Chapter
၂၃
ၶေႃႈၵႂၢမ်းတႃႇဝိတ်ႉတီႈလိုၼ်းသုတ်း
၁ ၵႂၢမ်းလိုၼ်းသုတ်းဢၼ်တႃႇဝိတ်ႉလုၵ်ႈၸၢႆးယေႇသေႇဢၼ်ပဵၼ်ၵေႃႉဢၼ်ၽုင်းယႂ်ႇလႄႈလႆႈၶၢမ်ႇၽိၵ်ႈသိၵ်ႈၽြႃးပဵၼ်ၸဝ်ႈမဵဝ်းယႃႇၵုပ်ႉပဵၼ်ၵေႃႉဢၼ်ႁဵတ်းၵႂၢမ်းသဵင်လီသဵင်ဝၢၼ်ၵႃႈၼႂ်းမဵဝ်းဢိသရေႇလၼၼ်ႉဢွၵ်ႇသူပ်းလႄးဝႃႈၸမ်း၊-
၂ ဝိၺိၺ်ႇထႃႇဝရႃႉၽြႃးဢဝ်ၵဝ်မီးဢမိင်ႉလႄႈၼုၵ်ႈၵပၢတ်ႈၸဝ်ႈမီးယူႇၵႃႈတီႈလိၼ်ႉၵဝ်ဢေႃႈ။
၃ ၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉလႄႈမၢၵ်ႇႁိၼ်မၢၵ်ႇၽႃမဵဝ်းဢိသရေႇလၼၼ်ႉဢွၵ်ႇသူပ်းလၢတ်ႈတီႈၵဝ်လႄႈဝႃႈၸမ်း၊-ၵေႃႉဢၼ်ၸွမ်းၼင်ႇတြႃးယူႇသေလႄႈဢုပ်ႉပိူင်ႇၵူၼ်းတင်းလၢႆ
၄ ၵေႃႉဢၼ်ၵူဝ်ႁႄၽြႃးပဵၼ်ၸဝ်ႈယူႇသေလႄႈဢုပ်ႉပိူင်ႇၼၼ်ႉ၊တၵ်းပဵၼ်မိူၼ်ၸိူဝ်ႉၼင်ႇဢၼ်လႅင်းၶိင်ႇၵၢင်ၼႂ်မိူဝ်ႈဢၼ်ၵၢင်ဝၼ်းဢွၵ်ႇဢၼ်ဝႃႈၶိင်ႇၵၢင်ၼႂ်ဢၼ်ၽူၼ်ဢမ်ႇၵုမ်ႈၾႃႉဢမ်ႇမိုတ်းၼၼ်ႉဢေႃႈ။တၵ်းပဵၼ်မိူၼ်ၸိူဝ်ႉၼင်ႇယိူဝ်ႈၼုမ်ႇၵဵင်ၼုမ်ႇဢၼ်ဢွၵ်ႇမႃးၵႃႈတီႈလိၼ်ၵွပ်ႈပိူဝ်ႈဢၼ်ၽူၼ်တူၵ်းသေယဝ်ႉၵၢင်ဝၼ်းႁိူဝ်ႈလႅင်းယူႇသၢင်ဝၢင်ၼၼ်ႉဢေႃႈ။
၅ မဵဝ်းၸိူဝ်ႉၶိူဝ်းၵဝ်ၼႆႉပဵၼ်ၸိူဝ်ႉၼင်ႇၼၼ်ယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဢမ်ႇၸႂ်ႈႁိုဝ်။မၼ်းၸဝ်ႈႁဵတ်းၼိၵ်ႉၸႃႉထႃႇဝရႃႉပတိၺိၼ်ႇဢၼ်ၸီႇယၢင်ႇပွင်ႁဵတ်းသေႇၶျႃႇလီငၢမ်းလႄႈဢမ်ႇလူႉလႆႈၼၼ်ႉလူၺ်ႈၵၼ်တင်းၵဝ်ယဝ်ႉ။ပတိၺိၼ်ႇၼၼ်ႉပိၵ်ႉသမ်ႉမၼ်းၸဝ်ႈဢမ်ႇပႆႇႁႂ်ႈတဵမ်ထူၼ်ႈၵမ်းလဵဝ်သေၵေႃႈပဵၼ်လွင်ႈဢၼ်ၵႄႇသႄႇၶျွတ်ႈဢဝ်ၵဝ်တင်းသဵင်ႈတင်းမူတ်းလွင်ႈဢၼ်ထုၵ်ႇၸႂ်ၵျိူၵ်ႈၸႂ်ၵဝ်တင်းသဵင်ႈတင်းမူတ်းဢေႃႈ။
၆ ၵူၼ်းဢႃႉထမ်ႇမႃႉၵႃႈမီးၸိူဝ်းၼၼ်ႉၸမ်းတၵ်းလႆႈဢွၼ်ၵၼ်ပဵၼ်မိူၼ်ၸိူဝ်ႉၼင်ႇတူၼ်ႈၼၢမ်ဢၼ်လႆႈပႄႇပႅတ်ႈၵွပ်ႈပိူဝ်ႈဢၼ်ဢမ်ႇၸၢင်ႈယိပ်းဢဝ်ၵမ်ဢဝ်ၼၼ်ႉဢေႃႈ။
၇ ၵေႃႉဢၼ်ယိပ်းဢၼ်ၵမ်ၼၢမ်ၼၼ်ႉတၵ်းလႆႈသုင်းသွင်ႇၶိူင်ႈလဵၵ်းဢိၵ်ႇတင်းၵၼ်းႁွၵ်ႇဢေႃႈ။တူၼ်ႈၼၢမ်ၸိူဝ်းၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တုတ်ႇၽႆးပႅတ်ႈမူတ်းမူတ်းသဵင်ႈသဵင်ႈၵႃႈၼႂ်းတီႈဢၼ်ၶဝ်ဢွၵ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
ၵူၼ်းႁတ်းႁၢၼ်တႃႇဝိတ်ႉ
၈ ၸိုဝ်သဵင်ပူဝ်ႇႁူဝ်ႁၢၼ်ၵူၼ်းသိုၵ်းလူင်ဢၼ်ၵိုတ်းႁၢပ်ႇဢမူႉတႃႇဝိတ်ႉၸိူဝ်းၼၼ်ႉၸမ်း၊ယႃႇသေႃႇၽမဵဝ်းႁၵ်ႉမေႃႇၼိၼၼ်ႉပဵၼ်ႁူဝ်သိုၵ်းဢေႃႈ။ၵေႃႉၼၼ်ႉပဵၼ်ဢတိၼုဝ်ႇၵူၼ်းမဵဝ်းဢေႇၸရိဢၼ်တိုၵ်းတေႃးယႃႉပႅတ်ႈၵူၼ်းပႅတ်ႇပၢၵ်ႇၼၼ်ႉဢေႃႈ။
၉ လိုၼ်းမၼ်းၼၼ်ႉဢေႇလႃႇၸႃႇလုၵ်ႈၸၢႆးတေႃႇတႃႇမဵဝ်းဢႁေႃႇႁိၼၼ်ႉၶဝ်ႈပႃးၼႂ်းပူဝ်ႇႁူဝ်ႁၢၼ်ၵူၼ်းသိုၵ်းလူင်သၢမ်ၵေႃႉဢၼ်ၸွမ်းလူၺ်ႈၵၼ်တင်းတႃႇဝိတ်ႉၼၼ်ႉဢေႃႈ။မိူဝ်ႈဢၼ်ၶဝ်ထၢမ်တႃႉထၢမ်ၶဵင်ႇၵူၼ်းၽိလိတ်ႉတိဢၼ်ၸူႉၵၼ်တုမ်ၵၼ်ႁႂ်ႈလႆႈတိုၵ်းသိုၵ်းၸိူဝ်းၼၼ်ႉလႄႈၵူၼ်းဢိသရေႇလတင်းလၢႆဢွၼ်ၵၼ်သုတ်ႉၶိုၼ်းယိုတ်းၶိုၼ်းၼၼ်ႉၸိုင်ၵေႃႉၼၼ်ႉလုၵ်ႉလႄႈ
