Chapter
၁၈
တၢင်းဢၼ်တႃႇဝိတ်ႉပႄႉၼႅင်ႇ
၁ လိုၼ်းၼၼ်ႉတႃႇဝိတ်ႉတိုၵ်းတေႃးယႃႉပႅတ်ႈၵူၼ်းၽိလိတ်ႉတိတင်းလၢႆလႄႈပႄႉၼႅင်ႇသေယဝ်ႉသိမ်းဢဝ်ဝဵင်းၵႃႇသဢိၵ်ႇတင်းဝၢၼ်ႈမၼ်းတင်းလၢႆသေၵႃႈၼႂ်းမိုဝ်းၵူၼ်းၽိလိတ်ႉတိၸိူဝ်းၼၼ်ႉဢေႃႈ။
၂ မိူင်းမေႃႇၽၵေႃႈမၼ်းတိုၵ်းတေႃးယႃႉပႅတ်ႈလႄႈၵူၼ်းမဵဝ်းမေႃႇၽၸိူဝ်းၼၼ်ႉလႆႈၶၢမ်ႇႁဵတ်းၶႃႈတီႈတႃႇဝိတ်ႉသေလႄႈသၢၵ်ႈၶွၼ်ႇဢေႃႈ။
၃ တႃႇဝိတ်ႉတိုၵ်းတေႃးယႃႉပႅတ်ႈႁႃႇတရေႃႇၸႃႇၶုၼ်လူင်ၸေႃႇၽတေႃႇထိုင်ႁွတ်ႈဝဵင်းႁႃႇမတ်ႉသေလႄႈၶီႇသိုၵ်းၵႂႃႇၵႃႈတီႈၼမ်ႉႁွင်ႊဢုၽရတ်ႉလႄႈတႄႇတင်ႈသိုင်ႇၸိုင်ႈဝၢၼ်ႈမိူင်းၵႃႈတီႈၼၼ်ႉဢေႃႈ။
၄ တႃႇဝိတ်ႉတီႉၵမ်ဢဝ်လေႃႉရထႃးႁဵင်ၼိုင်ႈႁူဝ်ႁၢၼ်ၵူၼ်းသိုၵ်းၶီႇမႃႉၸဵတ်းႁဵင်၊ႁူဝ်ႁၢၼ်ၵူၼ်းသိုၵ်းပႆတိၼ်သွင်ႇမိုၼ်ႇလႄႈဢဝ်လေႃႉရထႃးဝႆႉပၢၵ်ႇၼိုင်ႈၵူၺ်းသေယဝ်ႉၽၼ်းဢဵၼ်ၼွင်ႈမႃႉလေႃႉရထႃးတၢင်ႇဢၼ်တၢင်ႇတူဝ်ၵႃႈမီးၸိူဝ်းၼၼ်ႉပႅတ်ႈဢေႃႈ။
၅ မိူဝ်ႈဢၼ်ၵူၼ်းသုရိဢၼ်ယူႇၵႃႈတီႈဝဵင်းထမ်ႇမသႅတ်ႉၸိူဝ်းၼၼ်ႉမႃးႁႂ်ႈလႆႈၸွႆႈသိုၵ်းထႅမ်သိုၵ်းတီႈႁႃႇတရေႇၶုၼ်ႁေႃၶမ်းလူင်ၸေႃႇၽၼၼ်ႉၸိုင်တႃႇဝိတ်ႉတိုၵ်းတေႃးယႃႉပႅတ်ႈၵူၼ်းသုရိသွင်မိုၼ်ႇပၢႆသွင်ႁဵင်သေယဝ်ႉတႃႇဝိတ်ႉဝႆႉတပ်ႉၵႃႈၼႂ်းဝဵင်းထမ်ႇမသႅတ်ႉမိူင်းသုရိၼၼ်ႉသေလႄႈၵူၼ်းသုရိၸိူဝ်းၼၼ်ႉလႆႈၶၢမ်ႇႁဵတ်းၶႃႈတီႈတႃႇဝိတ်ႉလႄႈသၢၵ်ႈၶွၼ်ႇဢေႃႈ။
