Chapter
၂၁
ဝဵင်းၵူၼ်းမဵဝ်းလေႇဝိ
၁ ၶဝ်ၸိူဝ်းဢၼ်ပဵၼ် ၶုၼ်ၵႃႈၼႂ်းမဵဝ်းပူႇမဵဝ်းပေႃႈၵႃႈၼႂ်းမဵဝ်းၵူၼ်းလေႇဝိ ၼၼ်ႉဢွၼ်ၵၼ်သုတ်ႉၸပ်းသုတ်ႉၸူးတီႈယိတ်ႉပရေႃးႁိၵ်ႉ ဢေႇလႃႇၸႃႇ ဢိၵ်ႇတင်းယေႃးသုလုၵ်ႈၸၢႆးၼုၼ်ႇ တင်းၶဝ်ၸိူဝ်းဢၼ်ပဵၼ်ၶုၼ် ၵႃႈၼႂ်းမဵဝ်းပူႇမဵဝ်းပေႃႈၵႃႈၼႂ်းမဵဝ်းၵူၼ်းဢိသရေႇလၸိူဝ်းၼၼ်ႉသေလႄႈ လဝ်ႈလၢတ်ႈတီႈၶဝ်ၵႃႈၼႂ်း ဝဵင်းသိလေႃႇမိူင်းၶႃႇၼၼိၼၼ်ႉလႄႈဝႃႈ၊-
၂ ထႃႇဝရႃႉၽြႃးဢဝ်မုဝ်းသေႇလႄႈ သင်ႇလၢတ်ႈဝႆႉဝႃႈႁႂ်ႈဢဝ်ဝဵင်းပုၼ်ႈဢၼ်ႁဝ်းၶႃႈတၵ်းယူႇ ဢိၵ်ႇတင်းလိၼ်ဢၼ်လဵပ်ႈႁွပ်ႈဝဵင်းၸိူဝ်းၼၼ်ႉ ပုၼ်ႈတရိၵ်ႈသၢၼ်ႇႁဝ်းၶႃႈ သေၵမ်း၊ဝႃႈၼင်ႇၼႆလႄႈ
၃ ၵူၼ်းမဵဝ်းဢိသရေႇလတင်းလၢႆၵေႃႈဢဝ်ဝဵင်းဢိၵ်ႇတင်း လိၼ်ဢၼ်လဵပ်ႈႁွပ်ႈဝဵင်းၼၼ်ႉပၼ်ၸွမ်း ၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉဢေႃႈ။
၄ တူၵ်းၸႃႇၵွၵ်ႈသေလႄႈ မဵဝ်းပီႈမဵဝ်းၼွင်ႉၵႃႈၼႂ်းၵူၼ်းမဵဝ်းၵေႃႇႁတ်ႉလႆႈၶၢမ်ႇဢဝ်ၼၼ်ႉၸမ်း လုၵ်ႈလၢၼ်ယိတ်ႉပရေႃးႁိၵ်ႉဢႃႇရုၼ်ႇ ဢၼ်ၶဝ်ပႃးၵႃႈၼႂ်းၵူၼ်းမဵဝ်းလေႇဝိၸိူဝ်းၼၼ်ႉ လႆႈဝဵင်းၵႃႈၼႂ်းဢိုင်ႇယုတဢိုင်ႇသိမုၼ်ႇတင်းဢိုင်ႇပိၼ်ႇယႃႇမိၼ်ႇ သိပ်းပၢႆသၢမ်ႇဝဵင်းၸွမ်းလူၺ်ႈ တၢင်းဢၼ်တူၵ်းၸႃႇၵွၵ်ႈၼၼ်ႉဢေႃႈ။
၅ ၵူၼ်း မဵဝ်းၵေႃႇႁတ်ႉ ဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉ လႆႈဝဵင်းၵႃႈၼႂ်းဢိုင်ႇဢေႇၽရိမ်ႇ၊ဢိုင်ႇတၼ်ႇ၊တင်းဢိုင်ႇမၼႃႇသေႇ ၶိုင်ႈၼိုင်ႈၼၼ်ႉသိပ်းဝဵင်းၵွပ်ႈ ပိူဝ်ႈတၢင်းဢၼ်တူၵ်းၸႃႇၵွၵ်ႈၼၼ်ႉဢေႃႈ။
၆ ၵူၼ်းမဵဝ်းၵေႇရသုၼ်ႇ တင်းလၢႆလႆႈဝဵင်းၵႃႈၼႂ်းဢိုင်ႇဢိသၶႃႇဢိုင်ႇဢႃႇသႃႇ၊ဢိုင်ႇၼပ်ႉထလိ တင်းမၼႃႇသေႇၶိုင်ႈၼိုင်ႈၵႃႈတီႈမိူင်းပႃႇသၼ်ႇ ၼၼ်ႉသိပ်းပၢႆသၢမ်ဝဵင်းၵွပ်ႈပိူဝ်ႈတၢင်းဢၼ်တူၵ်းၸႃႇၵွၵ်ႈၼၼ်ႉဢေႃႈ။
၇ ၵူၼ်းမဵဝ်းမေႇရႃႇရိ တင်းလၢႆၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်သေလႄႈ လႆႈဝဵင်းၵႃႈၼႂ်းဢိုင်ႇ ရုပိၼ်ႇဢိုင်ႇၵတ်ႉ တင်းဢိုင်ႇၸေႇပုလုၼ်ႇ ၼၼ်ႉသိပ်းပၢႆသွင် ဝဵင်းဢေႃႈ။
