၂၀
မဵဝ်းဢိသရေႇလ
တိုၵ်းတေႃးၵၼ်တင်းမဵဝ်းပိၼ်ႇယႃႇမိၼ်ႇ
၁ မိူဝ်ႈၼၼ်ႉ ၵူၼ်းမဵဝ်းဢိသရေႇလတင်းသဵင်ႈတင်းလူင်ၸႃႉၸဵမ်ၵႃႈတီႈဝဵင်းတၼ်ႇ တေႃႇထိုင်ႁွတ်ႈဝဵင်းပေႇရသေႇၽ ပႃးတင်းၵူၼ်းမိူင်းၵိလတ်ႉ ၸိူဝ်းၼၼ်ႉၸူႉၵၼ်တုမ်ၵၼ် မိူၼ်ၸိူဝ်ႉၼင်ႇ ၵူၼ်းၵေႃႉလဵဝ်ၵူၺ်းၼၼ်ႉၵႃႈတီႈထႃႇဝရႃႉၽြႃးၵႃႈၼႂ်းဝဵင်းမိၸပႃႇၼၼ်ႉဢေႃႈ။
၂ ၵူၼ်းယႂ်ႇၵူၼ်းလူင် ၵႃႈၼႂ်းၵူၼ်းမဵဝ်းဢိသရေႇလၵူႈမဵဝ်းၸိူဝ်းၼၼ်ႉ ၸူႉၵၼ်တုမ်ၵၼ်ၵႃႈတီႈၵူၼ်းၽြႃးပဵၼ်ၸဝ်ႈတင်းလၢႆၼၼ်ႉဢေႃႈ။ၵူၼ်းသိုၵ်းပႆတိၼ်ဢၼ်ယိပ်းၵမ်လၢၵ်ႈၼၢၵ်ႈလၢပ်ႇ လႅဝ်း ၼၼ်ႉ မီးသီႇ သႅၼ်ဢေႃႈ။
၃ ၵူၼ်းမဵဝ်းပိၼ်ႇယႃႇမိၼ်ႇတင်းလၢႆလႆႈငိၼ်းလွင်ႈဢၼ် ၵူၼ်းမဵဝ်းဢိသရေႇလၶဝ်ၶိုၼ်ႈၸူးၵႃႈတီႈ ဝဵင်း မိၸပႃႇၼၼ်ႉဢေႃႈ။ၵူၼ်းမဵဝ်းဢိသရေႇ လတင်းလၢႆဢွၼ်ၵၼ်တွင်ႉထၢမ်လႄႈဝႃႈ၊-
၄ ဢမူႉဢႃႉ ထမ်ႇမႃႉၼၼ်ႉပဵၼ်မႃးၸိူဝ်ႉၼင်ႇႁိုဝ်၊ ဝႃႈၼင်ႇၼႆလႄႈၵူၼ်းမဵဝ်းလေႇဝိ ဢၼ်ပဵၼ်ၽူဝ်မေႈယိင်းဢၼ်လႆႈၶၢမ်ႇတၢႆၼၼ်ႉၶိုၼ်းလၢတ်ႈလႄႈဝႃႈ၊-ၵဝ်ၶႃႈဢိၵ်ႇတင်းမေးၼွႆႉၵဝ်ၶႃႈမႃးၵႃႈတီႈဝဵင်းၵိပႃႇ လႅၼ်လိၼ်ပိၼ်ႇယႃႇမိၼ်ႇ ၼၼ်ႉႁႂ်ႈလႆႈပူၼ်ႉၶိုၼ်းၵႃတီႈၼၼ်ႉၶႃႈ ဢေႃႈ။
၅ ၶိင်ႇၵၢင်ၶိုၼ်းၵူၼ်းၵိပႃႇၸိူဝ်းၼၼ်ႉဢွၼ်ၵၼ်လုၵ်ႉယူႇၽၢႆႇၼိုင်ႈတင်းၵဝ်ၶႃႈလႄႈ လွမ်ႉႁွပ်ႈ ႁိူၼ်းတီႈဢၼ်ၵဝ်ၶႃႈသွၼ်ႈပိုင်ႈယူႇၼၼ်ႉယူႇသေလႄႈ ဢၢင်ႈတၵ်းဢဝ်ၵဝ်ၶႃႈတၢႆၶႃႈဢေႃႈ။ၶဝ်တဵၵ်းၵၼ်ႉမေးၼွႆႉ ၵဝ်ၶႃႈတေႃႇထိုင်ႁွတ်ႈထၼ်ႈပေႃးတၢႆၶႃႈဢေႃႈ။
၆ ၵဝ်ၶႃႈၵေႃႈဢဝ်တူဝ်တၢႆမေးၼွႆႉၵဝ်ၶႃႈၼၼ်ႉ တႅပ်းႁဵတ်းပွတ်းႁဵတ်းတွၼ်ႈသေယဝ်ႉ ဢဝ်ပၼ်ၵႂႃႇၵႃႈၼႂ်းမိူင်းဢၼ်ၵူၼ်းမဵဝ်းဢိသရေႇလ ဢၼ်လႆႈၶၢမ်ႇဢမူၺ်ႇၼၼ်ႉၵူႈတီႈၵူႈလႅၼ်ၶႃႈဢေႃႈ။လွင်ႈမၼ်းၸမ်းၶဝ်ၼၼ်ႉႁဵတ်းဢမူႉဢၼ်ၵူဝ်ႈဢၼ်ၵိူၵ်ႇ၊ ဢမူႉဢၼ်ယုတ်ႈဢၼ်မိူၵ်ႈၵႃႈၼႂ်းၵူၼ်းမဵဝ်းဢိသရေႇလၶႃႈယဝ်ႉ။
