Chapter
၂၆
ၶဝ်ၸိူဝ်းဢၼ်ပႂ်ႉၽၵ်းတူ
၁ တၢင်းဢၼ်ပဵၼ်မုၵ်ႉပဵၼ်ၸိူဝ်းဢၼ်ပႂ်ႉၽၵ်းတူၸမ်းၼႂ်းမဵဝ်းၵေႃႇရႁိပဵၼ်မေႇသလေႇမိ၊
၂ ဢၼ်ပဵၼ်လုၵ်ႈၸၢႆးၵေႃႇရတင်းလုၵ်ႈၸၢႆးဢေႇပျႃႇသပ်ႉၵေႃႉၼိုင်ႈဢေႃႈ။မေႇသလေႇမိမီးလုၵ်ႈၸၢႆးတူၼ်ႈၸႃႇၶရိ၊လုၵ်ႈၸၢႆးတုတိယယေႇတျေႇလ၊လုၵ်ႈၸၢႆးတတိယၸေႇပတိ၊လုၵ်ႈၸၢႆးၸတုၵ်ႉထယႃႇသၼေႇလ၊
၃ လုၵ်ႈၸၢႆးပိၼ်ႇၸမဢေႇလမ်ႇ၊လုၵ်ႈၸၢႆးသထမယေႃႇႁၼၼ်ႇ၊လုၵ်ႈၸၢႆးသတ်ႉတမဢေႇလေႇဢေႃႇၼေႇဢေႃႈ။
၄ ဢုဝ်ႇပိတ်ႉဢေႇတုမ်ႇမီးလုၵ်ႈၸၢႆးတူၼ်ႈသေႇမႃႇယ၊လုၵ်ႈၸၢႆးတုတိယယေႃႇၸပပ်ႉ၊လုၵ်ႈၸၢႆးတတိယယေႃႇဢႃႇ၊လုၵ်ႈၸၢႆးၸတုၵ်ႉထၸႃႇၵႃႇ၊
၅ လုၵ်ႈၸၢႆးပိၼ်ႇၸမၼႃႇသၼေႇလ၊လုၵ်ႈၸၢႆးသထမဢမျေႇလ၊လုၵ်ႈၸၢႆးသတ်ႉတမဢိသၶႃႇ၊လုၵ်ႈၸၢႆးဢထမပုလသေႇဢေႃႈ။လွင်ႈမၼ်းၸမ်းၽြႃးပဵၼ်ၸဝ်ႈပၼ်တၢင်းလီတီႈမၼ်းၼၼ်ႉဢေႃႈ။
၆ လုၵ်ႈၸၢႆးမၼ်းသေႇမႃႇယၼၼ်ႉလႆႈလုၵ်ႈၸၢႆးဢၼ်လႆႈဢုပ်ႉပိူင်ႇၵႃႈၼိူဝ်ပီႈၼွင်ႉၸိူဝ်ႉၶိူဝ်းပေႃႈၶဝ်ၵွပ်ႈပိူဝ်ႈဢၼ်ၶဝ်ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇၼၼ်ႉဢေႃႈ။
၇ လုၵ်ႈၸၢႆးသေႇမႃႇယၼၼ်ႉၸမ်းပဵၼ်ဢေႃႇသၼိ၊ရေႇၽေႇလ၊ဢုဝ်ႇပိတ်ႉ၊ဢေႇလႃႇၸႃႇပတ်ႉတင်းၼွင်ႉၸၢႆးမၼ်းဢၼ်ႁႅင်းယႂ်ႇၼႃႇဢၼ်ဝႃႈဢေႇလိႁုတင်းသေႇမၶိၼၼ်ႉဢေႃႈ။
၈ ၶဝ်ၵႃႈမီးၼႆႉပဵၼ်လုၵ်ႈၸၢႆးဢုဝ်ႇပိတ်ႉဢေႇတုမ်ႇဢေႃႈ။ၶဝ်ဢိၵ်ႇတင်းလုၵ်ႈၸၢႆးၶဝ်တင်းပီႈၼွင်ႉၶဝ်ပဵၼ်ၵေႃႉဢၼ်ႁႅင်းယႂ်ႇထၼ်ႈပေႃးတတ်ႈၼိုင်ႇႁႂ်ႈလႆႈၵိုတ်ႈႁၢပ်ႇဢမူႉၸဝ်ႈလႄႈပွင်းၵၼ်ပဵၼ်ႁူၵ်းသိပ်းပၢႆသွင်ၵေႃႉဢေႃႈ။
၉ မေႇသလေႇမိၼၼ်ႉမီးလုၵ်ႈၸၢႆးတင်းၼွင်ႉၸၢႆးဢၼ်ႁႅင်းယႂ်ႇၼႃႇလႄႈပွင်းၵၼ်ပဵၼ်သိပ်းပႅတ်ႇၵေႃႉဢေႃႈ။
၁၀ ႁေႃႇသမဵဝ်းမေႇရႃႇရိၼၼ်ႉမီးလုၵ်ႈၸၢႆးလႄႈသိမရိဢၼ်ပဵၼ်တူၼ်ႈပဵၼ်ငဝ်ႈၼၼ်ႉပိၵ်ႉသမ်ႉဢမ်ႇၸႂ်ႈလုၵ်ႈၸၢႆးတူၼ်ႈသေၵေႃႈပေႃႈမၼ်းၶၢၼ်းဝႆႉႁႂ်ႈပဵၼ်တူၼ်ႈပဵၼ်ငဝ်ႈဢေႃႈ။
၁၁ လုၵ်ႈၸၢႆးတုတိယပဵၼ်ႁိလၶိ၊လုၵ်ႈၸၢႆးတတိယပဵၼ်တေႇပလိ၊လုၵ်ႈၸၢႆးၸတုၵ်ႉထပဵၼ်ၸႃႇၶရိလေႇဢေႃႈ။လုၵ်ႈၸၢႆးတင်းပီႈၼွင်ႉႁေႃႇသပွင်းၵၼ်မီးသိပ်းသၢမ်ၵေႃႉဢေႃႈ။
၁၂ ဢၼ်ၼႆႉၸမ်းပဵၼ်တၢင်းဢၼ်ပဵၼ်မုၵ်ႉပဵၼ်ၸိူဝ်းဢၼ်ပႂ်ႉၽၵ်းတူဢၼ်ဝႃႈၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈလႄႈလႆႈၶၢမ်ႇတၢင်းဢၼ်ပႂ်ႉလုမ်းလႃးလူၺ်ႈၵၼ်တင်းပီႈၼွင်ႉၶဝ်ၸိူဝ်းဢၼ်လႆႈၵိုတ်ႈႁၢပ်ႇဢမူႉၸဝ်ႈၵႃႈတီႈႁိူၼ်းထႃႇဝရႃႉၽြႃးဢေႃႈ။
၁၃ ၶဝ်ၼၼ်ႉလဵၵ်ႉလဵၵ်ႉယႂ်ႇယႂ်ႇတူၵ်းၸႃႇၵွၵ်ႈၵၼ်ၸွမ်းလူၺ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ပုၼ်ႈဢၼ်တၵ်းပႂ်ႉၽၵ်းတူဢေႃႈ။
၁၄ ၸႃႇၵွၵ်ႈၽၢႆႇဝၼ်းဢွၵ်ႇၼၼ်ႉတူၵ်းတီႈသေႇလမိဢေႃႈ။ၵမ်းၼၼ်ႉၶဝ်သမ်ႉတူၵ်းၸႃႇၵွၵ်ႈပုၼ်ႈလုၵ်ႈၸၢႆးမၼ်းၸႃႇၶရိဢၼ်မီးပိင်ႇၺႃႇၼၼ်ႉထႅင်ႈလႄႈၸႃႇၵွၵ်ႈၽၢႆႇတၢင်းႁွင်ႇၼၼ်ႉတူၵ်းတီႈမၼ်းဢေႃႈ။
၁၅ ဢုဝ်ႇပိတ်ႉဢေႇတုမ်ႇၼၼ်ႉလႆႈၽၢႆႇတၢင်းၸၢၼ်းဢေႃႈ။တၢင်းဢၼ်တၵ်းလႆႈပႂ်ႉႁူၼ်းၼၼ်ႉတူၵ်းတီႈလုၵ်ႈၸၢႆးမၼ်းဢေႃႈ။
၁၆ သုပိမ်ႇတင်းႁေႃႇသလႆႈၽၢႆႇဝၼ်းတူၵ်းၵႃႈတီႈႁိမ်းၽၵ်းတူသႃႇလေႇၶႅၵ်ႇၵႃႈတီႈႁူဝ်တၢင်းဢၼ်ၶိုၼ်ႈၸူးၵုႈတီႈပိၵ်ႉမၢၼ်ႇၸဝ်ႈလႄႈလႆႈပႂ်ႉယူႇၵႃႈတီႈသွင်ၽၢၵ်ႇသွင်ၽၢႆႇဢေႃႈ။
၁၇ ၸွမ်းၵႃႈၼင်ႇဢၼ်မိုဝ်ႉဝၼ်းၸႅၼ်ႇတၢမ်းၵၼ်ၼၼ်ႉၵႃႈတီႈၽၢႆႇဝၼ်းဢွၵ်ႇၵူၼ်းမဵဝ်းလေႇဝိႁူၵ်းၵေႃႉ၊ၵႃႈတီႈၽၢႆႇတၢင်းႁွင်ႇသီႇၵေႃႉ၊
၁၈ ၵႃႈတီႈၽၢႆႇတၢင်းၸၢၼ်းသီႇၵေႃႉ၊ၵႃႈတီႈႁိူၼ်းၸဝ်ႈယေႈတီႈသွင်ၵေႃႉ၊ၵႃႈတီႈၽၢႆႇၼွၵ်ႈတမ်ႇတိူင်းၼႃႈဝၼ်းတူၵ်းၵႃႈတီႈႁူဝ်တၢင်းဢၼ်ၶိုၼ်ႈၸူးၵႃႈတီႈပိၵ်ႉမၢၼ်ႇၸဝ်ႈၼၼ်ႉသီႇၵေႃႉ၊ၵႃႈၼႂ်းတမ်ႇတိူင်းသွင်ၵေႃႉလႆႈပႂ်ႉဢေႃႈ။
၁၉ ဢၼ်ၼႆႉၸမ်းပဵၼ်မုၵ်ႉပဵၼ်ၸိူဝ်းႁင်းၽႂ်ႁင်းမၼ်းဢၼ်ၵူၼ်းမဵဝ်းၵေႃႇရဢိၵ်ႇတင်းၵူၼ်းမဵဝ်းမေႇရႃႇရိၸိူဝ်းၼၼ်ႉလႆႈပႂ်ႉၽၵ်းတူၼၼ်ႉဢေႃႈ။
ၽူႈပႂ်ႉထိင်းၽၼ်ႇတႃႇၶွင်ၶူဝ်း
၂၀ ၼႂ်းၵူၼ်းမဵဝ်းလေႇဝိၸိူဝ်းၼၼ်ႉဢႁိယလႆႈဢုပ်ႉၵႃႈၼိူဝ်ၽၼ်ႇတႃႇႁိူၼ်းၽြႃးပဵၼ်ၸဝ်ႈဢိၵ်ႇတင်းၽၼ်ႇတႃႇတၢင်းဢၼ်ပုၵ်ႉၸေႃႇတင်းလၢႆဢေႃႈ။
၂၁ ၼႂ်းလုၵ်ႈၸၢႆးလႃႇတၼ်ႇမဵဝ်းၵေႇရသုၼ်ႇဢၼ်ၸၢပ်ႈသႅင်ႇၵၼ်တင်းလႃႇတၼ်ႇဢၼ်ပဵၼ်ႈတူၼ်ႈပဵၼ်ငဝ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ဢၼ်ၸၢပ်ႈသႅင်ႇၵၼ်တင်း
၂၂ လႃႇတၼ်ႇမဵဝ်းၵေႇရသုၼ်ႇၸိူဝ်းၼၼ်ႉၸမ်းပဵၼ်ယေႇႁေႇလိဢိၵ်ႇတင်းလုၵ်ႈၸၢႆးယေႇႁေႇၸိဢၼ်ဝႃႈသေႇသမ်ႇတင်းၼွင်ႉၸၢႆးမၼ်းယုဝ်းဢေႇလလႄႈလႆႈဢုပ်ႉၵႃႈၼိူဝ်ၽၼ်ႇတႃႇႁိူၼ်းၽြႃးပဵၼ်ၸဝ်ႈဢေႃႈ။
၂၃ တႄႇၸႃႉၵူၼ်းမဵဝ်းဢႃႇမရမ်ႇ၊ပဵၼ်မဵဝ်းဢိၸႁႃႇ၊မဵဝ်းႁေႇပုၼ်ႇ၊မဵဝ်းဢေႃႇၸေႇလႃႈဢေႃႈ။
