Chapter
၁၇
ႁေႃႇသေႇၶုၼ်ႁေႃၶမ်းဢိသရေႇလတီႈလိုၼ်းသုတ်း
၁ ၼႂ်းပီႊဢၼ်ဢႃႇၶတ်ႉၶုၼ်ႁေႃၶမ်းယုတၸၢမ်ႇႁၢင်ႈၸၢမ်ႇႁေႃသိပ်းပၢႆသွင်ပီႊၼၼ်ႉႁေႃႇသေႇလုၵ်ႈၸၢႆးဢေႇလႃႇၸႃႇၼင်ႈႁၢင်ႈၼင်ႈႁေႃလႄႈဢုပ်ႉပိူင်ႇၸၢမ်ႇၸႃးမိူင်းဢိသရေႇလယူႇၵႃႈၼႂ်းဝဵင်းသမႃႇရိၵဝ်ႈပီႊဢေႃႈ။
၂ မၼ်းႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးသေၵေႃႈဢမ်ႇတၢၼ်ႇတူႉၸရိူၵ်ႈဢၼ်ၶုၼ်ႁေႃၶမ်းဢိသရေႇလဢၼ်ပူၼ်ႉၵႂႃႇယဝ်ႉမိူဝ်ႈဢွၼ်တၢင်းၼၼ်ႉႁဵတ်းၸိူဝ်းၼၼ်ႉ။
၃ သႃႇလမၼေႇၸႃႇၶုၼ်ႁေႃၶမ်းသုရိၶီႇသိုၵ်းၶိုၼ်ႈၸူးလႄႈႁေႃႇသေႇလႆႈၶၢမ်ႇႁဵတ်းၶႃႈသေလႄႈသၢၵ်ႈၶွၼ်ႇဢေႃႈ။
၄ ၶုၼ်ႁေႃၶမ်းဢႃႇသုရိရူႉလွင်ႈဢၼ်ဝႃႈႁေႃႇသေႇမီးတၢင်းၵျၢမ်ႇတၢင်းပွင်ဢၼ်တၵ်းလုၵ်ႉၽိုၼ်ႉၼၼ်ႉဢေႃႈ။ႁေႃႇသေႇပွႆႇၸႂ်ႉၽူႈတၢင်တူဝ်တင်းလၢႆၵႂႃႇၸူးၵႃႈတီႈသႂႃႇဢၼ်ပဵၼ်ၶုၼ်ႁေႃၶမ်းဢေႇၵႅပ်ႉတုၼၼ်ႉဢေႃႈ။
၅ မၼ်းဢမ်ႇသၢၵ်ႈဢမ်ႇပၼ်ၶွၼ်ႇတီႈၶုၼ်ႁေႃႇၶမ်းဢႃႇသုရိဢၼ်မၼ်းယၢမ်ႈသၢၵ်ႈပၼ်ၵူႈပီႊၼၼ်ႉလႄႈၶုၼ်ႁေႃၶမ်းဢႃႇသုရိတီႉဢဝ်မၼ်းသေလႄႈၶင်ဝႆႉၵႃႈၼႂ်းထွင်ႇသေယဝ်ႉၶုၼ်ႁေႃၶမ်းဢႃႇသုရိၶီႇသိုၵ်းၶိုၼ်ႈၸူးၵႃႈတီႈမိူင်းၸဝ်ႈၸွတ်ႇၵႂႃႇတင်းဝၢၼ်ႈတင်းမိူင်းသေလႄႈႁွတ်ႈထိုင်ၵႃႈတီႈဝဵင်းသမႃႇရိလႄႈလွမ်ႉဝႆႉသၢမ်ပီႊဢေႃႈ။
၆ ၼႂ်းပီႊဢၼ်ႁေႃႇသေႇၸၢမ်ႇႁၢင်ႈၸၢမ်ႇႁေႃၵဝ်ႈပီႊၼၼ်ႉၶုၼ်ႁေႃၶမ်းဢႃႇသုရိလႆႈဝဵင်းသမႃႇရိလႄႈသိမ်းဢဝ်ၵူၼ်းမဵဝ်းဢိသရေႇလတင်းလၢႆၵႂႃႇၵႃႈတီႈမိူ်င်းဢႃႇသုရိလႄႈဢဝ်ဝႆႉၵႃႈတီႈဝဵင်းႁႃႇတဝဵင်းႁႃႇပေႃႇၵႃႈႁိမ်းၼမ်ႉႁွင်ႊၵေႃးၸမ်ဢိၵ်ႇတင်းၵႃႈတီႈဝၢၼ်ႈဝဵင်းဢိုင်ႇမေႇတိၸိူဝ်းၼၼ်ႉဢေႃႈ။
