Chapter
၂၂
ၵူၼ်းမိူင်းဝၼ်းဢွၵ်ႇၶိုၼ်းပွၵ်ႇမိူဝ်းႁိူၼ်း
၁ မိူဝ်ႈၼၼ်ႉယေႃးသုႁွင်ႉဢဝ်ၵူၼ်းမဵဝ်းရုပိၼ်ႇ ၵူၼ်းမဵဝ်းၵတ်ႉ ၵူၼ်းမဵဝ်းမၼႃႇသေႇ ၶိုင်ႈၼိုင်ႈၸိူဝ်းၼၼ်ႉသေ လႄႈသင်ႇလၢတ်ႈတီႈၶဝ်လႄႈဝႃႈ၊-
၂ သူႁဵတ်းၸွမ်းၵႃႈၼင်ႇဢၼ်မုဝ်းသေႇ၊ၶႃႈထႃႇဝရႃႉၽြႃး၊ သင်ႇလၢတ်ႈဝႆႉတီႈသူၼၼ်ႉလႄႈ ထွမ်ႇဢဝ်ၵႂၢမ်းၵႃႈဢၼ်ၵဝ်သင်ႇ လၢတ်ႈတီႈသူႇၼၼ်ႉယဝ်ႉ။
၃ သူယင်းဢမ်ႇၸုၼ်ႉဢမ်ႇပႅတ်ႈပီႈၼွင်ႉသူ ႁိုင်ၼႃႇလူင်လၢင် တေႃႇထိုင်ႁွတ်ႈဝၼ်းမိူဝ်ႈၼႆႉလႄႈ ပႂ်ႉၸွမ်းၵႃႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူၸီႇယၢင်ႇသင်ႇလၢတ်ႈဝႆႉၼၼ်ႉယဝ်ႉ။
၄ တေႃႈလဵဝ်ၼႆႉ ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ဢၶႂၢင်ႉတၢင်းဢၼ် ၼိမ်လီယဵၼ်လီ တီႈပီႈၼွင်ႉသူတင်းလၢႆၸွမ်းၵႃႈၼင်ႇဢၼ်မၼ်းၸဝ်ႈမီးၵတိဝႆႉၼၼ်ႉယဝ်ႉ။ပိူဝ်ႈၼႆလႄႈသူဢွၼ်ၵၼ်ဝၢႆႇၶိုၼ်းလႄႈမိူဝ်ႈၵႂႃႇၸူးၵႃႈတီႈသုမ်ႉထဵင်ၵႃႈတီႈယူႇသူ ဢိၵ်ႇတင်းလိၼ်တီႈဢၼ်သူပိူင်ႇဢၼ်မုဝ်းသေႇ ၶႃႈထႃႇဝရႃႉၽြႃး ပၼ်တီႈသူ ၵႃႈတီႈၽၢႆႇပုၼ်ႉ ၼမ်ႉႁွင်ႈယေႃး တၢၼ်ႇၼၼ်ႉတႃႉ။
၅ ၵူၺ်းၵႃႈၵႆႉၶတ်းၸႂ်လႄႈဢွၼ်ၵၼ်ႁဵတ်းသတိ ႁႂ်ႈလႆႈၵမ်ၵျၢင်ႉပိင်းၺၢပ်ႈဢိၵ်ႇတင်းတြႃးဢၼ်မုဝ်းသေႇ၊ၶႃႈထႃႇဝရႃႉၽြႃး၊ သင်ႇလၢတ်ႈဝႆႉတီႈသူၼၼ်ႉလႄႈ ပွင်ႁဵတ်းဢမူႉတၢင်းဢၼ်ပႃးတင်းႁူဝ်ၸႂ်သဵင်ႈသဵင်ႈႁၵ်ႉထႃႇဝႃႉရၽြႃးၽြႃးပဵၼ်ၸဝ်ႈသူတၢင်းဢၼ်ၵႂႃႇမႃး