Chapter
၅
ၵႂၢမ်းတေႇပေႃးရႃႇ
၁ တေႇပေႃးရႃႇ တင်းပႃႇရၵ်ႉလုၵ်ႈၸၢႆးဢၽိၼွင်ႇၼၼ်ႉႁဵတ်းၵႂၢမ်းၼႂ်းဝၼ်းၼၼ်ႉလႄႈဝႃႈၸမ်း၊-
၂ ၵွပ်ႈပိူဝ်ႈဢၼ်ၶုၼ်ဢၼ်ပဵၼ်ငဝ်ႈပဵၼ်ႁူဝ်ၸိူဝ်းၼၼ်ႉ ႁဵတ်းႁူဝ်ဢွၼ်ႁူဝ်မဵဝ်းဢိသရေႇလ ဢိၵ်ႇတင်းၵွပ်ႈပိူဝ်ႈဢၼ်ၵူၼ်းတင်းလၢႆပႃးၸေႇတၼႃႇ ဢဝ်တူဝ်ၸဝ်ႈၵဝ်ႇလူႇၼၼ်ႉလႄႈ ဢွၼ်ၵၼ်ယွင်ႈယေႃးၵျေးၸူးထႃႇဝရႃႉ ၽြႃးတႃႉ။
၃ ၶုၼ်ႁေႃၶမ်းၶဝ်ဢူၺ်း။ဢွၼ်ၵၼ်ထွမ်ႇငိၼ်းတႃႉ။ၶုၼ်ၶဝ်ဢူၺ်း။ဢွၼ်ၵၼ်ဝၢႆႇႁူႁေႈႁူသူတႃႉ။ၵဝ်ဢၼ်ဝႃႈၵဝ်ၼႆႉ တၵ်းႁဵတ်းၵႂၢမ်းတီႈထႃႇဝရႃႉၽြႃးဢေႃႈ။ၵဝ်တၵ်းႁဵတ်းၵႂၢမ်းယွင်ႈယေႃးထႃႇဝရႃႉၽြႃး ၽြႃးပဵၼ်ၸဝ်ႈမဵဝ်းဢိသရေႇလဢေႃႈ။
၄ ထႃႇဝရႃႉၽြႃးတီႈၶႃႈဢူၺ်း။မိူဝ်ႈဢၼ်ၸဝ်ႈႁဝ်းလုၵ်ႉသေၵႃႈတီႈလွႆၸိရ ၵႂႃႇမိူဝ်ႈဢၼ်ၸဝ်ႈႁဝ်းလုၵ်ႉသေၵႃႈတီႈထိူၼ်ႇဢေႇတုမ်ႇၶီႇၵႂႃႇၼၼ်ႉ လိၼ်မိူင်းသၼ်ႇဝႆလႄႃႈႉၵၢင်ႁၢဝ်ယွတ်ႇႁူဝ်ႈတူၵ်းယူႇ၊ႁႃႇၽူၼ်တင်းလၢႆၵေႃႈ ယွတ်ႇၼမ်ႉတူၵ်းၼမ်ႉယူႇတီႈၶႃႈဢေႃႈ။
၅ လွႆတင်းလၢႆၼၼ်ႉ တူင်ႉၼိုင်ၶွၼ်းၶဝ်ႇယူႇၵႃႈတီႈၽၢႆႇၼႃႈထႃႇဝရႃႉ ၽြႃးလႄႈလွႆသိၼႃႇၼၼ်ႉတူင်ႉၼိုင်ၶွၼ်းၶဝ်ႇယူႇၵႃႈတီႈၽၢႆႇၼႃႈ ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလဢေႃႈ။
၆ ၼႂ်းၸူဝ်ႈပၢၼ် သမ်ႇၵႃႇ လုၵ်ႈၸၢႆးဢႃႇၼတ်ႉ ၼႂ်းၸူဝ်ႈပၢၼ်ယေႇလ ၼၼ်ႉသဵၼ်ႈတၢင်းလူင်တင်းလၢႆမီးတင်းဢၼ်သိတ်ႇယဵၼ်ဝႆႉလႄႈ ၵူၼ်းၵႂႃႇတၢင်းပႆတၢင်းတင်းလၢႆ ပႆႇၸွမ်းၵႂႃႇၸွမ်းသဵၼ်ႈတၢင်းဢၼ်ၵူတ်ႉဢၼ်ငွၵ်းဢေႃႈ။
