Chapter
၁၃
လႅၼ်လိၼ်ဢၼ်ယင်းတၵ်းလႆႈပိူင်ႇ
၁ မိူဝ်ႈဢၼ် ယေႃးသု ထဝ်ႈလႄႈဢသၢၵ်ႈၵႄႇထူၼ်ႈယဝ်ႉၼၼ်ႉၸိုင်ထႃႇဝရႃႉၽြႃး မီးဢမိင်ႉတီႈမၼ်းလႄႈဝႃႈ၊-မႂ်းၼႆႉထဝ်ႈလႄႈဢသၢၵ်ႈၵႄႇထူၼ်ႈယဝ်ႉ။လိၼ်ဢၼ်တၵ်းလႆႈသိမ်းဢဝ်ၵေႃႈ ယင်းၵိုၼ်းယင်းၵျၢၼ်ႇ ယူႇၼမ်ၼႃႇလူးၵွၼ်ႇဢေႃႈ။
၂ လိၼ်ဢၼ်ယင်းၵိုတ်းယင်းၵျၢၼ်ႇယူႇၸမ်း၊ ပဵၼ်မိူင်းၽိလိတ်ႉတိတင်းမိူင်းဢိၵ်ႇတင်းမိူင်းၵူၼ်းၵေႇသုရိတင်းသဵင်ႈတင်းမူတ်း
၃ ဢဝ်ၵႃႈတီႈၸႃႉၸဵမ်ၼမ်ႉႁွင်ႈသိႁေႃရ ဝၼ်းဢွၵ်ႇမိူင်းဢေႇၵႅပ်ႉတု တေႃႇထိုင်ႁွတ်ႈလႅၼ်လိၼ်ဝဵင်းဢေႇတြုၼ်ႇၵႃႈတီႈၽၢႆႇတၢင်းႁွင်ႇ မိူင်းဢၼ်မၢတ်ႈပဵၼ်မိူင်းၵူၼ်းၶႃႇၼၼိ ဢၼ်ဝႃႈမိူင်းၶုၼ်ၽိလိတ်ႉတိႁႃႈပႃးတီႈဢၼ်ၵူၼ်းၵႃႇၸသိ ၵူၼ်းဢႃႇၸေႃးတိၵူၼ်းဢေႇသၵလေႃးၼိ၊ ၵူၼ်းၵိတ်ႉတိ၊ ၵူၼ်းဢေႇၵျေႃႇၼိဢိၵ်ႇတင်းၵူၼ်းဢႃႇဝိမ်ႇ ဢၼ်မီးၵႃႈတီႈၽၢႆႇတၢင်းၸၢၼ်းၼၼ်ႉ၊
၄ မိူင်းၵူၼ်းၶႃႇၼၼိ တင်းသဵင်ႈတင်းမူတ်းဢိၵ်ႇတင်းမေႇရႃႇ ဢၼ်ၵူၼ်းမိူင်းၸိတုၼ်ႇပိူင်ႇၼၼ်ႉတေႃႇထိုင်ႁွတ်ႈဝဵင်းဢႃႇၽိၵ်ႉ ၸူးတီႈလႅၼ်လိၼ်မိူင်းဢႃႇမေႃးရိမိူင်းၵူၼ်းၵေႇပလ၊မိူင်းလေႇပၼုၼ်ႇ တင်းသဵင်ႈ တင်းမူတ်း
၅ ၽၢႆႇတၢင်းၵၢင်ႇဝၼ်းဢွၵ်ႇဢဝ်ၵႃႈတီႈၸႃႉၸဵမ်ဝဵင်းပႃႇလၵတ်ႉ ၵႃႈတီႈတိၼ်လွႆႁေႇရမုၼ်ႇတေႃႇထိုင်ႁွတ်ႈတီႈဢၼ်ၶဝ်ႈၸူးၵႃႈၼႂ်းမိူင်းႁႃႇမတ်ႉ ၸိူဝ်း ၼၼ်ႉဢေႃႈ။
