Chapter
၂၄
တႃႇဝိတ်ႉၼပ်ႉဢၢၼ်ႇၵူၼ်းသိုၵ်း
၁ လိုၼ်းၼၼ်ႉထႃႇဝရႃႉၽြႃးၸႂ်မႆႈၶႆႈၸႃႉတီႈမဵဝ်းဢိသရေႇလလႄႈတိုၵ်းယူင်းတႃႇဝိတ်ႉႁႂ်ႈလႆႈႁဵတ်းရၢၼ်ႇသူႇၽၢႆႇၼိုင်ႈတင်းၶဝ်သေလႄႈဝႃႈ၊-ၵႂႃႇလႄႈၼပ်ႉဢၢၼ်ႇမဵဝ်းဢိသရေႇလဢိၵ်ႇတင်းမဵဝ်းယုတတင်းလၢႆတႃႉ၊ဝႃႈၼင်ႇၼႆဢေႃႈ။
၂ ၶုၼ်ႁေႃၶမ်းၵေႃႈမီးဢမိင်ႉတီႈၶုၼ်ႁူဝ်သိုၵ်းမၼ်းယႂႃႇၽဢၼ်မီးယူႇတီႈမၼ်းၼၼ်ႉလႄႈဝႃႈ၊-မႂ်းလႄႇလဵပ်ႈၵႂႃႇၼႂ်းမဵဝ်းဢိသရေႇလၵႃႈမီးဢဝ်ၸႃႉၸဵမ်ဝဵင်းတၼ်ႇတေႃႇထိုင်ႈႁွတ်ႈဝဵင်းပေႇရသေႇၽၼၼ်ႉလႄႈၼပ်ႉဢၢၼ်ႇၵူၼ်းတင်းလၢႆႁႂ်ႈၵဝ်လႆႈႁူႉလွင်ႈဢၼ်ၵူၼ်းတင်းလၢႆမီးၼမ်ၵႃႈႁိုဝ်ၼၼ်ႉတႃႉ၊ဝႃႈၼင်ႇၼႆဢေႃႈ။
၃ ယႂႃႇၽၵေႃႈလဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊-ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈထၢပ်ႈထႅင်ႈလႄႈႁႂ်ႈၵူၼ်းသိုၵ်းယႂ်ႇၽႄႈၼမ်ၵိုၼ်းမႃးပၢၵ်ႇပုၼ်ႊသေၵမ်းလူၺ်ႈ။ႁဵတ်းႁႂ်ႈမၢၵ်ႇတႃႇၸဝ်ႈႁဝ်းၶႃႈလႆႈတူၺ်းလႆႈႁၼ်သေၵမ်းလူၺ်ႈ။ၵူၺ်းၵႃႈၵွပ်ႈပိူဝ်ႈသင်လႄႈၸဝ်ႈၶုၼ်လူင်ႁဝ်းၶႃႈၶႂ်ႈႁဵတ်းလွင်ႈၼႆႉဝႃႈၼင်ႇၼႆဢေႃႈ။
၄ ၵူၺ်းၵႃႈဢမိင်ႉၶုၼ်ႁေႃၶမ်းပေႉၼႅင်ႇၵႂၢမ်းယႂႃႇၽဢိၵ်ႇတင်းၵႂၢမ်းပူဝ်ႇႁူဝ်ႁၢၼ်တင်းလၢႆလႄႈယႂႃႇၽဢိၵ်ႇတင်းပူဝ်ႇႁူဝ်ႁၢၼ်ၸိူဝ်းၼၼ်ႉဢွၼ်ၵၼ်ဢွၵ်ႇသေၵႃႈတီႈၶုၼ်ႁေႃၶမ်းၵႂႃႇႁႂ်ႈလႆႈၼပ်ႉဢၢၼ်ႇၵူၼ်းမဵဝ်းဢိသရေႇလတင်းလၢႆဢေႃႈ။