၈ ၵူၼ်းမဵဝ်းဢိသရေႇလတင်းလၢႆႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈပၼ်ဝဵင်းၸိူဝ်းၼၼ်ႉဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉတီႈၵူၼ်းမဵဝ်းလေႇဝိ တင်းလၢႆၸွမ်းၵႃႈၼင်ႇဢၼ်ထႃႇဝရႃႉၽြႃး ဢဝ်တင်းမုဝ်းသေႇသင်ႇလၢတ်ႈဝႆႉၼၼ်ႉ ဢေႃႈ။
၉ ၶဝ်ဢဝ်ဝဵင်းဢၼ်တၵ်းဢဝ်ၸိုဝ်ဢဝ်သဵင်သေလႄႈဝႃႈ ဝႆႉၵႃႈတီႈၼႆႉၸိူဝ်းၼၼ်ႉၵႃႈၼႂ်းဢိုင်ႇၵူၼ်းမဵဝ်းယုတ၊ဢိုင်ႇၵူၼ်းမဵဝ်းသိမုၼ်ႇၼၼ်ႉပၼ်ဢေႃႈ။
၁၀ ဝဵင်းၸိူဝ်းၼႆႉပဵၼ်ပုၼ်ႈလုၵ်ႈလၢၼ်ဢႃႇရုၼ်ႇ၊ဢၼ်ၶဝ်ႈပႃးၼႂ်းမဵဝ်းပီႈမဵဝ်းၼွင်ႉၵူၼ်းမဵဝ်းၵေႃႇႁတ်ႉ ဢၼ်ၶဝ်ႈပႃးၼႂ်းၵူၼ်းမဵဝ်းလေႇဝိ ၸိူဝ်းၼၼ်ႉၵွပ်ႈပိူဝ်ႈတၢင်းဢၼ်ႁဵတ်းတင်းဢၼ်တူၵ်းၸႃႇၵွၵ်ႈ ၵမ်းပထမၼၼ်ႉ ၸၢပ်ႈသႅင်ႇၵၼ်တင်းၶဝ်ၼၼ်ႉဢေႃႈ။
၁၁ ၶဝ်ဢဝ်ဝဵင်းဢႃႇၽ ဢၼ်ဝႃႈ ဝဵင်းႁေႇပုၼ်ႇ ၵႃႈၼိူဝ်ႁၢၼ်ႉလွႆယုတ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းၼၼ်ႉပၼ်တီႈၶဝ်ၼၼ်ႉဢေႃႈ။ဢႃႇၽပဵၼ်ပေႃႈဢႃႇၼၵ ဢေႃႈ။
၁၂ ၵူၺ်းၵႃႈ ႁႆႊၼႃး လႂ်ၼၼ်ႉၸိုင်ၶဝ်ပၼ်တီႈၵႃႇလိပ်ႉ လုၵ်ႈၸၢႆး ယေႇၽုၼ်ႇၼႃႇ ႁႂ်ႈမၼ်းပိူင်ႇ ဢေႃႈ။
၁၃ ၶဝ်ဢဝ်ဝဵင်းႁေႇပုၼ်ႇဢၼ်ပဵၼ်ဝဵင်းတီႈဢၼ်ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းပၢႆႈၸူးလႄႈသွၼ်ႈပိုင်ႈၼၼ်ႉဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း ဝဵင်းလိပၼဢိၵ်ႇတင်းလိၼ်တီႈဢၼ် လဵပ်ႈႁွပ်ႈမၼ်း
၁၄ ဝဵင်းယတ်ႉတိရ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းဢေႇသတေႇမေႃႇဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းႁေႃးလုၼ်ႇဢိၵ်ႇ တင်း
၁၅ လိၼ်တီႈဢၼ်လဵပ်ႈႁွပ်ႈမၼ်းဝဵင်းတေႇပိရဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း ဝဵင်းဢဢိၼဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း ဝဵင်းယုတ်ႉ တ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း