၇ တူၺ်းလူ။သူၸဝ်ႈဢၼ်ပဵၼ်မဵဝ်းဢိသရေႇလ ၵႃႈမီးတင်းသဵင်ႈတင်းလူင်ၶဝ်ဢူၺ်း။ဢုပ်ႇၵၼ်သေလႄႈတႅပ်းတတ်းၵႃႈတီႈၼႆႉသေၵမ်းၶႃႈ၊ ဝႃႈၼင်ႇၼႆဢေႃႈ။
၈ ၵူၼ်းၵႃႈမီးၸိူဝ်းၼၼ်ႉ ဢွၼ်ၵၼ်လုၵ်ႉမိူၼ်ၸိူဝ်ႉၼင်ႇၵူၼ်းၵေႃႉလဵဝ်ၵူၺ်းၼၼ်ႉလႄႈလၢတ်ႈဝႃႈ၊-ႁဝ်းဢမ်ႇၵႂႃႇႁိူၼ်းႁဝ်းသေၵေႃႉသေၵူၼ်း။ႁဝ်းဢမ်ႇၶိုၼ်းမိူဝ်းၸူးၵႃႈတီႈႁိူၼ်းႁဝ်းသေၵေႃႉသေၵူၼ်း။
၉ ႁဝ်းတၵ်းႁဵတ်းၸိူဝ်ႉၼင်ႇႁိုဝ်ၵႃႈတီႈဝဵင်းၵိပႃႇၼၼ်ႉ ဝႃႈၼႆၸမ်း၊ႁဝ်းတၵ်းတူၵ်းၸႃႇၵွၵ်ႉသေလႄႈၶီႇသိုၵ်းၵႂႃႇဢေႃႈ။
၁၀ ႁဝ်းတၵ်းလိူၵ်ႈၵဵပ်းဢဝ်ၵူၼ်းသိပ်းၵေႃႉ ၵႃႈၼႂ်းၵူၼ်းၼိုင်ႈပၢၵ်ႇ၊ၼိုင်ႈပၢၵ်ႇၵႃႈၼႂ်းၵူၼ်းၼိုင်ႈႁဵင်၊ ၼိုင်ႈႁဵင်ၵႃႈၼႂ်းၵူၼ်ၼိုင်ႈမုၼ်ႇ၊ ဢွၵ်ႇသေၵႃႈၼႂ်းမဵဝ်းဢိသရေႇလၵူႈမဵဝ်းသေယဝ်ႉ ႁႂ်ႈလႆႈသူင်ႇတၢင်း ၵိၼ်ပုၼ်ႈၵူၼ်းသိုၵ်းၶဝ်ဢေႃႈ။မိူဝ်ႈဢၼ်ၶဝ်ႁွတ်ႈထိုင်ၵႃႈတီႈဝဵင်းၵိပႃႇဢိူင်ႇပိၼ်ႇယႃႇမိၼ်ႇၼၼ်ႉၶဝ်တၵ်းပၼ်တၢမ်ႇဢပျႅတ်ႈတီႈၵူၼ်းဝဵင်းၼၼ်ႉမႅၼ်ႈၸွမ်းၼင်ႇဢမူႉဢၼ်ယုတ်ႈဢၼ်မိူၵ်ႈ ဢၼ်ၶဝ် ၼၼ်ႉႁဵတ်းတီႈၵူၼ်းမဵဝ်းဢိသရေႇလၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၁ ၵူၼ်းမဵဝ်းဢိသရေႇလ တင်းသဵင်ႈတင်းလူင်ၸိူဝ်းၼၼ်ႉၸူႉၵၼ်တုမ်ၵၼ်ၽၢႆႇၼိုင်ႈတင်းဝဵင်း ၼၼ်ႉသေလႄႈ ႁဵတ်းမုၵ်ႉႁဵတ်းၸိူဝ်း မိူၼ်ၸိူဝ်ႉၼင်ႇၵူၼ်းၵေႃႉလဵဝ်ၵူၺ်းၼၼ်ႉဢေႃႈ။
၁၂ မဵဝ်းဢိသရေႇလ ၵူႈမဵဝ်းၼၼ်ႉပွႆႇၸႂ်ႉၵူၼ်းၵႂႃႇၵႃႈၼႂ်းလိၼ် ပိၼ်ႇယႃႇမိၼ်ႇ ၵူႈတီႈၵူႈလႅၼ်လႄႈလၢတ်ႈဝႃႈ၊-ဢမူႉဢႃႉထမ်ႇမႃႉဢၼ်လႆႈႁဵတ်းမႃးယဝ်ႉၵႃႈၼႂ်းသူၼႆႉၸမ်းပဵၼ်ၸိူဝ်ႉၼင်ႇႁိုဝ်။