၆ ၵႃႈပဵၼ်တီႈဢၼ်တႃႇဝိတ်ႉၵႂႃႇၼၼ်ႉထႃႇဝရႃႉၽြႃးၸွႆႈထႅမ်မႃႉၸႃႉယူႇဢေႃႈ။
၇ တႃႇဝိတ်ႉသိမ်းဢဝ်ၶိူင်ႈႁႄႉလၢၵ််ႈၼၢၵ်ႈဢၼ်ၶႃႈႁႃႇတရေႇၸႃႇၶဝ်ယိပ်းၵမ်ၸိူဝ်းၼၼ်ႉလႄႈဢဝ်ၵႂႃႇၵႃႈတီႈဝဵင်းယေႇရုသလႅမ်ႇဢေႃႈ။
၈ တႃႇဝိတ်ႉသိမ်းဢဝ်တွင်းလိူင်ၼမ်ၼႃႇလူင်လၢင်သေၵႃႈတီႈဝဵင်းတိပႁတ်ႉတင်းဝဵင်းၶုၼ်ဢၼ်ႁႃႇတရေႇဢုပ်ႉပိူင်ႇၼၼ်ႉဢေႃႈ။တွင်းလိူင်ၼၼ်ႉၸိုင်သေႃႇလမုၼ်ႇဢဝ်ႁဵတ်းၼမ်ႉၼွင်တွင်းလိူင်သဝ်တွင်းလိူင်ၶိူင်ႈပိူင်တွင်းလိူင်တင်းလၢႆဢေႃႈ။
၉ တေႃႇဢိၶုၼ်လူင်ႁႃႇမတ်ႉငိၼ်းလွင်ႈဢၼ်တႃႇဝိတ်ႉတိုၵ်းတေႃးယႃႉပႅတ်ႈမူႇၽုင်မုၵ်ႉၸိူဝ်းႁႃႇတရေႇၸႃႇၶုၼ်လူင်ၸေႃႇၽၵႃႈမီးၼၼ်ႉသေယဝ်ႉမၼ်းပွႆႇၸႂ်ႉလုၵ်ႈၸၢႆးမၼ်းႁတေႃႇရမ်ႇမႃးၵႃႈတီႈၶုၼ်လူင်တႃႇဝိတ်ႉႁႂ်ႈလႆႈတၵ်းလႆႈလၢတ်ႈမၼ်းလႄႈပၼ်တၢင်းလီတီႈမၼ်းၵွပ်ႈပိူဝ်ႈဢၼ်မၼ်းတိုၵ်းသိုၵ်းလႄႈယႃႉပႅတ်ႈႁႃႇတရေႇၸႃႇၼၼ်ႉဢေႃႈ။
၁၀ လွင်ႈမၼ်းၸမ်းႁႃႇၸရေႇၸႃႇဢိၵ်ႇတင်းတေႃႇဢိလႆႈပဵၼ်သိုၵ်းပဵၼ်သိူဝ်တီႈၵၼ်ဢေႃႈ။မၼ်းပႃးဢဝ်တင်းၵွၵ်းၶမ်း၊ၵွၵ်းငိုၼ်း၊ၵွၵ်းတွင်းလိူင်ၵူႈၸိူဝ်ႉၵူႈမဵဝ်းသေလႄႈမႃးဢေႃႈ။
၁၁ ၵွၵ်းၸိူဝ်းၼၼ်ႉၸိုင်ၶုၼ်လူင်တႃႇဝိတ်ႉဢဝ်ပုၵ်ႉၸေႃႇတီႈထႃႇဝရႃႉၽြႃးဢိၵ်ႇလူၺ်ႈၵၼ်တင်းငိုၼ်းၶမ်းဢၼ်မၼ်းဢဝ်ၵႃႈတီႈၵူႈသိုင်ႇၵူႈမိူင်းဢၼ်ဝႃႈမိူင်းဢေႇတုမ်ႇ၊မိူင်းမေႃႇၽ၊မိူင်းဢမ်ႇမုၼ်ႇ၊မိူင်းၽိလိတ်ႉတိ၊မိူင်းဢႃႇမလိၵ်ႉမႃးၸိူဝ်းၼၼ်ႉဢေႃႈ။