ၵႃႈၼႂ်းသဵၼ်ႈတၢင်းမၼ်းၸဝ်ႈၵႃႈမီးတၢင်းဢၼ်ပႂ်ႉၸွမ်းပိင်းၺၢပ်ႈမၼ်းၸဝ်ႈ တၢင်းဢၼ်ႁွႆႈၸပ်းယူႇၵႃႈတီႈမၼ်းၸဝ်ႈၼၼ်ႉတႃႉ၊ ဝႃႈၼင်ႇၼႆသေယဝ်ႉ၊ယေႃးသု ပၼ်တၢင်းလီတီႈၶဝ်လႄႈ ပွႆႇၶဝ်မိူဝ်းၵႂႃႇဢေႃႈ။
၆ ၶဝ်ၵေႃႈမိူဝ်းၵႂႃႇၸူးၵႃႈတီႈသုမ်ႉထဵင်တီႈယူႇၶဝ်ၼၼ်ႉသေဢေႃႈ။
၇ ၵႃႈတီႈမဵဝ်းမၼႃႇသေႇ ၶိုင်ႈၼိုင်ႈၼၼ်ႉၸိုင်မုဝ်းသေႇဢဝ်လိၼ်ၵႃႈတီႈမိူင်းပႃႇသၼ်ႇပၼ်ဝႆႉယဝ်ႉ။တီႈမဵဝ်းၼၼ်ႉၶိုင်ႈၼိုင်ႈၸမ်း၊ ယေႃးသုပၼ်လိၼ်လူၺ်ႈၵၼ်တင်းပီႈၼွင်ႉၶဝ်ၵႃႈတီႈၽၢႆႇဝၼ်းတူၵ်း ၼမ်ႉႁွင်ႊယေႃးတၢၼ်ႇၼၼ်ႉဢေႃႈ။ယေႃးသုၵေႃႈပွႆႇၶဝ်မိူဝ်းၵႂႃႇၸူးၵႃႈတီႈသုမ်ႉထဵင်ၶဝ်ၼၼ်ႉလႄႈ ပၼ်တၢင်းလီတီႈၶဝ် လႄႈဝႃႈ၊-
၈ ဢွၼ်ၵၼ်ဢဝ်ၸေးၸိမ်ႇတၢင်းဢၼ်မၢၵ်ႈမီးၼမ်ၼႃႇ၊တရိၵ်ႈသၢၼ်ႇၼမ်ၼႃႇ၊ ငိုၼ်းၶမ်း၊တွင်းလိူင်၊လဵၵ်း၊ၶိူင်ႈၼုင်ႈၶိူင်ႈမႆႊၼမ်ၼႃႇလႄႈ ၶိုၼ်းမိူဝ်းၵႂႃႇၵႃႈတီႈသုမ်ႉထဵင်တီႈယူႇသူၼၼ်ႉတႃႉ။ဢဝ်ဢုၵ်ႉၸႃႇဢၼ်လႆႈၵႃႈတီႈရၢၼ်ႇသူႇသူၸိူဝ်းၼၼ်ႉ ၽႄမႅင်ႇပၼ်တီႈပီႈၼွင်ႉသူၼၼ်ႉတႃႉ၊ ဝႃႈၼင်ႇၼႆဢေႃႈ။
၉ ၵူၼ်းမဵဝ်းရုပိၼ်ႇ၊ ၵူၼ်းမဵဝ်းၵတ်ႉ၊ၵူၼ်းမဵဝ်းမၼႃႇသေႇၶိုင်ႈၼိုင်ႈၸိူဝ်းၼၼ်ႉ ဢွၼ်ၵၼ်ဢွၵ်ႇသေၵႃႈၼႂ်းၵူၼ်းမဵဝ်းဢိသရေႇလ တင်းလၢႆၵႃႈၼႂ်းဝဵင်းသိလေႃႇၵႃႈၼႂ်းမိူင်းၶႃႇၼၼိလႄႈ မိူဝ်းၵႂႃႇႁႂ်ႈလႆႈႁွတ်ႈထိုင်ၵႃႈတီႈမိူင်းၵိလတ်ႉ လိၼ်ဢၼ်ၶဝ်ထိူၵ်ႈပိူင်ႇ ၸွမ်းၵႃႈၼင်ႇဢၼ်ထႃႇဝႃႉရၽြႃး ဢဝ်တင်းမုဝ်းသေႇ မီးဢမိင်ႉဝႆႉၼၼ်ႉဢေႃႈ။
