Chapter
၉
တႃႇဝိတ်ႉလႄႈမေႇၽိပေႃႇသိတ်ႉ
၁ မီးၽဝ်ႇၼိုင်ႈတႃႇဝိတ်ႉထၢမ်လႄႈဝႃႈ၊-ထွၵ်ႈလူၺ်ႈယေႃးၼသၼ်ႇလႄႈလွင်ႈၼင်ႇႁိုဝ်ၵဝ်တၵ်းလႆႈဢၶႂၢင်ႉဢၼ်ႁဵတ်းၵျေးၸူးၵႃႈတီႈၸိူဝ်ႉၶိူဝ်းသေႃးလုၸိုင်ၸွင်ႇမီးပီႈၼွင်ႉၸိူဝ်ႉၶိူဝ်းသေႃးလုဢၼ်ယင်းၵိုတ်းယင်းၵျၢၼ်ႇယူႇၼၼ်ႉသေၵေႃႉသေၵူၼ်းႁိုဝ်၊ဝႃႈၼင်ႇၼႆလႄႈၶဝ်ႁွင်ႉဢဝ်ၶႃႈပီႈၼွင်ႉၸိူဝ်ႉၶိူဝ်းသေႃးလုၵေႃႉၼိုင်ႈဢၼ်လႆႈၸိုဝ်ၸိၽၼၼ်ႉမႃးၵႃႈတီႈတႃႇဝိတ်ႉဢေႃႈ။
၂ ၶုၼ်ႁေႃၶမ်းထၢမ်တီႈမၼ်းလႄႈဝႃႈ၊-မႂ်းပဵၼ်ၸိၽႁိုဝ်၊ဝႃႈၼင်ႇၼႆလႄႈမၼ်းၵေႃႈၶိုၼ်းလဝ်ႈလၢတ်ႈလႄႈဝႃႈ၊-ၸႂ်ႈတီႈၶႃႈဢေႃႈ၊ဝႃႈၼင်ႇၼႆဢေႃႈ။
၃ ၶုၼ်ႁေႃၶမ်းၵေႃႈထၢမ်လႄႈဝႃႈ၊-လွင်ႈၼင်ႇႁိုဝ်ၵဝ်တၵ်းလႆႈဢၶႂၢင်ႉဢၼ်ႁဵတ်းၵျေးၸူးၵႃႈၼိူဝ်ႈပီႈၼွင်ႉၸိူဝ်ႉၶိူဝ်းသေႃးလုၸွမ်းၵႃႈၼင်ႇဢၼ်ဢလူဝ်ႇၽြႃးပဵၼ်ၸဝ်ႈမီးၼၼ်ႉၸိုင်ၸွင်ႇမီးပီႈၼွင်ႉၸိူဝ်ႉၶိူဝ်းသေႃးလုဢၼ်ၵိုတ်းဢၼ်ၵျၢၼ်ႇသေၵေႃႉသေၵူၼ်းႁိုဝ်ဝႃႈၼင်ႇၼႆဢေႃႈ။ၸိၽလဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊-ယေႃးၼသၼ်ႇၼၼ်ႉမီးဝႆႉလုၵ်ႈၸၢႆးဢၼ်တိၼ်ၵႅင်ႉၵေႃႉၼိုင်ႈၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်ၶုၼ်ႁေႃၶမ်းၵေႃႈသမ်ႉၶိုၼ်းထၢမ်ထႅင်ႈလႄႈဝႃႈ၊-