၁၀ တိုၵ်းတေႃးယႃႉပႅတ်ႈၵူၼ်းၽိလိတ်ႉတိၸိူဝ်းၼၼ်ႉတေႃႇထိုင်ႁွတ်ႈထၢၼ်ႈပေႃးမိုဝ်းမၼ်းၵူၼ်ႉၼႃႇဢူၼ်ႈၼႃႇသေလႄႈဢမ်ႇပွႆႇဢမ်ႇၽႃႈလၢပ်ႇမၼ်းလႆႈသေယဝ်ႉ၊ထႃႇဝရႃႉၽြႃးႁဵတ်းတၢင်းဢၼ်ပေႉၼႅင်ႇဢၼ်ယႂ်ႇၼႃႇၼႂ်းဝၼ်းၼၼ်ႉလႄႈၵူၼ်းတင်းလၢႆၵွမ်ႉၵႃႈလႆႈၶိုၼ်းမႃးႁႂ်ႈလႆႈႁိမ်ႇႁူင်ႈဢဝ်ဢုၵ်ႉၸႃႇၶူဝ်းလဵင်းၵူၺ်းဢေႃႈ။လိုၼ်းမၼ်းၼၼ်ႉမီးလုၵ်ႈၸၢႆးဢႃႇၵိမဵဝ်းႁရရိဢေႃႈ။
၁၁ မိူဝ်ႈဢၼ်ၵူၼ်းၽိလိတ်ႉတိတင်းလၢႆၸူႉၵၼ်တုမ်ၵၼ်ပဵၼ်မုၵ်ႉပဵၼ်ၸိူဝ်းၵႃႈတီႈတူင်ႈၼႃးဢၼ်ၽုၵ်ႇထူဝ်ႇမဵဝ်းၼိုင်ႈလႄႈၵူၼ်းဢိသရေႇလတင်းလၢႆဢွၼ်ၵၼ်ဢွၵ်ႇပၢႆသေၵႃႈတီႈၵူၼ်းၽိလိတ်ႉတိၸိူဝ်းၼၼ်ႉၸိုင်
၁၁ ၵေႃႉၼၼ်ႉၸုၵ်းၵႃႈၼႂ်းတူင်ႈၼႃးလႄႈပႂ်ႉလူပႂ်ႉတူၺ်းႁႄႉၶႅၼ်ယူႇသေလႄႈတိုၵ်းတေႃးယႃႉပႅတ်ႈၵူၼ်းၽိလိတ်ႉတိၸိူဝ်းၼၼ်ႉလႄႈထႃႇဝရႃႉၽြႃးႁဵတ်းတၢင်းဢၼ်ပႄႉၼႅင်ႇဢၼ်ယႂ်ႇၼႃႇဢေႃႈ။
၁၃ ၵူၼ်းသၢမ်ၵေႃႉဢၼ်ၶဝ်ႈပႃးၼႂ်းပူဝ်ႇလူင်သၢမ်သိပ်းၼၼ်ႉဢွၼ်ၵၼ်လူင်းၸူးတီႈတႃႇဝိတ်ႉၵႃႈတီႈႁူးထမ်ႈဢတုလမ်ႇၼႂ်းၶိင်ႇဢၼ်ပၢတ်ႇၶဝ်ႈၼၼ်ႉလႄႈမုၵ်ႉၸိူဝ်းၵူၼ်းၽိလိတ်ႉတိၸိူဝ်းၼၼ်ႉၶျႃးတပ်ႉၶဝ်မီးယူႇၵႃႈတီႈပၢင်ႇႁူၺ်ႈရေႇၽိမ်ႇဢေႃႈ။
