Chapter
၁၆
၁ ၼင်ႇၼၼ်လႄႈၶဝ်ဢွၼ်ၵၼ်ဢဝ်တိူၵ်ႈတႃႇၽြႃးပဵၼ်ၸဝ်ႈသႂၢင်းၶဝ်ႈလႄႈဝႆႉၵႃႈၼႂ်းၶိုင်ႈၵၢင်သုမ်ႉထဵင်ၸဝ်ႈဢၼ်တႃႇဝိတ်ႉပူၵ်းတင်ႈဝႆႉၼၼ်ႉသေယဝ်ႉပုၵ်ႉၸေႃႇယိၸ်ႉႉဢၼ်တုတ်ႇၽႆးဢိၵ်ႇတင်းယိၸ်ႉမိၵ်ႉသႁႃႇယႃႉတင်းလၢႆၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။
၂ မိူဝ်ႈဢၼ်တႃႇဝိတ်ႉႁႂ်ႈဢမူႉတၢင်းဢၼ်ပုၵ်ႉၸေႃႇယိၸ်ႉဢၼ်တုတ်ႇၽႆး၊ယိတ်ႉမိၵ်ႉသႁႃႇယႃႉယဝ်ႉတူဝ်ႈယဝ်ႉၼၼ်ႉၸိုင်မၼ်းဢဝ်ၼႃႇမႃႉၸိုဝ်သဵင်ထႃႇဝရႃႉၽြႃးလႄႈပၼ်တၢင်းလီတီႈပရိၵ်ႈသၢတ်ႈတင်းလၢႆဢေႃႈ။
၃ မၼ်းၼၼ်ႉတူၵ်းမႅင်ႇပၼ်တီႈၵူၼ်းတင်းသဵင်ႈတင်းလူင်ၵႃႈဢၼ်ၶဝ်ႈပႃးၼႂ်းမဵဝ်းဢိသရေႇလၸႃႉၸဵမ်ၵူၼ်းၸၢႆးၵူၼ်းယိင်းၵူႈၵေႃႉယေႈၵေႃႉၶဝ်ႈမုၼ်းယေႈၶႅပ်း၊ၼိူဝ်ႉယေႈၵွၼ်ႈ၊ၶႅပ်းမၢၵ်ႇၸပိတ်ႉယေႈၶႅပ်းဢေႃႈ။
၄ လၢႆးသမ်ႉၵူၼ်းမဵဝ်းလေႇဝိဢၼ်မၼ်းၶၢၼ်းဝႆႉႁႂ်ႈလႆႈၵိုတ်ႈႁၢပ်ႇဢမူႉၸဝ်ႈၵႃႈတီႈၽၢႆႇၼႃႈတိူၵ်ႈတႃႇထႃႇဝရႃႉၽြႃးလႄႈၶုၵ်းၸႂ်လႆႈၶႆႈၸႂ်ထူပ်းၵုင်ႇၵျေးၸူးထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလသေလႄႈ
၅ ယွင်ႈယေႃးႁဵတ်းထေႃးပၼႃႇၼၼ်ႉၸမ်း၊ဢႃႇထပ်ႉဢၼ်ပဵၼ်ႈတူၼ်ႈပဵၼ်ငဝ်ႈ၊ၵေႃႉတုတိယၸႃႇၶရိ၊ယေႇလ၊သေႇမိရမုတ်ႉ၊ယေႇႁေႇလ၊မတ်ႉတိသိ၊ဢေႇလျႃႇၽ၊ပေႇၼႃႇယ၊ဢူဝ်ႇပိတ်ႉဢေႇတုမ်ႇတင်းယေႇလဢၼ်လဵတ်းတိင်ႇတရေႃး၊ဢႃႇသပ်ႉဢၼ်ႁႆႇသႅင်လင်ႊမေႃး၊
