Chapter
၂၁
တႃႇဝိတ်ႉၼပ်ႉဢၢၼ်ႇၵူၼ်းသိုၵ်း
၁ လိုၼ်းၼၼ်ႉၸႃႇတၢၼ်ႇလုၵ်ႉယူႇၽၢႆႇၼိုင်ႈတင်းမဵဝ်းဢိသရေႇလလႄႈတိုၵ်းယူင်းတႃႇဝိတ်ႉႁႂ်ႈမၼ်းၼပ်ႉဢၢၼ်ႇမဵဝ်းဢိသရေႇလဢေႃႈ။
၂ တႃႇဝိတ်ႉၵေႃႈမီးဢမိင်ႉတီႈယႂႃႇၽဢိၵ်ႇတင်းၶုၼ်ဢၼ်ဢုပ်ႉၵႃႈၼိူဝ်ၵူၼ်းတင်းလၢႆၸိူဝ်းၼၼ်ႉလႄႈဝႃႈ၊-သူဢွၼ်ၵၼ်ၵႂႃႇၼပ်ႉဢၢၼ်ႇၵူၼ်းမဵဝ်းဢိသရေႇလဢဝ်ၵႃႈတီႈၸႃႉၸဵမ်ဝဵင်းပေႇရသေႇၽတေႃႇထိုင်ႁွတ်ႈဝဵင်းတၼ်ႇဢဝ်ၸရၢင်းၵူၼ်းၵႃႈမီးပၼ်တီႈၵဝ်ႁႂ်ႈလႆႈႁူႉမီးၵူၼ်းၵႃႈႁိုဝ်ၼၼ်ႉတႃႉ၊ဝႃႈၼင်ႇၼႆဢေႃႈ။
၃ ယႂႃႇၽလဝ်ႈလၢတ်ႈလႄႈဝႃႈ၊-ႁႂ်ႈထႃႇဝရႃႉၽြႃးထၢပ်ႇထႅင်ႈလႄႈႁဵတ်းႁႂ်ႈၵူၼ်းမၼ်းၸဝ်ႈယႂ်ႇၽႄၼမ်ၵိုၼ်းမႃးပၢၵ်ႇပုၼ်ႊသေၵမ်းလူၺ်ႈ။ၼႂ်းဝႃႈၼၼ်သေၵေႃႈၸဝ်ႈၶုၼ်လူင်တီႈၶႃႈ။ၶဝ်ၵႃႈမီးၼၼ်ႉပဵၼ်ၶႃႈၸဝ်ႈႁဝ်းတင်းသဵင်ႈဢမ်ႇၸႂ်ႈၶႃႈႁိုဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းႁဵတ်းဢမူႉၸိူဝ်ႉၼင်ႇၼႆၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းႁဵတ်းတၢင်းဢၼ်ၽိတ်းပိူင်ႈတီႈမဵဝ်းဢိသရေႇလၼၼ်ႉတီႈၶႃႈ၊ဝႃႈၼင်ႇၼႆဢေႃႈ။
၄ ၵူၺ်းၵႃႈဢမိင်ႉၶုၼ်ႁေႃၶမ်းပေႉၼႅင်ႇၵႂၢမ်းယႂႃႇၽလႄႈယႂႃႇၽဢွၵ်ႇၵႂႃႇလႄႇလဵပ်ႈၵႃႈၼႂ်းမိူင်းဢိသရေႇလတင်းသဵင်ႈတင်းမူတ်းသေယဝ်ႉၶိုၼ်းႁွတ်ႈထိုင်ၵႃႈတီႈဝဵင်းယေႇရုသလႅမ်ႇဢေႃႈ။
