Chapter
၁
ၵူၼ်းမဵဝ်းဢိသရေႇလတိုၵ်းတေႃးၵၼ်တင်းၵူၼ်းမဵဝ်းၶႃႇၼၼိဢၼ်ၵိုတ်းဢၼ်ၵျၢၼ်ႇ
၁ လိုၼ်းဢၼ် ယေႃးသု ႁွတ်ႈဢၼိၵ်ႉၸႃႉယဝ်ႉၼၼ်ႉၵူၼ်းမဵဝ်းဢိသရေႇလတင်းလၢႆ လဝ်ႊထၢမ်ႇတီႈထႃႇဝရႃႉၽြႃးလႄႈဝႃႈ၊-ၵႃႈၼႂ်းၶႃႈၸဝ်ႈႁဝ်းၶဝ်ၸိူဝ်းၼႆႉၽူႈ လႂ် တၵ်းလႆႈၶီႇသိုၵ်းၶိုၼ်ႈဢွၼ်တၢင်းပိူၼ်ႈၸူးၵႃႈတီႈၵူၼ်းၶႃႇၼၼိ တင်းလၢႆႁႂ်ႈလႆႈတိုၵ်းတေႃးၶဝ်ၶႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃးၵေႃႈမီႈဢမိင်ႉဝႃႈ၊-
၂ ယုတတၵ်းလႆႈၶီႇသိုၵ်းၶိုၼ်ႈဢေႃႈ။ၵဝ်ဢဝ်မိူင်းၼၼ်ႉဢၢပ်ႈပၼ်ၵႃႈၼႂ်းမိုဝ်းမၼ်းယဝ်ႉ၊ ဝႃႈၼင်ႇၼႆဢေႃႈ။ယုတလၢတ်ႈတီႈပီႈၸၢႆးမၼ်းသိမုၼ်ႇလႄႈဝႃႈ၊-
၃ ၸွမ်းၵၼ်တင်းႁဝ်းလႄႈ ၶိုၼ်ႈၵႂႃႇၵႃႈတီႈလိၼ်ဢမူၺ်ႇႁဝ်းႁႂ်ႈလႆႈတိုၵ်းတေႃးၵူၼ်းၶႃႇၼၼိ ၸိူဝ်းၼၼ်ႉသေၵမ်း။လိုၼ်းၼၼ်ႉၵႃႈတီႈလိၼ်ဢမူၺ်ႇမႂ်းၵေႃႈ၊ ႁဝ်းတၵ်းၸွမ်းလူၺ်ႈၵၼ်တင်းမႂ်းၵႂႃႇဢေႃႈ၊ ဝႃႈၼင်ႇၼႆလႄႈ သိမုၼ်ႇၵေႃႈၸွမ်းၶိုၼ်ႈၵႂႃႇဢေႃႈ။
၄ ယုတၶီႇသိုၵ်းၵႂႃႇလႄႈ ထႃႇဝရႃႉၽြႃးဢဝ်ၵူၼ်းၶႃႇၼၼိဢိၵ်ႇတင်းၵူၼ်းၽေႇရၸိတင်းလၢႆဢၢပ်ႈပၼ်ၵႃႈၼႂ်းမိုဝ်းၶဝ်သေယဝ်ႉ၊ ၶဝ်တိုၵ်းတေႃးယႃႉပႅတ်ႈၶဝ်ၼၼ်ႉၵႃႈတီႈ ဝဵင်းပေႇၸိၵ်ႉၼၼ်ႉၵူၼ်းႁဵင်ၼိုင်ႈဢေႃႈ။
