Chapter
၁၃
ယေႃႇၶတ်ႉၶုၼ်ႁေႃၶမ်းဢိသရေႇလ
၁ ၼႂ်းပီႊဢၼ်ယေႃႇသလုၵ်ႈၸၢႆးဢႃႇၶၸိၶုၼ်ႁေႃၶမ်းယုတၸၢမ်ႇႁၢင်ႈၸၢမ်ႇႁေႃသၢဝ်းပၢႆသၢမ်ပီႊၼၼ်ႉယေႃႇၶတ်ႉလုၵ်ႈၸၢႆးယေႇႁုၼၼ်ႉၸႃႉၼင်ႈႁၢင်ႈၼင်ႈႁေႃယူႇၵႃႈၼႂ်းဝဵင်းသမႃႇရိလႄႈဢုပ်ႉပိူင်ႇၸၢမ်ႇၸႃးမိူင်းဢိသရေႇလသိပ်းပၢႆၸဵတ်းပီႊဢေႃႈ။
၂ မၼ်းႁဵတ်းတူႉရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈယင်းဢမ်ႇဝေႈပႅတ်ႈဢပျႅတ်ႈတူႉၸရိူၵ်ႈယေႇရူဝ်းပုမ်ႇလုၵ်ႈၸၢႆးၼေႇပတ်ႉဢၼ်မၼ်းႁႂ်ႈမဵဝ်းဢိသရေႇလၽိတ်းပိူင်ႈၼၼ်ႉလႄႈၸွမ်းယူႇဢေႃႈ။
၃ ၵွပ်ႈပိူဝ်ႈၼင်ႇၼၼ်လႄႈထႃႇဝရႃႉၽြႃးၸႂ်မႆႈၶႆႈၸႃႉတီႈမဵဝ်းဢိသရေႇလလႄႈဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းႁႃႇၸေႇလၶုၼ်ႁေႃၶမ်းသုရိဢိၵ်ႇတင်းၵႃႈၼႂ်းမိုဝ်းပိၼ်ႇႁႃႇတတ်ႉလုၵ်ႈၸၢႆးႁႃႇၸေႇလၼၼ်ႉၼႂ်းၸူဝ်ႈပၢၼ်မၼ်းၼၼ်ႉဢေႃႈ။
၄ ယေႃႇၶတ်ႉသူးတွင်းတီႈထႃႇဝရႃႉၽြႃးလႄႈထႃႇဝရႃႉၽြႃးထွမ်ႇဢဝ်ၵႂၢမ်းမၼ်းၵွပ်ႈပိူဝ်ႈဢၼ်မၼ်းၸဝ်ႈႁၼ်တၢင်းဢၼ်ၼိၵ်ႈၸၢၵ်ႈငႅၼ်းသေးတီႈမဵဝ်းဢိသရေႇလဢၼ်ၶုၼ်ႁေႃၶမ်းသုရိၼိၵ်ႈၸၢၵ်ႈငႅၼ်းသေးၶဝ်ၼၼ်ႉဢေႃႈ။
၅ ထႃႇဝရႃႉၽြႃးပဵၼ်ၸဝ်ႈၵႄႇသႄႇၶျွတ်ႈဢဝ်တီႈမဵဝ်းဢိသရေႇလၶဝ်ထၼ်ႈပေႃးလႆႈလွတ်ႈဢွၵ်ႇသေၵႃႈၼႂ်းမိုဝ်းၵူၼ်းသုရိတင်းလၢႆလႄႈၵူၼ်းမဵဝ်းဢိသရေႇလၸိူဝ်းၼၼ်ႉလႆႈယူႇၵႃႈၼႂ်းမူဝ်းၵႃႇတီႈယူႇတီႈသဝ်းၶဝ်မိူၼ်ၸိူဝ်ႉၼင်ႇမိူဝ်ႈဢွၼ်တၢင်းၼၼ်ႉဢေႃႈ။
