Chapter
၁၄
ၶုၼ်ႁေႃၶမ်းယုတဢၼ်လီဢၢမ်း
၁ ၼႂ်းပီႊဢၼ်ယႁေႃႇသလုၵ်ႈၸၢႆးယေႃႇၶတ်ႉၶုၼ်ႁေႃၶမ်းဢိသရေႇလၸၢမ်ႇႁၢင်ႈၸၢမ်ႇႁေႃသွင်ပီႊၼၼ်ႉဢႃႇမၸိလုၵ်ႈၸၢႆးၸဝ်ႈယေႃႇသၶုၼ်ႁေႃၶမ်းယုတၸႃႉၼင်ႈႁၢင်ႈၼင်ႈႁေႃဢေႃႈ။
၂ မၼ်းၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈသၢဝ်းႁႃႈပီႊလႄႈမၼ်းဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသၢဝ်းၵဝ်ႈပီႊဢေႃႈ။ၸိုဝ်သဵင်မေႈမၼ်းၸမ်းပဵၼ်ယုတ်ႉတၼ်ႇၵူၼ်းယိင်းဝဵင်းယေႇရုသလႅမ်ႇဢေႃႈ။
၃ မၼ်းႁဵတ်းဢၼ်လီဢၼ်ငၢမ်းသိုဝ်ႈၼႃႈတႂ်ႈတႃထႃႇဝရႃႉၽြႃးသေၵေႃႈဢမ်ႇပဵၼ်ၸိူဝ်ႉၼင်ႇၸဝ်ႈပေႃႈမၼ်းတႃႇဝိတ်ႉၼၼ်ႉ။မၼ်းႁဵတ်းၸွမ်းၵႃႈၼင်ႇဢၼ်ယေႃႇသၸဝ်ႈပေႃႈမၼ်းႁဵတ်းၼၼ်ႉဢေႃႈ။
၄ ၵူၺ်းၵႃႈမၼ်းဢမ်ႇပႄႇပႅတ်ႈထႃႇၼႃႉတီႈသုင်တင်းလၢႆလႄႈၵူၼ်းတင်းလၢႆယင်းဢွၼ်ၵၼ်ပုၵ်ႉၸေႃႇယိၸ်ႉလႄႈဢဝ်ၽႆးတုတ်ႇၼၢမ်ႇသႃႇၵႃႈတီႈၸိူဝ်းၼၼ်ႉယူႇဢေႃႈ။
၅ မိူဝ်ႈဢၼ်သိုင်ႇၸိုင်ႈဝၢၼ်ႈမိူင်းတႄႇယူႇၵႃႈၼႂ်းမိုဝ်းမၼ်းၸဝ်ႈၼၼ်ႉၸိုင်မၼ်းဢဝ်တၢႆၵူၼ်းၸိူဝ်းဢၼ်ဢဝ်ပေႃႈမၼ်းဢၼ်ပဵၼ်ၶုၼ်လူင်တၢႆၼၼ်ႉတၢႆၼၼ်ႉဢေႃႈ။
၆ ၵူၺ်းၵႃႈမၼ်းဢမ်ႇဢဝ်လုၵ်ႈၸၢႆးၶဝ်ၸိူဝ်းဢၼ်ဢဝ်ၸဝ်ႈပေႃႈမၼ်းတၢႆၸိူဝ်းၼၼ်ႉတၢႆၸွမ်းၵႃႈၼင်ႇဢၼ်တႅမ်ႈဝႆႉမီးယူႇၵႃႈၼႂ်းၵျၢမ်းလိၵ်ႈပိင်းၺၢပ်ႈတိမုဝ်းသေႇဢၼ်ထႃႇဝရႃႉၽြႃးမီးဢမိင်ႉဝႆႉဝႃႈ၊-ပေႃႈဢမ်ႇလႆႈၶၢမ်ႇတၢႆတၢင်တူဝ်လုၵ်ႈလၢင်းလုၵ်ႈလၢင်းဢမ်ႇလႆႈၶၢမ်ႇတၢႆတၢင်တူဝ်ပေႃႈၵူႈၵေႃႉၵူႈၵူၼ်းတၵ်းလႆႈၶၢမ်ႇတၢႆၵွပ်ႈပိူဝ်ႈဢပျႅတ်ႈတူဝ်ၸဝ်ႈၵဝ်ႇၵူၺ်းဢေႃႈ၊ဝႃႈၼင်ႇၼႆၼၼ်ႉဢေႃႈ။