၁၀ မိူဝ်ႈဢၼ်ၶဝ်ႁွတ်ႈထိုင်ၵႃႈတီႈႁိမ်းၼမ်ႉႁွင်ႊယေႃးတၢၼ်ႇဢၼ်မီးၼႂ်းမိူင်းၶႃႇၼၢၼ်ႇၼၼ်ႉၸိုင် ၵူၼ်းမဵဝ်းရုပိၼ်ႇ၊ၵူၼ်းမဵဝ်းၵတ်ႉ၊ၵူၼ်းမဵဝ်းမၼႃႇသေႇ ၶိုင်ႈၼိုင်ႈ ၸိူဝ်းၼၼ်ႉဢွၼ်ၵၼ်တႄႇႁဵတ်းယိတ်ႉပလၢင်ႇလူင်ဢၼ်ထၢင်ႇသႃးၼႃႇလူင်လၢင်ၼၼ်ႉဢေႃႈ။
၁၁ ၵူၼ်းမဵဝ်းဢိသရေႇလတင်းလၢႆငိၼ်းပိူၼ်ႈလၢတ်ႈလႄႈဝႃႈ၊-ၵူၼ်းမဵဝ်းရုပိၼ်ႇ၊ၵူၼ်းမဵဝ်းၵတ်ႉ၊ၵူၼ်းမဵဝ်းမၼႃႇသေႇၶိုင်ႈၼိုင်ႈၸိူဝ်းၼၼ်ႉ ဢွၼ်ၵၼ်တႄႇႁဵတ်းယိတ်ႉပလင်ႇတီႈဢၼ်သိုဝ်ႈမိူင်းၶႃႇၼၼိ ၵႃႈတီႈႁိမ်းၼမ်ႉႁွင်ႊယေႃးတၢၼ်ႇ တီႈဢၼ်ၵူၼ်းမဵဝ်းဢိသရေႇလတင်းလၢႆလႆႈၶၢမ်ႈၵႂႃႇယဝ်ႉၼၼ်ႉဢေႃႈ၊ ဝႃႈၼင်ႇ ၼႆဢေႃႈ။
၁၂ မိူဝ်ႈဢၼ်ၵူၼ်းမဵဝ်းဢိသရေႇလတင်းလၢႆငိၼ်းလွင်ႈမၼ်းတၢင်းမၼ်းၸိူဝ်ႉၼင်ႇၼၼ်ၼၼ်ႉၸိုင်ႈ ပရိၵ်ႈသၢတ်ႈၵူၼ်းမဵဝ်းဢိသရေႇလတင်းသဵင်းတင်းလူင်ၸူႉၵၼ်တုမ်ၵၼ်ၵႃႈတီႈဝဵင်းသိလေႃႇ ႁႂ်ႈလႆႈၶီႇသိုၵ်းၸူးၶဝ်ၼၼ်ႉဢေႃႈ။
၁၃ ၵူၼ်းမဵဝ်းဢိသရေႇလ တင်းလၢႆပွႆႇၸႂ်ႉယိတ်ႉပရေႃးႁိၵ်ႉၽိၼႁတ်ႉ လုၵ်ႈၸၢႆးဢေႇလႃႇၸႃႇ၊ဢိၵ်ႇတင်းၶုၼ်သိပ်းၼိုင်ႈဢၼ်ပဵၼ်ၶုၼ်ၼႂ်းမဵဝ်းပူႇမဵဝ်းပေႃႈယေႈမဵဝ်းယေႈပႃး
၁၄ ၼႂ်းမဵဝ်းၵူၼ်းဢိသရေႇလၵူႈမဵဝ်းၼၼ်ႉၵႂႃႇၵႃႈတီႈမိူင်းၵိလတ်ႉတီႈဢၼ်ၵူၼ်းမဵဝ်းရုပိၼ်ႇ၊ၵူၼ်းမဵဝ်းၵတ်ႉ၊ ၵူၼ်းမဵဝ်းမၼႃႇသေႇၶိုင်ႈၼိုင်ႈၸိူဝ်းၼၼ်ႉမီးၼၼ်ႉဢေႃႈ။ၶဝ်ၼၼ်ႉပိၼ်ႇငဝ်ႈပိၼ်ႇႁူဝ်တီႈမဵဝ်းပူႇမဵဝ်းပေႃႈၶဝ်ၼၼ်ႉ ႁင်းၽႂ်ႇႁင်းမၼ်းၵႃႈၼႂ်း ၵူၼ်းမဵဝ်းဢိသရေႇလပဵၼ်ႁဵင်ပဵၼ်မိုၼ်ႇဢေႃႈ။