၅ ၶဝ်ထူပ်းႁၼ်ၶုၼ်ဢတေႃးၼိပေႇၸိၵ်ႉ ၵႃႈၼႂ်းဝဵင်းပေႇၸိၵ်ႉၼၼ်ႉလႄႈ တိုၵ်းတေႃးမၼ်းသေယဝ်ႉယႃႉပႅတ်ႈၵူၼ်းၶႃႇၼၼိဢိၵ်ႇတင်း ၵူၼ်းၽေႇရၸိ ၸိူဝ်းၼၼ်ႉသေယဝ်ႉ၊ ဢတေႃးၼိပေႇၸိၵ်ႉဢွၵ်ႇပၢႆႈဢေႃႈ။
၆ ၶဝ်လိုပ်ႈၸွမ်းလမ်းၸွမ်းမၼ်းလႄႈ တီႉလႆႈသေယဝ်ႉ တႅပ်းမေႈမိုဝ်း မၼ်းမေႈတိၼ်မၼ်းပႅတ်ႈဢေႃႈ။
၇ ဢတေႃးၼိပေႇၸိၵ်ႉလၢတ်ႈလႄႈဝႃႈ၊-ၶုၼ်လူင်ၸဵတ်းသိပ်းဢၼ်လႆႈၶၢမ်ႇတၢင်းဢၼ်တႅပ်းမေႈမိုဝ်းမေႈတိၼ်ၸိူဝ်းၼၼ်ႉ လႆႈၵဵပ်းၵိၼ်ဢၼ်ယွႆႈဢၼ်ယႅမ်းၵႃႈတႂ်ႈၶူင်ႇတီၵိၼ်ၵဝ်ဢေႃႈ။ၸွမ်းၵႃႈၼင်ႇဢၼ်ၵဝ်လႆႈႁဵတ်းမႃးၼၼ်ႉၽြႃးပဵၼ်ၸဝ်ႈပၼ်တၢမ်ႇတီႈၵဝ်ယဝ်ႉ၊ ဝႃႈၼင်ႇၼႆဢေႃႈ။ၶဝ်ဢဝ်မၼ်းသူင်ႇၵႃႈတီႈ ဝဵင်းယေႇရုသလႅမ်ႇ လႄႈ မၼ်းတၢႆၵႃႈတီႈၼၼ်ႉဢေႃႈ။
၈ ၵူၼ်းမဵဝ်းယုတၸိူဝ်းၼၼ်ႉတိုၵ်းတေႃးမိူင်းယေႇရုသလႅမ်ႇလႄႈ သိမ်းဢဝ်သေယဝ်ႉ၊ ယႃႉပႅတ်ႈလူၺ်ႈၶူမ်းလၢပ်ႇၶူမ်းလႅဝ်းလႄႈ ဢဝ်ၽႆးတုတ်ႇဝဵင်းၼၼ်ႉဢေႃႈ။
၉ လိုၼ်းၼၼ်ႉၵူၼ်းမဵဝ်းယုတၸိူဝ်းၼၼ်ႉလူင်းၵႂႃႇႁႂ်ႈလႆႈတိုၵ်းတေႃးၵူၼ်းၶႃႇၼၼိ ဢၼ်ယူႇၵႃႈၼိူဝ်ႁၢၼ်ႉလွႆ ၵႃႈတီႈတၢင်းပွတ်းၸၢၼ်းဢိၵ်ႇတင်း ၵႃႈတီႈပၢင်ႇပဵင်းၼၼ်ႉဢေႃႈ။
၁၀ ၵူၼ်းမဵဝ်းယုတၸိူဝ်းၼၼ်ႉ သမ်ႉၶီႇသိုၵ်းၵႂႃႇၸူးၵႃႈတီႈၵူၼ်းၶႃႇၼၼိ ဢၼ်ယူႇၵႃႈၼႂ်းဝဵင်းႁေႇပုၼ်ႇဢၼ်မီးၸိုဝ်သဵင်ႈၵဝ်ႇၵိရယသႃႇၽၼၼ်ႉလႄႈ တိုၵ်းတေႃးယႃႉပႅတ်ႈဢႁိမၼ်ႇ၊ သေႇသေႇတင်းတႃႇလမေႇၸိူဝ်းၼၼ်ႉဢေႃႈ။
