Chapter
၁၃
ဢဝ်တိူၵ်ႈပတိၺိၼ်ႇၸဝ်ႈၶိုၼ်းမႃး
၁ မိူဝ်ႈၼၼ်ႉတႃႇဝိတ်ႉတိူင်ႇပၢင်ႇၵၼ်တင်းၵူၼ်းဢၼ်ဢုပ်ႉၵႃႈၼိူဝ်ယေႈႁဵင်၊ၵူၼ်းဢၼ်ဢုပ်ႉၵႃႈၼိူဝ်ယေႈပၢၵ်ႇဢၼ်ဝႃႈၵူၼ်းဢၼ်ပဵၼ်တူၼ်ႈပဵၼ်ငဝ်ႈတင်းသဵင်ႈတင်းလူင်သေယဝ်ႉတႃႇဝိတ်ႉ
၂ မီးဢမိင်ႉတီႈပရိၵ်ႈသၢတ်ႈမဵဝ်းဢိသရေႇလတင်းသဵင်ႈတင်းလူင်လႄႈဝႃႈ၊-ပေႃႈသူမီးဢလူဝ်ႇလႄႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းပၼ်ဢၶႂၢင်ႉၸိုင်ႁဝ်းပွႆႇၸႂ်ႉၵႂႃႇၵူႈတီႈၵူႈလႅၼ်ၸူးတီႈပီႈၼွင်ႉႁဝ်းဢၼ်ယင်းၵိုတ်းယင်းၵျၢၼ်ႇယူႇၵႃႈတီႈၼႂ်းလိၼ်ဢိသရေႇလတင်းသဵင်ႈတင်းမူတ်းဢိၵ်ႇတင်းယိတ်ႉပရေႃးႁိၵ်ႈၵူၼ်းမဵဝ်းလေႇဝိဢၼ်ယူႇၵႃႈၼႂ်းဝဵင်းတင်းဝၢၼ်ႈၼွၵ်ႈၼႃး
ပၢင်ႇၸိူဝ်းၼၼ်ႉႁႂ်ႈၶဝ်မႃးၸူႉၵၼ်တုမ်ၵၼ်တင်းႁဝ်းတႃႉႁဝ်း။
၃ သမ်ႉၶိုၼ်းဢဝ်တိူၵ်ႈတႃႇၽြႃးပဵၼ်ၸဝ်ႈႁဝ်းမႃးတီႈႁဝ်းတႃႉႁဝ်း။ၼႂ်းၸူဝ်ႈပၢၼ်သေႃးလုၼၼ်ႉႁဝ်းယင်းဢမ်ႇယၢမ်ႈတွင်ႈထၢမ်ၵႃႈတီႈၽၢႆႇၼႃႈတိူၵ်ႈတႃႇၸဝ်ႈၼၼ်ႉလႄႈယူႇမႃးလူင်ပေႇ၊ဝႃႈၼင်ႇၼႆသေယဝ်ႉ၊ပရိၵ်ႈသၢတ်ႈ
၄ တင်းသဵင်ႈတင်းလူင်ၼၼ်ႉဢွၼ်ၵၼ်လၢတ်ႈလႄႈဝႃႈ၊-တၵ်းႁဵတ်းၸွမ်းၵႃႈၼင်ႇဢၼ်ဢမိင်ႉၸဝ်ႈမီးၼၼ်ႉဢေႃႈ၊ဝႃႈၼင်ႇၼႆၵွပ်ႈပိူဝ်ႈဢၼ်လွင်ႈတၢင်းၼၼ်ႉပဵၼ်လွင်ႈတၢင်းဢၼ်ထုၵ်ႇလီသိုဝ်ႈၼႃႈတႂ်ႈတႃၶဝ်ၼၼ်ႉဢေႃႈ။
၅ ၼင်ႇၼၼ်လႄႈတႃႇဝိတ်ႉႁႂ်ႈၵူၼ်းမဵဝ်းဢိသရေႇလဢၼ်ယူႇၵႃႈတီႈၸႃႉၸဵမ်ၼမ်ႉႁွင်ႊသီႇႁေႃႇရၵႃႈတီႈႁိမ်းမိူင်းဢေႇၵႅပ်ႉတုတေႃႇထိုင်ႁွတ်ႈသူပ်းတၢင်းဢၼ်ၶဝ်ႈၸူးဝဵင်းႁႃႇမတ်ႉတင်းသဵင်ႈတင်းလူင်ၼၼ်ႉၸူႉၵၼ်တုမ်ၵၼ်ႁႂ်ႈလႆႈဢဝ်
၆ တိူၵ်ႈတႃႇၽြႃးပဵၼ်ၸဝ်ႈသေၵႃႈတီႈဝဵင်းၵိရယတ်ႉယႃႇရိမ်ႇမႃးသေယဝ်ႉ၊တႃႇဝိတ်ႉဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ၶိုၼ်ႈၸူးၵႃႈတီႈဝဵင်းပႃႇလႃႇဢၼ်ဝႃႈဝဵင်းၵိရယတ်ႉယႃႇရိမ်ႇဢၼ်မီးၼႂ်းလိၼ်ယုတၼၼ်ႉႁႂ်ႈလႆႈဢဝ်တိူၵ်ႈတႃႇၽြႃးပဵၼ်ၸဝ်ႈထႃႇဝရႃႉၽြႃးဢၼ်ၵိင်းဝပ်ႈယူႇၵႃႈတီႈၵႄႈဝူင်ႈၵၢင်ၶေႇရုၽိမ်ႇဢၼ်လႆႈၶၢမ်ႇတၢင်းဢၼ်