၁၄ မိူဝ်ႈၼၼ်ႉတႃႇဝိတ်ႉယူႇၵႃႈၼႂ်းတိူၵ်ႈတီႈတိုၵ်းသိုၵ်းလႄႈတပ်ႉၵူၼ်းၽိလိတ်ႉတိၸိူဝ်းၼၼ်ႉမီးယူႇၵႃႈတီႈဝဵင်းပႅတ်ႉလိႁႅမ်ႇဢေႃႈ။တႃႇဝိတ်ႉၵေႃႈမီးတင်းၸႂ်ဢၼ်တုၵ်းဢၢင်ႈၶႂ်ႈၵိၼ်ၼမ်ႉလႄႈဝႃႈ၊-
၁၅ ပေႃးမီးသေၵေႃႉသေၵူၼ်းတဵၵ်းဢဝ်ၼမ်ႉၵႃႈၼႂ်းၼမ်ႉမေႃႇဢၼ်မီးၵႃႈႁိမ်းၽၵ်းတူဝဵင်းပႅတ်ႉလိႁႅမ်ႇၼၼ်ႉသေလႄႈပၼ်ၵဝ်ၵိၼ်သေၵမ်း၊မိူဝ်ႈဢၼ်ဝႃႈၼင်ႇၼႆၸိုင်၊
၁၆ ပူဝ်ႇႁူဝ်ႁၢၼ်ၵူၼ်းသိုၵ်းသၢမ်ၵေႃႉၼၼ်ႉလေႃႈၽၢင်ႈလေႃႈၽႃႇတပ်ႉၽိလိတ်ႉတိၵႂႃႇသေလႄႈတဵၵ်းဢဝ်ၼမ်ႉၵႃႈၼႂ်းၼမ်ႉမေႃႇဢၼ်မီးၵႃႈႁိမ်းၽၵ်းတူဝဵင်းပႅတ်ႉလိႁႅမ်ႇၼၼ်ႉသေယဝ်ႉဢဝ်မႃးၸူးၵႃႈတီႈတႃႇဝိတ်ႉဢေႃႈ။ၵူၺ်းၵႃႈမၼ်းယင်းဢမ်ႇၶႂ်ႈၵိၼ်လႄႈဢဝ်ထွၵ်ႇႁိုဝ်ႈၵႃႈတီႈၽၢႆႇၼႃႈထႃႇဝရႃႉၽြႃးယူႇသေလႄႈလဝ်ႈလၢတ်ႈလႄႈဝႃႈ၊-
၁၇ ထႃႇဝရႃႉၽြႃးတီႈၶႃႈ။ႁႂ်ႈဢမူႉဢၼ်ၶႃႈၸဝ်ႈၵိၼ်ၼမ်ႉၼႆႉၵႆၵၼ်တင်းၶႃႈၸဝ်ႈသေၵမ်းလူၺ်ႈ။ၼမ်ႉၼႆႉပဵၼ်လိူတ်ႈၶဝ်ၸိူဝ်းဢၼ်ယင်းဢမ်ႇသလေၢႆဢသၢၵ်ႈတူဝ်ၸဝ်ႈၵဝ်ႇလႄႈၵႂႃႇတဵၵ်းမႃးၼၼ်ႉဢမ်ႇၸႂ်ႈတီႈၶႃႈႁိုဝ်၊ဝႃႈၼင်ႇၼႆလႄႈယင်းဢမ်ႇၵိၼ်လႄႈယူႇဢေႃႈ။ၼႆႉပဵၼ်တၢင်းၵျၢမ်ႇတၢင်းပွင်ပူဝ်ႇႁူဝ်ႁၢၼ်ၵူၼ်းသိုၵ်းသၢမ်ၵေႃႉၼၼ်ႉဢေႃႈ။
၁၈ ဢၽိသေႇၼွင်ႉၸၢႆးယႂႃႇၽလုၵ်ႈၸၢႆးၸေႇရုယႃႇၼၼ်ႉၵေႃႈပဵၼ်ၵႄႇပဵၼ်ႁူဝ်ၼႂ်းပူဝ်ႇႁူဝ်ႁၢၼ်ၵူၼ်းသိုၵ်းသၢမ်ၵေႃႉၼၼ်ႉဢေႃႈ။မၼ်းၼၼ်ႉယိပ်းၵမ်ဢဝ်ႁွၵ်ႇသေလႄႈတိုၵ်းတေႃးယႃႉပႅတ်ႈၵူၼ်းသၢမ်ပၢၵ်ႇလႄႈလႆႈၸိုဝ်လႆႈသဵင်ၵႃႈၼႂ်းသၢမ်ၵေႃႉၼၼ်ႉဢေႃႈ။