၆ ၵူၼ်းဢၼ်ယူႇၵႃႈၼိူဝ်ႁၢၼ်ႉလွႆဢဝ်ၵႃႈတီႈၸႃႉၸဵမ်လွႆလေႇပၼုၼ်ႇ တေႃႇထိုင်ႁွတ်ႈဝဵင်းမိသရၽေႃးသမိမ်ႇ ၼၼ်ႉတင်းသဵင်ႈတင်းလူင်ဢၼ်ဝႃႈၵူၼ်းၸိတေႃႇၼိတင်းသဵင်ႈတင်းလူင်ၸိူဝ်းၼၼ်ႉၸိုင် ၵဝ်တၵ်းႁေႃႈဢွၵ်ႇပႅတ်ႈသေၵႃႈတီႈၽၢႆႇၼႃႈၵူၼ်းမဵဝ်းဢိသရေႇလတင်းလၢႆဢေႃႈ။ၵူၺ်းၵႃႈမႂ်းႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈ မႅင်ႇၽႄလိၼ်ၼၼ်ႉပၼ်တီႈၵူၼ်းမဵဝ်းဢိသရေႇလ တင်းလၢႆၸွမ်းၵႃႈၼင်ႇဢၼ် ၵဝ်သင်ႇလၢတ်ႈဝႆႉတီႈမႂ်းၼၼ်ႉတႃႉ။
၇ မိူဝ်ႈလဵဝ်ၼႆႉၽႄမိူင်းၼႆႉမႅင်ႇပၼ်ဢမူၺ်ႇတီႈၵူၼ်းမဵဝ်းၵဝ်ႈမဵဝ်းဢိၵ်ႇတင်း မဵဝ်းမၼႃႇသေႇၶိုင်ႈၼိုင်ႈၼၼ်ႉတႃႉ၊ဝႃႈၼင်ႇၼႆဢေႃႈ။
၈ ဢိၵ်ႇတင်းမဵဝ်းၼၼ်ႉၶိုင်ႈၼိုင်ႈလႄႈမဵဝ်းရုပိၼ်ႇ၊မဵဝ်းၵတ်ႉၸိူဝ်းၼၼ်ႉ လႆႈၶၢမ်ႇဢဝ်ဢမူၺ်ႇၶဝ်ဢၼ်မုဝ်းသေႇ ပၼ်တီႈၶဝ်ၵႃႈတီႈၽၢႆႇဝၼ်းဢွၵ်ႇ ၼမ်ႉႁွင်ႈယေႃးတၢၼ်ႇၼၼ်ႉၸွမ်းၵႃႈၼင်ႇဢၼ်မုဝ်းသေႇၶႃႈထႃႇဝရႃႉၽြႃးပၼ်တီႈၶဝ်ၼၼ်ႉယဝ်ႉ။
လႅၼ်လိၼ်ဢၼ်ၽႄမႅင်ႇ
၉ ၽၢႆႇဢွၵ်ႇၼမ်ႉႁွင်ႊယေႃးတၢၼ်ႇ လိၼ်ၼၼ်ႉၸမ်း၊ ဢဝ်ၵႃႈတီႈၸႃႉၸဵမ်ဝဵင်းဢႃႇရေႃးဢၼ်မီႈၵႃႈႁိမ်းပၢင်ႇႁူၺ်ႈဢႃႇၼုၼ်ႇ ဢိၵ်ႇတင်းဝဵင်းဢၼ်မီးၵႃႈတီႈၶိုင်ႈၵၢင်ၵႂႃႇလႄႈ ပႃးတင်းပၢင်ႇပဵင်းမေႇတေႇၽ တင်းသဵင်ႈတင်းမူတ်းတေႃႇထိုင်ႁွတ်ႈဝဵင်း တိၽုၼ်ႇ
