Chapter
၄
တေႇပေႃးရႃႇ
၁ လိုၼ်းသေဢေႇရုတ ယဝ်ႉၼၼ်ႉၵူၼ်းမဵဝ်းဢိသရေႇလတင်းလၢႆသမ်ႉႁဵတ်းတူႉၸရိူၵ်ႈ သိုဝ်ႈၼႃႈတႂ်ႈတႃထႃႇဝ ရႃႉၽြႃးလႄႈ ထႃႇဝရႃႉၽြႃးဢဝ်ၶဝ်ၶၢႆပၼ်တီႈယႃႇၽိၼ်ႇၶုၼ်ႁေႃၶမ်းၶႃႇၼၢၼ်ႇ ဢၼ်ႁဵတ်းၶုၼ်ၵႃႈတီႈဝဵင်းႁႃႇၸေႃႇၼၼ်ႉဢေႃႈ။
၂ ၶုၼ်ပူဝ်ႇၶျူၵ်ႈမၼ်းၸမ်းပဵၼ်သိသရ ဢၼ်ယူႇၵႃႈတီႈဝဵင်းႁႃႇရေႃႇသိၵ်ႉ မိူင်းၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉဢေႃႈ။
၃ မိူဝ်ႈၼၼ်ႉၵူၼ်းမဵဝ်းဢိသရေႇလတင်းလၢႆ ဢွၼ်ၵၼ်ႁွင်ႉသဵၼ်တီႈထႃႇဝရႃႉၽြႃးဢေႃႈ။လွင်ႈမၼ်းၸမ်းၶုၼ်ၼၼ်ႉမီးလေႃႉရထႃးလဵၵ်းၵဝ်ႈပၢၵ်ႇလႄႈ ၼိၵ်ႈၸၢၵ်ႈငႅၼ်းသေးၵူၼ်းမဵဝ်းဢိသရေႇလ တင်းလၢႆၼႃႇလူင်လၢင်သၢဝ်းပီႊတဵမ်တဵမ်ဢေႃႈ။
၄ မိူဝ်ႈၼၼ်ႉပရေႃးၽႅတ်ႉမေႈယိင်းတေႇပေႃးရႃႇ ဢၼ်ပဵၼ်မေးလပိတုတ်ႉၼၼ်ႉ လႆႈပဵၼ်ၽူႈဢၼ်ၸီႇယၢင်ႇ ၵႃႈၼိူဝ်မဵဝ်းဢိသရေႇလဢေႃႈ။
၅ မၼ်းၼၼ်ႉယူႇၵႃႈတီႈတႂ်ႈတူၼ်ႈထၢၼ်းတေႇပေႃးရႃႇ ဢၼ်မီးၵႄႈဝူင်ႈၵၢင်ဝဵင်းရႃႇမႃႉတင်းဝဵင်းပေႇသရ ၵႃႈၼိူဝ်ႁၢၼ်ႉလွႆ ဢေႇၽရိမ်ႇၼၼ်ႉလႄႈၵူၼ်းမဵဝ်းဢိသရေႇ လတင်းလၢႆလႆႈၶိုၼ်ႈၵႂႃႇၸူးတီႈမၼ်းႁႂ်ႈလႆႈၶၢမ်ႇဢဝ် တၢင်းဢၼ်ၸီႇ ယၢင်ႇတႅပ်းတတ်းလွင်ႈဢမူႉ လႂ်ၼၼ်ႉဢေႃႈ။