၇ မၼ်းဢဝ်ၵူၼ်းမဵဝ်းဢေးတုမ်ႇတၢႆမိုၼ်ႇၼိုင်ႈၵႃႈၼႂ်းပၢင်ႇႁူၺ်ႈၵိူဝ်ၼၼ်ႉလႄႈတိုၵ်းတေႃးသိမ်းဢဝ်ဝဵင်းသေႇလသေယဝ်ႉႁွင်ႉႁိၵ်ႈၸိုဝ်ဝဵင်းၼၼ်ႉဝႃႈယွၵ်ႇထေႇလဝႃႈၼႆတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၈ လိုၼ်းၼၼ်ႉဢႃႇမၸိပွႆႇၸႂ်ႉၽူႈတၢင်တူဝ်ၵႂႃႇၵႃႈတီႈယႁေႃႇသဢၼ်ပဵၼ်လုၵ်ႈၸၢႆးယေႃႇၶတ်ႉလုၵ်ႈၸၢႆးယေႇႁုၶုၼ်ႁေႃၶမ်းဢိသရေႇလၼၼ်ႉလႄႈသင်ႇလၢတ်ႈၵႂႃႇလႄႈဝႃႈ၊-မႃးလႄႈတေႃႇၼႃႈႁူပ်ႉထူပ်းၵၼ်တင်းႁဝ်းတႃႉ၊ဝႃႈၼင်ႈၼႆလႄႈ
၉ ယႁေႃႇသၶုၼ်ႁေႃၶမ်းဢိသရေႇလၵေႃႈၶိုၼ်းသင်ႇလၢတ်ႈမႃးတီႈဢႃႇမၸိၶုၼ်ႁေႃၶမ်းယုတၼၼ်ႉလႄႈဝႃႈ၊-တူၼ်ႈၼၢမ်လေႇပၼုၼ်ႇပွႆႇၸႂ်ႉၵႂႃႇၵႃႈတီႈတူၼ်ႈဢႃႇရိတ်ႉလေႇပၼုၼ်ႇလႄႈဝႃႈ၊-ဢဝ်လုၵ်ႈယိင်းမႂ်းပၼ်လုၵ်ႈၸၢႆးၵဝ်တႃႉ၊ဝႃႈၼင်ႇၼႆဢေႃႈ။တူဝ်ထိူၼ်ႁၢႆႉလေႇပၼုၼ်ႇတူဝ်ၼိုင်ႈပႆၸွမ်းၵႂႃႇလႄႈယဵပ်ႇယမ်ႈတူၼ်ႈၼၢမ်ၼၼ်ႉဢေႃႈ။
၁၀ ယႁေႃသလၢတ်ႈဝႃႈ၊-မႂ်းလႆႈတိုၵ်းတေႃးယႃႉပႅတ်ႈၵူၼ်းဢေးတုမ်ႇၸိူဝ်းၼၼ်ႉလႄႈၸႂ်မႂ်းမီးတၢင်းဢၼ်သုင်ၼႃႇယဝ်ႉ။ဢုပ်ႇဢၢတ်ႇယူႇႁင်းတူဝ်ၸဝ်ႈၵဝ်ႇၵူၺ်းလႄႈယူႇၵႃႈတီႈႁိူၼ်းမႂ်းတႃႉ။ယႃႇပေႁႃဢမူႉႁႂ်ႈၽေးႁွတ်ႈထိုင်ၵႃႈတီႈမႂ်းႁႂ်ႈတူဝ်မႂ်းလႆႈလူမ်ႉတူၵ်းပႃးလူၺ်ႈၵၼ်တင်းမိူင်းယုတၼၼ်ႉ၊ဝႃႈၼင်ႇၼႆဢေႃႈ။
၁၁ ၵူၺ်းၵႃႈဢႃႇမၸိဢမ်ႇထွမ်ႇဢမ်ႇဢဝ်ၵႂၢမ်းၼၼ်ႉလႄႈယႁေႃႇသၶုၼ်ႁေႃၶမ်းဢိသရေႇလၶီႇသိုၵ်းၶိုၼ်ႈၸူးလႄႈတိုၵ်းဢႃႇမၸိၵႃႈတီႈပၢင်ႇဝဵင်းပိတ်ႉသေႇမိတ်ႉမိူင်းယုတၼၼ်ႉဢေႃႈ။