၁၀ ၵႃႈပဵၼ်ဝဵင်းသိႁူၼ်ႇၶုၼ်ႁေႃၶမ်းဢႃႇမေႃးရိဢၼ်ႁဵတ်းၶုၼ်ၵႃႈၼႂ်းဝဵင်းႁေႇသၽုၼ်ႇ ၸိူဝ်းၼၼ်ႉတေႃႇထိုင်ႁွတ်ႈလႅၼ်လိၼ်မိူင်းၵူၼ်းမဵဝ်း ဢၢမ်ႇမုၼ်ႇ မိူင်းၵိလတ်ႉ
၁၁ လိၼ်ဢၼ်ၵူၼ်းၵေႇသုရိတင်းၵူၼ်းမႃႇၶႃႇသိ ၶဝ်ယူႇၼၼ်ႉ၊ လွႆႁေႇရမုၼ်ႇၵႃႈမီး၊ မိူင်းပႃႇသၢၼ်ႇတင်းသဵင်ႈတင်းမူတ်း တေႃႇထိုင်ႁွတ်ႈမိူင်းသႃႇ လၵ မိူင်းဢေႃႇၶ
၁၂ ၶုၼ်ႁေႃၶမ်းပႃႇသၢၼ်ႇ ဢၼ်ႁဵတ်းၶုၼ်ၵႃႈၼႂ်းဝဵင်းဢႃႇသတရူၵ်ႉတင်းဝဵင်းဢေႇတြိ ဢၼ်ပဵၼ်ၵေႃႉဢၼ်ၵိုတ်းၵျၢၼ်ႇဝႆႉ ၼႂ်းမဵဝ်းၵူၼ်းဢၼ်ယႂ်ႇဢၼ်ႁႅင်းၼႃႇၼၼ်ႉၸိူဝ်းၼၼ်ႉဢေႃႈ။ၶဝ်ၼၼ်ႉၸိုင်မုဝ်းသေႇတိုၵ်းတေႃးယႃႉပႅတ်ႈလႄႈ ႁေႃႈဢွၵ်ႇပႅတ်ႈ ဢေႃႈ။
၁၃ ၼႂ်းဝႃႈၼၼ်သေၵေႃႈၵူၼ်းမဵဝ်းဢိသရေႇလတင်းလၢႆ ဢမ်ႇႁေႃႈၵူၼ်းၵေႇသုရိဢိၵ်ႇတင်းၵူၼ်းမႃႇၶႃႇသိၸိူဝ်းၼၼ်ႉဢွၵ်ႇပႅတ်ႈ။ၵူၼ်းၵေႇသုရိ၊ ၵူၼ်းမႃႇၶႃႇသိ ၸိူဝ်းၼၼ်ႉလႆႈယူႇလူၺ်ႈၵၼ်တင်းၵူၼ်းမဵဝ်းဢိသရေႇလတင်းလၢႆယူႇ တေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၁၄ ၵူၺ်းၵွမ်ႉတီႈၵူၼ်းမဵဝ်းလေႇဝိ ၵူၺ်းမၼ်းၸဝ်ႈဢမ်ႇပၼ်ဢမူၺ်ႇ။ယိၸ်ႉဢၼ်ဢဝ်တင်းၽႆးပုၵ်ႉၸေႃႇတီႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ ၼၼ်ႉပဵၼ်ဢမူၺ်ႇမၼ်းၸွမ်းၵႃႈၼင်ႇဢၼ်မၼ်းၸဝ်ႈ မီး ဢမိင်ႉဝႆႉတီႈမၼ်းၼၼ်ႉဢေႃႈ။
၁၅ မုဝ်းသေႇပၼ်ဢမူၺ်ႇတီႈၵူၼ်းမဵဝ်းရုပိၼ်ႇ တင်းလၢႆၸွမ်းလူၺ်ႈမဵဝ်းပီႈမဵဝ်း ၼွင်ႉၶဝ်ႁင်းၽႂ်ႇႁင်းမၼ်းဢေႃႈ။