၆ မၼ်းၼၼ်ႉ သမ်ႉပွႆႇၸႂ်ႉလႄႈႁွင်ႉဢဝ်ပႃႇရၵ်ႉလုၵ်ႈၸၢႆးဢၽိၼွင်ႇၵႃႈတီႈဝဵင်းၵေႇတေႇသ ဢိူင်ႇၼပ်ႉထလိမႃးလႄႈသင်ႇလၢတ်ႈတီႈမၼ်းလႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉလႄႈဝႃႈၸမ်း၊-မႂ်းၵႂႃႇလႄႈ ဢွၼ်ၵူၼ်းမိုၼ်ႇၼိုင်ႈၵႃႈၼႂ်းၵူၼ်းမဵဝ်းၼပ်ႉထလိ ၵူၼ်းမဵဝ်းၸေႇပုလုၼ်ႇၸိူဝ်းၼၼ်ႉၵႂႃႇၸူးၵႃႈတီႈလွႆတႃႇပေႃႇတႃႉ။
၇ ၵဝ်ၵေႃႈတၵ်းဢွၼ်ဢဝ်သိသရ ပူဝ်ႇၶျူၵ်ႈၶုၼ်ယႃႇၽိၼ်ႇ ဢိၵ်ႇတင်းလေႃႉရထႃးမၼ်းတင်းပူဝ်ႇပႃႇမၼ်းတင်းလၢႆ မႃးၸူးၵႃႈတီႈမႂ်းၵႃႈတီႈၼမ်ႉႁွင်ႊၵိသုၼ်ႇ ၼၼ်ႉလႄႈ ဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းမႂ်းဢေႃႈ၊ဝႃႈၼင်ႇၼႆယဝ်ႉ ဝႃႈၼင်ႇၼႆ ဢေႃႈ။
၈ ပႃႇရၵ်ႉၵေႃႈလဝ်ႈလၢတ်ႈတီႈမၼ်းလႄႈဝႃႈ၊-ပေႃးၸဝ်ႈႁဝ်း ၵႂႃႇလူၺ်ႈၵၼ်တင်းၵဝ်ၶႃႈၸိုင်ၵဝ်ၶႃႈတၵ်းၵႂႃႇၶႃႈဢေႃႈ။ပေႃးၸဝ်ႈႁဝ်းဢမ်ႇၵႂႃႇၸွမ်းၵဝ်ၶႃႈၸိုင်ၵဝ်ၶႃႈဢမ်ႇၵႂႃႇၶႃႈ၊ မိူဝ်ႈဢၼ်ဝႃႈၼင်ႇၼၼ် ၸိုင်မၼ်းၵေႃႈလၢတ်ႈလႄႈဝႃႈ၊-
၉ ၵဝ်တၵ်းၵႂႃႇလူၺ်ႈၵၼ်တင်းမႂ်းဢမၢၼ်ႇၶၼ်ပဵၼ်ဢေႃႈ။ၵူၺ်းၵႃႈတၢင်းဢၼ်မႂ်းၵႂႃႇမႂ်းပႆၼၼ်ႉ တၵ်းဢမ်ႇပဵၼ် မူၼ်ႈသရေႇတီႈမႂ်း။ထႃႇဝရႃႉၽြႃးတၵ်းဢဝ်သိသရဢၢပ်ႈပၼ်တီႈမေႈယိင်းဢေႃႈ၊ ဝႃႈၼင်ႇၼႆသေယဝ်ႉတေႇပေႃးရႃႇၸင်ႇလုၵ်ႉလႄႈ ၵႂႃႇလူၺ်ႈၵၼ်တင်းပႃႇရၵ်ႉၸူးၵႃႈတီႈဝဵင်းၵႃႇတေႇသဢေႃႈ။
၁၀ ပႃႇရၵ်ႉ ၼၼ်ႉႁွင်ႉဢဝ်ၵူၼ်းမဵဝ်းၸေႇပုလုၼ်ႇ ၵူၼ်းမဵဝ်းၼပ်ႉထလိတင်း လၢႆမႃႈၵႃႈတီႈဝဵင်းၵေႇတေႇသလႄႈပႃးဢဝ်တင်း ၵူၼ်းဢၼ်ၸွမ်းမၼ်းမိုၼ်ႇၼိုင်ႈၼၼ်ႉၶီႇသိုၵ်းၶိုၼ်ႈၵႂႃႇဢေႃႈ။တေႇပေႃးရႃႇၵေႃႈၸွမ်းလူၺ်ႈ ၵၼ်တင်းမၼ်းၶိုၼ်ႈၵႂႃႇဢေႃႈ။