၆ ပေႇၼႃႇယတင်းယႁႃႇၸေႇလယိတ်ႉပရေႃးႁိၵ်ႈဢၼ်ပဝ်ႇတိုင်ႈၼႄးၶရႃႇယူႇတႃႇသေႇၵႃႈတီႈၽၢႆႇၼႃႈတိူၵ်ႈတႃႇပတိၺိၼ်ႇၽြႃးပဵၼ်ၸဝ်ႈဢေႃႈ။
၇ ၵႂၢမ်းဢၼ်တႃႇဝိတ်ႉၸႃႉဢၢပ်ႈပၼ်ၵႃႈၼႂ်းမိုဝ်းဢႃႇသၢပ်ႉတင်းပီႈၼွင်ႉမၼ်းတင်းလၢႆၼႂ်းဝၼ်းၼၼ်ႉႁႂ်ႈလႆႈယွင်ႈယေႃးၵျေးၸူးထႃႇဝရႃႉၽြႃးၼၼ်ႉၸမ်း၊-ယွင်ႈယေႃးၵျေးၸူးထႃႇဝရႃႉၽြႃးတႃႉ။ႁဵတ်းပထၼႃႇတီႈၼႃႇမႃႉၸိုဝ်သဵင်မၼ်းၸဝ်ႈတႃႉ။
၈ ၼႄပျႃႉလွင်ႈတၢင်းဢၼ်မၼ်းၸဝ်ႈၸီႇယၢင်ႇႁဵတ်းဝႆႉၸိူဝ်းၼၼ်ႉတီႈၵူၼ်းတင်းလၢႆတႃႉ။
၉ ႁဵတ်းၵႂၢမ်းတီႈမၼ်းၸဝ်ႈတႃႉ။ႁဵတ်းၵႂၢမ်းထေႃးပၼႃႇတီႈမၼ်းၸဝ်ႈတႃႉ။ၶႆႈၸႂ်ဝူၼ်ႉၸႂ်လူၺ်ႈလွင်ႈတၢင်းဢၼ်လီဢၢမ်းမၼ်းၸဝ်ႈၵႃႈမီးၸိူဝ်းၼၼ်ႉတႃႉ။
၁၀ ဢုပ်ႇဝၢဝ်းၼႂ်းၼႂ်းၼႃႇမႃႉၸိုဝ်သဵင်ဢၼ်မူတ်းၸၢင်ႇမၼ်းၸဝ်ႈၼၼ်ႉတႃႉ။ႁႂ်ႈႁူဝ်ၸႂ်ၶဝ်ၸိူဝ်းဢၼ်ႁႃႇဢဝ်ထႃႇဝရႃႉၽြႃးၼၼ်ႉသႂၢင်ႇသိူဝ်းတႃႉ။
၁၁ ထၢမ်ႁႃထႃႇဝရႃႉၽြႃးတင်းတၼ်းၶူဝ်းမၼ်းၸဝ်ႈတႃႉ။
၁၂ ႁႃၼႃႈမၼ်းၸဝ်ႈတႃႇသေႇဢမ်ႇထၢတ်ႇတႃႉ။ၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းဢၼ်လီဢၢမ်းမၼ်းၸဝ်ႈၸီႇယၢင်ႇႁဵတ်းဝႆႉဢိၵ်ႇတင်းလွင်ႈတၢင်းဢၼ်လၢၵ်ႇလၢႆးမၼ်းၸဝ်ႈတင်းပိင်းၺၢပ်ႈဢၼ်ဢွၵ်ႇၵႃႈၼႂ်းသူပ်းမၼ်းၸဝ်ႈၸိူဝ်းၼၼ်ႉတႃႉ။
၁၃ ၸိူဝ်ႉၶိူဝ်းၶႃႈမၼ်းၸဝ်ႈဢိသရေႇလ၊လုၵ်ႈလၢၼ်ယႃႇၵုပ်ႉဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉၶဝ်ဢိူၺ်း၊မၼ်းၸဝ်ႈပဵၼ်ထႃႇဝရႃႉၽြႃးၽြႃးၸဝ်ႈႁဝ်းလႄႈလွင်ႈတၢင်းဢၼ်မၼ်းၸဝ်ႈၸီႇယၢင်ႇတြႃးဝႆႉၸိူဝ်းၼၼ်ႉၸွတ်ႇတူဝ်ႈၵႃႈၼိူဝ်လိၼ်မိူင်းတင်းသဵင်ႈတင်းမူတ်းဢေႃႈ။
