Chapter
၉
ၵူၼ်းဝဵင်းယေႇရုသလႅမ်ႇ
၁ ၼင်ႇၼၼ်လႄႈမဵဝ်းဢိသရေႇလတင်းသဵင်ႈတင်းမူတ်းလႆႈၶၢမ်ႇတၢင်းဢၼ်မၢတ်ႈမၢႆၶဝ်ႈပႃးၵႃႈၼႂ်းၸရၢင်းလႄႈတႅမ်ႈဝႆႉမီးယူႇၵႃႈၼႂ်းလိၵ်ႈဢၼ်မၢတ်ႈမၢႆၶုၼ်ႁေႃၶမ်းဢိသရေႇလၼၼ်ႉဢေႃႈ။မဵဝ်းယုတလႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈဝဵင်းပႃႇပုလုၼ်ႇၵွပ်ႈပိူဝ်ႈ
ဢပျႅတ်ႈၶဝ်ၼၼ်ႉဢေႃႈ။
၂ လိုၼ်းၼၼ်ႉၶဝ်ၸိူဝ်းဢၼ်တူၵ်းတီႈတူၵ်းလႅၼ်သေလႄႈယူႇဢွၼ်ႇတၢင်းပိူၼ်ႈၵႃႈတီႈဝဵင်းဢၼ်ၶဝ်ထိူၵ်ႈပိူင်ႇၼၼ်ႉၸမ်းပဵၼ်ၵူၼ်းမဵဝ်းဢိသရေႇလ၊
ယိတ်ႉပရေႃးႁိၵ်ႈ၊ၵူၼ်းမဵဝ်းလေႇဝိဢိၵ်ႇတင်းၶႃႈၽြႃးပဵၼ်ၸဝ်ႈတင်းလၢႆဢေႃႈ။
၃ ၵူၼ်းမဵဝ်းယုတ၊ၵူၼ်းမဵဝ်းပိၼ်ႇယႃႇမိၼ်ႇၵူၼ်းမဵဝ်းဢေးၽရိမ်ႇတင်းမၼႃႇသေႇဢၼ်ယူႇၵႃႈၼႂ်း
၄ ဝဵင်းယေႇရုသလႅမ်ႇၼၼ်ႉၸမ်းပဵၼ်ဢုသေႇဢၼ်ပဵၼ်လုၵ်ႈၸၢႆးဢမိႁုတ်ႉလုၵ်ႈၸၢႆးဢေႃႇမရိ၊လုၵ်ႈၸၢႆးဢိမရိ၊လုၵ်ႈၸၢႆးၽႃႇၼိဢၼ်ပဵၼ်မဵဝ်းၸိူဝ်ႉၶိူဝ်းၽေႇရိတ်ႉလုၵ်ႈၸၢႆးယုတ
၅ ၼၼ်ႉၵေႃႉၼိုင်ႈဢသႃႇယလုၵ်ႈၸၢႆးတူၼ်ႈဢိၵ်ႇတင်းလုၵ်ႈမၼ်းဢၼ်ပဵၼ်မဵဝ်းၸိူဝ်ႉၶိူဝ်း
၆ သိလေႃႇၼိၼၼ်ႉမုၵ်ႉၸိူဝ်းၼိုင်ႈ၊ယုၺ်ႇလဢိၵ်ႇတင်းပီႈၼွင်ႉမၼ်းဢၼ်ပဵၼ်မဵဝ်းၸိူဝ်ႉၶိူဝ်းၸေႇရၼၼ်ႉမုၵ်ႉၸိူဝ်းၼိုင်ႈပွင်းၵၼ်ပဵၼ်ႁူၵ်းပၢၵ်ႇပၢႆၵဝ်ႈသိပ်းဢေႃႈ။