၁၁ ႁေႇပႃႇၵူၼ်းမဵဝ်းၵေႇၼိ ဢၼ်ၶဝ်ႈပႃးၵႃႈၼႂ်းလုၵ်ႈလၢင်းႁေႃႇပပ်ႉ ပူႇၼၢႆးမုဝ်းသေႇ ၼၼ်ႉၽၢတ်ႇယၢၼ်ၵူၼ်းၵေႇၼိတင်းလၢႆသေလႄႈ ၵင်ႈသုမ်ႉထဵင်မၼ်းယူႇၵႃႈႁိမ်းတူၼ်ႈမႆႉၼိမ်ၵႃႈတီႈ ၸႃႇၼၼ်ႇၼိမ်ႇ ဢၼ်မီးၵႃႈႁိမ်းဝဵင်းၵေႇ တေႇသ ၼၼ်ႉဢေႃႈ။
၁၂ ၶဝ်မွၵ်ႇလၢတ်ႈလွင်ႈဢၼ် ပႃႇရပ်ႉ လုၵ်ႈၸၢႆးဢၽိၼွင်ႇ ၶိုၼ်ႈၸူးၵႃႈၼိူဝ်လွႆ တႃႇ ပေႃႇ ၼၼ်ႉတီႈသိသရသေယဝ်ႉ၊
၁၃ သိသရၼၼ်ႉႁႂ်ႈလေႃႉရထႃးမၼ်းၵႃႈမီးဢၼ်ဝႃႈ လေႃႉရထႃးလဵၵ်းၵဝ်ႈပၢၵ်ႇၼၼ်ႉ ဢိၵ်ႇတင်းၵူၼ်းမၼ်းတင်းသဵင်ႈတင်းလူင်လုၵ်ႉသေၵႃႈတီႈဝဵင်းႁႃႇ ရေႃႇသိၵ်ႉမိူင်းၵူၼ်းတၢင်ႇၸိူဝ်ႉတၢင်ႇ ၶိူဝ်းၼၼ်ႉမႃးၸူးၵႃႈတီႈၼမ်ႉႁွင်ႊၵိသုၼ်ႇဢေႃႈ။
၁၄ တေႇပေႃးရႃႇလၢတ်ႈတီႈပႃႇရၵ်ႉလႄႈဝႃႈ၊-လုၵ်ႉတႃႉ။ဝၼ်းမိူဝ်ႈၼႆႉၸမ်း၊ပဵၼ်ဝၼ်းဢၼ်ထႃႇဝရႃႉၽြႃးဢဝ် သိသရ ဢၢပ်ႈပၼ်ၵႃႈၼႂ်းမိုဝ်းမႂ်းယဝ်ႉဢေႃႈ။ထႃႇဝရႃႉၽြႃးၼၼ်ႉဢွၼ်ႁူဝ်မႂ်းၵႂႃႇယဝ်ႉဢမ်ႇၸႂ်ႈႁိုဝ်၊ မိူဝ်ႈဢၼ် ဝႃႈ ၼင်ႇၼႆၸိုင်ပႃႇရၵ်ႉ လူင်းသေၵႃႈၼိူဝ်လွႆ တႃႇပေႃႇလႄႈ ၵူၼ်းမိုၼ်ႇၼိုင်ႈၸွမ်းပႃႈလင်မၼ်းယူႇဢေႃႈ။
၁၅ ထႃႇဝရႃႉၽြႃးႁႂ်ႈသိသရဢိၵ်ႇတင်း လေႃႉရထႃးမၼ်းၵႃႈမီး တင်းပူဝ်ႇပႃႇၵူၼ်းသိုၵ်းမၼ်းၵႃႈမီးၸိူဝ်းၼၼ်ႉတူၵ်းသုမ်း လူၺ်ႈၶူမ်းလၢပ်ႇၶူမ်းလႅဝ်း ၵႃႈတီႈၽၢႆႇၼႃႈပႃႇရၵ်ႉလႄႈ သိသရၼၼ်ႉလူင်းသေၵႃႈၼိူဝ်လေႃႉရထႃးမၼ်းသေလႄႈပႆတိၼ်ဢွၵ်ႇပၢႆႈၵႂႃႇဢေႃႈ။