၁၂ မဵဝ်းယုတတူၵ်းသုမ်းၵႃႈတီႈၽၢႆႇၼႃႈမဵဝ်းဢိသရေႇလလႄႈဢွၼ်ၵၼ်ပၢႆႈၸူးၵႃႈတီႈသုမ်ႉထဵင်တီႈယူႇတီႈသဝ်းၶဝ်ႁင်းၽႂ်ႁင်းမၼ်းဢေႃႈ။
၁၃ ယႁေႃႇသၶုၼ်ႁေႃၶမ်းဢိသရေႇလၼၼ်ႉတီႉလႆႈဢႃႇမၸိၶုၼ်ႁေႃၶမ်းယုတဢၼ်ပဵၼ်လုၵ်ႈၸၢႆးယေႃႇသလုၵ်ႈၸၢႆးဢႃႇၶၸိၼၼ်ႉၵႃႈတီႈဝဵင်းပိတ်ႉသေႇမိတ်ႉလႄႈဢဝ်ၵႂႃႇၸူးၵႃႈတီႈဝဵင်းယေႇရုသလႅမ်ႇသေယဝ်ႉၶိုၼ်းယႃႉလမ်းဝဵင်းယေႇရုသလႅမ်ႇပႅတ်ႈသီႇပၢၵ်ႇသွၵ်ႇဢဝ်ၵႃႈတီႈၽၵ်းတူဢေးၽရိမ်ႇတေႃႇထိုင်ႁွတ်ႈၽၵ်းတူၸဵင်ႇဝဵင်းဢေႃႈ။
၁၄ မၼ်းသိမ်းဢဝ်ၸႃႉၸဵမ်ငိုၼ်းၶမ်းလႄႈၶိူင်ႈပိူင်ၵႃႈဢၼ်ထူပ်းႁၼ်ၵႃႈၼႂ်းႁိူၼ်းထႃႇဝရႃႉၽြႃးဢိၵ်ႇတင်းၽၼ်ႇတႃႇႁေႃၸဝ်ႈတင်းၶဝ်ၸိူဝ်းဢၼ်ႁပ်ႉတုင်းဢဝ်ၵမ်ႈၽွင်ႈၼၼ်ႉသေလႄႈၶိုၼ်းမိူဝ်းၵႂႃႇၵႃႈတီႈဝဵင်းသမႃႇရိဢေႃႈ။
၁၅ လွင်ႈတၢင်းဢၼ်ယႁေႃႇသႁဵတ်းဢၼ်ယင်းၵိုတ်းယင်းၵျၢၼ်ႇလွင်ႈတၢင်းဢၼ်မၼ်းႁဵတ်းပဵၼ်မႃးၸိူဝ်းၼၼ်ႉလွင်ႈတၢင်းဢၼ်မၼ်းတိုၵ်းသိုၵ်းၵၼ်တင်းဢႃႇမၸိၶုၼ်ႁေႃၶမ်းယုတၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇဢိသရေႇလဢေႃႈ။
၁၆ ယႁေႃႇသၼၼ်ႉၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆၼၼ်ႉသေလႄႈၶၢမ်ႇတၢင်းဢၼ်သၢင်းၵျူဝ်ႇၵႃႈၼႂ်းဝဵင်းသမႃႇရိလူၺ်ႈၵၼ်တင်းၶုၼ်ႁေႃၶမ်းဢိသရေႇလၸိူဝ်းၼၼ်ႉဢေႃႈ။ယေႇရူဝ်းပုမ်ႇလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။
၁၇ လိုၼ်းသယေႁေႃႇသလုၵ်ႈၸၢႆးယေႃႇၶတ်ႉၶုၼ်ႁေႃၶမ်းဢိသရေႇလတၢႆယဝ်ႉၼၼ်ႉဢႃႇမၸိလုၵ်ႈၸၢႆးယေႃႇသၶုၼ်ႁေႃၶမ်းယုတၼၼ်ႉဢသၢၵ်ႈလိပ်းသိပ်းႁႃႈပီႊလူးၵွၼ်ႇဢေႃႈ။
