ်ႈႁဝ်းၶဝ်ၸွမ်း ၵႃႈၼင်ႇဢၼ်ၸဝ်ႈႁဝ်းမီးဢလူဝ်ႇၼၼ်ႉသေၵမ်းတီႈၶႃႈ။
၁၆ ၼႂ်းဝႃႈၼၼ်သေၵေႃႈၶႅၼ်းတေႃႈၵႄႇသႄႇၼုၵ်ႈဢဝ်ႁဝ်းၶႃႈၸိူဝ်းၼႆႉ ဝၼ်းမိူဝ်ႈၼႆႉ သေၵမ်းၶႃႈ၊ ဝႃႈၼင်ႇၼႆသေယဝ်ႉ၊ၶဝ်ဢွၼ်ၵၼ်ပႄႇပႅတ်ႈ ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉသေလႄႈႁဵတ်းဝၢတ်ႈတီႈထႃႇဝရႃႉၽြႃးဢေႃႈ။မိူဝ်ႈၼၼ်ႉထႃႇဝရႃႉၽြႃး ဢမ်ႇယိုၼ်ႉလႆႈတုၵ်ႉၶႃႉတၢင်းၽၢၼ်ဢၼ်မဵဝ်းဢိသရေႇလ ၶဝ်လႆႈၶၢမ်ႇၼၼ်ႉဢေႃႈ။
၁၇ ၵူၼ်းမဵဝ်းဢမ်ႇမုၼ်ႇ တင်းလၢႆၼၼ်ႉ ၸူႉၵၼ်တုမ်ၵၼ်လႄႈၶျႃးတပ်ႉၶဝ်ၵႃႈတီႈမိူင်းၵိလတ်ႉဢေႃႈ။ၵူၼ်းမဵဝ်းဢိသရေႇလတင်းလၢႆၼၼ်ႉ ၸူႉၵၼ်တုမ်ၵၼ် လႄႈၶျႃးတပ်ႉၶဝ်ၵႃႈတီႈဝဵင်းမိၸပႃႇ ဢေႃႈ။
၁၈ ၵူၼ်းတင်းလၢႆဢၼ်ဝႃႈၶုၼ်မိူင်းၵိလတ်ႉ ၸိူဝ်းၼၼ်ႉဢုပ်ႇၵၼ်လၢတ်ႈၸႃၵၼ်လႄႈဝႃႈ၊-ၽူႈ လႂ်သေဢမ်ႇဝႃႈၵေႃႉဢၼ်ၸႃႉတိုၵ်းတေႃးၵူၼ်းမဵဝ်း ဢမ်ႇမုၼ်ႇ တင်းလၢႆဢွၼ်တၢင်းပိူၼ်ႈၼၼ်ႉ ႁႂ်ႈၵေႃႉၼၼ်ႉပဵၼ်ၸိၵ်းပဵၼ်ၸွမ်ၵူၼ်းဝၢၼ်ႈၵူၼ်းမိူင်းၵိလတ်ႉ တင်းသဵင်ႈတင်းလူင်သေၵမ်း၊ဝႃႈၼင်ႇၼႆဢေႃႈ။