Chapter
၂၂
ၶိုၼ်းထူပ်းႁၼ်ပပ်ႉပိင်းၺၢပ်ႈတြႃး
၁ ယုဝ်ႇသိယၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈပႅတ်ႇပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသၢမ်သိပ်းပၢႆဢဵတ်းပီႊဢေႃႈ။
၂ ၸိုဝ်သဵင်မေႈၸဝ်ႈၸမ်းပဵၼ်ယေႇတိတလုၵ်ႈယိင်းဢတႃႇယၵူၼ်းဝဵင်းပေႃႇၸၵတ်ႉဢေႃႈ။မၼ်းႁဵတ်းဢၼ်လီဢၼ်ငၢမ်းသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈၸွမ်းသဵၼ်ႈတၢင်းဢၼ်တႃႇဝိတ်ႉၸဝ်ႈပေႃႈမၼ်းၸွမ်းၼၼ်ႉသေလႄႈဢမ်ႇဝႄႈဢမ်ႇပိူင်ႈၵႂႃႇၵႃႈတီႈၽၢႆႇၶႂႃႇၽၢႆႇသၢႆႉ။
၃ ၼႂ်းပီႊဢၼ်ၶုၼ်လူင်ယုဝ်ႇသိယၸၢမ်ႇႁၢင်ႈၸၢမ်ႇႁေႃသိပ်းပႅတ်ႇပီႊၼၼ်ႉၶုၼ်ႁေႃၶမ်းပွႆႇၸႂ်ႉၸရေးၸဝ်ႈသႃႇၽၼ်ႇလုၵ်ႈၸၢႆးဢႃႇၸလိဢၼ်ပဵၼ်လုၵ်ႈၸၢႆးမေႇသုလမ်ႇၼၼ်ႉၵႂႃႇၸူးၵႃႈတီႈႁိူၼ်းထႃႇဝရႃႉၽြႃးလႄႈသင်ႇလၢတ်ႈလႄႈဝႃႈ၊-
၄ မႂ်းၶိုၼ်ႈၸူးၵႃႈတီႈႁိလၶၶုၼ်ယိတ်ႉပရေႃးႁိၵ်ႈၼၼ်ႉလႄႈႁႂ်ႈမၼ်းၼပ်ႉဢၢၼ်ႇငိုၼ်းဢၼ်ဢဝ်မႃးၵႃႈတီႈႁိူၼ်းထႃႇဝရႃႉၽြႃးဢၼ်ၵူၼ်းပႂ်ႉၽၵ်းတူႁပ်ႉတုင်းဢဝ်ၵႃႈတီႈမိူင်းၵူၼ်းတင်းလၢႆၼၼ်ႉသေလႄႈဢဝ်ပၼ်ၵႃႈၼႂ်းမိုဝ်းၶဝ်ၸိူဝ်းဢၼ်သၢင်ႈဢၼ်ႁဵတ်းဢၼ်ဢုပ်ႉၵႃႈၼိူဝ်ႁိူၼ်းထႃႇဝရႃႉၽြႃးယူႇၸိူဝ်းၼၼ်ႉတႃႉ။
၅ ႁႂ်ႈၶဝ်ဢွၼ်ၵၼ်မႅင်ႇပၼ်တီႈၶဝ်ၸိူဝ်းဢၼ်သၢင်ႈဢၼ်ႁဵတ်းဢၼ်ပဵၼ်ၶဝ်ၸိူဝ်းဢၼ်မေႃတိၼ်မေႃမိုဝ်းလႂ်၊လၢၵ်ႈသမႃးလႂ်၊ၶဝ်ၸိူဝ်းဢၼ်ၸၢင်ႈတႄႇတိူၵ်ႈႁဵတ်းတိူၵ်ႈလႂ်ဢိၵ်ႇတင်းပုၼ်ႈဢၼ်တၵ်းသိုဝ်ႉဢဝ်မႆႉလႂ်မၢၵ်ႇႁိၼ်ဢၼ်သပ်းယဝ်ႉထၢၵ်ႇယဝ်ႉလႂ်ပုၼ်ႈဢၼ်တၵ်းလႆႈမႄးၵုမ်းမႄးႁဵတ်းႁိူၼ်းၸဝ်ႈၵႃႈၼႂ်းႁိူၼ်းထႃႇဝရႃႉၽြႃးၸိူဝ်းၼၼ်ႉတႃႉ။