၁၅ ၶဝ်ႁွတ်ႈထိုင်ၵႃႈတီႈၵူၼ်းမဵဝ်းရုပိၼ်ႇ၊ ၵူၼ်းမဵဝ်းၵတ်ႉ၊ၵူၼ်းမဵဝ်းမၼႃႇသေႇ ၶိုင်ႈၼိုင်ႈၸိူဝ်းၼၼ်ႉၵႃႈတီႈမိူင်းၵိလတ်ႉလႄႈ ဢွၼ်ၵၼ်လၢတ်ႈတီႈၶဝ်ၼၼ်ႉလႄႈဝႃႈ
၁၆ ပရိၵ်ႈသၢတ်ႈထႃႇဝရႃႉၽြႃး တင်းသဵင်ႈတင်းလူင်ၼၼ်ႉသင်ႇလၢတ်ႈမႃးလႄႈဝႃႈၸမ်း၊- ႁဵတ်းႁိုဝ်လႄႈသူႁဵတ်းဢပျႅတ်ႈဢၼ်ၽိတ်းပိူင်ႈၽြႃးပဵၼ်ၸဝ်ႈ မဵဝ်းဢိသရေႇလလႄႈ ပိူင်ႈၵႂႃႇဝၼ်းမိူဝ်ႈၼႆႉၼႂ်းတၢင်းဢၼ်သူတႄႇႁဵတ်းယိၸ်ႉပလင်ႇလႆႈလႄႈ လုၵ်ႉၽိုၼ်ႉထႃႇ ဝရႃႉၽြႃးၼၼ်ႉ။
၁၇ ဢပျႅတ်ႈပေႇၵုရၼၼ်ႉယင်းဢမ်ႇပႆႇပေႃးၵုမ်ႇပုၼ်ႈႁဝ်းႁိုဝ်။ပဵၵ်ႉသမ်ႉၽေးလူင်တူၵ်းႁွတ်ႈထိုင်မႃး ၵႃႈၼိူဝ်ႈပရိၵ်ႈသၢတ်ႈၽြႃးပဵၼ်ၸဝ်ႈယဝ်ႉ သေၵေႃႈယႃႇ တေႃႇထိုင်ဝၼ်းမိူဝ်ႈလဵဝ်ၼႆႉႁဝ်းယင်းဢမ်ႇပႆႇႁဵတ်းႁႂ်ႈလႆႈမူတ်းသႂ်သေဢပျႅတ်ႈၼၼ်ႉလူးၵွၼ်ႇ။
၁၈ သူလုၵ်ႉၽိုၼ်ႉထႃႇဝရႃႉၽြႃးဝၼ်းမိူဝ်ႈၼႆႉလႄႈ ဝၼ်းမိူဝ်ႈၽုၵ်ႈ မၼ်းၸဝ်ႈတၵ်းၸႂ်မႆႈၶႂ်ႈၸႃႉတီႈပရိၵ်ႈသၢတ်ႈၵူၼ်းမဵဝ်းဢိသရေႇလတင်းသဵင်ႈတင်းလူင်ဢေႃႈ။
၁၉ ၵူၺ်းၵႃႈ ပေႃးလိၼ်တီးဢၼ်သူပိူင်ႇၼႆႉပဵၼ်ဢၼ်ၵူဝ်ႈၵိူၵ်ႇၸိုင် ၶၢမ်ႈၵႂႃႇၸူး ၵႃႈတီႈလိၼ်ထႃႇဝရႃႉၽြႃးဢၼ်မီးသုမ်ႉထဵင်ၸဝ်ႈၼၼ်ႉသေယဝ်ႉ၊ ယူႇႁူမ်ႈလူၺ်ႈၵၼ်တင်းႁဝ်းတႃႉ။ယႃႇပလေုၵ်ႉၽိုၼ်ႉထႃႇဝရႃႉၽြႃး။ယႃႇပလေုၵ်ႉၽိုၼ်ႉႁဝ်း လူၺ်ႈလွင်ႈဢၼ်သူတႄႇႁဵတ်းယိတ်ႉပလၢင်ႇတူဝ်ၸဝ်ႈၵဝ်ႇ ပုၼ်ႈသူၼွၵ်ႈသယေိတ်ႉပ လင်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၼၼ်ႉ။