၆ ၼႂ်းဝႃႈၼၼ်သေၵေႃႈၶဝ်ယင်းဢမ်ႇဝေႈပႅတ်ႈတူႉၸရိူၵ်ႈဢပျႅတ်ႈမဵဝ်းၸိူဝ်ႉၶိူဝ်းယေႇရူဝ်းပုမ်ႇဢၼ်မၼ်းႁႂ်ႈမဵဝ်းဢိသရေႇလလႆႈၽိတ်းပိူင်ႈၼၼ်ႉလႄႈဢွၼ်ၵၼ်ၸွမ်းယူႇဢေႃႈ။ၵႃႈတီႈဝဵင်းသမႃႇရိၵေႃႈယင်းမီးသဝ်ဢႃႇသရယူႇဢေႃႈ။
၇ ၵႃႈတီႈယေႃႇၶတ်ႉၼၼ်ႉလိူဝ်သေၵူၼ်းသိုၵ်းၶီႇမႃႉႁႃႈသိပ်းလေႃႉရထႃးသိပ်းၼိုင်ႈၵူၼ်းသိုၵ်းပႆတိၼ်မိုၼ်ႇၼိုင်ႈၵူၺ်းၼၼ်ႉၶုၼ်ႁေႃၶမ်းသုရိဢမ်ႇဝႆႉၵိုတ်းဝႆႉၵျၢၼ်ႇသေဢိတ်းလႃးလႃး။လွင်ႈမၼ်းၸမ်းၶုၼ်ႁေႃၶမ်းသုရိၼၼ်ႉလႆႈယႃႉၽဵဝ်ႈၶဝ်ပႅတ်ႈလႄႈႁႂ်ႈၶဝ်ပဵၼ်ၸိူဝ်ႉၼင်ႇမုၼ်ႈလိၼ်ႈၵႃႈၼႂ်းတလၢင်းယဵပ်ႇၶဝ်ႈၼၼ်ႉဢေႃႈ။
၈ လွင်ႈတၢင်းယေႃႇၶတ်ႉဢၼ်ယင်းၵိုတ်းယင်းၵျၢၼ်ႇလွင်ႈတၢင်းၵႃႈဢၼ်မၼ်းႁဵတ်းပဵၼ်ၸိူဝ်းၼၼ်ႉတႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇဢိသရေႇလဢေႃႈ။
၉ ယေႃႇၶတ်ႉၼၼ်ႉၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆလႄႈၶဝ်ဢဝ်မၼ်းသၢင်းၵျူဝ်ႇၵႃႈၼႂ်းဝဵင်းသမႃႇရိဢေႃႈ။ယႁေႃႇသလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။
ယႁေႃႇသၶုၼ်ႁေႃၶမ်းဢိသရေႇလ
၁၀ ၼႂ်းပီႊဢၼ်ယေႃႇသၶုၼ်ႁေႃၶမ်းယုတၸၢမ်ႇႁၢင်ႈၸၢမ်ႇႁေႃသၢမ်သိပ်းပၢႆၸဵတ်းပီႊၼၼ်ႉယႁေႃႇသလုၵ်ႈၸၢႆးယေႃႇၶတ်ႉၼၼ်ႉၸႃႉၼင်ႈႁၢင်ႈၼင်ႈႁေႃယူႇၵႃႈၼႂ်းဝဵင်းသမႃႇရိလႄႈဢုပ်ႉပိူင်ႇၸၢမ်ႇၸႃးမိူင်းဢိသရေႇလသိပ်းပၢႆႁူၵ်းပီႊဢေႃႈ။
