Chapter
၁၄
လႅၼ်လိၼ်ဢၼ်ၽႄမႅင်ႇ ၽၢႆႇဝၼ်းတူၵ်းၼမ်ႉႁွင်ႊယေႃးတၢၼ်ႇ
၁ လၢႆးသမ်ႉ ၸိူဝ်းဢၼ်ပဵၼ်ဢမူၺ်ႇ ဢၼ်ၵူၼ်းမဵဝ်းဢိသရေႇလ တင်းလၢႆလႆႈၶၢမ်ႇဢဝ်ၵႃႈၼႂ်း မိူင်းၶႃႇၼၢၼ်ႇဢၼ်ယိတ်ႉပရေႃးႁိၵ်ႉဢေႇလႃႇၸႃႇ ယေႃးသုလုၵ်ႈၸၢႆးၼုၼ်ႇ ဢိၵ်ႇတင်းၶဝ်ၸိူဝ်းဢၼ်ပဵၼ်ၶုၼ်မဵဝ်းပူႇမဵဝ်းပေႃႈၶဝ် ၵႃႈၼႂ်းမဵဝ်းၵူၼ်းဢိသရေႇလတင်း လၢႆ
၂ ၽႄမႅင်ႇပၼ်တီႈၶဝ်ၸမ်း ၸွမ်းလူၺ်ႈတၢင်းဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈ မႅင်ႇပၼ်တီႈၶဝ်ၼၼ်ႉ မႅၼ်ႈၸွမ်းၵႃႈၼင်ႇဢၼ် ထႃႇဝရႃႉၽြႃးဢဝ်တင်းမုဝ်းသေႇ သင်ႇလၢတ်ႈဝႆႉပုၼ်ႈၶိူဝ်းမဵဝ်းၵဝ်ႈ မဵဝ်းပၢႆၶိုင်ႈၼၼ်ႉဢေႃႈ။
၃ မုဝ်းသေႇၼၼ်ႉလႆႈပၼ်ဢမူၺ်ႇတီႈၶိူဝ်းမဵဝ်းသွင်မဵဝ်းပၢႆၶိုင်ႈၼၼ်ႉ ၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇၼၼ်ႉယဝ်ႉ။တီႈၵူၼ်းမဵဝ်းလေႇဝိတင်းလၢႆၸိုင် မၼ်းဢမ်ႇပၼ်ဢမူၺ်ႇလူၺ်ႈ ၵၼ်တင်းၶဝ်ၼၼ်ႉ။
၄ လွင်ႈမၼ်းၸမ်းၵူၼ်းမဵဝ်းယုဝ်းသႅပ်ႉၼၼ်ႉပဵၼ်သွင်မဵဝ်းၵႂႃႇဢၼ်ဝႃႈမဵဝ်းမၼႃႇသေႇ တင်းမဵဝ်းဢေႇၽရိမ်ႇ ၼၼ်ႉလႄႈဢမ်ႇပၼ်လိၼ်ပုၼ်ႈပၼ်တႃႇတီႈၵူၼ်းမဵဝ်းလေႇဝိ တင်းလၢႆလိူဝ်သေဝဵင်းပုၼ်ႈဢၼ်ၶဝ်တၵ်းယူႇဢိၵ်ႇတင်း လိၼ်ဢၼ်လဵပ်ႈႁွပ်ႈႁိမ်းဝဵင်းၸိူဝ်းၼၼ်ႉ ပုၼ်ႈဢၼ်တၵ်းဝႆႉတရိၵ်ႉသၢၼ်ႇၶဝ် တင်းဢုၵ်ႉၸႃႇၶဝ်ၼၼ်ႉၵူၺ်းဢေႃႈ။
၅ ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉၵူၼ်းမဵဝ်းဢိသရေႇလ တင်းလၢႆဢွၼ်ၵၼ်ႁဵတ်းၸွမ်းလႄႈၽႄမႅင်ႇလိၼ်ပၼ်ဢေႃႈ။
ပုၼ်ႈၵႃႇလိပ်ႉ
၆ မိူဝ်ႈၼၼ်ႉ ၵူၼ်းမဵဝ်းယုတ ဢွၼ်ၵၼ်သုတ်ႉၸပ်းသုတ်ႉၸူးတီႈယေႃးသု ၵႃႈတီႈဝဵင်းၵိလၵႃႇလ ၼၼ်ႉလႄႈၵႃႇလိပ်ႉလုၵ်ႈၸၢႆးယေႇၽုၼ်ႇၼႃႇ ၵူၼ်းမဵဝ်းၵေႇၼိတ်ႉ ၼၼ်ႉလဝ်ႈလၢတ်ႈတီႈမၼ်းလႄႈဝႃႈ၊-
