Chapter
၈
တၢင်းဢၼ်တႃႇဝိတ်ႉပႄႉၼႅင်ႇ
၁ လိုၼ်းၼၼ်ႉတႃႇဝိတ်ႉတိူၵ်းတေႃးယႃႉပႅတ်ႈၵူၼ်းၽိလိတ်ႉတိတင်းလၢႆလႄႈပေႉၼႅင်ႇသေယဝ်ႉ၊တႃႇဝိတ်ႉသိမ်းဢဝ်ဝဵင်းဢၼ်ပဵၼ်တူၼ်ႈပဵၼ်ငဝ်ႈၶဝ်ၼၼ်ႉသေၵႃႈၼႂ်းမိုဝ်းၵူၼ်းၽိလိတ်ႉတိၸိူဝ်းၼၼ်ႉဢေႃႈ။
၂ ၵူၼ်းမဵဝ်းမေႃႇၽၵေႃႈမၼ်းတိုၵ်းတေႃးယႃႉပႅတ်ႈလႄႈႁႂ်ႈၶဝ်ၼွၼ်းၵႃႈၼိူဝ်လိၼ်သေယဝ်ႉဢဝ်ၸိူၵ်ႈတႅၵ်ႈဢေႃႈ။ၵူၼ်းဢၼ်တူၵ်းၼႂ်းၸိူၵ်ႈဢွၼ်တၢင်းသွင်တႅၵ်ႈၼၼ်ႉလႆႈၶၢမ်ႇတၢင်းဢၼ်ဢဝ်တၢႆလႄႈၵူၼ်းဢၼ်တူၵ်းၵႃႈၼႂ်းၸိူၵ်ႈတႅၵ်ႈတတိယၼၼ်ႉလႆႈဢသၢၵ်ႈလိပ်းဢေႃႈ။ၼင်ႇၼၼ်လႄႈၵူၼ်းမဵဝ်းမေႃႇၽၸိူဝ်းၼၼ်ႉလႆႈၶၢမ်ႇႁဵတ်းၶႃႈတီႈတႃႇဝိတ်ႉသေလႄႈသၢၵ်ႈၶွၼ်ႇတီႈမၼ်းဢေႃႈ။
၃ တႃႇဝိတ်ႉတိုၵ်းတေႃးယႃႉပႅတ်ႈႁႃႇတတေႇၸႃႇလုၵ်ႈၸၢႆ:ရႁေႃႇၽၶုၼ်လူင်ၸေႃႇၽၼႂ်းမိူဝ်ႈဢၼ်မၼ်းၶီႇသိုၵ်းၵႂႃႇႁႂ်ႈလႆႈၶိုၼ်ႈသိမ်းဢဝ်လိၼ်ဢၼ်မီးၵႃႈတီႈႁိမ်းၼမ်ႉႁွင်ႊလူင်ဢူႉၽရတ်ႉၼၼ်ႉဢေႃႈ။
၄ တႃႇဝိတ်ႉတီႉၵမ်ဢဝ်လေႃႉရထႃးႁဵင်ၼိုင်ႈ၊ႁူဝ်ႁၢၼ်ၵူၼ်းသိုၵ်းၶီႇမႃႉၸဵတ်းပၢၵ်ႇ၊ႁူဝ်ႁၢၼ်ၵူၼ်းသိုၵ်းပႆတိၼ်သွင်မိုၼ်ႇဢေႃႈ။မၼ်းသိမ်းဢဝ်မႃႉလရထေႃးပၢၵ်ႇၼိုင်ႈၵူၺ်းဝႆႉသေယဝ်ႉ၊ၽၼ်းဢဵၼ်ၼွင်ႇမႃႉလေႃႉရထႃးၵႃႈမီးၸိူဝ်းၼၼ်ႉပႅတ်ႈဢေႃႈ။
၅ မိူဝ်ႈဢၼ်ၵူၼ်းသုရိဢၼ်ယူႇၵႃႈတီႈဝဵင်းထမ်ႇမသိတ်ႉၸိူဝ်းၼၼ်ႉမႃးႁႂ်ႈလႆႈၸွႆႈသိုၵ်းထႅမ်သိုၵ်းတီႈႁႃႇတတေႇၸႃႇၶုၼ်လူင်ၸေႃႇၽႃႉၼၼ်ႉၸိုင်တႃႇဝိတ်ႉတိုၵ်းတေႃးယႃႉပႅတ်ႈၵူၼ်းသုရိသွင်မိုၼ်ပၢႆသွင်ႁဵင်သေယဝ်ႉ၊
