Chapter
၁၆
ဢႃႇၶတ်ႉၶုၼ်ႁေႃၶမ်းယုတ
၁ ၼႂ်းပီႊဢၼ်ပေႇၵႃလုၵ်ႈၸၢႆးရေႇမလိၸၢမ်ႇႁၢင်ႈၸၢမ်ႇႁေႃသိပ်းပၢႆၸဵတ်းပီႊၼၼ်ႉဢႃႇၶတ်ႉလုၵ်ႈၸၢႆးယုဝ်ႇထမ်ႇၶုၼ်ႁေႃၶမ်းယုတၸႃႉၼင်ႈႁၢင်ႈၼင်ႈႁေႃဢေႃႈ။
၂ မိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈသၢဝ်းပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသိပ်းပၢႆႁူၵ်းပီႊဢေႃႈ။မၼ်းဢမ်ႇႁဵတ်းဢၼ်လီဢၼ်ငၢမ်းသိုဝ်ႈၼႃႈတႂ်ႈတႃထႃႇဝရႃႉၽြႃးၽြႃးပဵၼ်ၸဝ်ႈမၼ်းမိူၼ်ၸိူဝ်ႉၼင်ႇၸဝ်ႈပေႃႈမၼ်းတႃႇဝိတ်ႉၼၼ်ႉ။
၃ မၼ်းၸွမ်းသဵၼ်ႈတၢင်းဢၼ်ၶုၼ်ႁေႃၶမ်းဢိသရေႇလၸိူဝ်းၼၼ်ႉၸွမ်းၼၼ်ႉလႄႈဢဝ်လုၵ်ႈၸၢႆးမၼ်းပၼ်ႁႂ်ႈလႆႈၶၢမ်ႇတၢင်းဢၼ်ဢဝ်ၽႆးပုၵ်ႉၸေႃႇတီႈၸဝ်ႈၽြႃးမူးလွၵ်ႇၸွမ်းၵႃႈၼင်ႈထုင်းၸၢမ်ႇဢၼ်လီႁင်ႈဢဵတ်ႇသဵတ်ႇၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ထႃႇဝရႃႉၽြႃးႁေႃႈဢွၵ်ႇပႅတ်ႈသေၵႃႈတီႈၽၢႆႇၼႃႈၵူၼ်းမဵဝ်းဢိသရေႇလတင်းလၢႆၸိူဝ်းၼၼ်ႉဢေႃႈ။
၄ မၼ်းၸၢင်ႊပုၵ်ႉၸေႃႇယိၸ်ႉလႄႈဢဝ်ၼၢမ်ႇသႃႇတုတ်ႇၽႆးၵႃႈၼိူဝ်ထႃႇၼႃႉတီႈသုင်လႂ်ၵႃႈၼိူဝ်ၵုင်းလႂ်၊ၵႃႈတႂ်ႈတူၼ်ႈမႆႉဢၼ်ၶဵဝ်လႂ်ဢေႃႈ။
၅ မိူဝ်ႈၼၼ်ႉရေႇၸိၼ်ႇၶုၼ်ႁေႃၶမ်းသုရိဢိၵ်ႇတင်းပေႇၵႃႇလုၵ်ႈၸၢႆးရေႇမလိၶုၼ်ႁေႃၶမ်းဢိသရေႇလၼၼ်ႉၶီႇသိုၵ်းၶိုၼ်းၸူးၵႃႈတီႈဝဵင်းယေႇရုသလႅမ်ႇလႄႈလွမ်ႉႁွပ်ႈဢႃႇၶတ်ႉဝႆႉသေၵေႃႈဢမ်ႇပႄႉၼႅင်ႇမၼ်းလႆႈ။