၁၆ ဝဵင်းပိတ်ႉသေႇမိတ်ႉဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းၵဝ်ႈဝဵင်း ၵႃႈၼႂ်းဢိုင်ႇသွင်ဢိုင်ႇၼၼ်ႉပၼ်တီႈလုၵ်ႈလၢၼ်ယိတ်ႉပရေႃးႁိၵ်ႉ ဢႃႇရုၼ်ႇ ၸိူဝ်းၼၼ်ႉဢေႃႈ။
၁၇ ၵႃႈၼႂ်းဢိုင်ႇပိၼ်ႇယႃႇမိၼ်ႇၵေႃႈၶဝ်ဢဝ်ဝဵင်းၵိပွင်ႇဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်းၵေႇပဢိၵ်ႇ တင်းလိၼ်တီႈဢၼ်လဵပ်ႈႁွပ်ႈ မၼ်းဝဵင်းဢႃႇၼသုတ်ႉ
၁၈ ဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်းဢႃႇလမုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသီႇဝဵင်းၼၼ်ႉပၼ် ဢေႃႈ။
၁၉ ဝဵင်းၵႃႈဢၼ်ယိတ်ႉပရေႃးႁိၵ်ႉလုၵ်ႈလၢၼ်ႇဢႃႇရုၼ်ႇ ၸိူဝ်းၼၼ်ႉလႆႈတင်းသဵင်ႈတင်းလူင်ၼၼ်ႉၸမ်း မီးသိပ်းပၢႆသၢမ်ဝဵင်းဢိၵ်ႇလူၺ်ႈၵၼ်တင်းလိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။
၂၀ မဵဝ်းပီႈမဵဝ်းၼွင်ႉၵူၼ်းမဵဝ်းၵေႃႇႁတ်ႉဢၼ်ၶဝ်ႈပႃးၵႃႈၼႂ်းၵူၼ်းမဵဝ်းလေႇဝိ လႄႈယင်းၵိုတ်းယင်းၵျၢၼ်ႇယူႇၸိူဝ်းၼၼ်ႉ လႆႈဝဵင်းဢၼ်ၸၢပ်ႈသႅင်ႇၵၼ်တင်းတၢင်းဢၼ်တူၵ်းၸႃႇၵွၵ်ႈၶဝ်ၼၼ်ႉ ၵႃႈၼႂ်းဢိုင်ႇဢေႇၽ ရိမ်ႇဢေႃႈ။
၂၁ ၶဝ်ဢဝ်ဝဵင်းသေႇၶိမ်ႇၵႃႈၼိူဝ်ႁၢၼ်ႉလွႆဢေႇရိမ်ႇ ဢၼ်ပဵၼ်ဝဵင်းတီႈဢၼ်ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းပၢႆႈၸူးလႄႈ သွၼ်ႈပိုင်ႈၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်း ၵေႇၸႃႇ
၂၂ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဝဵင်းၵိပၸိမ်ႇဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်းပေႇသေႃႇလုၼ်ႇဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇဝဵင်းၼၼ်ႉပၼ်တီႈၶဝ်ၼၼ်ႉ ဢေႃႈ။
၂၃ ၵႃႈၼႂ်းဢိုင်ႇတၼ်ႇၵေႃႈၶဝ်ဢဝ်ဝဵင်းဢေႇလတေႇၵဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်းၵိပ်ႉပသုၼ်ႇဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း
၂၄ ဝဵင်းဢႃႇၸလုၼ်ႇဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းတင်းဝဵင်းၵႃႇသရိမ်ႇမုၼ်ႇဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈဝဵင်းသီႇဝဵင်းၼၼ်ႉ ပၼ်တီႈၶဝ်ဢေႃႈ။