၆ တႃႇဝိတ်ႉဝႆႉတပ်ႉပႂ်ႉဝဵင်းၵႃႈၼႂ်းဝဵင်းထမ်ႇမသိတ်ႉမိူင်းသုရိၼၼ်ႉသေလႄႈၵူၼ်းသုရိၸိူဝ်းၼၼ်ႉလႆႈၶၢမ်ႇႁဵတ်းၶႃႈတီႈတႃႇဝိတ်ႉလႄႈသၢၵ်ႈၶွၼ်ႇတီႈမၼ်းဢေႃႈ။ၵႃႈပဵၼ်တီႈဢၼ်တႃႇဝိတ်ႉၵႂႃႇၼၼ်ႉထႃႇဝရႃႉၽြႃးၸွႆႈထႅမ်မႃႉၸႃႉယူႇဢေႃႈ။
၇ တႃႇဝိတ်ႉသိမ်းဢဝ်ၶိူင်ႈႁႄႉလၢၵ်ႈၼၢၵ်ႈဢၼ်ၶႃႈၵူၼ်းႁႃႇတတေႇၸႃႇတင်းလၢႆယိပ်းၵမ်ၸိူဝ်းၼၼ်ႉလႄႈဢဝ်ၵႂႃႇၵႃႈတီႈဝဵင်းယေႇရုသလႅမ်ႇဢေႃႈ။
၈ တႃႇဝိတ်ႉသိမ်းဢဝ်တွင်းလိူင်ၼမ်ၼႃႇလူင်လၢင်သေၵႃႈတီႈဝဵင်းၽေးတတင်းဝဵင်းပေႇရေႃႇသေႇဢၼ်ႁႃႇတတေႇၸႃႇဢုပ်ႉပိူင်ႇၼၼ်ႉဢေႃႈ။
၉ တေႃႇဢိၶုၼ်လူင်ႁႃႇမတ်ႉငိၼ်းလွင်ႈဢၼ်တႃႇဝိတ်ႉတိူၵ်းတေႃးယႃႉပႅတ်ႈမူႇၽုင်မုၵ်ႉၸိူဝ်းႁႃႇတတေႇၸႃႇၵႃႈမီးၼၼ်ႉၸိုင်တေႃႇဢိပွႆႇၸႂ်ႉလုၵ်ႈၸၢႆးမၼ်းယေႃႇရၼ်ႇ၊ၵႂႃႇၵႃႈတီႈၶုၼ်လူင်တႃႇဝိတ်ႉႁႂ်ႈလႆႈတၵ်းလၢတ်ႈမၼ်းလႄႈယုၵ်ႉယွင်ႈမၼ်းၵွပ်ႈပိူဝ်ႈမၼ်းၵေႃႈပဵၼ်ၵေႃႉဢၼ်လႆႈတိုၵ်းတေႃးၵၼ်တင်းႁႃႇတတေႇၸႃႇၼၼ်ႉဢေႃႈ။
၁၀ ယေႃႇရၼ်ႇၼၼ်ႉပႃးဢဝ်တင်းၵွၵ်းငိုၼ်းၵွၵ်းၶမ်းၵွၵ်းတွင်းလိူင်သေလႄႈၵႂႃႇဢေႃႈ။
၁၁ ၶုၼ်လူင်တႃႇဝိတ်ႉဢဝ်ၸိူဝ်းၼၼ်ႉပုၵ်ႉၸေႃႇတီႈထႃႇဝရႃႉၽြႃးပႃးတင်းငိုၼ်းၶမ်းဢၼ်သိမ်းဢဝ်လႆႈမႃးၵႃႈတီႈမိူင်းဢၼ်မၼ်းပေႉၼႅင်ႇဢၼ်ဝႃႈမိူင်းသုရိမိူင်းမေႃႇၽ