၁၂ ၼွၵ်ႈသေၼၼ်ႉဢၽိသေႇလုၵ်ႈၸၢႆးၸေႇရုယႃႇၼၼ်ႉတိုၵ်းတေႃးယႃႉပႅတ်ႈၵူၼ်းဢေႇတုမ်ႇမိုၼ်ႇပၢႆပႅတ်ႇႁဵင်ၵႃႈၼႂ်းပၢင်ႇႁူၺ်ႈၵိူဝ်ၼၼ်ႉဢေႃႈ။
၁၃ မၼ်းဝႆႉတပ်ႉဝဵင်းတင်းလၢႆၵႃႈတီႈမိူင်းဢေႇတုမ်ႇလႄႈၵူၼ်းမိူင်းဢေႇတုမ်ႇၵႃႈမီးလႆႈၶၢမ်ႇႁဵတ်းၶႃႈတီႈတႃႇဝိတ်ႉဢေႃႈ။ၼင်ႇၼႆလႄႈၵႃႈပဵၼ်တီႈဢၼ်တႃႇဝိတ်ႉၵႂႃႇၼၼ်ႉထႃႇဝရႃႉၽြႃးၸွႆႈထႅမ်မႃႉၸႃႉယူႇဢေႃႈ။
၁၄ ၼင်ႇၼၼ်လႄႈတႃႇဝိတ်ႉၼၼ်ႉဢုပ်ႉပိူင်ႇၸၢမ်ႇၸႃးမိူင်းဢိသရေႇလတင်းမိူင်းလႄႈၸီႇယၢင်ႇတႅပ်းတတ်းဢမူႉတြႃးသိုဝ်ႈသိုဝ်ႈတေႃႇတေႃႇတီႈၵူၼ်းမိူင်းၸဝ်ႈတင်းသဵင်ႈတင်းလူင်ဢေႃႈ။
၁၅ ယႂႃႇၽႃႉလုၵ်ႈၸၢႆးၸေႇရုယႃႇၼၼ်ႉပဵၼ်ၶုၼ်ၸွမ်ႈသိုၵ်းဢေႃႈ။ယေႃႇသၽတ်ႉလုၵ်ႈၸၢႆးဢႁိလုတ်ႉၼၼ်ႉပဵၼ်ဢတႂၢင်းဝုၼ်ႇဢေႃႈ။
၁၆ ၸႃႇတုၵ်ႉလုၵ်ႈလုၵ်ႈၸၢႆးဢႁိတုပ်ႉဢိၵ်ႇတင်းဢႁိမလိၵ်ႉလုၵ်ႈၸၢႆးဢႃႇပျႃႇထႃႇၼၼ်ႉပဵၼ်ယိတ်ႉပရေႃးႁိၵ်ႈဢေႃႈ။ၸရႃႇလၼၼ်ႉပဵၼ်ၸရေးလူင်ၸဝ်ႈဢေႃႈ။
၁၇ ပေႇၼႃႇယလုၵ်ႈၸၢႆးယေႃႇယတၼၼ်ႉလႆႈဢုုပ်ႉၵႃႈၼိူဝ်ၵူၼ်းၶေႇရသိတင်းလၢႆဢိၵ်ႇတင်းၵူၼ်းပေႇလသိတင်းလၢႆဢေႃႈ။လုၵ်ႈၸၢႆးတႃႇဝိတ်ႉၸိူဝ်းၼၼ်ႉၵေႃႈလႆႈဢွၼ်ၵၼ်လႆႈဢရႃႇမထမယူႇၵႃႈတီႈႁိမ်းၶုၼ်ႁေႃၶမ်းဢေႃႈ။