၅ ယႂႃႇၽဢဝ်ၸရၢင်းၵူၼ်းတင်းလၢႆဢၼ်ပွင်းၵၼ်ယဝ်ႉၼၼ်ႉသၢၵ်ႈတီႈတႃႇဝိတ်ႉလႄႈၵႃႈတီႈမဵဝ်းဢိသရေႇလမီးႁူဝ်ႁၢၼ်ၵူၼ်းသိုၵ်းဢၼ်ယိပ်းၵမ်လၢပ်ႇလၢၼ်ႉပၢႆသႅၼ်ၼိုင်ႈ၊ၵႃႈတီႈမဵဝ်းယုတမီးႁူဝ်ႁၢၼ်ၵူၼ်းသိုၵ်းယိပ်းၵမ်လၢပ်ႇသီႇသႅၼ်ပၢႆၸဵတ်းမိုၼ်ႇဢေႃႈ။
၆ ၵူၺ်းၵႃႈမဵဝ်းလေႇဝိတင်းမဵဝ်းပိၼ်ႇယႃႇမိၼ်ႇဢမ်ႇလႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၶဝ်ၼၼ်ႉၵွပ်ႈပိူဝ်ႈဢၼ်ယႂႃႇၽလီႁင်ႈဢဵတ်ႇသဵတ်ႇဢမိင်ႉၶုၼ်ႁေႃၶမ်းၼၼ်ႉ။
၇ ၽြႃးပဵၼ်ၸဝ်ႈဢမ်ႇၵျိူၵ်ႈလွင်ႈတၢင်းဢၼ်ၼပ်ႉဢၢၼ်ႇၼၼ်ႉလႄႈပၼ်တၢမ်ႇတီႈမဵဝ်းဢိသရေႇလသေယဝ်ႉ၊တႃႇဝိတ်ႉတွင်းပၢၼ်ႇလဝ်ႈလၢတ်ႈတီႈၽြႃးပဵၼ်ၸဝ်ႈလႄႈဝႃႈ၊-
၈ ၶႃႈၸဝ်ႈၽိတ်းပိူင်ႈၼႃႇလူင်လၢင်ၼႂ်းလွင်ႈတၢင်းဢၼ်ၶႃႈၸဝ်ႈႁဵတ်းမႅၼ်ႈၼၼ်ႉတီႈၶႃႈယဝ်ႉ၊ၶႅၼ်းတေႃႈပွႆႇလွတ်ႈဢပျႅတ်ႈၶႃႈၸဝ်ႈသေၵမ်းတီႈၶႃႈ။ၶႃႈၸဝ်ႈလႆႈႁဵတ်းဢမူႉဢၼ်မိူၵ်ႈၼႃႇလူင်လၢင်တီႈၶႃႈယဝ်ႉ၊ဝႃႈၼင်ႇၼႆဢေႃႈ။
၉ ထႃႇဝရႃႉၽြႃးမီးဢမိင်ႉတီႈၵတ်ႉဢၼ်ပဵၼ်ၵူၼ်းဢၼ်ႁူပွင်ႇတႃႇလႅင်းတီႈ၁၀ တႃႇဝိတ်ႉၼၼ်ႉလႄႈဝႃႈ၊-
၁၀ မႂ်းၵႂႃႇမွၵ်ႇလၢတ်ႈတီႈတႃႇဝိတ်ႉလႄႈဝႃႈ၊-ထႃႇဝရႃႉၽြႃးမီးဢမိင်ႉၸဝ်ႈၸမ်းၵဝ်ၼႄပျႃးလွင်ႈတၢင်းသၢမ်ပိူင်တီႈမႂ်းဢေႃႈ။
