Chapter
၁၄
ၼႃႈႁိူၼ်းတႃႇဝိတ်ႉ
၁ ႁိရမ်ႇၶုၼ်လူင်တုရုပွႆႇၸႂ်ႉၽူႈတၢင်တူဝ်ဢိၵ်ႇတင်းၵူၼ်းမေႃတႄႇတိူၵ်ႈႁဵတ်းတိူၵ်ႈလၢၵ်ႈသမႃးတင်းလၢႆဢိၵ်ႇပႃးမႆႉတူၼ်ဢႃႇရိတ်ႉမႃးၵႃႈတီႈတႃႇဝိတ်ႉႁႂ်ႈလႆႈတႄႇႁဵတ်းႁေႃၸဝ်ႈပုၼ်ႈမၼ်းဢေႃႈ။
၂ တႃႇဝိတ်ႉႁူႉႁၼ်လွင်ႈဢၼ်ထႃႇဝရႃႉၽြႃးႁႂ်ႈမၼ်းပဵၼ်ဢၼ်မၼ်ႈဢၼ်ၶိူင်ႇယူႇ
၃ ၵႃႈၼႂ်းဢရႃႇၶုၼ်ႁေႃၶမ်းဢိသရေႇလဢိၵ်ႇတင်းလွင်ႈဢၼ်သိုင်ႇၸိုင်ႈဝၢၼ်ႈမိူင်းမၼ်းၸဝ်ႈလႆႈၶၢမ်ႇတင်းဢၼ်ယုၵ်ႉယွင်ႈဝႆႉႁႂ်ႈပဵၼ်ပုၼ်ႈၵူၼ်းမၼ်းၸဝ်ႈမဵဝ်းဢိသရေႇလၼၼ်ႉဢေႃႈ။
၄ တႃႇဝိတ်ႉသမ်ႉဢဝ်မေးၵႃႈတီႈဝဵင်းယေႇရုသလႅမ်ႇထႅင်ႈသေယဝ်ႉတႃႇဝိတ်ႉသမ်ႉလႆႈလုၵ်ႈၸၢႆးလုၵ်ႈယိင်းထႅင်ႈဢေႃႈ။
၅ ၸိုဝ်ႈသဵင်လုၵ်ႈၸၢႆးဢၼ်မၼ်းလႆႈၵႃႈတီႈဝဵင်းယေႇရုသလႅမ်ႇၼၼ်ႉၸမ်းပဵၼ်သမႂႃႇ၊သေႃႇပပ်ႉ၊
၆ ၼႃႇသၼ်ႇ၊သေႃးလမုၼ်ႇ၊ဢိပႁႃႇ၊ဢေႇလိသႂႃႉ၊ဢေႇလိပလိတ်ႉ၊
၇ ၼေႃႇၵ၊ၼေႇၽိတ်ႉ၊ယႃႇၽျႃႉ၊ဢေႇလိသမႃႇ၊ပေႇလျႃႇတတင်းဢေႇလိၽလိတ်ႉဢေႃႈ။
တႃႇဝိတ်ႉပႄႉၼႅင်ႇၽိလိတ်ႉတိ
၈ မိူဝ်ႈဢၼ်ၵူၼ်းၽိလိတ်ႉတိတင်းလၢႆငိၼ်းလွင်ႈဢၼ်ပၼ်ၽိၵ်ႈသိၵ်ႈတီႈတႃႇဝိတ်ႉလႄႈႁႂ်ႈပဵၼ်ၶုၼ်ႁေႃၶမ်းဢိသရေႇလတင်းသဵင်ႈတင်းမူတ်းၼၼ်ႉၸိုင်ၵူၼ်းၽိလိတ်ႉတိတင်းသဵင်ႈတင်း
၉ လူင်ဢွၼ်ၵၼ်မႃးႁႂ်ႈလႆႈႁႃတႃႇဝိတ်ႉဢေႃႈ။တႃႇဝိတ်ႉငိၼ်းလွင်ႈမၼ်းသေယဝ်ႉၶီႇသိုၵ်းၵႂႃႇၸူးၶဝ်ဢေႃႈ။ၵူၼ်းၽိလိတ်ႉတိၸိူဝ်းၼၼ်ႉမႃးလႄႈယူႇၸွတ်ႇတူဝ်ႈၵႃႈတီႈပၢင်ႇႁူၺ်ႈရေႇၽိမ်ႇဢေႃႈ။
၁၀ တႃႇဝိတ်ႉၵေႃႈလဝ်ႈထၢမ်တီႈၽြႃးပဵၼ်ၸဝ်ႈလႄႈဝႃႈ၊-ၶႃႈၸဝ်ႈတၵ်းလႆႈၶိုၼ်ႈၸူးၵႃႈတီႈၵူၼ်းၽိလိတ်ႉတိၸိူဝ်းၼၼ်ႉတီႈၶႃႈႁိုဝ်၊ၸဝ်ႈႁဝ်းတၵ်းဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းၶႃႈ