၆ မိူဝ်ႈၼၼ်ႉရေႇၸိၼ်ႇၶုၼ်ႁေႃၶမ်းသုရိသမ်ႉၶိုၼ်းလႆႈဝဵင်းဢေးလတ်ႉလႄႈဢဝ်သႂၢင်းၶဝ်ႈၵႃႈၼႂ်းမိူင်းသုရိသေလႄႈႁေႃႈၵူၼ်းယုတတင်းလၢႆဢွၵ်ႇပႅတ်ႈသေၵႃႈၼႂ်းဝဵင်းဢေးလတ်ႉၼၼ်ႉသေယဝ်ႉၵူၼ်းသုရိၸိူဝ်းၼၼ်ႉဢွၼ်ၵၼ်မႃးၵႃႈတီႈဝဵင်းဢေးလတ်ႉလႄႈယူႇၵႃႈတီႈၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၇ ၵွပ်ႈပိူဝ်ႈၼင်ႇၼၼ်လႄႈဢႃႇၶတ်ႉပွႆႇၸႂ်ႉၽူႈတၢင်တူဝ်တင်းလၢႆၵႂႃႇၸူးၵႃႈတီႈတိၵလတ်ႉပိလေႇသႃႇၶုၼ်ႁေႃၶမ်းသုရိၼၼ်ႉလႄႈတွင်းပၢၼ်ႇလႄႈဝႃႈ၊-ၵဝ်ၶႃႈၼႆႉပဵၼ်လုၵ်ႈၸၢႆးၸဝ်ႈႁဝ်း၊ပဵၼ်ၶႃႈၸဝ်ႈႁဝ်းတီႈၶႃႈဢေႃႈ။မႃးသေၵမ်းတီႈၶႃႈ။ၶႅၼ်းတေႃႈၵႄႇသႄႇၶျွတ်ႈဢဝ်ၵဝ်ၶႃႈသေၵႃႈၼႂ်းမိုဝ်းၶုၼ်ႁေႃၶမ်းသုရိဢိၵ်ႇတင်းၶုၼ်ႁေႃၶမ်းဢိသရေႇလဢၼ်ႁဵတ်းရၢၼ်ႇသူႇတၢင်းၽိတ်းသႂ်ႇတီႈၵဝ်ၶႃႈၸိူဝ်းၼၼ်ႉသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၈ မိူဝ်ႈၼၼ်ႉဢႃႇၶတ်ႉဢဝ်ငိုၼ်းၶမ်းဢၼ်ထူပ်းႁၼ်ၵႃႈၼႂ်းႁိူၼ်းထႃႇဝရႃႉၽြႃးဢိၵ်ႇတင်းတိူၵ်ႈၽၼ်ႇတႃႇႁေႃၸဝ်ႈၼၼ်ႉလႄႈႁဵတ်းလၢၵ်ႈသွင်ႇပၼ်ၵႂႃႇတီႈၶုၼ်ႁေႃၶမ်းသုရိဢေႃႈ။
၉ ၶုၼ်ႁေႃၶမ်းသုရိၼၼ်ႉထွမ်ႇဢဝ်ၵႂၢမ်းမၼ်းသေလႄႈၶီႇသိုၵ်းၶိုၼ်ႈၸူးၵႃႈတီႈဝဵင်းထမ်ႇမသႅတ်ႉလႄႈတိုၵ်းဢဝ်သေယဝ်ႉသိမ်းဢဝ်ၵူၼ်းဝဵင်းတင်းလၢႆၵႂႃႇၵႃႈတီႈဝဵင်းၵိရဢေႃႈ။ၶုၼ်ရေႇၸိၼ်ႇၼၼ်ႉၵေႃႈဢဝ်တၢႆပႅတ်ႈဢေႃႈ။
၁၀ ၶုၼ်လူင်ဢႃႇၶတ်ႉၵႂႃႇၵႃႈတီႈဝဵင်းထမ်ႇမႃႉသိတ်ႉႁႂ်ႈလႆႈႁူပ်ႉထူပ်းၵၼ်တင်းတိၵလတ်ႉပိလေႇသႃႇၶုၼ်ႁေႃၶမ်းသုရိၼၼ်ႉလႄႈႁၼ်ယိတ်ႉပလၢင်ႇၵႃႈတီႈဝဵင်းၼၼ်ႉသေယဝ်ႉၶုၼ်လူင်ဢႃႇၶတ်ႉမၢတ်ႈမၢႆဢဝ်ပုင်ႇႁၢင်ႊယိတ်ႉပလၢင်ႇၼၼ်ႉဢိၵ်ႇတင်းတၢင်းဢၼ်တႅၵ်ႈဢၼ်ၶပ်ႉမၼ်းၸွမ်းလူၺ်ႈတၢင်းဢၼ်ႁဵတ်းဢၼ်သၢင်ႈမၼ်းၼၼ်ႉသေလႄႈပၼ်မႃးတီႈယိတ်ႉပရေႃးႁိၵ်ႈဢုရိယဢေႃႈ။