၁၁ လိူၵ်ႈၵဵပ်းဢဝ်သေပိူင်ပိူင်ပုၼ်ႈဢၼ်ၵဝ်တၵ်းႁဵတ်းတီႈတီႈမႂ်းၼၼ်ႉတႃႉ၊ဝႃႈၼင်ႇၼႆလႄႈၵတ်ႉၼၼ်ႉၵႂႃႇၵႃႈတီႈတႃႇဝိတ်ႉလႄႈလဝ်ႈလၢတ်ႈလႄႈဝႃႈ၊-ထႃႇဝရႃႉၽြႃးမီးဢမိင်ႉၸဝ်ႈၸမ်း၊ၼႂ်းၽေးဢၼ်ၶဝ်ႈၵႃႈမၢၵ်ႇပႅင်းသၢမ်ပီႊတဵမ်တဵမ်၊
၁၂ ၽေးဢၼ်လႆႈၶၢမ်ႇတၢင်းဢၼ်ယႃႉၽဵဝ်ႈပႅတ်ႈသေၵႃႈတီႈၽၢႆႇၼႃႈရၢၼ်ႇသူႇမႂ်းတင်းလၢႆလူၺ်ႈလၢပ်ႇလႅဝ်းသၢမ်လိူၼ်တဵမ်တဵမ်၊ၽေးလၢပ်ႇထႃႇဝရႃႉၽြႃးဢၼ်ဝႃႈၵႃႇလႃႉႁႃလႅင်ႉမိူင်းႁွတ်ႈထိုင်ၵႃႈတီႈမိူင်းၸဝ်ႈလႄႈတမၢၼ်ႇၵၢင်ႁၢဝ်ထႃႇဝရႃႉၽြႃးယႃႉပႅတ်ႈၵႃႈၼႂ်းၼမ်ႉၼႂ်းလိၼ်ဢိသရေႇလၵူႈတီႈၵူႈလႅၼ်ၼၼ်ႉသၢမ်ဝၼ်းတဵမ်တဵမ်၊ၸိူဝ်းၼၼ်ႉလိူၵ်ႈဢဝ်ပိူင်ၼိုင်ႈတႃႉ၊ဝႃႈၼင်ႇၼႆတီႈၶႃႈယဝ်ႉ။ပိူဝ်ႈၼႆလႄႈမိူဝ်ႈလဵဝ်ၼႆႉၶႅၼ်းတေႃႈၶႆႈၸႂ်ဝူၼ်ႉၸႂ်လူၺ်ႈလွင်ႈဢၼ်ၶႃႈၸဝ်ႈတၵ်းလႆႈၶိုၼ်းလၢတ်ႈတီႈၵေႃႉဢၼ်ပွႆႇၸႂ်ႉၶႃႈၸဝ်ႈမႃးၼၼ်ႉၸိူဝ်ႉၼင်ႇႁိုဝ်ၼၼ်ႉသေၵမ်းၶႃႈ၊ဝႃႈၼင်ႇၼႆဢေႃႈ။
၁၃ တႃႇဝိတ်ႉၵေႃႈၶိုၼ်းလၢတ်ႈတီႈၵတ်ႉလႄႈဝႃႈ၊-ၵဝ်လႆႈႁွတ်ႈထိုင်ၵႃႈၼႂ်းတၢင်းဢၼ်ၵိတ်ႇဢၼ်ၵႅပ်ႈၼႃႇလူင်လၢင်ယဝ်ႉလူင်ပေႇ။ႁႂ်ႈၵဝ်လႆႈႁွတ်ႈထိုင်ၵႃႈၼႂ်းမိုဝ်းထႃႇဝရႃႉၽြႃးသေၵမ်းလူၺ်ႈ။ၵရူႉၼႃႇမၼ်းၸဝ်ႈယႂ်ႇၼႃႇဢေႃႈ။ယႃႇပေႁႂ်ႈၵဝ်လႆႈႁွတ်ႈထိုင်ၵႃႈၼႂ်းမိုဝ်းၵူၼ်းသေၵမ်း၊ဝႃႈၼင်ႇၼႆဢေႃႈ။