၇ ဝၢၼ်ႈၼွၵ်ႈၼႃးပၢင်ႇတင်းလၢႆမီးတၢင်းဢၼ်သိတ်ႇယဵၼ်ဝႆႉဢေႃႈ။မီးတၢင်းဢၼ်သိတ်ႇယဵၼ်ဝႆႉတေႃႇထိုင်ႁွတ်ႈၵဝ် တေႇပေႃးရႃႇ လႆႈပေႃႇဢွၵ်ႇမႃး တေႃႇထိုင်ႁွတ်ႈၵဝ်လႆႈပေႃႇဢွၵ်ႇမႃး ပဵၼ်မေႈမဵဝ်းဢိသရေႇလၼၼ်ႉဢေႃႈ။
၈ မိူဝ်ႈဢၼ်ၶဝ်လိူၵ်ႈဢဝ်ၽြႃးဢၼ်မႂ်ႇၼၼ်ႉ ၼႂ်းမိူင်းၶဝ်ပဵၼ်သိုၵ်းပဵၼ်သိူဝ်ၵႃႈၼႂ်းၽၵ်းတူဝဵင်းၶဝ်ဢေႃႈ။မိူဝ်ႈၼၼ်ႉဢမ်ႇလႆႈႁၼ်ၶိူင်ႈႁေႉလၢၵ်ႈၼၢၵ်ႈသေဢၼ်၊ ႁွၵ်ႇသမေၢၵ်ႈ၊ၵႃႈၼႂ်းၵူၼ်းမဵဝ်းဢိသရေႇလသီႇမိုၼ်ႇၼၼ်ႉ။
၉ ၵဝ်ၸႂ်ဢူၼ်ႈဢွၼ်ႇလႄႈ ၼူပ်ႈၸူးတီႈၶုၼ်မဵဝ်းဢိသရေႇလ ဢၼ်ဝႃႈ ၶဝ်ၸိူဝ်းဢၼ်မီးၸႂ်ၸေႇတၼႃႇသေလႄႈ ဢဝ်တူဝ်ၸဝ်ႈၵဝ်ႇလူႇၵႃႈၼႂ်းၵူၼ်းတင်းလၢႆၼၼ်ႉဢေႃႈ။ဢွၼ်ၵၼ်ယွင်ႈယေႃးထႃႇဝရႃႉၽြႃး တႃႉ။
၁၀ ၵေႃႉဢၼ်ၶီႇမႃႉလီႈဢၼ်ၽိူၵ်ႇဢၼ်ၶၢဝ်၊ၵေႃႉဢၼ်ၼင်ႈယူႇၵႃႈၼိူဝ်ၵေႃႇၸေႃးတၢၼ်းသိူဝ်း၊ ၵေႃႉ ဢၼ်ၵႂႃႇတၢင်းပႆတၢင်းၶဝ်ဢူၺ်း။
၁၁ ဢွၼ်ၵၼ်ၶႆႈၸႂ်ဝူၼ်ႉၸႂ်တႃႉ။မိူဝ်ႈဢၼ်ငိၼ်းသဵင်ၵႂၢမ်းၶဝ်ၸိူဝ်းဢၼ်ယိုဝ်းၵၢင်ႇယိုဝ်းပိုၼ်ၸိူဝ်းၼၼ်ႉ၊ ႁွင်ႉၵႃႈတီႈဢၼ်တဵၵ်းၼမ်ႉၼၼ်ႉၸိုင် တၵ်းလႆႈဢွၼ်ၵၼ်ယွင်ႈယေႃးဢမူႉဢၼ်တြႃးထႃႇဝရႃႉၽြႃးႁဵတ်း ၸွမ်းၼင်ႇတြႃးတီႈဝၢၼ်ႈဝဵင်းဢိသရေႇလတင်းလၢႆၼၼ်ႉဢေႃႈ။မိူဝ်ႈၼၼ်ႉၵူၼ်းထႃႇဝရႃႉၽြႃးတင်းလၢႆ တၵ်းဢွၼ်ၵၼ်ၶိုၼ်းလူင်းၸူးၵႃႈတီႈၽၵ်းတူၶဝ်ဢေႃႈ။