ၵူၼ်းဢိသရေႇလလႆႈဢွၵ်ႇပၢႆၵွပ်ႈပိူဝ်ႈဢပျႅတ်ႈ
၇ လွင်ႈမၼ်းၸမ်းပဵၼ်ၵွပ်ႈပိူဝ်ႈဢၼ်ၵူၼ်းမဵဝ်းဢိသရေႇလတင်းလၢႆဢွၼ်ၵၼ်ၽိတ်းပိူင်ႈထႃႇဝရႃႉၽြႃးၽြႃးပဵၼ်ၸဝ်ႈဢၼ်ၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းဢေးၵႅပ်ႉတုၵႃႈၼႂ်းမိုဝ်းၶုၼ်ႁေႃၶမ်းၽႃႇရေႃးၼၼ်ႉမႃးၼၼ်ႉလႄႈၶဝ်ဢွၼ်ၵၼ်ရူဝ်ႇသေႇၵူဝ်ယမ်ၽြႃးတၢင်ႇသူႇတၢင်ႇပႃးလႄႈ
၈ ၸွမ်းထုင်းၸၢမ်ႇၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ထႃႇဝရႃႉၽြႃးႁေႃႈဢွၵ်ႇပႅတ်ႈသေၵႃႈတီႈၽၢႆႇၼႃႈၶဝ်ၸိူဝ်းၼၼ်ႉဢိၵ်ႇတင်းထုင်းၸၢမ်ႇဢၼ်ၶုၼ်ႁေႃၶမ်းဢိသရေႇလယုၵ်ႉယွင်ႈဝႆႉၸိူဝ်းၼၼ်ႉဢေႃႈ။
၉ ၵူၼ်းမဵဝ်းဢိသရေႇလၸိူဝ်းၼၼ်ႉလွမ်ႁဵတ်းလွင်ႈတၢင်းဢၼ်ဢမ်ႇတြႃးယူႇၽၢႆႇၼိုင်ႈတင်းထႃႇဝရႃႉၽြႃးၽြႃးပဵၼ်ၸဝ်ႈၶဝ်ၼၼ်ႉဢေႃႈ။ၵႃႈတီႈသုမ်ႉထဵင်လင်ဢၼ်မုင်ႈတူၺ်းလႄႈပႂ်ႉၵၢင်ၼၼ်ႉသေဢမ်ႇဝႃႈ၊ၵႃႈတီႈဝဵင်းဢၼ်မၼ်ႈၶိူင်ႇသေဢမ်ႇဝႃႈ၊ၶဝ်ဢွၼ်ၵၼ်တႄႇႁဵတ်းထႃႇၼႃႉတီႈသုင်ၵႃႈၼႂ်းဝၢၼ်ႈၼႂ်းဝဵင်းၶဝ်ၼၼ်ႉဢေႃႈ။
၁၀ ၶဝ်ဢွၼ်ၵၼ်တႄႇႁဵတ်းသဝ်တီႈၵူဝ်းၵႂၢႆႇဢိၵ်ႇတင်းသဝ်ဢႃႇသရတင်းလၢႆၵႃႈၼိူဝ်ၵုင်းဢၼ်သုင်ၵႃႈမီးဢိၵ်ႇတင်းၵႃႈတႂ်ႈတူၼ်ႈမႆႉဢၼ်ၶဵဝ်ၵႃႈမီးၼၼ်ႉဢေႃႈ။