၁၄ ထႃႇဝရႃႉၽြႃးၵေႃႈပွႆႇၸႂ်ႉၵႃႇလႃႉႁႃလႅင်ႉမိူင်းႁွတ်ႈထိုင်ၵႃႈတီႈမဵဝ်းဢိသရေႇလလႄႈၵူၼ်းတၢႆၸဵတ်းမိုၼ်ႇဢေႃႈ။ၽြႃးပဵၼ်ၸဝ်ႈပွႆႇၸႂ်ႉတမၢၼ်ႇၵၢင်ႁၢဝ်မႃးႁႂ်ႈလႆႈယႃႉပႅတ်ႈဝဵင်းယေႇရုသလႅမ်ႇလႄႈမိူဝ်ႈဢၼ်မၼ်းယင်းတိုၵ်ႉယႃႉပႅတ်ႈယူႇၼၼ်ႉၸိုင်ထႃႇဝရႃႉၽြႃးလူတူၺ်းသေယဝ်ႉလႆႈႁၼ်ၽေးတုၵ်ႉၶႃႉၼၼ်ႉလႄႈမၼ်းၸဝ်ႈဢိတ်းလူသေယဝ်ႉမီးဢမိင်ႉတီႈတမၢၼ်ႇၵၢင်ႁၢဝ်ဢၼ်ယႃႉပႅတ်ႈၼၼ်ႉလႄႈဝႃႈ၊-ပေႃးယဝ်ႉ။
၁၅ ယိုတ်းဢဝ်မိုဝ်းမႂ်းၶိုၼ်းသတေႃႉ၊ဝႃႈၼင်ႇၼႆဢေႃႈ။မိူဝ်ႈၼၼ်ႉတမၢၼ်ႇၵၢင်ႁၢဝ်ထႃႇဝရႃႉၽြႃးၼၼ်ႉၸုၵ်းယူႇၵႃႈတီႈႁိမ်းတလၢင်းယဵပ်ႇၶဝ်ႈဢေႃႇၼၼ်ႇၵူၼ်းယေႇပုသိၼၼ်ႉဢေႃႈ။
၁၆ တႃႇဝိတ်ႉႁႅၼ်တူၺ်းလႄႈႁၼ်တမၢၼ်ႇၵၢင်ႁၢဝ်ထႃႇဝရႃႉၽြႃးဢဝ်မိုဝ်းယိပ်းၵမ်လၢပ်ႇသေလႄႈမုင်ႈၵႃႈၼိူဝ်ဝဵင်းယေႇရုသလႅမ်ႇယူႇလႄႈၸုၵ်းယူႇၵႃႈတီႈၵႄႈဝူင်ႈၵၢငႃ်ႉၵၢင်ႁၢဝ်တင်းလိၼ်မိူင်းၼၼ်ႉသေယဝ်ႉတႃႇဝိတ်ႉဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလၸိူဝ်းၼၼ်ႉၼုင်ႈၼင်ပေႃယူႇသေလႄႈဢွၼ်ၵၼ်ၶုပ်ႉမူပ်ႇၵူမ်ႈၼႃႈၶဝ်ယူႇဢေႃႈ။
၁၇ တႃႇဝိတ်ႉၵေႃႈတွင်းပၢၼ်ႇတီႈၽြႃးပဵၼ်ၸဝ်ႈလႄႈဝႃႈ၊-ၵေႃႉဢၼ်ၸီႇယၢင်ႇႁႂ်ႈလႆႈၼပ်ႉဢၢၼ်ႇၵူၼ်းဝၢၼ်ႈၵူၼ်းမိူင်းၸမ်းပဵၼ်ၶႃႈၸဝ်ႈဢမ်ႇၸႂ်ႈၶႃႈႁိုဝ်။ၶႃႈၸဝ်ႈၽိတ်းပိူင်ႈတီႈၶႃႈယဝ်ႉ။ၶႃႈၸဝ်ႈႁဵတ်းတူႉၸရိူၵ်ႈမႅၼ်ႈတီႈၶႃႈယဝ်ႉ။