၁၂ တိုၼ်ႇမႃးသေၵမ်း။တိုၼ်ႇမႃးသေၵမ်း။တေႇပေႃးရႃႇဢူၺ်း။တိုၼ်ႇမႃးသေၵမ်း။တိုၼ်ႇမႃးသေၵမ်း။ႁဵတ်းၵႂၢမ်းသေၵမ်း။ပႃႇရၵ်ႉဢူၺ်း။လုၵ်ႉသေၵမ်း။လုၵ်ႈၸၢႆးဢၽိၼွင်ႇဢူၺ်း။ဢဝ်ၶဝ်ၸိူဝ်းဢၼ်မႂ်းတီႉဢဝ်ၶျုၵ်ႉဝႆႉၼၼ်ႉၵႂႃႇတီႉၵမ်ၶျုၵ်ႉဝႆႉသေၵမ်း။
၁၃ မိူဝ်ႈၼၼ်ႉ ၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇယူႇၵႃႈၼႂ်းၶုၼ်တင်းလၢႆဢိၵ်ႇတင်း ၵူၼ်းတင်းလၢႆၼၼ်ႉဢွၼ် ၵၼ်လူင်းၸူးဢေႃႈ။ထႃႇဝရႃႉၽြႃးလူင်းၸူးၵႃႈၼႂ်း ၶဝ်ၸိူဝ်းဢၼ်ႁႅင်းတၼ်းၶူဝ်းယႂ်ႇၼႃႇၼၼ်ႉ ဢေႃႈ။
၁၄ ၶဝ်ၸိူဝ်းဢၼ်တူၵ်းတီႈယူႇတီႈသဝ်းၵႃႈၼႂ်းတီႈယူႇ ဢေႇမလိၵ်ႉၼၼ်ႉဢွၼ်ၵၼ်ဢွၵ်ႇသေၵႃႈၼႂ်းဢိူင်ႇဢေႇၽရိမ်ႇ လူင်းၸူးဢေႃႈ။လိုၼ်းမႂ်းၼၼ်ႉၵူၼ်းမဵဝ်း ပိၼ်ႇယႃႇမိၼ်ႇ ပႃးမႃးၵႃႈၼႂ်းၵူၼ်းမဵဝ်းမႂ်းတင်းလၢႆၼၼ်ႉဢေႃႈ။ၶုၼ်တင်းလၢႆဢွၼ်ၵၼ်ဢွၵ်ႇသေၵႃႈၼႂ်းမဵဝ်း မႃႇၶိရ ၶဝ်ၸိူဝ်းဢၼ်ၸၢင်ႈယိပ်းၵမ်ၵၼ်းႁွၵ်ႇရႃႇၸႃႉ ၼၼ်ႉဢွၼ်ၵၼ်ဢွၵ်ႇသေၵႃႈၼႂ်းမဵဝ်း ၸေႇပုလုၼ်ႇ ၼၼ်ႉသေလႄႈလူင်းၸူးဢေႃႈ။
၁၅ ၵူၼ်း ဢိသၶႃႇ တင်းလၢႆၵေႃႈ ပႃးလူၺ်ႈၵၼ်တင်းတေႇပေႃးရႃႇ လႄႈမဵဝ်း ဢိသၶႃႇ ဢိၵ်ႇလူၺ်ႈၵၼ်တင်းပႃႇရၵ်ႉ ဢွၼ်ၵၼ်ပႆတိၼ်လႅၼ်ႈၸူးၵႃႈတီႈပၢင်ႇတီႈႁူၺ်ႈဢေႃႈ။ၵႃႈတီႈၼမ်ႉပဵၼ်ႁွင်ႊပဵၼ်ၵေးတီႈယူႇမဵဝ်းရုပိၼ်ႇ ၼၼ်ႉမီးတၢင်းဢၼ်ဝႆႉၸႂ်ႁႅင်းယႂ်ႇၼႃႇၼမ် ၼႃႇလူင်လၢင်ဢေႃႈ။
၁၆ ႁဵတ်းသင်လႄႈမႂ်းၼင်ႈယူႇၼႂ်းၵႄႈၼႂ်းၵၢင်ၶွၵ်ႈသူဝ်းႁႂ်ႈ လႆႈထွမ်ႇလႆႈငိၼ်းသဵင်ဢၼ်ၽုင်သူဝ်းႁွင်ႉၼၼ်ႉၼင်ႇႁိုဝ်။ၵႃႈတီႈၼမ်ႉပဵၼ်ႁွင်ႊပဵၼ်ၵေးတီႈယူႇမဵဝ်းရုပိၼ်ႇ ၼၼ်ႉမီးတၢင်းဢၼ်ၶႆႈၸႂ်ဝူၼ်ႉ ၸႂ်ႁႅင်းယႂ်ႇၼႃႇၼမ်ၼႃႇဢေႃႈ။