၂၅ ၵႃႈၼႂ်းဢိုင်ႇမၼႃႇသေႇၶိုင်ႈၼိုင်ႈၵေႃႈ ၶဝ်ဢဝ်ဝဵင်းတႃႇၼၵ်ႉဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဝဵင်းၵႃႈသရိမ်ႇမုၼ် ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသိပ်းသွင်ဝဵင်း ၼၼ်ႉပၼ်တီႈၶဝ်ဢေႃႈ။
၂၆ ဝဵင်းၵႃႈဢၼ်မဵဝ်းပီႈမဵဝ်းၼွင်ႉၵူၼ်းမဵဝ်းၵေႃႇႁတ်ႉ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉလႆႈတင်းသဵင်ႈတင်းလူင်ၼၼ်ႉၸမ်း မီးသိပ်းဝဵင်းဢိၵ်ႇလူၺ်ႈၵၼ်တင်းလိၼ် တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။
၂၇ တီႈၵူၼ်းမဵဝ်းၵေႇရသုၼ်ႇဢၼ်ၶဝ်ပႃးၵႃႈၼႂ်းမဵဝ်းပီႈမဵဝ်းၼွင်ႉၵူၼ်းမဵဝ်းလေႇဝိ ၸိူဝ်းၼၼ်ႉၵေႃႈၶဝ်ဢဝ်ဝဵင်းၵေႃႇလၼ်ႇၵႃႈၼႂ်းမိူင်းပႃႇသၼ်ႇ ဢၼ်ပဵၼ်ဝဵင်းတီႈဢၼ် ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉတၵ်းလႆႈပၢႆႈၸူးလႄႈ သွၼ်ႈပိုင်ႈၼၼ်ႉ ဢိၵ်ႇတင်းလိၼ် တီႈဢၼ်လဵပ်ႈႁွပ်ႈမၼ်းဢၼ်ဝႃႈဝဵင်းသွင်ဝဵင်းၵႃႈၼႂ်းဢိုင်ႇမၼႃႇသေႇၶိုင်ႈၼိုင်ႈၼၼ်ႉပၼ်ဢေႃႈ။
၂၈ ၵႃႈၼႂ်းဢိုင်ႇဢိသၶႃႇၵေႃႈၶဝ်ဢဝ်ဝဵင်းၵိသုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းတႃႇပရေႇဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းယႃႇ မုတ်ႉ
၂၉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဝဵင်းဢိၼ်ႇၵၼ်ႇၼိမ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈ မၼ်းဢၼ်ဝႃႈဝဵင်းသီႇဝဵင်းၼၼ်ႉပၼ်ဢေႃႈ။
၃၀ ၵႃႈၼႂ်းဢိုင်ႇဢႃႇသႃႇ ၵေႃႈၶဝ်ဢဝ်ဝဵင်းမိသလ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဝဵင်းဢႃႇပတုၼ်ႇ
၃၁ ဢိၵ်ႇ တင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းႁေႇလၵတ်ႉဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်:ရႁေႃႇၽ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ် ဝႃႈဝဵင်းသီႇဝဵင်းၼၼ်ႉပၼ်ဢေႃႈ။