၁၆ ပႃႇရၵ်ႉၼၼ်ႉလိုပ်ႈၸွမ်းလမ်းၸွမ်းလေႃႉရထႃး ဢိၵ်ႇတင်းပူဝ်ႇပႃႇၵူၼ်းသိုၵ်းၸိူဝ်းၼၼ်ႉ တေႃႇထိုင်ႁွတ်ႈဝဵင်းႁႃႇရေႃႇသိၵ်ႉ မိူင်းၵူၼ်းတၢင်ႇၸိူဝ်ႉတၢင်ႇၶိူဝ်းလႄႈပူဝ်ႇပႃႇၵူၼ်းသိုၵ်းသိသရ ၵႃႈမီးၼၼ်ႉလူမ်ႉတၢႆလူၺ်ႈၶူမ်းလၢပ်ႇၶူမ်းလႅဝ်းဢေႃႈ။ဢမ်ႇၵိုတ်းဢမ်ႇၵျၢၼ်ႇသေၵေႃႉသေၵူၼ်း။
၁၇ သိသရ ၼၼ်ႉပႆတိၼ်ဢွၵ်ႇပၢႆႈၵႂႃႇၸူးၵႃႈတီႈသုမ်ႉထဵင်ယေႇလ၊ ဢၼ်ပဵၼ်မေးႁေႇပႃႇ၊ၵူၼ်းမဵဝ်းၵေႇၼိ၊ၼၼ်ႉဢေႃႈ။လွင်ႈမၼ်းၸမ်း ၶဝ်မီးမိၵ်ႉသႁႃႇယႃႉတၢင်းဢၼ်ထုၵ်ႇၵၼ် ၵႃႈတီႈဝူင်ႈၵၢင်ယႃႇၽိၼ်ႇ၊ၶုၼ်ႁေႃၶမ်းႁႃႇၸေႃႇ၊ ဢိၵ်ႇတင်းမဵဝ်းၸိူဝ်ႉၶိူဝ်းႁေႇပႃႇ၊ ၵူၼ်းၵေႇၼိ၊ၼၼ်ႉယူႇဢေႃႈ။
၁၈ ယေႇလၼၼ်ႉဢွၵ်ႇမႃးႁႂ်ႈလႆႈႁပ်ႉႁူဝ်တၢင်းသိသရသေလႄႈႁွင်ႉဝႃႈ၊- ၸဝ်ႈႁဝ်း။ၶဝ်ႈမႃးသေၵမ်းၶႃႈ။ၶဝ်ႈမႃးၵႃႈတီႈၵဝ်ၶႃႈၼႆႉသေၵမ်းၶႃႈ။ယႃႇပေမႆႈၸႂ်ၶီၸႂ်ၶႃႈ၊ ဝႃႈၼင်ႇၼႆသေယဝ်ႉမၼ်းဝႄႈၶဝ်ႈၵႂႃႇတီႈ မၼ်းၵႃႈၼႂ်းသုမ်ႉထဵင်လႄႈ မၼ်းဢဝ်ၽႃႈဝႆႁူမ်ႇသုမ်ႇမၼ်းဝႆႉဢေႃႈ။
၁၉ မၼ်းၵေႃႈယွၼ်းလႄႈဝႃႈ၊-ပၼ်ၼမ်ႉဢိတ်းဢွၼ်ႇၼိုင်ႈတီႈၵဝ်သေၵမ်း။ၵဝ်တွင်ႉမႆႈၼမ်ႉဢေႃႈ၊မိူဝ်ႈဢၼ်ဝႃႈၼင်ႇၼႆၸိုင် မၼ်းၼၼ်ႉၽုၺ်ႇတဝ်ႈၼမ်ႉၼူမ်းလႄႈပၼ် ၵိၼ်သေယဝ်ႉသမ်ႉႁူမ်ႇသုမ်ႇမၼ်းဝႆႉသေဢေႃႈ။