၁၆ ၶွပ်ႇၼမ်ႉလႅၼ်လိၼ်ၶဝ်ၸမ်း ၸႃႉၸဵမ်မိူင်းဢႃႇရေႃႇဢၼ်မီးၵႃႈႁိမ်းႁူၺ်ႈဢႃႇၼုၼ်ႇ၊ ဢိၵ်ႇတင်းဝဵင်းဢၼ်မီးၵႃႈတီႈၶိုင်ႈၵၢင်ပၢင်ႇႁူၺ်ႈၼၼ်ႉလႄႈ ပၢင်ႇပဵင်းမေႇတေႇၽတင်းသဵင်း တင်းမူတ်းဝဵင်းႁေႇသၽုၼ်ႇ
၁၇ ဢိၵ်ႇတင်းဝဵင်းမၼ်းၵႃႈဢၼ်မီးၵႃႈတီႈပၢင်ႇတီႈပဵင်း၊ ဝဵင်းတိၽုၼ်ႇ၊ ဝဵင်းပႃႇ မုတ်ႉပႃႇလ၊
၁၈ ဝဵင်းပိတ်ႉပႃႇလမွင်၊ဝဵင်းယႁႃႇၸ၊ဝဵင်းၵေႇတမုတ်ႉ၊ဝဵင်းမေႇၽၢတ်ႉ၊ ဝဵင်းၵိယရသိမ်ႇ၊ဝဵင်းၸိပမႃႇ၊
၁၉ ဝဵင်းၸႃႇရိတ်ႉသႃႇႁႃႇ ဢၼ်မီႈၵႃႈၼိူဝ်လွႆဢၼ်မီးၵႃႈၼႂ်းၶူင်ႈႁူၺ်ႈ၊ဝဵင်းပႅတ်ႉပေႇၵုရ၊ ပဵမ်ႉလွႆပိသၵႃႇ၊ဝဵင်းပိတ်ႉ ယေႇသိမုတ်ႉ၊
၂၀ ဝဵင်းၵႃႈဢၼ်မီးၵႃႈတီႈပၢင်ႇတီႈပဵင်းဢိၵ်ႇတင်းမိူင်းသိရူၼ်ႇၶုၼ်ႁေႃၶမ်းဢႃႇမေႃးရိ ဢၼ်လႆႈႁဵတ်းၶုၼ်ၵႃႈၼႂ်းဝဵင်းႁေႇသၽုၼ်ႇ ဢၼ်မုဝ်းသေႇတိုၵ်းတေႃးယႃႉပႅတ်ႈ လူၺ်ႈၵၼ်တင်း
၂၁ ၶုၼ်လူင်မိတျၢၼ်ႇဢၼ်ဝႃႈဢေႇဝိ၊ ရေႇၵိမ်၊ ၸုရ၊ ႁုရ၊ ရေႇၽဢၼ်ပဵၼ်ၶုၼ်တႂ်ႈသိရူၼ်ႇလႄႈ ယူႇၵႃႈၼႂ်းမိူင်းမၼ်း ၼၼ်ႉဢေႃႈ။
၂၂ ပႃႇလမ်ႇလုၵ်ႈၸၢႆးပေႃႇရဢၼ်ႁဵတ်းပရေႃးၽႅတ်ႈၼၼ်ႉၵေႃႈ ၵူၼ်းမဵဝ်းဢိသရေႇလတင်းလၢႆ ဢဝ်လၢပ်ႇၽၼ်းၶဝ်တၢႆပႅတ်ႈလူၺ်ႈၵၼ်တင်း ၶဝ်ၸိူဝ်းၼၼ်ႉဢေႃႈ။
၂၃ ၶွပ်ႇၼမ်ႉလႅၼ်လိၼ်တီႈယူႇၵူၼ်းမဵဝ်းရု ပိၼ်ႇၸိူဝ်းၼၼ်ႉၸမ်းပဵၼ်ၼမ်ႉႁွင်ႊယေႃးတၢၼ်ႇဢိၵ်ႇတင်းၽင်ႇမၼ်းႁိမ်းမၼ်းဢေႃႈ။ဢၼ်ၼႆႉၸမ်း၊ ပဵၼ်ဝၢၼ်ႈပဵၼ်ဝဵင်းဢၼ်ၵူၼ်းမဵဝ်းရုပိၼ်ႇၶဝ်လႆႈၶၢမ်ႇဢမူၺ်ႇၸွမ်းလူၺ်ႈမဵဝ်းပီႈမဵဝ်းၼွင်ႉၶဝ် ႁင်းၽႂ်ႇႁင်းမၼ်းၼၼ်ႉဢေႃႈ။