၁၇ မိူင်းၵိလတ်ႉၼၼ်ႉယူႇၼိမ်ၼိမ်ယူႇၵႃႈတီႈၽၢႆႇပုၼ်ႉၼမ်ႉႁွင်ႊ ယေႃးတၢၼ်ႇၼၼ်ႉဢေႃႈ။မဵဝ်းတၼ်ႇ ၼၼ်ႉၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵိုတ်းသဝ်းယူႇၵႃႈတီႈႁိမ်းတႃႈႁိူဝ်းသၢင်းၽေႃးတင်းလၢႆၼၼ်ႉ။မဵဝ်းဢႃႇသႃႇ ၵေႃႈၼင်ႈယူႇၵႃႈႁိမ်းပၢင်ႇလၢႆႇလႄႈ ယူႇၼိမ်ၼိမ်ယူႇၵႃႈတီႈၵူတ်ႉၼမ်ႉမၼ်း ၸိူဝ်းၼၼ်ႉလူင်ပေႇ။
၁၈ မဵဝ်း ၸေႇပုလုၼ်ႇ ၸမ်းပဵၼ်ဢၼ်ႁတ်းႁၢၼ် တေႃႇထိုင်ႁွတ်ႈထၼ်ႈပေႃးၸုၼ်ႉဢသၢၵ်ႈတူဝ်ၸဝ်ႈၵဝ်ႇလႄႈမဵဝ်း ၼပ်ႉထလိ ၵေႃႈႁဵတ်းမိူၼ်ၸိူဝ်ႉၼင်ႇၼၼ် ၵႃႈတီႈဢၼ်သုင်တင်းလၢႆၵႃႈၼႂ်းထိူၼ်ႇၼၼ်ႉဢေႃႈ။
၁၉ ၶုၼ်ႁေႃၶမ်းတင်းလၢႆဢွၼ်ၵၼ်မႃးလႄႈ တိုၵ်းသိုၵ်းဢေႃႈ။ၶုၼ်ႁေႃၶမ်းၶႃႇၼၼိ ၸိူဝ်းၼၼ်ႉဢွၼ်ၵၼ်တိုၵ်းသိုၵ်းၵႃႈတီႈဝဵင်းတႃႇၼၵ်ႉ ၵႃႈတီႈႁိမ်းၼမ်ႉမေႇၵိတ်ႉတေႃႇၼၼ်ႉဢေႃႈ။ၵူၺ်းၵႃႈၶဝ်ႁိမ်ဢဝ်ငိုၼ်း ဢမ်ႇလႆႈ။
၂၀ ၸွႆႈသိုၵ်းထႅမ်သိုၵ်းသေၵႃႈၼိူဝ်ၵၢင်ႁၢဝ်ယူႇဢေႃႈ။လၢဝ်တင်းလၢႆယူႇၵႃႈၼႂ်းတီႈဢၼ်ၶဝ်ပၼ်ႇလဵပ်ႈယူႇၸိူဝ်းၼၼ်ႉၸွႆႈသိုၵ်းထႅမ်သိုၵ်းတေႃႇ သိသရ ဢေႃႈ။
၂၁ ၼမ်ႉႁွင်ႊၵိသုၼ်ႇပတ်ႉထူဝ်းဢဝ်ၶဝ်ၵႂႃႇယဝ်ႉ။ၼမ်ႉႁွင်ႊဢၼ်မီးဝႆႉ ၸႃႉၸဵမ်မိူဝ်ႈၵွၼ်ႇဢွၼ်ၼမ်ႉႁွင်ႊၵိသုၼ်ႇ။ဝိၺိၺ်ႇၵဝ်ဢူၺ်း။မီးတင်းႁႅင်းတၼ်းၶူဝ်း သေလႄႈၶီႇယဵပ်ႇၵႂႃႇတႃႉ။