၂၄ သေႇပုၺ်ႇလလုၵ်ႈၸၢႆးၵေႇရသုၼ်ႇဢၼ်ပဵၼ်လုၵ်ႈၸၢႆးမုဝ်းသေႇၼၼ်ႉၵေႃႈလႆႈဢုပ်ႉၽၼ်ႇတႃႇၸဝ်ႈဢေႃႈ။
၂၅ ပီႈၼွင်ႉမၼ်းဢၼ်ၸၢပ်ႈသႅင်ႇၵၼ်တင်းဢေႇလႃႇၸႃႇၼၼ်ႉၸမ်းလုၵ်ႈၸၢႆးမၼ်းရေႇႁဝိ၊လုၵ်ႈၸၢႆးမၼ်းယေႇသႃႇယ၊လုၵ်ႈၸၢႆးမၼ်းယေႃႇရမ်ႇ၊လုၵ်ႈၸၢႆးမၼ်းၸိၶရိ၊လုၵ်ႈၸၢႆးမၼ်းသေႇလေႃႇမိတ်ႉၸိူဝ်းၼၼ်ႉဢေႃႈ။
၂၆ သေႇလေႃႇမိတ်ႉဢိၵ်ႇတင်းပီႈၼွင်ႉမၼ်းတင်းလၢႆလႆႈဢုပ်ႉၵႃႈၼိူဝ်ၽၼ်ႇတႃႇတၢင်းဢၼ်ပုၵ်ႉၸေႃႇၶုၼ်တႃႇဝိတ်ႉဢိၵ်ႇတင်းဢၼ်ပုၵ်ႉၸေႃႇၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈပီႈၼွင်ႉၸိူဝ်ႉၶိူဝ်းပေႃႈၶဝ်တင်းၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈႁဵင်၊ၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈပၢၵ်ႇ၊ၶုၼ်ပူဝ်ႇတင်းလၢႆၸိူဝ်းၼၼ်ႉဢေႃႈ။
၂၇ ၶုၼ်ၸိူဝ်းၼၼ်ႉဢဝ်ဢုၵ်ႉၸႃႇၵႃႈၼႂ်းဢၼ်တိုၵ်းသိုၵ်းလႄႈႁိမ်ႁူင်ႇလႆႈမႃးၸိူဝ်းၼၼ်ႉၵမ်ႈၽွင်ႈပုၵ်ႉၸေႃႇႁႂ်ႈလႆႈပွင်ႁဵတ်းလုမ်းလႃးႁိူၼ်းထႃႇဝရႃႉၽြႃးဢေႃႈ။
၂၈ သေႇလေႃႇမိတ်ႉတင်းပီႈၼွင်ႉမၼ်းတင်းလၢႆလႆႈဢွၼ်ၵၼ်လူတူၺ်းဢုပ်ႉထိင်းၵႃႈဢၼ်သမုၺ်ႇလဢၼ်ပဵၼ်ၵေႃႉဢၼ်ႁူပွင်ႇတႃႇလႅင်း၊ဢိၵ်ႇတင်းသေႃးလုလုၵ်ႈၸၢႆးၵိသ၊ဢႃႇပၼႃႇလုၵ်ႈၸၢႆးၼေႇရ၊ယႂႃႇၽလုၵ်ႈၸၢႆးၸေႇရုယႃႇၶဝ်ပုၵ်ႉၸေႃႇၸိူဝ်းၼၼ်ႉဢေႃႈ။
၂၉ ၼႂ်းမဵဝ်းဢိၸႁႃႇၼၼ်ႉၶေႇၼၼိတင်းလုၵ်ႈၸၢႆးမၼ်းတင်းလၢႆဢွၼ်ၵၼ်ပဵၼ်ၶုၼ်ဢၼ်မီးဢရႃႇလႂ်ၵူၼ်းလူင်ဢၼ်ၸီႇယၢင်ႇတြႃးလႂ်လႄႈပႂ်ႉဢမူႉၵႃႈၼွၵ်ႈၵႃႈၼႂ်းမိူင်းဢိသရေႇလဢေႃႈ။