၁၁ ၶဝ်ဢွၼ်ၵၼ်ဢဝ်ၼၢမ်ႇသႃႇတုတ်ႇၽႆးၵႃႈတီႈထႃႇၼႃႉတီႈသုင်ၵႃႈမီးမိူၼ်ၸိူဝ်ႉၼင်ႇၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ထႃႇဝရႃႉၽြႃးႁေႃႈဢွၵ်ႇပႅတ်ႈသေၵႃႈတီႈၽၢႆႇၼႃႈၶဝ်ၼၼ်ႉလႄႈႁဵတ်းဢမူႉဢႃႉထမ်ႇမႃႉႁႂ်ႈလႆႈတိုၵ်းယူင်းတၢင်းၸႂ်မႆႈၶႆႈၸႃႉထႃႇဝရႃႉၽြႃးဢေႃႈ။
၁၂ ၶဝ်ဢွၼ်ၵၼ်ႁဵတ်းဝတ်ႈတီႈရုၵ်ႉထူႉသၢင်းထူႉဢၼ်ထႃႇဝရႃႉႉၽြႃးပိင်းၺၢပ်ႈဝႆႉဝႃႈဢမ်ႇလႆႈႁဵတ်းဝၢတ်ႈၵူဝ်ၵႂၢႆႇၼၼ်ႉဢေႃႈ။
၁၃ ပိၵ်ႉသမ်ႉထႃႇဝရႃႉၽြႃးဢဝ်တင်းပရေႃးၽႅတ်ႈဢိၵ်ႇတင်းၶဝ်ၸိူဝ်းဢၼ်ႁူပွင်ႇတႃလႅင်းၵူႈၵေႃႉၵူႈၵူၼ်းၶၢမ်ႇသၢၵ်ႈသေႇတီႈမဵဝ်းဢိသရေႇလတင်းမဵဝ်းယုတလႄႈဝႃႈ၊-သူဢွၼ်ၵၼ်ဝေႈပိူင်ႈသဵၼ်တၢင်းဢႃႉထမ်ႇမႃႉသူသေလႄႈပႂ်ႉၵမ်ပႂ်ႉၸွမ်းပိင်းၺၢပ်ႈၵဝ်ဢိၵ်ႇတင်းထုင်းိင်ႈၽြႃးၵဝ်ၸွမ်းၵႃႈၼင်ႇဢၼ်ၵဝ်ဢဝ်ၶႃႈၵူၼ်းၵဝ်ပရေႃးၽႅတ်ႈတင်းလၢႆလႄႈပၼ်တြႃးဢၼ်ၵဝ်ပိင်းၺၢပ်ႈဝႆႉတီႈပူႇမွၼ်ႇသူတင်းလၢႆၼၼ်ႉတႃႉ၊ဝႃႈၼႆသေၵေႃႈၶဝ်ဢမ်ႇထွမ်ႇဢမ်ႇဢဝ်လႄႈ
၁၄ ၶေႃးၶဝ်ၵႅၼ်ႇၶႅင်မိူၼ်ၸိူဝ်ႉၼင်ႇၶေႃးပူႇမွၼ်ႇၶဝ်ဢၼ်ဢမ်ႇယုမ်ႇမၢတ်ႈထႃႇဝရႃႉၽြႃးၸိူဝ်းၼၼ်ႉဢေႃႈ။
၁၅ ၶဝ်ဢွၼ်ၵၼ်ပႄႇပႅတ်ႈထုင်းၽိင်ႈတြႃးၸဝ်ႈပတိၺိၼ်ႇဢၼ်မၼ်းၸဝ်ႈႁဵတ်းဝႆႉလူၺ်ႈၵၼ်တင်းပူႇမွၼ်ႇၶဝ်သၢၵ်ႈသေႇဢၼ်မၼ်းၸဝ်ႈၶၢမ်ႇတီႈၶဝ်ၼၼ်ႉသေၵေႃႈၶဝ်ၵမ်ၵျၢင်ႉဢၼၢတ်ႉတႃႉတြႃးယူႇလႄႈပဵၼ်ဢၼ်လၢႆလၢႆဢမ်ႇပွင်ႇလွင်ႈသေယဝ်ႉၸွမ်းလင်ၵူၼ်းတၢင်ႇၸိူဝ်ႉတၢင်ႇမဵဝ်းဢၼ်ယူႇလဵပ်ႈႁွပ်ႈၶဝ်ဢၼ်ထႃႇဝရႃႉၽြႃးပိင်းၺၢပ်ႈဝႆႉဝႃႈ
