၈
ဢဝ်ၶိုၼ်းလႅၼ်လိၼ်ၵူၼ်းသုရိ
၁ မီးၽဝ်ႇၼိုင်ႈဢေးလိသေးလၢတ်ႈတီႈမေႈယိင်းဢၼ်မၼ်းႁႂ်ႈလုၵ်ႈဢွၼ်ႇမၼ်းဢသၢၵ်ႈၶိုၼ်းလိပ်းမိူဝ်ႈဢွၼ်တၢင်းၼၼ်ႉလႄႈဝႃႈ၊-မႂ်းဢိၵ်ႇတင်းၵူၼ်းႁိူၼ်းၵူၼ်းယေးမႂ်းဢွၼ်ၵၼ်ၵႂႃႇသွၼ်ႈပိုင်ႈယူႇၵႃႈၼႂ်းတီႈဢၼ်မႂ်းသွၼ်ႈပိုင်ႈယူႇလႆႈၼၼ်ႉသတေီႈတီႈတႃႉ။လွင်ႈမၼ်းၸမ်းထႃႇဝရႃႉၽြႃးႁႂ်ႈၶိင်ႇၵႃႇလႃႉဢၼ်တၢင်းၵိၼ်တၢင်းၶူပ်းၵႃႈပႅင်းၼၼ်ႉႁွတ်ႈထိုင်မႃးယဝ်ႉ။တၵ်းႁွတ်ႈထိုင်ၵႃႈၼိူဝ်မိူင်းၼႆႉၸဵတ်းပီႊဢေႃႈ၊ဝႃႈၼင်ႇၼႆဢေႃႈ။
၂ မေႈယိင်းၼၼ်ႉၵေႃႈထွမ်ႇဢဝ်ႁဵတ်းၸွမ်းၵႂၢမ်းၵူၼ်းၽြႃးပဵၼ်ၸဝ်ႈၼၼ်ႉသေလႄႈပႃးဢဝ်ၵူၼ်းႁိူၼ်းၵူၼ်းယေးမၼ်းတင်းလၢႆၵႂႃႇသွၼ်ႈပိုင်ႈယူႇၵႃႈၼႂ်းမိူင်းၽိလိတ်ႉတိၸဵတ်းပီႊဢေႃႈ။
၃ မိူဝ်ႈဢၼ်ၸေးၸဵတ်းပီႊယဝ်ႉၼၼ်ႉၸိုင်မေႈယိင်းၼၼ်ႉလုၵ်ႉသေၵႃႈတီႈမိူင်းၽိလိတ်ႉတိၶိုၼ်းမႃးသေလႄႈၵႂႃႇယွၼ်းဢဝ်ႁိူၼ်းမၼ်းလိၼ်မၼ်းၶိုၼ်းတီႈၶုၼ်ႁေႃၶမ်းဢေႃႈ။
၄ မိူဝ်ႈၼၼ်ႉၶုၼ်ႁေႃၶမ်းလၢတ်ႈတေႃႇၵေႇႁႃႇၸိဢၼ်ပဵၼ်ၵူၼ်းဢွၼ်ႇၵူၼ်းၽြႃးပဵၼ်ၸဝ်ႈၼၼ်ႉသေလႄႈမီးဢမိင်ႉလႄႈဝႃႈ၊-ၶႆႊၼႄလွင်ႈတၢင်းၵႃႈဢၼ်ဢေးလိသေးႁဵတ်းဢၼ်လီဢၢမ်းၸိူဝ်းၼၼ်ႉလူ၊ဝႃႈၼင်ႇၼႆလႄႈ၊