၃၀ ၼႂ်းမဵဝ်းႁေႇပုၼ်ႇၼၼ်ႉႁႃႇသပိဢိၵ်ႇတင်းပီႈၼွင်ႉမၼ်းဢၼ်ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁတ်းႁၢၼ်ၼႃႇႁဵင်ပၢႆၸဵတ်းပၢၵ်ႇၼၼ်ႉလႆႈဢွၼ်ၵၼ်ပဵၼ်ၶုၼ်ဢၼ်မီးဢရႃႇၵႃႈၼႂ်းမဵဝ်းဢိသရေႇလဢၼ်ယူႇၵႃႈတီႈၽၢႆႇဝၼ်းတူၵ်းၼမ်ႉႁွင်ႈယေႃႇတၼ်ႇၸိူဝ်းၼၼ်ႉပုၼ်ႈဢၼ်တၵ်းပႂ်ႉဢမူႉထႃႇဝရႃႉၽြႃးၵႃႈမီးလႄႈၵိုတ်ႈႁၢပ်ႇဢမူႉၶုၼ်ႁေႃၶမ်းဢေႃႈ။
၃၁ ၼႂ်းမဵဝ်းႁေႇပုၼ်ႇၼၼ်ႉယေႇရိယပဵၼ်တူၼ်ႈပဵၼ်ငဝ်ႈၼႂ်းၵူၼ်းမဵဝ်းႁေႇပုၼ်ႇၸွမ်းလူၺ်ႈပီႈၼွင်ႉၸိူဝ်ႉၶိူဝ်းပေႃႈၶဝ်သိုပ်ႇမႃးၼၼ်ႉဢေႃႈ။ၼႂ်းပီႊဢၼ်ၶုၼ်လူင်တႃႇဝိတ်ႉၸၢမ်ႇႁၢင်ႈၸၢမ်ႇႁေႃသီႇသိပ်းပီႊၼၼ်ႉၶဝ်ဢွၼ်ၵၼ်ႁႃၵႃႈၼႂ်းမဵဝ်းၼၼ်ႉလႄႈထူပ်းႁၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇလႄႈႁတ်းႁၢၼ်ၼႃႇတင်းလၢႆၵႃႈတီႈဝဵင်းယႃႇၸႃႇမိူင်းၵိလတ်ႉဢေႃႈ။
၃၂ ပီႈၼွင်ႉမၼ်းဢၼ်ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁတ်းႁၢၼ်ၼႃႇၸိူဝ်းၼၼ်ႉပဵၼ်သွင်ႁဵင်ပၢႆၸဵတ်းပၢၵ်ႇဢၼ်ပဵၼ်တူၼ်ႈပဵၼ်ငဝ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ၼၼ်ႉလႄႈၶုၼ်လူင်တႃႇဝိတ်ႉၶၢၼ်းဝႆႉႁႂ်ႈလႆႈပဵၼ်ၶုၼ်ဢၼ်မီးဢရႃႇဢုပ်ႉၵႃႈၼိူဝ်မဵဝ်းရုပိၼ်ႇ၊မဵဝ်းၵတ်ႉ၊မဵဝ်းမၼႃႇသေႇၶိုင်ႈၼိုင်ႈလူၺ်ႈလွင်ႈဢမူႉၽြႃးပဵၼ်ၸဝ်ႈၵူႈၸိူဝ်ႉၵူႈပိူင်ဢိၵ်ႇတင်းဢမူႉၶုၼ်ႁေႃၶမ်းဢေႃႈ။