၁၈ သူဝ်းၸိူဝ်းၼႆႉၸမ်းၶဝ်ႁဵတ်းၵႃႈသင်မႅၼ်ႈတီႈၶႃႈ။ထႃႇဝရႃႉၽြႃးၽြႃးပဵၼ်ၸဝ်ႈၶႃႈၸဝ်ႈတီႈၶႃႈ။ႁႂ်ႈမိုဝ်းၸဝ်ႈႁဝ်းႁွတ်ႈထိုင်ၵႃႈၼိူဝ်ၶႃႈၸဝ်ႈဢိၵ်ႇတင်းပီႈၼွင်ႉၸိူဝ်ႉၶိူဝ်းၶႃႈၸဝ်ႈသေၵမ်းတီႈၶႃႈ။ယႃႇပေႁႂ်ႈၽေးတၢမ်ႇႁွတ်ႈထိုင်ၵႃႈၼိူဝ်ၵူၼ်းၸဝ်ႈႁဝ်းတင်းလၢႆၸိူဝ်းၼၼ်ႉသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၁၉ တမၢၼ်ႇၵၢင်ႁၢဝ်ထႃႇဝရႃႉၽြႃးသင်ႇလၢတ်ႈတီႈၵတ်ႉႁႂ်ႈမၼ်းမွၵ်ႇလၢတ်ႈတီႈတႃႇဝိတ်ႉႉလူၺ်ႈလွင်ႈဢၼ်တႃႇဝိတ်ႉတၵ်းလႆႈၶိုၼ်ႈၵႂႃႇလႄႈတႄႇႁဵတ်းယိတ်ႉပလၢင်ႇပုၼ်ႈထႃႇဝရႃႉၽြႃးၵႃႈတီႈတလၢင်းယဵပ်ႇၶဝ်ႈဢေႃႇၼၼ်ႉၵူၼ်းယေႇပုသိၼၼ်ႉသေယဝ်ႉ၊တႃႇဝိတ်ႉၶိုၼ်ႈၵႂႃႇၸွမ်းၵႃႈၼင်ႇဢမိင်ႉထႃႇဝရႃႉၽြႃးဢၼ်ၵတ်ႉသင်ႇလၢတ်ႈၼၼ်ႉဢေႃႈ။
၂၀ ဢေႃႇၼၼ်ႇၼၼ်ႉဝၢႆႇတူၺ်းလႄႈႁၼ်တမၢၼ်ႇၵၢင်ႁၢဝ်သေယဝ်ႉမၼ်းဢိၵ်ႇတင်းလုၵ်ႈၸၢႆးမၼ်းသီႇၵေႃႉဢွၼ်ၵၼ်တဵတ်ႇမႅပ်းယူႇဢေႃႈ။မိူဝ်ႈၼၼ်ႉဢေႃႇၼၼ်ႇယင်းတိုၵ်ႉယဵပ်ႇၼူတ်ႈၶဝ်ႈယူႇဢေႃႈ။
၂၁ ၼႂ်းမိူဝ်ႈဢၼ်တႃႇဝိတ်ႉယင်းတိုၵ်ႉမႃးၸူးၵႃႈတီႈဢေႃႇၼၼ်ႇယူႇၼၼ်ႉၸိုင်ဢေႃႇၼၼ်ႇလူတူၺ်းလႄႈႁၼ်တႃႇဝိတ်ႉသေယဝ်ႉလုၵ်ႉသေၵႃႈၼႂ်းတလၢင်းယဵပ်ႇၶဝ်ႈဢွၵ်ႇလႄႈၵူမ်ႈၵွမ်းၶုပ်ႉမူပ်ႇဝၢင်းႁူဝ်ၵႃႈတီႈၽၢႆႇၼႃႈတႃႇဝိတ်ႉဢေႃႈ။