၅ ၼႂ်းမိူဝ်ႈဢၼ်မၼ်းယင်းတိုၵ်ႉၶိုၼ်းလဝ်ႈလၢတ်ႈလွင်ႈမၼ်းႁဵတ်းႁႂ်ႈဢသၢၵ်ႈၵေႃႉဢၼ်တၢႆယဝ်ႉၼၼ်ႉၶိုၼ်းလိပ်းမႃးၼၼ်ႉၸိုင်မေႈယိင်းဢၼ်မၼ်းႁႂ်ႈလုၵ်ႈဢွၼ်ႇမၼ်းဢသၢၵ်ႈၶိုၼ်းလိပ်းၼၼ်ႉၶဝ်ႈမႃးလဝ်ႈယွၼ်းဢဝ်ႁိူၼ်းမၼ်းလိၼ်မၼ်းတီႈၶုၼ်ႁေႃၶမ်းဢေႃႈ။ၵေႇႁႃႇၸိၵေႃႈလဝ်ႈလၢတ်ႈလႄႈဝႃႈ၊-ၸဝ်ႈၵဝ်ၶႃႈ၊ၸဝ်ႈၶုၼ်လူင်တီႈၶႃႈ။ၵေႃႉၼႆႉပဵၼ်မေႈယိင်းၼၼ်ႉယဝ်ႉ။
၆ ၵေႃႉၼႆႉပဵၼ်လုၵ်ႈၸၢႆးမၼ်းဢၼ်ဢေးလိသေးႁႂ်ႈဢသၢၵ်ႈၶိုၼ်းလိပ်းၼၼ်ႉယဝ်ႉ၊မိူဝ်ႈဢၼ်ဝႃႈၼင်ႇၼႆၸိုင်၊ၶုၼ်ႁေႃၶမ်းၵေႃႈထၢမ်မေႈယိင်းၼၼ်ႉလႄႈမေႈယိင်းၼၼ်ႉၵေႃႈၶၢမ်ႇသၢၵ်ႈသေႇဢေႃႈ။မိူဝ်ႈၼၼ်ႉၶုၼ်ႁေႃၶမ်းၶၢၼ်းၵေႃႉဢၼ်မီးဢရႃႇၵေႃႉၼိုင်ႈဝႆႉႁႂ်ႈလႆႈပႂ်ႉဢမူႉမၼ်းလႄႈမီးဢမိင်ႉလႄႈဝႃႈ၊-ႁႂ်ႈဢဝ်ဢုၵ်ႉၸႃႇမၼ်းၵႃႈမီးဢိၵ်ႇတင်းမၢၵ်ႇႁူင်းၵႃႈဢၼ်ဢွၵ်ႇပဵၼ်မႃးတီႈလိၼ်မၼ်းၸႃႉၸဵမ်မိူဝ်ႈဝၼ်းဢၼ်မၼ်းဢွၵ်ႇၵႂႃႇသေၵႃႈၼႂ်းမိူင်းၸဝ်ႈၵႂႃႇၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉၼၼ်ႉၶိုၼ်းပၼ်တင်းသဵင်ႈတင်းမူတ်းသေ၊ဝႃႈၼင်ႇၼႆဢေႃႈ။
ႁႃႇၸေႇလဢဝ်ပိၼ်ႇႁႃႇတတ်ႉတၢႆ
ရမီးၽဝ်ႇၼိုင်ႈဢေးလိသေးၵႂႃႇၵႃႈတီႈထမ်ႇမသႅတ်ႉလႄႈမိူဝ်ႈၼၼ်ႉပိၼ်ႇႁႃႇတတ်ႉၶုၼ်ႁေႃၶမ်းသုရိမီးတၢင်းၶႆႈတၢင်းပဵၼ်ယူႇဢေႃႈ။ပိူၼ်ႈလဝ်ႈလၢတ်ႈတီႈမၼ်းလႄႈဝႃႈ၊-ၵူၼ်းၽြႃးပဵၼ်ၸဝ်ႈႁွတ်ႈထိုင်ၵႃႈတီႈၼႆႉတီႈၶႃႈဢေႃႈ၊ဝႃႈၼင်ႇၼႆလႄႈၶုၼ်ႁေႃၶမ်းသင်ႇလၢတ်ႈတီႈႁႃႇၸေႇလလႄႈဝႃႈ၊-