၇ ၵူၼ်းမဵဝ်းပိၼ်ႇယႃႇမိၼ်ႇၸမ်းပဵၼ်သႃႇလုဢၼ်ပဵၼ်လုၵ်ႈၸၢႆးမေႇသုလမ်ႇ၊လုၵ်ႈၸၢႆးႁေႃႇတဝိ၊လုၵ်ႈၸၢႆးႁႃႇသေႇၼႂႃႇၼၼ်ႉၵေႃႉၼိုင်ႈ၊ဢိပၼိလုၵ်ႈၸၢႆးယေႇႁေႃႇႁမ်ႇၵေႃႉၼိုင်ႈ၊
၈ ဢေႇလႃႇလုၵ်ႈၸၢႆးဢေႃႇၸိ၊လုၵ်ႈၸၢႆးမိၶရိၵေႃႉၼိုင်ႈ၊မေႇသုတမ်ႇလုၵ်ႈၸၢႆးသေႇၽတိ၊လုၵ်ႈၸၢႆးႁုဢေႇလ၊လုၵ်ႈၸၢႆးဢိပၼိယၵေႃႉၼိုင်ႈ၊ဢိၵ်ႇတင်းပီႈၼွင်ႉၶဝ်ဢၼ်ၸွမ်းလူၺ်ႈမဵဝ်း
ၸိူဝ်ႉၶိူဝ်းသိုပ်ႇလူင်းမႃးၼၼ်ႉပွင်းၵၼ်ပဵၼ်ၵဝ်ႈပၢၵ်ႇႁႃႈသိပ်းပၢႆႁူၵ်းၵေႃႉဢေႃႈ။
၉ ၶဝ်ၵႃႈမီးၼႆႉပဵၼ်တူၼ်ႈပဵၼ်ငဝ်ႈမဵဝ်းၸိူဝ်ႉၶိူဝ်းပေႃႈၶဝ်ၸွမ်းလူၺ်ႈမဵဝ်းၸိူဝ်ႉၶိူဝ်းပေႃႈၶဝ်ၼၼ်ႉဢေႃႈ။
၁၀ ယိတ်ႉပရေႃးႁိၵ်ႈၸမ်းပဵၼ်ယေႇတႃႇယ၊ယေႇယရိပ်ႉ၊ယႃႇၶိၼ်ႇဢိၵ်ႇတင်းဢႃႇၸရိဢၼ်ဢုပ်ႉ
၁၁ ၵႃႈၼိူဝ်ႁိူၼ်းပိၵ်ႉမၢၼ်ႇၽြႃးပဵၼ်ၸဝ်ႈဢၼ်ပဵၼ်လုၵ်ႈၸၢႆးႁိလၶိ၊လုၵ်ႈၸၢႆးမေႇသုလမ်ႇ၊
၁၂ လုၵ်ႈၸၢႆးၸႃႇတုၵ်ႉ၊လုၵ်ႈၸၢႆးမႁႃႇယုတ်ႉ၊လုၵ်ႈၸၢႆးဢႁိတုပ်ႉၼၼ်ႉပႃးၼိုင်ႈ၊ဢတႃႇယလုၵ်ႈၸၢႆးယေႇႁေႃႇႁမ်ႇ၊လုၵ်ႈၸၢႆးပႃႇသုရ၊လုၵ်ႈၸၢႆးမႃႇလၶိပႃးၼိုုင်ႈ၊မႃႇသေႇလုၵ်ႈ
