Chapter
၂၄
မုၵ်ႉၸိူဝ်းမဵဝ်းဢႃႇရုၼ်ႇ
၁ တၢင်းဢၼ်ၵူၼ်းမဵဝ်းဢႃႇရုၼ်ႇႁဵတ်းမုၵ်ႉႁဵတ်းၸိူဝ်းယူႇၶေႃၶေႃၼၼ်ႉၸမ်းလုၵ်ႈၸၢႆးဢႃႇရုၼ်ႇၼၼ်ႉပဵၼ်ၼႃႇတပ်ႉ၊
၂ ဢၽိႁု၊ဢေႇလႃႇၸႃႇတင်းဢိသမႃႇဢေႃႈ။ၵွပ်ႈပိူဝ်ႈၼႃႇတပ်ႉတင်းဢၽိႁုယင်းဢမ်ႇမီးလုၵ်ႈၸၢႆးလႄႈတၢႆၼႂ်းၸူဝ်ႈပၢၼ်ပေႃႈၶဝ်ၼၼ်ႉလႄဢေႇလႃႇၸႃႇတင်းဢိသမႃႇလႆႈၵိုတ်ႈႁၢပ်ႇဢမူႉယိတ်ႉပရေႃးႁိၵ်ႈဢေႃႈ။
၃ တႃႇဝိတ်ႉဢိၵ်ႇတင်းၸႃႇတုၵ်ႉမဵဝ်းဢေႇလႃႇၸႃႇတင်းဢႁိမလိၵ်ႉမဵဝ်းဢိသမႃႇၸိူဝ်းၼၼ်ႉၶၢၼ်းၶဝ်ဝႆႉၸွမ်းၵႃႈၼင်ႇဢၼ်ၶဝ်ထုၵ်ႇႁဵတ်းႁင်းၽႂ်ႁင်းမၼ်းၼၼ်ႉဢေႃႈ။
၄ ၵွပ်ႈပိူဝ်ႈၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈမဵဝ်းဢေႇလႃႇၸႃႇယိင်ႈၶႅၼ်းၼမ်လိူဝ်တွၼ်းသေၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈမဵဝ်းဢိသမႃႇၼၼ်ႉလႄႈတၢင်းဢၼ်ၽႄႈၶဝ်ၶၢၼ်းဝႆႉၼၼ်ႉၸမ်းမဵဝ်းဢေႇလႃႇၸႃႇဢၼ်ပဵၼ်တူၼ်ႈပဵၼ်ငဝ်ႈတီႈပီႈၼွင်ႉၸိူဝ်ႉၶိူဝ်းပေႃႈၶဝ်ႁင်းၽႂ်ႁင်းမၼ်းၼၼ်ႉမီးသိပ်းပၢႆႁူၵ်းၵေႃႉၵူၼ်းမဵဝ်းဢိသမႃႇဢၼ်ပဵၼ်တူၼ်ႈပဵၼ်ငဝ်ႈတီႈပီႈၼွင်ႉၸိူဝ်ႉၶိူဝ်းပေႃႈၶဝ်ႁင်းၽႂ်ႁင်းမၼ်းၼၼ်ႉမီးပႅတ်ႇၵေႃႉဢေႃႈ။
၅ ၼင်ႇၼၼ်လႄႈႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈၽႄၶဝ်ဝႆႉႁင်းၽႂ်ႁင်းမၼ်းၵႃႈၼႂ်းမဵဝ်းဢေႇလႃႇၸႃႇတင်းမဵဝ်းဢိသမႃႇႁႂ်ႈလႆႈပဵၼ်ၽူႈၵိုတ်ႈႁၢပ်ႇဢမူႉတီႈထႃႇၼႃႉတီႈမူတ်းၸၢင်ႇၸဝ်ႈဢိၵ်ႇတင်းတီႈၽြႃးပဵၼ်ၸဝ်ႈဢေႃႈ။
၆ သေႇမႃႇယလုၵ်ႈၸၢႆးၼႃႇသၼေႇလမဵဝ်းလေႇဝိဢၼ်ပဵၼ်ၸရေးၸဝ်ႈၼၼ်ႉလႆႈမၢတ်ႈလႆႈမၢႆတႅမ်ႈဝႆႉၸရၢင်းၶဝ်တီႈၽၢႆႇၼႃႈၶုၼ်ႁေႃၶမ်း၊မူးမၢတ်ႈၽွင်းမိူင်း၊ယိတ်ႉပရေႃးႁိၵ်ႈၸႃႇတုၵ်ႉ၊ဢႁိမလိၵ်ႉလုၵ်ႈၸၢႆးဢႃႇပျႃႇသႃႇဢိၵ်ႇတင်း