၂၀ မၼ်းၵေႃႈသမ်ႉသင်ႇလၢတ်ႈတီႈမၼ်းၼၼ်ႉလႄႈဝႃႈ၊-ၸုၵ်းယူႇၵႃႈတီႈႁူးၽၵ်းတူသုမ်ႉထဵင်သေၵမ်း။ပေႃးသေၵေႃႉသေၵူၼ်းမႃးတွင်ႉထၢမ်တီႈမႂ်းဝႃႈ၊- ၵႃႈတီႈၼႆႉမီးၵူၼ်းၸၢႆးႁိုဝ်၊ဝႃႈၼင်ႇၼႆၸိုင် မႂ်းလၢတ်ႈလႄႈဝႃႈ၊-ဢမ်ႇ မီးၵူၺ်း၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၂၁ မိူဝ်ႈၼၼ်ႉယေႇလ မေးႁေႇပႃႇၼၼ်ႉ ယိပ်းၵမ်ႇဢဝ်မႆႉတွၵ်ႇသုမ်ႉထဵင်တင်းၶွၼ်ႉတွၵ်ႇသေလႄႈ တဵတ်ႇတဵတ်ႇၵႂႃႇၸူးၵႃႈတီႈမၼ်းမိူဝ်ႈဢၼ်မၼ်းၼွၼ်းလပ်းယူႇၼၼ်ႉလႄႈ ဢဝ်သေႈၼၼ်ႉတွၵ်ႇသႂ်ႇ ၵႃႈတီႈသီမႅပ်ႈမၼ်းတေႃႇထိုင်ႁွတ်ႈထၢၼ်ႈပေႃး ၸပ်းလိၼ်ဝႆႉဢေႃႈ။
၂၂ ၼင်ႇၼၼ်လႄႈမၼ်းတၢႆဢေႃႈ။မိူဝ်ႈဢၼ် ပႃႇရၵ်ႉၸွမ်းႁႃႇသိသရ ၼၼ်ႉၸိုင် ယေႇလ ဢွၵ်ႇမႃးႁူပ်ႉထူပ်းတင်းမၼ်းလႄႈလၢတ်ႈတီႈမၼ်းဝႃႈ၊-ၶဝ်ႈမႃးသေၵမ်းၶႃႈ။ၶႃႈၸဝ်းတၵ်းၼႄပၼ်ၵေႃႉဢၼ်ၸဝ်ႈႁဝ်းႁႃၼၼ်ႉတီႈၸဝ်ႈႁဝ်းၶႃႈဢေႃႈ၊ ဝႃႈၼင်ႇၼႆသေယဝ်ႉ၊မၼ်းၵႂႃႇၸွမ်းလႄႈထူပ်းႁၼ်သိသရ သေႈသိပ်ႉသႂ်ႇၵႃႈတီႈသီမွပ်ႈမၼ်းလႄႈ တၢႆယဵတ်ႇယူႇယဝ်ႉဢေႃႈ။
၂၃ ၼင်ႇၼၼ်လႄႈထႃႇဝရႃႉၽြႃးဢဝ် ယႃႇၽိၼ်ႇ ၶုၼ်ႁေႃၶမ်းႁႃႇၸေႃႇ ၶျႃးတူၵ်းတီႈတႅမ်ႇၵႃႈတီႈၽၢႆႇၼႃႈၵူၼ်းမဵဝ်းဢိသရေႇလ တင်းလၢႆၼႂ်းဝၼ်းၼၼ်ႉသေယဝ်ႉႁႅင်းမိုဝ်းၵူၼ်းမဵဝ်းဢိသရေႇလ တင်းလၢႆပႄႉၼႅင်ႇယႃႇၽိၼ်ႇ ၶုၼ်ႁေႃၶမ်းႁႃႇၸေႃႇ ယူႇတိၵ်းတိၵ်းတေႃႇထိုင်ႁွတ်ႈထၢၼ်ႈပေႃး ယႃႉၽဵဝ်ႈပႅတ်ႈ ယႃႇၽိၼ်ႇ ၶုၼ်ႁေႃၶမ်းႁႃႇၸေႃႇ ၼၼ်ႉဢေႃႈ။