၁၃ ၸၢႆးဢတေႇလ၊လုၵ်ႈၸၢႆးယႃႇၸေႇရ၊လုၵ်ႈၸၢႆးမေႇသုလမ်ႇ၊လုၵ်ႈၸၢႆးမေႇသိၶလမုတ်ႉ၊လုၵ်ႈၸၢႆးဢိမေႇရပႃးၼိုင်ႈဢိၵ်ႇတင်းပီႈၼွင်ႉၶဝ်ဢၼ်ပဵၼ်ၵေႃႉဢၼ်ပဵၼ်တူၼ်ႈပဵၼ်ငဝ်ႈမဵဝ်းၸိူဝ်ႉၶိူဝ်းပေႃႈၶဝ်ၼၼ်ႉပွင်းၵၼ်ပဵၼ်ႁဵင်ၸဵတ်းပၢၵ်ႇပၢႆႁူၵ်းသိပ်းဢေႃႈ။ၶဝ်ၸိူဝ်းၼႆႉပဵၼ်ၵေႃႉဢၼ်တတ်ႈၼိုင်ႇႁႂ်ႈလႆႈၵိုတ်ႈႁၢပ်ႇဢမူႉႁိူၼ်းပိၵ်ႉမၢၼ်ႇၽြႃးပဵၼ်ၸဝ်ႈဢေႃႈ။
၁၄ ၵူၼ်းမဵဝ်းလေႇဝိၸမ်းႉပဵၼ်မႃႇသေႇယလုၵ်ႈၸၢႆးႁႃႇသုပ်ႉ၊လုၵ်ႈၸၢႆးဢႃႇၸရိၵမ်ႇ၊လုၵ်ႈၸၢႆး
၁၅ ႁႃႇသိပိဢၼ်ပဵၼ်မဵဝ်းၸိူဝ်ႉၶိူဝ်းမေႇရႃႇရိၼၼ်ႉပႃးၼိုင်ႈ၊ပႃႇၵပိၵ်ႉၵႃႇ၊ႁေႇရိတ်ႉ၊ၵလႃႇလသၢမ်ပႃး၊မၢတ်ႉသၼိလုၵ်ႈၸၢႆးမိၵ်ႉၶႃႇ၊လုၵ်ႈၸၢႆးၸိၶရိ၊လုၵ်ႈၸၢႆးဢႃႇသပ်ႉၼၼ်ႉပႃးၼိုင်ႈ၊
၁၆ ဢေႃႇပတိလုၵ်ႈၸၢႆးသေႇမႃႇယ၊လုၵ်ႈၸၢႆးၵလႃႇလ၊လုၵ်ႈၸၢႆးယေႇတုသုမ်ႇပႃးၼိုင်ႈ၊ပေႇရၶိလုၵ်ႈၸၢႆးဢႃႇသ၊လုၵ်ႈၸၢႆးဢေႇလၵႃႇၼဢၼ်ယူႇၵႃႈတီႈဝၢၼ်ႈၵူၼ်းၼေႇတေႃႇၽႃႇသိၸိူဝ်းၼၼ်ႉပႃးၼိုင်ႈဢေႃႈ။
၁၇ ၵူၼ်းဢၼ်ပႂ်ႉၽၵ်းတူၸမ်းပဵၼ်သႃႇလုမ်ႇ၊ဢၵ်ႉၵုပ်ႉ၊တႃႇလမုၼ်ႇ၊ဢႁိမၼ်ႇဢိၵ်ႇတင်းပီႈၼွင်ႉၶဝ်မုၵ်ႉၸိူဝ်းၼိုင်ႈဢေႃႈ။
၁၈ သႃႇလုမ်ႇၼၼ်ႉပဵၼ်ၵေႇၽၵ်းတူတၢင်းဝၼ်းဢွၵ်ႇဢၼ်ၶုၼ်ႁေႃၶမ်းၶဝ်ႈၼၼ်ႉဢေႃႈ။ၶဝ်ၸိူဝ်းၼႆႉလႆႈပဵၼ်ၵူၼ်းပႂ်ႉၽၵ်းတူဢၼ်ပႃးလူၺ်ႈမုၵ်ႉလူၺ်ႈၸိူဝ်းၵူၼ်းမဵဝ်းလေႇဝိၼၼ်ႉဢေႃႈ။