၂၄ မုဝ်းသေႇ ပၼ်ဢမူၺ်ႇတီႈၵူၼ်းမဵဝ်းၵၢတ်ႉတင်းလၢႆၸွမ်းလူၺ်ႈမဵဝ်းပီႈမဵဝ်းၼွင်ႉၶဝ် ႁင်းၽႂ်ႇႁင်းမၼ်းၼၼ်ႉ ဢေႃႈ။
၂၅ ၶွပ်ႇၼမ်ႉလႅၼ်လိၼ်ၶဝ်ၸမ်း၊ၸႃႉၸဵမ်ဝဵင်းယႃႇၸႃႇလႄႈဝဵင်းၵိလၢတ်ႉၵႃႈမီး၊ မိူင်းၵူၼ်းမဵဝ်းဢၢမ်ႇမုၼ်ႇၶိုင်ႈၼိုင်ႈတေႃႇထိုင်ႁွတ်ႈဝဵင်းဢႃႇရေႃႇ ဢၼ်မီးၵႃႈ တီႈၽၢႆႇၼႃႈဝဵင်းရပ်ႉပႃႇၼၼ်ႉ
၂၆ လၢႆးသမ်ႉ ၸႃႉၸဵမ်ဝဵင်းႁေႇသၽုၼ်ႇတေႃႇထိုင်ႁွတ်ႈ ဝဵင်းရႃႇမတ်ႉမိၸပႃႇတင်းဝဵင်းပေႇတေႃႇၼိမ်ႇၼၼ်ႉ လၢႆးသမ်ႉၸႃႉၸဵမ်ဝဵင်းမႁႃႇၼိမ်ႇတေႃႇထိုင်ႁွတ်ႈလိၼ် ဝဵင်းလိတ်ႉပိရၼၼ်ႉ၊ ၵႃႈတီႈၼႂ်းပၢင်ႇႁူၺ်ႈၵေႃႈ၊
၂၇ ဝဵင်းပေႇသႃႇရမ်ႇ၊ဝဵင်းပႅတ်ႉၼိမရ၊ ဝဵင်းသုၵုတ်ႉ၊ ဝဵင်းၸႃႇၽုၼ်ႇ၊ ၵႃႈဢၼ်ၵိုတ်းဢၼ်ၵျၢၼ်ႇဝႆႉၵႃႈတီႈမိူင်းသိရူၼ်ႇ ၶုၼ်ႁေႃၶမ်းႁေႇသၽုၼ်ႇ၊ၼမ်ႉႁွင်ႊယေႃးတၢၼ်ႇဢိၵ်ႇတင်း ၽၢင်ႇမၼ်းႁိမ်းမၼ်း တေႃႇထိုင်ႁွတ်ႈ တီႈသုတ်းတီႈသဵင်ႈၼမ်ႉၼွင်ၵိၼ်ႇၼီႇသရိတ်ႉ ၵႃႈတီႈၽၢႆႇဝၼ်းဢွၵ်ႇၼမ်ႉႁွင်ႊယေႃးတၢၼ်ႇၼၼ်ႉဢေႃႈ။
၂၈ ဢၼ်ၼႆႉၸမ်း၊ ပဵၼ်ဝၢၼ်ႈပဵၼ်ဝဵင်းဢၼ်ၵူၼ်းမဵဝ်းၵတ်ႉ ၶဝ်လႆႈၶၢမ်ႇဢမူၺ်ႇၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ႁင်းၽႂ်ႇႁင်းမၼ်းၼၼ်ႉဢေႃႈ။