၈ မႂ်းပႃးဢဝ်လၵ်ႈသွင်ႇၵႃႈၼႂ်းမိုဝ်းမႂ်းၵႂႃႇလႄႈႁပ်ႉႁူဝ်တၢင်းၵူၼ်းၽြႃးပဵၼ်ၸဝ်ႈသေလႄႈႁႂ်ႈမၼ်းလဝ်ႈထၢမ်တီႈထႃႇဝရႃႉၽြႃးလူၺ်ႈလွင်ႈဢၼ်ၵဝ်တၵ်းလုၵ်ႉၶိုၼ်းသေၵႃႈတီႈတၢင်းၶႆႈတၢင်းပဵၼ်ၼႆႉႁိုဝ်ၼၼ်ႉတႃႉ၊ဝႃႈၼင်ႇၼႆလႄႈ
၉ ႁႃႇၸေႇလၼၼ်ႉပႃးဢဝ်လၵ်ႈသွင်ႇဢၼ်ဝႃႈဢုၵ်ႉၸႃႇထမ်ႇမသႅတ်ႉဢၼ်လီၵူႈၸိူဝ်ႉၵူူႈပိူင်တၢင်ႇသႂ်ႇၵႃႈၼိူဝ်ၵလႃႈဢုၵ်ႉသီႇတူဝ်သေယဝ်ႉၵႂႃႇႁႂ်ႈလႆႈႁပ်ႉႁူဝ်တၢင်းမၼ်းသေလႄႈလၢတ်ႈလႄႈဝႃႈ၊-လုၵ်ႈၸၢႆးၸဝ်ႈႁဝ်းပိၼ်ႇႁႃႇတတ်ႉၶုၼ်ႁေႃၶမ်းသုရိၼၼ်ႉပွႆႇၸႂ်ႉၵဝ်ၶႃႈမႃးၵႃႈတီႈၸဝ်ႈႁဝ်းႁႂ်ႈလႆႈတွင်ႉထၢမ်ဝႃႈ၊-ၸွင်ႇၵဝ်ၼႆႉတၵ်းလုၵ်ႉၶိုၼ်းသေၵႃႈတီႈတၢင်းၶႆႈတၢင်းပဵၼ်ယူႇႁိုဝ်ဝႃႈၼင်ႇၼႆၶႃႈယဝ်ႉ၊ဝႃႈၼင်ႇၼႆဢေႃႈ။
၁၀ ဢေးလိသေးၵေႃႈလၢတ်ႈလႄႈဝႃႈ၊-မႂ်းၵႂႃႇလႄႈလၢတ်ႈလႄႈဝႃႈ၊-ၸဝ်ႈႁဝ်းတၵ်းလုၵ်ႉၶိုၼ်းဢမၢၼ်ႇၶၢၼ်ပဵၼ်တီႈၶႃႈဢေႃႈ၊ဝႃႈၼင်ႇၼႆတႃႉ။
၁၁ ၼႂ်းဝႃႈၼၼ်သေၵေႃႈထႃႇဝရႃႉၽြႃးၼႄပျႃးလွင်ႈဢၼ်မၼ်းတၵ်းလႆႈတၢႆဢမၢၼ်ႇၶၢၼ်ပဵၼ်ၼၼ်ႉတီႈၵဝ်ယဝ်ႉ၊ဝႃႈၼင်ႇၼႆသေလႄႈ၊ယႅၵ်ႉတူၺ်းၵေႃႉၼၼ်ႉၸေးၸေးၸွတ်ႇၸွတ်ႇတေႃႇထိုင်ႁွတ်ႈမၼ်းၼၼ်ႉထၼ်ႈပေႃးၼႃႈလူႉဢေႃႈ။ၵူၼ်းၽြႃးပဵၼ်ၸဝ်ႈၵေႃႈၼမ်ႉတႃတူၵ်းဢေႃႈ။
၁၂ ႁႃႇၸေႇလၵေႃႈထၢမ်လႄႈဝႃႈ၊-ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းၼမ်ႉတႃႇတူၵ်းၶႃႈ၊ဝႃႈၼင်ႇၼႆလႄႈမၼ်းၵေႃႈၶိုၼ်းလၢတ်ႈလႄႈဝႃႈ၊-ၵွပ်ႈပိူဝ်ႈဢၼ်ၵဝ်ႁူႉႁၼ်လွင်ႈၽေးဢူးပၢတ်ႈဢၼ်မႂ်းတၵ်းႁဵတ်းတီႈၵူၼ်းမဵဝ်းဢိသရေႇလတင်းလၢႆဢၼ်ဝႃႈတၢင်းဢၼ်ဢဝ်ၽႆးတုတ်ႇတိူၵ်ႈတီႈတိုၵ်းသိုၵ်းၶဝ်တၢင်းဢၼ်ဢဝ်ၵူၼ်းၼုမ်ႇၵူၼ်းၵမ်ၶဝ်တၢႆလူၺ်ႈလၢပ်ႇလူၺ်ႈလႅဝ်းတၢင်းဢၼ်ဢဝ်လုၵ်ႈဢွၼ်ႇလႅင်ၶဝ်သၢၵ်ႇသွင်ႉၵႃႈၼိူဝ်လိၼ်တၢင်းဢၼ်ၽႃႇတွင်ႉမေႈယိင်းဢၼ်ပႃးပတိၵ်ႉသၼ်ႇထေႇၼၼ်ႉၸိူဝ်းၼၼ်ႉလႄႈၼမ်ႉတႃၵဝ်တူၵ်းဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်ႁႃႇၸေႇလသမ်ႉၶိုၼ်းထၢမ်လႄႈဝႃႈ၊-
၁၃ ၶႃႈၸဝ်ႈႁဝ်းၼႆႉပဵၼ်မႃယူႇလႄႈတၵ်းလႆႈႁဵတ်းဢမူႉလွင်ႈတၢင်းဢၼ်ယႂ်ႇၼႃႇထၢၼ်ႇၼႆႉၶႃႈႁိုဝ်၊ဝႃႈၼင်ႇၼႆလႄႈဢေးလိသေးသမ်ႉလၢတ်ႈလႄႈဝႃႈ၊-ထႃႇဝရႃႉၽြႃးၼႄပျႃးလွင်ႈဢၼ်မႂ်းတၵ်းလႆႈႁဵတ်းၶုၼ်ႁေႃၶမ်းၵႃႈၼိူဝ်မိူင်းသုရိၼၼ်ႉတီႈၵဝ်ယဝ်ႉ၊ဝႃႈၼင်ႇၼႆဢေႃႈ။
၁၄ မိူဝ်ႈၼၼ်ႉမၼ်းဢွၵ်ႇသေၵႃႈတီႈဢေးလိသေးလႄႈႁွတ်ႈၵႂႃႇၵႃႈတီႈၸဝ်ႈမၼ်းသေယဝ်ႉၸဝ်ႈမၼ်းထၢမ်လႄႈဝႃႈ၊-ဢေးလိသေးလၢတ်ႈၸိူဝ်ႉၼင်ႇႁိုဝ်တီႈမႂ်း၊ဝႃႈၼင်ႇၼႆလႄႈမၼ်းၵေႃႈၶိုၼ်းလဝ်ႈလၢတ်ႈလႄႈဝႃႈ၊-မၼ်းလၢတ်ႈတီႈၶႃႈၸဝ်ႈလႄႈဝႃႈ၊-ၸဝ်ႈႁဝ်းတၵ်းလုၵ်ႉၶိုၼ်းသေၵႃႈတီႈတၢင်းၶႆႈတၢင်းပဵၼ်ၼႆႉဢမၢၼ်ႇၶၢၼ်ပဵၼ်ဢေႃႈ၊ဝႃႈၼင်ႇၼႆတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၅ ဝၼ်းမိူဝ်ႈၽုၵ်ႈၼၼ်ႉမၼ်းဢဝ်ၽႃႈႁူမ်ႇၸုပ်ႉၼမ်ႉသေလႄႈႁူမ်ႇသုမ်ႇသႂ်ႇၵႃႈတီႈၼႃႈၶုၼ်ႁေႃၶမ်းႁႂ်ႈပေႃးတၢႆလႄႈႁႃႇၸေႇလၼၼ်ႉၼင်ႈႁၢင်ႈၼင်ႈႁေႃဢေႃႈ။