၂၂ မိူဝ်ႈၼၼ်ႉၵိပ်ႉမႃႉတင်းလၢႆထိပ်ႇၽၢင်ႈလိၼ် ၵွပ်ႈပိူဝ်ႈဢၼ်ၵူၼ်းဢၼ်ႁႅင်းယႂ်ႇၼႃႇၸိူဝ်းၼၼ်ႉႁိပ်ႈၼႅတ်ႈႁေႃႈငိူတ်ႈယူႇ၊ ႁိပ်ႈၼႅတ်ႈႁေႃႈငိူတ်ႈယူႇသေလႄႈၶီႇမႃႉၵႂႃႇဢေႃႈ။
၂၃ တမၢၼ်ႇၵၢင်ႁၢဝ်ထႃႇဝရႃႉၽြႃး သင်ႇလၢတ်ႈလႄႈဝႃႈ၊-ၵိၼ်ႇဝႃႈဝဵင်းမေႇရေႃႇၸတႃႉ။ၵိၼ်ႇဝႃႈၶဝ်ၸိူဝ်းဢၼ်ယူႇဝဵင်းၼၼ်ႉၼႃႇၼႃႇတႃႉ။လွင်ႈမၼ်းၸမ်းၶဝ်ဢမ်ႇၽွမ်ႉၵၼ်တင်း ၵူၼ်းဢၼ်ႁႅင်းယႂ်ႇၼႃၵႃႈတီႈၽၢႆႇထႃႇဝရႃႉၽြႃးလႄႈ ၸွႆႈထႅမ်ၵႃႈတီႈၽၢႆႇထႃႇဝ ရႃႉၽြႃးၼၼ်ႉဢေႃႈ။
၂၄ ယေႇလ၊မေးႁေႇပႃႇ၊မဵဝ်းၵေႇၼိ၊ၼၼ်ႉမီးမၢင်ႇၵလႃႇ ဢၼ်မျၢတ်ႈၼႃႇလူင်လၢင်လိူဝ်တွၼ်းၼႃႇသမေေႈယိင်းတင်းလၢႆဢေႃႈ။မၼ်းမီးမၢင်ႇၵလႃႇဢၼ်မျၢတ်ႈၼႃႇလူင်လၢင် လိူဝ်တွၼ်းၼႃႇသမေေႈယိင်းတင်းလၢႆဢၼ်ယူႇၵႃႈၼႂ်းသုမ်ႉထဵင် ဢေႃႈ။
၂၅ ၵေႃႉၼၼ်ႉယွၼ်းၼမ်ႉလႄႈမၼ်းပၼ်ၼမ်ႉၼူမ်းဢေႃႈ။ဢဝ်ၵွၵ်းဢၼ်ၶုၼ်သုင်းၼၼ်ႉသႂ်ႇၼမ်ႉၼူမ်းၵမ်ပၼ်ဢေႃႈ။
၂၆ မၼ်းယဵတ်ႇမိုဝ်းမၼ်းဢဝ်သေႊသုမ်ႉထဵင်လႄႈ ဢဝ်တင်းမိုဝ်းၶွၼ်ၶႂႃမၼ်းယိပ်းၵမ်ၶွၼ်ႉတွၵ်ႇၵူၼ်းႁဵတ်းသၢင်ႈၼၼ်ႉသေယဝ်ႉ ဢဝ်ၶွၼ်ႉတွၵ်ႇၼၼ်ႉတွၵ်ႇသႂ်ႇ သိသရ လႄႈတွၵ်ႇသႂ်ႇႁႂ်ႈၵွၵ်းႁူဝ်မၼ်းထၼ်ႈပေႃးတႅၵ်ႇဢေႃႈ။မၼ်းတွၵ်ႇသႂ်ႇလႄႈသဵပ်ႇတႅင်းသႂ်ႇ သီမႅပ်ႈမၼ်းပွင်ႇပဵဝ်ၵႂႃႇဢေႃႈ။
၂၇ ၵေႃႉၼၼ်ႉၵူမ်ႈမူပ်ႇယူႇလူမ်ႉယူႇယဵတ်ႇယူႇဢိုၼ်လိုၼ်ၵႃႈတီႈတိၼ်မၼ်းဢေႃႈ။ၵေႃႉၼၼ်ႉၵူမ်ႈမူပ်ႇယူႇ၊လူမ်ႉယူႇၵႃႈတီႈတိၼ်မၼ်းလႄႈ လူမ်ႉတၢႆယူႇၵႃႈတီႈဢၼ်ၵူမ်ႈမူပ်ႇၼၼ်ႉ ဢေႃႈ။
