Chapter
၁၇
၁ လိၼ်ဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈ သေလႄႈၵူၼ်းမဵဝ်းမၼႃႇသေႇ ဢၼ်ပဵၼ်လုၵ်းၸၢႆးတူၼ်ႈယုဝ်းသႅပ်ႉၸိူဝ်းၼၼ်ႉ လႆႈၶၢမ်ႇဢဝ်ၼၼ်ႉၸမ်းၵွပ်ႈပိူဝ်ႈဢၼ်မႃႇၶိရပေႃႇၵိလတ်ႉ ဢၼ်ဝႃႈလုၵ်ႈၸၢႆးတူၼ်ႈမၼႃႇသေႇ ၼၼ်ႉပဵၼ်ၵူၼ်းသိုၵ်းၼၼ်ႉလႄႈမၼ်းလႆႈမိူင်းၵိ လတ်ႉတင်းမိူင်းပႃႇသၢၼ်ႇဢေႃႈ။
၂ ၼွၵ်ႈသေၼၼ်ႉလိၼ်ဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈ မႅင်ႇပၼ်ၼၼ်ႉၸိုင် ပဵၼ်ပုၼ်ႈလုၵ်ႈၸၢႆးမၼႃႇသေႇ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ဢၼ်ၵိုတ်းဢၼ်ၵျၢၼ်ႇဢၼ်ပဵၼ်ၵူၼ်းမဵဝ်းဢပျေႇၸႃႇ၊ ၵူၼ်းမဵဝ်းႁေႇလိတ်ႉၵူၼ်းမဵဝ်းဢိသရေႇလ၊ ၵူၼ်းမဵဝ်းသေႇၶိင်ႇ၊ ၵူၼ်းမဵဝ်းႁေႇၽႃႇ၊ၵူၼ်းမဵဝ်းသမိတၸိူဝ်းၼၼ်ႉဢေႃႈ။ၶဝ်ၸိူဝ်းၼႆႉပဵၼ်ၵူၼ်းၸၢႆးမဵဝ်းမၼႃႇသေႇ ဢၼ်ပဵၼ်လုၵ်ႈၸၢႆးယုဝ်းသႅပ်ႉၸွမ်လူၺ်ႈမဵဝ်းပီႈမဵဝ်းၼွင်ႉၶဝ်ႁင်းၽႂ်ႇႁင်းမၼ်းၼၼ်ႉဢေႃႈ။
၃ ၵူၺ်းၵႃႈတီႈ ၸလေႃးၽတ်ႉ ဢၼ်ပဵၼ်လုၵ်ႈၸၢႆးႁေႇၽႃႇ၊ ဢၼ်ပဵၼ်လုၵ်ႈၸၢႆးၵိလတ်ႉ၊ ဢၼ်ပဵၼ်လုၵ်ႈၸၢႆးမႃႇၶိရ၊ဢၼ်ပဵၼ်လုၵ်ႈၸၢႆးမၼႃႇသေႇၼၼ်ႉဢမ်ႇမီႈလုၵ်ႈၸၢႆး။မီႈလုၵ်ႈယိင်းၵူၺ်းၵူၺ်းဢေႃႈ။ၸိုဝ်သဵင်လုၵ်ႈယိင်းမၼ်းၸိူဝ်းၼၼ်ႉၸမ်း၊မႃႇလႃႇ၊ၼေႃႇဢႃႇ၊ႁေႃႇၵလႃႇ၊မိၵလႃႇတင်းတိရ ၸႃႇဢေႃႈ။