၁၄ သူဢွၼ်ၵၼ်ၶုၵ်းၸႂ်လႆႈၶႆႈထူပ်းပတိၺိၼ်ႇတြႃးမၼ်းၸဝ်ႈ၊ၼုၵ်ႈၵပၢတ်ႈဢၼ်မၼ်းၸဝ်ႈသင်ႇလၢတ်ႈတေႃႇထိုင်ႁွတ်ႈသိုပ်ႇမဵဝ်းၵူၼ်းႁဵင်သိုပ်ႇ
၁၅ ပတိၺိၼ်ႇတြႃးဢၼ်ဝႆႉၵႃႈတီႈဢႃႇပႁမ်ႇတၢင်းဢၼ်တိူင်ႇဝႃႈဢၼ်မၼ်းၸဝ်ႈတိူင်ႇဝႃႈတီႈဢိၸၵ်ႉ၊ပတိၺိၼ်ႇတြႃးဢၼ်မၼ်းၸဝ်ႈတႄႇဝႆႉပုၼ်ႈဢၼ်တၵ်း
၁၆ ပဵၼ်ထုင်းၽိင်ႈတြႃးဢၼ်မၼ်ႈမၼ်ႈၶိူင်ႇၶိူင်ႇတီႈယႃႇၵုပ်ႉတင်းပတိၺိၼ်ႇတြႃးဢၼ်ပဵၼ်ၼိၵ်ႉၸႃႉထႃႇဝရႃႉတီႈဢိသရေႇလၼၼ်ႉလႄႈ၊
၁၇ လၢတ်ႈလႄႈဝႃႈ၊-ၵဝ်တၵ်းဢဝ်မိူင်းၶႃႇၼၢၼ်ႇဢၼ်ဝႃႈလိၼ်ဢၼ်သူတၵ်းလႆႈၶၢမ်ႇဢမူၺ်ႇၼၼ်ႉပၼ်တီႈမႂ်းဢေႃႈ၊
၁၈ ဝႃႈၼင်ႇၼႆဝႆႉ၊ၼႂ်းမိူဝ်ႈဢၼ်မဵဝ်းသူၼပ်ႉဢၢၼ်ႇဢမ်ႇၼမ်၊ၵေႇၼႃႇလူင်လၢင်လႄႈ
၁၉ ပဵၼ်ၶႅၵ်ႇယူႇၵႃႈၼႂ်းမိူင်းၼၼ်ႉယူႇတႃႇသေဢမ်ႇထၢတ်ႇတႃႉ။
၂၀ ၶဝ်ၼၼ်ႉလႆႈလႄႇၵႂႃႇလႄႇမႃးဢဝ်တီႈမဵဝ်းၵူၼ်းမဵဝ်းၼိုင်ႈတေႃႇထိုင်ႁွတ်ႈမဵဝ်းၵူၼ်းမဵဝ်းၼိုင်ႈ၊ဢဝ်ၵႃႈတီႈမိူင်းမိူင်းၼိုင်ႈတေႃႇထိုင်ႁွတ်ႈမိူင်းမိူင်းၼိုင်ႈယူႇဢေႃႈ။
၂၁ မၼ်းၸဝ်ႈဢမ်ႇပၼ်ဢၶႂၢင်ႉတီႈၽူႈလႂ်ႁႂ်ႈလႆႈၼိၵ်ႈၸၢၵ်ႈငႅၼ်းသေးၶဝ်။ၵွပ်ႈပိူဝ်ႈၶဝ်ၵေႃႈမၼ်းၸဝ်ႈသင်ႇသွၼ်သုင်းမႃႉတီႈၶုၼ်ႁေႃၶမ်းတင်းလၢႆလႄႈဝႃႈ၊-
၂၂ ယႃႇပေတိူဝ်ႉပေထုၵ်ႇၶဝ်ၸိူဝ်းဢၼ်လႆႈၶၢမ်ႇၽိၵ်ႈသိၵ်ႈတီႈၵဝ်။ယႃႇပေႁဵတ်းဢပျႅတ်ႈတီႈပရေႃးၽႅတ်ႈၵဝ်ၸိူဝ်းၼၼ်ႉ၊ဝႃႈၼင်ႇၼႆဢေႃႈ။