၁၃ တေႃႈလဵဝ်ၼႆႉဢွၼ်ၵၼ်ဢဝ်ၵူၼ်းဢႃႉထမ်ႇမႃႉ ဢၼ်မီးၵႃႈၼႂ်းဝဵင်းၵိပႃႇၸိူဝ်းၼၼ်ႉဢၢပ်ႈပၼ်တီႈႁဝ်း ႁႂ်ႈႁဝ်းလႆႈဢဝ်ၶဝ်တၢႆလႄႈပႄႇၽဵဝ်ႈဢပျႅတ်ႈတူႉၸရဵူၵ်ႈၶဝ်ပႅတ်ႈသေ ၵႃႈၼႂ်းမဵဝ်းဢိသရေႇလ သေၵမ်း၊ဝႃႈၼင်ႇၼႆဢေႃႈ။ၵူၺ်းၵႃႈၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉ ဢမ်ႇထွမ်ႇဢမ်ႇဢဝ် ၵႂၢမ်းပီႈၼွင်ႉၶဝ်ၵူၼ်း မဵဝ်းဢိသရေႇလတင်းလၢႆ ၼၼ်ႉ။
၁၄ ၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉ ဢွၼ်ၵၼ်ဢွၵ်ႇသေၵႃႈၼႂ်းၵူႈဝၢၼ်ႈၵူႈဝဵင်းမႃးလႄႈ ၸူႉၵၼ်တုမ်ၵၼ်ၵႃႈတီႈဝဵင်းၵိပႃႇ ႁႂ်ႈလႆႈၵႂႃႇတိုၵ်းၵၼ်တင်းၵူၼ်း မဵဝ်းဢိသရေႇလတင်းလၢႆဢေႃႈ။
၁၅ မိူဝ်ႈၼၼ်ႉၼွၵ်ႈသေၵူၼ်းၸၢႆးလီၵႃႈတီႈဝဵင်းၵိပႃႇ ဢၼ်ၼပ်ႉဢၢၼ်ပွင်းၵၼ်မီးၸဵတ်းပၢၵ်ႇဢေႃႈ။ၵူၼ်းမဵဝ်းပိၼ်ႇယႃႇမိၼ်ႇဢၼ်လုၵ်ႉသေ ၵူႈဝၢၼ်ႈၵူႈဝဵင်းမႃးၸိူဝ်းၼၼ်ႉၼပ်ႉဢၢၼ်ႇပွင်း ၵၼ် မီးၵူၼ်းယိပ်းၵမ်လၢၵ်ႈၼၢၵ်ႈသွင် မိုၼ်ႇပၢႆႁူၵ်းႁဵင်ဢေႃႈ။
၁၆ ၵႃႈၼႂ်းၵူၼ်းၵႃႈမီးၸိူဝ်းၼၼ်ႉပႃးၵူၼ်းၸၢႆးလီ ဢၼ်ၸၢင်ႈဢဝ်မိုဝ်းၶွၼ်သၢႆႉလႄႈဢဝ်မၢၵ်ႇၵၢင်ႇ ၵူင်ႇပိုတ်းသႂ်ႇ ႁႂ်ႈပေႃးမႅၼ်ႈလႆႈသဵၼ်ႈၶူၼ်ႁူဝ်သဵၼ်ႈၼိုင်ႈဢမ်ႇ ပိူင်ႈဢမ်ႇလွႆးလႆႈၼၼ်ႉ မီး ၸဵတ်းပၢၵ်ႇဢေႃႈ။
၁၇ ၼွၵ်ႈသေၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉ ၵူၼ်းမဵဝ်းဢိသရေႇလ ဢၼ်ယိပ်းၵမ်လၢၵ်ႈၼၢၵ်ႈလၢပ်ႇလႅဝ်းၼၼ်ႉၸမ်း ၼပ်ႉဢၢၼ်ႇပွင်းၵၼ်မီးသီႇသႅၼ်ဢေႃႈ။ၶဝ်ၼၼ်ႉပဵၼ်ၵူၼ်း သိုၵ်း တင်းသဵင်ႈတင်းလူင်မူတ်းဢေႃႈ။
၁၈ ၵူၼ်းမဵဝ်းဢိသရေႇလတင်းလၢႆဢွၼ်ၵၼ်လုၵ်ႉသေလႄႈ ၶိုၼ်ႈၸူးၵႃႈတီႈဝဵင်းပေႇသလသေလႄႈ လဝ်ႈထၢမ်တီႈၽြႃးပဵၼ်ၸဝ်ႈလႄႈဝႃႈ၊- ၵႃႈၼႂ်းၶႃႈၸဝ်ႈႁဝ်းၶဝ်ၸိူဝ်းၼႆႉၽူႈ လႂ်တၵ်းလႆႈဢွၼ်ႁူဝ်ၶီႇသိုၵ်းၵႂႃႇ ႁႂ်ႈလႆႈတိုၵ်းၵၼ်တင်းၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ထႃႇဝရႃႉၽြႃးမီးဢမိင်ႉလႄႈဝႃႈ၊-ယုတတၵ်းလႆႈဢွၼ်ႁူဝ်ၵႂႃႇဢေႃႈ၊ဝႃႈၼင်ႇ ၼႆဢေႃႈ။