၁၉ မၼ်းပဵၼ်ၵေႃႉဢၼ်မီးမုၼ်သရေႇၼႃႇသေပိူၼ်ႈၵႃႈၼႂ်းသၢမ်ၵေႃႉၼၼ်ႉဢမ်ႇၸႂ်ႈႁိုဝ်။ၵွပ်ႈပိူဝ်ႈၼင်ႇၼၼ်လႄႈမၼ်းလႆႈဢရႃႇႁူဝ်သိုၵ်းလူင်ဢေႃႈ။ၵူၺ်းၵႃႈမၼ်းဢမ်ႇၶိုတ်းဢမ်ႇပဵင်းပူဝ်ႇႁူဝ်ႁၢၼ်ပထမသၢမ်ၵေႃႉၼၼ်ႉ။
၂၀ ပေႇၼႃႇယလုၵ်ႈၸၢႆးပူဝ်ႇႁူဝ်ႁၢၼ်ၵူၼ်းသိုၵ်းယေႃႇယတၵူၼ်းဝဵင်းၵပ်ႉၸေႇလဢၼ်ယၢမ်ႈႁဵတ်းလွင်ႈတၢင်းဢၼ်ယႂ်ႇၼႃႇလူင်လၢင်ၸိူဝ်းၼၼ်ႉၼၼ်ႉၵေႃႈဢဝ်လုၵ်းၸၢႆးဢႃႇရေႇလၵူၼ်းမေႃႇၽသွင်ၵေႃႉတၢႆဢေႃႈ။လိူဝ်သေၼၼ်ႉၼႂ်းၶိင်ႇမိူဝ်ႈဢၼ်မီးမူၺ်ႁႃႇၼၼ်ႉၵေႃႈမၼ်းၼၼ်ႉလူင်းၵႂႃႇလႄႈဢဝ်သၢင်ႇသီႈၵႃႈၼႂ်းႁူးလိၼ်ၶုမ်လိၼ်တၢႆဢေႃႈ။
၂၁ ၵူၼ်းဢေႇၵႅပ်ႉတုဢၼ်ယႂ်ႇၶိုၵ်ႉၼႃႇၼၼ်ႉၵေႃႈမၼ်းဢဝ်တၢႆဢေႃႈ။ၵူၼ်းဢေႇၵႅပ်ႉတုၼၼ်ႉယိပ်းၵမ်ႁွၵ်ႇယူႇသေၵေႃႈမၼ်းယိပ်းၵမ်ၶွၼ်ႉတဝ်ႈသေလႄႈလူင်းၵႂႃႇႁိမ်ဢဝ်ႁွၵ်ႇၼၼ်ႉၵႃႈတီႈမိုဝ်းၵူၼ်းဢေႇၵႅပ်ႉတုၼၼ်ႉသေယဝ်ႉဢဝ်ႁွၵ်ႇမၼ်းၼၼ်ႉၶိုၼ်းဢဝ်မၼ်းတၢႆဢေႃႈ။
၂၂ ပေႇၼႃႇယတၼၼ်ႉႁဵတ်းလွင်ႈတၢင်းၸိူဝ်းၼၼ်ႉလႄႈလႆႈၸိုဝ်လႆႈသဵင်ၵႃႈၼႂ်းပူဝ်ႇႁူဝ်ႁၢၼ်သၢမ်ၵေႃႉၼၼ်ႉဢေႃႈ။
၂၃ ပိၵ်ႉသမ်ႉမၼ်းယိင်ႈၶႅၼ်းမီးမုၼ်သရေႇၼႃႇသပေူဝ်ႇသၢမ်သိပ်းၼၼ်ႉသေၵေႃႈမၼ်းဢမ်ႇၶိုတ်းဢမ်ႇပဵင်းပူဝ်ႇႁူဝ်ႁၢၼ်ပထမသၢမ်ၵေႃႉၼၼ်ႉ။ဢရႃႇဢၼ်ဢုပ်ႉၼိူဝ်ဢတႂၢင်းဝုၼ်ႇတင်းလၢႆၵေႃႈတႃႇဝိတ်ႉပၼ်တီႈမၼ်းဢေႃႈ