၂၃ လိၼ်မိူင်းတင်းသဵင်ႈတင်းမူတ်းၼႆႉဢိူၺ်း။ႁဵတ်းၵႂၢမ်းတီႈထႃႇဝရႃႉၽြႃးတႃႉ။ဝၼ်းၼိုင်ႈထႅင်ႈဝၼ်းၼိုင်ႈဢဝ်တြႃးတၢင်းဢၼ်မၼ်းၸဝ်ႈၵႄႇသႄႇၶျွတ်ႈဢဝ်ၼၼ်ႉမွၵ်ႇလၢတ်ႈတႃႉ။
၂၄ ၽုၺ်ႇဢွၵ်ႇၼႄပျႃးမုၼ်ၽုင်းမၼ်းၸဝ်ႈၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈလွင်ႈတၢင်းဢၼ်လီဢၢမ်းမၼ်းၸဝ်ႈၸိူဝ်းၼၼ်ႉၵႃႈၼႂ်းမဵဝ်းၵူၼ်းၵူႈမဵဝ်းတႃႉ။
၂၅ လွင်ႈမၼ်းၸမ်းထႃႇဝရႃႉၽြႃးယႂ်ႇမျၢတ်ႈလႄႈပဵၼ်တီႈဢၼ်ထုၵ်ႇလီယွင်ႈယေႃးၼႃႇလူင်လၢင်ဢေႃႈ။
၂၆ ပဵၼ်တီႈဢၼ်လီၵူဝ်လီႁႄၼႃႇသေၽြႃးတင်းသဵင်ႈတင်းလူင်ဢေႃႈ။ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းတင်းသဵင်ႈတင်းလူင်ၼၼ်ႉပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈထႃႇဝရႃႉၽြႃးၸမ်းႁဵတ်းပဵၼႃ်ႉၵၢင်ႁၢဝ်ဢေႃႈ။
၂၇ မုၼ်ၽုင်းဢိၵ်ႇတင်းဢႃႇၼူႉၽေႃႇမီးၵႃႈတီႈၽၢႆႇၼႃႈမၼ်းၸဝ်ႈလႄႈႁႅင်းတၼ်းၶူဝ်းဢိၵ်ႇတင်းတၢင်းဢၼ်သိူဝ်းပျေႃႇမီးၵႃႈတီႈထႃႇၼႃႉမၼ်းၸဝ်ႈဢေႃႈ။
၂၈ ၵူၼ်းၵူႈၸိူဝ်ႉၵူႈမဵဝ်းၶဝ်ဢိူၺ်း။ႁပ်ႉတုင်းဢဝ်တီႈထႃႇဝရႃႉၽြႃးလႄႈဝႃႈၸဝ်ႈႁဝ်းမီးမုၼ်ၽုင်းဢိၵ်ႇတင်းႁႅင်းတၼ်းၶူဝ်းတီႈၶႃႈဢေႃႈ၊ဝႃႈၼင်ႇၼႆတႃႉ။
၂၉ ႁပ်ႉတုင်းဢဝ်တီႈထႃႇဝရႃႉၽြႃးလႄႈဝႃႈၼႃႇမႃႉၸိုဝ်သဵင်ၸဝ်ႈႁဝ်းထိူၵ်ႈၶၢမ်ႇမူၼ်ၽုင်းတီႈၶႃႈဢေႃႈ၊ဝႃႈၼင်ႇၼႆလႄႈပႃးတင်းၶိူင်ႈပုၵ်ႉၸေႃႇမႃးလႄႈၶဝ်ႈၸူးၵႃႈတီႈၽၢႆႇၼႃႈမၼ်းၸဝ်ႈတႃႉ။ဢဝ်တင်းၶိူင်ႈပိူင်ဢၼ်မူတ်းၸၢင်ႇႁၢင်ႈၶိူင်ႈလႄႈၵူဝ်းၵႂၢႆႇထႃႇဝရႃႉၽြႃးတႃႉ။