၁၉ ၶိင်ႇၵၢင်ၼႂ်ၸဝ်ႉၸဝ်ႉၵူၼ်းမဵဝ်းဢိသရေႇလ တင်းလၢႆဢွၼ်ၵၼ်လုၵ်ႉသေလႄႈၵႂႃႇၶျႃးတပ်ႉၶဝ် ၵႃႈတီႈႁိမ်းဝဵင်းၵိပႃႇဢေႃႈ။
၂၀ ၵူၼ်းမဵဝ်းဢိသရေႇလၸိူဝ်းၼၼ်ႉၶီႇသိုၵ်းၵႂႃႇတိုၵ်းၵၼ်တင်းၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉဢေႃႈ။ၵူၼ်းမဵဝ်းဢိသရေႇလၸိူဝ်းၼၼ်ႉယၼ်ႇတပ်ႉၶၢင်းတပ်ႉၶဝ်ႁႂ်ႈလႆႈတိုၵ်းၵၼ်တင်း ၶဝ် ၼၼ်ႉၵႃႈတီႈဝဵင်းၵိပႃႇၼၼ်ႉဢေႃႈ။
၂၁ ၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉ ဢွၵ်ႇသေၵႃႈၼႂ်းဝဵင်းၵိပႃႇမႃးသေယဝ်ႉ ၼႂ်းဝၼ်းၼၼ်ႉၶဝ် ဢဝ်ၵူၼ်းမဵဝ်းဢိသရေႇလလူမ်ႉတၢႆၵႃႈၼိူဝ်လိၼ်သွင်မိုၼ်ႇပၢႆသွင်ႁဵင်ဢေႃႈ။
၂၂ ၼႂ်းဝႃႈၼၼ်သေၵေႃႈၵူၼ်းမဵဝ်းဢိသရေႇလ တင်းလၢႆႁဵတ်းၸႂ်ဢၼ်ႁတ်းႁၢၼ်သေလႄႈ သမ်ႉ ၶိုၼ်းယၼ်ႇတပ်ႉၶဝ်ၶၢင်းတပ်ႉၶဝ် ၵႃႈတီႈဢၼ်ၶဝ်ယၼ်ႇတပ်ႉၶၢင်း တပ်ႉဝၼ်းပထမၼၼ်ႉဢေႃႈ။
၂၃ ၵူၼ်းမဵဝ်းဢိသရေႇလတင်းလၢႆၶိုၼ်ႈၸူးလႄႈ ႁွင်ႉႁႆႈၵႃႈတီႈၽၢႆႇၼႃႈထႃႇဝရႃႉၽြႃးတေႃႇထိုင် ႁွတ်ႈ ၶိင်ႇၵၢင်ၶမ်ႈသေလႄႈ လဝ်ႊထၢမ်ႇတီႈထႃႇဝရႃႉၽြႃးလႄႈဝႃႈ၊-ၶႃႈၸဝ်ႈႁဝ်းၶဝ်သမ်ႉတၵ်းလႆႈၶိုၼ်း ၶီႇသိုၵ်းၵႂႃႇတိုၵ်းၵၼ်တင်းၼွင်ႉၶႃႈၸဝ်ႈႁဝ်းၶဝ် ပိၼ်ႇယႃႇမိၼ်ႇၼၼ်ႉထႅင်ႈလူးၵွၼ်ႇၶႃႈ ႁိုဝ်၊ မိူဝ်ႈဢၼ်ဝႃႈၼင်ႇၼႆၸိုင် ထႃႇဝရႃႉၽြႃးမီးဢမိင်ႉလႄႈဝႃႈ၊-ၶီႇသိုၵ်းၵႂႃႇတႃႉ၊ဝႃႈၼင်ႇၼႆဢေႃႈ။
၂၄ ၼႂ်းဝၼ်းတုတိယၼၼ်ႉ ၵူၼ်းမဵဝ်းဢိသရေႇလတင်းလၢႆဢွၼ်ၵၼ်သုတ်းၸပ်းသုတ်းၸူး ၵႃႈတီးႁိမ်းၵူၼ်း မဵဝ်းပိၼ်ႇယႃႇမိၼ်ႇၸိူဝ်းၼၼ်ႉဢေႃႈ။
၂၅ ၵူၼ်းမဵဝ်းပိၼ်ႇယႃႇမိၼ်ႇ ၸိူဝ်းၼၼ်ႉဢွၵ်ႇသေၵႃႈၼႂ်းဝဵင်းၵိပႃႇၼၼ်ႉမႃးသေယဝ်ႉ ဢဝ်ၵူၼ်း မဵဝ်း ဢိသရေႇလလူမ်ႉတၢႆၵႃႈၼိူဝ်လိၼ်မိုၼ်ႇပၢႆပႅတ်ႇႁဵင်ဢေႃႈ။ၶဝ်ပဵၼ်ၵေႃႉဢၼ်ယိပ်းၵမ်လၢၵ်ႈၼၢၵ်ႈ လၢပ်ႇလႅဝ်း တင်းသဵင်ႈတင်းမူတ်းဢေႃႈ။
၂၆ မိူဝ်ႈၼၼ်ႉၵူၼ်းမဵဝ်းဢိသရေႇလ တင်းသဵင်ႈတင်းလူင်ဢိၵ်ႇတင်း ၵူၼ်းတင်းလၢႆဢွၼ်ၵၼ်ၶိုၼ်ႈၸူးလႄႈႁွတ်ႈထိုင်ၵႃႈတီႈဝဵင်းပေႇသလသေယဝ်ႉႁွင်ႉႁႆႈယူႇ ၶုပ်ႉမူပ်ႇယူႇၵႃႈတီႈၽၢႆႇၼႃႈ ထႃႇဝႃႉရၽြႃးယူႇၵမ်တၢင်းၵိၼ်တင်းဝၼ်း တေႃႇထိုင်ႁွတ်ႈၶိင်ႇႁူဝ်ၶမ်ႈယူႇသေလႄႈ ဢဝ်ယိတ်ႉဢၼ်တုတ်ႇၽႆးဢိၵ်ႇတင်း ယိၸ်ႉမိၵ်ႉ သႁႃႇယႃႉတင်းလၢႆၼၼ်ႉပုၵ်ႉၸေႃႇဢေႃႈ။
၂၇ ၵွပ်ႈပိူဝ်ႈဢၼ်တိူၵ်ႈတႃႇပတိၺိၼ်ႇၸဝ်ႈ မီးယူႇၵႃႈတီႈၼၼ်ႉၼႂ်းၶိင်ႇမိူဝ်ႈဝၼ်းၼၼ်ႉလႄႈ ၽိၼႁတ်ႉ လုၵ်ႈၸၢႆးဢေးလႃႇၸႃႇ ဢၼ်ပဵၼ်လုၵ်ႈၸၢႆးဢႃႇႁုၼ်ႇၼၼ်ႉပႂ်ႉဢမူႉၵႃႈတီႈၽၢႆႇၼႃႈတိူၵ်ႈၸဝ်ႈၼၼ်ႉယူႇ ၼႂ်းၶိင်ႇမိူဝ်ႈဝၼ်းၼၼ်ႉလႄႈ ၵူၼ်းမဵဝ်းဢိသရေႇလ တင်းလၢႆဢွၼ်ၵၼ်လဝ်ႈထၢမ်တီႈထႃႇဝရႃႉၽြႃးလႄႈဝႃႈ၊-
၂၈ ၶႃႈၸဝ်ႈႁဝ်း သမ်ႉတၵ်းလႆႈၶိုၼ်းၵႂႃႇလႄႈတိုၵ်းၵၼ်တင်းၼွင်ႉၸၢႆးၶႃႈၸဝ်ႈႁဝ်းၶဝ် ၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉထႅင်ႈၶႃႈႁိုဝ်။ယင်းဢမ်ႇၵႂႃႇလႄႈတၵ်းလႆႈယူႇတီႈၼႆႉၶႃႈႁိုဝ်၊မိူဝ်ႈဢၼ်ဝႃႈၼင်ႇၼႆၸိုင် ထႃႇဝရႃႉၽြႃးမီးဢမိင်ႉလႄႈဝႃႈ၊-ၵႂႃႇတႃႉ။ဝၼ်းမိူဝ်ႈၽုၵ်ႈၵဝ်တၵ်းဢဝ်မၼ်းဢၢပ်ႈပၼ်ၵႃႈၼႂ်းမိုဝ်းမႂ်းဢေႃႈ၊ ဝႃႈၼင်ႇၼႆဢေႃႈ။
၂၉ ၵူၼ်းမဵဝ်းဢိသရေႇလ တင်းလၢႆဢဝ်ၶဝ်ၸိူဝ်းဢၼ်လွမ်ပႂ်ႉ ၼၼ်ႉဝႆႉၵႃႈတီႈလဵပ်ႈႁွပ်ႈဝဵင်းၵိပႃႇၼၼ်ႉသေယဝ်ႉၼႂ်းဝၼ်းတတိယၼၼ်ႉ
၃၀ ၵူၼ်းမဵဝ်းဢိသရေႇလတင်းလၢႆၶီႇသိုၵ်းၵႂႃႇၸူးၵႃႈတီႈၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉလႄႈ ယၼ်ႇတပ်ႉၶၢင်းတပ်ႉၶဝ်ၵႃႈတီႈႁိမ်းဝဵင်းၵိပႃႇၼၼ်ႉ မိူၼ်ၸိူဝ်ႉၼင်ႇၵမ်းဢွၼ်တၢင်းၼၼ်ႉ ဢေႃႈ။