၁၁ မၼ်းႁဵတ်းတူႉၸရိူၵ်ႈသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈယင်းဢမ်ႇဝႄႈပႅတ်ႈတူႉၸရိူၵ်ႈယေႇရူဝ်းပုမ်ႇလုၵ်ႈၸၢႆးၼေႇပတ်ႉဢၼ်မၼ်းႁႂ်ႈမဵဝ်းဢိသရေႇလၽိတ်းပိူင်ႈၼၼ်ႉလႄႈဢွၼ်ၵၼ်ၸွမ်းယူႇဢေႃႈ။
၁၂ လွင်ႈတၢင်းယႁေႃႇသဢၼ်ယင်းၵိုတ်းယင်းၵျၢၼ်ႇလွင်ႈတၢင်းၵႃႈဢၼ်မၼ်းႁဵတ်းပဵၼ်မႃးလူၺ်ႈလွင်ႈဢၼ်မၼ်းတိုၵ်းသိုၵ်းၵၼ်တင်းဢႃႇမၸိၶုၼ်ႁေႃၶမ်းယုတၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈရႃႇၸဝၢင်ႇဢိသရေႇလဢေႃႈ။
၁၃ ယႁေႃႇသၼၼ်ႉၼွၼ်းလပ်းလူၺ်ၵၼ်တင်းပူႇမွၼ်ႇမၼ်းတင်းလၢႆလႄႈယေႇရူဝ်းပုမ်ႇလုၵ်ႈၸၢႆးၸဝ်ႈၼၼ်ႉၼင်ႈရႃႇၸႃႉပလၢင်ၸဝ်ႈပေႃႈမၼ်းဢေႃႈ။ယႁေႃႇသၼၼ်ႉလႆႈၶၢမ်ႇတၢင်းဢၼ်သၢင်းၵျူဝ်ႇၵႃႈၼႂ်းဝဵင်းသမႃႇရိလူၺ်ႈၵၼ်တင်းၶုၼ်ႁေႃၶမ်းဢိသရေႇလတင်းလၢႆဢေႃႈ။
၁၄ မိူဝ်ႈဢၼ်ဢေးလိသေးၸပ်းတၢင်းၶႆႈတၢင်းပဵၼ်လႄႈၸမ်တၵ်းတၢႆၼၼ်ႉၸိုင်ယႁေႃႇသၶုၼ်ႁေႃၶမ်းဢိသရေႇလၼၼ်ႉလူင်းၸူးတီႈမၼ်းလႄႈႁႆႈႁွင်ႉယူႇၵႃႈၼိူဝ်ၼႃႈမၼ်းလႄႈဝႃႈ၊-ပေႃႈၵဝ်ဢိူၺ်း။ပေႃႈၵဝ်ဢိူၺ်း။လေႃႉရထႃးဢိသရေႇလဢိၵ်ႇတင်းမႃႉလေႃႉရထႃးဢိသရေႇလလူင်ၶႃႈ၊ဝႃႈၼင်ႇၼႆဢေႃႈ။
၁၅ ဢေးလိသေးၵေႃႈလၢတ်ႈတီႈမၼ်းလႄႈဝႃႈ၊-ၵႂႃႇဢဝ်ၵၢင်ႇတင်းပိုၼ်မႃးတႃႉ၊ဝႃႈၼင်ႇၼႆလႄႈမၼ်းၵေႃႈၵႂႃႇဢဝ်ၵၢင်ႇတင်းပိုၼ်မႃးဢေႃႈ။
၁၆ ဢေးလိသေးသမ်ႉလၢတ်ႈတီႈၶုၼ်ႁေႃၶမ်းဢိသရေႇလထႅင်ႈလႄႈဝႃႈ၊-ဝူတ်ႈၵၢင်ႇမႂ်းတႃႉ၊ဝႃႈၼင်ႇၼႆလႄႈမၼ်းၵေႃႈဝူတ်ႈၵၢင်ႇလႄႈဢေးလိသေးသမ်ႉဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်မိုဝ်းၶုၼ်ႁေႃၶမ်းသေလႄႈဝႃႈ၊-ၽုၺ်ႇႁူးလၢင်းတဵၼ်ၽၢႆႇတၢင်းဢွၵ်ႇတႃႉ၊ဝႃႈၼင်ႇၼႆလႄႈမၼ်းၵေႃႈၽုၺ်ႇဢေႃႈ။