၃၂ ၵႃႈၼႂ်းဢိုင်ႇၼပ်ႉထလိ ၵေႃႈၶဝ်ဢဝ်ဝဵင်းၵေႇတေႇသၵႃႈၼႂ်းမိူင်းၵႃႇလိလႄႈ ဢၼ်ပဵၼ်ဝဵင်းတီႈဢၼ်ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းလႆႈပၢႆႈၸူးလႄႈသွၼ်ႈပိုင်ႈၼၼ်ႉဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်းႁမ်ႇမုတ်ႉ တေႃႇဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းတင်းဝဵင်းၵႃႇတၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသၢမ်ဝဵင်းၼၼ်ႉပၼ် ဢေႃႈ။
၃၃ ဝဵင်းၵႃႈဢၼ်ၵူၼ်းမဵဝ်းၵေႇရသုၼ်ႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်သေလႄႈ လႆႈတင်းသဵင်ႈတင်းလူင်ၼၼ်ႉၸမ်း မီးသိပ်းပၢႆသၢမ်ဝဵင်းဢိၵ်ႇလူၺ်ႈၵၼ်တင်းလိၼ်တီႈဢၼ်လဵပ်ႈႁွပ်ႈမၼ်း ၸိူဝ်းၼၼ်ႉ ဢေႃႈ။
၃၄ တီႈမဵဝ်းပီႈမဵဝ်းၼွင်ႉၵူၼ်းမဵဝ်းမေႇရႃႇရိဢၼ်ယင်းၵိုတ်းယင်းၵျၢၼ်ႇယူႇၵႃႈၼႂ်း ၵူၼ်းမဵဝ်းလေႇဝိၼၼ်ႉၵေႃႈ ၶဝ်ဢဝ်ဝဵင်းယေႃႇၵၼမ်ႇဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းၵႃႇတဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း
၃၅ ဝဵင်းတိမၼဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းတင်းဝဵင်းၼႁႃႇလႃႇလ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇ ဝဵင်းၵႃႈၼႂ်းဢိုင်ႇၸေႇပုလုၼ်ႇၼၼ်ႉပၼ်ဢေႃႈ။
၃၆ ၵႃႈၼႂ်းဢိုင်ႇရုပိၼ်ႇ ၵေႃႈၶဝ်ဢဝ်ဝဵင်းပေႇၸႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းယႁႃႇၸ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဝဵင်းၵေႇတမုတ်ႉ
၃၇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းတင်း ဝဵင်းမေႇၽတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသီႇဝဵင်းၼၼ်ႉပၼ်ဢေႃႈ။
၃၈ ၵႃႈၼႂ်းဢိုင်ႇၵတ်ႉၵေႃႈၶဝ်ဢဝ်ဝဵင်းရႃႇမုတ်ႉၵႃႈၼႂ်းမိူင်းၵိလတ်ႉ ဢၼ်ပဵၼ်ဝဵင်း တီႈဢၼ်ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းလႆႈပၢႆႈၸူးလႄႈ သွၼ်ႈပိုင်ႈၼၼ်ႉ