၃၁ ၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉဢွၵ်ႇမႃးႁႂ်ႈလႆႈတိုၵ်းၵူၼ်းတင်းလၢႆလႄႈ ၶဝ်ၵႆယၢၼ်ၵၼ်တင်း ဝဵင်းၶဝ်ၵႂႃႇဢေႃႈ။ၶဝ်တိုၵ်းတေႃးလႄႈၵူၼ်းတၢႆမိူၼ်ၸိူဝ်ႉၼင်ႇၵမ်းဢွၼ်တၢင်းၼၼ်ႉ ၵႃႈၼႂ်းသဵၼ်ႈတၢင်းဢၼ်ၶိုၼ်ႈၸူးၵႃႈတီႈဝဵင်းပေႇသလ တင်းသဵၼ်ႈတၢင်းဢၼ်ၶိုၼ်ႈၸူးၵႃႈတီႈဝဵင်းၵိပႃႇ ၵႃႈၼႂ်းထိူၼ်ႇၼၼ်ႉဢေႃႈ။ၵူၼ်းတၢႆသသေၢမ်သိပ်းၸမ်ၸမ်ဢေႃႈ။
၃၂ ပိၵ်ႉသမ်ႉၵူၼ်းမဵဝ်းပိၼ်ႇယႃႇမိၼ်ႇ ၸိူဝ်းၼၼ်ႉလၢတ်ႈၵၼ်လႄႈဝႃႈ၊-ၶဝ်ၼၼ်ႉတူၵ်းသုမ်းၵႃႈတီႈၽၢႆႇၼႃႈႁဝ်းမိူၼ်ၸိူဝ်ႉၼင်ႇၵမ်းဢွၼ်တၢင်းၼၼ်ႉယဝ်ႉ၊ဝႃႈၼင်ႇၼႆသေၵေႃႈၵူၼ်းမဵဝ်းဢိသရေႇလ ၸိူဝ်းၼၼ်ႉသမ်ႉလၢတ်ႈၵၼ်လႄႈဝႃႈ၊-ႁဝ်းဢွၼ်ၵၼ်ႁူၼ်ၶိုၼ်းလႄႈယွၵ်ႇဢဝ်ၶဝ် ႁႂ်ႈၶဝ်ၵႆၵၼ်တင်းဝဵင်းၶဝ်ဢွၵ်ႇၸူးၵႃႈတီႈသဵၼ်ႈတၢင်းတင်းလၢႆတႃႉႁဝ်း၊ ဝႃႈၼင်ႇၼႆ ဢေႃႈ။
၃၃ ၵူၼ်းမဵဝ်းဢိသရေႇလတင်းသဵင်ႈတင်းလူင်လုၵ်ႉသေၵႃႈတီႈဢၼ်ၶဝ်ယူႇၼၼ်ႉသေလႄႈ ယၼ်ႇတပ်ႉၶၢင်းတပ်ႉၶဝ်ၵႃႈတီႈဝဵင်းပႃႇလတႃႇမႃႇဢေႃႈ။ၵူၼ်းမဵဝ်းဢိသရေႇလဢၼ်လွမ်ပႂ်ႉယူႇၸိူဝ်း ၼၼ်ႉၵေႃႈ လုၵ်ႉ သေၵႃႈတီႈပၢင်ႇပဵင်းၵိပႃႇ တီႈဢၼ်ၶဝ်ယူႇၼၼ်ႉသေယဝ်ႉ ၵူၼ်းၵတ်ႉၶႅၼ်ႇမဵဝ်း ဢိသရေႇလမိုၼ်ႇၼိုင်ႈၼၼ်ႉၶီႇသိုၵ်းၸူးၵႃႈတီႈဝဵင်းၵိပႃႇဢေႃႈ။
၃၄ သိုၵ်းၼၼ်ႉပဵၼ်ဢၼ်ႁႅင်းယႂ်ႇၼႃႇလူင်လၢင်လႄႈ ၵူၼ်းမဵဝ်းပိၼ်ႇယႃႇမိၼ်ၶဝ်ဢမ်ႇႁူႉလွင်ႈ ဢၼ်ၽေး ၸမ်တၵ်းႁွတ်ႈထိုင် ၵႃႈတီႈၶဝ်ၼၼ်ႉဢေႃႈ။
၃၅ ထႃႇဝရႃႉၽြႃးႁႂ်ႈၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉ တူၵ်းသုမ်းၵႃႈတီႈၽၢႆႇၼႃႈၵူၼ်းမဵဝ်းဢိသရေႇလ တင်းလၢႆလႄႈၼႂ်းဝၼ်းၼၼ်ႉၵူၼ်းမဵဝ်းဢိသရေႇလတင်းလၢႆ ယႃႉၽဵဝ်ႈၵူၼ်းမဵဝ်းပိၼ်ႇယႃႇမိၼ်ႇ ပႅတ်ႈသွင်မိုၼ်ႇပၢႆသွင်ႁဵင်ပၢႆပၢၵ်ႇၼိုင်ႈဢေႃႈ။ၶဝ်ပဵၼ်ၵူၼ်းဢၼ်ယိပ်းၵမ်လၢၵ်ႈၼၢၵ်ႈလၢပ်ႇ လႅဝ်း တင်းသဵင်ႈတင်းမူတ်းဢေႃႈ။