၇ ၸဝ်ႈႁဝ်းႁူႉလွင်ႈၵႂၢမ်းဢၼ်ထႃႇဝရႃႉၽြႃး ဢဝ်လွင်ႈၸဝ်ႈႁဝ်းတင်းၵဝ်ၶႃႈသေလႄႈ မီးဢမိင်ႉဝႆႉတီႈမုဝ်းသေႇၵူၼ်းၽြႃးပဵၼ်ၸဝ်ႈ ၵႃႈတီႈၵႃႇတေႇသပႃႇၼႃႇၼၼ်ႉယူႇၶႃႈဢေႃႈ။မိူဝ်ႈဢၼ်မုဝ်းသေႇ ၶႃႈထႃႇဝရႃႉၽြႃးပဵၼ်ၸဝ်ႈၼၼ်ႉ ပွႆႇၸႂ်ႉၵဝ်ၶႃႈဢွၵ်ႇသေၵႃႈတီႈတေႇသပႃႇၼႃႇ ႁႂ်ႈလႆႈလွမ်တူၺ်းမိူင်းၼၼ်ႉၸိုင်ဢသၢၵ်ႈၵဝ်ၶႃႈလႆႈသီႇသိပ်းၶႃႈဢေႃႈ။ၵဝ်ၶႃႈၶိုၼ်းလဝ်ႈလၢတ်ႈၶိုၼ်းတီႈမၼ်း ၸွမ်းၵႃႈၼင်ႇဢၼ်ၸႂ်ၵဝ်ၶႃႈထၢင်ႇၼၼ်ႉ ဢေႃႈ။
၈ ပိၵ်ႉသမ်ႉပီႈၼွင်ႉဢၼ်ၸွမ်းလူၺ်ႈၵၼ်တင်းၵဝ်ၶႃႈၸိူဝ်းၼၼ်ႉ ဢွၼ်ၵၼ်ႁဵတ်းတၢင်းဢၼ်ႁႂ်ႈႁူဝ်ၸႂ်ၵူၼ်းတင်းလၢႆ ၸိုမ်းယၢႆႈၵႂႃႇသေၵေႃႈ ၵဝ်ၶႃႈၸွမ်းလင်ထႃႇဝရႃႉၽြႃးၽြႃးပဵၼ်ၸဝ်ႈၵဝ်ၶႃႈ လုမ်းလုမ်း ၶႃႈဢေႃႈ။
၉ ၼႂ်းဝၼ်းၼၼ်ႉမုဝ်းသေႇႁဵတ်းတၢင်းဢၼ်ၵိၼ်ႇဝႃႈလႄႈဝႃႈ၊-ၵွပ်ႈပိူဝ်ႈမႂ်းၸွမ်းလင်ထႃႇဝရႃႉၽြႃးၽြႃးပဵၼ်ၸဝ်ႈၵဝ်လုမ်းလုမ်းၼၼ်ႉလႄႈ လိၼ်ဢၼ်တိၼ်မႂ်းလႆႈယဵပ်ႇၵႃႈမီးၼၼ်ႉ တၵ်းလႆႈပဵၼ်ဢမူၺ်ႇမႂ်းဢိၵ်ႇတင်း လုၵ်ႈလၢၼ်ႇမႂ်းတႃႇသေဢမ်ႇထၢတ်ႇဢမၢၼ်ႇၶၼ်ပဵၼ်ဢေႃႈ၊ဝႃႈၼင်ႇၼႆၶႃႈဢေႃႈ။
၁၀ တေႃႈလဵဝ်ၼႆႉ၊ တူၺ်းၶႃႈလူ။ထႃႇဝရႃႉၽြႃးၼၼ်ႉၸွမ်းၵႃႈၼင်ႇဢၼ်မၼ်းၸဝ်ႈမီးဢမိင်ႉဝႆႉၼၼ်ႉႁႂ်ႈဢသၢၵ်ႈၵဝ်ၶႃႈလိပ်းယူႇသီႇသိပ်းပၢႆႁႃႈပီႊတဵမ်တဵမ်ၸႃႉၸဵမ်မိူဝ်ႈဝၼ်းဢၼ်ထႃႇဝရႃႉရၽြႃး မီးဢမိင်ႉၸိူဝ်ႉၼင်ႇၼႆဝႆႉတီႈမုဝ်းသေႇ ၼႂ်းမိူဝ်ႈဢၼ်မဵဝ်းဢိသရေႇလယင်းတိုၵ်းလႄႇၵႂႃႇလႄႇမႃးယူႇ ၵႃႈတီႈထိူၼ်ႇၼၼ်ႉဢေႃႈ။တေႃႈလဵဝ်ၼႆႉၸမ်း ဢသၢၵ်ႈၵဝ်ၶႃႈလႆႈပႅတ်ႇ သိပ်းပၢႆႁႃႈပီႊဝၼ်းမိူဝ်ႈၼႆႉၶႃႈယဝ်ႉ။