၁၆ တေဢမ်ႇလႆႈၵမ်ၵျၢင်ႉၸိူဝ်ႉၼင်ႇဢၼ်ၶဝ်ၼၼ်ႉၵမ်ၵျၢင်ႉၼၼ်ႉလႄႈၶဝ်ဢွၼ်ၵၼ်ၸုၼ်ႉပႅတ်ႈပိင်းၺၢပ်ႈထႃႇဝရႃႉၽြႃးၽြႃးပဵၼ်ၸဝ်ႈၶဝ်ၵႃႈမီးၼၼ်ႉသေယဝ်ႉႁဵတ်းရုၵ်ႉထူႉဢၼ်သွၼ်းလေႃႇဢၼ်ပဵၼ်ဝူဝ်းဢွၼ်ႇသွင်တူဝ်ဢိၵ်ႇတင်းသဝ်ဢႃႇသရၼၼ်ႉသေလႄႈၵူဝ်းၵႂၢႆႇၶိူင်ႈပိူင်ႇၵၢင်ႁၢဝ်လႄႈႁဵတ်းဝတ်ႈတီႈၽြႃးပႃႇလဢေႃႈ။
၁၇ ၶဝ်ဢွၼ်ၵၼ်ဢဝ်လုၵ်ႈၸၢႆးလုၵ်ႈယိင်းၶဝ်ပၼ်ႁႂ်ႈလႆႈၶၢမ်ႇတၢင်းဢၼ်ဢဝ်ၽႆးတုတ်ႇပုၵ်ႉၸေႃႇလႄႈသုင်းသွင်ႇဢတၢတ်ႈဝိၵ်ႉၸႃႇဢတၢတ်ႈဢၼ်ၸေႃႉဢၼ်ႁဵတ်းၼၼ်ႉသေလႄႈၶၢႆတူဝ်ၶဝ်ႁႂ်ႈလႆႈႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးႁႂ်ႈလႆႈတိုၵ်းယူင်းတၢင်းၸႂ်မႆႈၶႆႈၸႃႉၽြႃးပဵၼ်ၸဝ်ႈဢေႃႈ။
၁၈ ၵွပ်ႈပိူဝ်ႈၼင်ႇၼၼ်လႄႈထႃႇဝရႃႉၽြႃးၸႂ်မႆႈၶႆႈၸႃႉတေႃႇမဵဝ်းဢိသရေႇလႁႅင်းယႂ်ႇၼႃႇလူင်လၢင်လႄႈပႄႇၶဝ်ပႅတ်ႈသေၵႃႈတီႈသိုဝ်ႈၼႃႈတႂ်ႈတႃၸဝ်ႈဢေႃႈ။
၁၉ ပိၵ်ႉသမ်ႉဝႃႈမဵဝ်းယုတၵေႃႈဢမ်ႇပႂ်ႉၵမ်ပႂ်ႉၸွမ်းပိင်းၺၢပ်ႈထႃႇဝရႃႉၽြႃးၽြႃးပဵၼ်ၸဝ်ႈၶဝ်သေၵေႃႈၶဝ်ဢွၼ်ၵၼ်ၸွမ်းထုင်းၸၢမ်ႇမဵဝ်းဢိသရေႇလဢၼ်ၶဝ်ႁဵတ်းၼၼ်ႉလႄႈမဵဝ်းယုတၼၼ်ႉၵိုတ်းဢမ်ႇၵျၢၼ်ႇဝႆႉဢေႃႈ။
၂၀ ထႃႇဝရႃႉၽြႃးထဵင်ပႅတ်ႈမဵဝ်းၸိူဝ်ႉၶိူဝ်းဢိသရေႇလၵႃႈမီးၼၼ်ႉသေလႄႈပၼ်တၢမ်ႇလႄႈဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းၶဝ်ၸိူဝ်းဢၼ်ႁိမ်ႁုင်ႇၼၼ်ႉတေႃႇထိုင်ႁွတ်ႈမၼ်းၸဝ်ႈႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈမၼ်းၸဝ်ႈဢေႃႈ။