၄ မၼ်းမီးၵႃႈလႂ်၊ဝႃႈၼင်ၼႆသေယဝ်ႉၸိၽလဝ်ႈလၢတ်ႈလႄႈဝႃႈ၊-မီးယူႇၵႃႈတီႈႁိူၼ်းမႃႇၶိ၇ ၊လုၵ်ႈၸၢႆးဢမျေႇလဝၢၼ်ႈလေႃႇတေႇပႃႇၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၅ မိူဝ်ႈၼၼ်ႉတႃႇဝိတ်ႉပွႆႇၸႂ်ႉၵႂႃႇႁႂ်ႈလႆႈႁွင်ႉဢဝ်လုၵ်ႈၸၢႆးယေႃးၼသၼ်ႇၵႃႈတီႈႁိူၼ်းမႃႇၶိ၇ လုၵ်ႈၸၢႆးဢမျေႇလဝၢၼ်ႈလေႃႇတေႇပႃႇၼၼ်ႉမႃးဢေႃႈ။
၆ မေႇၽိပေႃႇသိတ်ႉဢၼ်ပဵၼ်လုၵ်ႈၸၢႆးယေႃးၼသၼ်ႇလၢၼ်သေႃးလုၼၼ်ႉႁွတ်ႈထိုင်ၵႃႈတီႈတႃႇဝိတ်ႉသေယဝ်ႉၶုပ်ႉမူပ်ႇသေလႄႈဝႆႈဢေႃႈ။တႃႇဝိတ်ႉၵေႃႈႁွင်ႉမၼ်းလႄႈဝႃႈ၊-မေႇၽိပေႃႇသိတ်ႉဢိူၺ်း၊ဝႃႈၼင်ႇၼႆလႄႈမၼ်းၵေႃႈၶိုၼ်းလဝ်ႈလၢတ်ႈလႄႈဝႃႈ၊-ဢေႃႈ၊ၶႃႈၸဝ်ႈႁဝ်းမီးယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။
၇ တႃႇဝိတ်ႉၵေႃႈလၢတ်ႈလႄႈဝႃႈ၊-ယႃႇပမေႆႈၸႂ်။ၵဝ်တၵ်းႁဵတ်းၵျေးၸူးတီႈမႂ်းဢမၢၼ်ႇၶၼ်ပဵၼ်ၵွပ်ႈပိူဝ်ႈပေႃႈမႂ်းယေႃးၼသၼ်ႇၼၼ်ႉဢေႃႈ။ၵဝ်တၵ်းဢဝ်လိၼ်ၵႃႈဢၼ်ပူႇမႂ်းသေႃႇလုပိူင်ႇၼၼ်ႉၶိုၼ်းပၼ်တီႈမႂ်းဢေႃႈ။မႂ်းတၵ်းလႆႈၵိၼ်ၵႃႈတီႈၶူင်ႇတီႈၵိၼ်ၵဝ်ၵူႈဝၼ်းသေႇသေႇဢေႃႈ၊ဝႃႈၼင်ႇၼႆဢေႃႈ။
၈ မၼ်းၼၼ်ႉၵေႃႈဝၢင်းႁူဝ်လႄႈၶိုၼ်းလဝ်ႈလၢတ်ႈလႄႈဝႃႈ၊-လွင်ႈၼင်ႇႁိုဝ်ၸဝ်ႈႁဝ်းတၵ်းလႆႈလူတူၺ်းၶႃႈၸဝ်ႈႁဝ်းဢၼ်ပဵၼ်မိူၼ်ၼင်ႇတူဝ်တၢႆမႃးယူႇၸိူဝ်ႉၼင်ႇၼႆၼၼ်ႉၸိုင်ၶႃႈၸဝ်ႈႁဝ်းၼႆႉပဵၼ်ၵူၼ်းၸိူဝ်ႉၼင်ႇႁိုဝ်တီႈၶႃႈ၊ဝႃႈၼင်ႇၼႆဢေႃႈ။
