Chapter
၂
တမၢၼ်ႇၵၢင်ႁၢဝ်ၽြႃးပဵၼ်ၸဝ်ႈတီႈဝဵင်းပေႃၶိမ်ႇ
၁ တမၢၼ်ႇထႃႇဝရႃႉၽြႃး လုၵ်ႉသေၵႃႈတီႈဝဵင်း ၵိလၵႃႇလ မႃးၵႃႈတီႈဝဵင်းပေႃၶိမ်ႇလႄႈမီးဢမိင်ႉလႄႈဝႃႈ၊-ၵဝ်ဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃး ၵႃႈတီႈ မိူင်းဢၼ်ၵဝ်တိူင်ႇဝႃႈဝႆႉတီႈပူႇမွၼ်ႇသူၸိူဝ်းၼၼ်ႉယဝ်ႉ။ၵဝ်လႆႈဝႃႈၵဝ်တၵ်းဢမ်ႇယႃႉပႅတ်ႈပတိၺိၼ်ႇဢၼ်ၵဝ်ႁဵတ်းဝႆႉလူၺ်ႈၵၼ်တင်းသူၼၼ်ႉလႄႈ ယူႇ တႃႇသေဢမ်ႇထၢတ်ႇဢေႃႈ။
၂ သူဢမ်ႇလႆႈႁဵတ်းမိၵ်ႇသႁႃႇယႃႉတၢင်း ဢၼ်ထုၵ်ႇၵၼ်တင်းၵူၼ်းဝၢၼ်ႈၵူၼ်းမိူင်းၼႆႉၸိူဝ်းၼၼ်ႉ။သူတၵ်းလႆႈၵိူၼ်ႇယိၸ်ႉပလၢင်ႇၶဝ်ပႅတ်ႈဢေႃႈ၊ဝႃႈၼင်ႇၼႆသေၵေႃႈ၊ သူဢမ်ႇထွမ်ႇဢမ်ႇဢဝ်ၵႂၢမ်းၵဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈသူႁဵတ်းၸိူဝ်ႉ ၼင်ႇၼႆ။
၃ ပိူဝ်ႈၼႆလႄႈၵဝ်သမ်ႉလႆႈဝႃႈ၊-ၵဝ်တၵ်းဢမ်ႇႁေႃႈၶဝ်ၼၼ်ႉဢွၵ်ႇပႅတ်ႈသေၵႃႈတီႈၽၢႆႇၼႃႈသူ။ၶဝ်ၼၼ်ႉတၵ်းပဵၼ်ၼၢမ်လႅမ်ၵႃႈတီႈပဵမ်ႉသူလႄႈ ၶဝ်ၼၼ်ႉၵေႃႈတၵ်းပဵၼ်တူင်ႇႁဵဝ်ႉတူင်ႇၶိုမ်းၵႃႈတီႈသူဢေႃႈ၊ ဝႃႈ ၼင်ႇၼႆဢေႃႈ။
၄ မိူဝ်ႈဢၼ်တမၢၼ်ႇထႃႇဝႃႉရႃႉၽြႃးမီးဢမိင်ႉၸိူဝ်ႉၼင်ႇၼႆတီႈၵူၼ်းမဵဝ်းဢိသရေႇလ တင်းသဵင်ႈတင်းလူင်ၼၼ်ႉၸိုင် ၵူၼ်းတင်းလၢႆဢွၼ်ၵၼ် ၵႅဝ်ႇသဵင်သေလႄႈႁွင်ႉႁႆႈဢေႃႈ။