၇ ၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ယိတ်ႉပရေႃးႁိၵ်ႈၵူၼ်းမဵဝ်းလေႇဝိၸိူဝ်းၼၼ်ႉဝႆႉလႄႈပီႈၼွင်ႉၸိူဝ်ႉၶိူဝ်းပေႃႈၶဝ်ၶိုင်ႈၼိုင်ႈလႆႈၶၢမ်ႇတၢင်းဢၼ်ၸႃႇၵွၵ်ႈတူၵ်းပုၼ်ႈမဵဝ်းဢေႇလႃႇၸႃႇ၊ၶိုင်ႈၼိုင်ႈပုၼ်ႈမဵဝ်းဢိသမႃႇပဵၼ်လႄႉပဵၼ်ၵမ်းဝႆႉဢေႃႈ။
၈ တၢင်းဢၼ်တူၵ်းၸႃႇၵွၵ်ႈၵမ်းပထမပဵၼ်ယေႃႇယႃႇရိပ်ႉၵမ်းတုတိယပဵၼ်ယေႇတႃႇယၵမ်းတတိယပဵၼ်ႁႃႇရိမ်ႇ
၉ ၵမ်းၸတုၵ်ႉထပဵၼ်ၸေႃႇရိမ်ႇ၊ၵမ်းပိၼ်ႇၸမပဵၼ်မႃႇလၶိယ၊ၵမ်းသထမပဵၼ်မိၼ်ယမိၼ်ႇ၊
၁၀ သတ်ႉတမပဵၼ်ႁၵ်ႉၵုတ်ႉ၊ၵမ်းဢထမပဵၼ်ဢၽိယ၊ၵမ်းၼဝမပဵၼ်ယေႇသႂႃႇ၊
၁၁ ၵမ်းတသမပဵၼ်သေႇၵၼိ၊ၵမ်းဢေႇၵႃႇတသမပဵၼ်ဢေႇလျႃႇသိပ်ႉ၊
၁၂ ၵမ်းတႂႃႇတသမပဵၼ်ယႃႇၵိမ်ႇ၊ၵမ်းသိပ်းသီႇပဵၼ်ယေႇသေႇပပ်ႉ၊
၁၃ ၵမ်းသိပ်းႁႃႈပဵၼ်ပိလၵ၊ၵမ်းသိပ်းႁူၵ်းပဵၼ်ဢိမ်ႇမေႇရ၊ၵမ်းသိပ်းၸဵတ်းပဵၼ်ႁေႇၸိရ၊
၁၄ ၵမ်းသိပ်းပႅတ်ႇပဵၼ်ဢပ်ႉၸိတ်ႉ၊ၵမ်းသိပ်းၵဝ်ႈပဵၼ်ပေႇသႁိ၊
၁၅ ၵမ်းသၢဝ်းၼိုင်ႈပဵၼ်ယေႇၸၵျေႇလၵမ်းသၢဝ်းဢဵတ်းပဵၼ်ယႃႇၶိၼ်ႇ၊ၵမ်းသၢဝ်းသွင်ပဵၼ်ၵႃႇမုလ၊
၁၆ ၵမ်းသၢဝ်းသၢမ်ပဵၼ်တေႇလႃႇယ၊ၵမ်းသၢဝ်းသီႇပဵၼ်မႃႇၸိဢေႃႈ။
၁၇ ဢၼ်ၼႆႉၸမ်းပဵၼ်တၢင်းဢၼ်မၵ်းၶၢၼ်းဝႆႉၼႂ်းတၢင်းဢၼ်ၶဝ်ၵိုတ်ႈႁၢပ်ႇဢမူႉႁႂ်ႈၶဝ်လႆႈၶဝ်ႈၵႃႈၼႂ်းႁိူၼ်းထႃႇဝရႃႉၽြႃးၸွမ်းလူၺ်ႈ
၁၈ လွင်ႈတၢင်းဢၼ်မၵ်းၶၢၼ်းဝႆႉ၊ဢၼ်မၼ်းၸဝ်ႈဢဝ်တင်းမိုဝ်းပေႃႈၶဝ်ဢႃႇရုၼ်ႇပၼ်တီႈၶဝ်
၁၉ ၸွမ်းၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလသင်ႇလၢတ်ႈဝႆႉတီႈမၼ်းၼၼ်ႉဢေႃႈ။
မဵဝ်းလေႇဝိဢၼ်ၵိုၼ်းဢၼ်ၵျၢၼ်ႇ