၂၁ လွင်ႈမၼ်းၸမ်းမိူဝ်ႈဢၼ်မၼ်းၸဝ်ႈသိၵ်ႇမဵဝ်းဢိသရေႇလဢွၵ်ႇသေၵႃႈၼႂ်းမိုဝ်းမဵဝ်းၸိူဝ်ႉၶိူဝ်းတႃႇဝိတ်ႉၼၼၼႉၸိုင်ၶဝ်ယုၵ်ႉယွင်ႈယေႇရူဝ်းပုမ်ႇလုၵ်ႈၸၢႆးၼေႇပတ်ႉႁႂ်ႈလႆႈပဵၼ်ၶုၼ်ႁေႃၶမ်းၶဝ်လႄႈယေႇရူဝ်းပုမ်ႇၼၼ်ႉၵေႃႈႁႂ်ႈမဵဝ်းဢိသရေႇလၶဝ်ဝေႈပိူင်ႈသေၵႃႈတီႈသဵၼ်ႈတၢင်းဢၼ်ၸွမ်းလင်ထႃႇဝရႃႉၽြႃးလႄႈႁႂ်ႈၶဝ်ႁဵတ်းတူႉၸရိူၵ်ႈလူင်ဢေႃႈ။
၂၂ ပိူဝ်ႈဢၼ်ပဵၼ်ၼင်ႇၼႆလႄႈၵူၼ်းမဵဝ်းဢိသရေႇလတင်းလၢႆဢွၼ်ၵၼ်ၸွမ်းသဵၼ်ႈတၢင်းတူႉၸရိူၵ်ႈၵႃႈဢၼ်ယေႇရူဝ်းပုမ်ႇႁဵတ်းၼၼ်ႉလႄႈယင်းဢမ်ႇဝေႈဢမ်ႇပိူင်ႈလႄႈယူႇတေႃႇထိုင်ႁွတ်ႈထၢၼ်ႈပေႃးထႃႇဝရႃႉၽြႃးပႄႇပႅတ်ႈမဵဝ်းဢိသရေႇလသေၵႃႈတီႈၽၢႆႇၼႃႈမၼ်းၸဝ်ႈၸွမ်းၵႃႈၼင်ႇဢၼ်မၼ်းၸဝ်ႈဢဝ်ၶႃႈမၼ်းၸဝ်ႈပရေႃးၽႅတ်ႈၵႃႈမီးလႄႈမီးဢမိင်ႉဝႆႉၼၼ်ႉဢေႃႈ။
၂၃ ၵွပ်ႈပိူ်ဝ်ႈၼင်ႇၼၼ်လႄႈမဵဝ်းဢိသရေႇလလႆႈၶၢမ်ႇတၢင်းဢၼ်သိမ်းဢဝ်ဢွၵ်ႇသေၵႃႈတီႈမိူင်းဢၼ်ၶဝ်ယူႇၵဝ်ႇၵဝ်ႇၼၼ်ႉၵႂႃႇၵႃႈတီႈမိူင်းဢႃႇသုရိတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
လႆႈယူႇၶိုၼ်းတီးဝဵင်းသမႃႇရိ
၂၄ ၶုၼ်ႁေႃၶမ်းဢႃႇသုရိၼၼ်ႉၵေႃႈဢဝ်ၵူၼ်းဝဵင်းပႃႇပုလုၼ်ႇ၊ၵူၼ်းဝဵင်းၵုသ၊ၵူၼ်းဝဵင်းဢႃႇဝ၊ၵူၼ်းဝဵင်းႁႃႇမတ်ႉ၊ၵူၼ်းဝဵင်းသေႇၽႃႉရပိမ်ႇတင်းလၢႆမႃးလႄႈဝႆႉၵႃႈၼႂ်းဝၢၼ်ႈၼႂ်းမိူင်းသမႃႇရိတၢင်တူဝ်မဵဝ်းဢိသရေႇလၸိူဝ်းၼၼ်ႉလႄႈၶဝ်ၼၼ်ႉဢွၼ်ၵၼ်သိမ်းဢဝ်မိူင်းသမႃႇရိလႄႈတူၵ်းတီႈတူၵ်းလႅၼ်ၵႃႈၼႂ်းဝၢၼ်ႈဝဵင်းၸိူဝ်းၼၼ်ႉဢေႃႈ။
၂၅ မိူဝ်ႈဢၼ်ၶဝ်ၸႃႉတူၵ်ႈတီႈတူၵ်းလႅၼ်ၼၼ်ႉၸိုင်ၶဝ်ဢမ်ႇရူဝ်ႇသေႇၵူဝ်ယမ်ထႃႇဝရႃႉၽြႃးလႄႈထႃႇဝရႃႉၽြႃးပွႆႇၸႂ်ႉသၢင်ႇသီႈမႃးလႄႈၶူပ်းၶဝ်တၢႆၵမ်ႈၽွင်ႈဢေႃႈ။