၄ ၶဝ်ၼၼ်ႉဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈၽၢႆႇၼႃႈယိတ်ႉပရေႃးႁိၵ်ႉဢေႇလႃႇၸႃႇ ဢိၵ်ႇတင်းယေႃးသု၊လုၵ်ႈၸၢႆးၼုၼ်ႇ၊ တင်းၶုၼ်တင်းလၢႆသေလႄႈလဝ်လၢတ်ႈလႄႈဝႃႈ၊-ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇ ႁႂ်ႈမၼ်းပၼ်ဢၶႂၢင်ႉဢၼ်ႁဝ်းၶႃႈလႆႈၶၢမ်ႇဢဝ်ဢမူၺ်ႇလူၺ်ႈၵၼ်တင်းပီႈၼွင်ႉၸိူဝ်ႉၶိူဝ်းႁဝ်းၶႃႈၼၼ်ႉတီႈႁဝ်းၶႃႈယဝ်ႉၶႃႈယဝ်ႉ၊ ဝႃႈၼင်ႇၼႆလႄႈ မၼ်းပၼ်ဢၶႂၢင်ႉတီႈဢၼ်ၶဝ်လႆႈၶၢမ်ႇဢဝ်ဢမူၺ်ႇ လူၺ်ႈၵၼ်တင်းပီႈၼွင်ႉပေႃႈၶဝ်ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉၼၼ်ႉဢေႃႈ။
၅ ၼင်ႇၼၼ်လႄႈ ၼွၵ်ႈသေ မိူင်းၵိလတ်ႉ တင်းမိူင်းပႃႇသၼ်ႇ ၵႃႈတီႈၽၢႆႇပုၼ်ႉ ၼမ်ႉႁွင်ႊယေႃးတၢၼ်ႇၼၼ်ႉ မဵဝ်းမၼႃႇသေႇယင်းလႆႈထႅင်ႈသိပ်းပုၼ်ႊသိပ်း ၸူႉ
၆ ၵွပ်ႈပိူဝ်ႈလုၵ်ႈယိင်းမၼႃႇသေႇၸိူဝ်းၼၼ်ႉလႆႈၶၢမ်ႇဢဝ်ဢမူၺ်ႇလူၺ်ႈၵၼ်တင်း လုၵ်ႈၸၢႆးမၼ်းတင်းလၢႆၼၼ်ႉဢေႃႈ။လုၵ်ႈၸၢႆးမၼႃႇသေႇၵမ်ႈၽွင်ႈလႆႈပိူင်ႇမိူင်းၵိလတ်ႉဢေႃႈ။
၇ ၶွပ်ႇၼမ်ႉလႅၼ်လိၼ်မၼႃႇသေႇ ၼၼ်ႉလုၵ်ႉသေၵႃႈတီႈဝဵင်းဢႃႇသႃႇ ၵႂႃႇၸူးၵႃႈတီႈဝဵင်းမိတ်ႉမေႇသဢၼ်မီးၵႃႈတီႈၽၢႆႇၼႃႈဝဵင်းသေႇၶိင်ႇ လႄႈလႅၼ်လိၼ်ၼၼ်ႉၸွမ်းၵႂႃႇ ၵႃႈတီႈၽၢႆႇၶႂႃႇၸူးၵႃႈတီႈယူႇၵူၼ်း ဝဵင်း ဢိၼ်ႇတႃႇပႂႃႇ ၸိူဝ်းၼၼ်ႉဢေႃႈ။
၈ လိၼ်ဝဵင်းတႃႇပႂႃႇၼၼ်ႉၸိုင်ၵူၼ်းမၼႃႇသေႇ ပိူင်ႇဢဝ်လႄႈၵူၼ်းဢေႇၽရိမ်ႇဢဝ်ဝဵင်းတႃႇပႂႃႇ ဢၼ်မီႈၵႃႈႁိမ်းလႅၼ်လိၼ် မၼႃႇသေႇၼၼ်ႉဢေႃႈ။
၉ လၢႆးသမ်ႉလႅၼ်လိၼ်ၼၼ်ႉလူင်းၸူးၵႃႈတီႈၼမ်ႉႁွင်ႈၵႃႇၼ ၽၢႆႇတၢင်းၸၢၼ်းၼမ်ႉႁွင်ႊၼၼ်ႉလႄႈ ဝဵင်းၸိူဝ်းၼႆႉၸိုင်ဢေႇၽရိမ်ႇလႆႈပိူင်ႇဢဝ်ၵႃႈၼႂ်းဝဵင်းမၼႃႇသေႇတင်းလၢႆလႄႈ လႅၼ်လိၼ်မၼႃႇသေ မီးၽၢႆႇတၢင်းႁွင်ႇၼၼ်ႉယူႇသေလႄႈတီႈသုတ်းတီႈတိူၵ်ႈမၼ်း ပဵၼ်ၵႃႈတီႈပၢင်ႇလၢႆႇဢေႃႈ။
