Chapter
၁၀
သေႃးလုဢဝ်တူဝ်ၸဝ်ႈၵဝ်ႇတၢႆ
၁ မိူဝ်ႈၼၼ်ႉၵူၼ်းၽိလိတ်ႉတိၸိူဝ်းၼၼ်ႉတိုၵ်းၵၼ်တင်းၵူၼ်းမဵဝ်းဢိသရေႇလတင်းလၢႆလႄႈၵူၼ်းမဵဝ်းဢိသရေႇလၸိူဝ်းၼၼ်ႉဢွၼ်ၵၼ်ဢွၵ်ႇပၢႆႈၵႃႈတီႈၽၢႆႇၼႃႈၵူၼ်းၽိလိတ်ႉတိၸိူဝ်းၼၼ်ႉသေလႄႈလူမ်ႉတၢႆၵႃႈၼိူဝ်လွႆၵိလပေႃႇဢေႃႈ။
၂ ၵူၼ်းၽိလိတ်ႉတိၸိူဝ်းၼၼ်ႉလိုပ်ႈၸွမ်းလမ်းၸွမ်းသေႃးလုတင်းလုၵ်ႈၸၢႆးမၼ်းတင်းလၢႆၵိၼ်းၼႃႇလူင်လၢင်လႄႈၵူၼ်းၽိလိတ်ႉတိၸိူဝ်းၼၼ်ႉဢဝ်ယေႃးၼသၼ်ႇ၊ဢၽိၼတပ်ႉတင်းမေႇလၶိသႂႃႉဢၼ်ပဵၼ်လုၵ်ႈၸၢႆးသေႃးလုၸိူဝ်းၼၼ်ႉတၢႆဢေႃႈ။
၃ ၼႂ်းတီႈဢၼ်တိုၵ်းသိုၵ်းယူႇၼၼ်ႉသေႃးလုလႆႈၶၢမ်ႇၼႃႇလူင်လၢင်လႄႈၵူၼ်းဢၼ်မေႃၵၢင်ႇၶိုတ်းမၼ်းသေယဝ်ႉမၼ်းတူၵ်းၸႂ်ၵူဝ်ႁႄၵွပ်ႈပိူဝ်ႈၵူၼ်းမေႃ၄ၵၢင်ႇၸိူဝ်းၼၼ်ႉလႄႈ၊သေႃးလုလၢတ်ႈတီႈၵူၼ်းဢွၼ်ႇဢၼ်ပႃးလၢၵ်ႈၼၢၵ်ႈမၼ်းၼၼ်ႉလႄႈဝႃႈ၊-ထွတ်ႇလၢပ်ႇမႂ်းလႄႈတႅင်းပွင်ႇၵဝ်တၢႆတႃႉ။
၄ ပေႃးဢမ်ႇၼၼ်ၵူၼ်းဢၼ်ဢမ်ႇၶၢမ်ႇမၢင်ႇၵလႃႇထိူဝ်ႁိမ်းၸိူဝ်းၼၼ်ႉတၵ်းမႃးလႄႈႁဵတ်းတၢင်းဢၼ်ဢမ်ႇရူဝ်ႇသေႇၵူဝ်ယမ်တီႈၵဝ်ဢိူဝ်ႈ၊ဝႃႈၼင်ႇၼႆသေၵေႃႈၵူၼ်းဢွၼ်ႇဢၼ်ပႃးလၢၵ်ႈၼၢၵ်ႈမၼ်းၼၼ်ႉဢမ်ႇႁတ်းႁဵတ်း။ၵွပ်ႈပိူဝ်ႈဢၼ်ၵူဝ်ႁႄၼႃႇလူင်လၢင်ၼၼ်ႉလႄႈသေႃးလုလူမ်ႉတႅင်းသႂ်ႇၵႃႈၼိူဝ်ပၢႆလၢပ်ႇမၼ်းႁင်းၵူၺ်းမၼ်းလႄႈတၢႆဢေႃႈ။
၅ မိူဝ်ႈဢၼ်ၵူၼ်းဢွၼ်ႇဢၼ်ပႃးလၢၵ်ႈၼၢၵ်ႈၼၼ်ႉႁၼ်လွင်ႈဢၼ်သေႃးလုတၢႆယဝ်ႉၼၼ်ႉၸိုင်မၼ်းၵေႃႈဢဝ်လၢပ်ႇၼၼ်ႉပူၵ်းတင်ႈလႄႈလူမ်ႉသႂ်ႇၵႃႈၼိူဝ်ပၢႆလၢပ်ႇလႄႈတၢႆဢေႃႈ။
၆ ၼင်ႇၼၼ်လႄႈၸႃႉၸဵမ်သေႃးလုဢိၵ်ႇတင်းလုၵ်ႈၸၢႆးမၼ်းသၢမ်ႇၵေႃႉတင်းၵူၼ်းႁၢင်ႈၵူၼ်းႁေႃၸဝ်ႈၵႃႈမီးၸိူဝ်းၼၼ်ႉဢွၼ်ၵၼ်တၢႆမိူဝ်ႈလဵဝ်ၵၼ်ဢေႃႈ။