၂၆ ၵွပ်ႈပိူဝ်ႈၼင်ႇၼၼ်လႄႈၶဝ်လဝ်ႈလၢတ်ႈတီႈၶုၼ်ႁေႃၶမ်းဢႃႇသုရိလႄႈဝႃႈ၊-ၵူၼ်းၵူႈၸိူဝ်ႉၵူႈမဵဝ်းဢၼ်ၸဝ်ႈႁဝ်းႁႂ်ႈၶၢႆႉၵႂႃႇလႄႈယူႇၵႃႈၼႂ်းဝၢၼ်ႈၼႂ်းဝဵင်းမိူင်းသမႃႇရိၸိူဝ်းၼၼ်ႉဢမ်ႇႁူႉတြႃးၽြႃးဢၼ်ပႂ်ႉမိူင်းၼၼ်ႉတီႈၶႃႈ။ပိူဝ်ႈၼႆလႄႈမၼ်းၸဝ်ႈပွႆႇၸႂ်ႉသၢင်ႇသီႈမႃးလႄႈၶူပ်းၶဝ်တၢႆၵမ်ႈၽွင်ႈၵွပ်ႈပိူဝ်ႈဢၼ်ၶဝ်ဢမ်ႇႁူႉတြႃးၽြႃးဢၼ်ပႂ်ႉမိူင်းၼၼ်ႉတီႈၶႃႈဢေႃႈ၊ဝႃႈၼင်ႇၼႆလႄႈ
၂၇ ၶုၼ်ႁေႃၶမ်းဢႃႇသုရိမီးဢမိင်ႉလႄႈဝႃႈ၊-ဢွၼ်ၵၼ်ဢဝ်ယိတ်ႉပရေႃးႁိၵ်ႈဢၼ်သူသိမ်းဢဝ်ၵႃႈတီႈမိူင်းၼၼ်ႉမႃးၼၼ်ႉၵေႃႉၼိုင်ႈၶိုၼ်းၵႂႃႇသူင်ႇသေႁႂ်ႈမၼ်းၵႂႃႇယူႇၵႃႈတီႈၼၼ်ႉသေလႄႈသင်ႇသွၼ်ႇပၼ်တီႈၶဝ်တြႃးၽြႃးဢၼ်ပႂ်ႉမိူင်းၼၼ်ႉတႃႉ၊ဝႃႈၼင်ႇၼႆလႄႈ၊
၂၈ ယိတ်ႉပရေႃးႁိၵ်ႈဢၼ်ၶဝ်သိမ်းဢဝ်သေၵႃႈတီႈဝဵင်းသမႃႇရိၼၼ်ႉၵေႃႉၼိုင်ႈၶိုၼ်းၵႂႃႇလႄႈယူႇၵႃႈတီႈဝဵင်းပေႇသလသေလႄႈသင်ႇသွၼ်ပၼ်လွင်ႈဢၼ်ၶဝ်တၵ်းလႆႈရူဝ်ႇသေႇၵူဝ်ယမ်ထႃႇဝရႃႉၽြႃးၸိူဝ်ႉၼင်ႇႁိုဝ်ၼၼ်ႉဢေႃႈ။
၂၉ ၼႂ်းဝႃႈၼၼ်သေၵေႃႈၵူၼ်းမဵဝ်းႁင်းၽႂ်ႁင်းမၼ်းၼၼ်ႉဢွၼ်ၵၼ်ႁဵတ်းၽြႃးၶဝ်ၽြႃးမၼ်းလႄႈတၢင်ႇဝႆႉၵႃႈၼႂ်းႁိူၼ်းထႃႇၼႃႉတီႈသုင်တင်းလၢႆဢၼ်ၵူၼ်းသမႃႇရိၸိူဝ်းၼၼ်ႉႁဵတ်းဝႆႉၸိူဝ်းၼၼ်ႉၼႂ်းဝၢၼ်ႈဝဵင်းဢၼ်ၶဝ်တူၵ်းတီႈတူၵ်းလႅၼ်ႁင်းၽႂ်ႁင်းမၼ်းၼၼ်ႉဢေႃႈ။
၃၀ ၵူၼ်းဝဵင်းပႃႇပုလုၼ်ႇၸိူဝ်းၼၼ်ႉဢွၼ်ၵၼ်ႁဵတ်းၽြႃးသုၵုတ်ႉပေႇၼုတ်ႉ၊ၵူၼ်းဝဵင်းၵုသၸိူဝ်းၼၼ်ႉဢွၼ်ၵၼ်ႁဵတ်းၽြႃးၼေႇရၵႃႇလ၊ၵူၼ်းဝဵင်းႁႃႇမတ်ႉၸိူဝ်းၼၼ်ႉဢွၼ်ၵၼ်ႁဵတ်းၽြႃးဢသိမ၊ၵူၼ်းဝဵင်းဢႃႇဝၸိူဝ်းၼၼ်ႉဢွၼ်ၵၼ်ႁဵတ်းၽြႃးၼိပႁႃႇၸတင်းၽြႃးတႃႇတၵ်ႉဢေႃႈ။