၂၀ ဢႃႇၶၼ်ႇ လုၵ်ႈၸၢႆးၸေႇရ ၼၼ်ႉၽိတ်းပိူင်ႈလူၺ်ႈလွင်ႈတၢင်းဢၼ်ထုၵ်ႇၵိၼ်ႇထုၵ်ႇဝႃႈၼၼ်ႉလႄႈ တၢင်းၸႂ်မႆႈၶႂ်ႈၸႃႉၸဝ်ႈ တူၵ်းႁွတ်ႈၵႃႈၼိူဝ်ႈပရိၵ်ႈသၢတ်ႈၵူၼ်းမဵဝ်းဢိသရေႇလတင်းသဵင်ႈတင်းလူင်ဢမ်ႇၸႂ်ႁိုဝ်။ၵေႃႉၼၼ်ႉလႆႈတၢႆႁၢင်းၵူၺ်းမၼ်း ၵွပ်ႈပိူဝ်ႈဢပျႅတ်ႈဢၼ်မၼ်းၽိတ်းပိူင်ႈၼၼ်ႉဢမ်ႇၸႂ်ႈ၊ ဝႃႈၼင်ႇၼႆဢေႃႈ။
၂၁ မိူဝ်ႈၼၼ်ႉ ၵူၼ်းမဵဝ်းရုပိၼ်ႇ၊ၵူၼ်းမဵဝ်းၵတ်ႉ၊ၵူၼ်းမဵဝ်းမၼႃႇသေႇ ၶိုင်ႈၼိုင်ႈၸိူဝ်းၼၼ်ႉဢွၼ်ၵၼ်ၶိုၼ်းလၢတ်ႈတီႈၶုၼ်ဢၼ်ပဵၼ်ငဝ်ႈပဵၼ်ႁူဝ် ၵႃႈၼႂ်းၵူၼ်းမဵဝ်းဢိသရေႇလ ပဵၼ်ႁဵင်ပဵၼ်မိုၼ်ႇၸိူဝ်းၼၼ်ႉလႄႈ ဝႃႈ၊-
၂၂ ထႃႇဝရႃႉၽြႃးၽြႃးၼိူဝ်ၽြႃးတင်းလၢႆၼၼ်ႉတူဝ်မၼ်းၸဝ်းႁူႉယူႇဢေႃႈ။ႁႂ်ႈမဵဝ်းဢိသရေႇလၵေႃႈႁူႉသေၵမ်း။ပေႃးႁဝ်းမီးတၢင်းၵျၢမ်ႇတၢင်းပွင်ဢၢင်ႈလုၵ်ႉၽိုၼ်ႉ တၢင်းၵျၢမ်ႇတၢင်းပွင်ဢၼ်ၽိတ်းပိူင်ႈထႃႇဝရႃႉၽြႃးလႄႈ တႄႇႁဵတ်းယိတ်ႉပလၢင်ႇႁႂ်ႈဢမ်ႇၸွမ်းထႃႇဝရႃႉၽြႃးလႄႈ ဝေႈပိူင်ႈၵႂႃႇၸိုင် ယႃႇပေႁႂ်ႈလွတ်ႈ ၽေးဝၼ်းမိူဝ်ႈၼႆႉသေၵမ်း။
၂၃ ပေႃးမီးတၢင်းၵျၢမ်ႇတၢင်းပွင်ဢၢင်ႈတၵ်းဢဝ်ယိၸ်ႉဢၼ်တုတ်ႇၽႆး ၶိူင်ႈပုၵ်ႉၸေႃႇၽေႃးၸိၼ်ႇပုၵ်ႉၸေႃႇ၊ ၶိူင်ႈပုၵ်ႉၸေႃႇမိၵ်ႉသႁႃႇယပုၵ်ႉၸေႃႇၵႃႈၼိူဝ်ယိတ်ႉပလၢင်ႇ ဢၼ်တူဝ်ၸဝ်ႈၵဝ်ႇတႄႇဢၼ်ၽိတ်းပိူင်ႈထႃႇဝရႃႉၽြႃးၼၼ်ႉၵေႃႈ ႁႂ်ႈထႃႇဝရႃႉၽြႃးၸႅတ်ႈထၢမ်ၸႅတ်ႈတူၺ်းႁဝ်းသေၵမ်းလူၺ်ႈ။