၂၈ မေႈမၼ်းၼၼ်ႉယူႇၵႃႈတီႈႁူးလၢင်းတဵၼ်လွမ်တူၺ်းသေလႄႈဝႃႈ၊-မေႈသိသရ ယူႇၵႃႈတီႈႁူးၽႃသေလႄႈဝႃႈ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈလေႃႉရထႃးမၼ်းၼၼ်ႉၼၢၼ်းမႃးႁိုဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမၢၵ်ႇလေႃႉရထႃးမၼ်းထိူင်းၼင်ႇႁိုဝ်၊ ဝႃႈၼင်ႇၼႆယူႇ ဢေႃႈ။
၂၉ ၸိူဝ်ႉၼင်ႇမၼ်းဢၼ်မီးပိင်ႇၺႃႇၸိူဝ်းၼၼ်ႉၶိုၼ်းလဝ်ႈလၢတ်ႈၵူၺ်းဢမ်ႇၵႃးတူဝ်မၼ်းၶိုၼ်း လၢတ်ႈတီႈတူဝ်မၼ်းလႄႈဝႃႈၸမ်း၊-
၃၀ ၶဝ်ထူပ်းႁၼ်လႄႈ ၶဝ်ႈဢဝ်ဢုၵ်ႉၸႃႇဢၼ်ႁိမ်လႆႈၼၼ်ႉ ၽႄမႅင်ႇယူႇဢမ်ႇၸႂ်ႈႁိုဝ်။ပုၼ်ႈၵူၼ်းသိုၵ်းယေႈၵေႃႉ၊ၵၼ်ႇၺႃႇလုၵ်ႈယိင်းသၢဝ်ယေႈၵေႃႉသွင်ၵေႃႉ၊ပုၼ်ႈသိသရ ၸမ်းၶူဝ်းၼုင်ႈဢၼ်ယွမ်ႉပဵၼ်မွၵ်ႇပဵၼ်မႂ်ႊ ၶိူင်ႈၶူဝ်းၼုင်ႈဢၼ်ဢဝ်ယွမ်ႉပဵၼ်မွၵ်ႇပဵၼ်မႂ်ႊတမ်ႇၵမ်ႇၵၼ်လႄႈ ႁၢင်ႈၶိူင်ႈၶူဝ်းၼုင်ႈဢၼ်ဢဝ်ယွမ်ႉပဵၼ်မွၵ်ႇပဵၼ်မႂ်ႊလႄႈ တမ်ႇၵမ်ႇၵၼ်ႁၢင်ႈၶိူင်ႈသွင်ၽၢၵ်ႇသွင်ၼႃႈၼၼ်ႉ ပုၼ်ႈဢၼ်တၵ်းပဵၼ်ဢုၵ်ႉၸႃႇ ဢၼ်ႁိမ်လႆႈၼၼ်ႉလႄႈႁွႆႈဝႆႉၵႃႈတီႈၶေႃးမၼ်းၼၼ်ႉၸိုင်မီးဝႆႉယဝ်ႉ၊ဢမ်ႇၸႂ်ႈႁိုဝ်။ဝႃႈၼင်ႇၼႆယူႇဢေႃႈ။
၃၁ ဢူဝ်းထႃႇဝရႃႉၽြႃး။ႁႂ်ႈရၢၼ်ႇသူႇၸဝ်ႈႁဝ်းတင်းသဵင်ႈတင်းလူင် ႁွတ်ႈထိုင်ႈတၢင်းလူႉတၢင်းလႅဝ်ၸိူဝ်ႉၼင်ႇၼၼ်သေၵမ်းလူၺ်ႈ။ႁႂ်ႈၶဝ်ၸိူဝ်းဢၼ်ႁၵ်ႉမၼ်းၸဝ်ႈၼၼ်ႉပဵၼ်ၸိူဝ်ႉၼင်ႇၵၢင်ဝၼ်း ဢၼ်ပႃးႁႅင်းတၼ်းၶူဝ်းသေလႄႈဢွၵ်ႇမႃးၼၼ်ႉသေၵမ်းလူၺ်ႈ၊ ဝႃႈၼင်ႇၼႆဢေႃႈ။လိုၼ်းၼၼ်ႉမိူင်းတင်းမိူင်းၼိမ်လီယဵၼ်လီသီႇသိပ်းပီႊတဵမ်တဵမ်ဢေႃႈ။