၆ ၵူၺ်းၵႃႈဢမ်ႇလူဝ်ႇဢဝ်ၸရၢင်းလူၺ်ႈလွင်ႈငိုၼ်းၼၼ်ႉတီႈၶဝ်ၼၼ်ႉ။
၇ ၵွပ်ႈပိူဝ်ႈဢၼ်ၶဝ်ပဵၼ်ၵေႃႉဢၼ်မီးသႅတ်ႉၸႃႇၼၼ်ႉဢေႃႈ။
၈ ၶုၼ်ယိတ်ႉပရေႃးႁိၵ်ႈႁိလၶိၵေႃႈလၢတ်ႈတီႈၸရေးလူင်သႃႇၽၼ်ႇလႄႈဝႃႈ၊-ၵဝ်ထူပ်းႁၼ်ၽိုၼ်ၵျၢမ်းလိၵ်ႈပိင်းၺၢပ်ႈတိၵႃႈၼႂ်းႁိူၼ်းထႃႇဝရႃႉၽြႃးယဝ်ႉ၊ဝႃႈၼင်ႇၼႆသေလႄႈႁိလၶိၼၼ်ႉဢဝ်ၵျၢမ်းလိၵ်ႈၼၼ်ႉဢၢပ်ႈပၼ်တီႈသႃႇၽၼ်ႇလႄႈမၼ်းၼၼ်ႉၽတ်းဢေႃႈ။
၉ လၢႆးသမ်ႉၸရေးလူင်သႃႇၽၼ်ႇၼၼ်ႉၵႂႃႇၸူးတီႈၶုၼ်ႁေႃၶမ်းလႄႈဢဝ်ၵႂၢမ်းၶိုၼ်းလဝ်ႈၶိုၼ်းလၢတ်ႈတီႈၶုၼ်ႁေႃၶမ်းလႄႈဝႃႈ၊-ၶႃႈၸဝ်ႈႁဝ်းၶဝ်ဢဝ်ငိုၼ်းဢၼ်ထူပ်းႁၼ်ၵႃႈၼႂ်းႁိူၼ်းၸဝ်ႈၼၼ်ႉဢွၵ်ႇသေယဝ်ႉဢဝ်ဢၢပ်ႈပၼ်ၵႃႈၼႂ်းမိုဝ်းၶဝ်ၸိူဝ်းဢုပ်ႉၼိူဝ်ၶဝ်ၸိူဝ်းဢၼ်သၢင်ႈႁဵတ်းႁိူၼ်းထႃႇဝရႃႉၽြႃးယူႇၸိူဝ်းၼၼ်ႉတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၀ ၸရေးလူင်သႃႇၽၼ်ႇၼၼ်ႉသမ်ႉလဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊-ယိတ်ပရေႃးႁိၵ်ႈႁိလၶိၼၼ်ႉဢဝ်ၽိုၼ်လိၵ်ႈဢၢပ်ႈပၼ်တီႈၶႃႈၸဝ်ႈတီႈၶႃႈဢေႃႈ၊ဝႃႈၼင်ႇၼႆသေယဝ်ႉ၊ၽတ်းဢၢၼ်ႇၵႃႈတီႈၽၢႆႇၼႃႈၶုၼ်ႁေႃၶမ်းဢေႃႈ။
၁၁ ၶုၼ်ႁေႃၶမ်းငိၼ်းၵႂၢမ်းၵျၢမ်းလိၵ်ႈပိင်းၺၢပ်ႈတိၼၼ်ႉသေယဝ်ႉသိၵ်ႇၶူဝ်းၼုင်ႈမၼ်းလႄႈမီးဢမိင်ႉတီႈယိတ်ႉပရေႃးႁိၵ်ႈႁိလၶိ၊ဢႁိၵမ်ႇလုၵ်ႈၸၢႆးသႃႇၽၼ်ႇ၊