၂၄ ၵူၺ်းၵႃႈ ႁဝ်းႁဵတ်းၸိူဝ်ႉၼင်ႇၼႆၵွပ်ႈပိူဝ်ႈဢၼ်ႁဝ်းၵူဝ်ႈၶိင်ႇၵႃႈလႃႉၵမ်းလိုၼ်း လုၵ်ႈလၢၼ်သူတၵ်းထၢမ်ဝႃႈသူၸၢပ်ႈသႅင်ႇၵၼ်တင်း ၽြႃးပဵၼ်ၸဝ်ႈမဵဝ်းဢိသရေႇ လၸိူဝ်ႉၼင်ႇႁိုဝ်။
၂၅ ထႃႇဝႃႉရၽြႃးၼၼ်ႉဢဝ်ၼမ်ႉႁွင်ႊယေႃးတၢၼ်ႇလႄႈ ၶၢၼ်ႈၶႅၼ်ႈၵႃႈတီႈဝူင်ႈၵၢင်ႁဝ်းတင်းသူသေယဝ်ႉ။ၵူၼ်းမဵဝ်းရုပိၼ်ႇတင်းၵူၼ်းမဵဝ်းၵတ်ႉၶဝ်ဢူၺ်း။သူဢမ်ႇမီးပုၼ်ႊမီးတႃႇၼႂ်းထႃႇဝရႃႉၽြႃးလႃးလႃး။လုၵ်ႈသူလၢင်းသူတၵ်းႁဵတ်းႁႂ်ႈလုၵ်ႈႁဝ်းလၢင်းႁဝ်း ယင်းဢမ်ႇၵူဝ်ဢမ်ႇႁႄထႃႇဝရႃႉၽြႃးလႄႈ ယူႇဢေႃႈ၊ဝႃႈၼင်ႇၼႆဢေႃႈ။
၂၆ ပိူဝ်ႈၼႆလႄႈႁဝ်းဝႃႈ၊-ဢွၼ်ၵၼ်မႄးႁႅၼ်း ႁႂ်ႈလႆႈတႄႇႁဵတ်းယိတ်ႉပလၢင်ႇဢမ်ႇၸႂ်ႈ ပုၼ်တႃႇတၵ်းပုၵ်ႉၸေႃႇယိၸ်ႉဢၼ်တုတ်ႇ ၽႆးတင်းယိၸ်ႉတၢင်ႇၸိူဝ်ႉတၢင်ႇမဵဝ်းၼၼ်ႉ။
၂၇ ယိတ်ႉပလၢင်ႇၼႆႉ တၵ်းပဵၼ်သၢၵ်ႈသေႇ ၵႃႈတီႈဝူင်ႈၵၢင်ႁဝ်းတင်းသူ၊ ဝူင်ႈၵၢင်လုၵ်ႈႁဝ်းလၢၼ်ႁဝ်းတင်းလုၵ်ႈသူလၢၼ်သူလွင်ႈဢၼ်ႁဝ်းတၵ်းလႆႈႁဵတ်းၸႃႉၸဵမ် ယိၸ်ႉဢၼ်တုတ်ႇၽႆးလႄႈယိၸ်ႉတၢင်ႇၸိူဝ်ႉတၢင်ႇမဵဝ်းတင်းၶိူင်ႈပုၵ်ႉၸေႃႇမိၵ်ႉသႁႃႇယႃႉသေလႄႈ ပွင်ႁဵတ်းဢမူႉထႃႇဝရႃႉၽြႃး ၵႃႈတီႈၽၢႆႇၼႃႈမၼ်းၸဝ်ႈ ဢိၵ်ႇတင်းလွင်ႈဢၼ် လုၵ်ႈသူလၢၼ်သူ တၵ်းဢမ်ႇလႆႈလၢတ်ႈတီႈလုၵ်ႈႁဝ်းလၢၼ်ႁဝ်း ၶိင်ႇၵႃႇလၵမ်းလိုၼ်းပုၼ်ႉလႄႈဝႃႈ၊-သူဢမ်ႇမီးပုၼ်ႊမီးတႃႇၼႂ်းထႃႇဝရႃႉ ၽြႃးလႃးလႃး၊ဝႃႈၼင်ႇၼႆၼၼ်ႉဢေႃႈ။
