Chapter
၂၀
ဝဵင်းပၢႆၽေး
၁ ထႃႇဝရႃႉၽြႃးသမ်ႉမီးဢမိင်ႉတီႈယေႃးသုလႄႈဝႃႈ၊-မႂ်းတၵ်းလႆႈသင်ႇလၢတ်ႈဝႆႉတီႈၵူၼ်းမဵဝ်းဢိသရေႇလ တင်းလၢႆ
၂ ႁႂ်ႈၶဝ်လိူၵ်ႈၵဵပ်းဢဝ်ဝဵင်းပုၼ်ႈၵေႃႉဢၼ်ဢမ်ႇသၢင်ႇထုၵ်ႇလႄႈ ယင်းဢမ်ႇမီးတၢင်းၵျၢမ်ႇတၢင်းပွင်လႄႈလႆႈဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းလႆႈပၢႆႈၸူးလႄႈ တၵ်းလႆႈသွၼ်ပိုင်ႈၸွမ်းၵႃႈၼင်ႇဢၼ်ၵဝ်ဢဝ်မုဝ်းသေႇလႄႈသင်ႇလၢတ်ႈဝႆႉတီႈသူၼၼ်ႉ တႃႉ။
၃ ဝဵင်းၼၼ်ႉတၵ်းလႆႈပဵၼ်ဝဵင်းဢၼ်ၵၢင်းလွတ်ႈသေၵႃႈၼႂ်းမိုဝ်းၵေႃႉဢၼ်တၵ်းလႄႇၸွမ်းလႄႈႁႃဢဝ်တၢႆၼၼ်ႉဢေႃႈ။ၵေႃႉဢၼ်သွၼ်ႈပိူင်ၼၼ်ႉတၵ်းလႆႈပၢႆႈၸူးၵႃႈတီႈဝဵင်းၼၼ်ႉသေဝဵင်းဝဵင်းလႄႈ ၸုၵ်း ယူႇၵႃႈတီႈႁူးၽၵ်းတူဝဵင်းသေလႄႈ
၄ မွၵ်ႇလၢတ်ႈဢမူႉမၼ်းႁႂ်ႈႁွတ်ႈထိုင်ႁူ ၵူၼ်းဢၼ်ပဵၼ်ၵႄႇပဵၼ်ႁူဝ်ဝဵင်းၸိူဝ်းၼၼ်ႉသေယဝ်ႉ ၶဝ်ၼၼ်ႉတၵ်းလႆႈႁွင်ႉဢဝ်မၼ်းၶဝ်ၵႃႈၼႂ်းဝဵင်းၸူးတီႈၶဝ်ၼၼ်ႉလႄႈ ၶျႃးတီႈယူႇပၼ် မၼ်းၵႃႈၼႂ်းဝဵင်းၶဝ်ၼၼ်ႉဢေႃႈ။
၅ ပေႃးၵေႃႉဢၼ်တၵ်းဢဝ်တၢႆၼၼ်ႉလိုပ်ႈၸွမ်းလမ်းၸွမ်းမၼ်းမႃးၸိုင် ၶဝ်တၵ်းဢမ်ႇလႆႈဢဝ်ၵေႃႉဢၼ် ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉဢၢပ်ႈပၼ်ၵႃႈၼႂ်းမိုဝ်းမၼ်း။လွင်ႈမၼ်းၸမ်း မၼ်းပဵၼ်ၵေႃႉဢၼ်ဢမ်ႇသၢင်ႇတေႃႇသေလႄႈယင်းဢမ်ႇဝႆႉတၢင်းၽိတ်းတီႈၵူၼ်းႁိူၼ်းၸမ်ၵၼ်တင်းမၼ်းလႄႈ လႆႈတိူဝ်ႉထုၵ်ႇ ဢဝ်တၢႆမႅၼ်ႈၵူၺ်း ဢေႃႈ။
