Chapter
၁၂
ယေႇၽသ လႄႈ ဢေႇၽရိမ်ႇ
၁ ၵူၼ်းမဵဝ်းဢေႇၽရိမ်ႇ တင်းလၢႆၸူႉၵၼ်တုမ်ၵၼ်လႄႈၶီႇသိုၵ်းၵႂႃႇၽၢႆႇတၢင်းႁွင်ႇသေယဝ်ႉၶဝ်လၢတ်ႈတီႈယေႇၽသလႄႈဝႃႈ၊-ၸဝ်ႈယင်းဢမ်ႇႁွင်ႉဢမ်ႇၸူဝ်းႁဝ်းလႄႈ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၶီႇသိုၵ်းၵႂႃႇတိုၵ်းတေႃးၵူၼ်းမဵဝ်းဢမ်ႇမုၼ်ႇၸိူဝ်းၼၼ်ႉ။ႁဝ်းတၵ်းဢဝ်ႆးတုတ်ႇႁိူၼ်းၸဝ်ႈႁဝ်း ၵႃႈၼိူဝ်ႁူဝ်ၸဝ်ႈႁဝ်းဢေႃႈ၊ ဝႃႈၼင်ႇၼႆဢေႃႈ။
၂ ယေႇၽသသမ်ႉလၢတ်ႈတီႈၶဝ်လႄႈဝႃႈ၊-မိူဝ်ႈဢၼ်ၵဝ်ဢိၵ်ႇတင်းၵူၼ်းၵဝ်တင်းလၢႆမီးဢမူႉဢၼ်ယႂ်ႇၼႃႇတီႈၵၼ်တင်းၵူၼ်းမဵဝ်းဢမ်ႇမုၼ်ႇ ၸိူဝ်းၼၼ်ႉၵဝ်ႁွင်ႉၸူဝ်းဢဝ်သူၵေႃႈ သူယင်းဢမ်ႇမႃးၵႄႇ သႄႇၼုၵ်ႉဢဝ်ၵဝ်ဢွၵ်ႇသေၵႃႈၼႂ်းမိုဝ်းၶဝ်ၼၼ်ႉ။
၃ မိူဝ်ႈဢၼ်ၵဝ်ႁူႉႁၼ်လွင်ႈဢၼ် သူဢမ်ႇၵႄႇသႄႇၼုၵ်ႉဢဝ်ၵဝ်ၼၼ်ႉၸိုင် ၵဝ်ၸုၼ်ႉဢသၢၵ်ႈၵဝ်သေလႄႈ ၶီႇသိုၵ်းၵႂႃႇႁႂ်ႈလႆႈတိုၵ်းၵၼ်တင်းၵူၼ်းမဵဝ်း ဢမ်ႇမုၼ်ႇ ၸိူဝ်းၼၼ်ႉလႄႈ ထႃႇဝရႃႉၽြႃးဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းၵဝ်ယဝ်ႉ။ႁဵတ်းသင်လႄႈသူမႃးတီႈၵဝ်ဝၼ်းမိူဝ်ႈၼႆႉ ႁႂ်ႈလႆႈမႃးတိုၵ်းတေႃး၊ဝႃႈၼင်ႇၼႆႇသေယဝ်ႉ၊