၂၈ ပိူဝ်ႈၼႆလႄႈႁဝ်းဝႃႈ၊- ၵမ်းလိုၼ်းပေႃးၶဝ်လၢတ်ႈတီႈႁဝ်းတင်းလုၵ်ႈႁဝ်းလၢၼ်ႁဝ်းလႄႈ ဝႃႈၸိူဝ်ႉၼင်ႇၼၼ်ၸိုင်ႁဝ်းတၵ်းမီးတီႈဢၼ်ၶိုၼ်းလၢတ်ႈဝႃႈ၊- သူတူၺ်းပုင်ႇႁၢင်ႊယိတ်ႉပလင်ႇထႃႇဝရႃႉၽြႃး ဢၼ်ပေႃႈႁဝ်းၸိူဝ်းၼၼ်ႉႁဵတ်းဝႆႉၼၼ်ႉႁႂ်ႈလႆႈပုၵ်ႉၸေႃႇၸႃႉၸဵမ်ယိၸ်ႉဢၼ်တုတ်ႇၽႆး၊ယိၸ်ႉတၢင်ႇၸိူဝ်ႉတၢင်ႇမဵဝ်းဢမ်ႇၸႂ်ႈ။ႁဵတ်းဝႆႉႁႂ်ႈလႆႈပဵၼ်သၢၵ်ႈသေႇၵႃႈတီႈဝူင်ႈၵၢင်ႁဝ်းတင်းသူၼၼ်ႉဢေႃႈ။
၂၉ ႁႂ်ႈဢမူႉတၢင်းဢၼ်လုၵ်ႉၽိုၼ်ႉထႃႇဝရႃႉၽြႃးလႄႈ ဢမ်ႇၸွမ်းလင်မၼ်းၸဝ်ႈ၊ဝေႈပိူင်ႈၵႂႃႇလူၺ်ႈတၢင်းဢၼ်တႄႇႁဵတ်းယိတ်ႉပလၢင်ႇတၢင်ႇၸိူဝ်ႉတၢင်ႇဢၼ် ၼွၵ်ႈသေယိၸ်ႉပလၢင်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းဢၼ်မီးၵႃႈတီႈၽၢႆႇၼႃႈသုမ်ႉထဵင်ၸဝ်ႈၼၼ်ႉသေလႄႈႁဵတ်းၸႃႉၸဵမ်ယိၸ်ႉဢၼ်တုတ်ႇၽႆးလႄႈ ယိၸ်ႉတၢင်ႇၸိူဝ်ႉတၢင်ႇမဵဝ်းတင်းၶိူင်ႈပုၵ်ႉၸေႃႇၽေႃးၸိၼ်ႇၼၼ်ႉ ၵႆၵၼ်တင်းႁဝ်းသေၵမ်းလူၺ်ႈ၊ဝႃႈၼင်ႇၼႆဢေႃႈ။
၃၀ မိူဝ်ႈဢၼ်ယိတ်ႉပရေႃးႁိၵ်ႉၽိၼႁတ်ႉဢိၵ်ႇတင်းၶုၼ်ပရိၵ်ႈသၢတ်ႈတင်းလၢႆဢၼ်ဝႃႈ ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၵူၼ်းမဵဝ်းဢိသရေႇလ ပဵၼ်ႁဵင်ပဵၼ်မိုၼ်ႇၸိူဝ်းၼၼ်ႉ မီးလူၺ်ႈၵၼ်တင်းမၼ်းၼၼ်ႉလႆႈငိၼ်းၵႂၢမ်းဢၼ်ၵူၼ်းမဵဝ်းရုပိၼ်ႇ၊ ၵူၼ်းမဵဝ်းၵတ်ႉတင်းၵူၼ်းမဵဝ်းမၼႃႇသေႇၶဝ်လၢတ်ႈၼၼ်ႉၸိုင်၊ ပဵၼ်ဢၼ်ထုၵ်ႇ ၸႂ်ၵျိူၵ်ႈၸႂ်ၶဝ်ဢေႃႈ။