၁၁ ၵူၺ်းၵႃႈၵဝ်ၶႃႈယင်းမီးႁႅင်းၼႂ်းဝၼ်းမိူဝ်ႈၼႆႉ မိူၼ်ၸိူဝ်ႉၼင်ႇဝၼ်းဢၼ်မုဝ်းသေႇပွႆႇၸႂ်ႉၼၼ်ႉၶႃႈဢေႃႈ။မိူၼ်ၸိူဝ်ႉၼင်ႇဢၼ်ႁႅင်းၵဝ်ၶႃႈမီးႁႂ်ႈလႆႈပွင်ဢမူႉတၢင်းဢၼ်တိုၵ်းသိုၵ်း ဢိၵ်ႇတင်း ဢမူႉတၢင်းဢၼ်ၶဝ်ႈဢၼ်ဢွၵ်ႇမိူဝ်ႈယၢမ်းၼၼ်ႉၼၼ်ႉမိူဝ်ႈလဵဝ်ၼႆႉၵေႃႈႁႅင်းၵဝ်ၶႃႈယင်းမီးယူႇၶႃႈ ဢေႃႈ။
၁၂ ပိူဝ်ႈၼႆလႄႈဢၢပ်ႈပၼ်လွႆဢၼ်ထႃႇဝရႃႉၽြႃးမီးဢမိင်ႉဝႆႉၼႂ်းဝၼ်းမိူဝ်ႈၼၼ်ႉၼၼ်ႉ ၵႃႈတီႈၵဝ်ၶႃႈသေၵမ်းၶႃႈ။ၼႂ်းဝၼ်းမိူဝ်ႈၼၼ်ႉၸဝ်ႈႁဝ်းလႆႈငိၼ်းလွင်ႈဢၼ်ၵူၼ်းဢႃႇၼၵ မီးၵႃႈၼိူဝ်လွႆၼႆႉဢိၵ်ႇတင်းလွင်ႈဢၼ်မီးဝဵင်းဢၼ်ယႂ်ႇၼႃႇလႄႈ မၼ်ႈၶိူင်ႇၼၼ်ႉယဝ်ႉၶႃႈယဝ်ႉ။ၼႂ်းဝႃႈၼၼ်သေၵေႃႈပေႃးထႃႇဝရႃႉၽြႃးမီးယူႇလူၺ်ႈၵၼ်တင်းၵဝ်ၶႃႈၸိုင် ၵဝ်ၶႃႈႁဵတ်းႁႂ်ႈလႆႈႁေႃႈၶဝ်ဢွၵ်ႇပႅတ်ႈ ၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉဝႆႉၼၼ်ႉယူႇၶႃႈဢေႃႈ၊ ဝႃႈၼင်ႇၼႆဢေႃႈ။
၁၃ မိူဝ်ႈၼၼ်ႉ ယေႃးသု ပၼ်တၢင်းလီတီႈမၼ်းဢေႃႈ။မိူင်းႁေႇပုၼ်ႇၵေႃႈမၼ်းဢၢပ်ႈပၼ်တီႈၵႃႇလိပ်ႉ လုၵ်ႈၸၢႆးယေႇၽုၼ်ႇၼႃႇ ႁႂ်ႈပဵၼ်ပုၼ်ႈဢမူၺ်ႇမၼ်း ဢေႃႈ။
၁၄ ပိူဝ်ႈၼႆလႄႈမိူင်းႁေႇပႃၼ်ႇၼၼ်ႉလႆႈပဵၼ်လိၼ်ဢမူၺ်ႇၵႃႇလိပ်ႉ၊လုၵ်ႈၸၢႆးယေႇၽုၼ်ႇၼႃႇ၊ ၵူၼ်းမဵဝ်းၵေႇၼိတ်ႉ ၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉၵွပ်ႈပိူဝ်ႈဢၼ်မၼ်းၸွမ်းလင် ထႃႇဝရႃႉၽြႃးၽြႃးပဵၼ်ၸဝ်ႈ မဵဝ်း ဢိသရေႇလ လုမ်းလုမ်းၼၼ်ႉဢေႃႈ။
၁၅ ဝဵင်းႁေႇပႃၼ်ႇ ၼၼ်ႉမိူဝ်ႈဢွၼ်တၢင်းမီးၸိုဝ် ၵိယရသႃႇၽဢေႃႈ။ဢႃႇၽပဵၼ်ၵူၼ်းလူင်ၵႃႈၼႂ်းၵူၼ်းမဵဝ်းဢႃႇၼၵဢေႃႈ။မိူဝ်ႈၼၼ်ႉသိုၵ်းထၢတ်ႇယဵၼ်ၵႂႃႇသေတင်းမိူင်းဢေႃႈ။