၃၀ လိၼ်မိူင်းတင်းသဵင်ႈတင်းမူတ်းၼႆႉဢိူၺ်း။သၼ်ႇသၼ်ႇသၢႆသၢႆယူႇၵႃႈတီႈၽၢႆႇၼႃႈမၼ်းၸဝ်ႈတႃႉ။လေႃးၵထၢတ်ႈၼႆႉတႄႇယူႇမၼ်ႈမၼ်ႈၶိူင်ႇၶိူင်ႇထၢၼ်ႈပေႃးဢမ်ႇၼိုင်ဢမ်ႇၶွၼ်းလႆႈဢေႃႈ။ႁႂ်ႈၵၢင်ႁၢဝ်မီးတၢင်းဢၼ်ၸူမ်းသိူဝ်းသေၵမ်းလူၺ်ႈ။
၃၁ လိၼ်မိူင်းၵေႃႈမီးတၢင်းဢၼ်သႂၢင်ႇသိူဝ်းသေၵမ်းလူၺ်ႈ။မွၵ်ႇလၢတ်ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈဝႃႈထႃႇဝရႃႉၽြႃးၼင်ႈႁၢင်ႈၼင်ႈႁေႃယူႇဢေႃႈ၊ဝႃႈၼင်ႇၼႆတႃႉ။
၃၂ ႁႂ်ႈပၢင်ႇလၢႆႇဢိၵ်ႇတင်းတၢင်းဢၼ်မီးတဵမ်ဝႆႉၵႃႈၼႂ်းမၼ်းၼၼ်ႉႁဵတ်းသဵင်လင်ႊသဵင်မေႃးသေၵမ်းလူၺ်ႈ။ပၢင်ႇတူင်ႈၼႃးဢိၵ်ႇတင်းၵႃႈဢၼ်မီးၵႃႈၼႂ်းမၼ်းၵေႃႈႁႂ်သႂၢင်ႇၸႂ်သိူဝ်းၸႂ်သေၵမ်းလူၺ်ႈ။
၃၃ မိူဝ်ႈၼၼ်ႉတူၼ်ႈမႆႉတူၼ်ႈတွၵ်ႇဢၼ်မီးၵႃႈၼႂ်းထိူၼ်ႇၼႂ်းၶိူဝ်းၸိူဝ်းၼၼ်ႉတၵ်းဢွၼ်ၵၼ်ႁဵတ်းၵႂၢမ်းသႂၢင်ႇသႂၢင်ႇသိူဝ်းသိူဝ်းၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။လွင်ႈမၼ်းၸမ်းမၼ်းၸဝ်ႈမႃးႁႂ်ႈလႆႈၸီႇယၢင်ႇတြႃးတီႈလိၼ်မိူင်းၼႆႉဢေႃႈ။
၃၄ ဢွၼ်ၵၼ်ယွင်ႈယေႃးမုၼ်ၵျေးၸူးထႃႇဝရႃႉၽြႃးၵွပ်ႈပိူဝ်ႈဢၼ်မၼ်းၸဝ်ႈမျၢတ်ႈလီလႄႈၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇၼၼ်ႉတႃႉ။