၃၁ ယိတ်ႉပရေႃးႁိၵ်ႉၽိၼႁတ်ႉလုၵ်ႈၸၢႆးဢေႇလႃႇၸႃႇၼၼ်ႉၵေႃႈ၊ လၢတ်ႈတီႈၵူၼ်းမဵဝ်းရုပိၼ်ႇ၊ၵူၼ်းမဵဝ်းၵတ်ႉတင်းၵူၼ်းမဵဝ်းမၼႃႇသေႇ ၸိူဝ်းၼၼ်ႉလႄႈဝႃႈ၊- ဝၼ်းမိူဝ်ႈၼႆႉႁဝ်းႁူႉႁၼ်လွင်ႈဢၼ်ထႃႇဝရႃႉၽြႃးမီးယူႇၵႃႈၼႂ်းႁဝ်း ၵွပ်ႈပိူဝ်ႈဢၼ်သူဢမ်ႇႁဵတ်းၽိတ်းႁဵတ်းပိူင်ႈထႃႇဝရႃႉၽြႃးၼၼ်ႉဢေႃႈ။တေႃႈလဵဝ်ၼႆႉ သူၵႄႇသႄႇလိတ်ႈဢဝ်ၵူၼ်းမဵဝ်းဢိသရေႇလတင်းလၢႆ ၵႃႈၼႂ်းမိုဝ်းထႃႇဝႃႉရၽြႃးယဝ်ႉ၊ဝႃႈၼင်ႇၼႆဢေႃႈ။
၃၂ မိူဝ်ႈၼၼ်ႉယိတ်ႉပရေႃးႁိၵ်ႉၽိၼႁတ်ႉ လုၵ်ႈၸၢႆးဢေႇလႃႇၸႃႇ ဢိၵ်ႇတင်း ၶုၼ်ၸိူဝ်းၼၼ်ႉ ဢွၼ်ၵၼ်ၽၢတ်ႇသေၵူၼ်းမဵဝ်းရုပိၼ်ႇ တင်းၵူၼ်းမဵဝ်းၵတ်ႉၸိူဝ်းၼၼ်ႉလႄႈ ဢွၵ်ႇသေၵႃႈတီႈမိူင်းၵိလတ်ႉ ၶိုၼ်းမိူဝ်းၵႂႃႇၵႃႈတီႈမိူင်းၶႃႇၼၼိ ၼၼ်ႉၸူးတီႈၵူၼ်းမဵဝ်းဢိသရေႇလၸိူဝ်းၼၼ်ႉလႄႈ ၶိုၼ်းမွၵ်ႇလၢတ်ႈၵႂၢမ်းၶဝ် ၼၼ်ႉသေယဝ်ႉ၊ ၵႂၢမ်းၼၼ်ႉပဵၼ်ဢၼ်ထုၵ်ႇၸႂ်ၵျိူၵ်ႈၸႂ်ၵူၼ်းမဵဝ်းဢိသရေႇလတင်းလၢႆလႄႈ ၵူၼ်းမဵဝ်းဢိသရေႇလၸိူဝ်းၼၼ်ႉဢွၼ်ၵၼ်ယွင်ႈယေႃးၵျေးၸူးၽြႃးပဵၼ်ၸဝ်ႈဢေႃႈ။
၃၃ လိုၼ်းၼၼ်ႉၶဝ်ဢမ်ႇလၢတ်ႈလွင်ႈဢၼ်ၶီႇသိုၵ်းၶိုၼ်း ႁႂ်ႈလႆႈယႃႉပႅတ်ႈမိူင်းတီႈဢၼ်ၵူၼ်းမဵဝ်းရုပိၼ်ႇတင်း ၵူၼ်းမဵဝ်းၵတ်ႉၶဝ်ယူႇ ၼၼ်ႉ ထႅင်ႈ။
၃၄ ၵူၼ်းမဵဝ်းရုပိၼ်ႇတင်းၵူၼ်းမဵဝ်းၵတ်ႉၸိူဝ်းၼၼ်ႉၵေႃႈႁွင်ႉႁိၵ်ႈၸိုဝ်ႈယိၸ်ႉပလၢင်ႇၼၼ်ႉဝႃႈဢေႇတဢေႃႈ။လွင်ႈမၼ်းၸမ်း ၶဝ်ဝႃႈမၼ်းၶၢမ်ႇသၢၵ်ႈသေႇၵႃႈတီႈဝူင်ႈၵၢင်ႁဝ်း လူၺ်ႈလွင်ႈဢၼ်ထႃႇဝရႃႉၽြႃးပဵၼ်ၽြႃးပဵၼ်ၸဝ်ႈၼၼ်ႉဢေႃႈ၊ ဝႃႈၼင်ႇၼႆဢေႃႈ။