၂၂ တႃႇဝိတ်ႉၵေႃႈမီးဢမိင်ႉတီႈဢေႃႇၼၼ်ႇလႄႈဝႃႈ၊-လွင်ႈၼင်ႇႁိုဝ်ၽေးၵႃႇလႃႉႁႃလႅင်ႉမိူင်းတၵ်းထၢတ်ႇယဵၼ်သေၵႃႈၼႂ်းၵူၼ်းတင်းလၢႆၸိုင်ၶၢႆပၼ်ၵဝ်တလၢင်းယဵပ်ႇၶဝ်ႈၼႆႉၸွမ်းၵႃႈၼင်ႇဢၼ်ၵႃႈမၼ်းၶၼ်မၼ်းထိူၵ်ႈတၢၼ်ႇၼၼ်ႉတႃႉ။ၵဝ်တၵ်းတႄႇႁဵတ်းယိတ်ႉပလၢင်ႇပုၼ်ႈထႃႇဝရႃႉၽြႃးၵႃႈတီႈၼႆႉဢေႃႈ၊ဝႃႈၼင်ႇၼႆလႄႈဢေႃႇၼၼ်ႇၵေႃႈလဝ်ႈလၢတ်ႈတီႈတႃႇဝိတ်ႉလႄႈဝႃႈ၊-ၸဝ်ႈႁဝ်းၶႃႈ၊ၸဝ်ႈၶုၼ်လူင်တီႈၶႃႈ။ဢဝ်လႄႈႁဵတ်းၸွမ်းၵႃႈၼင်ႇဢၼ်ၸႂ်ၸဝ်ႈႁဝ်းမီးသေၵမ်းတီႈၶႃႈ။
၂၃ တူၺ်းတီႈၶႃႈလူ။ၶႃႈၸဝ်ႈဢဝ်ဝူဝ်းႁႂ်ႈပဵၼ်ယိၸ်ႉဢၼ်တုတ်ႇၽႆး၊ဢဝ်ၶိူင်ႈပိူင်ဢၼ်ပေႃႉၶဝ်ႈၼူတ်ႈၶဝ်ႈၼၼ်ႉႁႂ်ႈပဵၼ်ပုၼ်ႈၽိုၼ်း၊ဢဝ်ၶဝ်ႈပိူၵ်ႇၵျုင်ႇပုၼ်ႈၶိူင်ႈပုၵ်ႉၸေႃႇၽေႃးၸဵၼ်ႇသၢၵ်ႈတီႈၸဝ်ႈႁဝ်းတီႈၶႃႈဢေႃႈ။ၶႃႈၸဝ်ႈဢဝ်ၸိူဝ်းၼႆႉတင်းသဵင်ႈတင်းလူင်သၢၵ်ႈတီႈၶႃႈဢေႃႈ၊ဝႃႈၼင်ႇၼႆလႄႈၶုၼ်လူင်တႃႇဝိတ်ႉမီးဢမိင်ႉလႄႈဝႃႈ၊-ဢမ်ႇၸႂ်ႈၵူၺ်း။
၂၄ ၵဝ်တၵ်းပၼ်ၸွမ်းၵႃႈၼင်ႇဢၼ်ၵႃႈမၼ်းၶၼ်မၼ်းထိူၵ်ႈတၢၼ်ႇၼၼ်ႉလႄႈသိုဝ်ႉဢဝ်ဢမၢၼ်ႇၶၢၼ်ပဵၼ်ဢေႃႈ။ၵဝ်ဢမ်ႇသိမ်းဢဝ်ဢုၵ်ႉၸႃႇမႂ်းပုၼ်ႈထႃႇဝရႃႉၽြႃး။