၃၉ ဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်းဝဵင်းမႁႃႇၼိမ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဝဵင်းႁေႇသၽုၼ်ႇ ဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း ဝဵင်းယႃႇၸႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈဝဵင်းသီႇဝဵင်းၼၼ်ႉပၼ်ဢေႃႈ။
၄၀ ဝဵင်းၵႃႈမီးၸိူဝ်းၼႆႉၸမ်း ပဵၼ်ဝဵင်းဢၼ်ၵူၼ်းမေႇရႃႇရိဢၼ်ယင်းၵိုတ်းယင်းၵျၢၼ်ႇၵႃႈတီႈၵူၼ်း မဵဝ်းလေႇဝိၸိူဝ်းၼၼ်ႉ လႆႈၶၢမ်ႇဢဝ်ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။ႁဵတ်းတၢင်းဢၼ်တူၵ်းၸႃႇၵွၵ်ႈလႄႈ ၶဝ်လႆႈဝဵင်းသိပ်းပၢႆသွင်ဝဵင်းဢေႃႈ။
၄၁ ဝဵင်းဢၼ်ၵူၼ်းမဵဝ်းလေႇဝိ လႆႈၵႃႈၼႂ်းမိူင်းတီႈယူႇၵူၼ်းမဵဝ်းဢိသရေႇလတင်းလၢႆၼၼ်ႉတင်းသဵင်းတင်းလူင်ၸမ်း မီးဝဵင်းသိပ်းပၢႆပႅတ်ႇဝဵင်း ဢိၵ်ႇလူၺ်ႈၵၼ်တင်း လိၼ်တီႈဢၼ် လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။
၄၂ ဝဵင်းၵႃႈမီးၸိူဝ်းၼႆႉၼၼ်ႉ ပႃးလိၼ်တီႈဢၼ်လဵပ်ႈႁွပ်ႈၸွမ်းႁိမ်းမၼ်းဝႆႉယူႇဢေႃႈ။ဝဵင်းၵႃႈမီးတင်းသဵင်ႈတင်းလူင်ပဵၼ်မိူၼ်ၸိူဝ်ႉၼင်ႇၼၼ်ဢေႃႈ။
၄၃ ၼင်ႇၼၼ်လႄႈ ထႃႇဝရႃႉရၽြႃးဢဝ်မိူင်းၵႃႈဢၼ်မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇ ၵူၼ်းမဵဝ်းဢိသရေႇလတင်းလၢႆၸိူဝ်းၼၼ်ႉဝႃႈ၊တၵ်းပၼ်၊ ဝႃႈၼင်ႇၼႆဝႆႉၼၼ်ႉပၼ်တီႈၵူၼ်းမဵဝ်းဢိသရေႇလ တင်းလၢႆလႄႈၶဝ်ၼၼ်ႉသိမ်းဢဝ်သေလႄႈ ယူႇၵႃႈၼႂ်းမၼ်းဢေႃႈ။
၄၄ ထႃႇဝရႃႉၽြႃး ပၼ်ဢၶႂၢင်ႉဢၼ်မီးၵႃႈတီႈႁိမ်းႁွမ်းလဵပ်ႈႁွပ်ႈၶဝ်ၼၼ်ႉ ၼိမ်လီယဵၼ်လီ ၸွမ်းၵႃႈၼင်ႇဢၼ် မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇၶဝ်ၼၼ်ႉလႄႈရၢၼ်ႇသူႇ ဢမ်ႇၸုၵ်းၶၢမ်ႇယူႇၵႃႈတီႈၽၢႆႇၼႃႈၶဝ်လႆႈသေၵေႃႉသေၵူၼ်း။ထႃႇဝရႃႉၽြႃးဢဝ်ရၢၼ်ႇသူႇၶဝ်တင်းသဵင်ႈတင်းလူင် ဢၢပ်ႈပၼ်ၵႃႈၼႂ်းမိုဝ်းၶဝ်ဢေႃႈ။
၄၅ တၢင်းလီဢၼ်ထႃႇဝရႃႉၽြႃးမီးဢမိင်ႉဝႆႉ တီႈၵူၼ်းမဵဝ်းဢိသရေႇလတင်းလၢႆၸိူဝ်းၼၼ်ႉ ဢမ်ႇလုတ်ႈဢမ်ႇယွမ်းသေၸိူဝ်ႉသေဢၼ်လႄႈ တဵမ်ထူၼ်ႈတင်းသဵင်ႈတင်းလူင်ဢေႃႈ။