၅ တီႈၼၼ်ႉၸိုင်ၶဝ်ႁွင်ႉႁိၵ်ႈၸိုဝ် ပေႃၶိမ်ႇ လႄႈဢွၼ်ၵၼ်ပုၵ်ႉၸေႃႇယိၸ်ႉတီႈထႃႇဝရႃႉၽြႃးၵႃႈတီႈၼၼ်ႉဢေႃႈ။
၆ မိူဝ်ႈၼၼ်ႉမိူဝ်ႈဢၼ်ယေႃးသု ပွႆႇၵူၼ်းမဵဝ်းဢိသရေႇလၸိူဝ်းၼၼ်ႉၵႂႃႇၼၼ်ႉၸိုင် ၶဝ်ႁင်းၽႂ်ႇႁင်းမၼ်းဢွၼ်ၵၼ်ၵႂႃႇၸူးၵႃႈတီႈဢမူၺ်ႇၶဝ် ႁႂ်ႈလႆႈသိမ်းဢဝ်လိၼ် ၶဝ်ၼၼ်ႉဢေႃႈ။
၇ ၼႂ်းၸူဝ်ႈပၢၼ်ယေႃးသုၼၼ်ႉဢိၵ်ႇတင်းၼႂ်းၸူဝ်းပၢၼ် ၵူၼ်းဢၼ်ပဵၼ်ၵႄႇပဵၼ်ႁူဝ်ဢၼ်ဢသၢၵ်ႈလိပ်းယူလိုၼ်းသယေေႃးသုလႄႈ ႁၼ်လွင်ႈတၢင်းၵႃႈ ဢၼ်ထႃႇဝရႃႉၽြႃးႁဵတ်းပုၼ်ႈမဵဝ်းဢိသရေႇလၸိူဝ်းၼၼ်ႉ ၵူၼ်းတင်းလၢႆႁဵတ်းဝၢတ်ႈတီႈထႃႇ ဝရႃႉၽြႃးဢေႃႈ။
၈ ယေႃးသု လုၵ်ႈၸၢႆးၼုၼ်ႇ ၶႃႈထႃႇဝရႃႉၽြႃးၼၼ်ႉ ဢသၢၵ်ႈလႆႈပၢၵ်ႇပၢႆသိပ်းပီႊသေယဝ်ႉ ႁွတ်ႈဢၼိၵ်ႉၸႃႉသေဢေႃႈ။
၉ ၶဝ်ဢဝ်မၼ်းသႂၢင်းၵျူဝ်ႇၵႃႈ တီႈလိၼ်တီႈဢၼ်မၼ်းၶၢမ်ႇဢမူၺ်ႇၵႃႈၼႂ်းဝဵင်းတိမၼႁေႇရိတ်ႉ ဢၼ်မီႈၵႃႈၼိူဝ်ႁၢၼ်ႉလွႆဢေႇၽရိမ်ႇ ၽၢႆႇတၢင်းႁွင်ႇၵုင်းၵႃႇသၼၼ်ႉဢေႃႈ။
၁၀ ၵူၼ်းၸူဝ်ႈပၢၼ်ၼၼ်ႉတင်းသဵင်ႈ ႁွတ်ႈထိုင်ၵႂႃႇယဝ်ႉၵႃႈတီႈဢၼ်ပူႇပေႃႈၶဝ်ၸူႉတုမ်ၼၼ်ႉဢေႃႈ။ဝႆးသေၼၼ်ႉၵူၼ်းဢၼ်ပဵၼ်သိုပ်ႇလိုၼ်းၶဝ် ဢၼ်ဢမ်ႇႁူႉၸၵ်းထႃႇဝရႃႉၽြႃးဢၼ်ဢမ်ႇႁူႉ လွင်ႈတၢင်းဢၼ်ၽြႃးပဵၼ်ၸဝ်ႈႁဵတ်းပုၼ်ႈၵူၼ်းမဵဝ်းဢိသရေႇလ ၶဝ်ၸိူဝ်းၼၼ်ႉပေႃႇမႃး ဢေႃႈ။