၁၁ ယိတ်ႉပရေႃးႁိၵ်ႈဢုရိယတႄႇႁဵတ်းယိတ်ႉပလၢင်ႇဢေႃႈ။ၸွမ်းၵႃႈၼင်ႇဢၼ်ၶုၼ်လူင်ဢႃႇၶတ်ႉဢဝ်ၵႃႈတီႈဝဵင်းထမ်ႇမသႅတ်ႉပၼ်မႃးၼၼ်ႉသေလႄႈယိတ်ႉပရေႃးႁိၵ်ႈဢုရိယၼၼ်ႉႉႁဵတ်းဝႆႉထႃႈၶိင်ႇမိူဝ်ႈဢၼ်ၶုၼ်ဢႃႇၶတ်ႉတၵ်းလုၵ်ႉၵႃႈတီႈဝဵင်းထမ်ႇမသႅတ်ႉႁွတ်ႈမႃးၼၼ်ႉဢေႃႈ။
၁၂ ၶုၼ်ႁေႃၶမ်းလုၵ်ႉသေၵႃႈတီႈဝဵင်းထမ်ႇမသႅတ်ႉႁွတ်ႈမႃးသေယဝ်ႉၶုၼ်ႁေႃၶမ်းႁၼ်ယိတ်ႉပလၢင်ႇၼၼ်ႉလႄႈၶုၼ်ႁေႃၶမ်းသုတ်ႉၸပ်းသုတ်ႉၸူးၵႃႈတီႈယိတ်ႉပလၢင်ႇၼၼ်ႉသေလႄႈပုၵ်ႉၸေႃႇယိၸ်ႉၵႃႈၼိူဝ်ၼၼ်ႉဢေႃႈ။
၁၃ မၼ်းဢဝ်ယိၸ်ႉဢၼ်တုတ်ႇၽႆးဢိၵ်ႇတင်းၶိူင်ႈပုၵ်ႉၸေႃႇၽေႃးၸဵၼ်ႇဢၼ်မၼ်းတုတ်ႇၽႆးလႄႈဢဝ်ၶိူင်ႈပုၵ်ႉၸေႃႇဢၼ်သွၼ်းလေႃႇမၼ်းသွၼ်းလေႃႇသေယဝ်ႉဢဝ်လိူတ်ႈယိၸ်ႉမိၵ်ႉသႁႃႇယႃႉမၼ်းၽႅတ်းသႂ်ႇၵႃႈၼိူဝ်ယိတ်ႉပလၢင်ႇဢေႃႈ။
၁၄ ယိတ်ႉပလၢင်ႇတွင်းလိူင်ဢၼ်မီးၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉၸိုင်မၼ်းၶၢႆႉဢွၵ်ႇသေၵႃႈတီႈၽၢႆႇၼႃႈႁိူၼ်းၸဝ်ႈၵႃႈတီႈၵႄႈဝူင်ႈၵၢင်ယိတ်ႉပလၢင်ႇမၼ်းတင်းႁိူၼ်းထႃႇဝရႃႉၽြႃးလႄႈဝႆႉၵႃႈတီႈၽၢႆႇတၢင်းႁွင်ႇယိတ်ႉပလၢင်ႇမၼ်းၼၼ်ႉဢေႃႈ။
၁၅ လၢႆးသမ်ႉၶုၼ်လူင်ဢႃႇၶတ်ႉသင်ႇလၢတ်ႈဝႆႉတီႈယိတ်ႉပရေႃးႁိၵ်ႈဢုရိယၸမ်းယိၸ်ႉဢၼ်တုတ်ႇၽႆးၶိင်ႇၵၢင်ၼႂ်တင်းၶိူင်ႈပုၵ်ႉၸေႃႇၽေႃးၸဵၼ်ႇၶိင်ႇၵၢင်ၶမ်ႈယိၸ်ႉဢၼ်တုတ်ႇၽႆးၶုၼ်ႁေႃၶမ်းတင်းၶိူင်ႈပုၵ်ႉၸေႃႇၽေႃးၸဵၼ်ႇမၼ်းယိၸ်ႉဢၼ်တုတ်ႇၽႆးၵူၼ်းဝၢၼ်ႈၵူၼ်းမိူင်းတင်းၶိူင်ႈပုၵ်ႉၸေႃႇၽေႃးၸဵၼ်ႇၶဝ်၊ၶိူင်ႈပုၵ်ႉၸေႃႇဢၼ်သွၼ်းလေႃႇၶဝ်ၸိူဝ်းၼၼ်ႉၸိုင်ဢဝ်တုတ်ႇၽႆးၵႃႈၼိူဝ်ယိတ်ႉပလၢင်ႇလူင်ၼႆႉတႃႉ။