၂၄ ၶဝ်ၸိူဝ်းဢၼ်ၶဝ်ႈပႃးၼႂ်းသၢမ်ႇသိပ်းၼၼ်ႉၸမ်း၊-ဢႃႇသႁေႇလၼွင်ႉၸၢႆးယႂႃႇၽဢေႇလႁႃႇၼၼ်ႇ၊လုၵ်ႈၸၢႆးတေႃႇတႃႇဢၼ်ယူႇၵႃႈတီႈဝဵင်းပႅတ်ႉလိႁႅမ်ႇ၊
၂၅ သမ်ႇမမဵဝ်းႁရေႃႇတိ၊ဢေႇလိၵမဵဝ်:ရႁေႃႇတိ၊ႁေႇလိတ်ႉမဵဝ်းၽႃႇလတိ၊
၂၆ ဢိရလုၵ်ႈၸၢႆးဢိၵေႇသမဵဝ်းတေႇၵေႃႇ၊ဢပျေႇၸႃႇမဵဝ်းဢၼေႇသေႃႇထိ၊
၂၇ မေႇပုၼ်ႇၼိမဵဝ်းႁႃႇသသိ၊ၸႃႇလမုၼ်ႇမဵဝ်းဢႁေႃႇႁိ၊
၂၈ မႁႃႇရေႇမဵဝ်းၼေႇတေႃႇၽႃႇသိ၊ႁေႇလိပ်ႉလုၵ်ႈၸၢႆးပႃႇၼႃႇမဵဝ်းၼေႇတေႃႇၽႃႇသိ၊
၂၉ ဢိတ်ႉတေႇလုၵ်ႈၸၢႆးရိၽေႇဢၼ်ယူႇဝဵင်းၵိပႃႇမဵဝ်းပိၼ်ႇယႃႇမိၼ်ႇ၊
၃၀ ပေႇၼႃႇၽမဵဝ်းပိရထေႃႇၼိ၊ႁိတ်ႉတေႇၵူၼ်းၵႃႈတီႈၼမ်ႉႁူၺ်ႈၼမ်ႉႁွင်ႈၵႃႇဢတ်ႉ၊
၃၁ ဢပျႃႇလပုၼ်ႇမဵဝ်းဢပသိ၊ဢႃႇၸမႃႇဝိတ်ႉမဵဝ်းပႃႇႁုမိ၊ဢေႇလျႃႇၽမဵဝ်းသႃႇလပေႃႇၼိ၊
၃၂ ယေႃးၼသၼ်ႇဢၼ်ၶဝ်ႈပႃးၵႃႈၼႂ်းမဵဝ်းၸိူဝ်ႉၶိူဝ်းယႃႇသိၼ်ႇၼၼ်ႉ
၃၃ သမ်ႇမမဵဝ်းႁႃႇရရိ၊ဢႁိဢမ်ႇလုၵ်ႈၸၢႆးသႃႇရမဵဝ်းဢႃႇရရိ၊ဢေႇလိၽလိတ်ႉလုၵ်ႈ
၃၄ ၸၢႆးဢႁႃႉသၽေႇမဵဝ်းမႃႇၶႃႇသိ၊ဢေႇလျၢမ်ႇလုၵ်ႈၸၢႆးဢႁိသေႃႇၽေႇလမဵဝ်းၵိလေႃႇၼိ၊
၃၅ ႁေႇၸရေႃႇမဵဝ်းၵရၽေႇလ၊ၽႃႇရေႇမဵဝ်းဢႃႇၽိ၊ဢိၵႃႇလလုၵ်ႈၸၢႆးၼႃႇသၼ်ႇမဵဝ်းၸေႃႇၽ၊
၃၆ ပႃႇၼိမဵဝ်းၵတ်ႉ၊ၸေႇလိၵ်ႉမဵဝ်းဢမ်ႇမုၼ်ႇ၊ၼႁႃႇရေႇမဵဝ်းပေႇရေႃႇသိဢၼ်ပဵၼ်ၵူၼ်းဢွၼ်ႇ
၃၇ ဢၼ်ပႃးလၢၵ်ႈၼၢၵ်ႈယႂႃႇၽလုၵ်ႈၸၢႆးၸေႇရုယႃႇၼၼ်ႉ၊ဢိရမဵဝ်းဢိသရိ၊ၵႃႇရိပ်ႉ
၃၈ မဵဝ်းဢိသရိ၊ဢုရိမဵဝ်းႁိတ်ႉတိၼပ်ႉဢၢၼ်ႇပွင်းၵၼ်မီးသၢမ်သိပ်းပၢႆၸဵတ်းၵေႃႉဢေႃႈ။