Chapter
၂၈
တႃႇဝိတ်ႉၶိုင်ပွင်ပုၼ်ႈပိၵ်ႉမၢၼ်ႇၽြႃး
၁ မီးၽဝ်ႇၼိုင်ႈတႃႇဝိတ်ႉႁႂ်ႈၶုၼ်ဢိသရေႇလတင်းသဵင်ႈတင်းလူင်ဢၼ်ပဵၼ်ၶုၼ်ဢၼ်ဢုပ်ႉၵႃႈၼိူဝ်မဵဝ်းၽႂ်မဵဝ်းမၼ်းၶုၼ်ပူဝ်ႇဢၼ်ပႂ်ႉဢမူႉၶုၼ်ႁေႃၶမ်းပဵၼ်လႄႉပဵၼ်ၵမ်း၊ၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈႁဵင်၊ၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈပၢၵ်ႇ၊ၽူႈပႂ်ႉထိင်းၶွင်ၶူဝ်းဢုၵ်ႉၸႃႇၽၼ်ႇတႃႇၶုၼ်ႁေႃၶမ်းတင်းၶွင်ၶူဝ်းလုၵ်ႈၸၢႆးၸဝ်ႈတင်းလၢႆဢိၵ်ႇတင်းၶဝ်ၸိူဝ်းဢၼ်ပဵၼ်ၵူၼ်းထိင်းၼင်လႂ်ၶဝ်ၸိူဝ်းဢၼ်မီးဢရႃႇပဵၼ်တူၼ်ႈပဵၼ်ငဝ်ႈဢၼ်ႁႅင်းယႂ်ႇၼႃႇၵႃႈဢၼ်ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇလႄႈႁတ်းႁၢၼ်ၸိူဝ်းၼၼ်ႉၸူႉၵၼ်တုမ်ၵၼ်ၵႃႈတီႈဝဵင်းယေႇရုသလႅမ်ႇဢေႃႈ။
၂ မိူဝ်ႈၼၼ်ႉၶုၼ်လူင်တႃႇဝိတ်ႉလုၵ်ႉၸုၵ်းယူႇသေလႄႈမီးဢမိင်ႉလႄႈဝႃႈ၊-ပီႈၵဝ်ၼွင်ႉၵဝ်ၵူၼ်းၵဝ်တင်းလၢႆၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းၵဝ်တႃႉ။ၵဝ်မီးတၢင်းၵျၢမ်ႇတၢင်းပွင်ၼႂ်းၸႂ်လႄႈဝႃႈ၊တၵ်းတေႁဵတ်းႁိူၼ်းတီႈဢၼ်တိူၵ်ႈပတိၺိၼ်ထႃႇဝရႃႉၽြႃးတၵ်းတႄႇယူႇၼိမ်ၼိမ်လီလီဢၼ်ဝႃႈၶူင်ႇတီႈဢၼ်ၽြႃးပဵၼ်ၸဝ်ႈတၵ်းတၢင်ႇတိၼ်မၼ်းၸဝ်ႈၼၼ်ႉဢေႃႈ၊ဝႃႈၼင်ႇၼႆလႄႈလႆႈမႄးႁႅၼ်းဝႆႉႁႂ်ႈလႆႈတႄႇလႆႈႁဵတ်းယဝ်ႉ။
၃ ၼႂ်းဝႃႈၼၼ်သေၵေႃႈၽြႃးပဵၼ်ၸဝ်ႈမီးဢမိင်ႉဝႃႈ၊-ဢမ်ႇလႆႈတႄႇလႆႈႁဵတ်းႁိူၼ်းပုၼ်ႈၼႃႇမႃႉၸိုဝ်သဵင်ၵဝ်ၵွပ်ႈပိူဝ်ႈဢၼ်မႂ်းပဵၼ်ၵေႃႉဢၼ်တိုၵ်းသိုၵ်း၊ၵေႃႉဢၼ်ထွၵ်ႇလိူတ်ႈၵူၼ်းၼၼ်ႉ၊ဝႃႈၼင်ႇၼႆယဝ်ႉ။ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလၼၼ်ႉလိူၵ်ႈၵဵပ်းဢဝ်ၵဝ်ၵႃႈၼႂ်းပီႈၼွင်ႉမဵဝ်းၸိူဝ်ႉၶိူဝ်းပေႃႈၵဝ်ႁႂ်ႈၵဝ်လႆႈပဵၼ်ၶုၼ်ႁေႃၶမ်းဢိသရေႇလယူႇတႃႇသေႇဢေႃႈ။