ယေႇႁူဝ်းပုမ်ႇၶုၼ်ႁေႃၶမ်းယုတ
၁၆ ၼႂ်းပီႊဢၼ်ယုဝ်ႇရမ်ႇလုၵ်ႈၸၢႆးဢႃႇႁပ်ႉၶုၼ်ႁေႃၶမ်းဢိသရေႇလၸၢမ်ႇႁၢင်ႈၸၢမ်ႇႁေႃႁႃႈပီႊၼၼ်ႉၼႂ်းမိူဝ်ႈဢၼ်ယုဝ်ႇသၽတ်ႉပဵၼ်ၶုၼ်ႁေႃၶမ်းယုတယူႇၼၼ်ႉယႁူဝ်ႇရမ်ႇလုၵ်ႈၸၢႆးယုဝ်ႇသၽတ်ႉၶုၼ်ႁေႃၶမ်းယုတၸႃႉၼင်ႈႁၢင်ႈၼင်ႈႁေႃဢေႃႈ။
၁၇ မိူဝ်ႈဢၼ်မၼ်းၸႃႉၼင်ႈႁၢင်ႈၼင်ႈႁေႃၼၼ်ႉဢသၢၵ်ႈမၼ်းလႆႈသၢမ်သိပ်းပၢႆသွင်ပီႊလႄႈမၼ်းဢုပ်ႉပိူင်ႇၸၢမ်ႇၸႃးၵႃႈၼႂ်းဝဵင်းယေႇရုသလႅမ်ႇပႅတ်ႇပီႊဢေႃႈ။
၁၈ ပိူဝ်ႈဢၼ်မၼ်းပဵၼ်ၵူပ်းပဵၼ်ၵူႈလူၺ်ႈၵၼ်တင်းလုၵ်ႈယိင်းဢႃႇႁပ်ႉၼၼ်ႉလႄႈမၼ်းၸွမ်းသဵၼ်ႈတၢင်းဢၼ်ၶုၼ်ႁေႃၶမ်းဢိသရေႇလတင်းလၢႆမိူၼ်ၸိူဝ်ႉၼင်ႇမဵဝ်းၸိူဝ်ႉၶိူဝ်းဢႃႇႁပ်ႉၼၼ်ႉလႄႈႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးဢေႃႈ။
၁၉ ၵူၺ်းၵႃႈထႃႇဝရႃႉၽြႃးထွၵ်ႈလူၺ်ႈၼႃႈၶႃႈမၼ်းၸဝ်ႈတႃႇဝိတ်ႉလႄႈဢမ်ႇမီးဢလူဝ်ႇၶႂ်ႈယႃႉမိူင်းယုတပႅတ်ႈၵွပ်ႈပိူဝ်ႈဢၼ်မၼ်းၸဝ်ႈလႆႈမီးၵတိဝႆႉလူၺ်ႈလွင်ႈဢၼ်မၼ်းၸဝ်ႈတၵ်းပၼ်ဝၢၼႆ်ႇးတဵၼ်းဢၼ်ႁိူဝ်ႈဢၼ်လႅင်းတီႈမၼ်းဢိၵ်ႇတင်းလုၵ်ႈလၢၼ်မၼ်းတႃႇသေႇၼၼ်ႉဢေႃႈ။
၂၀ ၼႂ်းၸူဝ်ႈပၢၼ်မၼ်းၼၼ်ႉမိူင်းဢေႇတုမ်ႇလုၵ်ႉၽိုၼ်ႉၶုၼ်ႁေႃၶမ်းယုတသေလႄႈယုၵ်ႉယွင်ႈၵူၼ်းၵေႃႉၼိုင်ႈႁဵတ်းၶုၼ်ႁေႃၶမ်းၶဝ်ဢေႃႈ။