၃၅ ဢွၼ်ၵၼ်ဢွၵ်ႇသူပ်းလႄႈဝႃႈၽြႃးဢၼ်ၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်တီႈၶႃႈဢိူၺ်း။ၶႅၼ်းတေႃႈၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်သေၵမ်းတီႈၶႃႈ။ၶႅၼ်းတေႃႈဢဝ်ၶႃႈၸဝ်ႈႁဝ်းၸူႉၵၼ်တုမ်ၵၼ်လႄႈၵႄႇသႄႇၼုၵ်ႈဢဝ်ဢွၵ်ႇသေၵႃႈၼႂ်းၵူၼ်းတၢင်ႇၸိူဝ်ႉတၢင်ႇမဵဝ်းၸိူဝ်းၼၼ်ႉႁႂ်ႈလႆႈႁပ်ႉတုင်းဢဝ်လႄႈဝႃႈၵျေးၸူးၼႃႇမႃႉၸိုဝ်သဵင်ဢၼ်မူတ်းၸၢင်ႇၸဝ်ႈႁဝ်းၼၼ်ႉယႂ်ႇၼႃႇတီႈၶႃႈဢေႃႈ၊ဝႃႈၼင်ႇၼႆလႄႈဢုပ်ႇဝၢဝ်းၸူမ်းသိူဝ်းၵႃႈၼႂ်းတၢင်းဢၼ်ယွင်ႈယေႃးၸဝ်ႈႁဝ်းၼၼ်ႉသေၵမ်းတီႈၶႃႈ၊ဝႃႈၼင်ႇၼႆတႃႉ။
၃၆ ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးမၢင်ႇၵလႃႇၵူႈၵမႃ်ႇႇသိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ၊ဝႃႈၼင်ႇၼႆလႄႈၵူၼ်းတင်းသဵင်ႈတင်းလူင်ဢွၼ်ၵၼ်ႁပ်ႉတုင်းဢဝ်လႄႈဝႃႈ၊-ဢႃႇမႅၼ်ႇ၊ဝႃႈၼင်ႇၼႆသေလႄႈယွင်ႈယေႃးထႃႇဝရႃႉၽြႃးဢေႃႈ။
၃၇ လွင်ႈၼင်ႇႁိုဝ်တၵ်းႁႂ်ႈၵိုတ်ႈႁၢပ်ႇဢမူႉဢၼ်လီၵိုတ်ႈႁၢပ်ႇၵူႈဝၼ်းၵႃႈတီႈၽၢႆႇၼႃႈတိူၵ်ႈတႃႇၸဝ်ႈတႃႇသေႇၸိုင်၊မၼ်းၶၢၼ်းဢႃႇသပ်ႉတင်းပီႈၼွင်ႉမၼ်းလႂ်၊ဢုဝ်ႇပိတ်ႉဢေႇတုမ်ႇတင်းပီႈၼွင်ႉမၼ်းႁူၵ်းသိပ်းပၢႆပႅတ်ႇၵေႃႉ၊
၃၈ ဢုဝ်ႇပိတ်ႉဢေႇတုမ်ႇလုၵ်ႈၸၢႆးယေႇတုသုၼ်ႇဢိၵ်ႇတင်းႁေႃသမ်ႇဢၼ်ပႂ်ႉၽၵ်းတူၼၼ်ႉၸိူဝ်းၼၼ်ႉၵႃႈတီႈၽၢႆႇၼႃႈတိူၵ်ႈတႃႇပတိၺိၼ်ႇၸဝ်ႈ၊