၉ မိူဝ်ႈၼၼ်ႉၶုၼ်ႁေႃၶမ်းႁွင်ႉဢဝ်ၸိၽဢၼ်ပဵၼ်ၶႃႈသေႃးလုၼၼ်ႉလႄႈမီးဢမိင်ႉဝႃႈ၊-ၵဝ်ဢဝ်ၵႃႈဢၼ်သေႃးလုဢိၵ်ႇတင်းပီႈၼွင်ႉၸိူဝ်ႉၶိူဝ်းမၼ်းထိူၵ်ႈပိူင်ႇၸိူဝ်းၼၼ်ႉပၼ်တီႈလုၵ်ႈၸၢႆးၸဝ်ႈမႂ်းယဝ်ႉ။
၁၀ မႂ်းဢိၵ်ႇတင်းလုၵ်ႈၸၢႆးမႂ်းတင်းၶႃႈမႂ်းတင်းလၢႆတၵ်းလႆႈႁဵတ်းႁႆႊႁဵတ်းၼႃးပုၼ်ႈမၼ်းလႄႈပၼ်မၢၵ်ႇပၼ်ႁူင်းပုၼ်ႈဢၼ်လုၵ်ႈၸၢႆးၸဝ်ႈမႂ်းတၵ်းၵိၼ်ၼၼ်ႉတႃႉ။လုၵ်ႈၸၢႆးၸဝ်ႈမႂ်းမေႇၽိပေႃႇသိတ်ႉၼႆႉတၵ်းလႆႈၵိၼ်တၢင်းၵိၼ်ၵႃႈတီႈၶူင်ႇတီႈၵိၼ်ၵဝ်ၵူႈဝၼ်းတႃႇသေႇဢေႃႈ၊ဝႃႈၼင်ႇၼႆဢေႃႈ။ၸိၽၼၼ်ႉမီးလုၵ်ႈၸၢႆးသိပ်းႁႃႈၵေႃႉဢိၵ်ႇတင်းၶႃႈသၢဝ်းၼိုင်ႈဢေႃႈ။
၁၁ ၸိၽၶိုၼ်းလဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊-ၵႃႈၼင်ႇဢၼ်ၸဝ်ႈၶုၼ်လူင်ႁဝ်းသင်ႇလၢတ်ႈဝႆႉတီႈၶႃႈၸဝ်ႈႁဝ်းၼႆႉၼၼ်ႉၶႃႈၸဝ်ႈႁဝ်းတၵ်းႁဵတ်းၸွမ်းတီႈၶႃႈဢေႃႈ၊ဝႃႈၼင်ႇၼႆဢေႃႈ။မေႇၽိပေႃႇသိတ်ႉၼၼ်ႉလႆႈၵိၼ်တၢင်းၵိၼ်တၢင်းၶူပ်းၵႃႈတီႈၶူင်ႇတီႈၵိၼ်ၸဝ်ႈမိူၼ်ၸိူဝ်ႉၼင်ႇလုၵ်ႈၸၢႆးဢွၵ်ႇၶုၼ်ႁေႃၶမ်းၸိူဝ်းၼၼ်ႉဢေႃႈ။
၁၁ မေႇၽိပေႃႇသိတ်ႉၼၼ်ႉမီးလုၵ်ႈၸၢႆးဢွၼ်ႇဢၼ်လႆႈၸိုဝ်ႈမိၵ်ႉၶႃႇၼၼ်ႉၵေႃႉၼိုင်ႈဢေႃႈ။ၵူၼ်းႁိူၼ်းၵူၼ်းယေးၸိၽၸိူဝ်းၼၼ်ႉၵေႃႈပဵၼ်ၶႃႈမေႇၽိပေႃႇသိတ်ႉဢေႃႈ။
၁၃ ၼင်ႇၼၼ်လႄႈမေႇၽိပေႃႇသိတ်ႉယူႇၵႃႈၼႂ်းဝဵင်းယေႇရုသလႅမ်ႇလႄႈလႆႈၵိၼ်ၵႃႈတီႈၶူင်ႇတီႈၵိၼ်ၶုၼ်ႁေႃၶမ်းၵူႈဝၼ်းတႃႇသေႇဢေႃႈ။မၼ်းပဵၼ်ၵေႃႉဢၼ်တိၼ်ၵႅင်ႉတင်းသွင်ၶွၼ်ဢေႃႈ။