၁၈ လွင်ႈတၢင်းဢႃႇမၸိဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇယုတဢေႃႈ။
၁၉ ၶဝ်ဢွၼ်ၵၼ်လွမ်ႁဵတ်းမုၵ်ႉႁဵတ်းၸိူဝ်းယူႇၽၢႆႇၼိုင်ႈတင်းမၼ်းၵႃႈၼႂ်းဝဵင်းယေႇရုသလႅမ်ႇလႄႈမၼ်းဢွၵ်ႇပၢႆႈၵႂႃႇၵႃႈတီႈဝဵင်းလႃႇၶိသလႄႈၶဝ်ဢွၼ်ၵၼ်ပွႆႇၸႂ်ႉၸွမ်းၵႂႃႇၵႃႈတီႈဝဵင်းလႃႇၶိသၼၼ်ႉသေလႄႈဢဝ်မၼ်းတၢႆၵႃႈတီႈၼၼ်ႉသေယဝ်ႉ၊
၂၀ ဢဝ်မၼ်းတၢင်ႇၵႃႈၼိူဝ်မႃႉသေလႄႈမႃးၵႃႈတီႈဝဵင်းယေႇရုသလႅမ်ႇလႄႈမၼ်းလႆႈၶၢမ်ႇတၢင်းဢၼ်သၢင်းၵျူဝ်ႇလူၺ်ႈၵၼ်တင်းပူႇမွၼ်ႇမၼ်းတင်းလၢႆၵႃႈၼႂ်းဝဵင်းတႃႇဝိတ်ႉၼၼ်ႉဢေႃႈ။
၂၁ ၵူၼ်းဝၢၼ်ႈၵူၼ်းမိူင်းယုတတင်းသဵင်ႈတင်းလူင်ဢွၼ်ၵၼ်ဢဝ်ဢႃႇၸရိဢၼ်ဢသၢၵ်ႈလႆႈသိပ်းႁူၵ်းပီႊၼၼ်ႉႁဵတ်းၶုၼ်ႁေႃၶမ်းတၢင်ႇတူဝ်ဢႃႇမၸိၸဝ်ႈပေႃႈမၼ်းၼၼ်ႉဢေႃႈ။
၂၂ မၼ်းၼၼ်ႉတႄႇႁဵတ်းဝဵင်းဢေးလုတ်ႉလႄႈသမ်ႉဢဝ်သႂၢင်းၶဝ်ႈၵႃႈၼႂ်းမိူင်းယုတလိုၼ်းသေၸဝ်ႈပေႃႈမၼ်းၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆယဝ်ႉၼၼ်ႉဢေႃႈ။
ယေႇႁူဝ်းပုမ်ႇမၢႆသွင်ၶုၼ်ႁေႃၶမ်းဢိသရေႇလ
၂၃ ၼႂ်းပီႊဢၼ်ဢႃႇမၸိလုၵ်ႈၸၢႆးၸဝ်ႈယေႃႇသၶုၼ်ႁေႃၶမ်းယုတၸၢမ်ႇႁၢင်ႈၸၢမ်ႇႁေႃသိပ်းပၢႆႁႃႈပီႊၼၼ်ႉယေႇရူဝ်းပုမ်ႇလုၵ်ႈၸၢႆးၸဝ်ႈယႁေႃႇသၶုၼ်ႁေႃၶမ်းဢိသရေႇလၼၼ်ႉၸႃႉၼင်ႈႁၢင်ႈၼင်ႈႁေႃၵႃႈၼႂ်းဝဵင်းသမႃႇရိလႄႈဢုပ်ႉပိူင်ႇၸၢမ်ႇၸႃးသီႇသိပ်းပၢႆပီႊဢေႃႈ။
၂၄ မၼ်းႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈယင်းဢမ်ႇၸုၼ်ႉပႅတ်ႈဢပျႅတ်ႈယေႇရူဝ်းပုမ်ႇလုၵ်ႈၸၢႆးၼေႇပတ်ႉဢၼ်မၼ်းႁႂ်ႈမဵဝ်းဢိသရေႇလတင်းလၢႆၽိတ်းပိူင်ႈၼၼ်ႉဢေႃႈ။