၁၁ မိူဝ်ႈၼၼ်ႉၵူၼ်းမဵဝ်းဢိသရေႇလတင်းလၢႆႁဵတ်းတူႉၸရိူၵ်ႈ ၵႃႈတီႈၽၢႆႇၼႃႈထႃႇဝရႃႉၽြႃးလႄႈဢွၼ် ၵၼ်ႁဵတ်းဝၢတ်ႈတီႈၽြႃးပႃႇလတင်းလၢႆဢေႃႈ။
၁၂ ၶဝ်ၸုၼ်ႉပႅတ်ႈထႃႇဝရႃႉၽြႃး ၽြႃးပဵၼ်ၸဝ်ႈပူႇမွၼ်ႇၶဝ်ၽြႃးဢၼ်ၼုၵ်ႈဢဝ်ၶဝ်ဢွၵ်ႇသေၵႃႈၼႂ်း မိူင်းဢေႇၵႅပ်ႉတုမႃးၼၼ်ႉသေလႄႈ ၸွမ်းလင်ၽြႃးတၢင်ႇသူႇတၢင်ႇပႃး ဢၼ်ၶဝ်ပႃးၵႃႈၼႂ်းၽြႃးၵူၼ်းမဵဝ်းဢၼ်ယူႇၵႃႈတီႈႁိမ်းႁွမ်းၶဝ်ၼၼ်ႉသေလႄႈ ၵူမ်ႈႁူဝ်ၵွမ်းႁူဝ်တီႈၶဝ်လႄႈ ပဵၼ်တၢင်းဢၼ်တိုၵ်းယူင်းႁဵတ်းႁႂ်ႈတၢင်းၸႂ်မႆႉ ၶႆႈၸႃႉထႃႇဝရႃႉၽြႃးဢွၵ်ႇဢေႃႈ။
၁၃ ၶဝ်ဢွၼ်ၵၼ်ၸုၼ်ႉပႅတ်ႈထႃႇဝရႃႉၽြႃးလႄႈ ႁဵတ်းဝၢတ်ႈတီႈၽြႃးပႃႇလတင်းၽြႃးဢႃႇသတရိတ်ႉဢေႃႈ။
၁၄ ပိူဝ်ႈၼႆႉလႄႈတၢင်းၸႂ်မႆၶႆးၸႃႉထႃႇဝရႃႉၽြႃး ဢွၵ်ႇႁႅင်းယႂ်ႇၼႃႇလူင်လၢင်တီႈ မဵဝ်းဢိသရေႇလ လႄႈမၼ်းၸဝ်ႈ ဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းၶဝ်ၸိူဝ်းဢၼ်ႁိမ်ႁူင်ႇၸိူဝ်းၼၼ်ႉလႄႈ ဢဝ်ၶဝ်ၶၢႆပၼ်ၵႃႈၼႂ်းမိုဝ်းရၢၼ်ႇသူႇဢၼ်ယူႇလဵပ်ႈႁွပ်ႈၶဝ်ၼၼ်ႉသေလႄႈ ႁႂ်ႈၶဝ်ထၢၼ်ႈပေႃးဢမ်ႇႁႄႉဢမ်ႇၶႅၼ်ႈလႆႈလႃးလႃး ၵႃႈတီႈ ၽၢႆႇၼႃႈရၢၼ်ႇသူႇၶဝ်ၼၼ်ႉဢေႃႈ။
၁၅ မိူဝ်ႈဢၼ်ၶဝ်ဢွၵ်ႇၵႂႃႇ ႁႂ်ႈလႆႈတိုၵ်းသိုၵ်းၵူႈတီႈၵူႈလႅၼ်ၼၼ်ႉၵေႃႈ မိူဝ်ႈထႃႇဝရႃႉၽြႃးၸွမ်းႁေႉၸွမ်းၶႅၼ်ၶဝ်လႄႈ ၶဝ်လႆႈႁွတ်ႈထိုင်တုၵ်ႉၶႃႉတၢင်းၽၢၼ်ၸွမ်းၵႃႈၼင်ႇဢၼ် ထႃႇဝရႃႉၽြႃး ဢွၵ်ႇသူပ်းဝႃႈတိူင်ႇဝႃႈဝႆႉတီႈၶဝ်ၼၼ်ႉဢေႃႈ။