၁၇ ဢေးလိသေးသမ်ႉလၢတ်ႈထႅင်ႈလႄႈဝႃႈ၊-ယိုဝ်းတႃႉ၊ဝႃႈၼင်ႇၼႆလႄႈမၼ်းၵေႃႈယိုဝ်းဢေႃႈ။ဢေးဢိသေးၼၼ်ႉလၢတ်ႈလႄႈဝႃႈ၊-ပဵၼ်ပိုၼ်ဢၼ်ထႃႇဝရႃႉၽြႃးၵႄႇသႄႇၶျွတ်ႈဢဝ်၊ပိုၼ်ဢၼ်ၵႄႇသႄႇၶျွတ်ႈဢဝ်သေၵႃႈၼႂ်းမိုဝ်းၵူၼ်းသုရိတင်းလၢႆဢေႃႈ။လွင်ႈမၼ်းၸမ်းၸဝ်ႈတၵ်းလႆႈတိုၵ်းတေႃးယႃႉပႅတ်ႈၵူၼ်းသုရိတင်းလၢႆၵႃႈတီႈဝဵင်းဢႃႇၽိတ်ႉထၼ်ႈပေႃးလူႉပေႃးလႅဝ်ဢေႃႈ၊ဝႃႈၼင်ႇၼႆဢေႃႈ။
၁၈ မၼ်းၼၼ်ႉသမ်ႉလၢတ်ႈထႅင်ႈလႄႈဝႃႈ၊-ဢဝ်ပိုၼ်ထႅင်ႈလူးၵွၼ်ႇတႃႉဝႃႈၼင်ႇၼႆလႄႈမၼ်းၵေႃႈဢဝ်ဢေႃႈ။ဢေးဢိသေးသမ်ႉလၢတ်ႈတီႈၶုၼ်ႁေႃၶမ်းဢိသရေႇလထႅင်ႈလႄႈဝႃႈ၊-ဢဝ်ပေႃႉယႅၼ်ႉသႂ်ႇၵႃႈၼိူဝ်လိၼ်တႃႉ၊ဝႃႈၼင်ႇၼႆလႄႈမၼ်းၵေႃႈဢဝ်ပေႃႉယႅၼ်ႉသႂ်ႇၵႃႈၼိူဝ်လိၼ်သၢမ်ၵမ်းၵူၺ်းလႄႈၵိုတ်းသဝ်းယူႇဢေႃႈ။
၁၉ မိူဝ်ႈၼၼ်ႉၵူၼ်းၽြႃးပဵၼ်ၸဝ်ႈၸႂ်မႆႈၶႆႈၸႃႉတီႈမၼ်းလႄႈလၢတ်ႈဝႃႈ၊-မႂ်းထုၵ်ႇလီပေႃႉယႅၼ်ႉႁႃႈၵမ်းႁူၵ်းၵမ်းဢေႃႈ။သင်ပေႃႉယႅၼ်ႉၸိူဝ်ႉၼင်ႇၼၼ်ၸိုင်မႂ်းတၵ်းလႆႈတိုၵ်းတေႃးယႃႉပႅတ်ႈၵူၼ်းသုရိတင်းလၢႆထၼ်ႈပေႃးလူႉပေႃးလႅဝ်ဢေႃႈ။မိူဝ်ႈလဵဝ်ၼႆႉၸမ်းမႂ်းတၵ်းလႆႈတိုၵ်းတေႃးယႃႉပႅတ်ႈၵူၼ်းမိူင်းသုရိၸိူဝ်းၼၼ်ႉသၢမ်ပွၵ်ႈၵူၺ်းဢေႃႈ၊ဝႃႈၼင်ႇၼႆဢေႃႈ။
၂၀ ဢေးလိသေးတၢႆလႄႈၶဝ်ဢဝ်မၼ်းသၢင်းၵျူဝ်ႇသေဢေႃႈ။မိူဝ်ႈဢၼ်ႁွတ်ႈထိုင်ငဝ်ႈပီႊၼႃႈၼၼ်ႉၸိုင်ၵူၼ်းမေႃႇၽတင်းလၢႆပဵၼ်မုၵ်ႉပဵၼ်ၸိူဝ်းသေလႄႈမႃးတိုၵ်းမိူင်းၸဝ်ႈဢေႃႈ။
