History (1861-2001) Bible Radio New Cushing Bible Medical & Dental Mission Training Culture Shan-Thailand Home

1 Chronicles 15

Chapter

၁၅

ဢဝ်တိူၵ်ႈပတိၺိၼ်ႇၶိုၼ်းမႃးဝဵင်းယေႇရုသလႅမ်ႇ
၁ လိုၼ်းၼၼ်ႉတႃႇဝိတ်ႉတႄႇႁဵတ်းႁၢင်ႈႁဵတ်းႁေႃၵႃႈၼႂ်းဝဵင်းတႃႇဝိတ်ႉလႄႈမၼ်းႁဵတ်းဝႆႉမႄးဝႆႉထႃႇၼႃႉတီႈပုၼ်ႈတိူၵ်ႈတႃႇထႃႇဝရႃႉၽြႃးပဵၼ်ၸဝ်ႈသေလႄႈမုင်းသုမ်ႉထဵင်ပုၼ်ႈမၼ်းဝႆႉသေယဝ်ႉ၊တႃႇဝိတ်ႉလၢတ်ႈလႄႈဝႃႈ၊-ၼွၵ်ႈသေၵူၼ်းမဵဝ်းလေႇဝိၸိူဝ်းၼၼ်ႉၵူၼ်းမဵဝ်းလႂ်သေဢမ်ႇဝႃႈဢမ်ႇလႆႈႁၢပ်ႇတိူၵ်ႈတႃႇၽြႃးပဵၼ်ၸဝ်ႈ။
၂ လွင်ႈမၼ်းၸမ်းထႃႇဝရႃႉၽြႃးလိူၵ်ႈၵဵပ်းဢဝ်ၶဝ်ႁႂ်ႈလႆႈႁၢပ်ႇတိူၵ်ႈတႃႇၸဝ်ႈလႄႈၵိုတ်ႈႁၢပ်ႇဢမူႉမၼ်းၸဝ်ႈယူႇတႃႇသေႇဢမ်ႇထၢတ်ႇဢေႃႈ၊ဝႃႈၼင်ႇၼႆသေလႄႈ၊
၃ တႃႇဝိတ်ႉႁႂ်ႈၵူၼ်းမဵဝ်းဢိသရေႇလတင်းသဵင်ႈတင်းလူင်ၸူႉၵၼ်တုမ်ၵၼ်ၵႃႈတီႈဝဵင်းယေႇရုသလႅမ်ႇႁႂ်ႈလႆႈဢဝ်တိူၵ်ႈတႃႇထႃႇဝရႃႉၽြႃးမႃးၵႃႈတီႈထႃႇၼႃႉ
၄ တီႈဢၼ်မၼ်းႁဵတ်းဝႆႉမႄးဝႆႉပုၼ်ႈမၼ်းၼၼ်ႉသေယဝ်ႉ၊တႃႇဝိတ်ႉႁႂ်ႈၵူၼ်းမဵဝ်းဢႃႇရုၼ်ႇတင်းၵူၼ်းမဵဝ်းလေႇဝိတင်းလၢႆၸူႉၵၼ်တုမ်ၵၼ်ဢေႃႈ။
၅ ၶဝ်ၸိူဝ်းၼၼ်ႉၸမ်း၊ပဵၼ်ဢုရေႇလဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းၵေႃႇႁတ်ႉဢိၵ်ႇတင်း
၆ ပီႈၼွင်ႉမၼ်းပၢၵ်ႇပၢႆသၢဝ်း၊ဢသႃႇယဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းမေႇရႃႇရိ
၇ ဢိၵ်ႇတင်းပီႈၼွင်ႉမၼ်းသွင်ပၢၵ်ႇပၢႆသၢဝ်း၊ယုဝ်းဢေႇလဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းၵေႇရသုၼ်ႇ
၈ ဢိၵ်ႇတင်းပီႈၼွင်ႉမၼ်းပၢၵ်ႇပၢႆသၢမ်သိပ်းသေႇမႃႇယဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းဢေႇလိၸပၢၼ်ႇ
၉ ၼၼ်ႉဢိၵ်ႇတင်းပီႈၼွင်ႉမၼ်းသွင်ပၢၵ်ႇ၊ဢေႇလျေႃႇလဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းႁေႇပႃၼ်ႇ