၁၆ လိူတ်ႈယိၸ်ႉဢၼ်တုတ်ႇၽႆးၵႃႈမီးတင်းလိူတ်ႈယိၸ်ႉတင်းလၢႆၵႃႈမီးၼၼ်ႉၵေႃႈဢဝ်ၽႅတ်းသႂ်ႇၵႃႈၼိူဝ်မၼ်းတႃႉ။ယိတ်ႉပလၢင်ႇတွင်းလိူင်ၼၼ်ႉတၵ်းလႆႈမီးဝႆႉပုၼ်ႈဢၼ်ၵဝ်တၵ်းတွင်ႉထၢမ်ဢေႃႈ၊ဝႃႈၼင်ႇၼႆလႄႈယိတ်ႉပရေႃးႁိၵ်ႈဢုရိယႁဵတ်းၸွမ်းၵႃႈၼင်ႇဢၼ်ၶုၼ်လူင်ဢႃႇၶတ်ႉသင်ႇလၢတ်ႈဝႆႉၼၼ်ႉဢေႃႈ။
၁၇ ၶုၼ်လူင်ဢႃႇၶတ်ႉၼုၵ်ႈဢဝ်ၵၢမ်းပၢတ်ႈဢၼ်ၸပ်းၵၼ်တင်းၶူင်ႇၸိူဝ်းၼၼ်ႉဢွၵ်ႇပႅတ်ႈသေလႄႈဢဝ်မေႃႈဢႅင်ႇၶၢႆႉသေၵႃႈၼိူဝ်ၸိူဝ်းၼၼ်ႉသေယဝ်ႉဢဝ်ၼမ်ႉၼွင်ၼၼ်ႉၶျႃးတူၵ်းသေၵႃႈၼိူဝ်ဝူဝ်းတွင်းလိူင်ဢၼ်မီးၵႃႈတႂ်ႈမၼ်းၸိူဝ်းၼၼ်ႉသေလႄႈတၢင်ႇဝႆႉၵႃႈၼိူဝ်မၢၵ်ႇႁိၼ်သိူဝ်ႇဢေႃႈ။
၁၈ သုမ်ႉၵၢႆႇၼႃးဢၼ်ႁဵတ်းဝႆႉၵႃႈတီႈပိၵ်ႉမၢၼ်ႇၸဝ်ႈပုၼ်ႈဢၼ်တၵ်းပႂ်ႉဝၼ်းၵမ်သိၼ်ဢိၵ်ႇတင်းၵျွင်းတၢၼ်းဢၼ်ၶုၼ်ႁေႃၶမ်းတၵ်းၶိုၼ်ႈၼၼ်ႉၸိုင်မၼ်းဢဝ်သႂၢင်းၶဝ်ႈၵႃႈၼႂ်းႁိူၼ်းထႃႇဝရႃႉၽြႃးၵွပ်ႈပိူဝ်ႈၶုၼ်ႁေႃၶမ်းသုရိၼၼ်ႉဢေႃႈ။
၁၉ လွင်ႈတၢင်းဢၼ်ဢႃႇၶတ်ႉႁဵတ်းဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇယုတဢေႃႈ။
၂၀ ဢႃႇၶတ်ႉၼၼ်ႉၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆလႄႈၶၢမ်ႇတၢင်းဢၼ်သၢင်းၵျူဝ်ႇလူၺ်ႈၵၼ်တင်းပူႇမွၼ်ႇမၼ်းၸိူဝ်းၼၼ်ႉၵႃႈၼႂ်းဝဵင်းတႃႇဝိတ်ႉဢေႃႈ။ႁေႇၸၵိလုၵ်ႈၸၢႆးၸဝ်ႈၼင်ႈႁၢင်ႈၼင်ႈႁေႃႇတၢင်တူဝ်ၸဝ်ႈပေႃႈမၼ်းဢေႃႈ။