၄ မၼ်းၸဝ်ႈလိူၵ်ႈၵဵပ်းဢဝ်မဵဝ်းယုတႁႂ်ႈပဵၼ်မဵဝ်းဢၼ်လႆႈဢုပ်ႉပိူင်ႇဢေႃႈ။ၼႂ်းမဵဝ်းယုတၼႂ်းႁိူၼ်းပေႃႈၵဝ်ၼႂ်းလုၵ်ႈၸၢႆးပေႃႈၵဝ်ၸိူဝ်းၼၼ်ႉမၼ်းၸဝ်ႈထုၵ်ႇၸႂ်ၵျိူၵ်ႈၸႂ်ၵဝ်လႄႈႁႂ်ႈၵဝ်လႆႈပဵၼ်ၶုၼ်ႁေႃၶမ်းၵႃႈၼိူဝ်မိူ်င်းဢိသရေႇလတင်းမိူင်းဢေႃႈ။
၅ ထႃႇဝရႃႉၽြႃးပၼ်လုၵ်ႈၸၢႆးတီႈၵဝ်ၼမ်ၼႃႇလႄႈၼႂ်းလုၵ်ႈၸၢႆးၵဝ်တင်းသဵင်ႈတင်းလူင်ၼၼ်ႉမၼ်းၸဝ်ႈလိူၵ်ႈၵဵပ်းဢဝ်လုၵ်ႈၸၢႆးၵဝ်သေႃးလမုၼ်ႇႁႂ်ႈလႆႈၼင်ႈၵႃႈၼိူဝ်ရႃႇၸႃႉပလၢင်ႇသိုင်ႇၸိုင်ႈဝၢၼ်ႈမိူင်းထႃႇဝရႃႉၽြႃးသေလႄႈဢုပ်ႉပိူင်ႇမဵဝ်းဢိသရေႇလယဝ်ႉ။
၆ တီႈၵဝ်ၵေႃႈမၼ်းၸဝ်ႈမီးဢမိင်ႉဝႃႈ၊-လုၵ်ႈၸၢႆးမႂ်းသေႃးလမုၼ်ႇၼၼ်ႉတၵ်းလႆႈတႄႇႁဵတ်းႁိူၼ်းၵဝ်ဢိၵ်ႇတင်းတမ်ႇတိူင်းၵဝ်တင်းလၢႆဢေႃႈ။
၇ ၵဝ်လိူၵ်ႈၵဵပ်းဢဝ်မၼ်းႁႂ်ႈပဵၼ်လုၵ်ႈၸၢႆးၵဝ်ယဝ်ႉ။ၵဝ်တၵ်းပဵၼ်ပေႃႈမၼ်းဢေႃႈ။ပေႃးမၼ်းၵမ်ၵျၢင်ႉပိင်းၺၢပ်ႈတြႃးၵဝ်ဢိၵ်ႇတင်းလွင်ႈတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉယူႇမၼ်ႈမၼ်ႈၶိူင်ႇၶိူင်ႇမိူၼ်ၸိူဝ်ႉၼင်ႇဝၼ်းမိူဝ်ႈၼႆႉၼၼ်ႉၸိုင်ၵဝ်တၵ်းႁႂ်ႈသိုင်ႇၸိုင်ႈဝၢၼ်ႈမိူင်းမၼ်းတႄႇယူႇဢေႃႈ၊ဝႃႈၼင်ႇၼႆဢေႃႈ။
၈ ပိူဝ်ႈဢၼ်ပဵၼ်ၼင်ႇၼႆလႄႈမိူဝ်ႈလဵဝ်ၼႆႉၵႃႈတီႈသိုဝ်ႈၼႃႈတႂ်ႈတႃႇၵူၼ်းမဵဝ်းဢိသရေႇလတင်းသဵင်ႈတင်းလူင်ဢၼ်ဝႃႈပရိၵ်ႈသၢတ်ႈထႃႇဝရႃႉၽြႃးၸိူဝ်းၼႆႉဢိၵ်ႇတင်းၵႃႈတီႈၽၢႆႇၼႃႈၽြႃးပဵၼ်ႈၸဝ်ႈၼႆႉသူဢွၼ်ၵၼ်ႁႃဢဝ်ပိင်းၺၢပ်ႈထႃႇဝရႃႉၽြႃးၽြႃးပဵၼ်ၸဝ်ႈသူၵႃႈမီးလႄႈၵမ်ၵျၢင်ႉပႂ်ႉၸွမ်းယူႇ၊ႁႂ်ႈသူလႆႈပိူင်ႇမိူင်းဢၼ်လီၼႃႇၼႆႉလႄႈသမ်ႉႁႂ်ႈၵိုတ်းၵျၢၼ်ႇဝႆႉပုၼ်ႈဢၼ်ၸူဝ်ႈလုၵ်ႈပၢၼ်လၢၼ်သူသိုပ်ႇသိုပ်ႇတၢမ်းတၢမ်းတၵ်းလႆႈၶၢမ်ႇဢမူၺ်ႇၼၼ်ႉတႃႉ။