၁၀ ဢိၵ်ႇတင်းပီႈၼွင်ႉမၼ်းပႅတ်ႇသိပ်း၊ဢမိၼတပ်ႉဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းဢေႃႇၸေႇလဢိၵ်ႇတင်းပီႈၼွင်ႉမၼ်းပၢၵ်ႇပၢႆသိပ်းသွင်ၵေႃႉဢေႃႈ။
၁၁ တႃႇဝိတ်ႉၵေႃႈႁွင်ႉဢဝ်ယိတ်ႉပရေႃးႁိၵ်ႈၸႃႇတုၵ်ႉတင်းဢႃႇပျႃႇထႃႇဢိၵ်ႇတင်းၵူၼ်းမဵဝ်းလေႇဝိဢၼ်ဝႃႈဢုရေႇလ၊ဢသႃႇယ၊ယုဝ်းဢေႇလ၊သေႇမႃႇယ၊ဢေႇလေႇလ၊ဢမိၼတပ်ႉၸိူဝ်းၼၼ်ႉလႄႈမီးဢမိင်ႉဝႃႈ၊-
၁၂ သူၼႆႉပဵၼ်တူၼ်ႈပဵၼ်ငဝ်ႈပီႈၼွင်ႉၸိူဝ်ႉၶိူဝ်းပေႃႈသူၼႂ်းၵူၼ်းမဵဝ်းလေႇဝိၼၼ်ႉဢေႃႈ။တူဝ်ႈသူဢိၵ်ႇတင်းပီႈၼွင်ႉသူဢွၼ်ၵၼ်ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇႁႂ်ႈလႆႈဢဝ်တိူၵ်ႈတႃႇထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမႃးၵႃႈတီႈထႃႇၼႃႉတီႈဢၼ််ၵဝ်ႁဵတ်းဝႆႉမႄးဝႆႉပုၼ်ႈမၼ်းၼၼ်ႉတႃႉ။
၁၃ ၵွပ်ႈပိူဝ်ႈဢၼ်သူဢမ်ႇႁၢပ်ႇမိူဝ်ႈဢွၼ်တၢင်းၼၼ်ႉလႄႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းပၼ်တၢမ်ႇတီႈႁဝ်းၵွပ်ႈပိူဝ်ႈဢၼ်ႁဝ်းယင်းဢမ်ႇၸွမ်းလူၺ်ႈတၢင်းဢၼ်မၼ်းၸဝ်ႈၸီႇယၢင်ႇဝႆႉၼၼ်ႉသေလႄႈႁႃမၼ်းၸဝ်ႈၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၄ မိူဝ်ႈၼၼ်ႉယိတ်ႉပရေႃးႁိၵ်ႈဢိၵ်ႇတင်းၵူၼ်းမဵဝ်းလေႇဝိၸိူဝ်းၼၼ်ႉဢွၼ်ၵၼ်ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇႁႂ်ႈလႆႈဢဝ်တိူၵ်ႈတႃႇထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလၼၼ်ႉမႃးဢေႃႈ။
၁၅ ၵူၼ်းမဵဝ်းလေႇဝိၸိူဝ်းၼၼ်ႉဢွၼ်ၵၼ်ဢဝ်ၵၢၼ်းတၢင်းလၢႆႁၢမ်ဢဝ်တိူၵ်ႈတႃႇၽြႃးပဵၼ်ၸဝ်ႈသႂ်ႇၵႃႈၼိူဝ်ႁူဝ်မႃႇၶဝ်ၸွမ်းၵႃႈၼင်ႇဢၼ်မုဝ်းသေႇသင်ႇလၢတ်ႈဝႆႉမႅၼ်ႈၸွမ်းၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉဢေႃႈ။