၄ ယေႇၽသ ႁႂ်ႈၵူၼ်းမိူင်းၵိလတ်ႉၵႃႈမီးၼၼ်ႉၸူႉၵၼ်တုမ်ၵၼ်သေလႄႈ တိုၵ်းၵၼ်တင်းၵူၼ်းမဵဝ်းဢေႇၽရိမ်ႇၸိူဝ်းၼၼ်ႉဢေႃႈ။ၵူၼ်းမိူင်းၵိလတ်ႉၸိူဝ်းၼၼ်ႉတိုၵ်းတေႃးယႃႉပႅတ်ႈၵူၼ်းဢေႇၽရိမ်ႇ တင်းလၢႆၵွပ်ႈပိူဝ်ႈၶဝ်သေႉသွမ်းဝႃႈ၊-သူဢၼ်ပဵၼ်ၵူၼ်းမဵဝ်းၵိလတ်ႉၸိူဝ်းၼႆႉပဵၼ်ၵူၼ်းမဵဝ်းဢေႇၽရိမ်ႇ ဢၼ်ဢွၵ်ႇပၢႆႈသေၵႃႈၼႂ်းမဵဝ်းဢေႇၽရိမ်ႇ ဢိၵ်ႇတင်းမဵဝ်းမၼႃႇသေႇမႃးၸိူဝ်းၼၼ်ႉ ဢေႃႈ၊ဝႃႈၼင်ႇၼႆၼၼ်ႉဢေႃႈ။
၅ ၵူၼ်းမိူင်းၵိလတ်ႉတင်းလၢႆဢွၼ်ၵၼ်ႁႄႉတၢင်း တီႈဢၼ်ၶၢမ်ႈၼမ်ႉႁွင်ႊယေႃႇတၢၼ်ႇၵႃႈတီႈၽၢႆႇၼႃႈၵူၼ်း ဢေႇၽရိမ်ႇ ၸိူဝ်းၼၼ်ႉဝႆႉဢေႃႈ။မိူဝ်ႈဢၼ်ၵူၼ်းဢေႇၽရိမ်ႇဢၼ်ပၢႆႈလွတ်ႈၵႂႃႇၼၼ်ႉသေၵေႃႉၵေႃႉ ယွၼ်းဢၶႂၢင်ႉႁႂ်ႈလႆႈၶၢမ်ႈၼမ်ႉၵႂႃႇၼၼ်ႉၸိုင် ၵူၼ်းမိူင်းၵိလတ်ႉတၵ်းၸႅတ်ႈထၢမ်မၼ်းလႄႈဝႃႈ၊-မႂ်းပဵၼ်ၵူၼ်းမဵဝ်းဢေႇၽရိမ်ႇႁိုဝ်၊ ဝႃႈၼႆလႄႈ ပေႃႈမၼ်းဝႃႈ၊-ဢမ်ႇၸႂ်ႈၶႃႈ၊ ဝႃႈၼင်ႇၼႆ ၸိုင် ၶဝ်သမ်ႉႁႂ်ႈမၼ်းလၢတ်ႈၵႂၢမ်းသိပေႃႇလိတ်ႉဢေႃႈ။
၆ ပေႃးမၼ်းၵေႃႈလၢတ်ႈဝႃႈ ၸိပေႃႇလိတ်ႉဢေႃႈ။မၼ်းဝႃႈဢမ်ႇပီႇၵွပ်ႈပိူဝ်ႈမၼ်းပဵၼ်ၵူၼ်းဢေႇထရိမ်ႇ ၼၼ်ႉလႄႈၶဝ်တီႉၵမ်ဢဝ်မၼ်းသေယဝ်ႉဢဝ်တၢႆ ၵႃႈတီႈဢၼ်ၶၢမ်ႈ ၼမ်ႉႁွင်ႊယေႃးတၢၼ်ႇၼၼ်ႉဢေႃႈ။မိူဝ်ႈၼၼ်ႉၵူၼ်းမဵဝ်းဢေႇၽရိမ်ႇတၢႆသီႇမိုၼ်ႇပၢႆသၢမ်ႇႁဵင်ဢေႃႈ။
၇ ယေႇၽသဢွၼ်ႁူဝ်ၵူၼ်းမဵဝ်းဢိသရေႇလႁူၵ်းပီႊတဵမ်တဵမ်ဢေႃႈ။ယေႇၽသ ၵူၼ်းမိူင်းၵိလတ်ႉၼၼ်ႉတၢႆလႄႈ ၶၢမ်ႇတၢင်းဢၼ်သႂၢင်းၵျူဝ်ႇၵႃႈတီႈဝဵင်းၵိလတ်ႉဝဵင်းၼိုင်ႈဢေႃႈ။