၂၅ ငိုၼ်းၵဝ်ယင်းဢမ်ႇသဵင်ႈလႄႈၵဝ်ဢမ်ႇမီးဢလူဝ်ၶႂ်ႈပုၵ်ႉၸေႃႇယိၸ်ႉဢၼ်တုတ်ႇၽႆးၼၼ်ႉၵူၺ်း၊ဝႃႈၼင်ႇၼႆသေယဝ်ႉ၊တႃႇဝိတ်ႉၸင်ႇႁိဝ်ႈၶမ်းႁူၵ်းပၢၵ်ႇၵျၢပ်ႈသၶေႇလပၼ်တီႈဢေႃႇၼၼ်ႇသေလႄႈသိုဝ်ႉဢဝ်တီႈၼၼ်ႉသေယဝ်ႉ၊
၂၆ တႃႇဝိတ်ႉတႄႇႁဵတ်းယိတ်ႉပလၢင်ႇပုၼ်ႈထႃႇဝရႃႉၽြႃးၵႃႈတီႈၼၼ်ႉလႄႈပုၵ်ႉၸေႃႇယိၸ်ႉဢၼ်တုတ်ႇၽႆးဢိၵ်ႇတင်းယိၸ်ႉမိၵ်ႉသႁႃႇယႃႉဢေႃႈ။ၼင်ႇၼၼ်ႉလႄႈယၢမ်းမိူဝ်ႈဢၼ်သူးတွင်းပထၼႃႇတီႈထႃႇဝရႃႉၽြႃးယူႇၼၼ်ႉၸိုင်ၽြႃးပဵၼ်ၸဝ်ႈဢဝ်ၽႆးတူၵ်းမႃးသႂ်ႇၵႃႈၼိူဝ်ယိၸ်ႉဢၼ်တုတ်ႇၽႆးၼၼ်ႉသေလႄႈယူႇၵႃႈၼိူဝ်ၵၢင်ႁၢဝ်ဢိူဝ်ႈဢေႃႈ။
၂၇ ထႃႇဝရႃႉၽြႃးသင်ႇလၢတ်ႈတီႈတမၢၼ်ႇၵၢင်ႁၢဝ်ၼၼ်ႉလႄႈတမၢၼ်ႇၵၢင်ႁၢဝ်ဢဝ်လၢပ်ႇမၼ်းသမ်ႉၶိုၼ်းသွတ်ႇသႂ်ႇဝႆႉၵႃႈၼႂ်းၵပ်းမၼ်းသေဢေႃႈ။
၂၈ မိူဝ်ႈၼၼ်ႉတႃႇဝိတ်ႉႁူႉႁၼ်လွင်ႈဢၼ်ထႃႇဝရႃႉၽြႃးဢိူဝ်ႈမၼ်းၵႃႈၼႂ်းတလၢင်းယဵပ်ႇၶဝ်ႈဢေႃႇၼၼ်ႇၵူၼ်းယေႇပုသိၼၼ်ႉလႄႈမၼ်းႁဵတ်းတၢင်းဢၼ်ပုၵ်ႉၸေႃႇယိၸ်ႉၵႃႈတီႈၼၼ်ႉဢေႃႈ။
၂၉ လွင်ႈမၼ်းၸမ်းၼႂ်းၶိင်ႇမိူဝ်ႈၼၼ်ႉသုမ်ႉထဵင်ထႃႇဝရႃႉၽြႃးဢိၵ်ႇတင်းယိတ်ႉပလၢင်ႇဢၼ်မုဝ်းသေႇႁဵတ်းၵႃႈၼႂ်းထိူၼ်ႇမႃးယဝ်ႉၼၼ်ႉမီးယူႇၵႃႈၼိူဝ်ထႃႇၼႃႉတီႈသုင်ဝဵင်းၵိပွင်ႇဢေႃႈ။
၃၀ တႃႇဝိတ်ႉဢမ်ႇႁတ်းၵႂႃႇလဝ်ႈထၢမ်တီႈၽြႃးပဵၼ်ၸဝ်ႈၵႃႈတီႈၽၢႆႇၼႃႈၼၼ်ႉၵွပ်ႈပိူဝ်ႈမၼ်းၵူဝ်ႁႄလၢပ်ႇတမၢၼ်ႇၵၢင်ႁၢဝ်ထႃႇဝရႃႉၽြႃးၼၼ်ႉဢေႃႈ။