၆ မၼ်းၼၼ်ႉတၵ်းလႆႈယူႇၵႃႈၼႂ်းဝဵင်းၼၼ်ႉတေႃႇထိုင်ႁွတ်ႈမၼ်းႁွတ်ႈထိုင် ၵႃႈတီႈၽၢႆႇၼႃႈပရိၵ်ႈသၢတ်ႈလႄႈၶၢမ်ႇတၢင်းဢၼ်ၸီႇယၢင်ႇတႅပ်းတတ်းတြႃး ဢိၵ်ႇတင်းတေႃႇထိုင်ႁွတ်ႈၶုၼ်ယိတ်ႉပရေႃးႁိၵ်ႉ ဢၼ်မီးၸူဝ်ႈပၢၼ်ၼၼ်ႉ ထၢၼ်ႈပေႃးတၢႆယဝ်ႉၼၼ်ႉဢေႃႈ။လိုၼ်းၼၼ်ႉၸင်ႇၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉတၵ်းလႆႈမီးဢၶႂၢင်ႉဢၼ်လႆႈၶိုၼ်းမႃးလႄႈ ယူႇၵႃႈၼႂ်းဝဵင်းမၼ်းၵႃႈတီႈႁိူၼ်းတီႈယူႇမၼ်း ၵႃႈၼႂ်းဝဵင်းဢၼ်မၼ်းလႆႈဢွၵ်ႇပၢႆႈ မိူဝ်ႈဢွၼ်တၢင်းၼၼ်ႉဢေႃႈ၊ ဝႃႈၼင်ႇၼႆသေယဝ်ႉ
၇ ၶဝ်ၵေႃႈလိူၵ်ႈၵဵပ်းဢဝ် ဝဵင်းၵေႇတေႇသ ၵႃႈၼႂ်းမိူင်းၵႃႇလိသေလႄႈၵႃႈၼိူဝ်ႁၢၼ်ႉလွႆၼပ်ႉထလိ၊ ဝဵင်းသေႇၶိမ်ႇၵႃႈၼိူဝ်ႁၢၼ်ႉလွႆဢေႇၽရိမ်ႇ၊ဝဵင်းၵိရယသႃႇၽ၊ ဢၼ်ဝႃႈဝဵင်းႁေႇပႃၼ်ႇ ၵႃႈၼိူဝ်ႁၢၼ်ႉလွႆယုတ ၸိူဝ်းၼၼ်ႉ ဢေႃႈ။
၈ ၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇ သိုဝ်ႈဝဵင်းယေႇရိၶုဝ်းၽၢႆႇဝၼ်းဢွၵ်ႇၼၼ်ႉၵေႃႈ ၶဝ်တိုၵ်းဢဝ်ဝဵင်းပေႇၸႃႇ ၵႃႈတီႈထိူၼ်ႇၵႃႈၼႂ်းပၢင်ႇပဵင်းၵႃႈၼႂ်းဢိုင်ႇရုပိၼ်ႇ၊ဝဵင်းရႃႇမတ်ႉ၊ၵႃႈတီႈမိူဝ်းၵိလတ်ႉ၊ ၵႃႈၼႂ်းဢိုင်ႇၵတ်ႉ၊ဝဵင်းၵေႃႇလၼ်ႇ၊ ၵႃႈတီႈမိူင်းပႃႇသၼ်ႇ၊ၵႃႈ ၼႂ်းဢိုင်ႇမၼႃႇသေႇ၊ၸိူဝ်းၼၼ်ႉဝႆႉဢေႃႈ။
၉ ဝဵင်းၸိူဝ်းၼႆႉၸမ်း၊ ပဵၼ်ဝဵင်းဢၼ်လိူၵ်ႈၵဵပ်းဝႆႉဢၼ်ၵူၼ်းမဵဝ်းဢိသရေႇလ တင်းသဵင်ႈတင်းလူင်ဢိၵ်ႇတင်း ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းၶဝ်ၼၼ်ႉႁႂ်ႈၵေႃႉဢၼ်ဢမ်ႇသၢင်ႇထုၵ်ႇလႄႈ ဢဝ်လႆႈဢသၢၵ်ႈၵူၼ်းတၢႆမႅၼ်ႈၼၼ်ႉ မီးဢၶႂၢင်ႉ ႁႂ်ႈလႆႈပၢႆႈၸူးလႄႈ ၵၢင်းလွတ်ႈသမေိုဝ်းၵေႃႉဢၼ်လိုပ်ႈၸွမ်းလႄႈတၵ်းဢဝ်မၼ်းတၢႆၼၼ်ႉ တေႃႇထိုင်ႁွတ်ႈမၼ်းလႆႈၸုၵ်းယူႇၵႃႈတီႈၽၢႆႇၼႃႈပရိၵ်ႈသၢတ်ႈ ၼၼ်ႉဢေႃႈ။