၃၆ ၼင်ႇၼၼ်လႄႈၵူၼ်းမဵဝ်းပိၼ်ႇယႃႇမိၼ်ႇ ၸိူဝ်းၼၼ်ႉႁူႉႁၼ်လွင်ႈဢၼ်ၶဝ်သုမ်းသိုၵ်း ၼၼ်ႉဢေႃႈ။ၵူၼ်းမဵဝ်းဢိသရေႇလ တင်းလၢႆမိူဝ်ႈၸႃႉမၼ်းဢွၼ်ၵၼ်သုတ်ႉၶိုၼ်း ၵႃႈတီႈၽၢႆႇၼႃႈၵူၼ်းမဵဝ်းပိၼ်ႇယႃႇမိၼ်ႇ ၸိူဝ်းၼၼ်ႉ ၵွပ်ႈပိူဝ်ႈၶဝ်ဢိင်ပိုင်ႈၸိူဝ်းဢၼ်လွမ်ႉပႂ်ႉယူႇၵႃႈ တီႈႁိမ်းဝဵင်းၵိပႃႇၼၼ်ႉဢေႃႈ။
၃၇ ၶဝ်ၸိူဝ်းဢၼ်လွမ်ႉပႂ်ႉယူႇၼၼ်ႉႁိပ်ႈၼႅတ်ႈလႄႈ ဢွၼ်ၵၼ်လႅၼ်ႈၶဝ်ဝဵင်းၵိပႃႇ ၸွတ်ႇတူဝ် ၵူႈၸွၵ်ႉၵူႈၸဵင်ႇသေယဝ်ႉတိုၵ်းတေႃးယႃႉပႅတ်ႈဝဵင်းတင်းဝဵင်း လူၺ်ႈၶူမ်းလၢပ်ႇၶူမ်းလႅဝ်း ဢေႃႈ။
၃၈ ၵူၼ်းမဵဝ်းဢိသရေႇလတင်းလၢႆတင်းၶဝ်ၸိူဝ်းဢၼ်လွမ်ႉပႂ်ႉယူႇၸိူဝ်းၼၼ်ႉ ႁဵတ်းတၢင်းဢၼ်ၶိုင်ပွင်ဝႆႉဝႃႈ ၶဝ်တၵ်းႁႂ်ႈၵွၼ်းၽႆးဢၼ်လုၵ်ႉၶိုၼ်ႈယႂ်ႇၼႃႇလူင်လၢင်ၼၼ်ႉဢွၵ်ႇသေၵႃႈၼႂ်းဝဵင်း ၼၼ်ႉဢေႃႈ။
၃၉ မိူဝ်ႈၼၼ်ႉၵူၼ်းမဵဝ်းဢိသရေႇလ တင်းလၢႆတၵ်းတိုၵ်းဢေႃႈ။ၵူၼ်းမဵဝ်းပိၼ်ႇယႃႇမိၼ်ႇၸိူဝ်း ၼၼ်ႉၸင်ႇၸႃႉတိုၵ်းတေႃးၶဝ်လႄႈ ဢဝ်ၵူၼ်းမဵဝ်းဢိသရေႇလတၢႆသၢမ်သိပ်းၸမ်ၸမ်ဢေႃႈ။ၶဝ်လၢတ်ႈလႄႈဝႃႈ၊-ၶဝ်တၵ်းသုမ်း ၵႃႈတီႈၽၢႆႇၼႃႈႁဝ်း မိူၼ်ၸိူဝ်ႉၼင်ႇဢၼ် ၶဝ်သုမ်းသိုၵ်းမိူဝ်ႈၵမ်း ဢွၼ်တၢင်းၼၼ်ႉယဝ်ႉ၊ ဝႃႈၼင်ႇၼႆၼၼ်ႉဢေႃႈ။
၄၀ ၵူၺ်းၵႃႈမိူဝ်ႈဢၼ်ၵွၼ်းၽႆးၸႃႉဢွၵ်ႇမႃးၵႃႈၼႂ်းဝဵင်းၼၼ်ႉ ပဵၼ်လႅမ်ႈလူင်ၶိုၼ်ႈယူႇၼၼ်ႉၸိုင် ၵူၼ်းမဵဝ်းပိၼ်ႇယႃႇမိၼ်ႇ ၸိူဝ်းၼၼ်ႉဝၢႆႇတူၺ်းၶိုၼ်းတင်းလင်လႄႈ
၄၁ ႁၼ်ပိဝ်ၽႆးဢၼ်မႆႈဝဵင်း ၼၼ်ႉၶိုၼ်ႈၵႃႈၼိူဝ်ၵၢင်ႁၢဝ်ယူႇၼၼ်ႉၸိုင် ၵူၼ်းမဵဝ်းဢိသရေႇလတင်းလၢႆသမ်ႉ ဝၢႆႇၶိုၼ်းၸူးၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉလႄႈ ၶဝ်တူၵ်းၸႂ်ၵူဝ်ႁႄၼႃႇလူင်လၢင် ဢေႃႈ။လွင်ႈမၼ်းၸမ်းၶဝ်ႁူႉႁၼ်လွင်ႈဢၼ်ၽေးႁွတ်ႈထိုင်မႃးၵႃႈၼိူဝ်ၶဝ်ယဝ်ႉၼၼ်ႉဢေႃႈ။