၁၁ ၶဝ်သမ်ႉလုၵ်ႉသေၵႃႈတီႈၼၼ်ႉၶီႇသိုၵ်းၵႂႃႇၸူးၵႃႈ တီႈၶဝ်ၸိူဝ်းဢၼ်ပဵၼ်ၵူၼ်းဝဵင်းတေႇပိရၼၼ်ႉဢေႃႈ။ၸိုဝ်ၵဝ်ႇဝဵင်းတေႇပိရၼၼ်ႉၸမ်းပဵၼ် ၵိရယသေႃႇၽဢေႃႈ။
၁၂ မိူၼ်ၼင်ႇၵႃႇလိပ်ႉလၢတ်ႈလႄႈဝႃႈ၊-ၵဝ်တၵ်းဢဝ်လုၵ်ႈယိင်းၵဝ်ဢႃႇၶသ ပၼ်ၵေႃႉဢၼ်တိုၵ်းဢဝ်ဝဵင်း ၵိရယသေႃႇၽၼၼ်ႉဢေႃႈ၊
၁၃ ဝႃႈၼင်ႇၼႆၼၼ်ႉဢေႃႇထၼ်ႇယေႇလ လုၵ်ႈၸၢႆးၵေႇၼတ်ႉ ဢၼ်ပဵၼ်ၼွင်ႉၸၢႆးၵႃႇလိပ်ႉ ၼၼ်ႉတိုၵ်းဢဝ်ဝဵင်းၼၼ်ႉလႄႈမၼ်းဢဝ်လုၵ်ႈယိင်းမၼ်းဢႃႇၶသ ပၼ်ၵၼ်တင်းမၼ်းၼၼ်ႉ ဢေႃႈ။
၁၄ မိူဝ်ႈဢၼ်မေႈယိင်းၼၼ်ႉမႃးၸူးတီႈၽူဝ်မၼ်းၼၼ်ႉၸိုင် မၼ်းတိုၵ်းယူင်းၸူဝ်းဢဝ်ၽူဝ်မၼ်းႁႂ်ႈလႆႈယွၼ်းဢဝ်ၵႂၢၵ်ႉလိၼ်သေၵႂၢၵ်ႉၼိုင်ႈတီႈပေႃႈမၼ်းဢေႃႈ။မၼ်းလူင်းသေၵႃႈၼိူဝ်မႃႉလီႈမၼ်းမႃးလႄႈ ၵႃႇလိပ်ႉ ထၢမ်ႇတီႈမၼ်းလႄႈဝႃႈ၊-မႂ်းၶႂ်ႈလႆႈၵႃႈသင်၊ဝႃႈၼင်ႇၼႆလႄႈ၊ မၼ်းၵေႃႈၶိုၼ်းလၢတ်ႈလႄႈ ဝႃႈ၊-
၁၅ ပၼ်တၢင်းလီတီႈၵဝ်ၶႃႈသေၵမ်းၶႃႈ။လွင်ႈမၼ်းၸမ်း ၸဝ်ႈႁဝ်းပၼ်လိၼ်ၼႃႈတၢင်းၸၢၼ်းၼၼ်ႉတီႈၵဝ်ၶႃႈယဝ်ႉလႄႈ ၼမ်ႉဢွၵ်ႇႁူးၵေႃႈပၼ်လူးၵွၼ်ႇသေၵမ်းၶႃႈ၊ဝႃႈၼင်ႇၼႆသေယဝ်ႉ၊ ၵႃႇလိပ်ႉ ပၼ်ၼမ်ႉဢွၵ်ႇႁူးဢၼ်ၵႃႈၼိူဝ်ႇ ဢိၵ်ႇတင်း ၼမ်ႉဢွၵ်ႇႁူးၵႃႈတႂ်ႈ ၸိူဝ်းၼၼ်ႉတီႈမၼ်းဢေႃႈ။