၇ ဢဝ်ၼႃႇမႃႉၸိုဝ်သဵင်ၸဝ်ႈႁွင်ႉႁိၵ်ႈၼၼ်ႉမႃးဢေႃႈ။ၶဝ်ဢွၼ်ၵၼ်ဢဝ်တိူၵ်ႈတႃႇၽြႃးပဵၼ်ၸဝ်ႈၼၼ်ႉတၢင်ႇၵႃႈၼိူဝ်လေႃႉဢၼ်မႂ်ႇလႄႈဢဝ်ဢွၵ်ႇသေၵႃႈၼႂ်းႁိူၼ်းဢၽိၼတပ်ႉဢေႃႈ။
၈ တႃႇဝိတ်ႉဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ႁဵတ်းၵႂၢမ်းယူႇ၊ယိပ်းၵမ်ဢဝ်တိင်ႇ၊တရေႃး၊ၵွင်ၶဵတ်ႇ၊သႅင်ႇ၊ၼႄးၶရႃႇတင်းလၢႆယူႇသေလႄႈဢဝ်ႁႅင်းၶတ်းၸႂ်ပဝ်ႇႁႆႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။
၉ မိူဝ်ႈဢၼ်ၶဝ်ႁွတ်ႈထိုင်ၵႃႈတီႈတလၢင်းယဵပ်ႇၶဝ်ႈၶိတုၼ်ႇၼၼ်ႉၸိုင်ၵွပ်ႈပိူဝ်ႈဝူဝ်းၶီႇလိုတ်းၶီႇလႅင်ႉလႄႈဢေႃႇၸယိုၼ်မိုဝ်းမၼ်းၸူးတိူၵ်ႈတႃႇၽြႃးပဵၼ်ၸဝ်ႈသေလႄႈယိပ်းတိူၵ်ႈတႃႇ၁၀ ၸဝ်ႈဢေႃႈ။
၁၀ တၢင်းၸႂ်မႆႈၶႆႈၸႃႉထႃႇဝရႃႉၽြႃးဢွၵ်ႇတီႈဢေႃႇၸၼၼ်ႉလႄႈမၼ်းၸဝ်ႈပၼ်တၢမ်ႇၵွပ်ႈပိူဝ်ႈဢၼ်မၼ်းဢဝ်မိုဝ်းမၼ်းယိပ်းတိူၵ်ႈတႃႇၸဝ်ႈၸိူဝ်ႉၼင်ႇၼၼ်လႄႈမၼ်းတၢႆၵႃႈတီႈၽၢႆႇၼႃႈၽြႃးပဵၼ်ၸဝ်ႈၵႃႈတီႈၼၼ်ႉဢေႃႈ။
၁၁ တႃႇဝိတ်ႉမီးၸႂ်ဢၼ်ႁဵဝ်ႇၸွပ်ႈၵွပ်ႈပိူဝ်ႈထႃႇဝရႃႉၽြႃးပၼ်တၢမ်ႇတီႈဢေႃႇၸၼၼ်ႉလႄႈႁွင်ႉႁိၵ်ႈၸိုဝ်ႈတီႈၼၼ်ႉဝႃႈပေႇရိတ်ႉဢေႃႇၸတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၁၂ ၼႂ်းဝၼ်းၼၼ်ႉတႃႇဝိတ်ႉၵူဝ်ႁႄၽြႃးပဵၼ်ၸဝ်ႈလႄႈထၢမ်ဝႃႈ၊-ၵဝ်တၵ်းႁဵတ်းၸိူဝ်ႉၼင်ႇႁိုဝ်ဢဝ်တိူၵ်ႈတႃႇၽြႃးပဵၼ်ၸဝ်ႈမႃးၵႃတီႈၵဝ်၊ဝႃႈၼင်ႇၼႆ
၁၃ သေလႄႈတႃႇဝိတ်ႉယင်းဢမ်ႇဢဝ်တိူၵ်ႈတႃႇၸဝ်ႈမႃးၵႃႈတီႈမၼ်းၵႃႈၼႂ်းဝဵင်းတႃႇဝိတ်ႉၼၼ်ႉလႄႈဢဝ်ငိၵ်းၵႂႃႇၸူးၵႃႈတီႈႁိူၼ်းဢူဝ်ႇပိတ်ႉဢေႇတုင်ႇၵူၼ်းၵိတ်ႉတိၼၼ်ႉသေယဝ်ႉ၊တိူၵ်ႈတႃႇၽြႃးပဵၼ်ၸဝ်ႈၼၼ်ႉမီးယူႇၵႃႈတီႈၵူၼ်းႁိူၼ်းၵူၼ်းယေးၼႂ်းႁိူၼ်းဢုဝ်ႇပိတ်ႉဢေႇတုမ်ႇၼၼ်ႉသၢမ်လိူၼ်တဵမ်တဵမ်ဢေႃႈ။ထႃႇဝရႃႉၽြႃးၵေႃႈပၼ်တၢင်းလီတီႈၵူၼ်းႁိူၼ်းၵူၼ်းယေးဢုဝ်ႇပိတ်ႉဢေႇတုမ်ႇဢိၵ်ႇတင်းၵႃႈဢၼ်မီးတီႈမၼ်းၼၼ်ႉဢေႃႈ။