၉ လုၵ်ႈၸၢႆးၵဝ်သေႃးလမုၼ်ႇဢိူၺ်း။ႁူႉၸၵ်းၽြႃးပဵၼ်ၸဝ်ႈပေႃႈမႂ်းတႃႉ။ပႃးတင်းႁူဝ်ၸႂ်ဢၼ်ၸေးၸုမ်ႇၸႂ်သၽေႃးဢၼ်မီးၸေႇတၼႃႇသေလႄႈႁဵတ်းဝတ်ႈတီႈမၼ်းၸဝ်ႈတႃႉ။ထႃႇဝရႃႉၽြႃးၼၼ်ႉၸႅတ်ႈထၢမ်ၸႅတ်ႈတူၺ်းႁူဝ်ၸႂ်တင်းသဵင်ႈတင်းလူင်လႄႈႁူႉၸၵ်းတၢင်းၵျၢမ်ႇတၢင်းပွင်တင်းသဵင်ႈတင်းလူင်ဢေႃႈ။ပေႃးမႂ်းႁႃမၼ်းၸဝ်ႈၸိုင်မၼ်းၸဝ်ႈတၵ်းၶၢမ်ႇတၢင်းဢၼ်မႂ်းထူပ်းဢေႃႈ။ပေႃးမႂ်းၸုၼ်ႉပႅတ်ႈမၼ်း၁၀ ၸဝ်ႈၸိုင်မၼ်းၸဝ်ႈတၵ်းၸုၼ်ႉပႅတ်ႈမႂ်းတႃႇသေႇဢေႃႈ။
၁၀ ႁဵတ်းသတိတႃႉ။ၵွပ်ႈပိူဝ်ႈဢၼ်ထႃႇဝရႃႉၽြႃးလိူၵ်ႈၵဵပ်းဢဝ်မႂ်းႁႂ်ႈလႆႈတႄႇႁဵတ်းႁိူၼ်းၸဝ်ႈပုၼ်ႈထႃႇၼႃႉတီႈမူတ်းၸၢင်ႇၸဝ်ႈၼၼ်ႉလႄႈဢဝ်ႁႅင်းဢွၵ်ႇသေလႄႈတႄႇႁဵတ်းတႃႉ၊ဝႃႈၼင်ႇၼႆဢေႃႈ။
၁၁ မိူဝ်ႈၼၼ်ႉတႃႇဝိတ်ႉဢဝ်ပုင်ႇၼႃႈႁိူၼ်းပိၵ်ႉမၢၼ်ႇၸဝ်ႈတင်းလၢႆလႂ်၊တိူၵ်ႈၽၼ်ႇတႃႇၸဝ်ႈတင်းလၢႆလႂ်၊လုၵ်းႁၢၼ်ႉၼိူဝ်ၸဝ်ႈတင်းလၢႆလႂ်၊လုၵ်းၵႃႈၼႂ်းတင်းလၢႆလႂ်၊လုၵ်းတီႈဢၼ်ဝႆႉပလၢင်ႇတီႈၽႄႇဢပျႅတ်ႈၼၼ်ႉလႂ်၊
၁၂ ဢိၵ်ႇတင်းပုင်ႇၵႃႈဢၼ်ၸႂ်မၼ်းၵျၢမ်ႇပွင်ပုၼ်ႈတမ်ႇတိူင်းႁိူၼ်းထႃႇဝရႃႉၽြႃးတၢင်းလႆလႂ်၊လုၵ်းဢၼ်လွမ်ႉလဵပ်ႈႁွပ်ႈမၼ်းတင်းသဵင်ႈတင်းလူင်လႂ်၊တိူၵ်ႈၽၼ်ႇတႃႇႁိူၼ်းၽြႃးပဵၼ်ၸဝ်ႈတင်းလၢႆလႂ်၊