၁၆ ၵူၼ်းမဵဝ်းၸိူဝ်ႉၶိူဝ်းၵေႇၼိ ၵေႃႉဢၼ်ပဵၼ်ပူႇၼၢႆးမုဝ်းသေႇၸိူဝ်းၼၼ်ႉဢွၼ် ၵၼ်လုၵ်ႉသေၵႃႈတီႈဝဵင်းတုၼ်ႇထၼ်ႇ ၸွမ်းလူၺ်ႈၵၼ်တင်းၵူၼ်းမဵဝ်းယုတ တင်းလၢႆ ၶိုၼ်ႈၵႂႃႇၸူးၵႃႈတီႈထိူၼ်ႇယုတ ၵႃႈတီႈၽၢႆႇတၢင်းၸၢၼ်းဝဵင်းဢႃႇရတ်ႉလႄႈ ၵႂႃႇတူၵ်းတီႈယူႇတီႈသဝ်းလူၺ်ႈၵၼ်တင်းၶဝ်ၼၼ်ႉဢေႃႈ။
၁၇ ယုတသမ်ႉၸွမ်းတင်းပီႈၸၢႆးမၼ်းသိမုၼ်ႇၵႂႃႇလႄႈ တိုၵ်းတေႃးယႃႉပႅတ်ႈၵူၼ်းၶႃႇၼၼိ ဢၼ်ယူႇၵႃႈတီႈဝဵင်းၸေႇၽတ်ႉၼၼ်ႉသေလႄႈ ယႃႉၽဵဝ်ႈဝဵင်းၼၼ်ႉပႅတ်ႈမူတ်းမူတ်းသေယဝ်ႉ၊ ဝဵင်းၼၼ်ႉလႆႈၶၢမ်ႇတင်းဢၼ်ႁွင်ႉႁိၵ်ႈၸိုဝ် ႁေႃႇမႃႇ ဢေႃႈ။
၁၈ ယုတသမ်ႉတိုၵ်းဢဝ်ဝဵင်းၵႃႇၸဢိၵ်ႇတင်းဢိူင်ႇဝဵင်းမၼ်းဝဵင်းဢႃႇသၵေႇလုၼ်ႇ ဢိၵ်ႇတင်းဢိူင်ႇဝဵင်းမၼ်းတင်းဝဵင်းဢေႇပုၼ်ႇ ဢိၵ်ႇတင်းဢိူင်ႇ ဝဵင်းမၼ်းၸိူဝ်းၼၼ်ႉဢေႃႈ။
၁၉ ထႃႇဝရႃႉၽြႃးမီးယူႇလူၺ်ႈၵၼ်တင်းယုတလႄႈ မၼ်းၼၼ်ႉႁေႃႈၶဝ်ၸိူဝ်းဢၼ်ယူႇၵႃႈၼိူဝ်ႁၢၼ်ႉလွႆတင်းလၢႆ ဢွၵ်ႇပႅတ်ႈဢေႃႈ။ၵူၼ်းဢၼ်ယူႇၵႃႈၼႂ်းပၢင်ႇပဵင်းတင်းလၢႆၸိုင်၊ မၼ်းဢမ်ႇႁေႃႈဢွၵ်ႇပႅတ်ႈလႆႈ။လွင်ႈမၼ်းၸမ်းၶဝ်ၼၼ်ႉမီး လေႃႉရထႃးလဵၵ်းဢေႃႈ။
၂၀ ၶဝ်ဢဝ်ဝဵင်းႁေႇပုၼ်ႇပၼ်တီႈၵႃႇလိပ်ႉၸွမ်းၵႃႈၼင်ႇဢၼ်မုဝ်းသေႇ သင်ႇလၢတ်ႈဝႆႉၼၼ်ႉလႄႈ မၼ်းႁေႃႈၵူၼ်းဢႃႇၼၵသၢမ်ႇၵေႃႉဢွၵ်ႇ ပႅတ်ႈသေၵႃႈတီႈၼၼ်ႉဢေႃႈ။