၁၉ သႃႇလုမ်ႇလုၵ်ႈၸၢႆးၵေႃႇရ၊လုၵ်ႈၸၢႆးဢေႇပျႃႇသပ်ႉ၊လုၵ်ႈၸၢႆးၵေႃႇရဢိၵ်ႇတင်းပီႈၼွင်ႉမၼ်းဢၼ်ပဵၼ်မဵဝ်းၸိူဝ်ႉၶိူဝ်းပေႃႈမၼ်း၊ၵူၼ်းမဵဝ်းၵေႃႇရသိၸိူဝ်းၼၼ်ႉလႆႈပႂ်ႉလူပႂ်ႉထိင်းတၢင်းဢၼ်ၵိုတ်ႈဢၼ်ႁၢပ်ႇဢမူႉၸဝ်ႈလႄႈပဵၼ်ၵူၼ်းပႂ်ႉၽၵ်းတူသုမ်ႉထဵင်ၸဝ်ႈဢေႃႈ။ပူႇပေႃႈၶဝ်ၼၼ်ႉလႆႈပႂ်ႉလူပႂ်ႉထိင်းတပ်ႉပူဝ်ႇပႃႇထႃႇဝရႃႉၽြႃးလႄႈပဵၼ်ၵေႃႉဢၼ်ပႂ်ႉၼႃႈသုမ်ႉထဵင်ၸဝ်ႈဢေႃႈ။
၂၀ ၽိၼႁတ်ႉလုၵ်ႈၸၢႆးဢေႇလႃႇၸႃႇလႆႈဢုပ်ႉၵႃႈၼိူဝ်ၶဝ်မိူဝ်ႈၵွၼ်ႇဢွၼ်ၼႆႉၼၼ်ႉလႄႈထႃႇဝရႃႉၽြႃးမီးယူႇလူၺ်ႈၵၼ်တင်းမၼ်းၼၼ်ႉဢေႃႈ။
၂၁ ၸႃႇၶရိလုၵ်ႈၸၢႆးမသေႇလမိပဵၼ်ၵေႃႉဢၼ်ပႂ်ႉၽၵ်းတူသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉဢေႃႈ။
၂၂ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဢဝ်ႁႂ်ႈလႆႈပဵၼ်ၵေႃႉဢၼ်ပႂ်ႉၽၵ်းတူၼၼ်ႉပွင်းၵၼ်ပဵၼ်သွင်ပၢၵ်ႇသိပ်းပၢႆသွင်ၵေႃႉဢေႃႈ။ၶဝ်ၼၼ်ႉလႆႈၶၢမ်ႇတၢင်းဢၼ်မၢတ်ႈမၢႆၶဝ်ပႃးၼႂ်းၸရၢင်းတီႈဝၢၼ်ႈၶဝ်လႄႈပဵၼ်ၵေႃႉဢၼ်ၶုၼ်လူင်တႃႇဝိတ်ႉဢိၵ်ႇတင်းပရေႃးၽိတ်ႈသမုၺ်ႇလဢၼ်ပဵၼ်ၵေႃႉဢၼ်ႁူပွင်တႃႇလႅင်းၼၼ်ႉၶၢၼ်းဝႆႉၼႂ်းဢရႃႇၶဝ်ၼၼ်ႉဢေႃႈ။
၂၃ ၶဝ်ဢိၵ်ႇတင်းလုၵ်ႈလၢင်းၶဝ်ၼၼ်ႉလႆႈပႂ်ႉလူပႂ်ႉထိင်းၽၵ်းတူႁိူၼ်းထႃႇဝရႃႉၽြႃးဢၼ်ဝႃႈသုမ်ႉထဵင်ၸဝ်ႈၼၼ်ႉၸွမ်းလူၺ်ႈတီႈၽႂ်တီႈမၼ်းဢေႃႈ။