၁၃ တိူၵ်ႈၽၼ်ႇတႃႇတၢင်းဢၼ်ပုၵ်ႉၸေႃႇတင်းလၢႆလႂ်ၼၼ်ႉ၊ပုၼ်ႈတၢင်းဢၼ်ယိတ်ႉပရေႃးႁိၵ်ႈၵူၼ်းမဵဝ်းလေႇဝိႁဵတ်းမုၵ်ႉႁဵတ်းၸိူဝ်း၊ပုၼ်ႈတၢင်းဢၼ်ၵိုတ်ႈႁၢပ်ႇဢမူႉၸဝ်ႈၵႃႈတီႈႁိူၼ်းထႃႇဝရႃႉၽြႃးၵူႈၸိူဝ်ႉၵူႈပိူင်၊ပုၼ်ႈၶိူင်ႈပိူင်၁၄ ဢၼ်တၵ်းဢဝ်ၵိုတ်ႈႁၢပ်ႇဢမူႉၸဝ်ႈၵႃႈတီႈႁိူၼ်းထႃႇဝရႃႉၽြႃးၵႃႈမီး၊တင်းၶမ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၶိူင်ၶမ်းၵႃႈဢၼ်တၵ်းဢဝ်ၵိုတ်ႈႁၢပ်ႇဢမူႉၸဝ်ႈၵူႈၸိူဝ်ႉၵူႈမဵဝ်း၊ငိုၼ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၶိူင်ႈငိုၼ်းၵႃႈဢၼ်တၵ်းဢဝ်ၵိုတ်ႈႁၢပ်ႇဢမူႉၸဝ်ႈၵူႈၸိူဝ်ႉၵူႈမဵဝ်း၊
၁၅ ၶမ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၶူင်ႇတီႈတႆႈၽႆးၶမ်းတင်းလၢႆဢိၵ်ႇတင်းပုၼ်ႈၵွၵ်းဝၢၼ်ႇတီႈတႆႈၽႆးမၼ်းၸိူဝ်းၼၼ်ႉဢၼ်ပဵၼ်ၶမ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၶူင်ႇတီႈတႆႈၽႆးႁင်းၽႂ်ႁင်းမၼ်းဢိၵ်ႇတင်းပုၼ်ႈၵွၵ်းဝၢၼ်ႇတီႈတႆႈၽႆးမၼ်းၸိူဝ်းၼၼ်ႉ၊ငိုၼ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၶူင်ႇတႆႈၽႆးငိုၼ်းႁင်းၽႂ်ႇႁင်းမၼ်းဢိၵ်ႇတင်းပုၼ်ႈၵွၵ်းဝၢၼ်ႇတီႈတႆႈၾႆးမၼ်းၸိူဝ်းၼၼ်ႉၸွမ်းၵႃႈၼင်ႇဢၼ်တၵ်းႁၢမ်ၶူင်ႇတီႈတႆႈၽႆးၸိူဝ်းၼၼ်ႉႁင်းၽႂ်ႁင်းမၼ်းၼၼ်ႉ၊
၁၆ ၶမ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်ႈပုၼ်ႈၶူင်ႇတီႈၵိၼ်၊ၶမ်းတီႈဢၼ်တၵ်းတၢင်ႇၶဝ်ႈမုၼ်းၽၢႆႇၼႃႈၸဝ်ႈႁင်းၽႂ်ႁင်းမၼ်း၊
၁၇ ငိုၼ်းပုၼ်ႈၶူင်ႇတီႈၵိၼ်ငိုၼ်းတင်းလၢႆၶမ်းလွတ်ႈငၢၼ်ႇပုၼ်ႈၶေႃၵွင်ႉၼိူဝ်ႉတင်းလၢႆလႂ်၊ဝၢၼ်ႇတင်းလၢႆလႂ်၊ၵွၵ်းတင်းလၢႆလႂ်၊ၶမ်းၸွမ်းလူၺ်ႈတင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၵွၵ်းဝၢၼ်ႇၶမ်းႁင်းၽႂ်ႁင်းမၼ်းငိုၼ်းၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈၵွၵ်းဝၢၼ်ႇငိုၼ်း