၁၂ ဢႃႇၶပေႃႇလုၵ်ႈၸၢႆးမိၵ်ႉၶႃႇ၊သႃႇၽၼ်ႇၸရေးၸဝ်ႈ၊ဢသႃႇယၶႃႈၶုၼ်ႁေႃၶမ်းၸိူဝ်းၼၼ်ႉလႄႈဝႃႈ၊-
၁၃ သူဢွၼ်ၵၼ်ၵႂႃႇလႄႈလဝ်ႈထၢမ်တီႈထႃႇဝရႃႉၽြႃးပုၼ်ႈၵဝ်ပုၼ်ႈၵူၼ်းတင်းလၢႆပုၼ်မဵဝ်းယုတတင်းသဵင်ႈတင်းလူင်၊လူၺ်ႈလွင်ႈၵႂၢမ်းၵျၢမ်းလိၵ်ႈဢၼ်ထူပ်းႁၼ်မိူဝ်ႈလဵဝ်ၼႆႉၼၼ်ႉသေၵမ်း။လွင်ႈမၼ်းၸမ်းၵွပ်ႈပိူဝ်ႈဢၼ်ပူႇမွၼ်ႇႁဝ်းၸိူဝ်းၼၼ်ႉယင်းဢမ်ႇထွမ်ႇဢမ်ႇဢဝ်ၵႂၢမ်းၵျၢမ်းလိၵ်ႈၼႆႉႁႂ်ႈလႆႈၵမ်ၵျၢင်ႉၸွမ်းၵႃႈဢၼ်တႅမ်ႈဝႆႉပုၼ်ႈႁဝ်းၼႆႉၼၼ်ႉလႄႈတၢင်းၸႂ်မႆႈၶႆႈၸႃႉထႃႇဝရႃႉၽြႃးဢၼ်ဢွၵ်ႇၸူးတီႈႁဝ်းၼၼ်ႉပဵၼ်ဢၼ်ႁႅင်းယႂ်ႇၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။
၁၄ မိူဝ်ႈၼၼ်ႉယိတ်ႉပရေႃးႁိၵ်ႈႁိလၶိ၊ဢႁိၵမ်ႇ၊ဢႃႇၶပေႃႇ၊သႃႇၽၼ်ႇတင်းဢသႃႇယၸိူဝ်းၼၼ်ႉဢွၼ်ၵၼ်ၵႂႃႇၸူးၵႃႈတီႈမေႈယိင်းပရေႃးၽႅတ်ႈဢၼ်ပဵၼ်မေးသႃႇလုမ်ႇ၊ဢၼ်ပဵၼ်လုၵ်ႈၸၢႆးတိ၀ဢၼ်ပဵၼ်လုၵ်ႈၸၢႆးႁႃႉရႁတ်ႉဢၼ်ယူႇၵႃႈၼႂ်းဝဵင်းယေႇရုသလႅမ်ႇထၢပ်ႈၼွၵ်ႈၼၼ်ႉလႄႈႁႂ်ႈလႆႈတွင်ႉထၢမ်ဢေႃႈ။
၁၅ မေႈယိင်းၼၼ်ႉၵေႃႈၶိုၼ်းလၢတ်ႈတီႈၶဝ်လႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉလႄႈဝႃႈၸမ်း၊-သူၶိုၼ်းမိူဝ်းလၢတ်ႈတီႈၵေႃႉဢၼ်ပွႆႇၸႂ်ႉသူမႃးၼၼ်ႉလႄႈဝႃႈ၊-
၁၆ ထႃႇဝရႃႉၽြႃးမီးဢမိင်ႉလႄႈဝႃႈ၊-ၵဝ်တၵ်းႁႂ်ႈၽေးႁွတ်ႈထိုင်ၵႃႈၼိူဝ်တီႈၼႆႉဢိၵ်ႇတင်းၵႃႈၼိူဝ်ၵူၼ်းၵႃႈတီႈၼႆႉၵႃႈၼင်ႇဢၼ်မီးၼႂ်းၵျၢမ်းလိၵ်ႈဢၼ်ၶုၼ်ႁေႃၶမ်းယုတလႆႈၽတ်းလႆႈဢၢၼ်ႇယဝ်ႉၼၼ်ႉတဵမ်ထူၼ်ႈဢေႃႈ။