၂၁ ၵူၼ်းမဵဝ်းပိၼ်ႇယႃႇမိၼ်ႇယင်းဢမ်ႇႁေႃႈၵူၼ်းယေႇပုသိ တင်းလၢႆဢၼ်ယူႇၵႃႈတီႈဝဵင်းယေႇရုသလႅမ်ႇ ၼၼ်ႉဢွၵ်ႉပႅတ်ႈသေၵႃႈတီႈၼၼ်ႉလႄႈၵူၼ်းယေႇပုသိ ၸိူဝ်းၼၼ်ႉယူႇလူၺ်ႈၵၼ်တင်းၵူၼ်းမဵဝ်းပိၼ်ႇယႃႇမိၼ်ႇ တင်းလၢႆၵႃႈတီႈဝဵင်းယေႇရုသလႅမ်ႇ ၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၂၂ ၵူၼ်းမဵဝ်းယုဝ်းသႅပ်ႉၵေႃႈ ၶီႇသိုၵ်းၶိုၼ်ႈၸူးၵႃႈတီႈဝဵင်းပေႇသလလႄႈ ထႃႇဝရႃႉၽြႃးၵေႃႈမီးယူႇလူၺ်ႈၵၼ်တင်းၶဝ်ဢေႃႈ။
၂၃ ၵူၼ်းမဵဝ်းယုဝ်းသႅပ်ႉၸိူဝ်းၼၼ်ႉပွႆႇၸႂ်ႉႁႂ်ႈလႆႈလွမ်တူၺ်းဝဵင်းပေႇသလဢေႃႈ။ၸိုဝ်ၵဝ်ႇဝဵင်းၼၼ်ႉ ၸမ်းပဵၼ်ဝဵင်းလုၸဢေႃႈ။
၂၄ ၶဵဝ်လွတ်ႈၽႆးၼႂ်းၸိူဝ်းၼၼ်ႉ ထူပ်းႁၼ်ၵူၼ်းၵေႃႉၼိုင်ႈ ဢွၵ်ႇဝဵင်းၼၼ်ႉမႃးလႄႈၶဝ်လၢတ်ႈတီႈမၼ်းလႄႈဝႃႈ၊-ၼႄပၼ်သဵၼ်ႈတၢင်းဢၼ်ၶဝ်ၸူးၵႃႈၼႂ်းဝဵင်းသေၵမ်း။ပေႃးမႂ်းၼႄပၼ်ၸိုင် ႁဝ်းတၵ်းပၼ်ၵတ်းယဵၼ်ၶျၢမ်းသႃႇတီႈမႂ်း ဢေႃႈ၊ ဝႃႈၼင်ႇၼႆလႄႈၵေႃႉၼၼ်ႉၵေႃႈၼႄပၼ်သဵၼ်ႈတၢင်း ဢၼ်ၶဝ်ႈၸူးၵႃႈတီႈၼႂ်းဝဵင်းသေဢေႃႈ။
၂၅ ၶဝ်တိုၵ်းတေႃးယႃႉဝဵင်း ၼၼ်ႉပႅတ်ႈလူၺ်ႈၶူမ်းလၢပ်ႇၶူမ်းလႅဝ်းသေလႄႈပွႆႇၵေႃႉၼၼ်ႉ ဢိၵ်ႇတင်းၵူၼ်းႁိူၼ်းၵူၼ်းယေးမၼ်းတင်းသဵင်ႈတင်းလူင်လွတ်ႈဢေႃႈ။
၂၆ ၵေႃႉၼၼ်ႉၵႂႃႇၵႃႈတီႈမိူင်းႁိတ်ႉတိလႄႈ တေႇႁဵတ်းဝဵင်းသေယဝ်ႉ၊ႁွင်ႉႁိၵ်ႈၸိုဝ်ဝဵင်းၼၼ်ႉဝႃႈ လုၸ ဢေႃႈ။ၸိုဝ်သဵင်ႈၼၼ်ႉ ၸပ်းယူႇတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၂၇ မဵဝ်းမၼႃႇသေႇ ၼၼ်ႉယင်းဢမ်ႇႁေႃႈၶဝ်ၸိူဝ်းဢၼ်ယူႇၵႃႈတီႈဝဵင်းပိတ်ႉသၼ်ႇ ဢိၵ်ႇတင်း ဝၢၼ်ႈမၼ်းတင်းလၢႆ ဝဵင်းတႃႇၼၵ်ႉ ဢိၵ်ႇတင်းဝၢၼ်ႈမၼ်းတင်းလၢႆ၊ဝဵင်းတေႃႇရ ဢိၵ်ႇတင်းဝၢၼ်ႈမၼ်းတင်းလၢႆ ဝဵင်းဢိပလမ်ႇ ဢိၵ်ႇတင်းဝၢၼ်ႈမၼ်းတင်းလၢႆ ဝဵင်းမေႇၵိတ်ႉတေႃႇ ဢိၵ်ႇတင်းဝၢၼ်ႈမၼ်းတင်းလၢႆၸိူဝ်းၼၼ်ႉဢွၵ်ႇပႅတ်ႈလႄႈ ၵူၼ်းၶႃႇၼၼိ ၸိူဝ်းၼၼ်ႉတႅပ်း တတ်းၸႂ်ယူႇၵႃႈတီႈၼၼ်ႉဢေႃႈ။
၂၈ လိုၼ်းၼၼ်ႉမိူဝ်ႈဢၼ်ၵူၼ်းမဵဝ်း ဢိသရေႇလ တင်းလၢႆႁႅင်းယႂ်ႇမႃးၼၼ်ႉၸိုင် ပိၵ်ႉသမ်ႉၶဝ်ဢမ်ႇႁေႃႈၵူၼ်းၶႃႇၼၼိ တင်းလၢႆဢွၵ်ႇပႅတ်ႈသေၵေႃႈ ၶဝ်ႁႂ်ႈၵူၼ်းၶႃႇၼၼိ လႆႈပဵၼ်ၶႃႈၶၢမ်ႇတၢင်းၸႂ်ႉတၢင်းသွႆဢေႃႈ။
၂၉ မိူၼ်ၼင်ႇၼၼ်မဵဝ်းဢေႇၽရိမ်ႇ ယင်းဢမ်ႇႁေႃႈၵူၼ်းၶႃႇၼၼိ ဢၼ်ယူႇၵႃႈတီႈဝဵင်းၵေႇၸႃႇ ၼၼ်ႉဢွၵ်ႇပႅတ်ႈလႄႈ ၵူၼ်းၶႃႇၼၼိၸိူဝ်းၼၼ်ႉယူႇလူၺ်ႈၵၼ်တင်းၶဝ်ၵႃႈၼႂ်းဝဵင်းၵေႇၸႃႇၼၼ်ႉယူႇဢေႃႈ။
၃၀ မိူၼ်ၼင်ႇၼၼ်၊မဵဝ်းဢႃႇသႃႇ ယင်းဢမ်ႇႁေႃႈ ၵူၼ်းဝဵင်းၵိတရုၼ်ႇဢိၵ်ႇတင်း ၵူၼ်းဝဵင်းၼႁႃႇလေႃႇလ ၸိူဝ်းၼၼ်ႉဢွၵ်ႇပႅတ်ႈသေလႄႈ ၵူၼ်းၶႃႇၼၼိၸိူဝ်းၼၼ်ႉ ယူႇလူၺ်ႈၵၼ်တင်းၶဝ်သေလႄႈပဵၼ်ၶႃႈၶၢမ်ႇတၢင်းၸႂ်ႉတၢင်းသွႆယူႇဢေႃႈ။