၂၉ မုဝ်းသေႇပၼ်ဢမူၺ်ႇတီႈၵူၼ်းမဵဝ်းမၼႃႇသေႇ ၶိုင်ႈၼိုင်ႈလႄႈ ၵူၼ်းမဵဝ်းမၼႃႇသေႇၶိုင်ႈၼိုင်ႈၸိူဝ်းၼၼ်ႉလႆႈၶၢမ်ႇဢမူၺ်ႇၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ႁင်း ၽႂ်ႇႁင်းမၼ်းဢေႃႈ။
၃၀ ၶွပ်ႇၼမ်ႉလႅၼ်လိၼ်ၶဝ်ၸမ်းၸႃႉၸဵမ်ဝဵင်းမႁႃႇၼိမ်ႇလႄႈ မိူင်းပႃႇသၼ်ႇ တင်းသဵင်ႈတင်းမူတ်းဢၼ်ဝႃႈမိူင်းဢေႃႇၶၶုၼ်ႁေႃၶမ်းပႃႇသၼ်ႇၼၼ်ႉတင်းသဵင်ႈတင်းမူတ်း၊ ၵႃႈပဵၼ်ဝဵင်းယႃႇဢိ၇ ဢၼ်ပႃးၵႃႈတီႈဝဵင်းပႃႇသၼ်ႇ ၼၼ်ႉႁူၵ်းသိပ်း ဝဵင်းၼၼ်ႉဢေႃႈ။
၃၁ မိူင်းၵိလၢတ်ႉၶိုင်ႈၼိုင်ႈ၊ဝဵင်းဢႃႇသတရူၵ်ႉတင်းဝဵင်းဢေႇတြိ ဢၼ်ပဵၼ်ဝဵင်းၵႃႈၼႂ်းဝဵင်းမိူင်းဢေႃႇၶၵႃႈတီႈမိူင်းပႃႇသၼ်ႇ ၸိူဝ်းၼၼ်ႉၸိုင် ပဵၼ်ပုၼ်ႈၵူၼ်းမဵဝ်းမႃႇၶိရလုၵ်ႈၸၢႆးမၼႃႇသေႇ ဢၼ်ဝႃႈပုၼ်ႈၵူၼ်းမဵဝ်းမႃႇၶိ၇ ၶိုင်ႈၼိုင်ႈၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉႁင်းၽႂ်ႇႁင်းမၼ်းဢေႃႈ။
၃၂ ဢၼ်ၼႆႉၸမ်း ပဵၼ်ဢမူၺ်ႇဢၼ်မုဝ်းသေႇၽႄမႅင်ႇပၼ်ၵႃႈၼႂ်းပၢင်ႇပဵင်းမေႃႇၽ ၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇ သိုဝ်ႈ ဝဵင်းယေႇရိၶုဝ်း ၽၢႆႇဝၼ်းဢွၵ်ႇ ၼၼ်ႉဢေႃႈ။
၃၃ တီႈမဵဝ်းလေႇဝိၸိုင် မုဝ်းသေႇဢမ်ႇမႅင်ႇဢမ်ႇပၼ်ဢမူၺ်ႇ။ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ ပဵၼ်ဢမူၺ်ႇၶဝ် ၸွမ်းၵႃႈၼင်ႇဢၼ်မၼ်းၸဝ်ႈမီးဢမိင်ႉဝႆႉတီႈၶဝ်ၼၼ်ႉဢေႃႈ။