၂၅ မၼ်းၶိုၼ်းလႆႈၶွပ်ႇၼမ်ႉလႅၼ်လိၼ်မိူင်းဢိသရေႇလဢဝ်ၵႃႈတီႈၸႃႉၸဵမ်သူပ်းတၢင်းဢၼ်ၶဝ်ႈၸူးၵႃႈတီႈဝဵင်းႁႃႇမတ်ႉၵႂႃႇတေႃႇထိုင်ႁွတ်ႈပၢင်ႇလၢႆႇဢႃႇရၽႃႇၼၼ်ႉၸွမ်းၵႃႈၼင်ႇၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလဢၼ်မၼ်းၸဝ်ႈဢဝ်ၶႃႈမၼ်းၸဝ်ႈပရေႃးၽႅတ်ႈယုဝ်းၼလုၵ်ႈၸၢႆးဢမိတ်ႉတေႇဢၼ်ယူႇၵႃႈတီႈဝဵင်းၵႃႇသႁေႇပႃႇၼၼ်ႉမီးဢမိင်ႉဝႆႉၼၼ်ႉဢေႃႈ။
၂၆ လွင်ႈမၼ်းၸမ်းထႃႇဝရႃႉၽြႃးႁၼ်လွင်ႈဢၼ်တုၵ်ႉၶႃႉတၢင်းၽၢၼ်မဵဝ်းဢိသရေႇလၼၵ်းၼႃလူင်လၢင်ၵႃႈတီႈၵေႃႉဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၵႃႈတီႈၵေႃႉဢၼ်လွတ်ႈၸိူဝ်းၼၼ်ႉသေယဝ်ႉ
၂၇ ထႃႇဝရႃႉၽြႃးမီးတၢင်းၵျၢမ်ႇတၢင်းပွင်တၵ်းဢမ်ႇမွတ်ႇၼႃႇမႃႉၸိုဝ်သဵင်မဵဝ်းဢိသရေႇလပႅတ်ႈသေၵႃႈတႂႃ်ႈႉၵၢင်ႁၢဝ်လႄႈဢဝ်ယေႇရူဝ်းပုမ်ႇလုၵ်ႈၸၢႆးယႁေႃႇသၵႄႇသႄႇၶျွတ်ႈဢဝ်ၶဝ်ဢေႃႈ။
၂၈ လွင်ႈတၢင်းယေႇရူဝ်းပုမ်ႇဢၼ်ယင်းၵိုတ်းယင်းၵျၢၼ်ႇလွင်ႈတၢင်းၵႃႈဢၼ်မၼ်းႁဵတ်းပဵၼ်မႃး၊လွင်ႈတၢင်းဢၼ်မၼ်းတိုၵ်းသိုၵ်း၊လွင်ႈတၢင်းဢၼ်မၼ်းၶိုၼ်းလႆႈဝဵင်းထမ်ႇမႃႉသႅတ်ႉတင်းဝဵင်းႁႃႇမတ်ႉဢၼ်တူၵ်းၵႃးၼႂ်းမိူင်းယုတၼၼ်ႉပုၼ်ႈမဵဝ်းဢိသရေႇလၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇဢိသရေႇလဢေႃႈ။
၂၉ ယေႇရူဝ်းပုမ်ႇၼၼ်ႉၼွၼ်းလပ်းလူၺ်ႈၵၼ်တင်းပူႇၸဝ်ႈမွၼ်ႇၸဝ်ႈၶုၼ်ႁေႃၶမ်းဢိသရေႇလၸိူဝ်းၼၼ်ႉလႄႈၸႃႇၶရိလုၵ်ႈၸၢႆးၸဝ်ႈၼင်ႈႁၢင်ႈၼင်ႈႁေႃတၢင်တူဝ်ပေႃႈမၼ်းဢေႃႈ။