၁၈ ႁင်းၽႂ်ႁင်းမၼ်း၊ၶမ်းလွတ်ႈငၢၼ်ႇၸွမ်းလူၺ်ႈတၢင်းဢၼ်ၸင်ႊဢၼ်ႁိဝ်ႈမၼ်းပုၼ်ႈယိတ်ႉပလၢင်ႇတီႈဢၼ်တၵ်းဢဝ်ၼၢမ်ႇသႃႇတုတ်ႇၽႆးၼၼ်ႉၶမ်းပုၼ်ႈပုမ်ရထႃးဢၼ်ဝႃႈၶေႇရုၽိမ်ႇဢၼ်ၵီႈပိၵ်ႇၶဝ်သေလႄႈႁူမ်ႇသုမ်ႇတိူၵ်ႈတႃႇပတိၺိၼ်ႇထႃႇဝရႃႉၽြႃးယူႇၼၼ်ႉၸိူဝ်းၼၼ်ႉဢၢပ်ႈပၼ်တီႈလုၵ်ႈၸၢႆးမၼ်းသေႃးလမုၼ်ႇဢေႃႈ။
၁၉ မၼ်းဝႃႈၵႃႈမီးၼႆႉဢၼ်ဝႃႈၵႃႈဢၼ်ပႃးၼႂ်းပုမ်ၼႆႉတင်းသဵင်ႈတင်းလူင်ၼၼ်ႉၸိုင်ထႃႇဝရႃႉၽြႃးပၼ်ၺၢၼ်ႇဢၼ်ၵဝ်ႁူႉလႆႈၸွမ်းၵႃႈၼင်ႇဢၼ်မၼ်းၸဝ်ႈတႅမ်ႈမၢႆဝႆႉၼၼ်ႉဢေႃႈ၊ဝႃႈၼင်ၼႆဢေႃႈ။
၂၀ တီႈလုၵ်ႈၸၢႆးမၼ်းသေႃးလမုၼ်ႇၵေႃႈတႃႇဝိတ်ႉမီးဢမိင်ႉလႄႈဝႃႈ၊-မႂ်းဢဝ်ႁႅင်းဢွၵ်ႇလႄႈပႃးတင်းၸႂ်ဢၼ်ႁတ်းႁၢၼ်သေလႄႈႁဵတ်းတႃႉ။ယႃႇပေၵူဝ်ပေႁႄ။ယႃႇပေၸႂ်လူႉ။ၽြႃးပဵၼ်ၸဝ်ႈထႃႇဝရႃႉၽြႃးၽြႃးပဵၼ်ၸဝ်ႈၵဝ်ၼၼ်ႉတၵ်းမီးယူႇလူၺ်ႈၵၼ်တင်းမႂ်းဢေႃႈ။မၼ်းၸဝ်ႈတၵ်းဢမ်ႇၸုၼ်ႉပႅတ်ႈမႂ်း၊တၵ်းဢမ်ႇပႅတ်ႈမႂ်းဝႆႉတေႃႇထိုင်ႁွတ်ႈတၢင်းဢၼ်သၢင်ႈႁဵတ်းပုၼ်ႈဢၼ်တၵ်းၵိုတ်ႈႁၢပ်ႇဢမူႉႁိူၼ်းထႃႇဝရႃႉၽြႃးၼၼ်ႉထၼ်ႈပေႃးယဝ်ႉႉတူဝ်ႈယဝ်ႉၼၼ်ႉ။
၂၁ ယိတ်ႉပရေႃးႁိၵ်ႈၵူၼ်းမဵဝ်းလေႇဝိဢၼ်ပဵၼ်မုၵ်ႉပဵၼ်ၸိူဝ်းဝႆႉၸိူဝ်းၼၼ်ႉၵေႃႈမီးယူႇပုၼ်ႈဢၼ်တၵ်းၵိုတ်ႈႁၢပ်ႇဢမူႉႁိူၼ်းၽြႃးပဵၼ်ၸဝ်ႈဢေႃႈ။သြႃႇသမႃးဢၼ်လၵ်းလႅမ်လႄႈမီးၸေႇတၼႃႇၵူႈၸိူဝ်ႉၵူႈမဵဝ်းၸိူဝ်းၼၼ်ႉၵေႃႈမီးဝႆႉတီႈမႂ်းပုၼ်ႈဢၼ်တၵ်းႁဵတ်းၵူႈၸိူဝ်ႉၵူႈပိူင်ဢေႃႈ။ၶုၼ်ပူဝ်ႇဢိၵ်ႇတင်းၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင်ၵေႃႈမီးယူႇတႂ်ႈဢမိင်ႉမႂ်းသဵင်ႈသဵင်ႈမူတ်းမူတ်းယဝ်ႉ၊ဝႃႈၼင်ႇၼႆဢေႃႈ။