၂၁ ၼႂ်းမိူဝ်ႈဢၼ်ၶဝ်ယင်းတိုၵ်ႉသၢင်းၵျူဝ်ႇၵူၼ်းၵေႃႉၼိုင်ႈယူႇၼၼ်ႉၸိုင်ၶဝ်ႁၼ်မုၵ်ႉၵူၼ်းၸိူဝ်းၵူၼ်းမေႃႇၽမႃးလႄႈၶဝ်ၼႅတ်ႈဢဝ်တူဝ်တၢႆၼၼ်ႉၶျႃးတူၵ်းသႂ်ႇၵႃႈၼႂ်းၶုမ်သၢင်းၶႅင်းဢေးလိသေးၼၼ်ႉဢေႃႈ။မိူဝ်ႈဢၼ်ၵေႃႉဢၼ်တၢႆၼၼ်ႉႁွတ်ႈထိုင်ၵႃႈတီႈတႂ်ႈလႄႈတိူဝ်ႉထုၵ်ႇသႂ်ႇလုပ်ႇဢေးလိသေးၼၼ်ႉၸိုင်ဢသၢၵ်ႈမၼ်းသမ်ႉၶိုၼ်းလိပ်းလႄႈမၼ်းၸုၵ်းယူႇဢေႃႈ။
၂၂ ၸူဝ်ႈပၢၼ်ၶုၼ်ယေႃႇၶတ်ႉၼၼ်ႉတဵမ်တဵမ်ႁႃႇၸေႇလၶုၼ်ႁေႃၶမ်းသုရိၼိၵ်ႈၸၢၵ်ႈငႅၼ်းသေးမဵဝ်းဢိသရေႇလဢေႃႈ။
၂၃ ထႃႇဝရႃႉၽြႃးဢိတ်းလူႁၵ်ႉပႅင်းၶဝ်ႁဵတ်းၵျေးၸူးတီႈၶဝ်လႄႈၶုၵ်းၸႂ်လႆႈၶႆႈၸႂ်ထူပ်းၶဝ်ၵွပ်ႈပိူဝ်ႈပတိၺိၼ်ႇဢၼ်မၼ်းၸဝ်ႈႁဵတ်းဝႆႉလူၺ်ႈၵၼ်တင်းဢႃႇပႁမ်ႇ၊ဢိၸၵ်ႉ၊ယႃႇၵုပ်ႉ၊ၸိူဝ်းၼၼ်ႉသေလႄႈယင်းဢမ်ႇပႆႇယႃႉၽဵဝ်ႈၶဝ်ပႅတ်ႈဢမ်ႇပႆႇႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈမၼ်းၸဝ်ႈလႄႈယူႇဢေႃႈ။
၂၄ ႁႃႇၸေႇလၶုၼ်ႁေႃၶမ်းသုရိၼၼ်ႉတၢႆလႄႈပိၼ်ႇႁႃႇတတ်ႉလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။
၂၅ ဝၢၼ်ႈဝဵင်းဢၼ်ႁႃႇၸေႇလတိုၵ်းတေႃးလႄႈသိမ်းဢဝ်ၵႃႈၼႂ်းမိုဝ်းယေႃႇၶတ်ႉၸဝ်ႈပေႃႈမၼ်းၼၼ်ႉၸိုင်ယႁေႃႇသလုၵ်ႈၸၢႆးယေႃႇၶတ်ႉၼၼ်ႉသမ်ႉၶိုၼ်းတိုၵ်းတေႃးၼုၵ်ႈဢဝ်ၵႃႈၼႂ်းမိုဝ်းပိၼ်ႇႁႃႇတတ်ႉလုၵ်ႈၸၢႆးႁႃႇၸေႇလၼၼ်ႉဢေႃႈ။ယႁေႃႇသၼၼ်ႉတိုၵ်းတေႃးယႃႉပႅတ်ႈမၼ်းတေႃႇထိုင်ႁွတ်ႈသၢမ်ပွၵ်ႈလႄႈသမ်ႉလႆႈဝၢၼ်ႈဝဵင်းဢိသရေႇလတင်းလၢႆၶိုၼ်းဢေႃႈ။