၃၁ မိူၼ်ၼင်ႇၼၼ် မဵဝ်းဢႃႇသႃႇ ယင်းဢမ်ႇႁေႃႈၵူၼ်းဝဵင်းဢၵ်ႉၶေႃႇ ၵူၼ်းဝဵင်းၸိတုၼ်ႇ ၵူၼ်းဝဵင်းဢႃႇလပ်ႉၵူၼ်းဝဵင်းဢႃႇၶသိပ်ႉၵူၼ်းဝဵင်းႁေႇလပ ၵူၼ်းဝဵင်းဢႃႇၽိတ်ႉ ၵူၼ်းဝဵင်:ရႁေႃႇၽၸိူဝ်းၼၼ်ႉဢွၵ်ႇပႅတ်ႈ လႄႈ
၃၂ ၵူၼ်းမဵဝ်းဢႃႇသႃႇၸိူဝ်းၼၼ်ႉယူႇလူၺ်ႈၵၼ်တင်းၵူၼ်းၶႃႇၼၼိၸိူဝ်းၼၼ်ႉဢေႃႈ။ၶဝ်ဢမ်ႇႁေႃႈၶဝ်ၸိူဝ်းၼၼ်ႉဢွၵ်ႇပႅတ်ႈ။
၃၃ မိူၼ်ၼင်ႇဢၼ် မဵဝ်းၼပ်ႉထလိ ယင်းဢမ်ႇႁေႃႈၵူၼ်းဝဵင်းပိတ်ႉသေႇမိတ်ႉ တင်းၵူၼ်းဝဵင်းပေႇသၼတ်ႉ ၸိူဝ်းၼၼ်ႉဢွၵ်ႇပႅတ်ႈလႄႈ ယူႇလူၺ်ႈၵၼ်တင်းၵူၼ်းၶႃႇၼၼိဢၼ်ယူႇၵႃႈတီႈမိူင်းၼၼ်ႉဢေႃႈ။ၼႂ်းဝႃႈၼၼ်သေၵေႃႈၵူၼ်းဝဵင်းပိတ်ႉသေႇမိတ်ႉ ဢိၵ်ႇတင်းၵူၼ်းဝဵင်းပေႇသၼတ်ႉ ၸိူဝ်းၼၼ်ႉလႆႈပဵၼ်ၶႃႈၶၢမ်ႇတၢင်းၸႂ်ႉတၢင်းတၢင်းသွႆယူႇဢေႃႈ။
၃၄ ၵူၼ်းဢႃႇမေႃးရိ တင်းလၢႆႁဵတ်းႁႂ်ႈၵူၼ်းမဵဝ်းတၼ်ႇယူႇၵႃႈၼိူဝ်ႁၢၼ်ႉလွႆတေးလွႆလႄႈ ဢမ်ႇပၼ်ဢၶႂၢင်ႉဢၼ်လႆႈယူႇၵႃႈတႂ်ႈတီႈပၢင်ႇပဵင်း။
၃၅ ၵူၼ်းဢႃႇမေႃးရိ ၸိူဝ်းၼၼ်ႉ ၼိုင်ႈၶိၼ်ယူႇၵႃႈၼိူဝ်လွႆႁေႇရိတ်ႉ ၵႃႈၼႂ်းဝဵင်းဢႃႇၸလုၼ်ႇတင်းဝဵင်းၸႃႇလပိမ်ႇဢေႃႈ။ၼႂ်းဝႃႈၼၼ်သေၵေႃႈႁႅင်းမိုဝ်းၵူၼ်းမဵဝ်းယုဝ်းသႅပ်ႉ ၼၼ်ႉပေႉၼႅင်ႇၶဝ် ထၢၼ်ႈပေႃးႁႂ်ႈၶဝ်လႆႈပဵၼ်ၶႃႈတၢင်းၸႂ်ႉတၢင်း သွႆဢေႃႈ။
၃၆ လိၼ်တီႈဢၼ်ၵူၼ်းဢႃႇမေႃးရိၸိူဝ်းၼၼ်ႉလႆႈယူႇၼၼ်ႉ ပဵၼ်တီႈဢၼ်ဢဝ်ၸႃႉၸဵမ်ၵုင်းဢႃႉၵရပ်ႉပိမ်ႇတေႃႇမၢၵ်ႇႁိၼ်မၢၵ်ႇၽႃၶိုၼ်ႈၵႂႃႇဢေႃႈ။