၁၆ ၼႂ်းဝႃႈၼၼ်သေၵေႃႈ ထႃႇဝရႃႉၽြႃး ႁႂ်ႈၵူၼ်းလူင်ဢၼ်ၸီႇယၢင်ႇတြႃးဢၼ်တေၵႄႇသႄႇဢဝ်ၶဝ်လွတ်ႈသေ ၵႃႈၼႂ်းမိုဝ်းၶဝ်ၸိူဝ်းဢၼ်ႁိမ်ႁူင်ႇၼၼ်ႉပေႃႇဢွၵ်ႇပဵၼ်မႃးဢေႃႈ။
၁၇ ၵူၺ်းၵႃႈၶဝ်ဢမ်ႇထွမ်ႇဢမ်ႇဢဝ် ၵႂၢမ်းၵူၼ်းလူင်ဢၼ်ၸီႇယၢင်တြႃးၸိူဝ်းၼၼ်ႉ။ၶဝ်ၽိတ်းပိူင်ႈ လူၺ်ႈၵၼ်တင်းၽြႃးတၢင်ႇသူႇတၢင်ႇပႃးလႄႈဢွၼ်ၵၼ်ၵူမ်ႈႁူဝ်ၵွမ်းႁူဝ်တီႈၶဝ်ဢေႃႈ။ၶဝ်ဝေႈပိူင်ႈသေ ၵႃႈတီႈသဵၼ်ႈတၢင်းဢၼ်ပူႇမွၼ်ႇၶဝ်တင်းလၢႆၵမ်ၵျၢင်ႉႁဵတ်းၸွမ်း ပိင်းၺၢပ်ႈထႃႇဝရႃႉၽြႃးၼၼ်ႉၶၼ်ၶၼ်ၽႂ်းၽႂ်းလႄႈ ဢမ်ႇၵမ်ၵျၢင်ႉၸိူဝ်ႉၼင်ႇၼၼ်။
၁၈ မိူဝ်ႈဢၼ်ထႃႇဝရႃႉၽြႃး ႁႂ်ႈၵူၼ်းလူင်ဢၼ်ၸီႇယၢင်တြႃးၸိူဝ်းၼၼ်ႉပေႃႇဢွၵ်ႇပဵၼ်မႃးၼၼ်ႉၸိုင်၊ ထႃႇဝရႃႉၽြႃး မီးယူႇလူၺ်ႈၵၼ်တင်းၵူၼ်းလူင်ဢၼ်ၸီႇယၢင်ႇတြႃးသေယဝ်ႉ ၵႄႇသႄႇဢဝ်ၶဝ်လွတ်ႈသေၵႃႈၼႂ်းမိုဝ်းရၢၼ်ႇသူႇၶဝ်ၼၼ်ႉ ၼႂ်းၸူဝ်ႈပၢၼ်ၵူၼ်းလူင်ဢၼ်ၸီႇယၢင်ႇတြႃးၼၼ်ႉ တဵမ်တဵမ်ထူၼ်ႈထူၼ်ႈဢေႃႈ။လွင်ႈမၼ်းၸမ်း ထႃႇဝရႃႉၽြႃးမီးတၢင်းဢၼ်ဢိတ်းလူၶဝ်မိူဝ်ႈဢၼ်ၶဝ် ၶၢင်းၶီၶၢင်းၽၢၼ်ၼႂ်းမိုဝ်းၶဝ်ၸိူဝ်း ဢၼ် ယႃႉယုၵ်ႉၼိၵ်ႈၸၢၵ်ႈငႅၼ်းသေးၶဝ်ၼၼ်ႉဢေႃႈ။