၂၀ ၵူၼ်းမဵဝ်းလေႇဝိဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၸမ်းၼႂ်းလုၵ်ႈၸၢႆးဢႃႇမရမ်ႇၸိူဝ်းၼၼ်ႉသေႇပုၺ်ႇလ၊ၼႂ်းလုၵ်ႈၸၢႆးသေႇပုၺ်ႇလၸိူဝ်းၼၼ်ႉယေႇတႃႇယ၊ၼႂ်းလုၵ်ႈၸၢႆးရေႇႁၽိၸိူဝ်းၼၼ်ႉ
၂၁ ဢိသယႃႇဢၼ်ပဵၼ်တူၼ်ႈပဵၼ်ငဝ်ႈ၊ၼႂ်းလုၵ်ႈၸၢႆးဢိၸႁႃႇၸိူဝ်းၼၼ်ႉသေႇလေႃႇမိတ်ႉ၊ၼႂ်းလုၵ်ႈၸၢႆးသေႇလေႃႇမိတ်ႉၸိူဝ်းၼၼ်ႉ
၂၂ ယႃႇႁတ်ႉ၊ၼႂ်းလုၵ်ႈၸၢႆးႁေႇပုၼ်ႇၸိူဝ်းၼၼ်ႉလုၵ်ႈၸၢႆးၵေႃႉယႂ်ႇယေႇရိ၊
၂၃ လုၵ်ႈၸၢႆးတုတိယဢႃႇမရိ၊လုၵ်ႈၸၢႆးတတိယႁႃႇၸေႇလ၊လုၵ်ႈၸၢႆးၸတုၵ်ႉထယေႇၵမမ်ႇ၊ၼႂ်းလုၵ်ႈၸၢႆးဢေႇၸေႇလၸိူဝ်းၼၼ်ႉ
၂၄ မိၵ်ႉၶႃႇ၊ၼႂ်းလုၵ်ႈၸၢႆးမိၵ်ႉၶႃႇၸိူဝ်းၼၼ်ႉသမိရ၊လုၵ်ႈၸၢႆးမိၵ်ႉၶႃႇၼၼ်ႉဢိသယႃႇ၊
၂၅ ၼႂ်းလုၵ်ႈၸၢႆးဢိသယႃႇၸိူဝ်းၼၼ်ႉၸႃႇၶရိ၊
၂၆ လုၵ်ႈၸၢႆးမေႇရႃႇရိပဵၼ်မႁႃႇလိတင်းမုသိလေႇလုၵ်ႈၸၢႆးယႃႇၸိဢၼ်ပဵၼ်ၵူၼ်းမဵဝ်းမေႇရႃႇရိၸမ်းပဵၼ်
၂၇ ပေႇၼေႃႇ၊သေႃႇႁမ်ႇ၊ၸၵ်ႉၵုရတင်းဢိပရိဢေႃႈ။ဢေႇလႃႇၸႃႇလုၵ်ႈၸၢႆးမႁႃႇလိၼၼ်ႉဢမ်ႇမီးလုၵ်ႈၸၢႆး၊လုၵ်ႈၸၢႆးၵိသၸမ်းပဵၼ်ယေႇရမေႇလဢေႃႈ။
၂၈ လုၵ်ႈၸၢႆးမုသိၸမ်းပဵၼ်မႁႃႇလိ၊ဢေႇတႃႇတင်းယေႇရမုတ်ႉဢေႃႈ။
၂၉ ၶဝ်ၸိူဝ်းၼႆႉၸမ်းပဵၼ်မဵဝ်းၸိူဝ်ႉၶိူဝ်းလေႇဝိၸွမ်းလူၺ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ၼၼ်ႉဢေႃႈ။
၃၀ ၶဝ်ၸိူဝ်းၼႆႉဢွၼ်ၵၼ်တူၵ်းၸႃႇၵွၵ်ႈပဵၼ်လႄႉပဵၼ်ၵမ်းမိူၼ်ၸိူဝ်ႉၼင်ႇပီႈၼွင်ႉၶဝ်ၵူၼ်းမဵဝ်းဢႃႇရုၼ်ႇၼၼ်ႉၵႃႈတီႈၽၢႆႇၼႃႈၶုၼ်လူင်တႃႇဝိတ်ႉဢိၵ်ႇတင်းၸႃႇတုၵ်ႉ၊ဢႁိမလိၵ်ႉ၊တင်းၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ယိတ်ႉပရေႃးႁိၵ်ႈၵူၼ်းမဵဝ်းလေႇဝိၸိူဝ်းၼၼ်ႉဢေႃႈ။ပီႈၼွင်ႉၸိူဝ်ႉၶိူဝ်းပေႃႈၶဝ်ဢၼ်ပဵၼ်ၵေႃႉယႂ်ႇၸိူဝ်းၼၼ်ႉၵေႃႈလႆႈမိူၼ်ၸိူဝ်ႉၼင်ႇၵေႃႉဢၼ်ပဵၼ်ၵေႃႉလဵၵ်ႉၼၼ်ႉဢေႃႈ။