၃၁ ၵူၼ်းဝဵင်းသေႇၽရပိမ်ႇၸိူဝ်းၼၼ်ႉဢွၼ်ၵၼ်ဢဝ်လုၵ်ႈလၢင်းၶဝ်တုတ်ႇၽႆးလႄႈပုၵ်ႉၸေႃႇတီႈဢႃႇတြမ်မၸိၵ်ႉတင်းဢႃႇၼမ်ႇမေႇလိၵ်ႉဢၼ်ပဵၼ်ၽြႃးဢၼ်ပႂ်ႉဝဵင်းသေႇၽႃႉရပိမ်ႇၸိူဝ်းၼၼ်ႉဢေႃႈ။
၃၂ ထႃႇဝရႃႉၽြႃးၵေႃႈၶဝ်ဢွၼ်ၵၼ်ရူဝ်ႇသေႇၵူဝ်ယမ်လႄႈဢဝ်ၵူၼ်းၵႃႈၼႂ်းၶဝ်ၼၼ်ႉၶၢၼ်းဝႆႉၵႃႈၼႂ်းဢရႃႇယိတ်ႉပရေႃးႁိၵ်ႈထႃႇၼႃႉတီႈသုင်တင်းလၢႆလႄႈၶဝ်ဢွၼ်ၵၼ်ပုၵ်ႉၸေႃႇယိတ်ႉၵႃႈၼႂ်းႁိူၼ်းထႃႇၼႃႉတီႈသုင်ၸိူဝ်းၼၼ်ႉဢေႃႈ။
၃၃ ၼင်ႇၼၼ်လႄႈၶဝ်ဢွၼ်ၵၼ်ႁဵတ်းတၢင်းဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃးဢေႃႈ။တီႈၽြႃးၶဝ်ၵေႃႈၶဝ်ဢွၼ်ၵၼ်ႁဵတ်းဝၢတ်ႈၸွမ်းထုင်းၸၢမ်ႇၵူၼ်းၵူႈမဵဝ်းဢၼ်ၶဝ်လႆႈၶၢမ်ႇတၢင်းဢၼ်ႁေႃႈဢွၵ်ႇမႃးၸိူဝ်းၼၼ်ႉဢေႃႈ။
၃၄ ၶဝ်ဢွၼ်ၵၼ်ၸွမ်းထုင်းၸၢမ်ႇမိူဝ်ႈၵွၼ်ႇဢွၼ်ၼႆႉၼၼ်ႉယူႇတေႃႇထိုင်ႁွတ်ႈဝၼ်းမိူဝ်ႈၼႆႉလႄႈၶဝ်ဢမ်ႇႁွတ်ႈထိုင်တၢင်းဢၼ်ရူဝ်ႇသေၵူဝ်ယမ်ထႃႇဝရႃႉၽြႃးၶဝ်ဢမ်ႇပႂ်ႉၵမ်ပႂ်ႉၸွမ်းထုငိ်းင်ႈတြႃးမဵဝ်းၶဝ်ၶဝ်ဢမ်ႇၸွမ်းလွင်ႈတၢင်းဢၼ်ၸီႇယၢင်ႇဝႆႉဢၼ်သႅင်ႇၵၼ်တင်းမဵဝ်းၶဝ်၊တြႃးၸဝ်ႈတင်းပိင်းၺၢပ်ႈၸဝ်ႈတင်းလၢႆဢၼ်ဝႃႈထႃႇဝရႃႉၽြႃးပိင်းၺၢပ်ႈဝႆႉတီႈမဵဝ်းယႃႇၵုပ်ႉဢၼ်မၼ်းၸဝ်ႈႁွင်ႉႁိၵ်ႈၸိုဝ်ဢိသရေႇလဢၼ်ပဵၼ်မဵဝ်းဢၼ်ထႃႇဝရႃႉၽြႃးႁဵတ်းပတိၺိၼ်ႇလႄႈသင်ႇလၢတ်ႈဝႆႉဝႃႈ၊-