၅ ၶဝ်ၼၼ်ႉဢွၼ်ၵၼ်ၶၢမ်ႈၼမ်ႉႁွင်ႈယေႃႇတၼ်ႇလႄႈၶျႃးတပ်ႉၵႃႈတီႈဝဵင်းဢႃႇရေႃႇၵႃႈတီႈၽၢႆႇၶႂႃဝဵင်းဢၼ်မီးၵႃႈၼႂ်းပၢင်ႇႁူၺ်ႈၵတ်ႉၼၼ်ႉဢိၵ်ႇတင်းၵႃႈတီႈႁိမ်းဝဵင်းယႃႇၸႃႇၼၼ်ႉဢေႃႈ။
၆ သမ်ႉဢွၼ်ၵၼ်ၵႂႃႇၵႃႈတီႈမိူင်းၵိလတ်ႉဢိၵ်ႇတင်းမိူင်းထၵ်ႉတိမ်ႇႁွတ်ႇသိလႄႈႁွတ်ႈထိုင်ၵႃႈတီႈမိူင်းတၼ်ႇယၼ်ႇသေယဝ်ႉငႅၵ်းၵႂႃႇၸူးၵႃႈတီႈမိူင်းၸိတုင်ႇလႄႈ၊ႁွတ်ႈထိုင်ၵႃႈတီႈ
၇ တိူၵ်ႈတီႈတိုၵ်းသိုၵ်းတုရုဢိၵ်ႇတင်းၵႃႈတီႈဝဵင်းႁိဝိတင်းဝဵင်းၶႃႇၼၼိၵႃႈမီးလႄႈၵွႆသုတ်းၵႃႈတီႈဝဵင်းပေႇရသေႇၽပွတ်းတၢင်းၸၢၼ်းမိူင်းယုတၼၼ်ႉဢေႃႈ။
၈ ၼင်ႇၼၼ်လႄႈၶဝ်လႄႇလဵပ်ႈၵႂႃႇၵႃႈၼႂ်းမိူင်းတင်းမိူင်းလႄႈပူၼ်ႉသေၵဝ်ႈလိူၼ်ပၢႆသၢဝ်းဝၼ်းသေယဝ်ႉ၊ၶိုၼ်းႁွတ်ႈထိုင်ၵႃႈတီႈဝဵင်းယေႇရုသလႅမ်ႇဢေႃႈ။
၉ ယႂႃႇၽၵေႃႈဢဝ်ၸရၢင်းၵူၼ်းတင်းလၢႆပွင်းၵၼ်ယဝ်ႉၼၼ်ႉသၢၵ်ႈတီႈၶုၼ်ႁေႃၶမ်းဢေႃႈ။ၵႃႈတီႈမဵဝ်းဢိသရေႇလမီးႁူဝ်ႁၢၼ်ၵူၼ်းသိုၵ်းဢၼ်ယိပ်းၵမ်လၢပ်ႇပႅတ်ႇသႅၼ်၊ၵႃႈတီႈမဵဝ်းယုတမီးႁႃႈသႅၼ်ဢေႃႈ။
၁၀ တႃႇဝိတ်ႉၼၼ်ႉဝႆးသေၼပ်ႉဢၢၼ်ႇၵူၼ်းတင်းလၢႆယဝ်ႉၼၼ်ႉမီးၸႂ်ဢၼ်ႁူႉတူဝ်ၸဝ်ႈၵဝ်ႇႁဵတ်းၽိတ်းမႅၼ်ႈယဝ်ႉလႄႈမၼ်းတွင်းပၢၼ်လဝ်ႈလၢတ်ႈတီႈထႃႇဝရႃႉၽြႃးလႄႈဝႃႈ၊-ၶႃႈၸဝ်ႈၽိတ်းပိူင်ႈၼႃႇလူင်လၢင်ၼႂ်းလွင်ႈတၢင်းဢၼ်ၶႃႈၸဝ်ႈႁဵတ်းမႅၼ်ႈၼၼ်ႉတီႈၶႃႈယဝ်ႉ။တေႃႇမိူဝ်ႈလဵဝ်ၼႆႉထႃႇဝရႃႉၽြႃးတီႈၶႃႈ။ၶႅၼ်းတေႃႈပွႆႇလွတ်ႈဢပျႅတ်ႈၶႃႈၸဝ်ႈသေၵမ်းတီႈၶႃႈ။ၶႃႈၸဝ်ႈလႆႈႁဵတ်းမႅၼ်ႈလွင်ႈဢၼ်မိူၵ်ႈၼႃႇလူင်လၢင်ၼၼ်ႉတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၁ မိူဝ်ႈဢၼ်တႃႇဝိတ်ႉလုၵ်ႉၶိင်ႇၵၢင်ၼႂ်ၼၼ်ႉၸိုင်ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးတီႈပရေႃးၽႅတ်ႈၵတ်ႉဢၼ်ပဵၼ်ၵူၼ်းဢၼ်ႁူပွင်ႇတႃလႅင်းတီႈတႃႇဝိတ်ႉၼၼ်ႉလႄႈဝႃႈ၊-
၁၁ မႂ်းၵႂႃႇမွၵ်ႇလၢတ်ႈတီႈတႃႇဝိတ်ႉလႄႈဝႃႈ၊-ထႃႇဝရႃႉၽြႃးမီးဢမိင်ႉၸမ်းၵဝ်ၼႄပျႃးလွင်ႈတၢင်းသၢမ်ပိူင်တီႈမႂ်းဢေႃႈ။မႂ်းတၵ်းလႆႈလိူၵ်ႈၵဵပ်းဢဝ်သေပိူင်ပိူင်ပုၼ်ႈဢၼ်ၵဝ်တၵ်းႁဵတ်းတီႈမႂ်းၼၼ်ႉဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆလႄႈ
၁၃ ၵတ်ႉၵေႃႈၵႂႃႇၵႃႈတီႈတႃႇဝိတ်ႉသေလႄႈလဝ်ႈလၢတ်ႈလႄႈဝႃႈ၊-တၵ်းလႆႈႁဵတ်းႁႂ်ႈၶဝ်ႈၵႃႈမၢၵ်ႇပႅင်းၵႃႈတီႈမိူင်းၸဝ်ႈႁဝ်းသၢမ်ပီႊတဵမ်တဵမ်ႁိုဝ်။ဢမ်ႇၼၼ်ၵေႃႈတၵ်းလႆႈႁဵတ်းႁႂ်ႈၸဝ်ႈႁဝ်းဢွၵ်ႇပၢႆရၢၼ်ႇသူႇၸဝ်ႈႁဝ်းယူႇသၢမ်လိူၼ်တဵမ်တဵမ်လႄႈၶဝ်လႆႈလိုပ်ႈၸွမ်းလမ်းၸွမ်းၸဝ်ႈႁဝ်းယူႇတီႈၶႃႈႁိုဝ်။ဢမ်ႇၼၼ်ၵေႃႈတၵ်းလႆႈႁႂ်ႈၵႃႇလႃႉႁႃလႅင်မိူင်းႁွတ်ႈထိုင်ၵႃႈတီႈမိူင်းၸဝ်ႈႁဝ်းသၢမ်ဝၼ်းတဵမ်တဵမ်တီႈၶႃႈႁိုဝ်။တေႃႈလဵဝ်ၼႆႉၶႅၼ်းတေႃႈၶႆႈၸႂ်ဝူၼ်ႉၸႂ်လူၺ်ႈလွင်ႈဢၼ်ၶႃႈၸဝ်ႈတၵ်းလႆႈၶိုၼ်းလဝ်ႈလၢတ်ႈတီႈၵေႃႉဢၼ်ပွႆႇၸႂ်ႉၶႃႈၸဝ်ႈမႃးၼၼ်ႉၸိူဝ်ႉၼင်ႇႁိုဝ်ၼၼ်ႉသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၁၄ တႃႇဝိတ်ႉၵေႃႈၶိုၼ်းလၢတ်ႈတီႈၵတ်ႉလႄႈဝႃႈ၊-ၵဝ်ၼႆႉႁွတ်ႈထိုင်ၵႃႈၼႂ်းတၢင်းဢၼ်ၵိတ်ႇဢၼ်ၵႅပ်ႈၼႃႇလူင်လၢင်ယဝ်ႉလူင်ပေႇ။ႁႂ်ႈႁဝ်းႁွတ်ႈထိုင်ၵႃႈၼႂ်းမိုဝ်းထႃႇဝရႃႉၽြႃးသေၵမ်းလူၺ်ႈ။ၵရူႉၼႃႇမၼ်းၸဝ်ႈယႂ်ႇၼႃႇဢေႃႈ။ယႃႇပေႁႂ်ႈၵဝ်ႁွတ်ႈထိုင်ၵႃႈၼႂ်းမိုဝ်းၵူၼ်းသေၵမ်း၊ဝႃႈၼင်ႇၼႆဢေႃႈ။
၁၅ ထႃႇဝရႃႉၽြႃးပွႆႇၵႃႇလႃႉႁႃလႅင်မိူင်းႁွတ်ႈထိုင်ၵႃႈတီႈမဵဝ်းဢိသရေႇလတႄႇၸႃႉၶိင်ႇၵၢင်ၼႂ်တေႃႇထိုင်ႁွတ်ႈၶိင်ႇဢၼ်မၵ်းၶၢၼ်းဝႆႉၼၼ်ႉဢေႃႈ။ဢဝ်တေႇၸႃႉၵႃႈတီႈဝဵင်းတၼ်ႇၵႂႃႇတေႃႇထိုင်ႁွတ်ႈဝဵင်းပေႇရသေႇၽၼၼ်ႉၵူၼ်းတၢႆၸဵတ်းမိုၼ်ႇဢေႃႈ။
၁၆ မိူဝ်ႈဢၼ်တမၢၼ်ႇၵၢင်ႁၢဝ်ယဵတ်ႇမိုဝ်းၸူးဝဵင်းယေႇရုသလႅမ်ႇႁႂ်ႈလႆႈယႃႉပႅတ်ႈဝဵင်းၼၼ်ႉၸိုင်ထႃႇဝရႃႉၽြႃးမႆႈၸႂ်လူၺ်ႈၽေးလူင်ၼၼ်ႉလႄႈမီးဢမိင်ႉတီႈတမၢၼ်ႇၵၢင်ႁၢဝ်ဢၼ်ယႃႉပႅတ်ႈၵူၼ်းတင်းလၢႆၼၼ်ႉလႄႈဝႃႈ၊-ပေႃးယဝ်ႉ။ယိုတ်းဢဝ်မိုဝ်းမႂ်းၶိုၼ်းသတေႃႉ၊ဝႃႈၼင်ႇၼႆဢေႃႈ။
၁၇ မိူဝ်ႈၼၼ်ႉတမၢၼ်ႇၵၢင်ႁၢဝ်ထႃႇဝရႃႉၽြႃးၼၼ်ႉမီးယူႇၵႃႈတီႈႁိမ်းတလၢင်းယဵပ်ႇၶဝ်ႈဢရေႃႇၼၵူၼ်းယေႇပုသိၼၼ်ႉဢေႃႈ။တႃႇဝိတ်ႉႁၼ်တမၢၼ်ႇၵၢင်ႁၢဝ်ဢၼ်ပၼ်တၢမ်ႇတီႈၵူၼ်းတင်းလၢႆၼၼ်ႉသေယဝ်ႉတွင်းပၢၼ်ႇတီႈထႃႇဝရႃႉၽြႃးလႄႈဝႃႈ၊-ၶႃႈၸဝ်ႈၽိတ်းပိူင်ႈတီႈၶႃႈယဝ်ႉ။ၶႃႈၸဝ်ႈႁဵတ်းႁၢႆႉႁဵတ်းမိူၵ်ႈတီႈၶႃႈယဝ်ႉ။ၶဝ်ပဵၼ်ၽုင်သူဝ်းဢေႃႈ။ၶဝ်ႁဵတ်းမႅၼ်ႈၵႃႈသင်တီႈၶႃႈ။ႁႂ်ႈမိုဝ်းၸဝ်ႈႁဝ်းႁွတ်ႈထိုင်ၵႃႈၼိူဝ်ၶႃႈၸဝ်ႈဢိၵ်ႇတင်းပီႈၼွင်ႉၸိူဝ်းၶိူဝ်းၶႃႈၸဝ်ႈသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၁၈ ၼႂ်းဝၼ်းၼၼ်ႉၵမ်းလဵဝ်ၵတ်ႉၼၼ်ႉမႃးတီႈတႃႇဝိတ်ႉလႄႈဝႃႈ၊-ၸဝ်ႈႁဝ်းၶိုၼ်းၵႂႃႇလႄႈတႄႇႁဵတ်းယိတ်ႉပလၢင်ႇပုၼ်ႈထႃႇဝရႃႉၽြႃးၵႃႈတီႈတလၢင်းယဵပ်ႇၶဝ်ႈဢရေႃႇၼၵူၼ်းယေႇပုသိၼၼ်ႉသေၵမ်း၊
၁၉ ဝႃႈၼင်ႇၼႆလႄႈ၊ၵႃႈၼင်ႇဢၼ်ၵတ်ႉသင်ႇလၢတ်ႈၼၼ်တႃႇဝိတ်ႉၶိုၼ်ႈၵႂႃႇၸွမ်းၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉဢေႃႈ။
၂၀ ၼင်ႇၼၼ်လႄႈဢရေႃႇၼတူၺ်းႁၼ်ၶုၼ်ႁေႃၶမ်းဢိၵ်ႇတင်းၶႃႈၵူၼ်းမၼ်းတင်းလၢႆမႃးၸူးၵႃႈတီႈမၼ်းၼၼ်ႉၸိုင်ဢွၵ်ႇၵႂႃႇၵႃႈတီႈၼွၵ်ႈလႄႈၶုပ်ႉမူပ်ႇဝၢင်းႁူဝ်ၵႃႈၼိူဝ်လိၼ်ၵႃႈတီႈၽၢႆႇၼႃႈၶုၼ်ႁေႃၶမ်းယူႇသေလႄႈဢရေႃႇၼလဝ်ႈလၢတ်ႈလႄႈဝႃႈ၊-
၂၁ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းၶႃႈၸဝ်ႈၶုၼ်လူင်မႃးၵႃႈတီႈဢၼ်ၶႃႈၸဝ်ႈမီးၼႆႉတီႈၶႃႈ၊ဝႃႈၼင်ႇၼႆလႄႈတႃႇဝိတ်ႉၵေႃႈလၢတ်ႈဝႃႈ၊-မႃးႁႂ်ႈလႆႈသိုဝ်ႉဢဝ်တလၢင်းယဵပ်ႇၶဝ်ႈမႂ်းသေလႄႈတႄႇႁဵတ်းယိတ်ႉပလၢင်ႇပုၼ်ႈထႃႇဝရႃႉၽြႃးႁႂ်ႈၽေးၵႃႇလႃႉႁႃႇလႅင်ႉမိူင်းလႆႈထၢတ်ႇယဵၼ်သေၵႃႈတီႈၵူၼ်းတင်းလၢႆဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်၊ဢရေႃႇၼၵေႃႈလဝ်ႈလၢတ်ႈတီႈတႃႇဝိတ်ႉလႄႈဝႃႈ၊-