၇ ၵူၼ်းမဵဝ်းဢိသရေႇလၵႃႈဢၼ်ယူႇၵႃႈတီႈပၢင်ႇႁူၺ်ႈၼၼ်ႉႁူႉလွင်ႈဢၼ်ၵူၼ်းမဵဝ်းဢိသရေႇလၸိူဝ်းၼၼ်ႉဢွၵ်ႇပၢႆႈဢိၵ်ႇတင်းလွင်ႈဢၼ်သေႃးလုတင်းလုၵ်ႈၸၢႆးမၼ်းၸိူဝ်းၼၼ်ႉတၢႆယဝ်ႉၼၼ်ႉၸိုင်ၶဝ်ပႅတ်ႈဝၢၼ်ႈပႅတ်ႈဝဵင်းၶဝ်သေလႄႈဢွၵ်ႇပၢႆႈလႄႈၵူၼ်းၽိလိတ်ႉတိတင်းလၢႆဢွၼ်ၵၼ်မႃးလႄႈယူႇၵႃႈၼႂ်းဝၢၼ်ႈၼႂ်းဝဵင်းၸိူဝ်းၼၼ်ႉဢေႃႈ။
၈ ဝၼ်းမိူဝ်ႈၽုၵ်ႈဢၼ်ၵူၼ်းၽိလိတ်ႉတိၸိူူဝ်းၼၼ်ႉဢွၼ်ၵၼ်မႃးႁႂ်ႈလႆႈထွတ်ႇဢဝ်ၶူဝ်းၼုင်ႈတၢင်းမႆႊတီႈတူဝ်တၢႆၸိူဝ်းၼၼ်ႉၸိုင်ၶဝ်ထူပ်းႁၼ်သေႃးလုဢိၵ်ႇတင်းလုၵ်ႈၸၢႆးမၼ်းသၢမ်ၵေႃႉလူမ်ႉတၢႆယူႇၵႃႈၼိူဝ်လွႆၵိလပေႃႇယဝ်ႉၼၼ်ႉဢေႃႈ။
၉ ၶဝ်ထွတ်ႇဢဝ်ၶူဝ်းၼုင်ႈတၢင်းမႆႊၸဝ်ႈလႄႈဢဝ်ၵွၵ်းႁူဝ်ၸဝ်ႈဢိၵ်ႇတင်းလၢၵ်ႈၼၢၵ်ႈၸဝ်ႈသေယဝ်ႉပၼ်ၵႂႃႇၵႃႈတီႈမိူင်းၽိလိတ်ႉတိၵူႈတီႈၵူႈလႅၼ်ႁႂ်ႈလႆႈမွၵ်ႇလၢတ်ႈသတၢင်းသဵင်ၶၢဝ်ႇတီႈရုၵ်ႉထူႉၽြႃးၶဝ်ဢိၵ်ႇတင်းတီႈၵူၼ်းတင်းလၢႆၼၼ်ႉဢေႃႈ။
၁၀ လၢၵ်ႈၼၢၵ်ႈၸဝ်ႈၵေႃႈၶဝ်ဢဝ်ဝႆႉၵႃႈၼႂ်းၵျွင်းၽြႃးၶဝ်လႄႈၵွၵ်းႁူဝ်ၸဝ်ႈၸိုင်ၶဝ်ဢဝ်ႁွႆႈဝႆႉၵႃႈၼႂ်းပိၵ်ႉမၢၼ်ႇတႃႇၵွၼ်ႇဢေႃႈ။
၁၁ မိူဝ်ႈဢၼ်ၵူၼ်းဝဵင်းယႃႇပိတ်ႉတင်းသဵင်ႈတင်းလူင်ငိၼ်းလွင်ႈၵႃႈဢၼ်ၵူၼ်းၽိလိတ်ႉတိႁဵတ်းတီႈသေႃးလုၼၼ်ႉၸိုင်၊
၁၂ ၵူၼ်းႁတ်းၵူၼ်းႁၢၼ်ၶဝ်ၵႃႈမီးၼၼ်ႉဢွၼ်ၵၼ်လုၵ်ႉလႄႈဢဝ်တူဝ်တၢႆသေႃးလုဢိၵ်ႇတင်းတူဝ်တၢႆလုၵ်ႈၸၢႆးမၼ်းၸိူဝ်းၼၼ်ႉၵႂႃႇၸူးၵႃႈတီႈဝဵင်းယႃႇပိတ်ႉသေလႄႈဢဝ်လုပ်ႇၶဝ်ၼၼ်ႉသၢင်းၵျူဝ်ႇၵႃႈတီႈတႂ်ႈတူၼ်ႈမႆႉၼိမ်ၵႃႈၼႂ်းဝဵင်းယႃႇပိတ်ႉသေယဝ်ႉၵမ်တၢင်းၵိၼ်ၸဵတ်း၁၃ ဝၼ်းတဵမ်တဵမ်ဢေႃႈ။
၁၃ ၼင်ႇၼၼ်လႄႈသေႃးလုၼၼ်ႉလႆႈတၢႆၵွပ်ႈပိူဝ်ႈတၢင်းဢၼ်ပူၼ်ႉလိူဝ်ဢၼ်မၼ်းၽိတ်းပိူင်ႈထႃႇဝရႃႉၽြႃးဢၼ်ဝႃႈၵွပ်ႈပိူဝ်ႈမၼ်းဢမ်ႇထွမ်ႇဢဝ်ၵႂၢမ်းထႃႇဝရႃႉၽြႃးဢိၵ်ႇတင်းၵွပ်ႈပိူဝ်ႈမၼ်းယင်းဢမ်ႇတွင်ႈထၢမ်တီႈထႃႇဝရႃႉၽြႃးလႄႈတွင်ႈထၢမ်တီႈၵေႃႉဢၼ်ၽီၶဝ်ႈၼၼ်ႉဢေႃႈ။
၁၄ ပိူဝ်ႈၼႆလႄႈထႃႇဝရႃႉၽြႃးဢဝ်မၼ်းတၢႆလႄႈဢဝ်သိုင်ႇၸိုင်ႈဝၢၼ်ႈမိူင်းၸဝ်ႈဢၢပ်ႈပၼ်တီႈတႃႇဝိတ်ႉလုၵ်ႈၸၢႆးယေႇသေႇၼၼ်ႉဢေႃႈ။