၃၅ သူတၵ်းဢမ်ႇလႆႈရူဝ်ႇသေႇၵူဝ်ယမ်ၽြႃးတၢင်ႇသူႇတၢင်ႇပႃး၊ဢမ်ႇလႆႈၵူမ်ႈႁူဝ်ၵွမ်းႁူဝ်၊ဢမ်ႇလႆႈႁဵတ်းဝူတ်ႈႁဵတ်းဝၢတ်ႈ၊ဢမ်ႇလႆႈပုၵ်ႉၸေႃႇယိၸ်ႉ။
၃၆ သူတၵ်းလႆႈဢွၼ်ၵၼ်ရူဝ်ႇသေႇၵူဝ်ယမ်ၵူမ်ႈႁူဝ်ၵွမ်းႁူဝ်လႄႈပုၵ်ႉၸေႃႇတီႈထႃႇဝရႃႉၽြႃးဢၼ်ဢဝ်တင်းတၼ်းၶူဝ်းဢၼ်ယႂ်ႇၼႃႇတင်းတၢင်းဢၼ်ယိုၼ်ႈၶႅၼ်ယိုၼ်ႈမိုဝ်းသေလႄႈၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉၵူၺ်းဢေႃႈ။
၃၇ တၵ်းလႆႈဢွၼ်ၵၼ်ပႂ်ႉၵမ်ပႂ်ႉၸွမ်းထုင်းၽိင်ႈတြႃးလႂ်၊တၢင်းဢၼ်ၸီႇယၢင်ႇဝႆႉလႂ်၊ပိင်းၺၢပ်ႈၸဝ်ႈဢၼ်မၼ်းၸဝ်ႈတႅမ်ႈဝႆႉပုၼ်ႈသူလႂ်ၼၼ်ႉၸိူဝ်းၼၼ်ႉတႃႇသေႇဢေႃႈ။ဢမ်ႇလႆႈရူဝ်ႇသေၵူဝ်ယမ်ၽြႃးတၢင်ႇသူႇတၢင်ႇပႃး။
၃၈ ဢမ်ႇလႆႈလူင်လႆႈလိုမ်းပတိၺိၼ်ႇဢၼ်ၵဝ်ႁဵတ်းလူၺ်ၵၼ်တင်းသူၼၼ်ႉ။ဢမ်ႇလႆႈရူဝ်ႇသေႇၵူဝ်ယမ်ၽြႃးတၢင်ႇသူႇတၢင်ႇပႃး။
၃၉ တၵ်းလႆႈရူဝ်ႇသေၵူဝ်ယမ်ထႃႇဝရႃႉၽြႃးၽြႃးပဵၼ်ၸဝ်ႈသူၵူၺ်းဢေႃႈ။ပေႃးႁဵတ်းၼင်ႇၼၼ်ၸိုင်မၼ်းၸဝ်ႈတၵ်းၵႄႇသႄႇၼုၵ်ႈဢဝ်သူဢွၵ်ႇသေၵႃႈၼႂ်းမိုဝ်းရၢၼ်ႇသူႇတင်းသဵင်ႈတင်းလူင်ဢေႃႈ၊ဝႃႈၼင်ႇၼႆၼၼ်ႉသေၵေႃႈ၊
၄၀ ၶဝ်ၼၼ်ႉဢမ်ႇထွမ်ႇဢမ်ႇဢဝ်၊ဢွၼ်ၵၼ်ၸွမ်းထုင်းၸၢမ်ႇမိူဝ်ႈၵွၼ်ႇဢွၼ်ၼႆႉၼၼ်ႉဢေႃႈ။
၄၁ ၼင်ႇၼၼ်လႄႈၵူၼ်းၵူႈၸိူဝ်ႉၵူႈၶိူဝ်းၸိူဝ်းၼၼ်ႉဢွၼ်ၵၼ်ရူဝ်ႇသေၵူဝ်ယမ်ထႃႇဝရႃႉၽြႃးဢမ်ႇၵႃးတီႈရုၵ်ႉထူႉသၢင်းထူႉၶဝ်ၵေႃႈႁဵတ်းဝၢတ်ႈယူႇဢေႃႈ။လုၵ်ႈၶဝ်လၢၼ်ၶဝ်လဵၼ်ၶဝ်ၸိူဝ်းၼၼ်ႉၵေႃႈဢွၼ်ၵၼ်ႁဵတ်းၸွမ်းၸူဝ်ႈပေႃႈပၢၼ်မေႈၶဝ်လႄႈၵမ်ၵျၢင်ႉယူႇတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။