၈ လိုၼ်းသယေေႇၽသယဝ်ႉ ဢိပၸၼ်ႇ ၵူၼ်းဝဵင်းပႅတ်ႉလိႁႅမ်ႇ ဢွၼ်ႈႁူဝ်ၵူၼ်းမဵဝ်း ဢိသရေႇလၶဝ်ဢေႃႈ။
၉ ၶုၼ်ၼၼ်ႉ မီးလုၵ်ႈၸၢႆးသၢမ်သိပ်း လုၵ်ႈယိင်းသၢမ်သိပ်းဢေႃႈ။မၼ်းပၼ်လုၵ်ႈယိင်းမၼ်းသၢမ်ႇသိပ်းၼၼ်ႉ တႄႇၼႃႈႁိူၼ်းလူၺ်ႈၵူၼ်းတၢင်ႇတီႈတၢင်ႇလႅၼ်ႈလႄႈဢဝ်မေႈယိင်းတၢင်ႇတီႈတၢင်ႇလႅၼ်ႈသၢမ်သိပ်းပုၼ်ႈလုၵ်ႈၸၢႆးမၼ်းဢေႃႈ။မၼ်းဢွၼ်ႁူဝ်ၵူၼ်းမဵဝ်းဢိသရေႇလၶဝ်ၸဵတ်းပီႊတဵမ်တဵမ်ဢေႃႈ။
၁၀ ၸိပၸၼ်ႇတၢႆလႄႈ လႆႈၶၢမ်ႇတၢင်းဢၼ်သႂၢင်းၵျူဝ်ႇၵႃႈတီႈဝဵင်းပႅတ်ႉလိႁႅမ်ႇဢေႃႈ။
၁၁ ဝၢႆးသေဢိပၸၼ်ႇ ယဝ်ႉ ဢေႇလုၼ်ႇၵူၼ်းမဵဝ်းၸေႇပုလုၼ်ႇၼၼ်ႉဢွၼ်ႁူဝ်ၵူၼ်းမဵဝ်းဢိသရေႇလ သိပ်းပီႊ တဵမ်တဵမ်ဢေႃႈ။
၁၂ ဢေႇလုၼ်ႇၵူၼ်းမဵဝ်းၸေႇပုလုၼ်ႇၼၼ်ႉတၢႆလႄႈ လႆႈၶၢမ်ႇတၢင်းဢၼ်သႂၢင်းၵျူဝ်ႇၵႃႈတီႈ ဝဵင်းဢႃႇၸလုၼ်ႇ ဢိူင်ႇၸေႇပုလုၼ်ႇဢေႃႈ။
၁၃ လိုၼ်းသေမၼ်းၼၼ်ႉ ဢႃႇပတုၼ်ႇ လုၵ်ႈၸၢႆးႁိလေႇလၵူၼ်းဝဵင်းပိရသုၼ်ႇ ၼၼ်ႉဢွၼ်ႁူဝ်မဵဝ်းဢိသရေႇ လဢေႃႈ။
၁၄ ၶုၼ်ၼၼ်ႉမီးလုၵ်ႈၸၢႆးသီႇသိပ်း၊လၢၼ်ၸၢႆးသၢမ်သိပ်း ဢၼ်ၶီႇမႃႉလီႈဢွၼ်ၸဵတ်းသိပ်းတူဝ်ၼၼ်ႉဢေႃႈ။မၼ်းဢွၼ်ႁူဝ်ၵူၼ်းမဵဝ်းဢိသရေႇလ ပႅတ်ႇပီႊတဵမ်တဵမ်ဢေႃႈ။
၁၅ ဢႃႇပတုၼ်ႇ လုၵ်ႈၸၢႆး ႁိလေႇလ ၵူၼ်းဝဵင်းပိရသုၼ်ႇၼၼ်ႉတၢႆလႄႈလႆႈၶၢမ်ႇဢၼ်သႂၢင်းၵျူဝ်ႇၵႃႈတီႈဝဵင်းပိရသုၼ်ႇ ဢိုင်ႇဢေႇၽရိမ်ႇ ၵႃႈၼိူဝ်ႁၢၼ်ႉလွႆဢႃႇမလိၵ်ႉဢေႃႈ။