၄၂ ပိူဝ်ႈၼႆလႄႈ ပိၵ်ႉသမ်ႉၶဝ်ဢွၼ်ၵၼ်ဝၢႆႇၶိုၼ်းဢွၵ်ႇပၢႆႈသေၵႃႈတီႈၽၢႆႇၼႃႈၵူၼ်းမဵဝ်းဢိသရေႇလ တင်းလၢႆၸူးသဵၼ်ႈတၢင်းထိူၼ်ႇသေၵေႃႈ ၶဝ်ၸိူဝ်းဢၼ်ၸွမ်းတိုၵ်းၼၼ်ႉၶိုတ်းၶဝ်သေလႄႈ ယႃႉ ၽဵဝ်ႈ ၶဝ်ပႅတ်ႈၵႃႈၼႂ်းသဵၼ်ႈတၢင်းဢိၵ်ႇတင်းၶဝ်ၸိူဝ်းဢၼ်ဢွၵ်ႇသေ ၵႃႈၼႂ်းဝဵင်းမႃးၼၼ်ႉဢေႃႈ။
၄၃ ၶဝ်လွမ်ႉႁွပ်ႈၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉယူႇ၊ လိုပ်ၸွမ်းလမ်းၸွမ်းလႄႈယႃႉၶဝ်ပႅတ်ႈတီႈဢၼ်ၶဝ်ပၢႆယူႇ တေႃႇထိုင်ႁွတ်ႈဝဵင်း ၵိပႃႇ ၽၢႆႇၵၢင်ႇဝၼ်းဢွၵ်ႇၼၼ်ႉဢေႃႈ။
၄၄ မိူဝ်ႈၼၼ်ႉၵူၼ်းမဵဝ်းပိၼ်ႇယႃႇမိၼ်ႇ လူမ်ႉတၢႆမိုၼ်ႇပၢႆပႅတ်ႇႁဵင်ဢေႃႈ။ၶဝ်ပဵၼ်ၵေႃႉဢၼ်ႁႅင်းယႂ်ႇၼႃႇတင်းသဵင်ႈတင်း မူတ်းဢေႃႈ။
၄၅ မိူဝ်းဢၼ်ၶဝ်ငိၵ်းလႄႈပၢႆႈၵႂႃႇၵႃႈတီႈထိူၼ်ႇၸူးၵႃႈတီႈ မၢၵ်ႇႁိၼ်မၢၵ်ႇၽႃရိမ်ႇမုၼ်ႇ ယူႇၼၼ်ႉၶဝ်လိုပ်ႈၸွမ်းလႄႈ ဢဝ်တၢႆၵူၼ်းႁႃႈႁဵင်ဢေႃႈ။ၶဝ်လိုပ်ႈၸွမ်းလမ်းၸွမ်းၶဝ် တေႃႇထိုင်ႁွတ်ႈ ဝဵင်း ၵိတုမ်ႇ လႄႈဢဝ်ၵူၼ်းတၢႆထႅင်ႈသွင်ႁဵင်ဢေႃႈ။
၄၆ ၼင်ႇၼၼ်လႄႈ ၵူၼ်းမဵဝ်းပိၼ်ႇယႃႇမိၼ်ႇဢၼ်လူမ်ႉတၢႆၼႂ်းဝၼ်းၼၼ်ႉမီးၵူၼ်းသွင်မိုၼ်ႇပၢႆႁႃႈႁဵင်ဢၼ်ပႃးလၢပ်ႇပႃးလႅဝ်းၵူၺ်းၵူၺ်းၼၼ်ႉဢေႃႈ။ၶဝ်ပဵၼ်ၵေႃႉဢၼ်ႁႅင်းယႂ်ႇၼႃႇတင်းသဵင်ႈတင်း မူတ်း ဢေႃႈ။
၄၇ ၵူၼ်းႁူၵ်းပၢၵ်ႇငိၵ်းလႄႈပၢႆႈၵႂႃႇၵႃႈတီႈထိူၼ်ႇၸူးၵႃႈတီႈမၢၵ်ႇမၢၵ်ႇၽႃရိမ်ႇမုၼ်ႇ ၼၼ်ႉသေလႄႈယူႇၵႃႈၼႂ်း မၢၵ်ႇႁိၼ်မၢၵ်ႇၽႃႇရိမ်ႇမုၼ်ႇ ၼၼ်ႉသီႇ လိူၼ်ဢေႃႈ။
၄၈ ၵူၼ်းမဵဝ်းဢိသရေႇလၸိူဝ်းၼၼ်ႉသမ်ႉဝၢႆႇၸူးၵႃႈတီႈၵူၼ်းပိၼ်ႇယႃႇမိၼ်ႇ တင်းလၢႆသေလႄႈ တိုၵ်း တေႃးယႃႉပႅတ်ႈၶဝ် ဢၼ်မီးၵႃႈၼႂ်းဝဵင်းၼၼ်ႉဢိၵ်ႇတင်း တရိၵ်ႉသၢၼ်ႇၶဝ်ဢိၵ်ႇတင်း ၵႃႈဢၼ်ထူပ်း ႁၼ်ၼၼ်ႉလူၺ်ႈၶူမ်းလၢပ်ႇၶူမ်းလႅဝ်းလႄႈ ဢဝ်ၽႆးတုတ်ႇဝၢၼ်ႈဝဵင်းၵႃႈဢၼ်ၶဝ် ထူပ်း ၺႃးၼၼ်ႉဢေႃႈ။