၁၀ ၵႃႈတီႈၽၢႆႇတၢင်းၸၢၼ်း ပဵၼ်လႅၼ်လိၼ်ဢေႇၽရိမ်ႇ ၵႃႈတီႈၽၢႆႇတၢင်းႁွင်ႇ ပဵၼ်လႅၼ်လိၼ်မၼႃႇသေႇလႄႈ ၼမ်ႉပၢင်ႇလၢႆႇ ပဵၼ်ၶွပ်ႇၼမ်ႉလႅၼ်လိၼ်မၼ်းသေလႄႈ ၵႃႈတီႈၼႃႈတၢင်းႁွင်ႇၼၼ်ႉၶိုတ်းထိုင်လိၼ်ဢႃႇသႃႇ၊ ၵႃႈတီႈၼႃႈတၢင်းဢွၵ်ႇၶိုတ်းထိုင်လိၼ်ဢိသၶႃႇဢေႃႈ။
၁၁ ဝဵင်းဢၼ်မဵဝ်းမၼႃႇသေႇလႆႈၵႃႈၼႂ်းလိၼ် ဢိသၶႃႇ တင်းလိၼ် ဢႃႇသႃႇ ၼၼ်ႉၸမ်း ပဵၼ်ဝဵင်းပိတ်ႉသၼ်ႇဢိၵ်ႇတင်းဝၢၼ်ႈမၼ်းတင်းလၢႆ ဝဵင်းဢိပလမ်ႇဢိၵ်ႇတင်း ဝၢၼ်ႈမၼ်းတင်းလၢႆၵူၼ်းဝဵင်းတေႃ:၇ ဢိၵ်ႇတင်း ဝၢၼ်ႈမၼ်းတင်းလၢႆတီႈဢၼ်ပဵၼ်လွႆပဵၼ်ၵုင်း တီႈဢၼ်ဝႃႈ ၵူၼ်းဝဵင်းဢိၼ်ႇတေႃႇရ ဢိၵ်ႇတင်းဝၢၼ်ႈမၼ်းတင်းလၢႆၵူၼ်းဝဵင်းတႃႇၼၵ်ႉ ဢိၵ်ႇတင်းဝၢၼ်ႈမၼ်းတင်းလၢႆၵူၼ်းဝဵင်းမေႇၵိတ်ႉတေႃႇ ဢိၵ်ႇတင်းဝၢၼ်ႈမၼ်းတင်းလၢႆ ၸိူဝ်းၼၼ်ႉဢေႃႈ။
၁၂ ၵူၺ်းၵႃႈၵူၼ်းမဵဝ်းမၼႃႇသေႇတင်းလၢႆ ဢမ်ႇႁေႃႈၵူၼ်းဢၼ်ယူႇၵႃႈၼႂ်းဝဵင်းၸိူဝ်းၼၼ်ႉဢွၵ်ႇပႅတ်ႈလႆႈလႄႈၵူၼ်းၶႃႇၼၼိ ၸိူဝ်းၼၼ်ႉသဝ်း ယူႇၵႃႈၼႂ်းမိူင်းၼၼ်ႉဢေႃႈ။
၁၃ မိူဝ်ႈဢၼ်ၵူၼ်းမဵဝ်းဢိသရေႇလ တင်းလၢႆႁႅင်းယႂ်ႇၽႄၼမ်ၵိုၼ်းမႃးၼၼ်ႉၸိုင်ၶဝ်ယင်းဢမ်ႇႁေႃႈၵူၼ်းၶႃႇၼၼိ ဢွၵ်ႇပႅတ်ႈတင်းသဵင်ႈတင်းမူတ်းလႄႈႁႂ်ႈၶဝ်ပဵၼ်ၶႃႈၶၢမ်ႇတၢင်းၸႂ်ႉတၢင်းသွႆၶဝ်ယူႇဢေႃႈ။