၁၆ တႃႇဝိတ်ႉမီးဢမိင်ႉတီႈၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈၵူၼ်းမဵဝ်းလေႇဝိတင်းလၢႆၼၼ်ႉႁႂ်ႈၶဝ်ၶၢၼ်းပီႈၼွင်ႉၶဝ်ဢၼ်ၸၢင်ႊႁဵတ်းၵႂၢမ်းလႄႈ
၁၇ ပႃးတင်းတိင်ႇတရေႃးတင်းမဵဝ်းတူႇရီႉယႃႇတင်းလၢႆၼၼ်ႉဝႆႉႁႂ်ႈလႆႈႁဵတ်းသဵင်ဢၼ်လင်ႊဢၼ်မေႃးလႄႈၽွမ်ႉၵၼ်ယုၵ်ႉၶိုၼ်ႈယွင်ႈၶိုၼ်ႈသဵင်ၶဝ်ၸူမ်းၸူမ်းသိူဝ်းသိူဝ်းလႄႈ၊ၵူၼ်းမဵဝ်းလေႇဝိၸိူဝ်းၼၼ်ႉဢွၼ်ၵၼ်ၶၢၼ်းဝႆႉႁေႇမၼ်ႇလုၵ်ႈၸၢႆးယုဝ်းဢေႇလ၊ဢႃႇသပ်ႉလုၵ်ႈၸၢႆးပေႇရၶိ
၁၈ ၵႃႈၼႂ်းမုၵ်ႉၼႂ်းၸိူဝ်းၼွင်ႉၸၢႆးမၼ်း၊ဢေႇသၼ်ႇလုၵ်ႈၸၢႆးၵုသႃႇယၼႂ်းမဵဝ်းမေႇရႃႇရိၵႃႈၼႂ်းမုၵ်ႉၼႂ်းၸိူဝ်းပီႈၼွင်ႉၶဝ်၊ဢိၵ်ႇတင်းပီႈၼွင်ႉၶဝ်ဢၼ်ပဵၼ်ဢရႃႇသိတုတိယဢၼ်ဝႃႈၸႃႇၶရိ၊ပိၼ်ႇ၊ယႃႇၸေႇသ၊သေႇမိရႃႇမုတ်ႉ၊ယေႇႁေႇလ၊ဢုၼ်ႇၼိ၊ဢေႇလျႃႇၽ၊ပေႇၼႃႇယ၊မႃႇသေႇယ၊မတ်ႉတိသိ၊ဢေႇလိၽလေႇႁု၊မိင်ႉၼေႇယ၊ဢူဝ်ႇပိတ်ႉဢေႇတုမ်ႇ၊ယေႇလဢၼ်ပဵၼ်ၵူၼ်းပႂ်ႉၽၵ်းတူၸိူဝ်းၼၼ်ႉဢေႃႈ။
၁၉ ၼင်ႇၼၼ်လႄႈႁေႇမၼ်ႇ၊ဢႃႇသပ်ႉ၊ဢေႇသၼ်ႇဢၼ်ပဵၼ်သြႃႇမေႃႁဵတ်းၵႂၢမ်းၸိူဝ်းၼၼ်ႉလႆႈၶၢမ်ႇတၢင်းဢၼ်ၶၢၼ်းဝႆႉႁႂ်ႈလႆႈဢဝ်သႅင်တွင်းလိူင်ႁဵတ်းသဵင်လင်ႊသဵင်မေႃးဢေႃႈ။
၂၀ ၸႃႇၶရိ၊ယႃႇၸေႇလ၊သေႇမိရႃႇမုတ်ႉ၊ယေႇႁေႇလ၊ဢုၼ်ႇၼိ၊ဢေႇလျႃႇၽ၊မႃႇသေႇယ၊ပေႇၼႃႇယၸိူဝ်းၼၼ်ႉလႆႈဢဝ်တရေႃးထူဝ်းႁဵတ်းသဵင်ဢႃႇလမုတ်ႉဢေႃႈ။
၂၁ မတ်ႉတိသိ၊ဢေႇလိၽလေႇႁု၊မိၵ်ႉၼေႇယ၊ဢူဝ်ႇပိတ်ႉဢေႇတုမ်ႇ၊ယေႇလ၊ဢႃႇၸၸိၸိူဝ်းၼၼ်ႉလႆႈဢဝ်တိင်ႇလဵတ်းႁဵတ်းသဵင်သေႇမိၼိတ်ႉလႄႈဢွၼ်ႁူဝ်ဢေႃႈ။
၂၂ ၶေႇၼၼိဢၼ်ပဵၼ်တူၼ်ႈပဵၼ်ငဝ်ႈၵူၼ်းမဵဝ်းလေႇဝိတင်းလၢႆၼၼ်ႉဢုပ်ႉၵႃႈၼိူဝ်တၢင်းဢၼ်ႁဵတ်းၵႂၢမ်းလႄႈပဵၼ်သြႃႇလူင်မေႃၵႂၢမ်းၵွပ်ႈပိူဝ်ႈဢၼ်မၼ်းမေႃဢတၢတ်ႈႁဵတ်းၵႂၢမ်းဢေႃႈ။
၂၃ ပေႇလၶိတင်းဢေႇလၵႃႇၼပဵၼ်ၵူၼ်းပႂ်ႉၽၵ်းတူတိူၵ်ႈတႃႇၸဝ်ႈဢေႃႈ။
၂၄ သေႇပၼိ၊ယေႃႇသၽတ်ႉ၊ၼႃႇသၼေႇလ၊ဢႃႇမသေႇ၊ၸႃႇၶရိ၊ပေႇၼႃႇယ၊ဢေႇလျႃႇၸႃႇယိတ်ႉပရေႃးႁိၵ်ႈၸိူဝ်းၼၼ်ႉလႆႈပဝ်ႇတိုင်ႈၼႄးၶရႃႇၵႂႃႇဢွၼ်တၢင်းတိူၵ်ႈတႃႇၸဝ်ႈဢေႃႈ။ဢုဝ်ႇပိတ်ႉဢေႇတုမ်ႇတင်းယေႇႁိၼၼ်ႉၵေႃႈပဵၼ်ၵူၼ်းပႂ်ႉၽၵ်းတူတိူၵ်ႈတႃႇၸဝ်ႈဢေႃႈ။