၁၇ လွင်ႈမၼ်းၸမ်းၶဝ်ဢွၼ်ၵၼ်ၸုၼ်ႉပႅတ်ႈၵဝ်လႄႈဢဝ်ၼၢမ်ႇသႃႇတုတ်ႇၽႆးတီႈၽြႃးတၢင်ႇသူႇတၢင်ႇပႃးႁႂ်ႈလႆႈဢဝ်လွင်ႈတၢင်းဢၼ်ၶဝ်ႁဵတ်းၸိူဝ်းၼၼ်ႉတိုၵ်းယူင်းတၢင်းၸႂ်မႆႈၶႆႈၸႃႉၵဝ်ယဝ်ႉ။ၵွပ်ႈပိူဝ်ႈၼင်ႇၼၼ်လႄႈၽႆးတင်းၸႂ်မႆႈၶႆႈၸႃႉၵဝ်ယင်းဢမ်ႇမွတ်ႇလႄႈတၵ်းလႆႈမႆႈၵႃႈတီႈၼႆႉဢေႃႈ၊ဝႃႈၼင်ႇၼႆတႃႉ။
၁၈ လၢႆးသမ်ႉသူတၵ်းလႆႈၶိုၼ်းလဝ်ႈလၢတ်ႈတီႈၶုၼ်ႁေႃၶမ်းယုတဢၼ်ပွႆႇၸႂ်ႉသူမႃးႁႂ်ႈလႆႈလဝ်ႈထၢမ်ႇတီႈထႃႇဝရႃႉၽြႃးၼၼ်ႉလႄႈဝႃႈ၊-ထႃႇဝရႃႉၽြႃး၊ၽြႃးပဵၼ်ၸဝ်ႈမဵဝ်းဢိသရေႇလဢဝ်လွင်ႈၵႂၢမ်းၵျၢမ်းလိၵ်ႈဢၼ်ၸဝ်ႈလႆႈငိၼ်းၼၼ်ႉလႄႈမီးဢမိင်ႉလႄႈဝႃႈၸမ်း၊-
၁၉ ၵွပ်ႈပိူဝ်ႈဢၼ်မႂ်းမီးၸႂ်ဢၼ်ဢူၼ်ႈဢွၼ်ႇလႄႈၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇၵႃႈတီႈၽၢႆႇၼႃႈထႃႇဝရႃႉၽြႃးၼႂ်းမိူဝ်ႈဢၼ်မႂ်းငိၼ်းၵႂၢမ်းဢၼ်ၵဝ်လွၵ်ႇငိူတ်ႈတီႈထႃႇၼႃႉတီႈၼႆႉဢိၵ်ႇတင်းတီႈၵူၼ်းၵႃႈတီႈၼႆႉၸိူဝ်းၼၼ်ႉလႄႈဝႃႈ၊-ၶဝ်ၸိူဝ်းၼၼ်ႉတၵ်းလႆႈပဵၼ်တီႈဢၼ်ယႃႉပႅတ်ႈဢိၵ်ႇတင်းတီႈဢၼ်ၵိၼ်ႇလႃႇဢေႃႈ၊ဝႃႈၼင်ႇၼႆၼၼ်ႉလႄႈသိၵ်ႇၶူဝ်းၼုင်ႈမႂ်းသေလႄႈႁႆႈႁွင်ႉၵႃႈတီႈၽၢႆႇၼႃႈၵဝ်ၼၼ်ႉလႄႈၵဝ်ထွမ်ႇဢဝ်ၵႂၢမ်းမႂ်းဢေႃႈ။
၂၀ ပိူဝ်ႈၼႆလႄႈၵဝ်တၵ်းဢဝ်မႂ်းသူင်ႇႁွတ်ႈတီႈဢၼ်ပူႇမႂ်းမွၼ်ႇမႂ်းၸူႉတုမ်ၼၼ်ႉလႄႈမႂ်းတၵ်းလႆႈၶဝ်ႈၸူးၵႃႈတီႈသၢင်းၶႅင်းၼိမ်ၼိမ်လီလီဢေႃႈ။တႃမႂ်းတၵ်းဢမ်ႇလႆႈတူၺ်းလႆႈႁၼ်ၽေးဢၼ်ၵဝ်ႁႂ်ႈႁွတ်ႈထိုင်ၵႃႈၼိူဝ်တီႈၼႆႉၼၼ်ႉ၊ဝႃႈၼင်ႇၼႆတႃႉ၊ဝႃႈၼင်ႇလႄႈၶဝ်ၼၼ်ႉၵေႃႈဢွၼ်ၵၼ်ၶိုၼ်းလဝ်ႈလၢတ်ႈတီႈၶုၼ်ႁေႃၶမ်းဢေႃႈ။