၁၄ ၵူၼ်းမဵဝ်း ယုဝ်းသႅပ်ႉ တင်းလၢႆဢွၼ်ၵၼ်လဝ်ႈထၢမ်တီႈယေႃးသုလႄႈဝႃႈ၊-ထႃႇဝရႃႉၽြႃးပၼ်တၢင်းလီမၢင်ႇၵလႃႇတီႈၵဝ်ၶႃႈသေယဝ်ႉၵဝ်ၶႃႈပဵၼ်မဵဝ်းယႂ်ႇမဵဝ်းလူင်ယူႇလႄႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းပၼ် တႃႇလဵဝ်ပုၼ်ႊလဵဝ်ၵူၺ်းတီႈၵဝ်ၶႃႈ ၼင်ႇႁိုဝ်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊
၁၅ ယေႃးသုၶိုၼ်းလၢတ်ႈတီႈၶဝ်လႄႈဝႃႈ၊- ပေႃးမႂ်းပဵၼ်မဵဝ်းယႂ်ႇမဵဝ်းလူင်ၸိုင် ၶိုၼ်ႈၵႂႃႇၸူးၵႃႈတီႈပႃႇမႆႉလႄႈတီႇပွမ်တႅပ်းၽၼ်းပုၼ်ႈမႂ်းၵႃႈၼႂ်းမိူင်းၵူၼ်းၽေႇရၸိ တင်းၵူၼ်းရေႇၽိမ်ႇ ၼၼ်ႉၵွပ်ႈပိူဝ်ႈဢၼ်ႁၢၼ်ႉလွႆဢေႇၽရိမ်ႇပဵၼ်ဢၼ်ၵိတ်ႇဢၼ်ၵႅပ်ႈပုၼ်ႈမႂ်းၼၼ်ႉတႃႉ၊ ဝႃႈၼင်ႇၼႆႉ ဢေႃႈ။
၁၆ ၵူၼ်းမဵဝ်းယုဝ်းသႅပ်ႉၸိူဝ်းၼၼ်ႉၶိုၼ်းလဝ်ႈလၢတ်ႈလႄႈဝႃႈ၊-ႁၢၼ်ႉလွႆဢေႇၽရိမ်ႇ ၼၼ်ႉဢမ်ႇပေႃးပုၼ်ႈႁဝ်းၶႃႈ။ၵူၼ်းၶႃႇၼၼိဢၼ်ယူႇၵႃႈတီႈပၢင်ႇပဵင်းဢၼ်ဝႃႈ ၶဝ်ၸိူဝ်းဢၼ်ယူႇတီႈ ဝဵင်းပိတ်ႉသၼ်ႇ ဢိၵ်ႇတင်းဝၢၼ်ႈမၼ်းတင်းလၢႆတင်းၶဝ်ၸိူဝ်းဢၼ်ယူႇၵႃႈတီႈပၢင်ႇပဵင်းယေႇၸရေႇလ ၸိူဝ်းၼၼ်ႉတဵမ်ဝႆႉတင်းလေႃႉရထႃးလဵၵ်းၶႃႈဢေႃႈ၊ ဝႃႈၼင်ႇၼႆ သေယဝ်ႉ၊
၁၇ ယေႃးသုလၢတ်ႈတီႈၵူၼ်းမဵဝ်း ယုဝ်းသႅပ်ႉဢၼ်ဝႃႈမဵဝ်းဢေႇၽရိမ်ႇ တင်းမဵဝ်းမၼႃႇသေႇၸိူဝ်းၼၼ်ႉလႄႈဝႃႈ၊-မႂ်းပဵၼ်မဵဝ်းယႂ်ႇမဵဝ်းလူင်လႄႈမီးႁႅင်းဢၼ်ယႂ်ႇၼႃႇလူင်လၢင်ဢေႃႈ။မႂ်းဢမ်ႇလႆႈဢဝ်ပုၼ်ႊလဵဝ်တႃႇလဵဝ်ၵူၺ်း။ၵႃႈၼိူဝ်ႁၢၼ်ႉလွႆၵေႃႈတၵ်းလႆႈ ပဵၼ်ပုၼ်ႈမႂ်းဢေႃႈ။
၁၈ ပဵၼ်ပႃႇမႆႉပႃႇၸိင်လႄႈမႂ်းတၵ်းလႆႈတီႇပွမ်တႅပ်းၽၼ်းဢေႃႈ။ပိၵ်ႉသမ်ႉၵူၼ်းၶႃႇၼၼိတင်းလၢႆတဵမ်ဝႆႉတင်:ရထႃးလဵၵ်းလႄႈႁႅင်းယႂ်ႇၼႃႇသေၵေႃႈ မႂ်းတၵ်းလႆႈႁေႃႈၶဝ်ဢွၵ်ႇပႅတ်ႈဢေႃႈ၊ ဝႃႈၼင်ႇၼႆဢေႃႈ။