၂၅ ၼင်ႇၼၼ်လႄႈတႃႇဝိတ်ႉဢိၵ်ႇတင်းၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၵူၼ်းမဵဝ်းဢိသရေႇလ၊ႁူဝ်သိုၵ်းဢၼ်ဢုပ်ႉၵႃႈၼိူဝ်ၵူၼ်းယေႈႁဵင်တင်းလၢႆၸိူဝ်းၼၼ်ႉမီးတင်းၸႂ်ဢၼ်ၸူမ်းသိူဝ်းလႄႈဢွၼ်ၵၼ်ၵႂႃႇႁႂ်ႈလႆႈဢဝ်တိူၵ်ႈတႃႇပတိၺိၼ်ႇထႃႇဝရႃၽြႃးသေၵႃႈတီႈႁူၼ်းဢုဝ်ႇပိတ်ႉဢေႇတုမ်ႇၼၼ်ႉမႃးဢေႃႈ။
၂၆ ပိူဝ်ႈဢၼ်ၽြႃးပဵၼ်ၸဝ်ႈၸွႆႈထႅမ်မႃႉၸႃႉၵူၼ်းမဵဝ်းလေႇဝိဢၼ်ႁၢပ်ႇတိူၵ်ႈတႃႇပိႉၺိၼ်ႇထႃႇဝရႃၽြႃးၸိူဝ်းၼၼ်ႉလႄႈၶဝ်ၼၼ်ႉဢွၼ်ၵၼ်ဢဝ်ဝူဝ်းၸဵတ်းတူဝ်တင်းသူဝ်းၸဵတ်းတူဝ်ပုၵ်ႉၸေႃႇယိၸ်ႉဢေႃႈ။
၂၇ တႃႇဝိတ်ႉဢိၵ်ႇတင်းၵူၼ်းမဵဝ်းလေႇဝိၵႃႈဢၼ်ႁၢပ်ႇတိူၵ်ႈတႃႇၸဝ်ႈတင်းၶဝ်ၸိူဝ်းဢၼ်ႁဵတ်းၵႂၢမ်းဢိၵ်ႇတင်းၶေႇၼၼိသြႃႇမေႃႁဵတ်းၵႂၢမ်းလူၺ်ၵၼ်တင်းၶဝ်ၸိူဝ်းဢၼ်ႁဵတ်းၵႂၢမ်းၼၼ်ႉၸိူဝ်းၼၼ်ႉဢွၼ်ၵၼ်ၼုင်ႈၶူဝ်းပိၵ်ႈၶျေႃးဢေႃႈ။
၂၈ တႃႇဝိတ်ႉၵေႃႈဢဝ်သိူဝ်ႈသူပ်းပိၵ်ႈၶျေႃးထၢပ်ႈထႅင်ႈလႄႈၼုင်ႈဢေႃႈ။ၼင်ႇၼၼ်လႄႈၵူၼ်းမဵဝ်းဢိသရေႇလတင်းသဵင်ႈတင်းလူင်ၼၼ်ႉႁဵတ်းသဵင်ဢၼ်ႁွင်ႉသႅၼ်ႇယူႇ၊ပဝ်ႇႁႆႇၼႄးၶရႃႇ၊သႅင်ႇ၊တရေႃးတိင်ႇ၊တင်းလၢႆမေႃးလင်ႊယူႇသေလႄႈဢွၼ်ၵၼ်ဢဝ်တိူၵ်ႈတႃႇပတိၺိၼ်ႇထႃႇဝရႃၽြႃးမႃးဢေႃႈ။
၂၉ မိူဝ်ႈဢၼ်တိူၵ်ႈတႃႇပတိၺိၼ်ႇထႃႇဝရႃၽြႃးၶဝ်ႈမႃးၵႃႈၼႂ်းဝဵင်းတႃႇဝိတ်ႉယူႇၼၼ်ႉၸိုင်မိၶႃႇလလုၵ်ႈယိင်းသေႃးလုၼၼ်ႉယူႇၵႃႈတီႈႁူးလၢင်းတဵၼ်လူတူၺ်းလႄႈႁၼ်ၶုၼ်လူင်တႃႇဝိတ်ႉၵႃႈဝႅၼ်ယူႇပဝ်ႇႁႆႇယူႇလႄႈမၼ်းႁဵတ်းဢမ်ႇၼပ်ႉဢမ်ႇၶၢၼ်းတေႃႇမၼ်းၵႃႈၼႂ်းႁူဝ်ၸႂ်မၼ်းဢေႃႈ။

ထမ်ႇမႃႉၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ
ၵျၢမ်းဢၼ်ဢွၵ်ႇၵႂႃႇ
ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ  
ၵျၢမ်းဢၼ်ႁေႃးတြႃး
လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး
ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ
ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ
ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ
ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ
လိၵ်ႈမၢတ်ႈလွင်ႈၼေႇႁမိ
ဝုတ်ႉထုဢေးသတႃႇ
ဝုတ်ႉထုယေႃႇၽ
ၵျၢမ်းသႃႇလၢမ်ႇ
ၵျၢမ်းလိၵ်ႈသုၵ်ႉတၢမ်ႇ
ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ
ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ
တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ
ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ
ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ
ပျႃႇတိၵ်ႉယူႇပႃႇရုင်ႇဢေႃႇပတိ 
ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ
ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ
ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး
ၵျၢမ်းဢၼႃႇၵၢတ်ႈတိၸႃႇၶရိ
ၵျၢမ်းဢၼႃႇၵၢတ်ႈတိမႃႇလၶိ
ထမ်ႇမႃႉၵျၢမ်းမႂ်ႇ

ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ
ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ
လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်တုတိယ
လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ
လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ
လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ
လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ
လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ
ၵျၢမ်းပျႃႇတိၵ်ႈ