၂၄ ၵူၼ်းပႂ်ႉၽၵ်းတူၸိူဝ်းၼၼ်ႉလႆႈဢွၼ်ၵၼ်ပႂ်ႉယူႇၵႃႈတီႈတၢင်းၼွၵ်ႈ၊တၢင်းတူၵ်း၊တၢင်းႁွင်ႇ၊တၢင်းၸၢၼ်းသီႇၼႃႈဢေႃႈ။
၂၅ ပီႈၼွင်ႉၶဝ်ဢၼ်ယူႇၵႃႈတီႈဝၢၼ်ႈၶဝ်ၸိူဝ်းၼၼ်ႉၸဵတ်းဝၼ်းလႆႈဢွၼ်ၵၼ်မႃးႁႂ်ႈလႆႈမီးလူၺ်ႈၵၼ်တင်းၶဝ်ၵႃႈၼင်ႇဢၼ်တူၵ်းလႄႉတူၵ်းၵမ်းၼၼ်ႉဢေႃႈ။
၂၆ ၵေႇၽၵ်းတူသီႇၵေႃႉဢၼ်ပဵၼ်ၵူၼ်းမဵဝ်းလေႇဝိၼၼ်ႉၸွမ်းၵႃႈၼင်ႇဢၼ်လႆႈၶၢမ်ႇဢရႃႇသေႇသေႇၼၼ်ႉလႄႈလႆႈဢွၼ်ၵၼ်ပႂ်ႉလုၵ်းၶၢၼ်းဢိၵ်ႇတင်းတိူၵ်ႈၽၼ်ႇတႃႇႁိူၼ်းပိၵ်ႉမၢၼ်ႇၽြႃးပဵၼ်ၸဝ်ႈတင်းလၢႆယူႇဢေႃႈ။
၂၇ ၵွပ်ႈပိူဝ်ႈဢၼ်ၶဝ်လႆႈပႂ်ႉၸိူဝ်ႉၼင်ႇၼၼ်လႄႈၵူႈၼႂ်ၵူႈၼႂ်ၶဝ်လႆႈၽုၺ်ႇၽၵ်းတူၼၼ်ႉလႄႈၶဝ်လႆႈဢွၼ်ၵၼ်ၼွၼ်းၵႃႈတီႈလဵပ်ႈႁွပ်ႈႁိူၼ်းပိၵ်ႉမၢၼ်ႇၽြႃးပဵၼ်ၸဝ်ႈၼၼ်ႉဢေႃႈ။
၂၈ ၵမ်ႈၽွင်ႈၵေႃႈလႆႈပႂ်ႉၶိူင်ႈပိူင်ဢၼ်ၵိုတ်ႈႁၢပ်ႇဢမူႉၸဝ်ႈၸိူဝ်းၼၼ်ႉလႄႈလႆႈဢွၼ်ၵၼ်ဢဝ်သႂၢင်းၶဝ်ႈယူႇဢဝ်ဢွၵ်ႇယူႇၸွမ်းၵႃႈၼင်ႇဢၼ်ၼပ်ႉဢၼ်ဢၢၼ်ႇၼၼ်ႉဢေႃႈ။
၂၉ ၵမ်ႈၽွင်ႈၵေႃႈလႆႈၶၢမ်ႇတၢင်းဢၼ်ၶၢၼ်းဝႆႉႁႂ်ႈလႆႈပႂ်ႉလူပႂ်ႉထိင်းၶိူင်ႈပိူင်ဢၼ်သုင်းဢၼ်သွင်ႇတင်းလၢႆဢိၵ်ႇတင်းၶိူင်ႈပိူင်ထႃႇၼႃႉတီႈမူတ်းၸၢင်ႇၸဝ်ႈၵႃႈမီး၊ၽွင်ၶဝ်ႈမုၼ်း၊ၼမ်ႉၸပိတ်ႉ၊ၼမ်ႉမၼ်း၊လေႃႇပၢၼ်ႇတင်းမဵဝ်းၼၢမ်ႇသႃႇတင်းလၢႆလႄႈယူႇဢေႃႈ။