၁၁ ၸဝ်ႈတီႈၶႃႈႁိုဝ်၊ဝႃႈၼင်ႇၼႆသေယဝ်ႉထႃႇဝရႃႉၽြႃးမီးဢမိင်ႉတီႈမၼ်းလႄႈဝႃႈ၊-ၶိုၼ်ႈၸူးတႃႉ။ၵဝ်တၵ်းဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းမႂ်းဢေႃႈ၊ဝႃႈၼင်ႇၼႆလႄႈၼင်ႇၼၼ်လႄႈၶဝ်ဢွၼ်ၵၼ်ၶိုၼ်ႈၸူးၵႃႈတီႈဝဵင်းပႃႇလပေႇရၸိမ်ႇလႄႈတႃႇဝိတ်ႉတိုၵ်းတေႃးယႃႉပႅတ်ႈၶဝ်ၵႃႈတီႈၼၼ်ႉသေယဝ်ႉလၢတ်ႈလႄႈဝႃႈ၊-ၽြႃးပဵၼ်ၸဝ်ႈဢဝ်မိုဝ်းၵဝ်ၵိူၼ်ႇယႃႉပႅတ်ႈရၢၼ်ႇသူႇၵဝ်မိူၼ်ၸိူဝ်ႉၼင်ႇဢၼ်ၼမ်ႉလူၵ်ႈၶိုၼ်ႈလႄႈၵိူၼ်ႇယႃႉပႅတ်ႈၼၼ်ႉယဝ်ႉ၊ဝႃႈၼင်ႇၼႆသေလႄႈၶဝ်ႁွင်ႉႁိၵ်ႈၸိုဝ်တီႈၼၼ်ႉပႃႇလပေႇရလိမိဢေႃႈ။
၁၂ ၶဝ်ၼၼ်ႉပႅတ်ႈရုၵ်ႉထူႉၶဝ်ဝႆႉၵႃႈတီႈၼၼ်ႉလႄႈတႃႇဝိတ်ႉပၼ်ဢမိင်ႉလႄႈၶဝ်ဢဝ်တုတ်ႇၽႆးပႅတ်ႈဢေႃႈ။
၁၃ လၢႆးသမ်ႉပွၵ်ႈၼိုင်ႈၵူၼ်းၽိလိတ်ႉတိတင်းလၢႆဢွၼ်ၵၼ်မႃးထႅင်ႈလႄႈယူႇၸွတ်ႇတူဝ်ႈၵႃႈတီႈပၢင်ႇႁူၺ်ႈၼၼ်ႉဢေႃႈ။
၁၄ တႃႇဝိတ်ႉၵေႃႈသမ်ႉၶိုၼ်းလဝ်ႈထၢမ်တီႈၽြႃးပဵၼ်ၸဝ်ႈသေယဝ်ႉၽြႃးပဵၼ်ၸဝ်ႈမီးဢမိင်ႉတီႈမၼ်းလႄႈဝႃႈ၊-မႂ်းတၵ်းဢမ်ႇလႆႈၵႂႃႇသိုဝ်ႈသိုဝ်ႈ။တၵ်းလႆႈၶီႇသိုၵ်းၵႂႃႇၽၢႆႇပႃႇမႆႉမွၼ်းလႄႈတိုၵ်းတေႃးၶဝ်ဢေႃႈ။
၁၅ မိူဝ်ႈဢၼ်မႂ်းငိၼ်းသဵင်ၶီႇသိုၵ်းၵႃႈၼိူဝ်ပၢႆမႆႉမွၼ်းၸိုင်မႂ်းၶီႇသိုၵ်းႁႂ်ႈလႆႈတိုၵ်းတႃႉ၊ၽြႃးပဵၼ်ၸဝ်ႈတၵ်းဢွၼ်ႁူဝ်မႂ်းႁႂ်ႈလႆႈတိုၵ်းတေႃးယႃႉပႅတ်ႈတပ်ႉၽိလိတ်ႉတိၼၼ်ႉဢေႃႈ၊
၁၆ ဝႃႈၼင်ႇၼႆလႄႈ၊တႃႇဝိတ်ႉႁဵတ်းၸွမ်းၵႃႈၼင်ႇဢၼ်ၽြႃးပဵၼ်ၸဝ်ႈမီးဢမိင်ႉၼၼ်ႉလႄႈတိုၵ်းတေႃးယႃႉပႅတ်ႈၵူၼ်းၽိလိတ်ႉတိၸိူဝ်းၼၼ်ႉဢဝ်ၵႃႈတီႈဝဵင်းၵိပွင်ႇတေႃႇထိုင်ႁွတ်ႈဝဵင်းၵႃႇၸေႇရဢေႃႈ။
၁၇ သတၢင်းသဵင်ၶၢဝ်ႇတႃႇဝိတ်ႉၼၼ်ႉၸွတ်ႇတူဝ်ႈၵႂႃႇၵူႈသိုင်ႇၵူႈမိူင်းလႄႈထႃႇဝရႃႉၽြႃးၸီႇယၢင်ႇႁႂ်ႈၵူၼ်းၵူႈမဵဝ်းၵူဝ်ႁႄမၼ်းဢေႃႈ။