Chapter
၁၆
ပုၼ်ႈဢေႇၽရတင်းမၼႃႇသေႇ
၁ လိၼ်ဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈ သေလႄႈၵူၼ်းမဵဝ်းယုဝ်းသႅပ်ႉ တင်းလၢႆလႆႈၶၢမ်ႇဢဝ်ၼၼ်ႉၸမ်းဢွၵ်ႇသေၵႃႈတီႈၼမ်ႉႁွင်ႉယေႃးတၢၼ်ႇ ၵႃႈႁိမ်းဝဵင်းယေႇရိၶုဝ်း ၵႃႈတီႈၼွင်ယေႇရိၶုဝ်း ၽၢႆႇတၢင်းဝၼ်းဢွၵ်ႇၼၼ်ႉၵႂႃႇလႄႈ ပႃႇထိူၼ်ႇဢၼ်လုၵ်ႉသေၵႃႈတီႈဝဵင်းယေႇရိၶုဝ်း ၶိုၼ်းၵႂႃႇပွင်ႇႁွတ်ႈမိူင်းႁၼ်ႉလွႆၸူးၵႃႈ တီႈဝဵင်းပေႇသလၼၼ်ႉလႄႈ
၂ သမ်ႉဢွၵ်ႇသေၵႃႈတီႈဝဵင်းပေႇသလ ၼၼ်ႉၵႂႃႇၸူးၵႃႈတီႈဝဵင်းလုၸသေႇ လႄႈတႆႇၸွမ်းၵႂႃႇၸူးၵႃႈတီႈလႅၼ်လိၼ်ၵူၼ်းဢႃႇၶိ ၵႃႈတီႈဝဵင်းဢတရုတ်ႉ သေယဝ်ႉ လူင်းၵႂႃႇၽၢႆႇဝၼ်းတူၵ်း
၃ ၸူးၵႃႈတီႈလႅၼ်လိၼ်ၵူၼ်းယႃႇၽလေႇတိ ၸူးၵႃႈတီႈ ဝဵင်းပိတ်ႉႁေႃႇရုၼ်ႇၵႃႈတႂ်ႈဢိၵ်ႇတင်း ၸူးၵႃႈတီႈဝဵင်းၵေႇၸႃႇလႄႈ တီႈသုတ်းတီႈတိူၵ်ႈမၼ်းမီးၵႃႈတီႈ ပၢင်ႇလၢႆႇဢေႃႈ။
၄ ၼင်ႇၼၼ်လႄႈလုၵ်ႈၸၢႆးယုဝ်းသႅပ်ႉဢၼ်ဝႃႈမၼႃႇသေႇ တင်းဢေႇၽရိမ်ႇ ၸိူဝ်းၼၼ်ႉလႆႈၶၢမ်ႇဢဝ်ဢမူၺ်ႇၶဝ်ဢေႃႈ။
၅ ၶွပ်ႇၼမ်ႉလႅၼ်လိၼ်ၵူၼ်းမဵဝ်းဢေႇၽရိမ်ႇ တင်းလၢႆႇၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်း လႅၼ်လိၼ်ဢမူၺ်ႇၶဝ် ၵႃႈတီႈၽၢႆႇတၢင်းဝၼ်းဢွၵ်ႇၼၼ်ႉလုၵ်ႉသေၵႃႈတီႈဝဵင်းဢတရုတ်ႉဢတ်ႉတႃႇ ၵႂႃႇၵႃႈတီႈဝဵင်း ပိတ်ႉႁေႃႇရုၼ်ႇၽၢႆႇၼိူဝ်လႄႈ
၆ လႅၼ်လိၼ်ၼၼ်ႉဢွၵ်ႇၵႂႃႇၼႃႈဝၼ်းတူၵ်း ၵႃႈတီႈၽၢႆႇတၢင်းႁွင်ႇဝဵင်းမိတ်ႉမေႇသသေယဝ်ႉလႅၼ်လိၼ်ၼၼ်ႉ သမ်ႉငိူင်ႉၵႂႃႇၼႃႈဝၼ်း ဢွၵ်ႇၸူးၵႃႈတီႈဝဵင်းတႃႇၼတ်ႉသလေႃႇ လႄႈ
၇ တႆႇၸွမ်းၵႂႃႇၸူးၵႃႈတီႈဝဵင်းယၼေႃႇႁ သေလႄႈသမ်ႉလုၵ်ႉသေၵႃႈတီႈဝဵင်းယၼေႃႇႁ လူင်းၸူးၵႃႈတီႈဝဵင်းဢတရုတ်ႉ ဢိၵ်ႇတင်းၸူးၵႃႈတီႈဝဵင်းၼႃႇရတ်ႉလႄႈႁွတ်ႈထိုင်ၵႃႈတီႈဝဵင်းယေႇရိၶုဝ်း သေယဝ်ႉ တီႈသုတ်းတီႈတိူၵ်ႈမၼ်းမီႈၵႃႈတီႈၼမ်ႉႁွင်ႈယေႃးတၢၼ်ႇဢေႃႈ။
၈ လၢႆးသမ်ႉလႅၼ်လိၼ်ၼၼ်ႉလုၵ်ႉသေၵႃႈတီႈဝဵင်းတႃႇပႂႃႇ ၵႂႃႇၼႃႈဝၼ်းတူၵ်းၸူးၵႃႈတီႈ ၼမ်ႉႁွင်ႈၵႃႇၼလႄႈ တီႈသုတ်းတီႈတိူၵ်ႈမၼ်းမီးၵႃႈတီႈပၢင်ႇလၢႆႇဢေႃႈ။ဢၼ်ၼႆႉၸမ်းပဵၼ်ဢမူၺ်ႇၵူၼ်းမဵဝ်းဢေႇၽ ရိမ်ႇတင်းလၢႆ
၉ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်လႄႈ ပႃးတင်းဝဵင်း ၵႃႈဢၼ်ၽႄဢဝ်ၵႃႈၼႂ်းလိၼ် ဢမူၺ်ႇၵူၼ်းမဵဝ်းမၼႃႇသေႇ တင်းလၢႆၼၼ်ႉဝႆႉပုၼ်ႈၵူၼ်းမဵဝ်းဢေႇၽရိမ်ႇၸိူဝ်းၼၼ်ႉဢိၵ်ႇတင်း ဝၢၼ်ႈမၼ်းတင်း လၢႆၼၼ်ႉဢေႃႈ။
၁၀ ၶဝ်ဢမ်ႇႁေႃႈၵူၼ်းၶႃႇၼၼိဢၼ်ယူႇၵႃႈၼႂ်းဝဵင်းၵေႇၸႃႇ ၸိူဝ်းၼၼ်ႉဢွၵ်ႇပႅတ်ႈလႄႈၵူၼ်းၶႃႇၼၼိ ၸိူဝ်းၼၼ်ႉယူႇၵႃႈၼႂ်းၵူၼ်းမဵဝ်းဢေႇၽရိမ်ႇတေႃႇထိုင်ႁွတ်ႈဝၼ်းမိူဝ်ႈၼႆႉလႄႈ လႆႈပဵၼ်ၶႃႈၶၢမ်ႇတၢင်းၸႂ်ႉတၢင်းသွႆယူႇဢေႃႈ။