၃၀ ၵူၼ်းမဵဝ်းယိတ်ႉပရေႃးႁိၵ်ႈၵမ်ႈၽွင်ႈၵေႃႈလႆႈဢွၼ်ၵၼ်ၽေႃႇႁဵတ်းၼမ်ႉမၼ်းၼၢမ်ႇသႃႇဢေႃႈ။
၃၁ မတ်ႉတိသိဢၼ်ပဵၼ်လုၵ်ႈၸၢႆးသႃႇလုမ်ႇဢၼ်ပဵၼ်မဵဝ်းၸိူဝ်ႉၶိူဝ်းၵေႃႇရသိၵႃႈၼႂ်းၵူၼ်းမဵဝ်းလေႇဝိၼၼ်ႉလႆႈဢရႃႇဢၼ်ပႂ်ႉမဵဝ်းၶဝ်ႈမုၼ်းဢၼ်ဢဝ်တင်းၶႅပ်းလဵၵ်းၽဝ်ၼၼ်ႉဢေႃႈ။
၃၂ ပီႈၼွင်ႉၶဝ်ဢၼ်ပဵၼ်မဵဝ်းၸိူဝ်ႉၶိူဝ်းၵေႃႇရသိၵမ်ႈၽွင်ႈၼၼ်ႉလႆႈဢွၼ်ၵၼ်ပႂ်ႉလူပႂ်ႉထိင်းၶဝ်ႈမုၼ်းၽၢႆႇၼႃႈၸဝ်ႈႁႂ်ႈလႆႈပွင်မႄးပွင်ႁႅၼ်းပုၼ်ႈဝၼ်းၵမ်သိၼ်ၵူႈဝၼ်းဢေႃႈ။
၃၃ ၶဝ်ၸိူဝ်းဢၼ်ႁဵတ်းၵႂၢမ်းဢၼ်ပဵၼ်တူၼ်ႈပဵၼ်ငဝ်ႈၼႂ်းမဵဝ်းၸိူဝ်ႉၶိူဝ်းပေႃႈၶဝ်ၼႂ်းမဵဝ်းလေႇဝိၸိူဝ်းၼၼ်ႉလႆႈယူႇၵႃႈတီႈလုၵ်းႁိူၼ်းၸဝ်ႈတင်းလၢႆလႄႈဢမ်ႇလႆႈႁဵတ်းဢမူႉတၢင်ႇၸိူဝ်ႉတၢင်ႇဢၼ်ၵွပ်ႈပိူဝ်ႈဢၼ်ၶဝ်လႆႈပႂ်ႉဢမူႉၶဝ်ယူႇၵူႈဝၼ်းၵူႈၶိုၼ်းဢမ်ႇထၢတ်ႇၼၼ်ႉဢေႃႈ။
၃၄ ၶဝ်ၸိူဝ်းၼႆႉၸမ်းပဵၼ်တူၼ်ႈပဵၼ်ငဝ်ႈၼႂ်းမဵဝ်းၸိူဝ်ႉၶိူဝ်းပေႃႈၶဝ်ၼႂ်းမဵဝ်းလေႇဝိၼၼ်ႉၸွမ်းလူၺ်ႈတၢင်းဢၼ်ၶဝ်သိုပ်ႇလူင်းမႃးၼၼ်ႉလႄႈပဵၼ်ငဝ်ႈပဵၼ်ႁူဝ်သေလႄႈဢွၼ်ၵၼ်တူၵ်းတီႈတူၵ်းလႅၼ်ယူႇၵႃႈတီႈဝဵင်းယေႇရုသလႅမ်ႇဢေႃႈ။
ၸိူဝ်ႉၶိူဝ်းသေႃးလု
၃၅ ယေႇႁိလဢၼ်ပဵၼ်ပေႃႈၵိပွင်ႇဢၼ်မေးမၼ်းလႆႈၸိုဝ်မႃႇၶႃႇၼၼ်ႉယူႇၵႃႈတီႈဝဵင်ၵိပွင်ႇဢေႃႈ။