၁၁ မိူင်းဢမ်ႇမုၼ်ႇမိူင်းၽိလိတ်ႉတိမိူင်းဢႃႇမလိၵ်ႉၸိူဝ်းၼၼ်ႉဢိၵ်ႇတင်းၵႃႈဢၼ်ႁိမ်ႁုင်ႈဢဝ်ၵႃႈၼႂ်းၽၢၼ်ႇတႃႇႁႃႇတတေႇၸႃႇလုၵ်ႈၸၢႆးၶုၼ်လူင်ၸေႃႇၽၼၼ်ႉလႄႈဢဝ်ပုၵ်ႉၸေႃႇၵႃႈတီႈထႃႇဝရႃႉၽြႃးၼၼ်ႉဢေႃႈ။
၁၃ မိူဝ်ႈဢၼ်တႃႇဝိတ်ႉတိုၵ်းတေႃးယႃႉပႅတ်ႈၵူၼ်းသုရိမိုၼ်ႇပၢႆပႅတ်ႇႁဵင်ၵႃႈၼႂ်းပၢင်ႇႁူၺ်ႈၵိူဝ်ယဝ်ႉၼၼ်ႉၸိုင်ၸိုဝ်သဵင်မၼ်းသႃႇၸွတ်ႇႁူင်ႁၢင်းၵႂႃႇဢေႃႈ။
၁၄ မၼ်းဝႆႉတပ်ႉပႂ်ႉဝဵင်းတင်းလၢႆၵႃႈတီႈမိူင်းဢေႇတုင်ႇလႄႈၵူၼ်းမိူင်းဢေႇတုင်ႇၵႃႈမီးၸိူဝ်းၼၼ်ႉလႆႈၶၢမ်ႇႁဵတ်းၶႃႈတီႈတႃႇဝိတ်ႉဢေႃႈ။ၵႃႈပဵၼ်တီႈဢၼ်တႃႇဝိတ်ႉၵႂႃႇၼၼ်ႉထႃႇဝရႃႉၽြႃးၸွႆႈထႅမ်မႃႉၸႃႉမၼ်းယူႇဢေႃႈ။
၁၅ ၼင်ႇၼၼ်လႄႈတႃႇဝိတ်ႉၼၼ်ႉဢုပ်ႉပိူင်ႇၸၢမ်ႇၸႃးလိၼ်မိူင်းဢိသရေႇလတင်းမိူင်းလႄႈၸီႇယၢင်ႇတႅပ်းတတ်းဢမူႉတြႃးသိုဝ်ႈသိုဝ်ႈတေႃႇတေႃႇတီႈၵူၼ်းမိူင်းၸဝ်ႈတင်းသဵင်ႈတင်းလူင်ဢေႃႈ။
၁၆ ယႂႃႉၽဢၼ်ပဵၼ်လုၵ်ႈၸၢႆးဢႁိလုတ်ႉၼၼ်ႉပဵၼ်ဢတႂၢင်းဝုၼ်ႇဢေႃႈ။ယေႃႇသၽတလုၵ်ႈၸၢႆးဢႁိတုပ်ႉဢိၵ်ႇတင်းဢႁိမလိၵ်ႉလုၵ်ႈၸၢႆးဢႃႇပျႃႇထႃႇၸိူဝ်းၼၼ်ႉပဵၼ်ယိတ်ႉပရေႃးႁိၵ်ႈဢေႃႈ။
၁၇ ၸရႃႇယၼၼ်ႉပဵၼ်ၸရေးလူင်ဢေႃႈ။
၁၈ ပေႇၼႃႇယလုၵ်ႈၸၢႆးယေႃႇယတၼၼ်ႉလႆႈဢုပ်ႉၵႃႈၼိူဝ်ၵူၼ်းၶေႇရသိတင်းလၢႆတင်းၵူၼ်းပေႇလသိတင်းလၢႆဢေႃႈ။လုၵ်ႈၸၢႆးၸဝ်ႈတႃႇဝိတ်ႉၸိူဝ်းၼၼ်ႉၵေႃႈဢွၼ်ၵၼ်ယူႇၵႃႈၼႂ်းဢရႃႇလုၵ်ႈၸဝ်ႈလုၵ်ႈၶုၼ်ဢေႃႈ။