၁၉ လိုၼ်းသေၵူၼ်းလူင်ဢၼ်ၸီႇယၢင်တြႃး ၸိူဝ်းၼၼ်ႉတၢႆယဝ်ႉ ၶဝ်သမ်ႉၶိုၼ်းဝၢႆႇၶိုၼ်းလႄႈ ယိင်ႈၶႅၼ်းႁၢႆႉမိူၵ်ႈၼႃႇသေ ပူႇမွၼ်ႇၶဝ်ၼႂ်းလွင်ႈတၢင်းဢၼ်ၶဝ်ၸွမ်းလင်ၽြႃးတၢင်ႇသူႇတၢင်ႇပႃးလႄႈ ႁဵတ်းဝၢတ်ႈတီႈၶဝ်ဢွၼ်ၵၼ်ၵူမ်ႈႁူဝ်ၵွမ်းႁူဝ်တီႈၶဝ်ၼၼ်ႉဢေႃႈ။ၶဝ်ဢမ်ႇပေႇဢမ်ႇပႅတ်ႈ တၢင်းၵမ်တၢင်းၵျၢင်ႉၶဝ် ဢိၵ်ႇတင်းသဵၼ်ႈတၢင်းၶဝ် ဢၼ်ႁၢႆႉမိူၵ်ႈၽၢင်ႈတိုဝ်ၵႂႃႇ ၼၼ်ႉ။
၂၀ တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇႁႅင်းယႂ်ႇၼႃႇလူင်လၢင်တီႈၵူၼ်းမဵဝ်း ဢိသရေႇလ တင်းလၢႆလႄႈမၼ်းၸဝ်းမီးဢမိင်ႉလႄႈဝႃႈ၊- ၵွပ်ႈပိူဝ်ႈဢၼ်ၵူၼ်းမဵဝ်းၼႆႉ ဢမ်ႇထွမ်ႇဢမ်ႇဢဝ်ၵႂၢမ်းၵဝ်လႄႈ ပူၼ်ႉလိူဝ်ပတိၺိၼ်ႇဢၼ်ၵဝ်ႁဵတ်းလူၺ်ႈၵၼ်တင်းပူႇ မွၼ်ႇၶဝ်ၼၼ်ႉယဝ်ႉ။
၂၁ ၵမ်းလိုၼ်းၵဝ်တၵ်းဢမ်ႇႁေႃႈဢွၵ်ႇပႅတ်ႈၵႃႈတီႈၽၢႆႇၼႃႈၶဝ် ၵူၼ်းမဵဝ်းဢၼ်ၵိုတ်းၵျၼ်ႇဝႆႉၼၼ်ႉသေၸိူဝ်ႉသေမဵဝ်း လိုၼ်းသယေေႃးသု တၢႆယဝ်ႉၼၼ်ႉ။
၂၂ ၵဝ်တၵ်းဢဝ်ၵူၼ်းမဵဝ်းၼၼ်ႉႁႂ်ႈလႆႈပဵၼ်တၢင်းဢၼ်ၸၢမ်းတူၺ်းမဵဝ်းဢိသရေႇလ ႁႂ်ႈလႆႈႁူႉလွင်ႈဢၼ်ၶဝ်တၵ်းပႂ်ႉၵမ်ပႂ်ႉၵျၢင်ႉၸွမ်းသဵၼ်ႈတၢင်း ထႃႇဝရႃႉၽြႃး မိူၼ်ၸိူဝ်ႉၼင်ႇပူႇမွၼ်ႇၶဝ်ပႂ်ႉၵမ်ပႂ်ႉၵျၢင်ႉၼၼ်ႉႁိုဝ် ဢၼ်ဝႃႈၼၼ်ႉဢေႃႈ၊ ဝႃႈၼင်ႇၼႆလႄႈ၊
၂၃ ထႃႇဝရႃႉၽြႃး ယင်းဢမ်ႇဢဝ်ၵူၼ်းမဵဝ်းၼၼ်ႉဢၢပ်ႈပၼ်ၵႃႈၼႂ်းမိုဝ်းယေႃးသု ႁႂ်ႈလႆႈႁိုပ်ႉဢွၵ်ႇပႅတ်ႈၶၼ်ၶၼ်ၽႂ်းၽႂ်းလႄႈႁႂ်ႈလႆႈၵိုတ်းၵျၼ်ႇဝႆႉယူႇဢေႃႈ။