၃၆ လုၵ်ႈၸၢႆးတူၼ်ႈမၼ်းၸမ်းပဵၼ်ဢႃႇပတုၼ်ႇ၊လိုၼ်းမၼ်းၼၼ်ႉၸုရ၊ၵိသ၊ပႃႇလ၊ၼေႇရ၊ၼႃႇတပ်ႉ၊ၵေႇတေႃႇ၊ဢႁိဢေႃႇ၊ၸႃႇၶရိတင်းမိၵလုတ်ႉဢေႃႈ။
၃၇ လုၵ်ႈၸၢႆးမိၵလုတ်ႉၸမ်းပဵၼ်သိမဢေႃႈ။
၃၈ ၶဝ်ႈၸိူဝ်းၼႆႉတူၵ်းတီႈတူၵ်းလႅၼ်ယူႇလူၺ်ႈၵၼ်တင်းပီႈၼွင်ႉၶဝ်ၵႃႈၼႂ်းဝဵင်းယေႇရုသလႅမ်ႇၵႃႈတီႈႁိမ်းမူႇပီႈၸိူဝ်းၼွင်ႉၽၢၵ်ႇၼိုင်ႈၼၼ်ႉဢေႃႈ။
၃၉ ၼေႇရမီးလုၵ်ႈၸၢႆးၵိသ၊ၵိသမီးလုၵ်ႈၸၢႆးသေႃးလု၊သေႃးလုမီးလုၵ်ႈၸၢႆးယေႃးၼသၼ်ႇ၊မေႇလၶိသႂႃႉ၊ဢၽိၼတပ်ႉတင်းဢိသပႃႇလဢေႃႈ။
၄၀ လုၵ်ႈၸၢႆးယေႃးၼသၼ်ႇၸမ်းပဵၼ်မေႇရိပ်ႉပႃႇလ၊လုၵ်ႈၸၢႆးမေႇရိပ်ႉပႃႇလပဵၼ်မိၵ်ႉၶႃႇ၊
၄၁ လုၵ်ႈၸၢႆးမိၵ်ႉၶႃႇပဵၼ်ပိသုၼ်ႇ၊မေႇလိၵ်ႉ၊တႃႇရႃႇတင်းဢႃႇၶတ်ႉဢေႃႈ။
၄၂ ဢႃႇၶတ်ႉၼၼ်ႉမီးလုၵ်ႈၸၢႆးယေႇႁေႃႇတ၊ယေႇႁေႃႇတမီးလုၵ်ႈၸၢႆးဢႃႇလမိတ်ႉ၊ဢႃႇလမမႃႇဝိတ်ႉတင်းၸိမရိဢေႃႈ။
၄၃ ၸိမရိမီးလုၵ်ႈၸၢႆးမေႃႇၸ၊မေႃႇၸမီးလုၵ်ႈၸၢႆးပိၼႃႇ၊ပိၼႃႇမီးလုၵ်ႈၸၢႆးရေႇၽႃႇယ၊ရေႇၽႃႇယမီးလုၵ်ႈၸၢႆးဢေႇလႃႇသ၊ဢေႇလႃႇသမီးလုၵ်ႈၸၢႆးဢႃႇၸေႇလဢေႃႈ။
၄၄ ဢႃႇၸေႇလမီးလုၵ်ႈၸၢႆးႁူၵ်းၵေႃႉဢၼ်လႆႈၸိုဝ်ဢႃႇၸရိၵမ်ႇ၊ပေႃႇၶေႇရု၊ဢိသမေႇလ၊သရိယ၊ဢေႃႇပတိတင်းႁႃႇၼၼ်ႇဢေႃႈ။ၶဝ်ႈၵႃႈမီးၼႆႉပဵၼ်လုၵ်ႈၸၢႆးဢႃႇၸေႇလဢေႃႈ။