၃၉ ဢိၵ်ႇတင်းယိတ်ႉပရေႃးႁိၵ်ႈၸႃႇတုၵ်ႉတင်းပီႈၼွင်ႉမၼ်းၸိူဝ်းၼၼ်ႉၵႃႈတီႈၽၢႆႇၼႃႈသုမ်ႉထဵင်ထႃႇဝရႃႉၽြႃးဢၼ်မီးၵႃႈၼိူဝ်ထႃႇၼႃႉဢၼ်သုင်ၵႃႈၼႂ်းဝဵင်းၵိပွင်ႇၼၼ်ႉ၊ႁႂ်ႈလႆႈပုၵ်ႉၸေႃႇယိၸ်ႉဢၼ်တုတ်ႇၽႆးတီႈထႃႇဝရႃႉၽြႃး
၄၀ ၵႃႈၼိူဝ်ယိတ်ႉပလၢင်ႇတီႈဢၼ်တုတ်ႇၾႆးၸွမ်းလူၺ်ႈမိုဝ်ႉဝၼ်းၸႅၼ်ႇတၢမ်းၵၼ်ၶိင်ႇၵၢင်ၼႂ်ပွၵ်ႈၼိုင်ႈၶိင်ႇႁူဝ်ၶမ်ႈပွၵ်ႈၼိုင်ႈလႄႈႁဵတ်းၵႃႈဢၼ်ပႃးတီႈၵျၢမ်းလိၵ်ႈပိင်းၺၢပ်ႈတိထႃႇဝရႃႉၽြႃးဢၼ်မၼ်းၸဝ်ႈဝႆႉပၼ်တီႈမဵဝ်းဢိသရေႇလၼၼ်ႉဢေႃႈ။
၄၁ ႁေႇမၼ်ႇတင်းယေႇတုသုၼ်ႇဢိၵ်ႇလူၺ်ႈၵၼ်တင်းၵူၼ်းတၢင်ႇၵေႃႉဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဢဝ်လႄႈၶဝ်ႈပႃးၼႂ်းၸရၢင်းၸွမ်းလူၺ်ႈၼႃႇမႃႉၸိုဝ်သဵင်ၶဝ်ၼၼ်ႉႁႂ်ႈလႆႈယွင်ႈယေႃးၵျေးၸူးထႃႇဝရႃႉၽြႃးၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇမၼ်ႈၶိူင်ႇၼၼ်ႉဢေႃႈ။
၄၂ ႁေႇမၼ်ႇတင်းယေႇတုသုၼ်ႇဢၼ်ယိပ်းၵမ်ၸႃႉၸဵမ်ၼႄးၶရႃႇ၊သႅင်ႇပုၼ်ႈၶဝ်ၸိူဝ်းဢၼ်တၵ်းႁဵတ်းသဵင်လင်ႊသဵင်မေႃးဢိၵ်ႇတင်းမဵဝ်းတူႇရီႉယႃႇပုၼ်ႈဢၼ်တၵ်းသုင်းသွင်ႇလႄႈႁဵတ်းၵႂၢမ်းၽြႃးပဵၼ်ၸဝ်ႈၼၼ်ႉၸိူဝ်းၼၼ်ႉတင်းလုၵ်ႈၸၢႆးယေႇတုသုၼ်ႇႁႂ်ႈလႆႈပႂ်ႉၽၵ်းတူၼၼ်ႉဢေႃႈ။
၄၃ လိုၼ်းၼၼ်ႉၵူၼ်းတင်းသဵင်ႈတင်းလူင်ဢွၼ်ၵၼ်ၶိုၼ်းမိူဝ်းၵႂႃႇၸူးၵႃႈတီႈႁိူၼ်းတီႈယူႇၶဝ်ႁင်းၽႂ်ႁင်းမၼ်းသေလႄႈတႃႇဝိတ်ႉၵေႃႈမိူဝ်းၵႂႃႇႁႂ်ႈလႆႈပၼ်တၢင်းလီတီႈၵူၼ်းႁၢင်ႈၵူၼ်းႁေႃၸဝ်ႈဢေႃႈ။