၂၁ ယုဝ်ႇရမ်ႇၼၼ်ႉပႃးဢဝ်ၵူၼ်းသိုၵ်းၶီႇလေႃႉရထႃးတင်းသဵင်ႈတင်းလူင်ၶီႇသိုၵ်းၵႂႃႇၵႃႈတီႈဝဵင်းၸႃႇဢိရလႄႈလုၵ်ႉၶိင်ႇၵၢင်ၶိုၼ်းသေလႄႈယႃႉၵူၼ်းဢေႇတုမ်ႇဢၼ်လွမ်ႉႁွပ်ႈမၼ်းဢိၵ်ႇတင်းႁူဝ်သိုၵ်းဢၼ်ဢုပ်ႉၵႃႈၼိူဝ်လေႃႉရထႃးၸိူဝ်းၼၼ်ႉပႅတ်ႈလႄႈၵူၼ်းဢေႇတုမ်ႇတင်းလၢႆဢွၼ်ၵၼ်ဢွၵ်ႇပၢႆႈၸူးၵႃႈတီႈသုမ်ႉထဵင်တီႈယူႇၶဝ်ဢေႃႈ။
၂၂ ၼင်ႇၼၼ်လႄႈမိူင်းဢေႇတုမ်ႇၼၼ်ႉလုၵ်ႉၽိုၼ်ႉၶုၼ်ႁေႃၶမ်းယုတတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။မိူဝ်ႈၶိင်ႇၼၼ်ႉမိူင်းလိပၼၵေႃႈလုၵ်ႉၽိုၼ်ႉဢေႃႈ။
၂၃ လွင်ႈတၢင်းယုဝ်ႇရမ်ႇဢၼ်ယင်းၵိုတ်းယင်းၵျၢၼ်ႇဢိၵ်ႇတင်းလွင်ႈတၢင်းၵႃႈဢၼ်မၼ်းႁဵတ်းၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇယုတဢေႃႈ။
၂၄ ယုဝ်ႇရမ်ႇၼၼ်ႉၼွၼ်းလပ်းလူၺ်ႈၵၼ်တင်းပူႇမၼ်းမွၼ်ႇမၼ်းတင်းလၢႆလႄႈၶၢမ်ႇတၢင်းဢၼ်သၢင်းၵျူဝ်ႇလူၺ်ႈၵၼ်တင်းပူႇမွၼ်ႇမၼ်းတင်းလၢႆၵႃႈၼႂ်းဝဵင်းတႃႇဝိတ်ႉၼၼ်ႉဢေႃႈ။ဢႃႇၶၸိလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။
ဢႃႇၶၸိၶုၼ်ႁေႃၶမ်းယုတ
၂၅ ၼႂ်းပီႊဢၼ်ယုဝ်ႇရမ်ႇလုၵ်ႈၸၢႆးဢႃႇႁပ်ႉၶုၼ်ႁေႃၶမ်းဢိသရေႇလၸၢမ်ႇႁၢင်ႈၸၢမ်ႇႁေႃသိပ်းပၢႆသွင်ပီႊၼၼ်ႉဢႃႇၶၸိလုၵ်ႈၸၢႆးၸဝ်ႈယႁူဝ်ႇရမ်ႇၶုၼ်ႁေႃၶမ်းယုတၼၼ်ႉၸႃႉၼင်ႈႁၢင်ႈၼင်ႈႁေႃဢေႃႈ။
၂၆ ဢႃႇၶၸိၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈလႆႈသၢဝ်းပၢႆသွင်ပီႊလႄႈဢုပ်ႉပိူင်ႇၸၢမ်ႇၸႃးၵႃႈၼႂ်းဝဵင်းယေႇရုသလႅမ်ႇပီႊၼိုင်ႈဢေႃႈ။ၸိုဝ်သဵင်မေးမၼ်းၸမ်းပဵၼ်ဢႃႇထလိလၢၼ်ယိင်းဢေႃႇမရိၶုၼ်ႁေႃၶမ်းဢိသရေႇလၼၼ်ႉဢေႃႈ။
၂၇ ပိူဝ်ႈဢၼ်မၼ်းပဵၼ်လုၵ်ႈၶူၺ်ဢႃႇႁပ်ႉလႄႈမၼ်းၸွမ်းသဵၼ်ႈတၢင်းဢၼ်မဵဝ်းၸိူဝ်ႉၶိူဝ်းဢႃႇႁပ်ႉၸွမ်းၼၼ်ႉလႄႈႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးမိူၼ်ၸိူဝ်ႉၼင်ႇမဵဝ်းၸိူဝ်ႉၶိူဝ်းဢႃႇႁပ်ႉၼၼ်ႉဢေႃႈ။
၂၈ မၼ်းၸွမ်းလူၺ်ႈၵၼ်တင်းယုဝ်ႇရမ်ႇလုၵ်ႈၸၢႆးဢႃႇႁပ်ႉၼၼ်ႉလႄႈၶီႇသိုၵ်းၵႂႃႇႁႂ်ႈလႆႈတိုၵ်းတေႃးႁႃႇၸေႇလၶုၼ်ႁေႃၶမ်းသုရိၼၼ်ႉၵႃႈတီႈဝဵင်းရႃႇမုတ်ႉမိူင်းၵိလတ်ႉဢေႃႈ။ၵူၼ်းသုရိၸိူဝ်းၼၼ်ႉဢွၼ်ၵၼ်ႁဵတ်းႁႂ်ႈယုဝ်ႇရမ်ႇတိူဝ်ႉမၢတ်ႇဢေႃႈ။
၂၉ ၶုၼ်လူင်ယုဝ်ႇရမ်ႇၼၼ်ႉၶိုၼ်းမိူဝ်းၵႂႃႇၵႃႈတီႈဝဵင်းယေႇၸရေႇလၼင်ႇႁိုဝ်တၢင်းၸဵပ်းဢၼ်ၵူၼ်းသုရိၶဝ်ႁဵတ်းႁႂ်ႈမၼ်းတိူဝ်ႉမၢတ်ႇၵႃႈတီႈဝဵင်းရႃႇမုတ်ႉၼႂ်းမိူဝ်ႈဢၼ်မၼ်းတိုၵ်းတေႃးႁႃႇၸေႇလၶုၼ်ႁေႃၶမ်းသုရိၼၼ်ႉႁၢႆၶႅၼ်းဢေႃႈ။ၼႂ်းမိူဝ်ႈဢၼ်မၼ်းယင်းတိုၵ်ႉၸဵပ်းသႅပ်ႇယူႇၼၼ်ႉၸိုင်ဢႃႇၶၸိလုၵ်ႈၸၢႆးယႁူဝ်ႇရမ်ႇၶုၼ်ႁေႃၶမ်းယုတၼၼ်ႉလူင်းၵႂႃႇႁႂ်ႈလႆႈလူတူၺ်းယုဝ်ႇရမ်ႇလုၵ်ႈၸၢႆးၸဝ်ႈဢႃႇႁပ်ႉၼၼ်ႉၵႃႈတီႈယေႇၸရေႇလဢေႃႈ။