၂၂ ၸဝ်ႈႁဝ်းၶႃႈၸဝ်ႈၶုၼ်လူင်တီႈၶႃႈ၊ၶႅၼ်းတေႃႈဢဝ်လႄႈပုၵ်ႉၸေႃႇၸွမ်းၵႃႈၼင်ႇဢၼ်ၸႂ်ၸဝ်ႈႁဝ်းမီးၼၼ်ႉသေၵမ်းတီႈၶႃႈ။တူၺ်းတီႈၶႃႈလူး။မီးဝူဝ်းပုၼ်ႈဢၼ်တၵ်းႁဵတ်းယိၸ်ႉဢၼ်တုတ်ႇၽႆးဢိၵ်ႇတင်းၶိူင်ႈဢၼ်ပေႃႉၶဝ်ႈၼူတ်ႈၶဝ်ႈတင်းၶိူင်ႈဢၼ်တၢင်ႇဝူဝ်းၸိူဝ်းၼၼ်ႉပုၼ်ႈဢၼ်တၵ်းႁဵတ်းၽုၼ်းၼၼ်ႉယူႇတီႈၶႃႈဢေႃႈ။
၂၃ ၵႃႈမီးတင်းသဵင်းတင်းလူင်ၼႆႉဢရေႃႇၼဢဝ်သၢၵ်ႈပၼ်တီႈၸဝ်ႈၶုၼ်လူင်တီႈၶႃႈဢေႃႈ၊ဝႃႈၼင်ႇၼႆလႄႈသမ်ႉလဝ်ႈလၢတ်ႈလႄႈဝႃႈ၊-ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈႁပ်ႉတုင်းဢဝ်ၸဝ်ႈႁဝ်းသေၵမ်းလူၺ်ႈ၊ဝႃႈၼင်ႇၼႆဢေႃႈ။
၂၄ ၶုၼ်ႁေႃၶမ်းၵေႃႈလၢတ်ႈတီႈဢရေႃႇၼလႄႈဝႃႈ၊-ဢမ်ႇၸႂ်ႈၵူၺ်း။ၵဝ်တၵ်းပၼ်ၵႃႈမၼ်းၶၼ်မၼ်းလႄႈသိုဝ်ႉဢဝ်ဢမၢၼ်ႇၶၢၼ်ပဵၼ်ဢေႃႈ။ငိုၼ်းၵဝ်ယင်းဢမ်ႇသဵင်ႈလႄႈၵဝ်မီးဢလူဝ်ႇၶႂ်ႈပုၵ်ႉၸေႃႇယိၸ်ႉဢၼ်တုတ်ႇၽႆးတီႈထႃႇဝရႃႉၽြႃးၽြႃးပဵၼ်ၸဝ်ႈၵဝ်ၵူၺ်း၊ဝႃႈၼင်ႇၼႆသေယဝ်ႉတႃႇဝိတ်ႉဢဝ်ငိုၼ်းႁႃႈသိပ်းၵျၢပ်ႈသၶေႇလပၼ်သေလႄႈသိုဝ်ႉဢဝ်တလၢင်းယဵပ်ႇၶဝ်ႈဢိၵ်ႇတင်းဝူဝ်းၸိူဝ်းၼၼ်ႉသေယဝ်ႉ၊
၂၅ တႄႇႁဵတ်းယိတ်ႉပလၢင်ႇပုၼ်ႈထႃႇဝရႃႉၽြႃးၵႃႈတီႈၼၼ်ႉလႄႈပုၵ်ႉၸေႃႇယိၸ်ႉဢၼ်တုတ်ႇၽႆးဢိၵ်ႇတင်းယိၸ်ႉမိၵ်ႈသႁႃႇယႃႉဢေႃႈ။ၼင်ႇၼၼ်လႄႈထႃႇဝရႃႉၽြႃးၵေႃႈထွမ်ႇဢဝ်ၵႂၢမ်းဢၼ်သူးတွင်းပုၼ်ႈမိူင်းၸဝ်ႈၼၼ်ႉလႄႈႁႂ်ႈၽေးၵႃႇလႃႉႁႃလႅင်မိူင်းၼၼ်ႉထၢတ်ႇယဵၼ်သေၵႃႈတီႈမဵဝ်းဢိသရေႇလသေဢေႃႈ။